سابق کپتان مصباح الحق کو پی سی بی مینجمنٹ کمیٹی کے سربراہ ذکا اشرف کے مشیر کا عہدہ مل گیا ہے ۔ نجی ٹی وی سے گفتگو کرتے ہوئے مصباح الحق کا کہنا تھا کہ ذکا اشرف سے پی سی بی ہیڈ کوارٹر میں ملاقات ہوئی ہے جس میں انہوں نے مجھے بورڈ میں پرکشش تنخواہ پر کام کرنے کی آفر کی مگر میں نے پہلے سے طے شدہ مصروفیات کی وجہ سے فل ٹائم کام سے معذرت کرلی ہے، ذکا اشرف نے بطور مشیر کرکٹ کی بہتری کے لیے کام کرنے کو کہا جو میں نے قبول کرلیا ہے۔ انہوں نے کہاکہ وہ یہ ذمہ داریاں بلا معاوضہ انجام دیں گے اور اپنے تجربے کی روشنی میں پی سی بی کے ڈومیسٹک اور دوسرے کرکٹ معاملات ٹھیک کرنے کے لیے تجاویز دیں گے۔
Author: صدف ابرار
ایمرجنگ ایشاء کپ کا ٹائٹل جیتنے پر شاہد آفریدی کا رد عمل
بوم بوم آفریدی نے پاکستان شاہینز کے ہاتھوں ایمرجنگ ایشیا کپ فائنل میں بھارت کی شکست پر زبردست ردعمل دیا ہے ۔ سماجی رابطوں کی سائیٹ ٹویٹر پر پاکستان کرکٹ بورڈ کی جانب سے جاری فاتح ٹیم کی تصویر کو ری ٹویٹ کرتے ہوئے شاہد آفریدی عرف ’’لالہ ‘‘نے لکھا کہ ’’کام ایسے کیا جاتا ہے‘‘ ساتھ ہی انہوں نے ایمرجنگ ایشیا کپ کا ٹائٹل جیتنے پر ٹیم کی تعریف کی، شاہد آفریدی کے مطابق ایمرجنگ ایشیا کپ کا ٹائٹل جیت کر مزہ آ گیا،پورے میچ میں کھلاڑیوں کے اندر زبردست جذبہ دیکھا،طیب طاہر کی سنچری کسی ٹریٹ سے کم نہ تھی ،صائم ایوب اور صاحبزادہ فرحان کا شاندار آغاز نے پاکستان کی جیت میں کلیدی کردار ادا کیا ، نامور کرکٹر نے امید ظاہر کی کہ نوجوان آئندہ بھی اسی طرح کھیل پیش کرتے ہوئے جیت اپنے نام کریں گے ۔
چارسدہ،زبانی تکرار پر بھائی نے چھوٹے بھائی کو گولی مار دی
ضلع چارسدہ تھانہ سٹی کے حدود میں زبانی تکرار پر بھائی کی فائرنگ کے نتیجے میں چھوٹا بھائی جاں بحق ہو گیا، چارسدہ سٹی کے حدود میں زبانی تکرار پر بڑے بھائی نے فائرنگ کرکے چھوٹے بھائی حنیف ولد عثمان کو قتل کردیا۔فائرنگ کے بعد ملزم جائے وقوعہ سے فرار ہونے میں کامیاب ہوا۔تھانہ سٹی پولیس نے مقدمہ درج کرکے مزید تفتیش شروع کردی ہے۔
یاد رہے کہ گذشتہ دو ماہ سے چارسدہ میں امن وامان کی صورتحال انتہائی خراب صورت اختیار کرچکی ہے اور ایک ہفتے کے دوران چارسدہ میں 9 افراد مختلف واقعات میں فائرنگ جاں بحق ہو گئے۔چارسدہ کے سیاسی اور سماجی حلقو نے چارسدہ میں امن وامان کی بگڑتی صورتحال پر تشویش کا اظہار کیا ہے اور پولیس کو اپنی کارکردگی بہتر بنانے کا مطالبہ کیا ہے،
خیبر پختونخوا میں بارش،لینڈ سلائیڈنگ،سیاح پھنس گئے
گلگت بلتستان کے ضلع دیامر کے علاقے کوہستان اپر اور چلاس کے درمیان شاہراہ قراقرم متعدد مقامات پر بند ہونے کی وجہ سے متعدد مسافر سڑک پر پھنس گئے، جبکہ کوہستان اپر کے علاقے پانی بہہ کو بھی سیلاب نے اپنی لپیٹ میں لے لیا جہاں مکانات کو نقصان پہنچا اور ایک کمسن بچی زخمی ہوگئی ہے۔
