Baaghi TV

Blog

  • انسپکٹر دولہا نے بائیس لاکھ لے لئے لیکن بارات نہ لے کر گیا، مقدمہ درج

    انسپکٹر دولہا نے بائیس لاکھ لے لئے لیکن بارات نہ لے کر گیا، مقدمہ درج

    سپپولیس اہلکار نے شادی کے لئے 22 لاکھ روپے جہیز کے نام پر لے لیے، گاڑی کا بھی مطالبہ کر دیا لیکن بارات والے دن دلہن انتطار کرتی رہی ، دولہا میاں نہ پہنچے، واقعہ کے خلاف تھانے میں درخواست دے دی گئی ہے.

    باغی ٹی وی کی رپورٹ کے مطابق بھارتی ریاست مدھیہ پردیش کے ضلع دتیا کے ایک پولیس اہلکار نے دوسرے ضلع مرینا میں ایک خاتون سے شادی کے معاملے میں 22 لاکھ روپے جہیز کے طور پر لئے ، بعد ازاں لڑکی والوں سے گاڑی کا مطالبہ بھی کیا. لڑکی والوں نے کہا کہ بائیس لاکھ جہیز کے دے دئیے اب گاڑی شادی کے بعد دے دیں گے.

    دس جون کو شادی والے دن دلہن اور اس کے رشتے دار انتظار کرتے رہے لیکن دولہا نہ پہنچا، جس پر دلہن کے والدین تھانے پہنچ گئے. لڑکی کے والد نے پولیس کو درخواست دیتے ہوئے کہا کہ رام نواس تیواری نے اپنی بیٹی پرینکا کی شادی دیوی سنگھ پورا کے رہائشی بھاسکر شرما کے ساتھ طے کی. بھاسکر شرما جو پولیس اہلکار ہے اس نے بائیس لاکھ کی‌ ڈیمانڈ کی وہ دے دئیے ، پھر اس نے لڑکی کے بھائی سے گاڑی کا مطالبہ کیا جو بعد مٰں دینے کا کہا گیا، اس کے بعد شادی طے ہوئی لیکن انپسکٹر دولہا بارات لے کر نہیں آیا.

    لڑکی کے والد کی جانب سے درخواست کے بیس دن بعد مقدمہ درج کر لیا گیا ہے .

  • پاکستان کو بین الاقوامی اداروں سے 38 ارب ڈالرز کا قرضہ ملے گا، آئی ایم ایف

    پاکستان کو بین الاقوامی اداروں سے 38 ارب ڈالرز کا قرضہ ملے گا، آئی ایم ایف

    آئی ایم ایف نے کہا ہے کہ پاکستان کو بین الاقوامی اداروں سے 38 ڈالرز کا قرضہ ملے گا.

    باغی ٹی وی رپورٹ کے مطابق آئم ایم ایف نے کہا ہے کہ پاکستان کو بین الاقوامی اداروں سے 38 ارب ڈالرز کا قرضہ ملے گا.پاکستان میں اداروں کو مضبوط کرکےان میں شفافیت لائی جائے .پاکستان میں کرپشن کے خاتمے کے لیے کاررروائیاں کی جائیں
    گیس اور بجلی کی قیمتوں میں سیاسی مداخلت نہیں کی جائے گی.پاکستان کے گردشی قرضوں کا خاتمہ کیا جائے گا .توانائی سیکٹر کے واجبات کی وصولیاں یقینی بنائی جائیں گی.

