Baaghi TV

Blog

  • سی سی پی او لاہور کی تبدیلی کا بھی امکان

    سی سی پی او لاہور کی تبدیلی کا بھی امکان

    نئے انسپیکٹر جنرل (آئی جی) پنجاب ڈاکٹر عثمان انور کی تعیناتی کے بعد اب کیپیٹل سٹی پولیس آفیسر (سی سی پی او) لاہور کی تبدیلی کا امکان پیدا ہو گیا ہے۔

    ذرائع کے مطابق نئے آئی جی اور سی سی پی او لاہور دونوں کا تعلق 24 ویں کامن سے ہے پنجاب حکومت نئے سی سی پی او لاہور کے ناموں پر غور کر رہی ہے جبکہ آئی جی اسلام آباد علی ناصر رضوی سمیت دیگر ناموں پر بھی توجہ دی جا رہی ہے۔

    امکان ظاہر کیا جا رہا ہے کہ سی سی پی او لاہور کی تعیناتی بھی جلد متوقع ہے اسی دوران، ڈی جی ایف آئی اے کے تبادلے کا نوٹیفکیشن بھی جاری کر دیا گیا ہےڈاکٹر عثمان انور کو ڈی جی ایف آئی اے تعینات کر دیا گیا ہے، جبکہ رفعت مختار کو اسٹیبلشمنٹ ڈویژن رپورٹ کرنے کی ہدایت کی گئی ہے۔

    وزیرداخلہ محسن نقوی نے آئی جی پنجاب ڈاکٹر عثمان انور کی تقرری پر اپنے پیغام میں کہا کہ ڈاکٹر عثمان انور نے پنجاب پولیس کو نئی شکل دی اور عوامی خدمت اور اصلاحات کے نئے معیار قائم کیے ڈی جی ایف آئی اے کا عہدہ سنبھالتے ہی ایک نئے دور کا آغاز ہوا ہے اور قومی ذمہ داری کے لیے عثمان انور کے لیے نیک خواہشات کا اظہار کیا۔

    واضح رہے کہ انسپکٹر جنرل پنجاب پولیس (آئی جی پی) ڈاکٹر عثمان انور کو تبدیل کرکے راؤ عبدالکریم کو نیا آئی جی پنجاب تعینات کر دیا گیا ہے ڈاکٹر عثمان انور کو جنوری 2023 میں آئی جی پنجاب تعینات کیا گیا تھا۔

  • بھارتی گروہ کینیڈا سمیت مختلف ممالک میں بھتہ خوری، بلیک میلنگ اور منظم جرائم میں ملوث

    بھارتی گروہ کینیڈا سمیت مختلف ممالک میں بھتہ خوری، بلیک میلنگ اور منظم جرائم میں ملوث

    بھارتی منظم جرائم پیشہ گروہ کینیڈا سمیت دنیا کے مختلف ممالک میں عوام کے جان و مال کے لیے سنگین خطرہ بنتے جا رہے ہیں۔

    آسٹریلوی جریدے اسپیکٹیٹر آسٹریلیا کی ایک تازہ رپورٹ میں انکشاف کیا گیا ہے کہ کینیڈا، امریکا اور آسٹریلیا جیسے ترقی یافتہ ممالک میں بھارتی جرائم پیشہ نیٹ ورکس بھتہ خوری، بلیک میلنگ اور منظم جرائم میں ملوث پائے گئے ہیں ان گروہوں کی سرگرمیوں کے باعث مقامی کمیونٹیز میں خوف اور عدم تحفظ کی فضا پیدا ہو چکی ہے۔

    اسپیکٹیٹر آسٹریلیا کے مطابق کینیڈا کے شہر سرے میں رواں سال جنوری سے اب تک بھارتی جرائم پیشہ گروہوں کی جانب سے بھتہ خوری کے 35 واقعات رپورٹ ہو چکے ہیں، جبکہ صوبہ اونٹاریو میں گزشتہ تین برسوں کے دوران 1500 سے زائد بلیک میلنگ کیسز سامنے آ چکے ہیں، کینیڈا میں سرگرم بدنام زمانہ بھارتی بشنوئی گروہ منظم جرائم اور بھتہ خوری میں ملوث ہے بعض سکھ تنظیموں نے الزام عائد کیا ہے کہ یہ گروہ بھارتی حکومت کی ایما پر کینیڈا میں خالصتان حامی کارکنوں کو نشانہ بنا رہا ہے۔

