قومی اسمبلی میں خطاب کرتے ہوئے پاکستان تحریک انصاف کے چیئرمین بیرسٹر گوہر نے بلوچستان میں دہشتگردی کی شدید مذمت کی اور شہید ہونے والے افراد کو خراج تحسین پیش کیا۔ انہوں نے کہا کہ شہداء کا خون رائیگاں نہیں جائے گا۔
بیرسٹر گوہر نے کہا کہ جو بھی ہتھیار اٹھا کر لوگوں کو شہید کرتا ہے وہ اس ملک کا دشمن ہے اور بلوچستان میں دہشتگردی میں بھارت ملوث ہے۔ انہوں نے مزید کہا کہ پاکستان میں دہشتگردی کے لیے کوئی جگہ نہیں، اور کسی دہشتگرد کو پناہ نہیں دی جائے گی۔
Blog
-
پی ٹی آئی چیئرمین بیرسٹرگوہر کی بلوچستان میں دہشتگردی کی شدید مذمت
-
ٹھٹھہ: حضرت عبداللہ شاہ اصحابی کا 387واں سالانہ عرس مبارک شروع، صوبائی وزیر نے افتتاح کیا
ٹھٹھہ (باغی ٹی وی،ڈسٹرکٹ رپورٹربلاول سموں)سندھ کے مشہور صوفی بزرگ حضرت عبداللہ شاہ اصحابی کا 387واں تین روزہ سالانہ عرس مبارک مکلی میں شروع ہو گیا۔ صوبائی وزیر اوقاف سید ریاض حسین شاہ شیرازی نے درگاہ پر چادر چڑھا کر عرس کا باضابطہ افتتاح کیا۔ افتتاح کے موقع پر ملک کی سالمیت، خوشحالی، استحکام اور امن کے لیے دعا بھی کی گئی۔
اس موقع پر وزیر اوقاف کے ہمراہ منیجر اوقاف گل حسن چوہان، حنیف میمن اور دیگر اہلکار بھی موجود تھے۔ وزیر اوقاف نے کہا کہ سندھ صوفی بزرگوں اور درویشوں کی سرزمین ہے، جنہوں نے ہمیشہ محبت، امن اور بھائی چارے کا درس دیا، اور ان کی تعلیمات پر عمل کرنا ہم سب کا فرض ہے۔
انہوں نے بتایا کہ درگاہیں روحانی سکون کے ساتھ ساتھ قیمتی ثقافتی اثاثہ بھی ہیں، جہاں لاکھوں زائرین روحانی فیض حاصل کرتے ہیں۔ عرس مبارک کے موقع پر فول پروف سیکیورٹی کے انتظامات کیے گئے ہیں، جس میں واک تھرو گیٹس اور سی سی ٹی وی کیمرے نصب کیے گئے ہیں۔
وزیر اوقاف نے کہا کہ زائرین کو تمام سہولیات فراہم کرنا محکمہ اوقاف کی اولین ترجیح ہے، جس میں میڈیکل کیمپ، صاف پانی، وضو کے انتظامات، واش روم، مسافر خانے، لنگر اور دیگر بنیادی سہولیات شامل ہیں۔ انہوں نے زور دیا کہ درگاہوں کا تقدس برقرار رکھا جائے گا اور کسی کو غلط استعمال کی اجازت نہیں دی جائے گی۔
صوبائی وزیر نے محکمہ اوقاف کی جانب سے قائم کیے گئے سی سی ٹی وی کنٹرول روم کا بھی معائنہ کیا۔
-
اوکاڑہ، رینالہ خورد: امیر مرکزی جمعیت اہلحدیث سینیٹر ڈاکٹر حافظ عبدالکریم کا تنظیمی دورہ
اوکاڑہ (باغی ٹی وی/نامہ نگار ملک ظفر)امیر مرکزی جمعیت اہلحدیث پاکستان، سینیٹر ڈاکٹر حافظ عبدالکریم نے اپنے تنظیمی دورے کے سلسلے میں رینالہ خورد، ضلع اوکاڑہ کا دورہ کیا۔
