نئے رولز کے خلاف ایم ایڈ والوں کی رٹ پٹیشن,سیکرٹری اسٹیبلشمنٹ نے وزارت تعلیم کے اعلٰی حکام اور ڈائریکٹر جنرل وفاقی نظامت تعلیمات سمیت پٹیشنرز کو طلب کرلیا
وفاقی نظامت تعلیمات کے اساتذہ کے لئے بنائے گئے نئے سروس رولز کے خلاف اسلام آباد ہائی کورٹ میں رٹ پٹیشن دائر کرنے والے ایم ایڈ اساتذہ کے کیس کا نوٹس لیتے ہوئے سیکرٹری اسٹیبلشمنٹ نے 24جولائی کو دن ساڑھے گیارہ بجے اسٹیبلشمنٹ کی کمیٹی روم میں میٹنگ طلب کرلی ہے،

باغی ٹی وی کی رپورٹ کے مطابق میٹنگ میں وزارت تعلیم کے اعلٰی حکام اور ڈائریکٹر جنرل وفاقی نظامت تعلیمات سمیت پٹیشنرز کو بھی طلب کیا گیا ہے، اس سلسلےاسٹیبلشمنٹ نے باقاعدہ لیٹر بھی جاری کردیا ہے جس میں وزارت تعلیم کو ہدایت کی گئی ہے کہ میٹنگ میں تمام متعلقہ ریکارڈ سمیت ایڈیشنل سیکرٹری سے کم عہدے کا کوئی افسر شریک نہ ہو، واضع رہے کہ ایم ایڈ اساتذہ ساجد علی اور دیگر نے اسلام آباد ہائی کورٹ میں رٹ پٹیشن دائر کر رکھی ہے جس میں خدشہ ظاہر کیا گیا ہے کہ ترقی کے کیس میں انہیں ایم اے ایجوکیشن کے مساوی نہیں سمجھا جارہا ج کہ ہائر ایجوکیشن کمیشن دونوں ڈگریوں کو مساوی قرار دے چکی ہے،

ایم ایڈ اساتذہ کی جانب سے اسلام آباد ہائی کورٹ میں رٹ پٹیشن دائر کئے جانے کے بعد سیکرٹری اسٹیبلشمنٹ کی جانب سے 24 جولائی کو یہ میٹنگ طلب کی گئی ہے،
محمد اویس

سی ڈی اے لاء ونگ کی کارکردگی کو بہتر بنانے اور اسے متحرک ونگ بنانے کے لیے متعدد اقدامات اٹھارہی ہے، لاء ونگ میں کام کے طریقہ کار کو موئثر بنایا جا رہا ہے تاکہ مطلوبہ نتائج حاصل کیے جا سکیں،

اسلام آباد، سی ڈی اے نے اتاترک ایونیو کو دو رویا کرنے کے منصوبہ پر کام تیز کر دیا

باغی ٹی وی کی رپورٹ کے مطابق سی ڈی اے کے تمام شعبوں کے سربراہوں کو ہدایت کی گئی ہے کہ وہ اپنے شعبہ سے متعلقہ کورٹ کیسوں کی تفصیلات جلد از جلد لاء ونگ میں جمع کرائیں۔ لاء ونگ کویہ بھی ہدایت کی گئی ہے کہ وہ مختلف عدالتوں میں زیر سماعت مقدمات کے پیرا وائز کمنٹس(Parawise Comments)کی بروقت فراہمی کو یقینی بنائیں تاکہ مقدمات کی موئثر پیروی عمل میں لائی جا سکے۔ اس سلسلے میں تمام شعبوں کو ہدایت کی گئی ہے کہ وہ اپنے متعلقہ مقدمات کے پیرا وائز کمنٹس بناتے وقت لاء ونگ سے مشاورت کو یقینی بنائیں تاکہ موئثر اور جامع پیر وائز کمنٹس عدالتوں میں پیش کیے جا سکیں۔ مزید برآں آفیشل سیکریسی کو قائم رکھنے کے لیے غیر متعلقہ افراد کا لاء ونگ میں داخلہ بھی ممنوع کر دیا گیا ہے۔ اسی طرح وکلاء کے تجربے اور قابلیت کو مدِ نظر رکھتے ہوئے تین کیٹگریز میں تقیسم کیا گیا ہے اور کیس کی نوعیت اور مالیت دیکھتے ہوئے وکلاء کو کیس کی پیروی کے لیے نامزد کیا جائے گا۔ مزید برآں لاء ونگ کو ہدایت کی گئی ہے کہ ایسے وکلاء کی لسٹ تیار کی جائے جو مقدمات کی موئثر پیروی کرنے میں ناکام رہے یا پھر انکی کارکردگی غیر تسلی بخش ہے تاکہ مزید کاروائی عمل میں لائی جا سکے۔

