شجاع آباد (نمائندہ باغی ٹی وی) صوبائی وزیر تعلیم مراد راس کی ٹوئیٹر پر مہک منیر کو ملتان بورڈ میں ٹاپ کرنے پر مبارکباد
صوبائی وزیر نے مہک منیر کے سکول اور اساتذہ کی کارکردگی کو سراہا
صوبائی وزیر تعلیم محکمہ تعلیم کی ویب سائٹ پر بھی مبارکباد پیش کی رانا اظہر منیر باغی ٹی وی ملتان شجاع آباد
لاہور:سرکاری ملازمین کی عید سے پہلے عید،حکومت نے تنخواہیں بڑھانے کا نوٹیفکیشن جاری کردیامحکمہ خزانہ پنجاب نے تنخواہوں میں اضافے کا نوٹیفکیشن جاری کردیا، نوٹیفکیشن کے مطابق گریڈ 1سے 16 کے ملازمین کی تنخواہوں میں 10 جبکہ گریڈ 17 سے 20 کے افسران کی تنخواہوں میں 5 فیصد اضافے ہوگا۔
محکمہ خزانہ نے اے جی آفس کو ہدایت کی ہے کہ وہ یکم جولائی سے تمام سرکاری ملازمین اور افسران کی تنخواہ نئے نوٹیفکیشن کے مطابق جاری کی جائے۔یار رہے کہ یہ اعلان حکومت نے بجٹ میں کیا تھا جس کی ادائیگی عید سے پہلے شروع ہوجائے گی
لاہور: ایڈیشنل ڈسٹرکٹ اینڈ سیشن ججز کے مایوس کن نتائج نے قانون کے طالب علموں کی قابلیت پر سوال اٹھنے شروع ہوگئے ہیں. 6 فیصد ہی امتحان پاس کرسکے .پنجاب میں ایڈیشنل ڈسٹرکٹ اینڈ سیشن ججز کی بھرتی کے لئے ہونے والے امتحان کے نتائج کا اعلان کردیا گیا۔ 663 امیدوار وکلاء میں سے صرف 39 پاس ہوسکے، کامیابی کا تناسب صرف چھ فیصد رہا۔جو کہ انتہائی مایوس کن رہا
قائم مقام چیف جسٹس ہائیکورٹ نے ایڈیشنل سیشن ججز کی بھرتیوں کے لئے ہونے والے امتحانات کے نتائج کا اعلان کیا۔قائم مقام چیف جسٹس مامون رشید شیخ نے تقریب سے خطاب کرتے ہوئے کہا کہ ایڈیشنل سیشن ججز کے لئے مقابلے کے امتحانات کا انعقاد عدالت عالیہ کا انقلابی اقدام ہے، مشکل امتحانات کے انعقاد کا مقصد بہترین ججز کا انتخاب ہے۔
ہائی کورٹ ذرائع کے مطابق لاہور ہائیکورٹ کی امتحانی کمیٹی کے سربراہ جسٹس شاہد وحید نے امتحان کی شفافیت بارے کئے گئے اقدامات بارے اظہار خیال کیا۔پنجاب بار کونسل کےعہدیداروں نے ہائیکورٹ کے امتحانی نظام پراطمینان کا اظہارکیا ۔
تقریب میں جسٹس ملک شہزاد احمد، جسٹس شاہد وحید، جسٹس عاطر محمود، جسٹس شاہد بلال حسن سمیت دیگر ججز، وائس چیئرمین پنجاب بار، ایڈووکیٹ جنرل، پراسیکیوٹر جنرل پنجاب سمیت دیگر افسران اور وکلاء نے شرکت کی۔یاد رہے کہ ججز کی قابلیت کے حوالے سے سوال اٹھنا شروع ہوگئے ہیں کہ اتنی بڑی تعداد میں صرف 6 فیصد ہی امتحان پاس کرسکے
