لاہور:اب شوہر بیوی کی مرضی کے بغیر خفیہ شادی نہیں‌کرسکیں گے . خفیہ شادی کی روک تھام کے لیے حکومت قانون لے آئی .شوہروں کی بے وفائیوں پر خاموش رہنے والیوں نے حوصلے پکڑ لیے، نئے آرڈیننس کے بعد شوہروں کی دوسری شادی کیخلاف خواتین کا عدالتوں سے رجوع بڑھ گیا۔

اس بل سے پہلی بیوی سے اجازت لیے بغیر نئے گھر بسانے والوں کی شامت آگئی، فیملی مسلم لاء آرڈیننس میں ترمیم نے شوہروں کی ستائی خواتین کی خاموشی کو زبان دے دی، دوسری بار بنا اجازت سہرا سجانے والوں کے خلاف کارروائی کے لیے خواتین کی بڑی تعداد نے مجسٹریٹس سے رجوع کرلیا، کیونکہ فیملی مسلم لاء آرڈیننس میں ترمیم کرکے پہلی بیوی کی اجازت کے بغیر دوسری شادی کرنے والے شوہروں کے خلاف سزا تجویز کی گئی ہے۔

لاہور:یہ عبارت تو اکثر لکھی ہوتی ہے کہ فلاں چیز بچوں کی پہنچ سے دور رکھیں . لیکن کہیں یہ لکھا ہوا نہیں دیکھا کہ بچوں کو خطرناک اشیا کے دور رکھیں .شاید یہی وجہ ہے کہ بعض اوقات والدین بچے کی محبت میں اندھے ہوجاتے ہیں اور اس کے لیے وہ کچھ کرگزرتے ہیں کہ جس کا خمیازہ سالوں بھگتنا پڑتا ہے. ایسا ہی ایک واقعہ لاہور شہر کے علاقہ اسلام پورہ میں کھیل ہی کھیل میں بڑا سانحہ ہوگیا، جہاں بچوں سے چلنے والی گولی نے دادا کی جان لے لی۔

تفصیلات کے مطابق اسلام پورہ میں بچوں سے چلنے والی گولی سے داد جاں بحق ہوگئے، حادثے کی اطلاع ملنے پر جائے وقوعہ پر پہنچ گئی اور لاش قبضہ میں لے کر پوسٹمارٹم کیلئے مردہ خانے منتقل کردی۔ پولیس نے واقعہ کی تفتیش شروع کرتے ہوئے اہلخانہ کے بیانات قلمبند کرلئے۔ یاد رہے کہ یہ کوئی پہلا واقعہ نہیں‌ہے بلکہ اس قسم کے درجنوں واقعات پہلے بھی ہوچکے ہیں لیکن اس پر قابو پانے کے لیے تدابیر اختیار نہیں کی جاسکیں

لاہور: غلط منصوبہ بندی کی وجہ سے پنجاب اسمبلی کی عمارت میں توسیع نہ ہوسکی ،پنجاب اسمبلی کی عمارت میں توسیع کا 14 سالہ پلان اعتراضات کی بھینٹ چڑھ گیا، صوبائی ڈویلپمنٹ ورکنگ پارٹی کی پری میٹنگ میں عمارت کی توسیع کا پی سی ون مسترد کردیا گیا۔

ذرائع کے مطابق ناقص منصوبہ بندی پر پی اینڈ ڈی بورڈ نےابتدائی منظوری دینے سے انکار کردیا، اجلاس میں ایس ای بلڈنگ کو بہتر منصوبہ بندی کیساتھ پنجاب اسمبلی کی توسیع کا پی سی ون بنانے کا حکم دیا گیا اور منصوبے میں ترامیم اور میٹریل ریٹ کم کرنے کی ہدایات دی گئی ہیں, دوسری جانب اجلاس میں پنجاب اسمبلی کی عمارت پر اجرا شدہ بجٹ پر بھی تحفظات کا اظہار کیا گیا۔

عمارت کی توسیع سے متعلق دستاویزات کے مطابق 25 کروڑ 34 لاکھ روپے کے فنڈز جاری ہوئے اور 10 کروڑ روپے خرچ کیے گئے، جبکہ سرکاری آن لائن پورٹل پر صرف 9 کروڑ کے اخراجات دکھائے گئے۔نئے مالی سال میں پنجاب اسمبلی کی توسیع پر لاگت تخمینہ ایک ارب لگایا گیا ہے جبکہ 20 کروڑ روپے رواں مالی سال میں خرچ ہوں گے، حکام کے مطابق پنجاب اسمبلی کی توسیعی عمارت 31 نومبر 2020 میں مکمل ہوگی۔

لاہور:گڈ گورننس یا روایتی سستی ،جونیئر افسروں کو سنیئر افسروں کی کرسیوں پر بٹھا دیا گیا، پولیس کے بعد ڈی سی رینک کے تقرر و تبادلوں میں بھی یہ کلچر پروان چڑھنے لگا،18 اضلاع میں ڈپٹی کمشنر جونیئر افسران تعینات ہیں۔

پنجاب کے سنیئر افسران کے‌حوالے سے یہ معلوم ہوا ہے کہ مطابق جونیئر افسران کی تعیناتی سے سینئرز کی حق تلفی ہورہی ہے، یاد رہے کہ اسی وجہ سے ماضی میں مسلم لیگ (ن) کی حکومت کوجونیئرافسران کوسینئر اسامیوں پرتعینات کرنے پرتنقید کا نشانہ بنایا جاتا رہا ہے، اب موجودہ تبدیلی والی حکومت بھی سابقہ حکومت کی ڈگر پرچل پڑی ہے، ڈی سی لاہورصالحہ سعید کا شمار بھی جونیئر افسران میں ہو تا ہے۔

ذرائع کے حوالے سے حاصل ہونے والی تفصیلات کے مطابق ڈی سی شیخوپورہ طارق محمود بخاری، ڈی سی ننکانہ منصوراحمد، ڈی سی نارووال وحید اصغر، ڈی سی منڈی بہاوالدین مہتاب وسیم اظہر، ڈی سی حافظ آباد نوید شہزاد مرزا، ڈی سی جہلم سیف انورجپہ، ڈی سی چکوال عبدالستار، ڈی سی میانوالی ناصرمحمود بشیر، ڈی سی ٹوبہ میاں محسن رشید، ڈی سی لودھراں راو امتیاز احمد، ڈی سی پاکپتن احمد کمال مان، ڈی سی بہاولپور شوزب سعید، ڈی سی رحیم یار خان جمیل احمد جمیل، ڈی سی ڈی جی خان طاہر فاروق، ڈی سی لیہ ذیشان جاوید اور ڈی سی چنیوٹ امان انور قدوائی یہ تمام جونیئر افسران ہیں۔