سی ڈی اے کی جانب سے لاء ونگ کو مزید ہدایت کی گئی ہے کہ جن کیسوں میں مختلف شعبوں کی طرف سے قانونی رائے مانگی گئی ہو ایسے کیسوں کو ایک ہفتے کے اندر قانونی رائے دے کر متعلقہ شعبوں کو واپس کیا جائے تاکہ عوام الناس کو پریشانی کا سامنا نہ کرنا پڑے،
واضح‌ رہے کہ سی ڈی اے کی جانب سے آج اتا ترک ایونیو کو دو رویا کرنے کے منصوبے پر جاری کام کی رفتار کو تیز کرنے سے متعلق بھی کہا گیا ہے، اس سے قبل اس منصوبے پر کام نہایت سست روی کا شکار تھا تاہم سی ڈی اے کی موجودہ انتظامیہ نے منصوبے میں حائل رکاوٹوں کو دور کرنے کے ساتھ ساتھ موئثر نگرانی کو یقینی بناتے ہوئے منصوبے پر کام کی رفتار کو تیز کیا ہے اور اب یہ منصوبہ تکمیل کی طرف گامزن ہے، سی ڈی اے کی جانب سے مختلف افسروں‌ کے تبادلوں‌اور تعیناتیوں کے احکامات بھی جاری کئے گئے ہیں،
محمد اویس

سی ڈی اے نے اتا ترک ایونیو کو دو رویا کرنے کے منصوبے پر جاری کام کی رفتار کو تیز کر دیا ہے، اس سے قبل اس منصوبے پر کام نہایت سست روی کا شکار تھا تاہم سی ڈی اے کی موجودہ انتظامیہ نے منصوبے میں حائل رکاوٹوں کو دور کرنے کے ساتھ ساتھ موئثر نگرانی کو یقینی بناتے ہوئے منصوبے پر کام کی رفتار کو تیز کیا ہے اور اب یہ منصوبہ تکمیل کی طرف گامزن ہے،

باغی ٹی وی کی رپورٹ کے مطابق اس ضمن میں اتا ترک ایونیو پر بیس(Base) اور سب بیس(Sub-base) کے کام میں تیزی لاتے ہوئے خیابان سہروردی کے نادرہ چوک تک بیس اور سب بیس کو مکمل کر لیا گیا ہے جبکہ فضل حق روڈ سے نادرہ چوک کی طرف اتا ترک ایونیو پر بیس اور سب بیس کا کام تیزی سے جاری ہے، آئیسکو کی سروسز لائن کی منتقلی اس منصوبے میں ایک بڑی رکاوٹ تھیں تاہم سی ڈی اے کی موجودہ انتظامیہ نے اس مسئلے کو حل کر دیا ہے اور آئندہ چند دنوں میں آئیسکو کی سروسز کو منتقل کر دیا جائے گا۔اسی طرح منصوبے میں کلورٹس کا کام مکمل کر لیا گیا ہے جبکہ ڈرینج سسٹم کا کام تیزی سے جاری ہے،

رپورٹ کے مطابق اتاترک ایونیو وفاقی دارالحکومت کی ایک ایسی شاہراہ ہے جسے سینکڑوں لوگ اس ایونیو پر واقع اپنے دفاتر میں رسائی کے لیے استعمال کرتے ہیں۔ شاہراہ پر ترقیاتی کام کے دوران ٹریفک کو رواں کرنے کے لیے متعلقہ شعبوں کو ہدایت کی گئی ہے کہ وہ وہ ٹریفک کے بہاؤ کو یقینی بنانے کے لیے موثر اقدامات کریں تاکہ شہریوں کو مشکلات کا سامنا نہ کرنا پڑے،

دریں اثناء سی ڈی اے نے چیئرمین کی منظوری سے مختلف افسروں کے تبادلوں اور تعیناتیوں کے احکامات بھی جاری کئے ہیں، اسی طرح ایک ہی شعبہ میں تین سال تک کام کرنے والے سرکاری ملازمین کی تبدیلیوں‌ کا بھی فیصلہ کیا گیا ہے،
محمد اویس