فیصل آباد میں 15 سالہ لڑکے کیساتھ مبینہ زیادتی کی گئی۔ تھانہ منصورہ آباد کے علاقے میں پندرہ سالہ لڑکے کے ساتھ مبینہ زیادتی کی گئی۔ احتشام کو کھلینے جاتے ہوئے اغواء کر کے نامعلوم مقام پرلیجا کر تشدد کیا،متاثرہ کا بھائی بیان۔ ملزمان نے احتشام کے سر کے بال اور بھوئیں بھی مونڈ دی۔احتشام کے جسم پر آہنی راڈ اور پائپ کے ساتھ تشدد کے نشانات بھی واضع ہیں، لواحقین۔ احتشام کو تشویشناک حالت میں الائیڈ ہسپتال منتقل کر دیا گیا جہاں اس کا علاج جاری ہے۔ پولیس نے ملزمان کی تلاش جاری کردی ہے۔
سینیٹ کا اجلاس آج شام ہو گا، چیئرمین سینیٹ محمد صادق سنجرانی اجلاس کی صدارت کریں گے
باغی ٹی وی کی رپورٹ کے مطابق اپوزیشن جماعتوں کی درخواست ہر سینیٹ کا اجلاس آج ہو گا، تین بجے شروع ہونے والا اجلاس اپوزیشن کی جانب سے ریکوزیشن جمع کروانے پر بلایا گیا ہے، اجلاس میں چیئرمین سینیٹ کو ہٹائے جانے کے حوالہ سے قرارداد پر بحث ہو گی،
گزشتہ روز چیئرمین سینیٹ اور قائد ایوان کی ملاقات ہوئی تھی جس میں طے ہوا تھا کہ آج کے اجلاس میں صرف بحث ہو گی ملاقات میں اتفاق کیا گیا کہ سینیٹ اجلاس میں صرف تحریک عدم اعتماد پر بحث ہوگی، تحریک عدم اعتماد پر ووٹنگ یکم اگست کےاجلاس میں کرائی جائے گی ،شبلی فراز کا کہنا ہے کہ اپوزیشن نے اپنے ایجنڈے میں بھی قرارداد پر بحث کی ہی بات کی ہے
واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .
چیئرمین سینیٹ کی تبدیلی بنی درد سر، اپوزیشن جماعتوں کا اجلاس پھر طلب
چیئرمین سینیٹ کی تبدیلی، ن اور پیپلزپارٹی کے اندر بغاوت کا خدشہ؟ اہم خبر
چیئرمین سینیٹ کو ہٹانے کی مہم اپوزیشن کو الٹی پڑ گئی، حکومت کا بڑا فیصلہ
دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ منظوری کے حوالہ سے اپوزیشن جماعتوں کو کامیاب نہیں ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں ہونے دی جائے گی.
اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا
سیالکوٹ (نمائندہ باغی ٹی وی )گیپکو کے اہلکاروں نے بجلی کی لائن لاسسز پورا کرنے کے لئے شرفا کی پگڑیاں اچھالنے کے نت نئے طریقے ایجاد کر لئے تفصیلات کے مطابق سب ڈویژن سول لائن کے ایس ڈی او کی ٹیم شرفا کے گھروں کے میٹر کی تاریں ڈائریکٹ لگاتے ہیں اور دوسرے دن ایس ڈی او سول لائن شاہد نوید ٹیم کے ہمراہ پہنچ کر قانونی کاروائی کی دھمکی دے کر لاکھوں روپے بل وصول کر لیتا ہے واپڈا اہلکاروں کی شہری کے میٹر سے چھیڑچھاڑ اور ایس ڈی او کے جعلی چھاپے کی سی سی ٹی وی فوٹیج “ جی این این “ نے حاصل کر لی
بھارتی ریاست جھاڑ کھنڈ میں 4عمررسیدہ افراد کے قتل میں ملوث 8افراد کو گرفتار کر لیا گیا۔ گرفتار افرادان لوگوں میں شامل ہیں جنہوں نے عمر رسیدہ افراد کو اتوار کے دن قتل کیا تھا۔ قتل میں استعمال ہونے والی لاٹھیوں کو بھی قبضہ میں لے لیا گیا۔
بھارت، چار عمررسیدہ افراد کو لاٹھی اور ڈنڈے مار مار کر قتل کر دیا
یادر رہے کہ بھارتی ریاست جھارکھنڈ میں نامعلوم افراد نے چار عمررسیدہ افراد کو لاٹھی اور ڈنڈوں سے مار مار کر قتل کر دیا تھا۔مرنے والوں میں دو خواتین اور دو مرد شامل تھیں۔
وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ پاکستان مسئلہ کشمیر پر ثالثی کیلئے امریکی صدر کی پیشکش کا خیرمقدم کرتا ہے.
