بلوچستان کے علاقے چمن میں دو قبائل کے درمیان تصادم کے نتیجے میں تین افراد ہلاک اور سات افراد زخمی ہوئے ہیں ذرائع کے مطابق میزئی اڈاہ کے مقام پر دو قبائل کے درمیان لڑائی میں جدید اسلحہ کا آزادانہ استعمال کیا گیا جس کے نتیجے میں رحمت اللہ عبداواسع اور شاہ گل سمیت ایک اور شخص ہلاک ہوئے ہیں قبائل میں تصادم سے کوئٹہ چمن مرکزی شاہراہ ہر قسم کے ٹریفک کے لیے معطل رہی جبکہ علاقے میں خوف و حراست پھیل چکا ہے اور فائرنگ کے باعث سینکڑوں افراد محصور ہوئے ہیں
علاقائی ذرائع کے مطابق جنگ بندی کرانے کیلئے عمائدین کی وفد علاقے میں داخل ہوچکی ہے۔
Blog
-
چمن تصادم، 3 افراد ہلاک، 7 زخمی ہوۓ ہیں۔
-
ویڈیوبارے تمام حقائق عدالت کےسامنے آچکے ہیں، اٹارنی جنرل کے عدالت میں دلائل
ویڈیو سیکنڈل کیس میں سپریم کورٹ میں اٹارنی جنرل نے دلائل دینا شروع کر دئیے ہیں
باغی ٹی وی کی رپورٹ کے مطابق سپریم کورٹ میں احتساب عدالت کے جج ارشد ملک کے ویڈیو کے حوالہ سے کیس کی سماعت جاری ہے، چیف جسٹس کی سربراہی میں 3 رکنی بنچ سماعت کررہا ہے، اٹارنی جنرل انور منصور نے دلائل کا آغاز کر دیا ہے.
اٹارنی جنرل انور منصور نے دلائل دیتے ہوئے کہا کہ 16جولائی کوجج ارشدملک کی جانب سےایف آئی آربھی درج کرائی گئی ،ایک استدعاجج ارشد ملک کےخلاف کارروائی کی بھی ہے،تمام حقائق عدالت کےسامنے آچکے ہیں، جج ارشد ملک بیان حلفی بھی جمع کرا چکے،جج ارشدملک نےایف آئی اے کوشکایت بھی جمع کرارکھی ہے،شکایت الیکٹرونک کرائم ایکٹ کےتحت درج کرائی گئی،چیف جسٹس نے دوران سماعت کہا کہ اٹارنی جنرل صاحب !گزشتہ سماعت پرآپ ہیگ میں تھے،
سپریم کورٹ، جج ارشد ملک ویڈیو کیس کی سماعت ہو گی آج
واضح رہے کہ گزشتہ سماعت میں سپریم کورٹ نے اٹارنی جنرل سے تجاویز طلب کی تھیں ،کیس کی سماعت کے موقع پر سپریم کورٹ میں سکیورٹی کے سخت انتظامات کیے گئے ہیں. سپریم کورٹ میں درخواستیں اشتیاق احمد مرزا، سہیل اختر اور ایڈوکیٹ طارق اسد نے دائر کیں جس میں وفاقی حکومت، نواز شریف، شہباز شریف، مریم نواز، شاہد خاقان عباسی اور راجہ ظفر الحق کو فریق بنایا گیا ہے۔ درخواستوں میں جج ارشد ملک، ویڈیو کے مرکزی کردار ناصر بٹ اور پیمرا کو بھی فریق بنایا گیا ہے .
ویڈیو سیکنڈل،تحقیقات کیلئے کس کی سربراہی میں کمیشن بنائیں؟ عدالت
عدالت میں سماعت کے موقع پر سیکورٹی کے سخت انتطامات کئے گئے ہیں، سپریم کورٹ میں غیر متعلقہ افراد کا داخلہ بند ہے، ریڈ زون میں ایک ہزار سے زائد اہلکار سیکورٹی پر تعینات کئے گئے ہیں.
