صوبائی وزیر کھیل مطیع اللہ نے خیبرپختونخوا ڈائریکٹوریٹ آف سپورٹس کی ڈیجیٹلائزیشن منصوبے کا افتتاح کردیا۔ ٹی این این کے مطابق سیکرٹری سپورٹس آفس میں منعقدہ افتتاحی تقریب میں کیپٹن ریٹائرڈ مشتاق احمد خان اور ڈی جی سپورٹس کیپٹن ریٹائرڈ خالد محمود بھی موجودتھے۔ اس موقع پر ڈی جی سپورٹس کیپٹن ریٹائرڈ خالد محمود نے ڈیجیٹلا ئزیشن کے بارے میں بریفنگ دی اور بتایا کہ اس کا آغاز ERP کی ڈیویلپمنٹ سے ہوگا جس میں مختلف موڈیولز ہونگے۔
اس منصوبے کے تحت کھلاڑیوں اور سٹاف کی مینجمنٹ اور رجسٹریشن، گراونڈ ، سٹور ،اینونٹری مینجمنٹ، کیش فلو منیجمنٹ ، کھیلوں کے سامان کی ترسیل سمیت دیگر مختلف موڈیولز شامل ہونگے۔ اس سلسلے میں پی سی ون تیار ہو چکا ہے جس کا اگلے ہفتے ٹینڈر ہوگا۔
اس موقعے پر سیکرٹری سپورٹس نے ڈی جی سپورٹس کی کاوشوں کو سراہا اور تجاویز دیں کہ اس منصوبے میں پروکیورمنٹ اور ای بلنگ کے موڈیولز بھی شامل کئے جائیں۔ اس موقع پرنگران صوبائی وزیر کھیل نے کہا کہ اس طرح کی ڈیجیٹلائزیشن وقت کی ضرورت ہے اور اداروں کی کارکردگی بڑھانے کے لئے لازمی ہے۔
انہوں نے تجویز دی کہ ERP کے اس عمل کو پورے صوبے تک توسیع دی جائے اور اس کے استعمال کو لازمی قراردیا جائے آخر میں وزیر کھیل نے اس سلسلے میں مکمل تعاون کا یقین دلایا اور سب کا شکریہ ادا کیا۔
Author: صدف ابرار
-
خیبرپختونخوا ڈائریکٹوریٹ آف سپورٹس کا ڈیجیٹلا ئزیشن منصوبے کا افتتاح
-
خیبر پختونخوا نگران کابینہ ارکان کے استعفے منظور
پشاورصوبائی نگران وزراء کے استعفے نگران وزیراعلیٰ کو موصول ہو گئے، جس کے بعد نگران وزیراعلیٰ محمد اعظم نے سمری گورنر کو بھیجوا دی ،زرائع کے مطابق
گورنر غلام علی نے سمری موصول ہونے کے بعد دستخط کردی ،زرائع کے مطابق اب تک نگران وزیراعلیٰ کو 25 کابینہ اراکین کے استعفے موصول ہوئے ،گورنر کی منظوری کے بعد نگران کابینہ تحلیل ہو گئی، نگراں وزیراعلیٰ خیبر پختونخوا اعظم خان نے وزراء کے استعفوں کی سمری گورنر کو بھیجی تھی، وزیراعلیٰ نے الیکشن کمیشن کی ہدایت پر تمام وزراء سے استعفیٰ مانگا تھا۔ذرائع کا کہنا ہے کہ نگراں وزیراعلیٰ نئی کابینہ کیلئے غیر سیاسی لوگوں کا انتخاب کریں گے، وزیراعلیٰ نئی کابینہ کا اعلان ایک ہفتے کے دوران کریں گے۔نگراں وزیراعلیٰ نے کابینہ کے ارکان کو چائے پر مدعو کرکے ان سے استعفے لے لیے تھے۔
الیکشن کمیشن نے وزیراعلیٰ کو کابینہ سے سیاسی وابستگی رکھنے والے وزراء کو ہٹانے کا کہا تھا، جس پر وزیراعلیٰ نے مشاورت کے بعد کابینہ اراکین سے استعفے مانگے تھے۔ -