باغی ٹی وی کی رپورٹ کے مطابق وزیراعظم عمران خان کی مشیر برائے اطلاعات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ وزیراعظم عمران خان کی صدر ڈونلڈ ٹرمپ سے کامیاب ملاقات پاکستان کی کامیابی ہے۔قوم کو کو اپنے رہبر پر ناز ہے جس نے باوقار انداز سے بین الاقوامی سطح پر پاکستان کی نمائندگی کی۔
فردوس عاشق اعوان نے ایک اور ٹویٹ مین کہا کہ پاکستان مسئلہ کشمیر پر ثالثی کیلئے امریکی صدر کی پیشکش کا خیرمقدم کرتا ہے۔ملاقات میں پاکستان اور بھارت کے مابین تنازعہ کشمیر پر گفتگو سے خطے کے بنیادی مسئلے کے حل کی اہمیت بھرپور انداز سے اجاگر ہوئی۔
فردوس عاشق اعوان کا مزید کہنا تھا کہ صدر ڈونلڈ ٹرمپ کا افغان مسئلے پر وزیراعظم پاکستان کے موقف کی تائید اور انہیں مقبول رہنما قرار دینا عمران خان پر دنیا کے بڑھتے ہوئے اعتماد کا اظہار اور انکی قائدانہ صلاحیتوں کا اعتراف ہے۔
واضح رہے کہ پاکستان کے وزیراعظم عمران خان نے گزشتہ روز امریکی صدر ڈونلڈ ٹرمپ سے وائیٹ ہاؤس میں ملاقات کی ہے، جس میں امریکی صدر ڈونلڈ ٹرمپ نے کشمیر پر ثالثی کا اعلان کیا ہے، دونوں ملکوں کے سربراہان کے مابین پہلے ون آن ون ملاقات ہوئی جبکہ بعد ازاں وفود کی سطح پر مذاکرات ہوئے جس میں دو طرفہ تعلقات مزید بہتر بنانے اور تجارتی روابط کے فروغ سمیت اہم معاملات پر بھی تبادلہ خیال کیا گیا،
سیالکوٹ (نمائندہ باغی ٹی وی ) انٹرنیشنل ائیرپورٹ سے دوبئی جانے والی نجی ائیر لائن کے 2 مسافروں کے پیٹ سے ہیرؤن سے بھرے کیپسول برامد یہ دونوں مسافر سیالکوٹ سے دبئی جانے والی نجی ائیرلائن سے گرفتار ہوئے ہیں ان دونوں کا تعلق مسیح برادری سے ہے سیمسن مسیح اور پرویز مسیح کو اے این ایف نے مشکوک سمجھ کر تفتیش کی تو انکے پیٹ سے ہیروئن سے بھرے کیپسول برآمد ہوئے جس پر ان دونوں کو گرفتار کر لیا گیا دونوں کا تعلق گوجرانوالہ سے بتایا گیا ہے
پیپلز پارٹی کے سینیٹر روبینہ خالد پر فرد جرم عائد کرنے کی کاروائی موخر کر دی گئی، آئندہ سماعت پر فرد جرم عائد کی جائے گی.
باغی ٹی وی کی رپورٹ کے مطابق احتساب عدالت میں پیپلزپارٹی کی سینیٹرروبینہ خالدپرفردجرم کی کارروائی موخر ہو گئی،احتساب عدالت کے جج محمد بشیر نے کیس کی سماعت کی، سینیٹر روبینہ خالد کی طبیعت ناساز ہونے کی وجہ سے وہ عدالت پیش نہیں ہوئیں جس کی وجہ سے آج فرد جرم عائد نہیں کی گئی.
سینیٹرروبینہ خالد کے ادارے نے طلبا کا مستقبل تباہ کر دیا
احتساب عدالت نے آئندہ سماعت پر تمام ملزمان کو حاضری یقینی بنانے کا حکم دیا، عدالت نے کیس کی سماعت یکم اگست تک ملتوی کر دی.