-
شہرت کا قا ئل نہیں ہوں،علی ظفر
شہرت کا قائل نہیں ہوں دنیا میں ایک مہمان کی طرح رہا ہوں –
ایک نجی ٹی وی سے گفتگو کرتے ہوئے علی ظفر کا کہنا تھا کہ16 سال کی عمر سے کام شروع کر دیا تھا والدین نے ہمیشہ مجھے مثبت رہنے کی تلقین کی.انہوں نے کہا کہ جب میں چھوٹا تھا تو یہی سوچتا تھا کہ مجھے اپنی فیملی کیلئے کچھ کرنا ہے اور پہلی نو کری کا معاوضہ 1500روپےملا-
علی ظفر کا مزید کہنا تھاکہ وہ ایک فائیوسٹار ہوٹل میں لوگوں کی تصاوہر بنایا کرتے تھے ایک سوال کے جواب میں ان کا کہنا تھا وہ شہرت کے قائل نہیں ہیں وہ اس دنیا میں ہمیشہ ایک مہمان کی طرح رہے ہیں ان کا مزید کہنا تھا کہ ان کے والدین ہمیشہ ان کو مثبت رہنے کی تلقین کرتے تھے-
-
ڈی جی نیب بلوچستان کھلی کچہری لگائیں گے.
ڈائریکٹر جنرل قومی احتساب بیورو بلوچستان فرمان اﷲ جمعرات 25 جولائی کودن 2سے 3 بجے کے درمیان کرپشن سے متعلق عوامی شکایات کی شنوائی کے لئے کھلی کچہری لگائیں گے۔ کرپشن کی نشاندہی کرنے والے یا متاثرہ افراد کرپشن سے متعلق معلومات اور شکایات نیب کے ریجنل آفس میں ڈی جی نیب کے روبرو پیش کر سکتے ہیں۔ نیب کے قانون 1999کے دائرہ کار میں آنے والی تمام شکایات پر قانون کے مطابق کارروائی عمل میں لاءجائے گی۔
عوام الناس کی راہنمائی کے لئے مطلع کیا جاتا ہے کہ ایسے جرائم جو نیب کے دائرہ کار میں آتے ہیں جیسے سرکاری خزانے کو کسی فرد یا ادارے کی طرف سے نقصان پہنچایا گیا ہو، سرکاری اختیارات کا غلط استعمال کر کے مالی فوائد حاصل کئے گئے ہوں، عوام الناس سے دھوکہ دہی کی گئی ہو، بینکوں، مالیاتی اداروں اور حکومتی واجبات کی دانستہ عدم ادائیگی کا ارتکاب کیا گیا ہو یا عوامی عہدے داروں اور سرکاری ملازمین اپنے مالی وسائل سے آعلی زندگی گزاررہے ہوں اور ناجائز اثاثے بنائے ہوں، ایسی تمام شکایت پر فوری اقدامات اٹھائے جائیں گے۔ تاہم سائیلین سے کہا گیا ہے کہ کھلی کچہری میں زاتی نوعیت کے مسائل لانے کے بجائے عوام الناس سے دھوکہ دہی سے متعلق کیسز سمیت سرکاری خزانے کو لوٹنے والے عناصر کی نشاندہی کی جائے۔ کھلی کچہری کا انعقاد چئیرمین نیب جسٹس جاوید اقبال کی خصوصی ہدایت پر تمام ریجنل آفسز میں ہر ماہ کی آخری جمعرات کو کیا جاتا ہے۔ -
عامر خان کا بھارتی سیاست اور بابری مسجد کی شہادت پر فلم بنانے کا اعلان
ممبئی: معروف بھارتی فلم اداکار عامر نے اعلان کیا ہے کہ وہ بھارتی سیاست اور بابری مسجد کی شہادت سے متعلق فلم بنارہے ہیں. عامر خان کے مطابق فلم ’لعل سنگھ چڈھا‘ سے بھارتی معاشرتی ناانصافیوں کا پتہ چلے گا. ا۔بھارتی میڈیا کے مطابق عامر خان نے اپنی سالگرہ پر نئی فلم کا اعلان کرتے ہوئے بتایا کہ میری آنے والی فلم کا نام ’لعل سنگھ چڈھا‘ ہے جوکہ امریکن فلم ’فارسٹ گمپ‘ سے متاثر ہو کر بنائی جارہی ہے، اسے میری اور ویاکوم 18 کی پروڈکشن میں بنایا جارہا ہے جب کہ فلم میں ایڈوت چندن ہدایت کار کے فرائض انجام دیں گے۔