    پاکستان میں توانائی کے شعبہ میں اصلاحات کی جائیں گی،مانیٹری پالیسی کے ذریعے منہگائی کو قابو کیا جائے گا،اسٹیٹ بینک پاکستان کرنسی کی شرح تبادلہ میں مداخلت نہیں کرے گا ،پاکستان میں کرنسی کی شرح تبادلہ مارکیٹ طے کرے گی .پاکستان سالانہ1500سے2000ارب روپےٹیکسوں کی مد میں آمدن بڑھائےگا.سرکاری اداروں میں نا اہلی کے باعث نقصانات میں اضافہ ہوچکا ہے،پاکستان میں ٹیکس کے نظام میں کمزوریاں ہیں،اضی میں ڈالر کی قیمت کو مصنوعی طور پرکنٹرول کیا گیا

  • مہنگائی کے طوفان میں لاہوریوں کو ملی بڑی خوشخبری

    مہنگائی کے طوفان میں لاہوریوں کو ملی بڑی خوشخبری

    صوبائی دارالحکومت لاہو رمیں میٹرو بس پر سفر کرنے والوں کو ایک بار پھر خوشخبری مل گئی، میٹرو میں کرایوں کے اضافہ کا فیصلہ واپس لے لیا گیا’

    لاہوریوں کے لئے ایک اور بری خبر،میٹرو بس کے کرایوں میں اضافہ

    باغی ٹی وی کی رپورٹ کے مطابق میٹرو بس کے کرایوں میں اضافوں کی تجویز دی گئی تھی، دس روپے کرایہ میں اضافہ تجویز کیا گیا تھا جس کا اطلاق یکم جولائی سے ہونا تھا تاہم کرایوں میں اضافے کی تجویز محکمہ خزانہ نے واپس لے لی ہے. محکمہ خزانہ نے کرایوں میں اضافے کی تجویز دیتے ہوئے کہا تھا کہ کرایوں میں اضافے سے سالانہ سبسڈی میں ایک سے ڈیڑھ ارب روپے کمی ہوگی .پنجاب حکومت میٹرو بسوں پرسالانہ9 ارب روپے کی سبسڈی دے رہی تھی، بسوں پر اشتہارات لگا کر ان سے آمدن بھی حاصل کی جائے گی .پنجاب حکومت نے جاری منصوبوں پرسبسڈی بھی کم کردی.

    خواتین کے لئے میٹرو پر اب سفر ہو گا بالکل مفت، ٹوکن یا کارڈ کی بھی ضرورت نہیں

    کرایوں میں اضافے کا فیصلہ واپس لینے کے بعد پنجاب حکومت نےصوبائی وزیر ٹرانسپورٹ کی سربراہی میں ایک کمیٹی تشکیل دے دی، کمیٹی میں چئیرمین پی اینڈ ڈی، سیکرٹری خزانہ، سیکرٹری ٹرانسپورٹ اور پنجاب ماس ٹرانزٹ اتھارٹی کے افسران شامل ہیں۔ حکومت مارکیٹنگ کمپنی کی مدد سے میٹروبس روٹ پر ذرائع آمدن پیدا کرے گی۔

    واضح رہے کہ گزشتہ ماہ وزیراعظم عمران خان نے لاہور میں میٹرو بس پر سبسڈی ختم کرنے کا حکم دیا تھا .

    واضح رہے کہ میٹرو بس سروس کا آغاز سابق وزیراعلیٰ پنجاب شہباز شریف کے دور میں کیا گیا تھا .میٹرو بس سروس 27 کلومیٹر طویل سڑک پر مشتمل ہے، جو گجومتہ سے شاہدرہ تک ہے۔ اس سے 27 کلومیٹر کا سفر ایک گھنٹے میں سمٹ آیا ہے۔۔ اس پر 27 بس اسٹیشن ہیں .لاہور میٹرو بس منصوبہ پر 29 ارب 42 کروڑ 42 لاکھ روپے خرچ ہوئے .

