Author: صدف ابرار

جرمن ویمن سائیکلسٹ لیان لیپرٹ نے ٹورڈی فرانس فیمز ریس2023 کا دوسرا مرحلہ اپنے نام کر دیا،ٹور ڈی فرانس فیمز سائیکل ریس کے دوسرے مرحلے میں سائیکل سواروں نے فرانس میں کلرمونٹ فیرینڈ سے موریاک تک 148 کلو میٹر فاصلہ طے کرنا تھا، جو پہاڑی پر تھا۔
25 سالہ جرمن سائیکل سوار لیان لیپرٹ نے عمدہ سائیکلنگ کا مظاہرہ کرتے ہوئے 148 کلومیٹر کا فاصلہ 4 گھنٹے 13منٹ اور 43 سیکنڈز میں طے کرکے پہلی پوزیشن حاصل کی۔مبیلجیم کی سائیکل سوار کوپیکی لوٹی نے دوسری جبکہ 26 سالہ اطالوی سائیکلسٹ پرسیکو سلویا نے تیسری پوزیشن حاصل کی۔
خیال رہے کہ خواتین کی ٹورڈی فرانس فیمز سائیکل ریس 2023 کے دوسرے ایڈیشن کا آغاز ہوچکا ہے جس میں دنیا بھر کی سائیکلنگ کی 22 ٹیموں کی نامور سائیکل سوار ٹائٹل کے حصول کے لئے کوشاں ہے،

دوسرے روز کا کھیل بارش کے باعث ختم کردیا گیا تھا۔ میزبان ٹیم پر12 رنز کی برتری حاصل ہے۔دوسرے دن کے کھیل کا آغاز ہوا تو پاکستان نے اپنی پہلی اننگز 2 وکٹوں کے نقصان پر 145 رنز سے شروع کی اور ذمے دارانہ بیٹنگ کرتے ہوئے سری لنکا پر برتری حاصل کی تھی۔
کولمبو ٹیسٹ دوسرے روز بارش اور گیلے آؤٹ فیلڈ کے باعث کھیل وقت سے پہلے ختم کیا گیا تھا پاکستان کے 2 وکٹ پر 178 رنز، سری لنکا کے خلاف 12 رنز کی برتری حاصل، تھی عبداللہ شفیق 87، کپتان بابر اعظم 28 رنز کے ساتھ تیسرے دن کا کھیل شروع کریں گے،

ویمنز فٹبال ورلڈکپ میں فلپائن نے میزبان ٹیم نیوزی لینڈ کو ایک گول سے ہرا دیا، جبکہ کولمبیا نے جنوبی کوریا کو دو گول سے شکست دے دی، سوئٹزرلینڈ اور ناروے کے درمیان میچ بغیر کسی گول سے برابر رہا۔ویلنگٹن میں کھیلے گئے میچ میں فلپائن نے ہوم ٹیم نیوزی لینڈ کے خلاف 24ویں منٹ میں برتری حاصل کر لی۔ میچ کا واحد گول سرینا بلوڈین نے اسکور کیا۔ کیویز کی جانب سے میچ برابر کرنے کی تمام کوششیں رائیگاں گئیں اور میچ فلپائن نے ایک صفر سے جیت لیا۔واضح رہے کہ یہ فلپائن ویمنز ٹیم کا فیفا ویمنز ورلڈکپ کی تاریخ میں پہلی کامیابی تھی،

مراکشی ویمن فٹبالر نوہیلا بینزینا فیفا ورلڈکپ میں اسلامی اسکارف کے ساتھ کھیلنے والی پہلی خاتون پلیئر بن گئیں ۔پچیس سالہ نوہیلا بینزینا مراکشی فٹبال ٹیم کی نمائندگی کرتی ہیں ، نیوزی لینڈ اور آسٹریلیا میں جاری ویمن فٹبال ورلڈکپ کے مین راؤنڈ کے لیے کوالیفائی کرنے والی مراکشی ٹیم اس وقت مرکز نگاہ بنی جب ان کی پلیئر اسلامی اسکارف کے ساتھ اِن ایکشن ہوئیں ، عالمی سطح پر سخت مخالفت اور رکاوٹ کے باوجود نوہیلابینزینا نے اسلامی روایات کو برقرار رکھتے ہوئے انٹرنیشنل فٹبال کھیل کر تاریخ رقم کر دی ہے ،،، ٹیم مراکش کو اپنے پہلے گروپ میچ میں جرمنی سے چھ صفر کی شکست ہوئی،

سعودی کلب الہلال کا اسٹار فٹبالر کیلین ایمباپے سے ریکارڈ مہنگا معاہدے کا انکشاف ہوا ہے الہلال کلب نے ریکارڈ 259 ملین پاؤنڈ کا مہنگا ترین معاہدہ کرنے کی پیشکش کر دی فرنچ فٹبالر اس وقت فرانسیسی کلب پیرس سینٹ جرمین کی نمائندگی کر رہے ہی مایہ ناز کھلاڑی کیلین ایمباپے کو ریال میڈرڈ اور سعودی کلب الہلال نے بھی پیشکش کی ،کیلین ایمباپے سے پہلے پی ایس جی میں ان کے ساتھ کھیلنے والے لیونل میسی امریکی کلب جوائن کر چکے ہیں.ذرائع نے بتایا کہ ہسپانوی کلب ریال میڈرڈ کے بارے میں خیال ظاہر کیا جا رہا ہے وہ دنیا کے بہترین کھلاڑیوں میں سے ایک ایمباپے کی حصول کے لیے کوشش کر رہا ہے اور اسی طرح سعودی کلب بھی دیگر کلبوں کی اس فہرست میں شامل ہوگیا ہے۔
انہوں نے بتایا کہ الہلال نے ایک خط کے ذریعے باقاعدہ پیش کش کر دی ہے لیکن اس طرح کی منتقلی صرف ایمباپے کے ساتھ معاہدے کی صورت میں ہوسکتی ہے تاہم اب تک انہوں نے سعودی لیگ کے کلب جانے کی خواہش کا اظہار نہیں کیا۔