    کینیڈین صحافیوں کے مطابق رائل کینیڈین ماؤنٹڈ پولیس کی رپورٹس میں بھی متعدد بار یہ انکشاف کیا گیا ہے کہ بھارتی حکومت اپنے مفادات کے لیے ان جرائم پیشہ گروہوں کو استعمال کر رہی ہے۔

    عالمی ماہرین کا کہنا ہے کہ بیرونِ ممالک کی خودمختاری کو نظرانداز کرتے ہوئے جرائم پیشہ نیٹ ورکس کا استعمال بھارت کے لیے عالمی سطح پر شرمندگی کا باعث بن رہا ہے بھارتی شہریوں کے جرائم میں ملوث ہونے کے بڑھتے واقعات میزبان ممالک کے لیے ایک سنجیدہ سیکیورٹی چیلنج بن چکے ہیں۔

  • شوہر کے مذاق نے خاتون کی جان لے لی

    شوہر کے مذاق نے خاتون کی جان لے لی

    بھارت میں ایک خاتون نے شوہر کے مزاحیہ انداز میں انہیں ’بندریا‘ کہنے پر اپنی زندگی کا خاتمہ کر لیا۔

    یہ افسوسناک واقعہ بھارت اترپردیش کے شہر لکھنؤ کے اندرا نگر علاقے میں پیش آیا،ابتدائی تحقیقات کے مطابق گھر کا ماحول خوشگوار تھا اور ہنسی مذاق جاری تھا۔ اسی دوران شوہر نے مزاحیہ انداز میں اپنی اہلیہ کو ’بندریا‘ کہہ دیا، جس سے تنو سنگھ شدید صدمے کا شکار ہو گئیں اور انہوں نے اپنی زندگی کا خاتمہ کر لیا۔ جس کے بعد پولیس نے فوری طور پر موقع پر پہنچ کر لاش قبضے میں لے کر پوسٹ مارٹم کے لیے بھیج دی۔

    رپورٹس کے مطابق تنو سنگھ ماڈل بننے کی خواہشمند تھیں اور اپنے جسمانی حسن کے حوالے سے بہت حساس تھیں۔ وہ اپنے شوہر راہول سنگھ کے ساتھ اندرا نگر میں رہائش پذیر تھیں تنو کی بہن انجلی نے بتایا کہ بدھ کی شام خاندان والے سیتا پور میں ایک رشتہ دار کے گھر سے واپس آئے۔ گھر پہنچنے کے بعد سب لو گ ادھر ادھر بیٹھے خوشگوار ہنسی مذاق میں مصروف تھے، اسی دوران شوہر نے مذاقاً تنو کو ’بندریا‘ کہا، جس سے وہ شدید تکلیف میں مبتلا ہو گئیں اور غصے میں اپنے کمرے میں چلی گئیں۔

    ابتدائی طور پر خاندان کے افراد یہ سمجھ رہے تھے کہ وہ جلد معمول پر آجائیں گی، اس لیے کسی نے انہیں روکنے کی کوشش نہیں کی تقریباً ایک گھنٹے بعد، جب کھانے کے لیے بلایا گیا اور کوئی جواب نہ آیا، تو گھر والوں نے کمرے میں جا کر دیکھا کہ تنو کی لاش پنکھے سے لٹکی ہوئی تھی تنو اپنے کیریئر اور جسمانی حسن کے حوالے سے بہت حساس تھیں اور اسی وجہ سے شوہر کے مذاق کو برداشت نہیں کر پائیں، جس کا نتیجہ یہ افسوسناک واقعہ نکلا۔

    پولیس نے بتایا کہ ابتدائی تفتیش میں معاملہ خاندان کے اندر ہلکی پھلکی جھڑپ اور مذاق کی وجہ سے دل برداشتگی کے طور پر ظاہر ہوتا ہے۔ پوسٹ مارٹم مکمل ہونے کے بعد لاش ورثاء کے حوالے کر دی گئی ہے۔

  • قومی اسمبلی میں بلوچستان کی موجودہ صورتحال پر قرار داد متفقہ طور پر منظور

    قومی اسمبلی میں بلوچستان کی موجودہ صورتحال پر قرار داد متفقہ طور پر منظور

    قومی اسمبلی میں بلوچستان کی موجودہ صورتحال پر قرار داد متفقہ طور پر منظور کرلی گئی۔ قرار داد میں دہشتگردی کیخلاف جنگ میں سیاست سے بالاتر ہوکر قومی اتحاد ناگزیر قرار دیا گیا ہے۔