لاہور پریس کلب ہاﺅسنگ سکیم (صحافی کالونی) کی مینجمنٹ کمیٹی کا پہلا اجلاس صدر لاہور پریس کلب و کمیٹی کے کنوینئر ارشد انصاری کی زیر صدارت پنجاب جرنلسٹس ہاﺅسنگ فاﺅنڈیشن کے سائٹ آفس صحافی کالونی میں منعقد ہوا جس میں سینئر نائب صدر ذوالفقار علی مہتو(ممبر ازالہ شکایات)، سیکرٹری زاہد عابد(ممبر سیکورٹی سروسز)، نعمان یاور ( ممبریوٹیلٹی سروسز )، خواجہ نصیر (ممبر کوڑا کرکٹ کولیکشن )، اسسٹنٹ ڈائریکٹر پی جے ایچ ایف حسیب افضل ( سیکرٹری)، سٹیٹ افسر وسیم بھٹی(فنانس سیکرٹری) شریک ہوئے۔
باغی ٹی کی رپورٹ کے مطابق اجلاس میں صدر ارشد انصاری نے کہا کہ صحافی کالونی کو سٹیٹ آف دی آر ٹ رہائشی کالونی بنایا جائے گاجس کیلئے ہنگامی بنیادوں پر کام شروع کر دیئے گئے ہیں، سکول اور ہسپتال کی تعمیر کیلئے وزیر اعلیٰ کی زیر صدارت پی جے ایچ ایف بورڈ آف ڈائریکٹر کے اگلے اجلاس میں منظوری لے لی جائے گی ۔ اجلاس میں درج ذیل متفقہ فیصلے کئے گئے،
1 ) کالونی کے رہائشیوں کو الیکٹریشن اور پلمبر کی 24 گھنٹے سہولت فوری فراہم کرنے کا فیصلہ کیا گیا جس کی شکایات مینجمنٹ کمیٹی کے واٹس ایپ گروپ ” صحافی کالونی مینجمنٹ” میں درج کروائی جا سکے گی۔
2 ) صحافی کالونی کی مین سڑک سمیت دیگر سڑکوں کی مرمت کی منظوری دی گئی جس پر فوری کام شروع کیا جائے گا۔
3 ) اجلاس میں صدر ارشد انصاری نے بتایا کہ پی جے ایچ ایف نے واٹر سپلائی اور سیوریج کا نظام واسا اور بجلی کا نظام لیسکو کو ہینڈ آوور کرنے کیلئے لیٹر لکھ دیئے ہیں ۔ واسا اور لیسکو چند روز میں نظام ٹیک آوور کر لیں گے۔
4 ) کالونی میں گیس کے مسنگ لنکس جلد مکمل کئے جائیں گے ۔
5 ) کالونی کے خالی پلاٹوں میں جھاڑیوں کی صفائی پی ایچ اے کے تعاون سے کروائی جائے گی جبکہ خالی پلاٹوں کی صفائی کیلئے مستقل نظام بھی وضع کیا جائے گا جس کیلئے پی جے ایچ ایف خالی پلاٹس کے مالکان سے رابطہ کرے گی۔
6 ) کالونی سے کوڑا اکٹھا کرنے اور سڑکوں کی صفائی کے نظام کیلئے کوٹیشنز لی جائیں گی۔
7 ) کالونی کی آمدن اور اخراجات کیلئے علحدہ اکاﺅنٹ کھلوایا جائے گا ۔
8 ) کمیٹی نے بجلی کے نظام کی بہتری کیلئے 2 ٹرانسفامرز فوری طور پر مرمت کروانے کی منظوری دی۔
9 ) کالونی کی باﺅنڈری وال کی فوری مرمت کیلئے کوٹیشنز لینے کی منظوری دی گئی۔
