Author: صدف ابرار

الیکشن کمیشن نے کاغذات نامزدگی پر اعتراضات کیلئے ٹربیونل تشکیل دے دیے گئے۔ الیکشن کمیشن نے ٹربیونل ججز کا نوٹیفکیشن جاری کردیا۔ الیکشن ٹربیونلز 3 تا 10جنوری اعتراضات سنیں گے۔ پشاورہائیکورٹ کے 5 ججز اعتراضات سنیں گے۔ لاہور ہائیکورٹ کے 9 ججز ٹربیونل میں سماعت کریں گے۔جن میں جسٹس فیصل زمان خان پنجاب سے قومی اسمبلی کی خواتین کی مخصوص نشستوں کے اعتراضات سنیں گے، جسٹس فیصل زمان خان پنجاب سے صوبائی اسمبلی کی خواتین اور اقلیتوں کی مخصوص نشستوں کے اعتراضات سنیں گے۔جسٹس اسجد جاوید گھرال فیصل آباد اور سرگودھا ڈویژنز سے قومی و صوبائی اسمبلی کی تمام قومی و صوبائی جنرل نشستوں کے اعتراضات سنیں گے، جسٹس رسال حسن سید لاہور ڈویژنز اور ضلع اوکاڑہ کی تمام قومی و صوبائی جنرل نشستوں کے اعتراضات سنیں گے۔
جسٹس سردار محمد سرفراز ڈوگر ضلع پاکپتن، ساہیوال اور ضلع لودھراں کے علاوہ ملتان ڈویژنز کی تمام قومی و صوبائی جنرل نشستوں کے اعتراضات سنیں گے، جسٹس علی ضیاء باجوہ ضلع بھکر اور ڈی جی خان ڈویژنز کی تمام قومی و صوبائی جنرل نشستوں کے اعتراضات سنیں گے۔جسٹس راحیل کامران شیخ گوجرانوالہ اور گجرات ڈویژنز کی تمام قومی و صوبائی جنرل نشستوں کے اعتراضات سنیں گے، جسٹس سلطان تنویر احمد بہاولپور ڈویژنز اور ضلع لودھراں کی تمام قومی و صوبائی جنرل نشستوں کے اعتراضات سنیں گے۔
جسٹس جواد حسن ضلع اٹک، مری اور راولپنڈی کی تمام قومی و صوبائی جنرل نشستوں کے اعتراضات سنیں گے، جسٹس چودھری عبدالعزیز ضلع چکوال، تلہ گنگ، جہلم، میانوالی اور تحصیل سرائے عالمگیر کی تمام قومی و صوبائی جنرل نشستوں کے اعتراضات سنیں گے۔اسلام آباد اور بلوچستان ہائیکورٹ کے 2 ججز اعتراضات سنیں گے جبکہ سندھ ہائیکورٹ کے 6 ججزاعتراضات سنیں گے۔یاد رہے کہ ملک میں الیکشن 2024 کی گہما گہمی جاری ہے، عام انتخابات کے لیے کاغذات نامزدگی جمع کرانے کا آج آخری روز تھا۔25 دسمبر سے کاغذات نامزدگی کی اسکروٹنی کا عمل شروع ہوگا جو 31 دسمبر تک جاری رہے گا۔

الیکشن کمیشن نے تحریک انصاف کے بلے کا نشان لے کر بہت غلط فیصلہ کیا، کیونکہ اس سے تحریک انصاف کو اس کا بہت بڑا نقصان ہوگا۔ نجی ٹی وی کے پروگرام میں بات کرتے ہوئے سپریم کورٹ بار کے سابق صدر عابد زبیری کا کہنا تھا تحریک انصاف پشاور ہائی کورٹ اس لئے جارہی ہے، انہیں شاید اسلام آباد ہائی کورٹ سے اتنی امید نہیں، سپریم کورٹ نے سائفر کیس میں شاہ محمود اور بانی چیئرمین کی ضمانت منظور کی، بینچ میں شامل جج جسٹس منصور شاہ نے ریمارکس دیے کہ ہائی کورٹ کا فیصلہ قانونی طور پر ہی غلط تھا، اس کا مطلب اسلام آباد ہائی کورٹ ہر فیصلہ خلاف کررہا ہے انہوں نے کہا کہ بلے کا نشان نہ ملنے سے تحریک انصاف کو بہت فرق پڑے گا، مسلم لیگ کو بھی سینیٹ کے الیکشن میں بہت نقصان ہوا تھا اور ان کے امیدوار آزاد امیدوار کے طور پر لڑے تھے۔ عابد زبیری نے کہا کہ پیپلزپارٹی سے تلوار کا نشان چھین لیا گیا تھا، جس کے بعد انہیں تیر کا نشان ملا، اور یہ عام انتخابات ہیں یہ کوئی سینیٹ کے یا ضمنی الیکشن نہیں، ان انتخابات میں اگر کسی سیاسی جماعت کا انتخابی نشان ہی چھین لیا جائے جو ان کی پہنچان ہو تو بہت فرق پڑتا ہے، کیوں کہ پاکستان میں لوگ نشان دیکھ کر ووٹ کاسٹ کرتے ہیں، اور ویسے بھی تحریک انصاف میں اس وقت کوئی معروف سیاستدان نہیں جسے پہنچان کر عوام اسے ووٹ دیں گے، الیکشن کمیشن نے تحریک انصاف کے بلے کا نشان لے کر بہت غلط فیصلہ کیا۔
سابق صدر سپریم کورٹ بار نے کہا کہ گزشتہ روز الیکشن کمیشن نے سپریم کورٹ میں حلفیہ بیان دیا تھا کہ ہم سب سیاسی جماعتوں کو لیول پلیئنگ فلیڈ دیں گے، مٰیں نے بیرسٹر گوہر سے کہا تھا کہ آپ کون سے لیول فیلڈ پلیئنگ کی بات کررہے ہیں آپ کے پاس تو فیلڈ ہی موجود نہیں ہے۔