پشاور،لیڈی ریڈنگ ہسپتال عملے کا 14 آگست جوش و خروش سے منانے کا فیصلہ
پشاور لیڈی ریڈنگ ہسپتال انتظامیہ کا 14 اگست جوش و خروش سے منانے کا فیصلہ ،نمایا کارکردگی دکھانے والے عملے کو اعزازی اسناد سے نواز نے کا فیصلہ ، ہسپتال ترجمان محمد عاصم کے مطابق ہسپتال ڈائریکٹر ڈاکٹر محمد ابرار خان نے 14اگست کی تقریبات کو حتمی شکل دینے کے لیے ہدایات جاری کردی ہیں اور متعلقہ ڈیپارٹمنٹس کو نمایاں کارکردگی کے حامل کلاس فور ،سیکیورٹی اور دیگر ذیلی سٹاف کے ناموں کو فائنل کرکے جشن آزادی کی تقریب میں تعریفی اسناد سے نوازا جائے گا،ترجمان نے کہا کہ ایل آر ایچ میں اس سال مختلف ایمرجنسی اور دیگر واقعات رپورٹ ہوئے جس میں طبی عملے کے ساتھ ساتھ ذیلی سٹاف نے بھی بھر پور کردار ادا کیا، جس کے اعتراف میں ان کو تعریفی شیلڈز اور سرٹیفیکیٹ سے نوازا جائے گا۔
ہسپتال ڈائریکٹر نے اس موقع پر کہا کہ ہمیشہ کی طرح اس دفعہ بھی ایل آر ایچ میں جشن آزادی کوجوش و جذبے سے منایا جا رہا ہے ۔ جس کے لیے تیاریوں کو حتمی شکل دے دی گئی ہے ۔انہوں نے کہا کہ اس 14 اگست پر امن اور محبت کا پیغام دیں گے اور ساتھ ساتھ مریضوں کو بہترین سروسز کی فراہمی کے لیے اپنی توانائیاں صرف کرنے کے عزم کا بھی اعادہ کریں گے۔ترجمان نے مزید کہا کہ 14 اگست کی تقریب میں بڑے پیمانے پر ڈاکٹرز، نرسز، پیرامیڈکس سیکیورٹی ،کلاس فور اور دیگر سٹاف کی شمولیت متوقع ہے جبکہ اس حوالے سے ہسپتال کے عمارت کے سامنے پرچم کشائی کی تقریب کا انعقاد بھی کیا جائے گا ۔ -
خیبر پختونخوا محکمہ ایکسائز کی کاروائیاں،بھاری مقدار میں منشیات برآمد
محکمہ ایکسائز نے مختلف کاروائیوں میں، 216 کلو گرام چرس ,2500عدد ہیروئین بھرے ٹوکن ، 365 گرام آئس برآمد، جبکہ چار منشیات سمگلرز کو گرفتار کر لیا گیا،
محکمہ ایکسائز کے مطابق پہلی کاروائی ایس ایچ او تھانہ ایکسائز مردان نے کی جسکے نتیجے میں موٹروے مردان کے قریب بھاری مقدار میں منشیات پنجاب سمگل کرنے کی کوشش ناکام بنا کر موٹر کار سے 180000 گرام (180 کلو گرام) چرس برآمد کر لیا گیا ایکسائز اہلکاروں کے مطابق دوسری کاروائی ایکسائز انٹیلجنس بیورو نے پشاور میں کی، جس میں پشاور موٹر وے ایچ گول چوک پر کاروائی کے دوران 36 کلوگرام چرس برآمد کر کے ایک ملزم کو گرفتار کر کے مقدمہ درج کر کے تفتیش شروع کر دی گئی، ایکسائز پولیس نے مزید بتایا کہ ایک اور کاروائی جو اسپیشل سکواڈ نارکوٹکس کنٹرول ونگ نے کے دوران تعلیمی