اسٹیشن ہاؤس افسر (ایس ایچ او) داسو، اپر کوہستان، نور نبی شاہ نے بتایا کہ داسو کے علاقے کائی گاہ میں ایک بڑا مٹی کا تودہ گرنے سے اپر کوہستان کے علاقے میں قراقرم ہائی وے کئی مقامات پر بلاک ہوگئی ہے۔
ایس ایچ او نے کہا کہ قراقرم ہائی وے پر صبح سے ہی ٹریفک معطل ہے جس کی وجہ سے سینکڑوں مسافر بین الاقوامی شریان کے دونوں طرف پھنسے ہوئے ہیں اور پریشانی کا سامنا کر رہے ہیں۔
نیشنل ہائی وے اتھارٹی (این ایچ اے) کے ڈپٹی ڈائریکٹر غلام عباس خان نے مقامی ٹی وی سے بات کرتے ہوئے کہا کہ آج گلگت بلتستان کے دیامر اور خیبرپختونخوا کے کوہستان کے درمیان 9 مختلف مقامات پر سڑک بلاک ہوگئ انہوں نے کہا کہ قراقرم ہائی وے کو اتوار کے روز فرنٹیئر ورکس آرگنائزیشن (ایف ڈبلیو او) نے لینڈ سلائیڈنگ سے صاف کیا تھا، لیکن پیر کو دوبارہ 9 مقامات پر بلاک ہوگئی تاہم اس کی کلیئرنس کا کام جاری ہے۔
ڈپٹی ڈائریکٹر نے کہا کہ ابتدائی طور پر وہ سڑک کو یک طرفہ ٹریفک کے لیے کھولنے کی کوشش کر رہے ہیں جس کے لیے مشینیں لگائی جا رہی تھیں۔
خیبر پختونخوا میں میں بارش کا نیا سلسلہ کل سے شروع ہونے کا امکان
محکمہ موسمیات نے خیبرپختونخوا میں مون سون بارشوں رواں ہفتے جاری رہنےکاامکان ظاہر کیا ہے،صوبےمیں بارشوں کی نئی ویو کل سے داخل ہونے کا امکان ہے،
ڈی جی، پی ڈی ایم اے گرج چمک کے ساتھ بارشوں اور تیز ہواؤں کےپیش نظر ضلعی انتظامیہ کو پیشگی اقدامات اٹھانے کی ہدایات جاری کر دی ہے،بالائی اضلاع میں لینڈ سلائیڈنگ اورفلیش فلڈنگ کا خدشہ ہے ۔پی ڈی ایم اے مراسلہ کے مطابقسوات،کوہستان، چترال،مانسہرہ،شانگلہ، دیر،ابیٹ آباد،خیبر،تور غر میں تیز بارشوں سے فلیش فلڈنگ کا خدشہ ظاہر کیا ہے،۔ مراسلہ میں بارشوں کے سبب پشاور،چارسدہ، نوشہرہ، مردان ،ڈی آئی خان اور کے بعض علاقوں میں اربن فلڈنگ کا خدشہ ہے،ضلعی انتظامیہ کو چھوٹی بھاری مشینری کی دستیابی یقینی بنانے کی تلقین بھی کی گئی ہے،۔ ڈی جی پی ڈی ایم اے نے برساتی نالوں کی نگرانی اورطوفان کی صورت عوام بجلی کی تاروں، کمزور تعمیرات، سایئن بورڈز اور بل بورڈز سے دور رہنے کی اپیل کی ہے،
حساس بالائی علاقوں میں سیاحوں اور مقامی کمیونٹیز کو ایڈوائزری کی ترسیل یقینی بنائیں۔ پی ڈی ایم اے مراسلہ کے مطابق پیغامات مقامی زبانوں میں پہنچائے جائیں
تمام متعلقہ لائن ڈیپارٹمنٹس روڈ لنکس کی بحالی میں چوکس رہیں۔ مراسلہ میں سڑک کی بندش سے بچنے کے لیے ٹریفک کے لئے متبادل راستے فراہم کر نے اور انتظامیہ اسپیل کے لیے خصوصی منصوبہ بندی کریں۔اسکے علاوہ حساس علاقوں میں صوبائی اور قومی شاہراہوں پرمسافروں کو پیشگی خبردار کیا جائے، متعلقہ حکام بوقت ضرورت لوگوں کومحفوظ انتظار گاہوں میں منتقل کریں۔مراسلہ کے مطابق اسپیل میں ہنگامی خدمات کے اہلکاروں کی دستیابی یقینی بنائیں۔صوبے کے سیاحتی مقامات پرسیاحوں کو موسمی صورت حال سے آگاہ کیاجائے ۔سیاح دوران سفر خصوصی احتیاطی تدابیر اختیار کریں۔ پی ڈی ایم اے کے مراسلے کے مطابق پی ڈی ایم اے ،پی ای او سی کو صورتحال کے بارے میں بروقت آگاہ کیا جانے کی ہدایت کی گئی ہے،
