چکوال(ارسلان رفیق) عوام پریشان ہے کوئی سننے والا نہیں کہیں جائے پناہ نہیں ،ضلع بھر میں گزشتہ12روز سے وکلاءکی مکمل ہڑتال ہے، چکوال ، تلہ گنگ، اور چوآسیدن شاہ کی عدالتوں میں گزشتہ 12 روز سے دور دراز علاقوں سے لوگ اپنے مقدمات کی پیروی کیلئے حسب معمول عدالتوں تک پہنچ رہے ہیں مگر کوئی بھی وکیل عدالت میں پیش نہیں ہو رہا۔ عدالتی نظام مکمل طور پر ٹھپ ہوچکا ہے۔اس کے علاوہ کلرکہار اور لاوہ کی عوام بھی پریشان ہے اور اُدھر کل بروز ہفتہ تاجر بھی وفاقی بجٹ کیخلاف شٹر ڈاﺅن ہڑتال کرنے جا رہے ہیں۔ پشاور میں روٹی کا نرخ چھ روپے سے بڑھا کر 15روپے اور نان20روپے کا کردیا گیا ہے جبکہ نان اور روٹی کے یہی نرخ لاہو رمیں بھی نافذ کیے جانے کا امکان ہے۔ جس کے بعد یہاں بھی اب روٹی پندرہ روپے اور نان بیس روپے کا ملے گا جس کا مطلب یہ ہے کہ غریبوں سے دو وقت کا نوالہ بھی چھیننے کی منصوبہ بندی ہوچکی ہے۔ چیئرمین سینٹ کیخلاف تحریک عدم اعتماد جمع ہوچکی ہے۔ کاروبار زندگی بری طرح سے متاثر ہوچکا ہے اور گزشتہ ایک سال کے دوران ریڑھی والے سے لیکر صنعت کار تک بری طرح سے متاثر ہوا ہے،ہر کوئی عجب پریشانی کے عالم میں ہے۔ ایف بی آر اور محکمہ انکم ٹیکس کا کریک ڈاﺅن الگ سے ہر کسی کے سر پر سوار نظر آرہا ہے۔ضلع کی دو قومی اور چار صوبائی اسمبلی کی نشستوں پر منتخب عوامی نمائندے عوام کا ایک مسئلہ بھی حل کرنے میں کامیاب نہیں ہوئے ہیں، راجہ یاسر سرفراز نے پنجاب حکومت کے بجٹ میں نارتھ پنجاب یونیورسٹی کے قیام کی خوشخبری تو ضرور سنائی ہے مگر اس پر عمل درآمد کیلئے لوگ منتظر ہیں، دوسو بستروں کے ہسپتال پر کوئی پیش رفت نہیں، نیلہ انٹر چینج کے مقام پر صنعتی زون کا قیام دور دور تک دکھائی نہیں دیتا اور اب شہیدوں اور غازیوں کی زمین کے پندرہ لاکھ عوام ایک سی ایم ایچ طرز کے بڑے ہسپتال کا مطالبہ کررہے ہیں ضلع چکوال کے سات لاکھ عوام جن کے پاس دو وقت کی روٹی بھی نہیں ہے ان کو کوئی صحت کی بنیادی سہولت کی فراہمی ممکن ہوسکے۔ حکومت کی طرف سے اچھے دنوں کی نوید سنائی جا رہی ہے اور تسلی دی جا رہی ہے کے آنے والے دنوں میں صورتحال بہتر ہوگی لیکن موجودہ صورتحال اور حالات میں عوام میں بے چینی اور افراتفری بڑھ رہی ہے۔ بلکسر تا میانوالی روڈ آئے پر روز حادثات کی وجہ سے ہزاروں لوگ اپنی جانیں گنوا بیٹھے ہیں جس کو ون وے کرنے کا وعدہ بھی موجودہ حکومت نے کیا تھا جو کہ اب تک پائے تکمیل تک نہیں پہنچ سکا۔ عوام اپنے مسائل کے سامنےحلقے کے منتخب نمائندگان کی غیر موجودگی اور عدم دلچسپی کو دیکھ کر شدید پریشانی کا شکار ہے۔
Blog
-
لاہورگوالمنڈی کے علاقے میں چھت گرنے کے نتیجے میں 2 خواتین جاں بحق