تفصیلات کے مطابق ضلع اوکاڑہ کے امیر ڈاکٹر محمد اسلم صدیقی، ناظم ضلع مولانا ابوبکر صدیق اور اہلحدیث یوتھ فورس ضلع اوکاڑہ کے صدر مظہر اقبال عابد، جنرل سیکرٹری عابد محمود اوکاڑوی، کاشف صدیق اور دیگر رہنماؤں نے سینیٹر کا بھرپور استقبال کیا۔ پولیس کی طرف سے سیکیورٹی کے خصوصی انتظامات بھی کیے گئے۔
سینیٹر ڈاکٹر حافظ عبدالکریم نے اجتماع سے خطاب کرتے ہوئے کہا کہ مرکزی جمعیت اہلحدیث ایک پرامن جماعت ہے اور وطن عزیز میں قرآن و سنت کی بالا دستی اور ناموس صحابہ کی حفاظت کے لیے اپنی جدوجہد جاری رکھے گی۔
انہوں نے مزید کہا کہ جماعت ملکی دفاع اور استحکام کے لیے پاک فوج کی قربانیوں کو خراج تحسین پیش کرتی ہے۔ سینیٹر نے ضلع اوکاڑہ کے امیر ڈاکٹر اسلم صدیقی اور ناظم مولانا ابوبکر کو اجتماع کامیاب بنانے پر سراہا اور نوجوانوں کی خدمات کا خصوصی طور پر شکریہ ادا کیا۔
-
ڈیرہ غازی خان میں ’’ستھرا پنجاب‘‘ پروگرام،عوام کو مثالی صفائی ثمرات نظرآنے لگے
ڈیرہ غازی خان (باغی ٹی وی ،سٹی رپورڑ)وزیر اعلیٰ پنجاب کے ویژن ’’ستھرا پنجاب‘‘ کے تحت ڈیرہ غازی خان میں جاری صفائی و ستھرائی پروگرام ایک مثالی اقدام بن چکا ہے، جس کے مثبت اثرات عوام روزمرہ زندگی میں براہِ راست محسوس کر رہے ہیں۔
ڈائیوو ویسٹ مینجمنٹ کے ریجنل منیجر شاہزیب خان اور ریجنل کوآرڈینیٹر عبداللہ عباسی نے میڈیا سے گفتگو کرتے ہوئے کہا کہ پروگرام نے صفائی کے حوالے سے ایک نئی تاریخ رقم کی ہے اور اب اسے عالمی سطح پر بھی سراہا جا رہا ہے۔ ان کے مطابق وہ علاقے جہاں برسوں تک صفائی کا کوئی تصور نہیں تھا، وہاں اب روزانہ کی بنیاد پر گلی محلوں کی صفائی، گھر گھر کوڑا کرکٹ کی کولیکشن، سڑکوں کی صفائی اور فینائل سے دھلائی، اسکولوں کے سامنے صفائی، اور مساجد و قبرستانوں کی باقاعدہ دیکھ بھال یقینی بنائی جا رہی ہے۔
عبداللہ عباسی نے مزید کہا کہ ستھرا پنجاب ایک عالمی معیار کا ادارہ بن چکا ہے، جہاں ڈائیوو ویسٹ مینجمنٹ کے اعلیٰ افسران کی خصوصی نگرانی میں صفائی کے تمام امور انجام دیے جا رہے ہیں، جس کی وجہ سے عوام نظام سے مکمل مطمئن ہیں۔
ڈائیوو ویسٹ مینجمنٹ کے ایچ آر منیجر یعقوب خان نے بتایا کہ محنتی اور ایماندار اہلکاروں کی حوصلہ افزائی کی جا رہی ہے، جبکہ کام نہ کرنے والے یا کرپٹ عناصر کے خلاف سخت کارروائی کے بعد انہیں ادارے سے فارغ کر دیا گیا ہے۔ انہوں نے کہا کہ ستھرا پنجاب میں صرف کارکردگی کی بنیاد پر ترقی کے مواقع فراہم کیے جا رہے ہیں۔
عوامی حلقوں نے وزیر اعلیٰ پنجاب کے ویژن اور ڈائیوو ویسٹ مینجمنٹ کی کارکردگی کو سراہا اور امید ظاہر کی کہ صفائی کا یہ نظام مستقبل میں مزید مؤثر اور بہتر ثابت ہوگا۔