سابق فاسٹ بولر سرفراز نواز کی نوجوان کرکٹرز کو ٹپس دینے کی پیشکش
لیجنڈری سرفراز نواز کی نوجوان فاسٹ بولرزکو ٹِپس دینے کی پیشکش کے لئے چئیر مین پی سی بی زکاء اشرف کو خط لکھ دیا، رواں ہفتے لندن سے لاہور آنے کا پلان بھی بتا دیا، بغیر کسی معاوضے کے ٹِپس دینے کے لیے تیار ہے،سرفراز نواز نے پی ایس ایل اور انٹرنیشنل کرکٹ میں کھیلنے والے نوجوان فاسٹ بولرز کی رہنمائی کرنے کی پیشکش کر دی ہے،
لیجنڈری سرفراز نواز نوجوان فاسٹ بولرز کی ویڈیو دیکھ کر انہیں قیمتی مشورے دیں گے سرفراز نواز کرکٹ میں ریورس سوئنگ کے موجد ہیں، پاکستان کے لیے خدمات دے چکے ہیں سرفراز نواز نے 55 ٹیسٹ اور 45 ون ڈے میچز میں پاکستان کی نمائندگی کی
پشاورمحرم الحرام کے پیش نظر ٹریفک پلان پر عمل درآمد یقینی بنائی جائے، چیف ٹریفک آفیسر
چیف ٹریفک آفیسر قمر حیات خان نے 5 ویں محرم الحرام کے سلسلے میں جی ٹی روڈ پر ماتمی جلوس کے روٹس کا دورہ کیا ہے اس دوران ڈی ایس پی ہیڈ کوارٹرز ظہور خان بھی انکے ہمراہ تھےچیف ٹریفک آفیسر نے محرم الحرام کے دوران شہر بھر میں ٹریفک کی روانی برقرار رکھنے کے لئے متبادل روٹس پر تعینات نفری سے ملاقات کی‘ چیف ٹریفک آفیسر قمر حیات خان نے ٹریفک پلان پر عملدرآمد سے متعلق انتظامات کا جائزہ لیا جس پر اطمینان کا اظہار کیا چیف ٹریفک آفیسر نے اہلکاروں کو ہدایات جاری کی ہے کہ ٹریفک پلان پر مکمل عملدرآمد کو یقینی بنائیں تاکہ شہریوں کو کسی قسم کے مشکلات کا سامنا نہ ہو’ فورک لفٹرز اور چپس رائیڈرز ہمہ وقت موجود رہیں تاکہ سڑکیں رواں دواں ہوں
شہر میں ٹریفک کی روانی برقرار رکھنے کے لئے متبادل روٹس پر بھاری نفری تعینات کی گئی ہے تاکہ شہریوں کو کسی قسم کے مشکلات کا سامنا نہ ہو‘ ٹریفک حکام شہر بھر میں نو پارکنگ زون میں گاڑیاں کھڑی کرنیوالوں کے خلاف کارروائیاں عمل میں لائیں‘ نو پارکنگ زون کی خلاف ورزی کرنے پر گاڑیوں کو فورک لفٹر کے ذریعے اٹھا کر مالکان کے خلاف کارروائی عمل میں لائی جائے‘
چیف ٹریفک آفیسر قمر حیات خان نے کہا کہ عشرہ محرم کے دوران حکومتی ہدایات کے مطابق ڈبل سواری کے مرتکب افراد اور کالے شیشوں کا استعمال کرنیوالوں کے خلاف بھی کارروائیاں جاری رکھی جائیں‘ محرم الحرام کے دوران شہریوں کو سہولت فراہم کرنے کے لئے سوشل میڈیا کے تمام سائٹس اور ایم ایف ریڈیو 88.6 پر باقاعدہ متبادل روٹس بارے آگاہی دی جائیگی‘ ٹریفک افسران اور اہلکار محرم الحرام کے دوران ٹریفک کی روانی برقرار رکھنے کے لئے تمام تر صلاحیتیں بروئے کار لائیں‘
کے پی کے،مطیع اللہ خان نے بحثیت نگران صوبائی وزیر حلف لے لی
