پاکستان کرکٹ بورڈ (پی سی بی) نے ایک بار پھر اس بات کو یقینی بنایا ہے کہ قومی ٹیم کے کپتان بابر اعظم سنٹرل کنٹریکٹ کے بارے میں پراعتماد ہیں۔ قومی کرکٹ کھلاڑیوں کے نئے سینٹرل کنٹریکٹ کا معاہدہ طے پا گیا۔ جسکا جلد ہی اعلان کیا جائے گا۔حال ہی میں پاکستان کرکٹ بورڈ کے ڈائریکٹر انٹرنیشنل عثمان واہلہ نے سری لنکا میں کپتان بابر اعظم سے ملاقات کی۔ اس ملاقات کے دوران بابر اعظم نے ان پر اپنے اعتماد کا اظہار کیا۔ذرائع کے مطابق تمام مالیاتی اختلافات طے پا گئے ہیں۔ تاہم، اسپانسر شپ ڈیل سے متعلق معاملہ ابھی بھی زیر التوا ہے۔ بورڈ نے ایک اصول طے کیا ہے کہ کوئی بھی جو اپنے اسپانسرز کے ساتھ متصادم ہو سکتا ہے وہ کسی سیریز کے لیے اپنی اسپانسر شپ ڈیل نہیں کر سکتا۔ مثال کے طور پر، اگر ایک بینک سیریز کا مرکزی اسپانسر ہے، تو کھلاڑی کسی دوسرے بینک کے ساتھ معاہدہ نہیں کر سکتے۔کھلاڑیوں نے اس پر تحفظات کا اظہار کیا تھا جس کی وجہ سے معاہدے کا اعلان موخر کیا گیا۔ اب اس مسئلے کو حل کرنے کے لیے ایک تجویز پیش کی گئی ہے۔ یہ تجویز کرتا ہے کہ اگر مرکزی اسپانسر کے علاوہ کوئی اور کمپنی ہے تو کھلاڑی اجازت کے ساتھ اپنے سودے کر سکتے ہیں۔ اگرچہ کھلاڑیوں نے ابھی تک کوئی جواب نہیں دیا ہے، لیکن امکان ہے کہ وہ مثبت پیش رفت ہوگی،یاد رہے کہ پی سی بی نے کھلاڑیوں کی ماہانہ ریٹینر شپ میں دوگنا اضافہ کر دیا ہے۔
بابر اعظم، محمد رضوان اور شاہین شاہ آفریدی جیسے اے کیٹیگری کے کھلاڑیوں کو ماہانہ 45 لاکھ روپے کمانے کا موقع ملے گا، جس سے وہ ایک غیر ملکی لیگ میں بھی حصہ لے سکیں گے۔ بی کیٹیگری کے کھلاڑیوں کو 30 لاکھ روپے تک ملیں گے، اور وہ سال میں دو غیر ملکی لیگز میں کھیل سکتے ہیں۔ سی کیٹیگری کے کھلاڑیوں کو تین ایونٹس کے لیے این او سی ملے گا۔
حال ہی میں انتظامی کمیٹی کے سربراہ ذکاء اشرف نے لاہور میں میڈیا سے گفتگو کرتے ہوئے کہا کہ کھلاڑیوں کی ریٹینرشپ دوگنی کر دی گئی ہے۔ ذرائع نے بتایا کہ معاہدوں میں تاخیر ہوئی کیونکہ کھلاڑی بیرون ملک لیگز میں حصہ لے رہے تھے۔ امکان ہے کہ نئے معاہدے کی تفصیلات جلد ہی منظر عام پر آ جائیں گی۔
Author: صدف ابرار
-
پی سی بی نے سنٹرل کنٹریکٹ پر بابر اعظم کو اعتماد میں لے لیا۔
-
پشاور،پی ٹی آئی سابق صوبائی وزیر عمران خان کے حوالے سے بیان دیتے ہوئے جذباتی ہو گئے
سابق صوبائی پی ٹی آئی وزیر عاطف خان کی جانب سے عمران خان کے ساتھ جیل میں ہونے والے رویے کو نامناسب قرار دیا ہے،عاطف خان کا کہنا ہے کہ عمران خان کو نی تو اپنے وکلاء اور ڈاکٹرز سے ملنے کی اجازت دی جارہی ہے نہ گھر سے کوئی ان سے مل سکتا ہے ان خیالات کا اظہار عاطف خان نے ایک ویڈیو پیغام میں کیا انہوں نے کہا کہ عمران خان نے قران مجید مانگا تھا جو انکو کو اب تک مہیا نہیں کیا گیا،سابق وزیر نے ملک کے عدالتی نظام سے اپیل لی ہے کہ عمران خان کو قانون کے مطابق جن چیزوں کے استعمال کرنے کی اجازت ہے وہ انکو دی جائے ،انہوں نے کہا کہ عمران خان نے کوئی ناجائز مطالبہ نہیں کیا،بلکہ عدالت کی طرف سے جن سہولیات کی اجازت ہے وہی استعمال کرنے سے محروم ہے،