لاہورگوالمنڈی کے علاقے میں تیسری منزل کی چھت گرنے کے نتیجے میں 2 خواتین جاں بحق جبکہ 2 بچے زخمی ہو گئے جنہیں فوری طبی امداد کے لیے قریبی ہسپتال منتقل کر دیا گیا
باغی ٹی وی کی رپورٹ کے مطابق گوالمنڈی کے علاقے میو ہسپتال کے قریب واقع مکان کی تیسری منزل کی چھت زوردار دھماکے سے نیچے گر گئی جس کے نتیجے میں گھر میں موجودخواتین اور بچے ملبے تلے دب گئے اطلاع ملنے پر ریسکیو 1122 کی ٹیموں نے موقع پر پہنچ کر امدادی کاروائی کرتے ملبے تلے دبے دو خواتین 35 سالہ نسرین اور 55 سالہ نذیراں بی بی کی لاشیں جبکہ 1ماہ کے بچے آفتاب اور 1 سالہ بچی آمنہ کو زخمی حالت میں نکال کر فوری طبی امداد کے لیے ہسپتال منتقل کر دیا ریسکیو حکام کے مطابق 3 مزلہ مکان کی چھت لکڑی کی تھی جو
بارش کے باعث پانی کھڑا ہونے کے باعث وزنی ہو چکی تھی جس کی وجہ سے یہ حادثہ پیش آیا۔ -
پیسے ہی پیسے وہ بھی بلا سود ،وزیر اعظم کا نوجوانوں کو تحفہ
اسلام آباد:وزیر اعظم پاکستان کے ویژن کو عملی جامہ پہنانے کے لیے اسٹیٹ بینک نے بلا سود قرضوں کی فراہمی کا اعلان کردیا .اسٹیٹ بینک کے مطابق قرضے کے لیے درخواست فارم نیشنل بینک، بینک آف پنجاب اور بینک آف خیبر کی شاخوں اور ویب سائٹس سے حاصل کیے جا سکتے ہیں۔
اسٹیٹ بینک نے پرائم منسٹر کامیاب جوان ایس ایم ای لینڈنگ پروگرام“ کے تحت قرضے کے حصول کا طریقہ کار جاری کر دیا ہے۔بینکوں کو ہدایت دی گئی ہے کہ درخواست فارم پر اپنے ٹول فری نمبر بھی درج کریں تاکہ اپنا کاروبار کرنے والے نوجوانوں کی رہنمائی کی جاسکے۔ درخواست فارمز کا اجراء وزیراعظم کی جانب سے پروگرام کے باضابطہ افتتاح کے فوری بعد شروع کردیا جائے گا۔
اسٹیٹ بینک ذرائع کے مطابق اس پروگرام کے تحت نوجوان اپنے کاروبار کے لیے بینکوں سے ایک لاکھ سے 50 لاکھ تک کے قرضے حاصل کرسکتے ہیں جن پر سود حکومت ادا کرے گی اور قرضہ پر نقصانات پر زر تلافی کا بوجھ بھی خود حکومت اٹھائے گی۔ کمپیوٹرائزڈ شناختی کارڈ کے حامل 21 سے 45 سال کی عمر کے مرد اور خواتین اس پروگرام کے تحت اپنا کاروبار شروع کرنے کے لیے قرضہ لے سکتے ہیں۔ 18 سال کی عمر کے نوجوان ای کامرس یا آئی ٹی سے متعلق کاروبار کے لیے اس اسکیم سے استفادہ کرسکتے ہیں۔
وزیر اعظم عمران خان کے اس پروگرام کے تحت قرضوں کی مالیت کے لحاظ سے دو درجات ہیں پہلے درجہ میں ایک لاکھ سے پانچ لاکھ روپے جبکہ دوسرے درجہ میں آنے والے کاروبار کے لیے پانچ لاکھ سے پچاس لاکھ روپے تک کے قرضے حاصل کیے جاسکتے ہیں۔ یہ قرض ورکنگ کپیٹل اور ٹرم لونز کی شکل میں دیے جائیں گے جن کی مدت 8 سال ہے جس میں ایک سال کا اضافہ کیا جاسکے گا۔