    قومی اسمبلی میں منظور کی گئی قرار داد میں کہا گیا ہے کہ ایوان بلوچستان میں دہشتگردی کے واقعات کی مذمت کرتا ہے، دہشت گردوں نے گھناؤنے اور غیر انسانی ذرائع اختیار کیے۔متن میں کہا گیا ہے کہ ریاست دہشت گردوں کیخلاف فیصلہ کن کارروائی کرے، بیرونی اور اندرونی سہولت کاروں کیخلاف ہنگامی بنیادوں پر اقدامات کیے جائیں۔

    دوسری جانب وفاقی وزیر دفاع خواجہ آصف کا کہنا ہے کہ دہشت گردی کیخلاف میدان میں بھی بھارت اور افغانستان کو شکست دیں گے، دشمن کے ساتھ وہی سلوک ہوگا جو دنیا میں ہوتا ہے۔وزیردفاع خواجہ آصف کا کہنا ہے کہ بلوچستان میں دہشت گرد 177 لاشیں چھوڑ کر بھاگے ہیں، ہم دہشتگردی کیخلاف میدان میں بھی بھارت اور افغانستان کو شکست دیں گے۔میڈیا سے گفتگو میں انہوں نے کہا کہ دُنیا کو معلوم ہے بھارت دہشتگردی میں ملوث ہے، کلبھوشن یادیو بھارتی دہشت گردی کا منہ بولتا ثبوت ہے، دشمنوں کے ساتھ وہی سلوک ہوگا جو دُنیا میں ہوتا ہے۔

  • مائیکل جیکسن پر مبنی فلم کا ٹریلر جاری

    مائیکل جیکسن پر مبنی فلم کا ٹریلر جاری

    پاپ کے بے تاج بادشاہ مائیکل جیکسن پر مبنی فلم ’مائیکل‘ کا ٹریلر جاری کر دیا گیا ہے-

    بین الاقوامی میڈیا کے مطابق اس فلم میں مائیکل جیکسن کی زندگی کے مختلف پہلو دکھائے گئے ہیں، جن میں ان کا بچپن، موسیقی کے ابتدائی دن، اور سپر اسٹار بننے کا شاندار سفر شامل ہے، جسے انتہائی جاندار انداز میں پیش کیا گیا ہےہدایت کار اینٹوان فوکا نے ٹریلر میں جیکسن کی یادگار اسٹیج پرفارمنسز اور ذاتی جدوجہد دونوں کو بڑی خوبصورتی سے دکھایا، جس نے مداحوں کو شدید متاثر کیا۔

    فلم میں مرکزی کردار مائیکل جیکسن کے بھتیجے، جعفر جیکسن نے ادا کیا ہے، جنہوں نے اپنے چچا کے انداز، ڈانس اور تاثرات کو انتہائی قدرتی اور دلکش انداز میں پیش کیا ہے ٹریلر جاری ہوتے ہی سوشل میڈیا پر مداحوں کی جانب سے بے پناہ ردعمل سامنے آیا، اور متعدد ویڈیوز وائرل ہو گئیں۔

  • سیالکوٹ اسٹالینز نے آسٹریلوی کرکٹر کو سائن کر لیا

    سیالکوٹ اسٹالینز نے آسٹریلوی کرکٹر کو سائن کر لیا

    پی ایس ایل فرنچائز سیالکوٹ اسٹالینز نے اسٹیو اسمتھ کو ڈائریکٹ سائن کرلیا۔

    ذرائع کا کہنا ہے کہ آسٹریلوی کرکٹر نے بہتر آفراورمینجمنٹ دیکھ کرسیالکوٹ کیساتھ ڈائریکٹ سائن کیا ،اسٹیو اسمتھ نے حال ہی میں بگ بیش لیگ میں عمدہ کارکردگی کا مظاہرہ کیا تھا۔

    واضح رہے کہ سابق آسٹریلین کپتان ٹم پین کو سیالکوٹ اسٹالینز کا ہیڈ کوچ مقررکیا گیا ہے ،انتظامیہ نے سوشل میڈیا پر نئے ہیڈ کوچ کا اعلان کیا پاکستان سپر لیگ (پی ایس ایل) سیزن 11 کے لیے تاریخ کی مہنگی ترین ٹیم خریدنے کا اعزاز او زیڈ گروپ نے اپنے نام کیا، جس نے سیالکوٹ کی فرنچائز کے مالکانہ حقوق 185 کروڑ روپے میں 10 سال کے لیے حاصل کیے۔

