چنیوٹ حالیہ بارشوں کے باعث دریائے چناب پر پانی کی سطح بلند ہونے لگی جبکہ ضلعی انتظامیہ بھی ممکنہ سیلاب کے پیش نظر متحرک ہو گئی
چنیوٹ حالیہ بارشوں کے باعث دریائے چناب پر پانی کی سطح بلند ہونے لگی دریائے چناب پر پانی کا بہاؤ پچاس ہزار کیوسک سے تجاوز کر گیا جبکہ دوسری جانب ضلعی انتظامیہ بھی ممکنہ سیلاب کے پیش نظر میدان میں آ گئی گزشتہ روز ڈپٹی کمشنر سید امان انور قدوائی کی جانب سے ڈزاسٹر مینجمنٹ کا اجلاس طلب کیا گیا جس میں ریسکیو 1122 اور محکمہ سول ڈیفنس کو ممکنہ سیلاب کے پیش نظر الرٹ رہنے کی ہدایات بھی جاری کی گئیں تاہم ریسکیو کی جانب سے دریائے چناب پر مؤک ایکسرسائز کا انعقاد کیا گیا، جبکہ ضلع بھر میں 9 مکامات پر فلڈ ریلیف کیمپ بھی قائم کیے گئے ہیں اسی طرح اگر بات کی جائے محکمہ ایجوکیشن کی تو محکمہ ایجوکیشن کی جانب سے ضلع بھر کے 65 سکول کو ہائی الرٹ جاری کرتے ہوے تمام عملہ کو سکول میں رہنے کی ہدایات جاری کی ہیں تاکہ کسی بھی نا خوشگوار واقع سے بچا جا سکے جبکہ دریائے چناب کے حفاظتی بندوں کی مرمت بھی کی جارہی ہے
Blog
-
دریائے چناب پر پانی کی سطح بلند ہونے لگی
-
آمدن سے زاائد اثاثہ جات کیس، فواد حسن فواد کو عدالت پیش کیا جائے گا
سابق پرنسپل سیکرٹری فواد حسن فواد کیخلاف آمدن سے زائد اثاثہ جات کیس کی سماعت آج ہوگی
نشاط چونیاں ملز،غیر قانونی فائدہ دینے والے ملزم کے ریمانڈ میں توسیع
شہباز شریف کو لائف ٹائم ایوارڈ برائے کرپشن دیا جائے: شہباز گل
پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے
رانا کی گرفتاری قوم کے ساتھ مذاق، دعا ہی کر سکتا ہوں، حمزہ شہباز
باغی ٹی وی کی رپورٹ کے مطابق فواد حسن فواد کو جوڈیشل ریمانڈ ختم ہونے پر احتساب عدالت میں پیش کیا جائے گا ، اس موقع پر سیکورٹی کے سخت انتظامات کئے گیے ہیں، فواد حسن فواد کےخلاف آشیانہ اقبال اسکینڈل میں بھی ریفرنس دائر کیا جا چکا ہے .
شہباز شریف کی کمردرد پھر سے شروع، عدالت پیش نہ ہوئے
نیب کا کہنا ہے کہ فواد حسن فواد نے اربوں روپے مالیت کے غیر قانونی اثاثہ جات بنائے ، فواد حسن فواد نے 4 ارب 56 کروڑ روپے سے زائد کے اخراجات کیے .نیب نے فواد حسن فواد کےخلاف آمدن سے زائد اثاثہ جات کیس کا ریفرنس دائر کررکھا ہے ،نیب کے مطابق فواد حسن فواد نے راولپنڈی میں 50 کروڑ روپے مالیت کا کمرشل پلاٹ لیا،فواد حسن فواد کے راولپنڈی کے ایک 15 منزلہ پلازے میں 3 ارب 85 کروڑ روپے کے حصص سامنے آئے
نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز
سابقہ پیشی میں شہباز شریف احتساب عدالت میں پیش نہیں ہوسکے ، ، شہباز شریف کے وکیل عدالت میں حاضری سے استثنیٰ کی درخواست دائرکی تھی .کیس میں شہبازشریف فوادحسن فواد اور احد چیمہ سمیت 13 ملزمان شامل ہیں،بسم اللہ کنسٹرکشن کمپنی کے چیف ایگزیکٹو شاہد شفیق ،بلال قدوائی اور امتیاز حیدر بھی ملزمان میں شامل ہیں.
-
آصف زرداری کو مزید ریمانڈ کے لئے پیش کیا جائے گا احتساب عدالت
سابق صدر آصف زرداری کا جسمانی ریمانڈ ختم ہونے پر انہیں آج عدالت میں پیش کیا جائے گا
رانا ثناء اللہ پر بنائے گئے کیس کی سزا موت، آصف زرداری بھی بول پڑے
باغی ٹی وی کی رپورٹ کے مطابق سابق صدر آصف زرداری کو جعلی اکاونٹس کیس اور پارک لین کیس میں آج احتساب عدالت میں پیش کیا جائے گا، احتساب عدالت کے جج محمد بشیر کیس کی سماعت کریں گے.