اداروں کے طلباء اور نوجوانوں کو منشیات ترسیل کرنے والے گروہ کا اہم کارندہ جسکا نام شاہ خالد ہے منشیات فروش سے 2500 عدد ہیروئن بھرے ٹوکن برآمد، ایکسائز پولیس نے کہا کہ گروہ کے دیگر ملزمان کے خلاف تفتیش اور کاروائی شروع کر دی گئی ابتدائی معلومات کے مطابق ملزم بھاری تعداد میں ہیروئن بھرے ٹوکن جمرود سے پشاور سمگل کر رہا تھا، ایک اور کاروائی میں ایکسائز پولیس سٹیشن ایبٹ آباد ہزارہ نے 365 گرام آئس برآمد کی ہے ،اور دو ملزمان کو گرفتار کر لیا گیا، -
سہواگ نے آئی سی سی ورلڈ کپ 2023 کے سیمی فائنلسٹ ٹیموں کا انکشاف کیا ہے
بھارت کے سابق اوپننگ بلے باز وریندر سہواگ نے اس سال اکتوبر میں بھارت میں ہونے والے آئی سی سی کرکٹ ورلڈ کپ کے لیے اپنی ٹاپ چار ٹیموں کا انکشاف کیا ہے۔ایک حالیہ انٹرویو میں، سہواگ نے اپنی کرکٹ کے ذہانت میں چار ٹیموں کو اکٹھا کرنے کے لیے استعمال کیا جن کے بارے میں ان کا خیال ہے کہ ان کے مخصوص گیم پلے پر ان کے انتخاب کی بنیاد پر ٹورنامنٹ میں بہترین کارکردگی کا مظاہرہ کریں گے۔
سہواگ کی سمجھدار نظر نے ہندوستان، پاکستان، آسٹریلیا، اور انگلینڈ کو بہترین ٹیم کے طور پر منتخب کیا ہے جو باوقار ICC ODI ورلڈ کپ 2023 کے سیمی فائنل میں جگہیں محفوظ کر لیں گے۔سہواگ نے کہا۔ اگر مجھے چار ٹیمیں چننی ہیں تو آسٹریلیا، انگلینڈ، بھارت اور پاکستان ہی ہو گی جو سیمی فائنلسٹ ہیں۔ آسٹریلیا اور انگلینڈ ضرور ہوں گے کیونکہ وہ جس طرح کی کرکٹ کھیل رہے ہیں – وہ روایتی شاٹس نہیں کھیلتے،بلکہ بہت مہارت سے پرفامنس دیتے ہے، یہ 2 ٹیمیں اس میں کافی اچھی ہیں۔ اس کے علاوہ، انگلینڈ اور آسٹریلیا دو دور کی ٹیمیں ہیں جو برصغیر میں بہتر کرکٹ کھیل سکتی ہیں،”آئی سی سی ورلڈ کپ 2023 اکتوبر اور نومبر کے دوران بھارت میں ہونے والا ہے، جس میں کل 10 حصہ لینے والی ٹیمیں شامل ہیں۔ ٹورنامنٹ کا آغاز 5 اکتوبر سے ہوگا، فائنل میچ 19 نومبر کو شیڈول ہے۔ -
مارک کولز پاکستان ویمن ٹیم کے ہیڈ کوچ کے عہدے سے مستعفی ہو گئے۔
پاکستان ویمن ٹیم کے ہیڈ کوچ مارک کولز نے ذاتی وجوہات کی بنا پر استعفیٰ دے دیا۔ وہ جنوبی افریقہ کے خلاف آئندہ وائٹ بال سیریز کے لیے خواتین ٹیم کے ساتھ دستیاب نہیں ہوں گے، جو یکم ستمبر سے کراچی میں شروع ہونے والی ہے۔کولس، جو اس سے قبل 2017 سے 2019 تک خواتین کی ٹیم کی ہیڈ کوچ رہ چکے ہیں،
پی سی بی نے ویمنز ٹیم کے ساتھ مختصر مدت کے لیے مارک کولز کا شکریہ ادا کرنا چاہتا ہے اور مستقبل کی کوششوں میں ان کے لیے نیک خواہشات کا اظہار کیا، -
