Author: صدف ابرار

الیکشن کمیشن آف پاکستان نے عام انتخابات 2024ء میں حصہ لینے والی سیاسی جماعتوں کو انتخابی نشان الاٹ کر دیئے۔پاکستان مسلم لیگ ن کو شیر، پاکستان پیپلزپارٹی پارلیمنٹیرینز کو تیر، پاکستان پیپلز پارٹی کو تلوار، پاکستان تحریک انصاف نظریاتی کو بلے باز، پاکستان تحریک انصاف پارلیمنٹیرینز کو پگڑی، استحکام پاکستان پارٹی کو عقاب، ایم کیو ایم کو موم بتی، متحدہ قومی موومنٹ پاکستان کو پتنگ کا نشان الاٹ کر دیا۔پاکستان مسلم لیگ جناح کو سائیکل کا نشان الاٹ کر دیا گیا۔
اسی طرح جمعیت علمائے اسلام پاکستان کو کتاب، بلوچستان نیشنل پارٹی کو کلہاڑی، جماعت اسلامی پاکستان کو ترازو، تحریک لبیک پاکستان کو کرین اور پاکستان عوامی پارٹی کو انسانی آنکھ کا نشان الاٹ کر دیا گیا۔الیکشن کمیشن نے انتخابی نشان کیلئے سیاسی جماعتوں کی فہرست ریٹرننگ افسران کو ارسال کر دی، انتخابی نشان رکھنے والی سیاسی جماعتوں کی فہرست میں تحریک انصاف شامل نہیں۔الیکشن کمیشن آف پاکستان کی جانب سے ہدایت کی گئی ہے کہ ٹکٹ جمع کرانے والے امیدواروں کو فہرست کے مطابق انتخابی نشان الاٹ کئے جائیں۔

پاکستان مسلم لیگ (ن) کے رہنما جاوید لطیف نے الزم عائد کیا ہے کہ 2017 میں نوازشریف کے خلاف عالمی سازش ہوئی جس میں راحیل شریف، فیض حمید اور قمر جاوید باجوہ سہولت کار تھےنجی ٹی وی کو انٹرویو دیتے ہوئے (ن) لیگی رہنما جاوید لطیف نے کہا کہ نوازشریف نے جب ایٹمی دھماکے کیے تو اس وقت بھی عالمی سازش ہوئی تھی، نوازشریف کو 2017 میں بھی سی پیک لانے کی سزا دی گئی۔ لیول پلیئنگ فیلڈ کے حوالے ایک سوال کے جواب میں جاوید لطیف بولے کہ فیصلہ سازوں سے لیول پلیئنگ فیلڈ مانگ رہے ہیں، ہمارے خلاف فیصلہ کرنے والوں سے لیول پلئنگ فیلڈ مانگ رہے ہیں۔ جاوید لطیف نے کہا کہ بلاول بھٹو گفتگو سے پہلے آصف زرداری سے پوچھ لیا کریں، بلاول کو آصف زرداری سنجیدہ نہیں لیتے تو میں کیسے لوں؟
9 مئی کے حوالے سے بات کرتے ہوئے جاوید لطیف نے کہا کہ 9 مئی کے واقعات کی منصوبہ بندی کرنے والے کون تھے؟ ذمہ داران کا آج تک پتہ نہیں چلا تو ماتم ہی کرسکتا ہوں، ریاست پر حملہ کرنے والوں کو آج تک کٹہرے میں نہیں لایا جاسکا۔ جاوید لطیف کا یہ بھی کہنا تھا کہ قوم انتخابات میں ووٹ کے ذریعے اپنا فیصلہ دے گی، کیا بانی پی ٹی آئی عمران خان نے سپریم کورٹ پر حملہ نہیں کیا تھا کوئی مقدمہ ہوا؟انہوں نے مزید کہا کہ پی ٹی آئی کو انتخابی نشان بھی دیں اور انتخابی مہم بھی چلانے دیں، آئین و قانون اجازت دیتا ہے تو بانی پی ٹی آئی عمران خان کو رہا کریں، قانون ہے کہ انتخابی نشان چھن رہا ہے تو قانون کوغلط نہیں کہہ سکتے۔