  • جیل میں رانا ثناء اللہ کی طبیعت خراب،طبی معائنہ،ڈاکٹرز نے کیا کہا؟

    جیل میں رانا ثناء اللہ کی طبیعت خراب،طبی معائنہ،ڈاکٹرز نے کیا کہا؟

    مسلم لیگ ن کے رہنما رانا ثناء اللہ کی جیل میں طبیعت خراب ہو گئی،

    رانا ثناء اللہ کا پانی بھی بند کردیا گیا، شہباز شریف

    جیل پہنچ کر رانا ثناء اللہ بھی ہوئے بیمار، مریم اورنگزیب کی دہائی

    باغی ٹی وی کی رپورٹ کے مطابق منشیات کے الزام میں گرفتار مسلم لیگ ن کے رہنما رانا ثناء اللہ کی کیمپ جیل میں طبیعت ناساز ہونے کی وجہ سے ڈاکٹر ز کو طلب کیا کیا گیا، پی آئی سی ڈاکٹرز نے رانا ثناء اللہ کا طبی معائنہ کیا. ڈاکٹرز نے طبی معائنہ کے بعد منیشات کے الزام میں گرفتار ن لیگی رہنما کے لئے مختلف ٹیسٹ تجویز کئے، ٹیسٹ رپورٹ کے بعد ڈاکٹرز علاج سے متعلق فیصلہ کرینگے۔

    رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

    رانا ثناء اللہ پر بنائے گئے کیس کی سزا موت، آصف زرداری بھی بول پڑے

    رانا ثناء اللہ کو عدالت نے جیل بھجوا دیا

    واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسرہوں گی ،رانا ثنااللہ کو منشیات فروشوں کے مخصوص سیل میں رکھا جائے گا ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .

    رانا ثناء اللہ کی گرفتاری و جیل منتقلی، اسمبلی سیکرٹریٹ کو آگاہ کر دیا گیا

    رانا ثناء اللہ کی گرفتاری کے خلاف اسمبلی میں قرارداد جمع

    رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی

  • سیاسی انتقام پر یقین نہیں، کرپشن کا حساب دینا پڑیگا، چیئرمین نیب کا اعلان

    سیاسی انتقام پر یقین نہیں، کرپشن کا حساب دینا پڑیگا، چیئرمین نیب کا اعلان

    چیئرمین نیب جسٹس جاوید اقبال نےکہا ہےکہ نیب سیاسی انتقام پر یقین نہں رکھتی جتنے نیب میں کیسس چل رہے ہیں وہ صرف مینڈیٹ پر چل رہے ہیں.ہمار سیاست سے کوئی لینا دینا نہیں اگر آپ نے کرپشن کی ہے تو خاموش نہیں رہ سکتے ، نیب کی نظرمیں کوئی چھوٹآاور بڑا نہیں ہے.جو طبقہ 35 سال اقتدار میں رہا اس سے پہلے احتساب کیا جائے گا.

    باغی ٹی وی رپورٹ کے مطابق چیئرمین نیب جسٹس جاوید اقبال نے تقریب سے خطاب کرتےہوئے کہا ہے کہ نیب کسی سے انتقام کا ارادہ نہی رکھتا.کسی ادارے نےنیب کی مددنہیں کی،ہمارا کسی کے ساتھ جائیداد کا کوئی تنازعہ نہیں، نیب میں ہمیشہ کیس کو دیکھا جاتا ہے،چہرے کو نہیں،ہماری وابستگی صرف اور صرف ریاست پاکستان سے ہے.کسی کے خلاف کوئی کاروائی نہیں کرتے .اگر کوکئی ملک کے خلاف کرے گا تو نیب سے نرمی کی امید نہ رکھیں.کسی کو کوئی برتری نہیں مگر تقوی کی بنیاد پر ہے اور تقوی کا اندازہ صرف پرودگار لگا سکتا ہے.اگر پانچ ہزار کی جگہ پچاس ہزار لگے ہیں تو ہم پوچھیں گے ، ہمارے پاس مکمل شواہد ہیں جو منی لانڈرنگ ہوئی ہے اور وقت آنے پر عدالت میں پیش کردی جائے گی ،اس وقت 12 سو سے زائد مقدمات زیر سماعت ہی اور ان کی مالیت اربوں میں ہے . پاکستان میں یہ کبھی سوچا بھی نہیں‌جایا جا تا تھا کہ ایسے افراد کے خلاف کوئی کارروائی کر سکتا ہے مگر اب ایسا ہو گا ، اپنےجرم کو چھبانے کے لیے وکٹری کا نشان بنانے سے بے گناہ ثابت نہیں ہو سکتے، اگر ملکی مال میں خرد برد کی ہے تو اس کا حساب دینا ہوگا ، ماضی قریب میں جو ہوا اگر کرپشن نہ ہوتی تو آپ کشکول لے کر دنیا بھر میں نہ پھرتے .سو ارب سے زیادہ کا قرض اللے تللے پر خرچ ہوا ہے .یہ ملک قوم پر خرچ نہیں ہوا ہے.اگر کرپشن ختم ہوگئی تو میں آپ کو یقین دلاتا ہوں کہ آپ کا معیار زندگی بلند ہو گا..نیب 326 بلین قومی خزانے میں جمع کرا چکا ہے، اپنی قوم کو یقین دلاتا ہوں کہ نیب پر جو خرچ ہو رہا اس سے کئ گناہ ملک کےخزانے میں جمع کرایا جاتا ہے . نیب کا آدٹ بھی ہوا چند بے معمولی ضابطگیوں کےسوا کچھ ثابت نہیں ہو. ہم نے فیس نہیں کیس دیکھا ہے.رزق میں کشادگی صرف رب کے فضل سے ہواہے .