سابق صدر آصف زرداری کے آٹھ بے نامی جائیدادیں ضبط
گزشتہ سماعت پر احتساب عدالت نے سابق صدر آصف زرداری کے جسمانی ریمانڈ میں 13 روز کی توسیع کی تھی، آصف زرداری کی عدالت میں پیشی کے موقع پر سیکورٹی کے سخت انتظامات کئے گیے ہیں کسی بھی غیر متعلقہ شخص کو عدالت میں داخلے کی اجازت نہیں ہو گی. نیب آصف زرداری کے مزید جسمانی ریمانڈ کی استدعا کرے گی
بلاول زرداری کے حلقہ میں خاتون نے فون پر بات کرنے سے انکار کیا تو اسکے ساتھ کیا ہوا، افسوسناک خبر
واضح رہے کہ سابق صدر آصف زرداری کو نیب نے جعلی اکاونٹس کیس اور پارک لین کیس میں گرفتار کر رکھا ہے.
حکومت کو نکالنے کیلئے سیاسی قوتوں کو آگے ہونا ہو گا، آصف زرداری
ایک ہفتے کی جیل کے بعد زرداری کی بس ہو گئی، اسمبلی میں کیا کہہ دیا؟ بڑی خبر؟
-
قطر کا سب سے بڑے نیول بیس کا افتتاح
امریکہ اور ایران کشیدگی کے دوران قطر نے خلیج میں اپنے سب سے بڑے فوجی بحری اڈے کا افتتاح کر دیا
تفصیلات کے مطابق وزیر اعظم عبداللہ بن ناصر بن خلیفہ الثانی اور کمانڈر امریکی نیول فورسز برائےمشرق وسطیٰ ایڈمرل جم ملوئے نے دوحہ کے مشرقی ساحل سے 30 کلومیٹر پر واقع سیمائی سیما میں الداین نیول بیس کا افتتاح کیا۔خطے میں امریکا کے قریبی اتحادی قطر میں واشنگٹن کا مشرق وسطیٰ میں سب سے بڑا فوجی اڈہ بھی قائم ہے۔
بحرین میں امریکی ففتھ فلیٹ کے کمانڈر جم ملوئے کا کہنا تھا کہ ‘نئے بیس سے ہمیں قطری ساحل کے محافظوں کے ساتھ مل کر کام کرنے کا مزید بہتر موقع ملا ہے’۔
خلیجی ممالک جہاں سے دنیا میں تیل کا تیسرا حصہ گزرتا ہے، حالیہ عرصوں میں کشیدگی میں اضافہ سامنے آیا ہے جہاں امریکا ایران پر تیل بردار جہازوں پر حملے کرنے کا الزام لگارہا ہے جبکہ تہران نے امریکی ڈرون مارگرایا ہے۔
قطر کے وزارت داخلہ کا کہنا ہے کہ ‘6 لاکھ اسکوائر میٹر سے زائد کی یہ جگہ سمندر اور سرحدی علاقوں کو محفوظ بنانے کے لیے ہے’۔
انہوں نے بتایا کہ ‘نیول بیس میں، منفرد بندرگاہ، تربیت اور طبی سہولیات، سول ڈیفنس کے دفاتر اور آپریٹنگ رومز شامل ہیں’۔ اس بیس کے ذریعے ایران کے معاملے پر امریکا-قطر تعاون میں اضافے کے حوالے سے سوال کے جواب میں جم ملوئے کا کہنا تھا کہ ‘ہماری توجہ بھی یہی ہے’۔
-
واٹر فلٹریشن پلانٹ کا افتتاح
پھول نگر قصور
رانا سکندر حیات ضلع ناظم قصور نے کہا کے کمیونٹی اور دوستوں کے تعاون سے آج خانکے موڑ یونین کونسل 100 میں دوسرے سٹیٹ آف آرٹ واٹر فلٹریشن پلانٹ کا سنگ بنیاد رکھ دیا گیا ہے
پلانٹ کیلئے جگہ وقف کرنے اور تعاون کرنے پر میں اپنے علاقے کے ساتھیوں کا بے حد شکر گزار ہوں اور انکے جذبے کو داد دیتا ہوں واٹر پلانٹ کی تعمیر اور انسٹالیشن پر جو بھی خرچ آئے گا وہ میں اپنی جیب سے ادا کروں گا تاکہ اہل علاقہ کو صاف پانی کی سہولت میسر ہو سکے جس سے بیماریوں کے خاتمے میں مدد ملے گی ان شاءاللہ آئندہ کچھ دنوں میں تیسرا واٹر فلٹریشن پلانٹ بھی لگادیا جائے گا جس سے علاقے کے لوگوں کو مذید سہولت ملے گی -