عامر خان کے حوالے سے ذرائر نے دعویٰ کیا ہے کہ محض یہ ایک فلم نہیں بلکہ تاریخی حوالہ ثابت ہوگی کیوں کہ اس فلم میں شہید بابری مسجد سے لے کر مودی سرکار کی حکومت میں ہونے والے اقدام دکھائے جائیں گے جب کہ دنیا دیکھے گی کہ گزشتہ چند سال میں بھارت میں کیا ہوا۔
واضح رہے کہ فلم ’ لعل سنگھ چڈھا‘ میں عامر خان کے مد مقابل کرینہ کپور مرکزی کردار ادا کریں گی۔ فلم سال 2020ء کے دسمبر میں سنیما گھروں کی زینت بنے گی۔تاریخی واقعے پر بننے والی اس فلم میں عامر خان ویژول افیکٹ کے ساتھ ماضی کی کئی سیاسی اور تاریخی شخصیات سے بھی ملیں گے، فلم میں عامر خان سکھ کا کردار ادا کریں گے۔
-
چقندر الزائمر ختم کرتا ہے اور کینسر سے بچاتا ہے
چقندر شلجم سے مشابہ ایک سبزی ہے جو گہرے سرخ رنگ کی ہوتی ہے گہرے سرخ رنگ کی یہ سبزی غذائیت میں بھر پور ہونے کے ساتھ ساتھ کئی امراض دور کرنے میں بھی مفید ہے یہ صحت بخسش سبزی کئی اماض سے چھٹکارا دلاتی ہے آئر لینڈ کے ساحلی علاقوں میں اسکے پتے شوق سے کھائے جاتے ہیں جب کہ ایران میں اسکا جوس شوق سے پیا جاتا ہے
چقندر کا روزانہ سلاد کی طرح استعمال یا پکا کر کھانے سے قبض سے نجات ملتی ہے جن لوگوں کو دائمی قبض کی شکایت ہو روزانہ رات کو آدھا گلاس چقندر کا سوپ پینا مفید ہے خون کی کمی کو دور کرنے کے لئے روزانی چقندر کا جوس پینا بہت فائدہ مند ہے
چقندر کے رس میں ایک عدد لیموں کا رس ملا کر پینے سے ہاضمے کی خرابی دور ہو جاتی ہے چقندر کے رس میں شہد ملا کر نہار منہ پینے سے معدے کے زخم ختم ہو جاتے ہیں اور صحت ٹھیک رہتی ہے چقندر کا رس داغ دھبے اور جھایاں دور کرتا ہے
چقندر کا رس ہائی بلڈ پریشر اور دل کی تکالیف دور کرتا ہے ذخم جلدی مندمل کرنے میں مدد دیتاہے سر کی خشکی کے لیے اس کے رس میں پھلوں کا بڑا چمچہ رس ملا کے 15 منٹ لگانے ے خشکی دور ہو جاتی ہے چکنائی دور کرتا ہے جلد سے فاسد مادوں کا خاتمہ کرتا ہے جلد کو تازگی فراہم کرتا ہے اور خلیوں میں ٹوٹ پھوٹ کے عمل کو روکتا ہے
دماغی صلاحیتوں میں اضافہ کرتا ہے اور یادداشت کو بہتر بناتا ہے اس مین پایا جانے والا فولک ایسڈ نسیان کے مرض الزائمر کے تحفظمیں اہم کردار ادا کرتا ہے حمل کے وقت استعمال کرنا کافی فائدہ مند ہے کیونکہ اسمیں کافی مقدار میں قدرتی طور پر فولک ایسڈ پایا جاتا ہے
-
مبینہ ویڈیو سیکنڈل ،سپریم کورٹ میں اٹارنی جنرل کے دلائل جاری
احتساب عدالت کے سابق جج ارشد ملک کی مبینہ ویڈیو کے حوالہ سے سپریم کورٹ میں کیس کی سماعت شروع ہو چکی ہے.
باغی ٹی وی کی رپورٹ کے مطابق سپریم کورٹ میں جج ارشد ملک ویڈیواسکینڈل کیس کی سماعت شروع ہو گئی ہے، چیف جسٹس آصف سعید کھوسہ کی سربراہی میں 3رکنی بینچ کیس کی سماعت کررہا ہے ،دوران سماعت اٹارنی جنرل انور منصور خان عدالت میں دلائل دے رہے ہیں.