  • رانا ثناء اللہ عمران خان کی آمریت کا مقابلہ کر رہا ہے، شاہد خاقان، خواجہ آصف

    رانا ثناء اللہ عمران خان کی آمریت کا مقابلہ کر رہا ہے، شاہد خاقان، خواجہ آصف

    مسلم لیگ ن کے رہنماوں سابق وزیراعظم شاہد خاقان عباسی، خواجہ‌آصف نے میڈیا سے گفتگو کرتے ہوئے کہا کہ نواز شریف سے جیل مٰیں ملاقاتوں‌ پر پابندی سے کارکنان کے حوصلے پست نہیں کئے جا سکتے ،رانا ثناء اللہ کو بھی جیل میں کوئی سہولت فراہم نہیں کی جارہی

    شہباز شریف اور مریم نواز کے علاوہ آج کون کرے گا نواز شریف سے ملاقات؟

    باغی ٹی وی کی رپورٹ کے مطابق مسلم لیگ ن کے رہنما شاہد خاقان عباسی، خواجہ‌آصف، احسن اقبال کوٹ لکھپت جیل پہنچے جہاں انہوں نے نواز شریف سے ملاقات کرنی تھی لیکن جیل حکام کی طر ف سے‌صرف پانچ افرار کو ملاقات کرنے کی اجازت دی جانی ہے.

    نواز شریف کی ضمانت کی درخواست کیوں مسترد ہوئی؟ تفصیلی فیصلہ جاری

    کوٹ لکھپت جیل کے باہر میڈیا سے گفتگو کرتے ہوئے شاہد خاقان عباسی نے کہا کہ سیاستدانوں پر جو مقدمات ہوتے ہیں اس میں نئی چیز کا اضافہ ہوا ہے کہ ملاقاتوں‌ پر پابندی لگا دی گئی، رانا ثناء اللہ دلیر آدمی ہیں جنہوں نے عمران خان کی آمریت کو شکست دے دی.

    نواز شریف سے ملاقات کا دن، کتنے افراد کو ملی اجازت؟

    نواز شریف کو اڈیالہ جیل میں ہوا تھا تیسرا ہارٹ اٹیک ،مریم نواز نے کیا پریس کانفرنس میں انکشاف

