Author: صدف ابرار

ادارہ شماریات کی ہفتہ وار رپورٹ کے مطابق حالیہ ہفتے کے دوران مہنگائی میں مزید صفر اعشاریہ تین سات فیصد اضافہ ہو گیا، ہفتہ وار مہنگائی کی مجموعی شرح 43.25 فیصد اضافہ ہوگئی ۔ادارہ شماریات کے مطابق ایک ہفتے میں پیاز 15.21 فیصد، چکن 4.76 فیصد اور دال مونگ کی قیمت میں 2.90 فیصد اضافہ ہوا۔ دال چنا 2.89 فیصد، چینی 1.35 فیصد اور کیلے بھی ایک فیصد مہنگے ہوگئے۔ حالیہ ہفتے دال مسور ، دال ماش اور ایل پی جی سلنڈر بھی مہنگا ہوا، ایک ہفتے میں 15 اشیامہنگی اور 9 سستی ہوئیں ۔
ادارہ شماریات کے مطابق 2023 میں قدرتی گیس کی قیمت 1108.59 فیصد بڑھ گئی،رپورٹ کے مطابق سالانہ بنیادوں پر سگریٹ 93.22 فیصدسرخ مرچ پاوڈر 81.74 فیصد، آٹا 73.81 فیصد، لہسن 70.67 ، ٹماٹر 65.26 فیصد، چاول 58.49 فیصد، چینی 54.25 فیصد اور گڑ 48.12 فیصد مہنگا ہوا۔

پاکستان تحریک انصاف کے رہنما اور سابق ڈپٹی اسپیکر قومی اسمبلی قاسم سوری کے کاغذات نامزدگی پر اعتراضات لگا دیے۔ کاغزات کے جانچ پڑتال کے دوران ریٹرننگ افسر نے قاسم سوری کے کاغذات نامزدگی پر اعتراضات لگا کر التوا کا شکار بنا دئے، پاکستان تحریک انصاف کے رہنما خادم حسین وردگ کا کہنا ہے کہ قاسم سوری پر 9 مئی کے الزامات بے بنیاد ہیں، ان کے کاغذات پر لگائے گئے اعتراضات تحریری طور پر مانگے ہیں۔ خادم حسین وردگ نے کہا کہ9 مئی کے روز قاسم سوری بانی پی ٹی آئی کے ساتھ ہائیکورٹ میں تھے۔
اس سے قبل سابق ڈپٹی اسپیکر قومی اسمبلی قاسم سوری کے گھر پر پولیس نے چھاپہ مارا ہے ،کوئٹہ پولیس نے ہنہ وڑک میں سابق ڈپٹی اسپیکر قومی اسمبلی اور رہنما تحریک انصاف کے گھر پر چھاپہ مارا ہے،سابق ڈپٹی اسپیکر قومی اسمبلی قاسم سوری گھر پر موجود نہیں تھے،کوئٹہ کی مقامی عدالت نے سابق ڈپٹی اسپیکر قومی اسمبلی اور تحریک انصاف کے ناقابل ضمانت وارنٹ جاری کیے تھے، جس کے بعد پولیس نے چھاپہ مارا تا ہم قاسم سوری کو گرفتار نہیں کیا جا سکاواضح رہے کہ قاسم سوری پر نو مئی کے مقدمات درج ہیں اور نو مئی کے بعد وہ روپوش ہو چکے ہیں، قاسم سوری کی گرفتاری کے لئے پہلے بھی کئی بار کوشش کی گئی تا ہم وہ گرفتار نہ ہو سکے،نو مئی واقعہ کےبعد تحریک انصاف کے کئی رہنما پارٹی چھور چکے ہیں تو کئی گرفتاری کے ڈر سے روپوش ہیں، کئی گرفتار ہو چکے ہیں

نگران وزیر اعظم کی جانب سے وفاقی دارالحکومت میں نئے سال کی تمام تقریبات منسوخ کر دی گئیں۔ذرائع کاکہنا ہے کہ گیگا مال اور پارک ویو سٹی سمیت کہیں بھی نیو ائیر نائٹ کا جشن نہیں ہوگا، نگران وزیراعظم کی جانب سے نئے سال کی تقریبات پر پابندی کا اعلان کر دیاگیا۔ذرائع کامزید کہنا ہے کہ فلسطینیوں سے اظہار یکجہتی کیلئے حکومتی اعلان پر عملدرآمد شروع ہو گیا،اسلام آباد انتظامیہ نے تقریبات منسوخی کا نوٹیفیکیشن جاری کر دیا۔