-
پشاور،اسلامیہ کالج شدید مالی بحران کا شکار
اسلامیہ کالج پشاور مالی بحران کا شکار ہے اور اتنظامیہ نے اخراجات پورے کرنے کے لئے کالج میں لگے شیشم اور شہتوت کے قیمتی درخت فروخت کے لئے کاٹ دیئے ہیں۔ آج نیوز کے مطابق اسلامیہ کالج پشاور ان دنوں شدید مالی بحران کا شکار ہے، اور کالج انتظامیہ نے اخراجات پورے کرنے کے لئے کالج میں لگے 79 قیمتی درخت کاٹ دیئے ہیں۔انتظامیہ نے 79 درختوں کی نیلامی کیلیے اخبارات میں اشتہار بھی شائع کروادیئے ہیں، نیلامی میں 53 درخت شیشم اور 23 درخت شہتوت کے شامل کئے گئے ہیں۔
-
پشاور،تھانہ مچنی میں مبینہ طور پر ایک شحص کی ہلاکت
پشاور تھانہ مچنی گیٹ کی حوالات میں زیر حراست ایک شخص دم توڑ گیاہے متوفی کے لواحقین نے الزام لگایا ہے کہ نور نبی شاہ کی موت پولیس کی بربریت سے ہوئی، مقتول کے ورثاء کے مطابق نور نبی شاہ کے جسم پر جگہ جگہ تشدد کے نشانات ہیں۔ . پولیس کے مطابق نور نبی شاہ کو طبی امداد کے لیے لیڈی ریڈنگ اسپتال لے جایا گیا تاہم وہ راستے میں ہی دم توڑ گیا، اس کے لواحقین کا کہنا ہے کہ اسے قتل کیا گیا اور اس کے قتل میں ملوث پولیس اہلکاروں کو سخت سے سخت سزا دی جائے۔
-
مردان،پولیس کی کاروائی منشیات فروش گرفتار،2 کلو چرس برآمد
تھانہ کاٹلنگ پولیس نے 02 منشیات فروش حراست میں لے کر 02 کلوگرام سے زائد چرس برآمد کر لیا، تھانہ کاٹلنگ پولیس نے ایس ڈی پی او کاٹلنگ سرکل بشیر احمد یوسفزئی کی نگرانی ایس ایچ او مدثر خان کی قیادت میں منشیات فروشوں کے خلاف کاروائی کرتے ہوئے 02 منشیات فروش عبداللہ ولد اسرار گل ساکن کاٹلنگ خوڑ اور عارف ولد ممریز ساکن غونڈو حاجی آباد کو گرفتار کر لئے ۔
گرفتار منشیات فروشوں سے مجموعی طور پر 02 کلو گرام سے زائد چرس برآمد ہو کر انکے خلاف تھانہ کاٹلنگ میں مقدمہ درج کر کیا گیا ۔ -
ایک اور غیرملکی خاتون محبت کے ہاتھوں مجبور،شادی کے لئے لوئر دیر پہنچ گئی
54 سالہ امریکن خاتون اپنے محبوب پروفیسر ڈاکٹر عباس سکنہ اسنبڑ دیرلوئر سے شادی کرنے کیلئے پاکستان پہنچ گئی۔ ٹی این این کے مطابق ڈی ایس پی چکدرہ بخت جمال کے مطابق پندرہ اگست کو آنے والی امریکن خاتون کو این اوسی نہ ملنے کی وجہ سے دیرلویر میں داخل ہونے کی اجازت نہیں ملی۔ مذکورہ خاتون پروفیسر ڈاکٹر عباس کے ساتھ ضلع ملاکنڈ میں ایک نجی ہوٹل میں رہائش پذیر ہیں۔پولیس کا کہنا ہے کہ پروفیسر ڈاکٹر عباس اور امریکن خاتون کی دو سال قبل فیس بک پر دوستی ہوئی تھی۔ امریکن خاتون دیرلوئر کے رہائشی ڈاکٹر عباس سے شادی کی خواہشمند ہے۔پروفسیر ڈاکٹر عباس کی عمرتقریبا 32 سال ہے اور انہوں نے چائنہ سے پی ایچ ڈی کی ہے۔ ادھر سیکورٹی زرائع سے معلوم ہوا ہے کہ امریکن خاتون واپس جانے کو تیار نہیں اور دیرلوئر اپنے دوست پروفیسر ڈاکٹر عباس کے گھر جانا چاہتی ہے۔ سیکورٹی ذرائع کے مطابق امریکن خاتون کی تمام سفری دستاویزات درست ہے۔خیال رہے اس سے قبل انجو نامی لڑکی بھی ہندوستان سے دیر بالا آئی ہے۔ انجو 22 جولائی کو بھارت سے دیربالا ائی تھی۔ انجو اور نصر اللہ کے درمیان سوشل میڈیا پر دوستی ہوئی تھی جو بعد میں پیار میں تبدیل ہوئی اور وہ نصر اللہ سے ملنے پاکستان کے علاقہ دیر بالا ائی۔دیربالا انے کے بعد انجو نے اپنی مرضی سے اسلام قبول کرلیا اور اسلامی نام فاطمہ رکھا نصراللہ اور فاطمہ کا نکاح بھی ہوچکا ہے۔