    مسلم لیگ ن کے رہنما خواجہ آصف نے کہا کہ نواز شریف کا رابطہ باہر کی دنیا سے ختم کرنا چاہتے ہیں ،پچھلے تین ہفتوں سے ملاقات کی اجازت نہیں دی جا رہی، حکومت کی ایسی کوئی کوشش کامیاب نہیں ہو گی، ایک قیدی پر کیا پابندی لگانی جو پہلے ہی گرفتار ہے، انہوں نے مزید کہا کہ کارکنان کے حوصلے پست نہیں کئے جا سکتے، خواجہ آصف نے مزید کہا کہ لگتا ہے کہ پچھلے تیس سال میں ہم نے جمہوریت کی طرف ایک قدم بھی نہیں بڑھایا، وہ ایم این اے ہیں اور انہیں جیل میں کوئی سہولت فرایم نہیں کی گئی، دوائیوں، صاف پانی سے محروم کر دیا گیا، ان کے گھر کے لوگ گھنٹوں باہر کھڑے رہتے ہیں. لیکن کھانا اندر نہیں جانے دیا جاتا.

  • ڈالرکی پرواز میں کمی ،ایک روپیہ سستا ہو گیا

    ڈالرکی پرواز میں کمی ،ایک روپیہ سستا ہو گیا

    اوپن مارکیٹ میں ڈالر 1یک روپے سستا ہوا ہے

    باغی ٹی وی رپورٹ کے مطابق.آج اوپن مارکیت میں ڈالر ایک روپے سستا ہوگیا.اب اوپن مارکیٹ میں ڈالر 156.50پیسے کا ہے.
    واضح رہے کہ ڈالر کی قیمت میں مسلسل اضافے کی طرف ہی جارہا ہے حالیہ کمی سے اس پر واز کو کچھ روک ملنے کی توقع ہے.

    پچھلے کاروباری ہفتے میں ڈالر ملک کی تاریخ کی بلند ترین سطح پر پہنچ گیا تھا،‌ڈالر کی قیمت انٹربینک میں 164 ہوگئی تھی، تاہم آج انٹربینک میں ڈالر 157 روپے 75 پیسے کا ہو گیا ہے.

    ڈالر کی قیمت میں مسلسل اضافے کے بعد قیمتوں میں کمی سے تاجر برادری کو کچھ حوصلہ ملا ہے.

  • آج ویسٹ انڈیز اور افغانستان کی ٹیمیں لیڈز کے میدان میں مد مقابل ہوں گی

    آج ویسٹ انڈیز اور افغانستان کی ٹیمیں لیڈز کے میدان میں مد مقابل ہوں گی

    کرکٹ ورلڈ کپ 2019 کے 42ویں ٹاکرے میں آج ویسٹ انڈیز اور افغانستان کی ٹیمیں لیڈز کے میدان میں مد مقابل ہوں گی ۔

    تفصیلات کے مطابق دونوں ٹیمیں پوائنٹس ٹیبل پر آخری نمبروں پر موجود ہیں ،آٹھویں نمبر پر موجود ویسٹ انڈیز کی ٹیم نے واحد میچ پاکستان کرکٹ ٹیم سے جیت رکھا ہے۔

    ویسٹ انڈیز کا ایک میچ بارش کی نظر ہوا اورانہوں نے چھ میچ ہارے ۔پوائنٹس ٹیبل پر آخری نمبر پر موجود افغانستان کی ٹیم نے ورلڈ کپ میں اچھی کارکردگی دکھائی لیکن کوئی بھی میچ نہ جیت سکی ۔

    ورلڈکپ 2019 کے 41ویں میچ میں گزشتہ روز میزبان ٹیم انگلینڈ نے نیوزی لینڈ کو 119 رنز کے بڑے مارجن سے شکست دے کر سیمی فائنل میں جگہ بنا لی۔

    نیوزی لینڈ اور پاکستان کے درمیان رن ریٹ کا فرق اتنا ہے کہ جسے ایک میچ میں کور کرنا ممکن نہیں، کیویز کے 11 پوائنٹس ہیں اور رن ریٹ ہے 0.175 جبکہ پاکستان کے 9 پوائنٹس اور رن ریٹ منفی 0.792 صفر اعشاریہ سات نو دو ہے۔

    یعنی پاکستان کو بنگلا دیش کے خلاف میچ تو ہر حال میں جیتنا ہے لیکن میچ جیتنے سے صرف پوائنٹس برابر ہوں گے سیمی فائنل میں پہنچنا ہے تو رن ریٹ کو نیوزی لینڈ سے بہتر بنانے کےلیے وہ کچھ کرنا ہو گا جو ممکن دکھائی نہیں دیتا۔