آرمی چیف جنرل عاصم منیر نے کہا ہے کہ ا کہ پاکستان کے بارے میں افواہیں اور منفی باتیں بتائی جا رہی ہیں لیکن آپ کو پتہ ہونا چاہیئے کہ کلمہ کے نام پر 2 ہی ریاستیں قائم ہوئیں، ریاست طیبہ اور ریاست پاکستان، یہ محض اتفاق نہیں ہے۔نیشنل فارمرز کنوینشن سے تاریخی خطاب کرتے ہوئے آرمی چیف جنرل سید عاصم منیر نے کہا کہ زراعت اور مویشی بانی تقریباً ہر نبی کا پیشہ رہا ہے، اس پیشے میں ڈسپلن، تکلیف، نمو اور صبر شامل ہیں، جن کے نتیجے میں بے تحاشہ انعامات ملتے ہیں۔ کہ ہر قسم کے مافیا کی قوم کے ساتھ مل کر سرکوبی کریں گے، سوشل میڈیا پر ہیجان، مایوسی اور افراتفری کا ماحول پیدا کر کے جھوٹی خبروں کے ذریعے یہ تاثر دیا جا رہا ہے کہ جیسے ریاست اپنا وجود کھوتی جا رہی ہے۔جنرل عاصم منیر نے کہ آرمی چیف جنرل عاصم نے یہ بھی کہا کہ گرین پاکستان انیشیٹیو کا مقصد یہی ہے کہ ہمیں سب سے پہلے زراعت پر کام کرنا ہے، گرین پاکستان انیشیٹیو کی آمدن کا بڑا حصہ صوبوں کو جائے گا جبکہ باقی حصہ کسانوں اور زرعی ریسرچ کے لیے رکھا جائے گا۔پاک فوج کے سربراہ کا مزید کہنا تھا کہ پاکستان وسائل سے مالا مال ہے، پاکستان کے پاس گلیشیر، دریا، پہاڑ اور زرخیز زمین ہے، پاکستان میں دنیا کا بہترین چاول، کینو اور آم جیسے پھل، گرینائٹ، سونا، تانبا جیسے خزانے موجود ہیں، 60 کی دہائی میں پاکستان ایشیا کا تیزی سے ترقی کرنے والا ملک تھا لیکن ہم نے قائداعظم کے تین زریں اصولوں – ایمان، اتحاد، تنظیم کو بھلا دیا، جس کی وجہ سے تنزلی کا شکار ہوئے۔
پاک فوج کے سپہ سالار کا مزید کہنا تھا کہ ہر قسم کے مافیا کی قوم کے ساتھ مل کر سرکوبی کریں گے، سوشل میڈیا پر ہیجان، مایوسی اور افراتفری کا ماحول پیدا کیا جارہا ہے، جھوٹی خبروں کے ذریعے یہ تاثر دیا جا رہا ہے کہ جیسے ریاست اپنا وجود کھوتی جا رہی ہے۔انہوں نے کہا کہ فوج کا اِس میں رول صرف عوام اور کسانوں کی خدمت ہے، تمام اضلاع میں زرعی مالز کا انعقاد کیا جائے گا، جہاں کسانوں کو ہر طرح کی زرعی سہولیات میسر ہوں گی، آسان زرعی قرضوں، کولڈ اسٹوریج کی چین اور محفوظ بیج کی فراہمی کو یقینی بنایا جائے گا۔آرمی چیف کے خطاب کے دوران کسان بار بار نعرہ تکبیر اور پاکستان زندآباد کے نعرے لگاتے رہے جبکہ کسان کنونشن کے دوران کسانوں نے پاک فوج زندہ باد کے بھی نعرے لگائے۔

ڈاکٹر فہمیدہ مرزا جی ڈی اے کے ٹکٹ پر قومی اسمبلی میں خواتین کی نشست پر نامزد ہیں ،جی ڈی اے کی ترجیح فہرست میں ڈاکٹر فہمیدہ مرزا کا نام دوسرے نمبر پر ہے،ڈاکٹر فہمیدہ مرزا بدین سے قومی اسمبلی کی نشست پر بھی جی ڈی اے کی امیدوار ہیں۔الیکشن کمیشن نے سابق سپیکر قومی اسمبلی ڈاکٹر فہمیدہ مرزا کو بینک کلیئرنس سرٹیفکیٹ پیش کرنے کیلئے کل شام ساڑھے چار بجے تک مہلت دےدی ،بینک کلیئرنس سرٹیفکیٹ پیش نہ کرنے کی صورت میں کاغذات نامزدگی مسترد ہو جائیں گے ۔پیپلز پارٹی کی سعدیہ جاوید نے ڈاکٹر فہمیدہ مرزا کے کاغذات نامزدگی پر اعتراض کیا تھا ،سعدیہ جاوید کاکہناتھا کہ ڈاکٹر فہمیدہ مرزا بینکوںکی 21 کروڑ کی نادہندہ ہیں۔
پاکستان پیپلز پارٹی کی امیدوار سیدہ یاسمین شاہ کے کاغذات نامزدگی منظوری کا فیصلہ کل تک محفوظ کرلیاگیا،سیدہ یاسمین شاہ سندھ اسمبلی میں خواتین کی نشست پر نامزد ہے ،یاسمین شاہ جعلی ڈگری کیس میں نا اہل ہوئی تھی ،سیدہ یاسمین شاہ کو 2018 میں نااہل قرار دیا تھا ،یاسمین شاہ جعلی ڈگری کیس میں جیل بھی بھگت چکی ہیں۔