  • پیپلزپارٹی نے حکومت کو زرعی شعبے کیلئے 3 مطالبات پیش کردیئے

    پیپلزپارٹی نے حکومت کو زرعی شعبے کیلئے 3 مطالبات پیش کردیئے

    پاکستان پیپلزپارٹی نے حکومت کو زرعی شعبے کیلئے 3 مطالبات پیش کردیئے۔ فوری ریلیف پیکیج، سود کی معافی اور نئے قرضے دیئے جائیں۔

    اسلام آباد میں پیپلزپارٹی کے رہنماؤں چوہدری منظور اور ندیم افضل چن نے پریس کانفرنس کرتے ہوئے کسانوں کیلئے ریلیف پیکیج کا اعلان کیا۔پیپلزپارٹی نے زرعی شعبے کیلئے 3 مطالبات میں کہا کہ کسانوں کو فوری طور پر ریلیف پیکیج دیا جائے، پچھلا سود معاف کیا جائے اور نئے قرضے فراہم کیے جائیں۔چوہدری منظور نے کہا کہ حکومت کسانوں سے آلو کی فصل خریدے، کمرشل بینک زرعی شعبے کو قرضے نہیں دیتے، کسانوں کو ابھی تک سیلاب والی امداد نہیں ملی۔ندیم افضل چن نے کہا کہ زرعی بحران کے باعث انڈسٹری بھی سنگین مشکلات کا شکار ہے، پیپلزپارٹی سڑکوں پر بعد میں پہلے اسمبلی میں معاملہ اٹھائے گی، زرعی شعبے کا کرائسز سب سے زیادہ پنجاب میں ہے، آپ کسان کیلئے بجلی کا ریٹ بھی کم نہیں کررہے، سڑکوں پر جانے کا آپشن آخری ہے۔ملک بھر میں کسان مہنگائی، بیجوں کی قلت، پانی کی کمی اور زرعی لاگت میں اضافے جیسے سنگین مسائل کا شکار ہیں، مگر پیپلز پارٹی کی قیادت کسانوں کے حقوق پر کوئی سمجھوتہ نہیں کرے گی۔ چیئرمین بلاول بھٹو زرداری کی قیادت میں کسانوں کو ریلیف، مناسب قیمت اور سہولیات کی فراہمی کے لیے جدوجہد جاری رکھیں گے۔ عوام اور کسان کی آواز بن کر، پیپلز پارٹی ہر مشکل میں ساتھ کھڑی ہے۔

  • پی ٹی آئی کی سکیورٹی فورسز کے خلاف ٹرولنگ والے سوشل میڈیا اکاؤنٹ سے لاتعلقی

    پی ٹی آئی کی سکیورٹی فورسز کے خلاف ٹرولنگ والے سوشل میڈیا اکاؤنٹ سے لاتعلقی

    پاکستان تحریک انصاف (پی ٹی آئی) نے بلوچستان میں دہشت گردی کے حالیہ واقعات کے بعد سکیورٹی فورسز کے خلاف ٹرولنگ اور توہین آمیز مہم میں ملوث افراد اور سوشل میڈیا اکاؤنٹس سے واضح اور دوٹوک انداز میں لاتعلقی کا اعلان کر دیا۔

    دی نیوز کی رپورٹ کے مطابق پی ٹی آئی کے سیکرٹری اطلاعات شیخ وقاص اکرم کا کہنا ہے کہ اس معاملے پر پارٹی میں کوئی ابہام نہیں اور دہشتگردی سے متعلق واقعات میں سکیورٹی فورسز کے شہدا پر تنقید کرنے والوں سے واضح طور پر لاتعلقی اختیار کی گئی ہے۔شیخ وقاص اکرم نے مزید کہا کہ بانی پی ٹی آئی کی پالیسی کے مطابق فوج ان کی اپنی ہے اور پاکستان اور اس کے وجود کیلئے بے حد اہم ہے، سکیورٹی اداروں کی قربانیوں کا مذاق اُڑانے یا کمزور کرنے کی کوشش ناقابل قبول ہے۔تاہم پارٹی ذرائع نے دی نیوز کو بتایا کہ اس باضابطہ مؤقف کے باوجود پی ٹی آئی کی قیادت کو اپنے ہی سوشل میڈیا ٹرولز سے بڑھتا ہوا خطرہ محسوس ہو رہا ہے۔پارٹی کا سوشل میڈیا بیرون ملک سے چلایا جاتا ہے اور یہ پارٹی کے چیئرمین، سیکرٹری اطلاعات حتیٰ کہ سیاسی کمیٹی کے کنٹرول میں بھی نہیں ہے۔

