Author: صدف ابرار

حکومت کی جانب سے بجلی مزید مہنگی کی گئی فی یونٹ 3روپے 5پیسے مہنگی کردی گئی۔نیپرا نے نوٹیفکیشن بھی جاری کردیا ۔نیپرا کے نوٹیفکیشن کے مطابق بجلی اکتوبر کی فیول پرائس ایڈجسٹمنٹ کی مد میں مہنگی کی گئی ۔بجلی کی قیمت میں اضافہ دسمبر کے بجلی بلوں میں وصول کیا جائے گا ۔لائف لائن صارفین اور کے الیکٹرک صارفین پراطلاق نہیں ہوگا ۔نیپرا نوٹی فکیشن میں کہا گیا ہے کہ اکتوبر میں نو ارب پچیس کروڑ یونٹ بجلی پیدا کی گئی، جو ریفرنس سے کم ہے۔ اکتوبر کے فیول کاسٹ ایڈجسمنٹ میں 3 روپے سے ذائد فی یونٹ پیسے بقایا جات کی مد میں شامل کیے گئے ہیں۔

صدر مملکت ڈاکٹر عارف علوی نے کہا ہے کہ خواتین کو ہراساں کرنے والا ماحول اور رویے بدلنے ہوں گے۔کیونکہ خواتین معاشرے کا اہم حصہ ہے وفاقی محتسب برائے انسداد ہراسیت کے زیر اہتمام تقریب کا انعقاد کیا گیا جس میں خاتون اول بیگم ثمینہ علوی، وفاقی محتسب انسداد ہراسیت فوزیہ وقار، ڈپٹی گورنر اسٹیٹ بینک سلیم اللہ، مختلف ممالک کے سفارتکاروں اور انسانی حقوق کی تنظیموں کے نمائندے شریک ہوئے۔ تقریب سے خطاب میں ڈاکٹر عارف علوی نے خواتین کو ہراسیت سے پاک ماحول فراہم کرنے لئے اجتماعی کاوشوں کی ضرورت پر زور دیا، انھوں نے کہا کہ عوامی مقامات، دوران ڈرائیونگ اور گھروں میں بھی ساز گار ماحول یقینی بنانا ہوگا۔
ان کا کہنا تھا کہ اگر مغرب کے ساتھ موازنہ کریں تو ہم خواتین کا وہ کھویا ہوا مقام حاصل کرنے کے لئے کوشاں ہیں جو 1400سال پہلے قرآن و سنت نے خواتین کو دیا تھا۔صدر مملکت نے مزید کہا کہ مغربی معاشرے میں بہت بعد میں خواتین کے حقوق کی بات ہوئی ہے، 1400سال پہلے حضورﷺ اور قرآن پاک نے خواتین کے حقوق بتا دیے تھے۔صدر مملکت نے کہا کہ مولانا محمد علی جوہر اور شوکت علی کی والدہ، اماں بی کا کردار دیکھیں یا قائداعظم محمد علی جناح کا رتی جناح کو ساتھ لیکر چلنے کا کردار دیکھیں، قیام پاکستان کے بعد محترمہ فاطمہ جناح اور پاکستان کی سیاست میں بے نظیر بھٹو جیسی خواتین کا کردار بھی نمایاں نظر آتا ہے، پاکستان کے اندر ارتقائی عمل جاری ہے، وقت کے ساتھ ساتھ خواتین کا مقام بلند ہوتا چلا آیا ہے۔