-
پاکستان ہاکی فیڈریشن کے تمام عہدیداران معطل
پاکستان ہاکی فیڈریشن کےعہدیداران کو معطل کرکے نوٹی فکیشن جاری کردیا گیا ہے۔پاکستان اسپورٹس بورڈ نے معطلی کا نوٹی فکیشن جاری کیا۔مذکورہ فیصلہ سابق وزیراعظم آفس کی ہدایات کی روشنی میں کیا گیا ہے۔قومی کھیل کی بہتری کیلئے ہاکی کلبس کی اسکروٹنی کا فیصلہ کیا گیا ہے ساتھ ہی پاکستان ہاکی فیڈریشن کے انتخابات کیلئے الیکٹرول کالج تشکیل دیا جائے گا۔ پی ایس بی کی زیرِ نگرانی پی ایچ ایف کے الیکشن کے عمل کو شفاف طریقے سے جلد مکمل کیا جائے۔
ایشین گیمز کا کیمپ اور ٹیم مینجمنٹ کے علاوہ تمام قسم کے کام کو روک دیا گیا جبکہ سلیکشن کمیٹی کام جاری رکھے گی۔واضح رہے کہ پاکستان اسپورٹس بورڈ تمام امور کی نگرانی کرے گا۔پاکستان ہاکی فیڈریشن کےصدرخالد سجاد کھوکھر اور سیکرٹری حیدر حسین تھے۔ -
مالاکنڈ درگئی میں ماں اور بیٹوں کے قتل کے خلاف عوام سراپا احتجاج
گزشتہ دنوں قتل ہونے والے ماں اور بیٹوں کو قتل کرنے کے خلاف علاقہ مکینوں اور رشتہ داروں کی جانب سے احتجاجی مظاہرہ کیا گیا،، قتل ہونے والی ماں اور بیٹوں کی لاشیں لواحقین نے سڑک پر رکھ کر مین روڈ کو ہر قسم کے ٹریفک کے لئے بلاک کردیا تھا اور مطالبہ کیا کہ جب تک ملزمان گرفتار نہیں ہوتے اور انکے گھر مسمار نہیں ہوتے تب تک روڈ ہر قسم کے ٹریفک کے لئے بند رہے گا۔روڈ بند ش اور شدید گرمی کی وجہ سے گاڑیوں میں سواریوں کوسخت مشکلات کا سامنا کرنا پڑا۔ بعد انتظامیہ نے مظاہرین کے ساتھ مذاکرات کئے۔ انتظامیہ نے جلد ملزمان کی گرفتاری کے لیے یقین دہانی کرائی اور کاروائی شروع کردی جس کے بعد مظاہرین نے حتجاج ختم کردیا۔
واضح رہے کہ گزشتہ دنوں ملاکنڈ کے علاقے سخاکوٹ میں جائیداد کے تنازعہ پر فائرنگ کر کے ماں اور دو بیٹوں کو قتل کر دیا گیا تھا۔ واردات کے بعدملزمان فرار ہوگئے۔ -
قومی کرکٹ اسکواڈ کی سری لنکا روانگی کی تیاریاں مکمل
قومی کرکٹ اسکواڈ کے کھلاڑی اسپورٹ اسٹاف کے ہمراہ نیشنل کرکٹ اکیڈمی سے ایئرپورٹ کے لیے روانہ ہونے کی تیاریاں مکمل ہو گئی، قومی کرکٹ ٹیم کے کھلاڑی دوپہر 12 بجے سری لنکں ایئرلائن سے سری لنکا کے لیے روانہ ہوں گے پاکستان سےسری لنکا جانے والے کھلاڑیوں میں سلمان علی آغا ، عبداللہ شفیق ، فہیم اشرف، سعود شکیل شامل ہے،اسکے علاوہ محمد رضوان ، طیب طاہر ، شاہین آفریدی ، حارث روف اور وسیم جونئیر سری لنکا روانہ ہو گئے. اسامہ میر اور شاداب خان انگلینڈ سے سری لنکا پہنچیں گے لنکا پریمئیر لیگ کھیلنے والے کپتان بابر اعظم ، نسیم شاہ ، محمد نواز، افتخار احمد ، محمد حارث ، فخر زمان اور امام الحق سری لنکا میں ٹیم جوائن کریں گے، پاکستان اسکواڈ 18 اگست کو ہمبنٹو ٹا میں اکٹھا ہو گا،جہاں پاکستان اور افغانستان کی ٹیموں کے درمیان تین ایک روزہ میچز کی سیریز کھیلی جائے گیسیریز کا پہلا ون ڈے میچ 22 اگست کو کھیلا جائے گا