معصوم بچے کے قاتل کی گرفتاری کا مطالبہ
ملک رشید احمد خاں ایم این اے NA138 مسلم لیگ ن گزشتہ روز ٹبہ نین وال کھڈیاں میں زیادتی کے بعد بے دردی سے قتل ہونے والے معصوم بچے عبدالرحمن کے گھر گئے اور لواحقین سے اظہار افسوس کیا ملک رشید خان نے ہر متاثرہ خاندان کو ہر قسم کے تعاون کی یقین دھانی کروائی جبکہ پولیس افسران سے ملزم کو جلد از جلد گرفتار کرنے کا مطالبہ بھی کیا
ملک رشید احمد خاں نے لواحقین سے کہا کہ آپ کو جس جگہ بھی میری ضرورت ہو میں حاضر ھوں
ایم این اے نے ملزمان کو سخت سے سخت سزا کا مطالبہ کیا اور گورنمنٹ سے مطالبہ کیا کہ ایسے گھناؤنے جرم کرنے والوں کو سرعام تختہ دار پر لٹکایا جائے -
وہاڑی : پولیس لائنز جنرل پریڈ
وہاڑی (نمائندہ باغی ٹی وی) انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ایس پی انوسٹی گیشن کوثر پروین کی زیر نگرانی علی الصبح جنرل پریڈ کا انعقاد
انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز وہاڑی میں ایس پی انوسٹی گیشن کی زیر نگرانی علی الصبح جنرل پریڈ کا انعقاد کیا گیا. اس دوران ڈی ایس پی ٹریفک شہزاد منظور بھی موجود تھے. جنرل پریڈ کے دوران وہاڑی پولیس کے ساتھ ساتھ ، ٹریفک پولیس, ایلیٹ فورس اور لیڈیز پولیس کے دستے بھی شامل تھے- ایس پی انوسٹی گیشن نے ڈی ایس پی ٹریفک شہزاد منظور کے ہمراہ پریڈ اور جوانوں کے ٹرن آوٹ کا معائنہ کیا جبکہ ڈسپلن اور ٹرن آؤٹ کو مزید بہتر بنانے کی ہدایات بھی دی گئیں.
-
ہڑتال سازش
تاجر برادری کی ہڑتال سازش ہے ڈاکٹر عظیم الدین لکھوی
تفصیلات کے مطابق پی ٹی آئی قصور کے راہنما و سابقہ ٹکٹ ہولڈر ڈاکٹر عظیم الدین لکھوی نے کہا کہ تاجر برادری کی طرف سے ہڑتال ایک سازش ہے انہوں نے کہا کہ تاجر برادری منی لانڈرنگ اور روٹی کپڑا اور مکان کا کھوکھلا نعرہ لگانے والوں کی جھوٹی باتوں میں نا آئیں انہوں نے ملک و ملت و لوٹا ہے اور اب یہی ٹولہ اپنے فائدے کی خاطر تاجر برادری کو استعمال کر رہا ہے
-
ہیڈ کنسٹیبل ممتاز احمد کی نماز جنازہ صادق شہید پولیس لائن رحیم یارخان میں ادا کی گئی
تفصیلات کے مطابق گزشتہ کل فائرنگ کے واقعے میں جاں بحق ہو نے والے ہیڈ کنسٹیبل ممتاز احمدعرف بلا کی نماز جنازہ صادق شہید پولیس لائن رحیم یارخان میں ادا کی گئی۔ جس میں شہید کے درجات کی بلندی کے لیے دعا کی گئی۔جنازے میں بڑی تعداد میں پولیس اہلکار و سویلینز نے شرکت کی.
-
قصور کا آرٹسٹ حکومتی تعاون کا طلب گار
قصور کے گاؤں باہمنی والا کا آرٹسٹ حکومتی تعاون کا طلب گار
تفصیلات کے مطابق قصور کے نزدیک گنڈہ سنگھ روڈ پر واقع گاؤں باہمنی والا کا رہائشی حکیم اصغر جو کہ ایک غریب گھرانے سے تعلق رکھتا ہے ،نے شیشے کی بوتلوں میں خانہ کعبہ،مسجد نبوی اور دیگر چیزوں کے ماڈل بنا لئیے یہ سارا کام انتہائی نفیس اور قابل رشک ہے حکیم اصغر نے گورنمنٹ سے تعاون کی اپیل کی ہے تاکہ اس فن کو وسعت دے کر پاکستان کا نام پوری دنیا میں روشن کیا جا سکے