10 ) کمیٹی نے رہائشیوں کی سہولت کیلئے کمرشل ایریا کی تعمیر ہونے تک ایک عارضی بازار بنانے کی منظور ی دی جس میں جنرل سٹور، سبزی، چکن، بیف و مٹن، تندور کی عارضی دکانیں قائم کی جائیں گی اور کالونی کی دیگر جگہوں پر قائم کھوکھے ختم کر دیئے جائیں گے۔
11 ) کالونی میں کسی بھی شخص یا گروہ کی طرف سے کالونی کے معاملات چلانے کیلئے مکینوں سے چندہ اکٹھا کرنے، یا کسی بھی شکل میں رقوم وصول کرنے پر سختی سے پابندی لگا دی گئی ہے ۔ ایسا کرنے والوں کے خلاف قانون کے مطابق کارروائی کی جائے گی اور مکینوں سے گذارش ہے کہ وہ ایسا کرنیوالوں کی شکایات واٹس ایپ گروپ یا ذاتی طور پر کریں۔
12 ) پنجاب جرنلسٹس ہاﺅسنگ فاﺅندیشن کے رولز کے مطابق رہائشی جگہ پر کمرشل سرگرمیوں کی اجازت نہیں ہے ، کالونی میں رہائشی گھروں میں کمرشل سرگرمیوں پر انہیںفوری طور پر بند کرنے کے نوٹس دیئے جائیں گے۔
13 ) مینجمنٹ کمیٹی اجلاس میں فیصلہ کیا گیا کہ رہائشیوں کو سڑکوں کی مرمت، سیکورٹی، واٹر سپلائی، سیوریج، سٹریٹ لائٹس، سڑکوں کی صفائی، گھروں سے کوڑے کی کلکشن، الیکٹریشن، پلمبنگ اور دیگر سہولیات فراہم کی جائیں گی جس کیلئے ماہانہ فی گھر چارجز 1500 روپے سے کم کرکے 1000 روپے ماہانہ کر دیئے ہیں۔ کنوینئر ارشد انصاری نے بتایا کہ پہلے ماہانہ پندرہ سو روپے چارجز نومبر2017 ءسے لاگو تھے جس کے بقایاجات ایک کروڑ چوبیس لاکھ روپے وزیر اعلیٰ پنجاب سے معاف کروا لئے گئے ہیں۔
پاکستان کا نیا ڈومیسٹک کرکٹ اسٹريکچر منظوري کے ليے پيٹرن عمران خان کو بحيجواديا گيا۔
باغی ٹی وی کی رپورٹ کے مطابق پی سی بی نے ڈومیسٹک اسٹريکچر کی تجاویز پی سی بی کے آ ئین میں شامل کرنے کے لئے پيٹرن وزيراعظم عمران خان کو بھجوادی ہيں ۔ تجاويز کے مطابق فرسٹ کلاس کرکٹ ٹورنامنٹ جس ميں قائد اعظم ٹرافی ،قومی ون ڈے ، ٹی ٹونٹی ٹورنامنٹ اور انڈر 19 ٹورنامنٹس میں 6 صوبائی ٹیمیں حصہ لیں گی جبکہ ہر فارمیٹ ميں چھ صوبائی ٹیمیں گریڈ ٹو ٹورنامنٹ میں حصہ لیں گی ۔
تمام صوبائی ایسوسی ایشنز کی چیمپئن ٹیمیں نیشنل انٹر سٹی کرکٹ چیمپئن شپ میں حصہ لیں گی ۔ صوبائی ایسوسی ایشنز انٹر سٹی چیمپئن شپ کروانے کی پابند ہوگی ۔ سٹی کلب کرکٹ چیمپئن شپ کروانا ہر سٹی کرکٹ ایسوسی ایشن کی ذمہ داری ہوگی ۔ تمام صوبائی کرکٹ ایسوسی ایشنز، سٹی کلب کرکٹ چیمپئن شپ کو مانیٹر کرے گی ۔
کراچی: کہیں خوشی تو کہیں غم ،کراچی کے چھوٹا سا ننھا بچہ والدین کے لیے غم چھوڑ گیا.خراب لفٹ میں پھنس کر بچہ جاں بحق تفصیلات کے مطابق کراچی کے علاقہ کلفٹن کی رہائشی عمارت میں خراب لفٹ میں پھنس کر بچہ جاں بحق ہوگیا،