خیبر پختونخوا تعلیمی بورڈ کی جانب سے نویں اور گیارھویں جماعت کے طالب علموں کے لئے خوشخبری،
خیبر پختونخوا تعلیمی بورڈز کمیٹی نے نویں اور گیارھویں کلاس کے طالبعلوں کو خوشخبری دی ہے کہ نویں اور گیارھوں جماعت کے بچوں فیل کرنے کا تصور ختم کرنے کا فیصلہ کیا گیا ہے ہے،، آئندہ سال سے کسی بچے کو نویں اور گیارھویں جماعت میں فیل نہیں کیا جائے گا۔اس حوالے سے گفتگو کرتے ہوئے چیئرمین پشاور تعلیمی بورڈ پروفیسر نصراللہ خان یوسفزئی نے کچھ یوں کہا کہ کہ آل چیئرمین بورڈ کمیٹی میں انہوں نے تجویز پیش کی تھی کے اکثر نویں اور گیارھویں میں جو بچے فیل ہو جاتے ہیں تو وہ دلبرداشتہ ہو کر مزید تعلیم حاصل نہیں کرتے۔
دوسری جانب بیشتر اسکولوں میں 3 یا 4 پرچوں میں فیل ہو جانے پر ایسے بچوں کو پھر دسویں اور بارھویں میں نہیں رکھا جاتا اور یوں ان بچوں کا ایک سال ضائع کردیا جاتا ہے، چوں کہ نتیجہ دسویں اور بارھویں جماعت ہی پر ہوتا ہے تو کیوں نا ان بچوں کو موقع دیا جائے کہ انھیں فیل کرنے کی بجائے دسویں اور بارھویں میں پروموٹ کیا جائے۔پروفیسر نصراللہ خان یوسفزئی کے مطابق ان کی اس تجویز سے دیگر بورڈز کے سربراہان نے بھی اتفاق کیا اور اس کی کمیٹی نے باقاعدہ منظوری بھی دے دی ہے۔ -
اسلام آباد،کیپٹل ڈیولپمنٹ اتھارٹی کا شورومز کے خلاف کریک ڈاؤن
اسلام آباد کے مختلف سیکٹرز میں سی ڈی اے اہلکاروں کی جانب سے گاڑیوں کے شورومز کے خلاف کریک ڈاؤن کیا گیا ہے ، باغی ٹی وی کے مطابق سیکٹر ایف 10،بلیو ایریا،جی 8 میں مختلف شورومز کو سیل کر دیا گیا،شورومز کے مالکان کا کہنا ہے کہ سی ڈی اے کی طرف سے اس طرح کی کاروائیاں معمول بن گئی ہے جس کی وجہ سے انکا روزگار متاثر ہو رہا ہے،شورومز مالکان نے کل بروز جمعہ 3 بجے سی ڈی اے کے اس ظالمانہ اقدام کے خلاف پریس کانفرنس کر کے احتجاج کی کال دینے کی دھمکی دی ہے، شورومز مالکان کا مطالبہ ہے سی ڈی اے انکے شورومز کو کھولنے کی اجازت دیں،دوسری جانب سی ڈی اے کے ترجمان کا کہنا ہے کہ چیئرمین کی ہدایت پر عمارتوں اور دکانوں کے مالکان کو اشتہارات کے ذریعے متنبہ کیا گیا تھا کہ وہ اپنی جائیدادوں کو غیر منقولہ استعمال کی اجازت نہ دیں، خاص طور پر کار شو رومز کے لیے۔ ترجمان نے کہا کہ اب تک ہم نے اسلام آباد میں 117 جائیدادیں سیل کی ہیں جہاں کاروں کے شو رومز کام کر رہے تھے۔ انہوں نے کہا کہ شو رومز کے مالکان نہ صرف مختلف بازاروں میں پارکنگ کی جگہ پر قبضہ کر رہے ہیں بلکہ پیدل چلنے والوں کے لیے بھی مشکلات پیدا کر رہے ہیں۔