-
وسیم اکرم کا پی سی بی کو ویڈیو ڈیلیٹ کر کے معافی مانگنے کا مطالبہ
پاکستانی لیجنڈ وسیم اکرم نے پاکستان کرکٹ بورڈ (پی سی بی) سے جاری کردہ ویڈیو سے کرکٹ کے عظیم عمران خان کو خارج کرنے پر معافی مانگنے کا مطالبہ کیا جس میں 1952 میں قومی اسکواڈ کے قیام سے لے کر اب تک کی تاریخی کامیابیوں کو اجاگر کیا گیا تھا۔بورڈ گزشتہ 48 گھنٹوں سے تنقید کی زد میں ہے کیونکہ لوگوں نے پی سی بی سے ویڈیو کو حذف کرنے کا مطالبہ کیا تھا کیونکہ اس میں اب تک کی سب سے بڑی کامیابی والی ویڈیو شامل نہیں تھی۔لیجنڈری کرکٹر وسیم اکرم نے سوشل میڈیا پلیٹ فارم X پر لکھا کہ "سری لنکا پہنچنے سے پہلے طویل پروازوں اور گھنٹوں کی ٹرانزٹ کے بعد، مجھے اپنی زندگی کا جھٹکا لگا جب میں نے پاکستان کرکٹ کی تاریخ کے بارے میں پی سی بی کا مختصر کلپ مائنس دی گریٹ عمران خان کو دیکھا،”وسیم اکرم نے کہا کہ سیاسی اختلافات کے باوجود کوئی بھی خان کی کرکٹ میں شراکت کو نظر انداز نہیں کر سکتا اور مطالبہ کیا کہ اس ویڈیو کو واپس لے کر معافی مانگے۔..سیاسی اختلافات کے علاوہ عمران خان عالمی کرکٹ کے ایک آئیکون ہیں اور انہوں نے اپنے دور میں پاکستان کو ایک مضبوط یونٹ کے طور پر تیار کیا اور ہمیں ایک راستہ دیا… پی سی بی کو جاری کی ہوئی ویڈیو کو ڈیلیٹ کرنا چاہیے اور معافی مانگنی چاہیے،” انہوں نے مزید کہا۔ تاریخ میں پاکستان کے عظیم ترین کپتانوں میں سے ایک مانے جانے والے، عمران خان نے 1992 میں پاکستانی ٹیم کی واحد ورلڈ کپ جیتنے میں قیادت کی۔ انہوں نے کرکٹ کے عظیم کھلاڑیوں کی بھی رہنمائی کی ہے، جن میں وسیم اکرم، وقار یونس، اور معین خان شامل ہیں۔
عمران خان کرکٹر سے سیاست دان بنے اس وقت بدعنوانی کے الزامات میں جیل کی سلاخوں کے پیچھے ہیں جب ایک عدالت نے انہیں توشہ خانہ کیس میں مجرم قرار دیا، انہیں تین سال قید کی سزا سنائی اور بعد ازاں الیکشن کمیشن نے انہیں پانچ سال کے لیے عہدے کے لیے نااہل قرار دیا۔
واضح رہے کہ عمران خان نے1980 کے دہائی میں اپنے شاندار کرکٹ کیریئر کے دوران پاکستان کے لیے 88 ٹیسٹ اور 175 ون ڈے کھیلے۔اس کی اوسط، بلے کے ساتھ 37 اور گیند کے ساتھ 22، نے انہیں اسٹار آل راؤنڈرز کی چوٹی میں سب سے اوپر رکھا، ایان بوتھم، رچرڈ ہیڈلی اور کپل دیو دوسرے تھے، جنہوں نے ٹیسٹ کرکٹ میں سب کو متاثر کیا۔خان کے بین الاقوامی کرکٹ کیریئر کے آخری 10 سالوں کے دوران، انہوں نے 51 ٹیسٹ میں نمایاں کارکردگی کا مظاہرہ کیا، جس کی اوسط بلے سے 50 اور گیند کے ساتھ 19 تھی۔
عمران خان نے 1987 میں انگلینڈ میں پاکستان کو پہلی سیریز میں فتح دلائی لیکن ان کے کیریئر کا بہترین لمحہ اس وقت آیا جب مین ان گرین نے ان کی متاثر کن قیادت میں 1992 کے ورلڈ کپ کی ٹرافی اپنے نام کی۔