-
کراچی: صدر موبائل مارکیٹ میں آگ لگ گئی
وزیراعلیٰ سندھ مراد علی شاہ نے صدر میں واقع موبائل مارکیٹ میں آتشزدگی کے واقعے کا نوٹس لیتے ہوئے کمشنر کراچی سے رپورٹ طلب کرلی ہے۔ متاثرہ عمارتوں میں فوری ریسکیو اور امدادی کارروائی کی ہدایت جاری کی گئی ہے۔
مراد علی شاہ کا کہنا ہے کہ آگ لگنے کے اسباب اور ذمہ داران کا تعین کیا جائے گا اور شہریوں کی جان و مال کا تحفظ حکومت کی اولین ترجیح ہے۔
ترجمان کے مطابق فائربریگیڈ کی پانچ گاڑیاں آگ بجھانے میں مصروف ہیں جبکہ ریسکیو 1122 کے اہلکار بھی موقع پر موجود ہیں۔
آئی جی سندھ کے مطابق ٹریفک پولیس نے ریسکیو اور امدادی ٹیموں کے لیے راستہ بنانے کی ہدایت دی ہے تاکہ ریسکیو کاموں میں کوئی رکاوٹ نہ آئے۔ -
سینیٹ نے بلوچستان میں دہشت گرد حملوں کی شدید مذمت کی
سینیٹ پاکستان نے بلوچستان میں حالیہ دہشت گردانہ حملوں کی سخت مذمت کرتے ہوئے شہداء کے لواحقین سے دلی تعزیت اور زخمیوں کی جلد صحتیابی کی دعا کی ہے۔
سینیٹ نے سیکیورٹی فورسز اور قانون نافذ کرنے والے اداروں کی بہادری اور قربانیوں کو خراج تحسین پیش کیا جو عوام کی حفاظت اور ملک کے دفاع کے لیے اپنی جانیں خطرے میں ڈال رہے ہیں۔
سینیٹ نے بلوچستان میں امن، ترقی اور سیاسی شمولیت کے لیے اپنی وابستگی کا اعادہ کرتے ہوئے کہا کہ پائیدار سیکیورٹی معاشرتی و اقتصادی ترقی، اچھے حکمرانی اور آئینی حقوق کے احترام سے الگ نہیں۔
قومی اسمبلی نے دہشت گردی کو کامیاب نہ ہونے دینے کے عزم کا اعادہ کرتے ہوئے کہا کہ ریاست کی یکجہتی اور عوام کی ارادے پر تشدد، انتہا پسندی اور دہشت گردی غالب نہیں آئے گی۔
سینیٹ نے حکومت سے مطالبہ کیا کہ حملوں کی شفاف، فوری اور حتمی تحقیقات یقینی بنائی جائیں اور دہشت گردوں، سہولت کاروں اور دہشت گردی کے مقامی و بین الاقوامی پشت پناہوں کو قانون کے مطابق سزا دی جائے۔
ساتھ ہی وفاقی اور صوبائی حکومتوں سے کہا گیا کہ بلوچستان میں انٹیلی جنس کا تعاون، سرحدی سیکورٹی اور انسداد دہشت گردی کے اقدامات مزید مضبوط کیے جائیں۔ -
وفاقی وزیر علیم خان نے سینیٹ میں پلوشہ خان سے معذرت کرلی
وفاقی وزیر مواصلات و نجکاری علیم خان نے سینیٹ اجلاس میں پیپلز پارٹی کی سینیٹر پلوشہ خان سے معذرت کی ہے۔
اجلاس سے خطاب کرتے ہوئے علیم خان نے کہا کہ قائمہ کمیٹی کے اجلاس میں ایک واقعہ پیش آیا، اور 24 سال سے سیاست میں انہوں نے ہر کولیگ کے ساتھ احترام کا رشتہ قائم رکھا ہے۔ انہوں نے کہا، "کبھی ایسے لمحات آ جاتے ہیں، میں محترمہ سینیٹر پلوشہ خان، سینیٹر پرویز رشید اور دیگر ارکان سے دلی طور پر معذرت خواہ ہوں۔”