بچے کی لاش کو لفٹ سے نکالنے کی کوشش جاری ہے، لفٹ خراب تھی بچےکوخرابی کاعلم نہیں تھا لفٹ دوسری اور تیسری منزل کے درمیان پھنس گئی۔ذرائع کے مطابق بڑی مشکل سے لفٹ کو ٹھیک کیا .یاد رہے کہ اس سے پہلے بھی لفٹ میں پھنس کر جاں بحق ہونے کے کئ واقعات ہوچکے ہیں لیکن لفٹ میںہونے والے اس قسم کے حادثات روکنے کے لیے کوئی انتظامات نہیں ہوسکے
ویلنگٹن : انگلینڈ کے بعد اب نیوزی لینڈ نے بھی اپنے کھلاڑی کو سب سے بڑے اعزاز سے نوازنے کا اعلان کردیا ہے. ایوارڈ کیلئے ان کا مقابلہ کیوی کپتان کین ولیمسن سمیت کئی امیدواروں سے ہوگا۔
ورلڈ کپ فائنل میں انگلینڈ نے نیوزی لینڈکوشکست دیگرٹائٹل جیتا، نیوزی لینڈ کے خلاف انگلینڈ کی فتح میں اہم کرداربین اسٹوکس نے اداکیا لیکن حیران کن بات یہ ہے کہ نیوزی لینڈنے اپنے ملک کے سب سے بڑے ایوارڈ کیلئے بین اسٹوکس کوہی نامزدکردیا ہے۔
منتظین کا کہنا ہے کہ بین اسٹوکس چونکہ نیوزی لینڈ میں پیدا ہوئے اوران کے والدین بھی یہیں مقیم ہیں اس لیے وہ ایوارڈ پانے کا حق رکھتے ہیں، بین اسٹوکس 12سال کی عمر میں والد کیساتھ برطانیہ گئے اورپھروہیں کے ہوکر رہ گئے۔
بہترین نیوزی لینڈر کی نامزدگیاں کرنے والے جج کا کہنا ہے کہ بے شک بین اسٹوکس نے نیوزی لینڈ والوں کے دل توڑے لیکن اب بھی بہت سے نیوزی لینڈر سمجھتے ہیں کہ بین اسٹوکس ان میں سے ہیں۔
بہترین نیوزی لینڈر کے ایوارڈ کیلئے بین اسٹوکس کے علاوہ کیوی کپتان کین ولیمسن اوردیگرکئی شخصیات کوبھی نامزد کیا گیا ہے۔یاد رہے کہ برطانوی وزیر اعطم نے اپنی ٹیم کے ایک کھلاڑی کو سب سے بڑے اعزاز ہڈ سے نوازاتھا
رحیم یار خان :
شہریوں کی شکایت پر اسسٹنٹ کمشنر چوہدری اعتزاز انجم کا شیخ زید ہسپتال کے سائیکل اسٹینڈ پرچھاپہ، اوور چارجنگ کر نے پر تین ملزمان کو موقع پر گرفتار کروا دیا جبکہ ایم ایس شیخ زید ہسپتال کو کنٹریکٹر کے خلاف کاروائی کرنے کے لئے مراسلہ روانہ کر دیا۔تفصیل کے مطابق شیخ زید ہسپتال میں قائم سائیکل اسٹینڈز کی جانب سے مسلسل شہریوں سے اوور چارجنگ اور نامناسب رویہ اختیار کرنے کی شکایات موصول ہو رہی تھیں جس پر اسسٹنٹ کمشنر نے پارکنگ اسٹینڈ پر چھاپہ مارا اور شہریوں سے پارکنگ اسٹینڈ انتظامیہ کی جانب سے وصول کی جانے والی فیس بارے دریافت کیا تو شہریوں نے بتایا کہ موٹر سائیکل کے20روپے اور تاخیر ہونے پر 50تا100روپے تک وصول کئے جا رہے ہیں شہریوں کی جانب سے اوور چارجنگ ثابت ہونے پر اسسٹنٹ کمشنر نے پارکنگ اسٹینڈ پر موجود تین ملزمان کو حوالہ پولیس کرتے ہوئے ایم ایس ہسپتال کو پارکنگ کنٹریکٹر کے خلاف کاروائی کرنے کے لئے تحریری مراسلہ ارسال کر دیا۔