جے یو آئی کے سربراہ مولانا فضل الرحمان نے کہا کہ دو صوبوں کو ایک بار پھر دہشت گردی نے اپنے لپیٹ میں لے لیا،ایسے حا لات میں کیا الیکشن ہو پائے گے؟
جے یو آئی کے سربراہ مولانا فضل الرحمان نے میڈیا سے گفتگو کرتے ہوئے کہا کہ انتخابات میں ہر وقت جانے کو تیار ہیں، انتخابات میں برابر کا ماحول دیا جائے، ایک پارٹی میں چالیس لوگوں کو بلا کرالیکشن کروا دیا گیا، اس پارٹی میں ہوا بھری گئی تھی جو ختم ہوگئی۔ سربراہ جے یو آئی مولانا فضل الرحمان کا کہنا تھا کہ وفاق المدارس کے اجلاس میں شرکت کے بعد میڈیا سے بات کرتے ہوئے بولے کہ کل کنونشن سینٹرمیں بڑا اجتماع ہوگا، مدارس کے نظام میں رکاوٹیں دور ہونی چاہئے، اور ان کی رجسٹریشن کیلئے قانون ہونی چاہئے۔ مولانا فضل الرحمان کا کہنا تھا کہ انتخابات میں ہر وقت جانے کیلئے تیار ہیں، لیکن انتخابات کیلئے ماحول فراہم کرنا چاہئے، دو صوبے اس وقت دہشت گردی کے لپیٹ میں ہیں، ہمارے کارکنان شہید ہورہے ہیں، ڈیرہ اسماعیل خان، ٹانک اورلکی مروت میں کوئی پولیس نہیں، رات میں پولیس نہیں ہوتی سارےعلاقےمسلح لوگوں کے ہاتھ میں ہوتے ہیں، اس بدامنی کی صورتحال میں کیا انتخابات ہوسکتے ہیں۔
مولانا فضل الرحمان کا کہنا تھا کہ مسلم لیگ ن کے ساتھ ہم نے تحریک مل کر چلائی ہے، اور ان کے ساتھ آئندہ بھی تعلق برقرار رکھنا چاہتے ہیں، ہم ن لیگ کے ساتھ سیٹ ایڈجسٹمنٹ کریں گے، ان سے انتخابی اتحاد ہو گیا ہے۔مولانا فضل الرحمان نے کہا کہ دو صوبے بدامنی کی لپیٹ میں ہیں، کیا ایسے ماحول میں انتخابی مہم چلائی جا سکے گی، پشاورمیں بھی واقعات ہوئے ہیں، ڈیرہ اسماعیل خان، ٹانک، لکی مروت میں بھی واقعات ہوئے، کیا ان سارے واقعات میں الیکشن کرائے جا سکتے ہیں، ٹھنڈ اس کےعلاوہ ہوگی۔سربراہ جے یو آئی نے کہا کہ پی ٹی آئی پارٹی نہیں، ان کے انٹراپارٹی الیکشن سے پتہ چل گیا، یہ ایک غبارہ تھا جس میں ہوا ڈالی گئی تھی، اب پی ٹی آئی کے غبارے سے ہوا نکل گئی ہے۔جے یو آئی کے سربراہ نے کہا کہ مسلم لیگ (ن) کیساتھ انتخابی ایڈجسٹمنٹ کریں گے، مسلم لیگ (ن) سے انتخابی اتحاد ہوگیا ہے، جولوگ وفاداریاں تبدیل کررہے ہیں ان لوگوں کو زبردستی پی ٹی آئی میں لایا گیا تھا۔

سابق وزیراعظم اور اسپیکر قومی اسمبلی راجا پرویز اشرف نے کہا ہے کہ تمام سیاسی جماعتوں کو لیول پلیئنگ فیلڈ دینا ہوگی۔ اسلام آباد سے جاری بیان میں راجا پرویز اشرف نے کہا کہ ن لیگ کی طرف سے اشاروں کنایوں میں کی جانے والی باتیں مناسب نہیں۔ہمارے ملک میں شفاف الیکشن ہونا ضروری ہیں، شفاف الیکشن سے بننے والی حکومت ہی مسائل حل کرسکتی ہے۔راجہ پرویزاشرف نے کہا کہ ہر حلقے کا امیدوار جیتنے کا دعویٰ کرتا ہے، ملک کے قومی اداروں کے خلاف کسی کا بیان سامنے نہیں آنا چاہئے، الیکشن کمیشن نے ہر حال میں خود کو غیر جانبدار رکھنا ہے، سب کو لیول پلیئنگ فیلڈ دینا چاہئے۔اسپیکر قومی اسمبلی نے کہا کہ الیکشن کوئی آسان بات نہیں، ان دنوں میں ہر چیز رک جاتی ہے، عوام باشعور ہیں، ہمیں اپنے ووٹر پر اعتماد کرنا چاہئے، الیکشن کے سوا کوئی چارہ نہیں ہے، میں نے اپنی حد تک بطور سپیکر قومی سمبلی غیر جانبداری دکھائی، اس وقت رانا فاروق سعید قائم مقام صدر وسطی پنجاب ہیں اور میری کمی پوری کر رہے ہیں۔ انہوں نے کہا کہ خواہش اور درخواست ہے کہ یہ الیکشن متنازع نہ ہوں، تمام سیاسی جماعتوں کو لیول پلیئنگ فیلڈ دینا ہو گی۔اسپیکر قومی اسمبلی نے مزید کہا کہ الیکشن کمیشن لیول پلیئنگ فیلڈ کی بات پر توجہ دے، مجھے کوئی ابہام نہیں 8 فروری کو الیکشن ہونے چاہئیں۔ان کا یہ بھی کہنا تھا کہ کسی کو زبردستی روکا جا رہا ہے وہ عدالتوں میں جائے۔

فیڈرل بورڈ آف ریونیو (ایف بی آر) نے 7 لاکھ سے زیادہ نان فائلرز کو نوٹسز جاری کردیے۔ ذرائع کا کہنا ہے کہ ٹیکس گوشوارے جمع نہ کروانے والوں کو نوٹس انٹرنیشنل مانیٹری فنڈ (آئی ایم ایف) کی رہنمائی کے بعد جاری کیے گئے۔ ٹیکس گوشوارے جمع نہ کروانے والوں سے کہا گیا کہ فوری طور پر گوشوارے جمع کروائیں نان فائلرز کو نوٹس بینکوں اور بجلی بلوں کے مطابق جانچ کر کے بھجوائے گئے۔نوٹسز کے بعد ٹیکس جمع نہ کروانے والوں کی موبائل فون سم بلاک کی جائے گی۔ دوسرے مرحلے میں ٹیکس نادہندگان کے بجلی کے کنکشنز منقطع کردیے جائیں گے۔ایف بی آر نے اس سال 10 لاکھ سے زائد نئے افراد کو ٹیکس نیٹ میں لانے کا ہدف رکھا ہے۔