پہلے درجہ کے کاروبار کے لیے نوجوانوں کو اپنے پاس سے بھی 10 فیصد سرمایہ لگانا ہوگا جبکہ دوسرے درجہ کے کاروبار کے لیے نوجوانوں کو 20 فیصد سرمایہ مہیا کرنا ہوگا۔ قرضوں کے لیے خواتین کا کوٹا 25 فیصد مقرر کیا گیا ہے۔ ایک لاکھ سے پانچ لاکھ روپے تک کے قرضے شخصی ضمانت پر دیے جائیں گے پانچ لاکھ سے پچاس لاکھ کے قرضے بینک اپنے خدشات کو مدنظر رکھتے ہوئے جاری کریں گے۔
وفاقی حکومت قرضوں کے ڈوبنے کی صورت میں چھوٹے قرضوں پر 50 فیصد اور بڑے قرضوں کا 10 فیصد نقصان ادا کرے گی۔ نیشنل بینک آف پاکستان پروگرام کے تحت 50 فیصد قرضے جاری کرے گا باقی قرضے بینک آف پنجاب اور بینک آف خیبر اسٹیٹ بینک کی نگرانی اور مشاورت سے جاری کریں گے۔ اسٹیٹ بینک نے دیگر کمرشل بینکوں پر بھی زور دیا ہے کہ اس پروگرام کا حصہ بنیں۔
اس پروگرام کے تحت اسمال اینڈ میڈیم انٹرپرائز ڈیولپمنٹ اتھارٹی کے متعین کردہ پیمانوں پر پورا اترنے والی اسکیموں، پراجیکٹس کے علاوہ نجی شعبہ کے ڈیزائنر کردہ پراجیکٹس کے لیے بھی قرضہ جاری کیے جائیں گے۔ قرضوں کی درخواستوں کی پراسیسنگ 15 روز کے اندر مکمل کی جائے گی، اس پروگرام کے تحت نئے کاروبار کے علاوہ پہلے سے جاری کاروبار کی توسیع کے لیے بھی قرضہ لیا جاسکتا ہے۔
-
لاہورنوانکوٹ کے علاقے میں سیلنڈر دھماکے کے نتیجے میں 2 افراد جھلس کر زخمی
لاہورنوانکوٹ کے علاقے میں دکان کے اندرہونے والے سیلنڈر دھماکے کے نتیجے میں 2 افراد جھلس کر زخمی ہو گئے۔دھماکے کی آواز سن کر اہل علاقہ خوفزدہ ہو کر گھروں اور دکانوں سے باہر نکل آئے،
باغی ٹی وی کی رپورٹ کے مطابق اطلاع ملتے ہی ریسکیواور امدادی ٹیمیں موقع پر پہنچ گئیں اور زخمیوں کو طبی امداد کے لیے ہسپتال بھی منتقل کردیا گیا۔ تفصیلات کے مطابق نواں کوٹ کے علاقے نیازی اڈا بند روڈ کے قریب دکان میں سلنڈر گیس لیکج کے باعث زوردار دھماکے سے پھٹ گیا جس سے 2 افراد 25 سالہ راشد اور 30 سالہ اسلم زخمی ہو گئے اطلاع ملتے ہی ریسکیواور امدادی ٹیموں نے جائے حادثہ پر پہنچ کرتھوڑی ہی دیر میں آگ پر قابو پانے کے ساتھ ساتھ زخمیوں کو فوری طبی امداد کے لیے ہسپتال منتقل کر دیا۔
-
عراقی کردستان کے سرحد پردہشت گردوں کے خلاف ایرانی پاسداران انقلاب کا آپریشن
تہران:ایرانی پاسداران انقلاب نے عراقی کردستان کی سرحد پر دہشت گردوں کے حملے کو پسپا کرتے ہوئے جوابی حملہ کیا ہے .ترجمان کے مطابق عراقی کردستان ریجن کی سرحدی پٹی میں واقع دہشت گردوں کے ٹھکانوں پر گولہ باری بھی کی گئی ہے۔