پرویز خٹک کے بھتیجے کے خلاف نیب میں ریفرنس دائر
پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے
وضح رہے کہ نیب نے پیپلزپارٹی کی سینیٹر روبینہ خالد کے خلاف کرپشن ریفرنس دائر کردیا ہے، نیب کی جانب سے دائر ریفرنس می کہا گیا ہے کہ ملزمان کی وجہ سے30.13 ملین روپے قومی خزانے کو نقصان پہنچا ہے، ملزمان پر اختیارات کے غلط استعمال کا الزام ہے .نیب کی جانب سے سینیٹر روبینہ خالد کے ہمرا ہ مظہرالاسلام سابق ایگزیکٹوڈائریکٹر لوک ورثہ بھی ملزمان میں شامل ہیں، ان کے خلاف ریفرنس نیب کی خاتون تفتیشی افسر افشاں بشارت نے دائر کیا ہے روبینہ خالد کا تعلق خیبر پختونخواہ سے ہے اور وہ پیپلز پارٹی کی سینیٹر ہیں.
انچارج پٹرولنگ پوسٹ نور پور کینال قصور شبیر حسین بھٹی نے اپنی ٹیم کے ہمراہ۔ جناب SSP/PHP لاہور ریجن اور DSP/PHP قصور کے حکم پر اڈہ کھڈیاں میں روڈ واک کیمپ کا انعقاد کیا جس میں عوام الناس میں ہیلپ لائن 1124 کی افادیت، ایکسیڈنٹ سے بچاؤ،ون وہیلنگ اور تیز رفتاری کے نقصانات اور ٹریفک قوانین پر عمل درآمد پر زور دیا
جرائم کی روک تھام میں پٹرولنگ پولیس کے ساتھ تعاون شجر کاری اور ڈینگی مچھروں سے بچاؤکے حفاظتی اقدامات بارے آگاہی فراہم کی گئی اور عوام میں پمفلٹ بھی تقسیم کیے گئے۔
واک میں زندگی کے ہر شعبہ سے تعلق رکھنے والے عوامی حلقوں کے نمائندگان نے شرکت کی اور پٹرولنگ پولیس کے اس اقدام کی بہت تعریف کی
مسلم لیگ ن کی رہنما مریم نواز اور انکے شوہر کیپٹن صفدر پر مقدمہ درج کر لیا گیا
باغی ٹی وی کی رپورٹ کے مطابق مسلم لیگ ن کی رہنما مریم نواز دوروز قبل فیصل آباد ریلی کی صورت میں گئی تھی، مریم نواز پر فیصل آباد کے تھانہ سمن آباد میں مقدمہ درج کیا گیا ہے، مقدمہ میں مریم نواز کے شوہر کیپٹن صفدر کو بھی نامزد کیا گیا ہے.
مریم نواز کے خلاف فیصل آباد کے مختلف تھانوں میں 4 مقدمات درج کئے گئے ہیں، تھانہ سمن آباد میں مریم نواز ،کیپٹن ر صفدر سمیت 2 ہزار افراد کے خلاف مقدمہ درج کیا گیا ہے، مقدمے میں مسلم لیگ ن کے 2 اراکین قومی اسمبلی، سات اراکین صوبائی اسمبلی کو بھی نامزد کیا گیا ہے.
مقدمے میں مسلم لیگ ن کے سات سابق اراکین اسمبلی کو بھی نامزد کیا گیا ہے. مقدمات میں انتشار پھیلانے، روڈ بلاک کرنے سمیت 8 دفعات شامل کی گئی ہیں.
واضح رہے کہ مریم نواز نے اتوار کو فیصل آباد میں رانا ثناء اللہ کے گھر گئی تھی انہوں نے ریلی سے بھی خطاب کیا تھا، مریم نواز کو حکومت نے ریلی کی اجازت نہیں دی تھی
سیالکوٹ (نمائندہ باغی ٹی وی ) اینٹی سمگلنگ یونٹ نے بڑی کاروائی کرتے ہوئے تین کروڑ روپے سے زائد مالیت کا سمگل شدہ مال برآمد کر لیا،، ڈی سی کسٹم علی محتشم نے پریس کانفرس کرتے ہوئے بتایا کہ ٹیم نے گوجرانوالہ کے دو گوداموں پر چھاپہ مارا جہاں بھارت سے برآمد ہونے والے تین کروڑ روپے کا اسمگل شدہ مال برآمد کر لیا برآمد کئے جانے والے مال میں 2ہزار 5 سو پچپن کلو چھالیہ،، 9 ہزار 900 غیر ملکی برانڈ کے سگریٹ،،پچاس پیکٹ کوئلہ،، 509 پیکٹ تمباکو اور 300 پیکٹ سفید الائچی کو قبضہ میں لے کر گوداموں کو سیل کر دیا ہے