ایف بی آر میں بڑے پیمانے پر اصلاحات کے معاملے پر اسپیشل انویسٹمنٹ فیسیلیٹیشن (ایس آئی ایف سی) کونسل کی ہدایت پر ایف بی آر کی تنظیم نو کے لیے 4 رکنی کمیٹی تشکیل دی گئی۔ جس میں سیکرٹری خزانہ، سیکرٹری تجارت، سیکرٹری کابینہ ڈویژن اور چیئرمین ایف بی آر شامل کئے گئے،ذرائع نے بتایا کہ کسٹمز اور ان لینڈ ریونیو کو ایک دوسرے سے الگ کرنے کی تجویز پہلے ہی منظور کی گئی ہے، افسران کے حوالے سے تجاویز اور سفارشات کی تیاری کا عمل شروع کردیا گیا ہے۔ ذرائع وزارت خزانہ کا کہنا ہے کہ کمیٹی ایف بی آر کی تنظیم نو کے حوالے سے سفارشات مرتب کرے گی، کمیٹی کی تیار کی گئی مشترکہ سمری کابینہ اجلاس میں منظوری کے لیے پیش کی جائے گی۔ذرائع کے مطابق نگران حکومت نے نیشنل ٹیکس اتھارٹی کے قیام کی تجویز مؤخر کردی، حکومت نیشنل ٹیکس اتھارٹی کے تحت صوبوں سے سیلز ٹیکس بھی وصول کرنا چاہتی تھی۔وفاق اور صوبوں میں نگراں حکومت ہونے کے باعث ٹیکس اتھارٹی کی تجویز مؤخر کی گئی، صوبوں سے سیلز ٹیکس کی وصولی کے لیے سی سی آئی سے منظوری لینا ضرور

نگراں وزیراعظم انوارالحق کاکڑ نے صدر یو اے ای کو خط لکھ دیا ہے۔پاکستان نے متحدہ عرب امارات (یو اے ای) کو 2 ارب ڈالر کا قرض رول اوور کرنے کی درخواست کی ہے۔پاکستان نے یہ قرض جنوری میں ادا کرنا تھا، اس وقت یو اے ای کی جانب سے مجموعی طور پر 3 ارب ڈالر ڈپازٹ اسٹیٹ بینک میں رکھوائے گئے ہیں، ان میں سے ایک ارب ڈالر 17 جنوری اور ایک ارب ڈالر 23 جنوری کو واپس ہونا ہیں۔
ذرائع وزارت خزانہ کے مطابق یو اے ای کی جانب سے 2 ارب ڈالر کا ڈپازٹ جلد رول اوور ہونے کا امکان ہے.ایک ڈالر پر 3 فیصد اور ایک ارب ڈالر 6.5 فیصد کی شرح سے سود عائد ہے۔وزیراعظم آفس اور وزارت خزانہ مل کر قرض رول اوور کرانے کےلیے بات چیت کر رہے ہیں۔

امیر جماعت اسلامی سراج الحق نے کہا ہے کہ مزید باریوں کے طلب گار سابق کارکردگی کا حساب دیں۔امیر جماعت اسلامی نے کہا کہ آج اسلام آباد بے غیرتوں کا قبرستان ہے، یہ صرف ایک کام کر سکتے ہیں وہ کام ہے کرپشن، اب غریب کی باری ہے، اب کاشتکاروں کی باری ہے، آٹھ فروری کو تمام سرکاری محکموں کی تباہی کا قوم حساب کرے گی، پاکستان پانچ دریاؤں کا ملک ہے لیکن بجلی نہیں ہے۔سراج الحق نے کہا کہ ہم مخلوط نظام تعلیم کا خاتمہ کریں گے، خواتین کے لئے الگ نظام لائیں گے، ہم خواتین کو وراثت میں حصہ دلوائیں گے، ان کے لئے الگ مارکیٹیں بنائیں گے، بڑھاپا الاؤنس دیں گے، کاشتکاروں کو سہولیات دیں گے۔
سراج الحق کا کہنا تھا کہ خاندانی بادشاہتوں کا دور ختم، اب آقا غلام، برہمن شودر کی تقسیم نہیں چلے گی، ایک پاکستان میں دو نظام نہیں ہو سکتے۔انہوں نے کہا کہ عدالتوں میں انصاف نہیں، طاقتور کا کوئی ادارہ احتساب نہیں کر سکتا، حکمرانوں کو کرپشن کے علاوہ اور کوئی کام نہیں آتا۔سراج الحق نے کہا کہ قوم 8 فروری کو جاگیرداروں، وڈیروں، سرمایہ داروں کا یوم احتساب بنا دے، اقتدار میں آ کر ملک میں قرآن و سنت کا نظام نافذ کریں گے۔امیر جماعت اسلامی نے کہا کہ سودی نظام اور کرپشن کے خاتمے کے لیے عوام 8 فروری کو ترازو پر مہر لگائیں۔