    خیال رہے کہ 3 روز قبل بھارتی سرپرستی میں کالعدم بی ایل اے نے بلوچستان کے 8 اضلاع میں حملے کیے جنہیں سکیورٹی فورسز نے بروقت کارروائیاں کرتے ہوئے ناکام بنایا اور 3 روز کے دوران 177 دہشتگردوں کو جہنم واصل کیا گیا۔

    گزشتہ روز خواجہ آصف نے قومی اسمبلی میں اظہار خیال کرتے ہوئے کہا کہ دہشتگردوں کے حملوں میں 17 سکیورٹی اہلکار اور 33 عام شہری بھی شہید ہوئے۔خواجہ آصف کا کہنا تھا دہشتگردوں کے ساتھ کسی قسم کی بات چیت نہیں ہو گی، ریاست کی جانب سے دہشتگردوں کو بھرپور طاقت سے جواب دیا جائے گا۔

  • بلوچستان میں دہشتگرد حملہ بھارتی خفیہ ایجنسی را کے ذریعے منظم کیا گیا، گرپتونت سنگھ پنوں

    بلوچستان میں دہشتگرد حملہ بھارتی خفیہ ایجنسی را کے ذریعے منظم کیا گیا، گرپتونت سنگھ پنوں

    بلوچستان میں بی ایل اے کا دہشت گرد حملہ، جو مودی کی بھارت کی سرپرستی میں کیا گیا، امریکی مفادات اور ٹرمپ انتظامیہ پر براہِ راست حملہ ہے

    سکھ فار جسٹس کے جنرل کونسل گر پتونت سنگھ پنوں کا کہنا ہے کہ بلوچستان لبریشن آرمی کا حل، خالصتان لبریشن آرمی کو مسلح کیا جائے ،بلوچستان میں شہریوں پر کیا گیا حملہ کی سازش بھارت میں تیار کی گئی، یہ حملہ اجیت دوول کی قیادت میں را نے منظم کیا،بلوچستان حملہ نہ صرف پاکستان بلکہ پاکستان میں امریکی مفادات اور براہِ راست ٹرمپ انتظامیہ پر بھی حملہ ہے۔بلوچستان لبریشن آرمی (بی ایل اے)، جو امریکا کی جانب سے نامزد دہشت گرد تنظیم ہے کا یہ حملہ مودی کے بھارت کی جانب سے تیار اور استعمال کیا جا رہا ہے، جس کے دو واضح مقاصد ہیں اول، پاکستان کو عدم استحکام کا شکار کرنا؛ دوم پاکستان سے امریکی سرمایہ کاری کو دور بھگانا۔اسی لیے دہشت گرد حملے کے چند ہی گھنٹوں کے اندر بھارتی میڈیا اور بھارت کی سرپرستی میں پالیسی ساز آوازوں نے اسے ایک “ویک اپ کال” قرار دینا شروع کر دیا ،یہ ایک مربوط اور پہلے سے تیار کردہ بیانیہ تھا جس کا مقصد سرمایہ کاری کے ماحول کو زہر آلود کرنا اور امریکی شمولیت کی حوصلہ شکنی کرنا ہے۔

    سکھ فار جسٹس کے جنرل کونسل گر پتونت سنگھ پنوں کا کہنا تھا کہ بھارتی دہشت گردوں کے ہاتھوں معصوموں کے خون بہنے کو دیکھ کر میرا خون کھول رہا ہے۔پاکستان کے عوام! کیا تمہارا خون بھی کھول رہا ہے؟” ،پاکستان آرمی نے سینکڑوں دہشت گردوں کو ہلاک کیا ہے، تاہم اس سے بھارت کی پشت پناہی میں ہونے والی دہشت گردی ختم نہیں ہوگی “مودی کے بھارت کو ختم کرو”؛ فیلڈ مارشل عاصم منیر کو اب کیا ہدایت دینی چاہیے۔ “بلوچستان میں بی ایل اے بلوچستان لبریشن آرمی کے مسئلے کا پاکستان کے پاس حل یہ ہے کے ایل اے (خالصتان لبریشن آرمی) کو اسلحہ اور مالی وسائل فراہم کیے جائیں تاکہ بھارتی قبضے والے پنجاب کی آزادی کے لیے جدوجہد کی جا سکے،”