ہم فلسطین کے بہادر عوام کو خراج تحسین پیش کرتے ہیں، نگران وزیر تجارت و صنعت گوہر اعجاز نے ترکیہ میں او آئی سی بین الوزارتی اجلاس سے خطاب کرتے ہوئے کہا کہ عالمی برادری انسانیت کیخلاف سب سے بڑے مظالم کو دیکھ رہی ہے۔ اس موقع پر ان کا مزید کہنا تھا کہ پاکستان نے ہمیشہ فلسطین کے دو ریاستی حل کے مؤقف کی تائید کی ہے، بین الاقوامی برادری فلسطین میں مستقل سیز فائر کیلئے اپنا کردار ادا کرے۔ وفاقی وزیر کا مزید کہنا تھا کہ پاکستان او آئی سی ممالک کے ساتھ مضبوط معاشی تعلقات کیلئے کوشاں ہے جبکہ پاکستان وسطی ایشیائی ممالک، مشرق وسطیٰ اور سعودی عرب کیلئے تجارتی گیٹ وے بھی ہے۔ انہوں نے اپنے خطاب کے دوران مزید کہا کہ پاکستان خلیجی ممالک کے ساتھ آزادانہ تجارتی معاہدے کی کوشش کررہا ہے جبکہ وسطی ایشیائی ممالک کے ساتھ ٹرانزٹ ٹریڈ معاہدے کے اقدامات بھی کررہا ہے۔ انہوں نے مزید کہا کہ پاکستان نے نیشنل الیکٹرانک کامرس پالیسی پر عملدرآمد شروع کردیا ہے۔

اسلام آباد ہائیکورٹ نے غلط خبر نشر کرنے پر نجی چینل کو سینئر صحافی عاصمہ شیرازی سے معافی مانگنے کاحکم جاری کر دیا، اسلام آباد ہائیکورٹ کے جسٹس محسن اختر کیانی نے 14 صفحات پر مبنی فیصلہ تحریر کیا ہے۔ فیصلے کے متن کے مطابق پیمرا قانون کے تحت چینلز کی ذمہ داری ہے کہ خبر کو درست انداز میں نشر کیا جائے اور پیمرا قانون کے مطابق کسی کے خلاف غلط، ہراسانی پر مبنی، ہتک آمیزخبرنہیں چلائی جاسکتی۔فیصلے میں کہا گیا ہے کہ عاصمہ شیرازی چاہیں تو نجی چینل پر ہتک عزت کا دعویٰ بھی دائر کر سکتی ہیں، نجی چینل نے سپریم کورٹ کی خبر کے ساتھ غلط طور پر عاصمہ شیرازی کی تصویر بار بار نشرکی۔اسلام آباد ہائیکورٹ نے حکم دیا کہ سینیئرصحافی عاصمہ شیرازی سے متعلق غلط خبر نشر کرنے پر نجی چینل معافی نامہ نشر کرے اور عاصمہ شیرازی کو 50 ہزار جرمانہ ادا کرے۔

Thanks to Almighty: 🤲
Breaking: In my CMA to Islamabad High Court Asma Shirazi VS PEMRA Council of Complaints IHC's Justice Mohsin Akhtar Kayani passed an order in my favour and ordered ARY to broadcast an apology for their actions against me back in 2022 alongside paying… pic.twitter.com/8BJMcRPCp3

— Asma Shirazi (@asmashirazi) December 4, 2023

دوسری جانب صحافی عاصمہ شیرازی نے اپنے حق میں آئے اسلام آباد ہائی کورٹ کے فیصلے پر تبصرے میں کہا ہے کہ یہ فیصلہ نہ صرف میرے لیے بلکہ ان تمام صحافیوں کے لیے تاریخی ہے جنہیں آن لائن اور نجی ٹی وی چینل جیسے مین اسٹریم میڈیا پر ہراسانی کا سامنا کرنا پڑا۔خیال رہے کہ نجی ٹی وی چینل نے عاصمہ شیرازی کے خلاف دو روز تک غلط خبر ان کی تصاویر کے ساتھ نشر کی تھی۔نجی ٹی وی چینل نے عمران میر اور شفقت عمران کی ایف آئی اے کی جانب سے گرفتاری پر از خود نوٹس کیس میں سپریم کورٹ کے ریمارکس کو توڑ مروڑ کر عاصمہ شیرازی سے جوڑ کر بار بار چلایا تھا۔