اعلامیہ کے مطابق سپاہ پاسداران انقلاب اسلامی کے میزائل، ڈرون اور آرٹلری یونٹوں نے گہری انٹیلی جینس معلومات کی بنیاد پر دہشت گردوں کے مختلف ٹھکانوں کو نشانہ بنایا ہے اور اس آپریشن کی مکمل فلمبندی بھی کی ہے۔سپاہ پاسداران انقلاب اسلامی کے جاری کردہ اعلامیے میں کہا گیا کہ ملکی سرحدوں اور قومی سلامتی کا تحفظ ہماری ریڈ لائن ہے اور اس پر کسی سے رعایت نہیں برتی جائے گی۔
پاسداران انقلاب کےاعلامیہ میں عراقی کردستان ریجن کی حکومت سے کہا گیا ہے وہ اپنے علاقے کو ایران کی سلامتی کے لیے خطرہ پیدا کرنے والے دہشت گرد گروہوں کی پناہ گاہ، تربیتی مراکز میں تبدیل ہونے کی اجازت نہ دے۔
-
سیالکوٹ فلد ڈیزاسٹر مینجمنٹ نے وارننگ جاری کردی دریائوں ندی نالوں میں طغیانی کا خطرہ ہے
سیالکوٹ (نمائندہ باغی ٹی وی) فلد ڈیزاسٹر مینجمنٹ نے وارننگ جاری کی ہے کہ مقبوضہ جموں کشمیراور وہاں سے سیالکوٹ میں داخل ہونے والے دریائوں ،، ندی نالوں میں طغیانی کا خطرہ ہے جبکہ محکمہ موسمیات کے مطابق آئندہ تین روز میں ہونے والی موسلہ دھار بارشوں سے دریائوں ندی نالوں میں نچلے درجے کا سیلاب متوقع ہے
-
لاہورگرین ٹاون کے علاقے مین 33 سالہ شخص نے گلے میں پھندا لگا کر خودکشی کر لی
لاہور گرین ٹاون کے علاقے مین گھریلو حالات سے دلبرداشتہ ہو کر 33 سالہ شخص نے گلے میں پھندا لگا کر خودکشی کر لی
باغی ٹی وی کی رپورٹ کے مطابق گرین ٹاﺅن کے علاقہ باگڑیاں چوک کے قریب 33 سالہ شخص نے گھریلو حالات سے دلبرداشتہ ہو کر گلے میں پھندا لے کر خودکشی کر لی۔ متوفی کی شناخت مبارک مسیح کے نام سے ہوئی۔ اطلاع ملنے پر پولیس نے موقع پر پہنچ کر لاش ایدھی ایمبولینس کے مردہ خانے منتقل کر کے قانونی کاروائی کاآغاز کر دیا۔
-
ڈی پی او نے لگائی کھلی کچہری
شیخوپورہ (نمائندہ باغی ٹی وی) وزیر اعلیٰ پنجاب کی ہدایت پر ڈی پی او غازی محمد صلاح الدین نے لوگوں کے مسائل سننے اور انکے حل کے لیے ڈی پی او آفس میں کھلی کچہری لگائی ۔ کھلی کچہری میں پیش ہونے والے سائلین کی شکایات کو بغور سنا اورموقع پر ہی متعلقہ افسروں کو میرٹ کے مطابق انکی شکایات دور کرنے اورانکی دادرسی کیلئے احکامات جاری کیے، انہوں نے ہدایات دیں کہ لوگوں کی شکایات و مسائل اپنے دفاتر میں حل کرنے پر توجہ دیں ،درخواست گزاروں کے مسائل خندہ پیشانی سے سن کر انہیں تسلی بخش ریلیف فراہم کریں ،اس موقع پر خطاب کرتے ہوئے ڈی پی او غازی محمد صلاح الدین نے کہا کہ لوگوں کے مسائل حل کرنے کےلیے دن رات کوشاں ہیں ۔ عوام کی خدمت کرتے ہوئے انصاف کی فراہمی کو یقینی بنائیں،کھلی کچہری کا مقصد عوام کے مسائل کو ترجیحی بنیادوں پر حل کرنا ہے جبکہ کھلی کچہری میں پیش کی جانے والی شکایات کی درخواستوں پر محکمانہ کاروائی کی باقاعدگی سے مانیٹرنگ کی جا رہی ہے تاکہ سائلین کو ریلیف کی فراہمی میں تاخیر نہ ہو،انکا کہنا تھا کہ عوامی مسائل کو میرٹ پر حل نہ کرنے والے افسران کے خلاف سخت کاروائی عمل میں لائی جائے گی، ڈی پی او شیخوپورہ غازی محمد صلاح الدین نے خطاب کرتے ہوئے کہا کہ ضلع میں امن و امان کا قیام،معاشرتی برائیوں ،جرائم کا خاتمہ،منشیات کا خاتمہ میری اولین ترجیح ہے ۔ کسی بھی مظلوم کے ساتھ نا انصافی ہرگز برداشت نہیں کروں گا ۔ پولیس دن رات جانفشانی سے اپنے فرائض سر انجام دے رہی ہے۔
-
اداکارہ سناکشی سنہا کے گھر پولیس کا چھاپہ
ممبئی میں پولیس نے دھوکہ دہی میں ملوث بالی ووڈ اداکارہ سوناکشی سنہا کے گھر پر چھاپا مارا. بھارتی میڈیا کے مطابق گزشتہ روز پولیس نے اداکارہ سوناکشی سنہا کے گھر پر چھاپا مارا لیکن سوناکشی گھر پر موجود نہیں تھی تاہم پولیس ان سے تفتیش نہ کر سکی۔
باغی ٹی وی کی رپورٹ کے مطابق پولیس نے تصدیق کرتے ہوئے کہا کہ بھارت کی ریاست اتر پردیش میں گزشتہ برس اداکارہ کے خلاف دھوکہ دہی کا کیس دائر کیا گیا تھا جس میں درخواست گزار نے الزام عائد کیا کہ تمام تر معاہدوں کے باوجود سوناکشی نے دہلی میں ہونے والے ایونٹ میں شرکت نہ کی جس کی وجہ سے شو کی انتظامیہ کو بھاری نقصان کا سامنا کرنا پڑا۔
دوسری جانب سوناکشی سنہا کے ترجمان کی جانب سے بتایا گیا ہے کہ دھوکہ دہی کے حوالے سے سوناکشی سنہا پر لگائے گئے تمام الزامات جھوٹے ہیں اور ان میں سناکشی ملوث ہی نہیں ہیں۔
واضح رہے کہ سوناکشی سنہا ان دنوں سلمان خان کی فلم ’دبنگ تھری‘ کی شوٹنگ میں مصروف تھیں اور ان پر بے بنیاد الزام لگائے جا رہے ہیں۔
-
ایرانی آئل ٹینکر کو روکنےپر برطانیہ کو شرم آنی چاہیے ، روس
لند ن:ایرانی آئیل ٹینکر کو قبضےمیں لینے پر روسی وزارت خارجہ نے برطانیہ کو خبردار کرتے ہوئے کہا ہے کہ جبل الطارق میں ایرانی آئل ٹینکر کو روکنے کے برطانوی حکومت کے اقدام کولندن کے لئے ذلت کا باعث اور شرمناک قراردیا ہے۔
سرگئی ریابکوف نے بدھ کو برطانوی آئیل ٹینکر کو آبنائے ہرمز میں فوجیوں کی حفاظت میں گذارنے کے لندن کے اقدام کو نفرت انگیز قراردیا اور کہا کہ اس طرح کے اقدامات سے علاقے کی صورتحال مزید پیچیدہ ہوگی اور فوجی ٹکراؤ کا خطرہ بڑھ جائے گا۔روس نے برطانیہ کو پہلے بھی خبردار کیا تھا کہ وہ ایران کے معاملات میں دخل اندازی سے باز رہے
یاد رہے کہ روس نے اس سے پہلے بھی اپنے بیان میں کہا تھا کہ جبل الطارق میں ایرانی آئیل ٹینکر کو روکنے کا برطانوی اقدام یورپی حکومتوں کے ان دعوؤں کے برخلاف ہے۔ ماسکو کا کہنا ہے کہ لندن، واشنگٹن اور مغرب کے دیگر ممالک ایران کے ساتھ کشیدگی کم کرنے کے بجائے صورتحال کو بدتر کرنے کی کوشش کر رہے ہیں۔