    بلوچستان میں شہریوں کا قتلِ عام مودی حکومت کی پراکسی جنگ ہے، جس کا ہدف نہ صرف پاکستان بلکہ براہِ راست امریکا بھی ہے، کیونکہ یہ امریکی معاشی حکمتِ عملی کو کمزور بنانے اور ٹرمپ انتظامیہ کی علاقائی پالیسیوں کو چیلنج کرنے کے مترادف ہے۔

  • علیمہ خان کی حاضری معافی کی درخواست مسترد،دوبارہ وارنٹ جاری

    علیمہ خان کی حاضری معافی کی درخواست مسترد،دوبارہ وارنٹ جاری

    انسدادِ دہشت گردی عدالت نے علیمہ خانم کے خلاف دوبارہ ناقابلِ ضمانت وارنٹِ گرفتاری جاری کر دیے ہیں۔ یہ احکامات تھانہ صادق آباد کے نومبر احتجاج کیس کی سماعت کے دوران جاری کیے گئے۔

    عدالت کے جج امجد علی شاہ نے علیمہ خانم کی جانب سے دائر کی گئی حاضری سے استثنیٰ (معافی) کی درخواست مسترد کر دی۔ سماعت کے دوران علیمہ خانم کے وکیل فیصل ملک نے ذاتی وجوہات کی بنا پر ملزمہ کی عدم حاضری کی درخواست کی، تاہم عدالت نے اس درخواست کو تسلیم نہیں کیا۔پراسیکیوٹر سید ظہیر شاہ نے عدالت میں مؤقف اختیار کیا کہ علیمہ خانم دانستہ طور پر مقدمے کے ٹرائل میں رکاوٹ ڈال رہی ہیں۔ ان کا کہنا تھا کہ ہر سماعت پر تفتیشی افسران، گواہان اور دیگر ملزمان عدالت میں پیش ہوتے ہیں، مگر ملزمہ کی جانب سے مسلسل عدم حاضری عدالتی کارروائی میں خلل ڈالنے کے مترادف ہے۔ پراسیکیوٹر نے مزید کہا کہ علیمہ خانم کی جانب سے عدالتی احکامات کی مسلسل عدم تعمیل کا رویہ اختیار کیا جا رہا ہے۔

    عدالت نے پراسیکوشن کے دلائل سے اتفاق کرتے ہوئے علیمہ خانم کی حاضری معافی کی درخواست خارج کر دی اور ان کے ناقابلِ ضمانت وارنٹِ گرفتاری جاری کرنے کا حکم دے دیا۔اسی کے ساتھ عدالت نے علیمہ خانم کے دو ضامنوں کے بھی ناقابلِ ضمانت وارنٹِ گرفتاری جاری کر دیے۔ عدالت نے ایس ایچ او تھانہ صادق آباد کو حکم دیا کہ دونوں ضامنوں کو گرفتار کر کے عدالت میں پیش کیا جائے۔مزید برآں، عدالت نے علیمہ خانم کے وارنٹِ گرفتاری پر عملدرآمد نہ کرانے پر ایس پی راول کو شوکاز نوٹس جاری کرتے ہوئے انہیں وارنٹس کی فوری تعمیل کرانے کا حکم بھی دیا ہے۔

    عدالتی ریکارڈ کے مطابق تھانہ صادق آباد کے نومبر احتجاج کیس کی اب تک 42 سماعتیں ہو چکی ہیں، جن میں سے علیمہ خانم صرف 14 سماعتوں پر حاضر ہوئیں، جبکہ 28 سماعتوں پر غیر حاضر رہیں۔ کیس کی سماعت گزشتہ 120 دنوں سے جاری ہے، تاہم ملزمہ کی بار بار غیر حاضری کے باعث ٹرائل متاثر ہو رہا ہے۔عدالت نے واضح کیا کہ قانون سب کے لیے برابر ہے اور عدالتی احکامات کی عدم تعمیل کسی صورت برداشت نہیں کی جائے گی۔ کیس کی آئندہ سماعت وارنٹِ گرفتاری کی تعمیل اور ضامنوں کی پیشی کے بعد مقرر کی جائے گی۔