سپریم کورٹ، جج ارشد ملک ویڈیو کیس کی سماعت ہو گی آج
واضح رہے کہ گزشتہ سماعت میں سپریم کورٹ نے اٹارنی جنرل سے تجاویز طلب کی تھیں ،کیس کی سماعت کے موقع پر سپریم کورٹ میں سکیورٹی کے سخت انتظامات کیے گئے ہیں. سپریم کورٹ میں درخواستیں اشتیاق احمد مرزا، سہیل اختر اور ایڈوکیٹ طارق اسد نے دائر کیں جس میں وفاقی حکومت، نواز شریف، شہباز شریف، مریم نواز، شاہد خاقان عباسی اور راجہ ظفر الحق کو فریق بنایا گیا ہے۔ درخواستوں میں جج ارشد ملک، ویڈیو کے مرکزی کردار ناصر بٹ اور پیمرا کو بھی فریق بنایا گیا ہے .
ویڈیو سیکنڈل،تحقیقات کیلئے کس کی سربراہی میں کمیشن بنائیں؟ عدالت
عدالت میں سماعت کے موقع پر سیکورٹی کے سخت انتطامات کئے گئے ہیں، سپریم کورٹ میں غیر متعلقہ افراد کا داخلہ بند ہے، ریڈ زون میں ایک ہزار سے زائد اہلکار سیکورٹی پر تعینات کئے گئے ہیں.
واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی.
ذمہ دار لوگوں کو بیانات نہیں دینے چاہئے،چیف جسٹس
جج ارشد ملک کی اسلام آباد ہائیکورٹ میں جمع کرائے گئے بیان حلفی میں کہا گیا ہےکہ دوران سماعت نمائندگان کے ذریعے بارہا رشوت کی پیش کش کی گئی اورتعاون نہ کرنے کی صورت میں سنگین نتائج کی دھمکیاں بھی دی گئی۔ مجھے کہا گیا کہ نواز شریف منہ بولی قیمت دینے کو تیار ہے. بیان حلفی میں مزید کہا گیا کہ فروری 2018 میں مہر جیلانی اور ناصر جنجوعہ سے ملاقات ہوئی، ملاقات میری بطور جج احتساب عدالت تعیناتی کے کچھ عرصے بعد ہوئی، ناصر جنجوعہ نے بتایا کہ انھوں نے سفارش کر کے مجھے جج لگوایا، ناصر جنجوعہ نے اپنے ساتھ موجود شخص سے تصدیق کرائی کہ میں نے چند ہفتے قبل تعیناتی کی خبر نہیں دی، میں نے اس دعوے کے بارے میں زیادہ سوچ بچار نہیں کی۔ جج ارشد ملک نے اپنے بیان حلفی میں مزید کہا کہ 16 سال پہلے ملتان کی ایک ویڈیو مجھے دکھائی گئی، ویڈیو کے بعد کہا گیا وارن کرتے ہیں تعاون کریں، ویڈیو دکھانے کے بعد دھمکی دی گئی اور وہاں سے سلسلہ شروع ہوا، سماعت کے دوران ان کی ٹون دھمکی آمیز ہوگئی، مجھے رائے ونڈ بھی لے جایا گیا اور نواز شریف سے ملاقات کرائی گئی، نواز شریف نے کہا جو یہ لوگ کہہ رہے ہیں اس پر تعاون کریں، نواز شریف نے کہا ہم آپ کو مالا مال کر دیں گے
حکومت نے کچھ کیا تو عدلیہ کے کام میں مداخلت تصور کی جائے گی: فروغ نسیم
جج کی ویڈیو پر سپریم کورٹ کو سوموٹو لینا چاہئے تھا، قمرالزمان کائرہ
واضح رہے کہ اسلام آباد ہائیکورٹ نے احتساب عدالت کے جج کو ہٹانے کی سمری وزارت قانون کو بھجوائی تھی، وفاقی وزیر قانون فروغ نسیم نے اس بات کی تصدیق کی ہے کہ جج ارشد ملک کو احتساب عدالت سے ہٹا کر ان کی خدمات دوبارہ لاہور ہائیکورٹ کے سپرد کر دی گئی ہیں.