اس پر پلوشہ خان نے کہا کہ سب کی عزت برابر ہے اور امید ہے کہ آئندہ اجلاس میں یہ ماحول نہیں ہوگا۔
یاد رہے کہ 19 دسمبر کو سینیٹ کی قائمہ کمیٹی برائے مواصلات میں وفاقی وزیر علیم خان اور پلوشہ خان کے درمیان تلخ کلامی ہوئی تھی، جس میں علیم خان نے پلوشہ خان کو "شٹ اپ” کہا تھا، جبکہ جواب میں پلوشہ خان نے "یو شٹ اپ” کہا تھا۔ سینیٹر پرویز رشید نے بیچ بچاؤ کی کوشش کی تھی لیکن وہ ناکام رہی۔ -
تمام تردھمکیوں کے باوجود ٹرمپ ایران سے ڈیل کرنے میں ناکام
بھارت ۔۔۔ روس اور ایرانی تیل سےمنہ موڑلے گا ؟؟؟
یورپ کی نئی دوستیاں ،ڈالرکے زوال کا سبب!!! -
فیلڈ مارشل عاصم منیر سے لیبیا کے کمانڈر اِن چیف خلیفہ ابو القاسم حفتر کی ملاقات
پاک فوج کے شعبہ تعلقات عامہ (آئی ایس پی آر) کے مطابق لیبیا کے کمانڈر اِن چیف فیلڈ مارشل خلیفہ ابو القاسم حفتر اور ان کے ہمراہ ڈپٹی کمانڈر اِن چیف لیفٹیننٹ جنرل صدام خلیفہ حفتر نے جنرل ہیڈکوارٹر (جی ایچ کیو) راولپنڈی کا دورہ کیا۔
فیلڈ مارشل سید عاصم منیر نے مہمانوں کا خیرمقدم کیا اور ملاقات میں باہمی دلچسپی کے امور بالخصوص خطوں کی سکیورٹی صورتحال پر تبادلہ خیال کیا گیا۔ دونوں فریقوں نے پیشہ ورانہ تعاون، پاکستان اور لیبیا کی مسلح افواج کے درمیان مستقل روابط اور تعاون کی اہمیت پر زور دیا۔
آئی ایس پی آر کے مطابق فیلڈ مارشل عاصم منیر نے لیبیا میں امن، استحکام اور ادارہ جاتی ترقی کے لیے پاکستان کی حمایت کا اعادہ کیا۔ ملاقات خوشگوار اور تعمیری ماحول میں ہوئی، جو دونوں ممالک کے دیرینہ دوستانہ تعلقات کی عکاس ہے۔
قبل ازیں نور خان ائیر بیس آمد پر مہمانوں کا استقبال کیا گیا اور معزز مہمان نے شہدا کو خراج عقیدت پیش کرتے ہوئے جی ایچ کیو میں یادگارِ شہدا پر پھول رکھے۔ -
سہیل آفریدی کی وزیراعظم سے ملاقات پہلے ہونی چاہیے تھی.وزیرمملکت داخلہ طلال چوہدری
پارلیمنٹ ہاؤس کے باہر میڈیا سے گفتگو کرتے ہوئے وزیرمملکت برائے داخلہ طلال چوہدری نے کہا کہ وزیراعلیٰ خیبرپختونخوا سہیل آفریدی کی وزیراعظم سے ملاقات پہلے ہونی چاہیے تھی اور یہ ان کی ذمہ داری تھی کہ وہ بروقت آئیں۔
انہوں نے مزید کہا کہ سیاسی پوائنٹ اسکورنگ کے لیے اگر وزیراعلیٰ وفاق سے بات نہیں کرتے تو عوام کو نقصان پہنچتا ہے۔ طلال چوہدری نے عمران خان کی حمایت کرتے ہوئے کہا کہ سابق وزیراعظم بالکل ٹھیک ہیں اور بیرون ملک علاج کے لیے بھیجنا ابھی بہت دور کی بات ہے۔