-
پشاور، نامعلوم ملزمان کی فائرنگ سے پولیس اہلکار شہید
پشاور میں نا معلوم ملزمان کی جانب سے فائرنگ کے نتیجے میں پولیس اہلکار شہید ہوگیا ہے، جس کی نماز جنازہ پولیس لائن میں ادا کی گئی۔
نماز جنازہ میں وزیراعلیٰ خیبرپختونخوا، سی سی پی او، ڈی آئی جی ظفر، ایس ایس پی آپریشن ہارون رشید، چیف ٹریفک آفیسر قمر حیات خان اور دیگر نے شرکت کی۔
ملزمان کا پیچھا کرتے ہوئے نامعلوم مسلح افراد کی فائرنگ سے جاں بحق ہونے والے پولیس کانسٹیبل سرور شاہ کی نماز جنازہ پورے سرکاری اعزاز کے ساتھ پشاور کی ملک سعد شہید پولیس لائن میں ادا کر دی گئی۔
وزیراعلیٰ اور پولیس افسران نے شہید کے تابوت پر پھول چڑھائے اور پولیس کے چاق و چوبند دستے نے شہید کو سلامی دی۔
نگران وزیر اعلیٰ نے اس سلسلے میں ایک بیان میں کہا ہے کہ پولیس اہلکاروں پر فائرنگ کا واقعہ قابل مذمت ہے۔
انہوں نے شہداء کے درجات کی بلندی اور پسماندگان کے لیے صبر جمیل کی دعا کی ہے۔ نگران وزیراعلیٰ نے کہا ہے کہ خیبرپختونخوا پولیس نے اپنی جان ومال کی حفاظت کے لیے لامتناہی قربانیاں دی ہیں۔
انہوں نے کہا کہ صوبے کے عوام کو پولیس کی قربانیوں پر فخر ہے۔ انہوں نے کہا کہ صوبائی حکومت شہید کے خاندان کو تنہا نہیں چھوڑے گی اور ان کی ہر ممکن مدد کرے گی۔ -
کے پی کے پولیس پولیو ڈیوٹی کے لئے اپنے مطالبات منوانے میں کامیاب
خیبرپختونخوا کے ضلع خیبر کی پولیس نے پولیو ڈیوٹی سے انکار کے بعد اپنے مطالبات منظور کروا کے ہی دم لی،۔ پولیس نے پولیو ڈیوٹی انجام دینے کی یقین دہانی کروا دی ہے۔آئی جی خیبرپختونخوا کے ساتھ خیبر پولیس کے مذاکرات کامیاب ہوگئے۔جس کے بعد پولیس نے پولیو ڈیوٹی انجام دینے کی یقین دہانی کرادی۔
قبائلی اضلاع میں پولیس نے احتجاج ختم کرنے کا اعلان بھی کردیا ہے۔یاد رہے کہ تین روز قبل ضلع خیبر میں پولیس کے سکیورٹی نہ دینے پر پولیو مہم ملتوی کرنے کا اعلان کیا گیا تھا۔خیبر پولیس نے پیر کو انسداد پولیو مہم جیسی اہم قومی ذمہ داری سے انکار کیا تو ضلعی انتظامیہ کو اگلے روز منگل سے شروع ہونے والی انسداد پولیو مہم ملتوی کرنی پڑ گئی تھی۔انسداد پولیو مہم میں ڈیوٹی کے حوالے سے خیبر پولیس کا مؤقف تھا کہ انھیں اعزازیہ نہیں دیا جاتا۔
اس لئے پولیس نے اعزازیہ نہ ملنے پر سیکیورٹی دینے سے انکار کردیا تھا، تاہم اب آئی جی کے ساتھ خیبر پولیس کے مذاکرات کامیاب ہوگئے ہیں جس کے بعد اہلکاروں نے پولیو ڈیوٹی انجام دینے کی حامی بھر لی ہے۔