Blog

اسلام آباد:دنیا میں جہاں ماہرین صحت شیشہ پینے پر پابندی کا پرزور مطالبہ کررہے ہیں اور اسے صحت کے لیے انتہائی خطر ناک قرار دے رہے ہیں وہاں دوسری طرف پاکستان قانون سازادارے ایوان بالا میں پاکستان میں شیشہ پینے کی آزادی دینے کے لیے حکومت پر ڈباو ڈالا جارہا ہے..

اسلام آباد سے ذرائع کے مطابق سینیٹ کی قائمہ کمیٹی برائے قومی صحت نے ریسٹورنٹس میں شیشہ پینے پر پابندی اٹھانے اور مناسب قانون سازی کی سفارش کردی۔

وزرات صحت کے حکام کا کہنا ہے کہ وہ بھی پابندی کے حق میں نہیں جبکہ سینیٹر میاں عتیق شیخ بولے کہ لندن میں ہمارے کرکٹرز شیشہ پیتے رہ گئے اور ہم میچ ہار گئے، افسوس ہے کہ شیشے پر پابندی لگوانے کیلئے میں نے سب سے زیادہ شور ڈالا لیکن ریسٹورنٹس میں شیشے پر پابندی لگی تو شیشہ گھروں میں آگیا۔

سینیٹر میاں عتیق نے کہا کہ ریسٹورنٹس میں شیشہ پر عائد پابندی اٹھالی جائے، ترقی یافتہ ممالک میں شیشے پرپابندی نہیں۔میاں عتیق نے کہا کہ پاکستان میں ریستورانوں میں شیشہ پینے کی کھلی چھوٹ ہونے چاہیے

قائمہ کمیٹی برائے قومی صحت کی صدارت کرتے ہوئے سینیٹر میاں عتیق شیخ نے کہ لندن میں ہمارے کرکٹرز شیشہ پیتے رہ گئے اور ہم میچ ہار گئے۔ رکن منظور کاکڑ نے کہا کہ پہلے ایک فرد ریسٹورنٹ جا کر شیشہ پیتا تھا اب سارا گھر پیتا ہے۔ وزرات صحت کے حکام بولے کہ وزارت بھی پابندی کے حق میں نہیں ہے، پابندی سپریم کورٹ کے حکم پر لگی۔ میاں عتیق شیخ نے کہا کہ وزرات قومی صحت مناسب قانون سازی کیلئے قوائد وضوابط تشکیل دے۔

سینیٹ کی قائمہ کمیٹی کے اجلاس کے دوران سرعام دکانوں پر سگریٹ، پان کی فروخت پر پابندی کے معاملے پر بات کرتے ہوئے کمیٹی ممبران نے کہا کہ اس صنعت کے ساتھ 7 لاکھ افراد وابستہ ہیں، پابندیوں سے بے روزگاری بڑھے گی جس کے بعد کمیٹی نے اس معاملے پر تفصیلات طلب کر لیں۔

یاد رہے کہ پاکستان میں شیشہ کا نشہ کرنے والوں کی تعداد مں روز بروز اضافے کے بعد اس کے استعمال پر پابندی لگائی گئی تھی.یہ پابندی اسلام آباد،لاہور ،کراچی اور دیگر بڑے شہروں میں تعلیمی اداروں میں شیشے کے نشے کے شکار ہونے والے طلباوطالبات کے منظر عام ہونے پر لگائی گئی تھی .

اسلام آباد:بیرون ملک جانے والے مسافروں کے لیےوفاقی وزیر برائے ہوا بازی غلام سرور چیمہ نے خوشخبری سناتے ہوئےکہا ہے کہ سامان کی پلاسٹک ریپنگ کے ریٹس کم کیے جارہے ہیں،وفاقی وزیر نے کہا کہ پلاسٹک ریپنگ کے ریٹس نمایاں جگہ پر لگائے جائیں۔

وفاقی وزیر برائے ہوابازی غلام سرور خان نے جمعہ کو اسلام آباد انٹرنیشنل ائیرپورٹ کا دورے کے دوران کیا۔طاہر سکندر ایئرپورٹ مینیجر نے وفاقی وزیر کو بریفنگ دی۔ شاہ رخ نصرت،سیکرٹری ایوی ایشن/ڈی جی سی اے اے نے اسلام آباد ایئر پورٹ پر موجود انسانی وسائل کے بارے میں بتایا۔وفاقی وزیر کو انٹیگریٹڈ بلڈنگ مینجمنٹ سسٹم کے بارے میں بھی بریفنگ دی گی۔ایئرپورٹ پر موجود کار پارکنگ کے مسائل کے بارے بھی یر بحث آئے۔