نگران وزیراعلیٰ خیبرپختون خوا کے مشیر مطیع اللہ خان نے بحیثیت نگران صوبائی وزیر حلف اٹھا لیا۔ مطیع اللہ خان کی حلف برداری کی تقریب گورنرہاؤس پشاور میں منعقد ہوئی جس میں نگران وزیراعلٰی محمد اعظم خان نے بھی شرکت کی،۔ ان کے علاوہ نگران صوبائی وزراء فضل الٰہی، حامد شاہ، حاجی منظورآفریدی، ساول نذیرایڈوکیٹ، مشیر تعلیم رحمت سلام خٹک، حاجی ہدایت اللہ خان، بخت نواز تھاکوٹ اور چیف سیکرٹری ندیم اسلم چوہدری، سرکاری محکموں کے انتظامی سربراہان سمیت سیاسی وسماجی شخصیات شر یک ہوئے، اس موقع پر گورنرخیبرپختونخوا حاجی غلام علی نے نامزد نگران صوبائی وزیر مطیع اللہ خان سے ان کے عہدے کا حلف لیا، گورنر خیبرپختونخوا حاجی غلام علی نے نگران صوبائی وزیر مطیع اللہ خان کو مبارکباد دی اور نیک تمناؤں کا اظہار کیا۔
دوسرا ٹیسٹ،سری لنکا کی ٹیم 166 رنز پر ڈھیر
پاکستان اور سری لنکا کے درمیان کولمبو میں کھیلے جانے والے سیریز کے دوسرے ٹیسٹ میں مہمان ٹیم نے شاندار باؤلنگ کرتے ہوئے سری لنکا کی پوری ٹیم کو 166 رنز پر آؤٹ کر دیاسری لنکن اوپنر نشان مدوشکا 4 رنز بنا کر رن آؤٹ ہوئے، ان کے بعد کوشل مینڈس 6 رنز بنا کر پویلین لوٹے، ان کے علاوہ انجیلو میتھیوز 9 رنز بنا کر آؤٹ ہوئے، ان کے بعد کپتان دیموتھ کرونارتنے 17 رنز بنا سکے، اس موقع سری لنکا کے مجموعی طور پر 4 وکٹوں کے نقصان پر 36 رنز بنائے تھے.چندیمل اور ڈی سلوا نے پانچویں وکٹ کے لیے 85 رنز کی شراکت قائم کرکے سری لنکا کا مجموعی اسکور 121 رنز پر پہنچا دیا، تاہم نسیم شاہ نے دنیش چندیمل کو امام الحق کے ہاتھوں کیچ آؤٹ کروا دیا اور پاکستان کے لیے خطرناک نظر آنے والی شراکت داری کو توڑ دیا۔
سری لنکا کو چھٹا نقصان سدیرا سمارا وکرما کی صورت میں اٹھانا پڑا جو ابرار احمد کا شکار بنے، اس کے بعد دھننجیا ڈی سلوا بھی 57 رنز بنا کر ابرار احمد کی باؤلنگ پر سعود شکیل کو کیچ دے بیٹھے۔سری لنکا کی آٹھویں وکٹ 136 رنز پر گری جب شان مسعود نے پربت جے سوریا کر رن آؤٹ کر دیا، اس کے بعد اسیتھا فرنینڈو کو بھی ابرار احمد نے بولڈ کر دیا۔مہمان ٹیم کی آخری وکٹ 166 رنز کے مجموعی اسکور پر گری جب رمیش مینڈس 27 رنز بنا کر آؤٹ ہوئے۔
پشاور فائرنگ،ڈائر یکٹر شعبہ امتحانات قتل
پشاور کے علاقے شاہ پور میں نامعلوم افراد نے پبلک سروس کمیشن کے شعبہ امتحانات کے ڈائریکٹر ارشد خان کو نا معلوم افراد نے قتل کردیا۔ مقتول اپنے ڈرائیور اسماعیل خان کے ساتھ چارسدہ سے ڈیوٹی کے لیے جا رہے تھے ،اسی اثناء نامعلوم موٹرسائیکل سواروں نے فائرنگ کردی۔ حادثے میں ڈرائیور معجزانہ طور پر بچ گئے۔ فائرنگ کے فورا بعد ارشد خان کو ایل آر ایچ ہسپتال منتقل کر دیا گیا،جہاں ڈاریکٹر ارشد خان کے موت کی تصدیق ہوئی ،
پولیس کے مطابق ارشد خان سکنہ چارسدہ حال دوران پور کو سرکاری گاڑی میں دوران پور رنگ روڈ کے قریب نامعلوم ملزمان نے فائرنگ کرکے قتل کردیا۔
واقعہ کی اطلاع ملتے ہی مقامی پولیس فوری موقع پر پہنچ گئی اور نعش کو تحویل میں لے کر پوسٹمارٹم کیلئے ہسپتال منتقل کردی ہے جبکہ جائے وقوعہ سے دو عدد 30 بور پستول کے خالی خول اور دیگر اہم شواہد اکٹھے کرلیے گئے ہیں جس کی مددکیس میں مختلف پہلوؤں پر تفتیش کا آغاز کردیا گیاے۔ مقتول کے ورثاء کے مطابق اصل حقائق معلوم کرنے کے بعد باقائدہ مقدمہ درج کیا جائے گا۔