خواتین کی مخصوص نشستوں کے معاملہ پر سیاسی جماعتوں نے اپنی ترجیحی لسٹیں الیکشن کمیشن آف پاکستان کو جمع کرادیں۔ مسلم لیگ ن نے بھی تر جیحی لسٹ الیکشن کمیشن میں جمع کرادی، ن لیگ کی جانب سے طاہرہ اورنگزیب، شائستہ پرویز، مریم اونگزیب، نزہت صادق کا نام مخصوص نشستوں کے لئے دیا گیا ہے، مسرت آصف خواجہ، سیما جیلانی، شزا خواجہ، رومینہ خورشید عالم، وجیہہ قمر، زیب جعفر کے نام بھی ترجیحی لسٹ میں شامل ہیں۔پیپلزپارٹی نے پنجاب سے قومی اسمبلی کی مخصوص نشستوں پر حنا ربانی کھر کو پہلے نمبر پر قرار دیدیا، ترجیجی لسٹ میں نمبر دو پر ثمینہ خالد گھرکی، نمبر تین پرنتاشہ دولتانہ ہوں گی، نمبر چار پر نیلم جبار، نمبر پانچ پر شگفتہ چودھری اور سیدہ سمنہ رضا کا نام بھی ترجیحی لسٹ میں دیدیا۔کرن ڈار، انوشہ رحمان خان، زہرہ ودود فاطمی، آسیہ ناز تنولی، صبا صادق، فرح ناز اکبر، شہناز سلیم کے نام بھی ترجیحی فہرست میں شامل ہیں جبکہ منیہ اقبال، عفت نعیم، ثمین اختر نیازی کا نام بھی مخصوص نشستوں پر دیا گیا ہے۔استحکام پاکستان پارٹی نے بھی اپنی لسٹ جمع کرا دی، آئی پی پی نے منزہ حسن، فردوس عاشق اعوان اور آسیہ عظیم کے نام ترجیحی لسٹ میں دیدیئے۔

الیکشن کمیشن نے سیاسی جماعتوں کی انتخابی نشانات والی فہرست ویب سائٹ سے ہٹا دی، تیرہ جنوری کو امیدواروں کو انتخابی نشانات الاٹ کیے جائیں گے۔ذرائع کے مطابق الیکشن کمیشن کی جانب سے سیاسی جماعتوں کے انتخابی نشانات کے حوالے سے کام کیا جارہا ہے۔اس حوالے سے ذرائع نے مزید بتایا کہ 13 جنوری کو امیدواروں کو انتخابی نشان الاٹ کردیے جائیں گے، اور کام مکمل ہونے کے بعد سیاسی جماعتوں کے انتخابی نشانات والی فہرست ویب سائٹ پر اپ ڈیٹ کردی جائے گی۔
یاد رہے کہ ملک میں الیکشن 2024 کی گہما گہمی جاری ہے، عام انتخابات کے لیے کاغذات نامزدگی جمع کرانے کا آج آخری روز تھا۔ 25 دسمبر سے کاغذات نامزدگی کی اسکروٹنی کا عمل شروع ہوگا جو 31 دسمبر تک جاری رہے گا۔ دوسری جانب الیکشن کمیشن آف پاکستان نے عام انتخابات کیلئے تمام سیاسی جماعتوں اور آزاد امیدواروں کیلئے بینرز چھاپنے کی ہدایات جاری کردیں۔الیکشن کمیشن ہدایت نامہ کے مطابق مقررہ سائز سے بڑے پوسٹرز، پمفلٹ یا بینرز کی اجازت نہیں ہوگی پوسٹرز کی لمبائی 18 انچ اور چوڑائی 23 انچ سے زیادہ نہ ہو، ہینڈ بل، پمفلٹ اور کتابچے 9 انچ لمبے اور 6 انچ چوڑے ہوسکتے ہیں،بینرز 3 فٹ لمبا اور 9 انچ سے زیادہ بڑا نہیں ہونا چاہئےپورٹریٹ تصویر 2 فٹ لمبی اور 3 فٹ چوڑی ہوسکتی ہے۔ہر اشتہاری مواد پر پبلشر کا نام اور پتہ لکھنا لازم ہےقرآنی آیات سمیت مذہبی مواد کی طباعت غیرقانونی ہےہورڈنگز، بل بورڈز،وال چاکنگ اور پینافلیکس پر مکمل پابندی ہوگی الیکشن مہم میں سرکاری اہلکار کی تصویر لگانا غیر قانونی ہوگی خلاف ورزی پر امیدواروں کے ساتھ پبلشر کیخلاف بھی کارروائی ہوگی۔