ارشد ملک مبینہ ویڈیو کیس، سماعت ملتوی، اٹارنی جنرل کو نوٹس
-
پی پی سینیٹر کے خلاف فرد جرم کی کارروائی 2 اگست تک موخر
اسلام آباد:اسلام آباد کی احتساب عدالت نے لوک ورثہ فنڈز میں خرد برد کے الزام میں پیپلز پارٹی کی سینٹر روبینہ خالد پر فرد جرم کی کاروائی موخرکردی گئی ہے۔
تفصیلات کے مطابق اسلام آباد کی احتساب عدالت میں لوک ورثہ کے فنڈز میں خرد برد کے الزام میں احتساب عدالت کے جج محمد بشیر نے کیس کی سماعت کی ۔پی پی سینیٹر روبینہ خالد طبیعت ناسازی کے باعث عدالت میں پیش نہ ہوسکی، جس پر آج فرد جرم عائد نہ ہو سکی۔ عدالت کا آئندہ سماعت پر تمام ملزمان کو حاضری یقینی بنانے کا حکم دیتے ہوئے فرد جرم کی کاروائی کے لیے دو اگست کی نئی تاریخ مقرر کی۔
واضح رہےکہ یکم جولائی کو نیب راولپنڈی نے پیپلزپارٹی کی سینیٹر روبینہ خالد کے خلاف کرپشن ریفرنس اسلام آباد کی احتساب عدالت میں دائر کیا تھا،نیب کے مطابق ملزمان پر لوک ورثہ کے فنڈز میں خرد برد کا الزام ہے، ملزمان کی وجہ سے30.13 ملین روپے قومی خزانے کو نقصان پہنچا۔
-
لڑکی نے والد کے ساتھ جانے سے انکار کیا تو عدالت میں کیا ہوا؟
لاہور ہائیکورٹ میں عدالتی حکم کے بعد دو فریق آپس میں لڑ پڑے
باغی ٹی وی کی رپورٹ کے مطابق لاہورہائیکورٹ میں22سالہ لڑکی عمائمہ احمد کی بازیابی کےلئے دائردرخواست پر سماعت ہوئی، جسٹس شہرام سرورنےعمائمہ احمد کےوالد مبین احمد کی درخواست پرسماعت کی ،عدالت نے عمائمہ کو والد کے ساتھ جانے کا حکم دیا تو عمائمہ احمد نےکمرہ عدالت میں والدین کے ساتھ جانےسے انکارکردیا.
عدالتی حکم کے بعد فریقین آپس میں گتم گتھا ہوئے اورلاتوں اورمکوں کاآزادانہ استعمال کیا، ہائیکورٹ سکیورٹی نےلڑکی کے والدین اوربھائی کوحراست میں لے لیا .
لڑکی کے والد نے درخواست کی تھی کہ بیٹی کوعمبرنامی لڑکی نےاغواکررکھاہے،ملزمان کے خلاف تھانہ اسلام پورہ اورساندےمیں اغوا کامقدمہ درج ہے.
-
پی این ایس شاہجہاں کا عمان کی بندرگاہ مسقط کا دورہ
پاکستان نیوی کے جہاز پی این ایس شاہجہاں نے عمان کی بندرگاہ مسقط کا دورہ کیا ہے
پاکستان نیوی کے صف اول کے جنگی جہاز کا دورہ سعودی عرب
باغی ٹی وی کی رپورٹ کے مطابق پاکستان نیوی کے ترجمان کا کہنا ہے کہ پاک بحریہ کے جہازپی این ایس شاہجہاں نے عمان کی بندرگاہ مسقط کا دورہ کیا،پی این ایس شاہجہاں بحیرہ عرب میں ریجنل میری ٹائم سکیورٹی پٹرول پرتعینات ہے .
پی این ایس خیبرکا بحرین کی بندرگاہ کا دورہ
پاک بحریہ، ریئرایڈمرل احمد سعید کی وائس ایڈمرل کےعہدے پرترقی
پاک بحریہ کے ترجمان کے مطابق عمان کی بحریہ کے نمائندگان نے پاک بحریہ کےجہازکا پرتپاک استقبال کیا،کمانڈنگ آفیسرپی این ایس شاہجہاں نےبیس کمانڈر وُدام نیول بیس سےملاقات کی ،ملاقات کےدوران باہمی دلچسپی کےامورپرتبادلہ خیال کیا گیا،پی این ایس شاہجہاں اورعمان بحریہ کےجہازوں نےمشترکہ مشق بھی کی،
سمندروں کا عالمی دن، پاکستان نیوی نے اہم پیغام جاری کر دیا
پاک بحریہ کے ترجمان کے مطابق پی این ایس شاہجہاں کا یہ دورہ دونوں برادر ممالک کے تعلقات میں مزید مضبوطی کا باعث ہوگا۔