آپ صلی اللہ علیہ وسلم نے فرمایا
• فجر اور اشراق , عصر اور مغرب اور مغرب اور عشا کے دوران سونے سے باز رہا کرو
• بدبو دار اور گندے لوگوں کے ساتھ نہ بیٹھا کرو
• ان کے ساتھ نہ سوئیں جو سونے سے قبل باتیں کرتے ہوں
• بائیں ہاتھ سے نہ کھاؤ
• اپنے کھانے پہ اداس نہ ہو کیونکہ یہ ناشکری ہے
• گرم کھانے کو پھونک سے ٹھنڈا نہ کرو
• جھوٹ نہ بولو
• اندھیرے میں مت کھاؤ
• کھانے کو سونگھنا بد تہزیبی ہے
• انگلیوں کے کڑاکے نہ نکالو
• جوتے پہننے سے قبل انہیں جھاڑ لیا کرو
• نماز کے دوران آسمان کی طرف نہ دیکھو
• لکڑی کے کوئلے سے دانت صاف نہ کرو
• دانتوں سے سخت چیز مت توڑو
• ہمیشہ بیٹھ کے کپڑے تبدیل کرو
• دوسروں کے عیب تلاش نہ کرو
• بیت الخلا میں باتیں نہ کیا کرو
• دوست دشمن نہ بناؤ
• دوستوں کے بارے میں جھوٹے قصے بیان نہ کرو
• چلتے ہوئے پیچھے مڑ کے نہ دیکھا کرو
• اکیلے سفر نہ کیا کرو
• اچھے کاموں میں دوسروں کی مدد کیا کرو
• فیصلے سے پہلے مشورہ کر لیا کرو. مشورہ ہمیشہ سمجھدار کی بجائے تجربہ کار سے کرو
• غرور نہ کرو
• غربت میں صبر کرو
• گداگروں کا پیچھا نہ کیا کرو
• مہمان کی کھلے دل سے خدمت کرو. یہ عادت انسان کی شخصیت نکھارتی ہے
• برا کرنے والوں کے ساتھ ہمیشہ نیکی کرو
• اللہ پاک نے جو عطا کیا اس پر شکر ادا کرو
• زیادہ نہ سویا کرو. زیادہ سونا یاد داشت کو کمزور کرتا ہے
• اقامت اور اذان کے درمیان گفتگو نہ کرو
• اپنی خامیوں پر غور کیا کرو اور توبہ کر لیا کرو
• روزانہ کم از کم سو بار استغفراللہ پڑھا کرو
اللہ تعالی سب کو سنت نبوی پر چلنے کی توفیق فرمائے
وزیراعلیٰ پنجاب سردار عثمان بزدار کا ممتاز عالم دین علامہ منیر احمد یوسفی کے انتقال پر اظہار تعزیت.
باغی ٹی وی کی رپورٹ کے مطابق وزیراعلیٰ پنجاب سردار عثمان بزدار نے ممتاز عالم دین علامہ منیر احمد یوسفی کے انتقال پر گہرے دکھ اور افسوس کا اظہار کیا ہے۔ وزیراعلیٰ نے اپنے تعزیتی پیغام میں سوگوار خاندان سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