وفاقی وزیر نے یونائیٹڈ ٹرانسپورٹ سسٹم اور ایئرپورٹ کی صفائی کے بارے میں بھی استفسار کیا۔گرین چینل پر بھی تفصیلی بریفنگ دی گئی۔وفاقی وزیر نے ایئرپورٹ پر موجود ٹراما سینٹر اور شفا فارمیسی کا بھی دورہ کیا۔

لاہور :سینئیر اینکر اور کھرے سچ کے میزبان مبشر لقمان کے مریم نواز کی طرف سے جج ارشد ملک پر لگائے جانے والے الزامات کے بعد اس ویڈیو سے متعلق اندر کی کہانی میں انکشافات اور حقائق بالکل درست ثابت ہوئے .

مریم نواز کی طرف سے احتساب عدالت کے جج ارشد ملک سے متعلق جو ویڈیو لیک کی گئی اس نے پاکستانی کے سیاسی درجہ حرارت میں بہت اضافہ کردیا تھا . اس ویڈیو‌کے بارے میں طرح طرح کی پشین گوئیاں اور تبصرے زبان زد عام رہے .اور اکثر تبصرہ نگاروں اور تجزیہ نگاروں نے اسے اصلی قرار دے کر نواز شریف کی بے گناہی ثابت کرنے کی کوشش کی

اس ویڈیو کے تکنیکی پہلووں اور اس میں کی جانے والی ایڈیٹنگ اور جعل سازی کا سب سے پہلے اگر کسی نے انکشاف کیا تو وہ سینیئر اینکر ،کھرے سچ کے میزبان اور پاکستانی سیاسی منظر نامے پر نظر رکھنے والی اہم شخصیت مبشرلقمان کی تھی .

مبشر لقمان نے اپنے ویڈیو پیغام میں اس بات کا انکشاف کیا تھا کہ جج ارشد ملک کے سامنے ایسی تحریر رکھی گئی تھی .جسے جج ارشد ملک کو پڑھنے پر مجبور کیا جاتا رہے .اس تحریر میں جج ارشد ملک ناصر بٹ سے یہ پوچھتے ہوئے نظرآئے کہ میں یہ تحریر نہیں پڑھوں گا .لیکن ناصر بٹ اور دیگر کرداروں کی طرف سے پڑھنے پر مجبور کیا گیا جس سے یہ تاثر حاصل کرنے کی کوشش کی گئی کہ جج ارشد ملک نے تسلیم کرلیا ہے کہ نواز شریف کے خلاف فیصلہ دباو میں کیا گیا

مبشر لقمان نے اپنے ویڈیو‌پیغام میں یہ دعویٰ کیا تھا کہ اس میں اور بھی کردار ہیں مجھے ان کا علم ہے .اپنے ویڈیو پیغام میں مبشر لقمان نے کہا تھا بہت جلد یہ کردار بے نقاب ہوں گے،اپنے ویڈیوپیغام میں مبشر لقمان نے یہ بھی انکشاف کیا تھاکہ یہ ویڈیو بلیک میل کرکے بنائی گئی ہے. مبشر لقمان نے اپنا مشہور جملہ اور ذرائع جسے وہ "چڑیل ” کا نام دیتے ہیں کا حوالہ دیتے ہوئے دعویٰ کیا تھا کہ یہ ایک مافیا ہے اور بہت جلد یہ مافیا بے نقاب ہوگا.

یاد رہے کہ مبشر لقمان نے اپنے ویڈیو پیغام میں ممکنہ انکشافات کیےتھے ان میں 75 سے 80 فیصد کی تصدیق جج ارشد ملک کے خط سے ہی ہوگئی ہے.باقی دعوے کب پورے ہوں گے یہ سپریم کورٹ میں‌سماعت کے دوران ثابت ہوجائیں گے. یہ بھی یاد رہے کہ مبشر لقمان کے اس ویڈیو پیغام کو جو یوٹیوب پر نشر ہوا تھا چند ہی منٹوں میں دسیوں ہزار لوگوں نے سنا ،سبسکرائب کیا اورلائیک بھی کیا.