    اعداد و شمار کے مطابق گرین شرٹس کو اگر ورلڈکپ کا سیمی فائنل کھیلنا ہے تو اب بات کسی کی جیت اور ہار سے نہیں بنے گی، بنگلادیش کے خلاف لارڈز کے تاریخی گراؤنڈ میں تاریخ ہی رقم کرنا ہوگی اور اسے سیمی فائنل میں پہنچنے کے لیے بنگال ٹائیگرز کو کم سے کم 316 رنز سے شکست دینا ہوگی جو کہ بظاہر ناممکن نظر آتا ہے۔

    یعنی اگر پاکستان پہلے بیٹنگ کرتا ہے اور 400 رنز بناتا ہے تو اسے بنگلادیش کو 84 رنز پر آؤٹ کرنا ہوگا۔
    اگر پاکستان نے پہلے کھیلتے ہوئے 350 رنز بنائے تو پھر حریف کو 39 رنز پر آؤٹ کرنا ہوگا۔
    اگر بنگال ٹائیگرز نے پہلے بیٹنگ کی تو پاکستان سیمی فائنل سے باہر ہوجائے گا

  • سابق صدر آصف زرداری کے آٹھ بے نامی جائیدادیں ضبط

    سابق صدر آصف زرداری کے آٹھ بے نامی جائیدادیں ضبط

    سابق صدر آصف زرداری کی آٹھ بے نامی جائیدادیں ضبظ کر لی گئیں

    بے نامی اثاثے، کاروائی کا آغاز،ن لیگی سینیٹر کی چھ ہزار کنال زمین ضبط

    باغی ٹی وی کی رپورٹ کے مطابق وزیراعظم عمران خان کے معاون خصوصی نعیم الحق نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آصف زرداری کی 8 بے نامی جائیدادیں ضبط کر لی گئی ہیں.

    وزیراعظم کے ترجمان نعیم الحق نے ٹویٹر پر ایک لیٹر بھی شیئر کیا ہے جس کے مطابق بے نامی جادئیداوں میں پلاٹ نمبر 18-2 سول لائن کراچی ،پلاٹ نمبر 126 ای سول لائن کراچی ،پلاٹ نمبر 122 کلفٹن کراچی ،ٹھٹھہ سیمنٹ کمپبنی، سمٹ بینک شامل ہیں،

    ایف بی آر کراچی کی جانب سے جن بے نامی جائیدادوں کو ضبط کیا گیا وہ پلازہ انٹرپرائز، مارشل ہومز اینڈ بلڈرز،ندیم احمد خان، المفتاح ہولڈنگ، سکائی پاک ہولڈنگ ،رائیزنگ سٹار ہولڈنگ، پارک ویو سٹاک اینڈ کیپٹیل کی ملکیت ہے، نعیم الحق نے دعویٰ کیا ہے کہ بے نامی جائیداد سابق صدر آصف زرداری کی ہیں .

    واضح رہے کہ‌آصف زرداری جعلی اکاونٹ کیس میں گرفتار ہیں ،عدالت سے ضمانت کی درخواست مسترد ہونے پر انہیں نیب نے گرفتار کر لیا تھا وہ جسمانی ریمانڈ پر نیب کے حوالے ہیں.

    واضح رہے کہ ایمنسٹی سکیم کا کل بدھ کو آخری دن تھا، ایف بی آر نے اعلان کیا تھا کہ بے نامی اثاثے ظاہر نہ کئے جانے پر اثاثے ضبط کئے جائیں گے.

     

    شبر زیدی کا کہنا ہے کہ جن شہریوں نے ابھی تک اپنے اثاثے ظاہر نہیں کئے وہ اثاثہ جات ظاہر کر لیں ، حکومت نے ٹیکس سسٹم میں نان فائلر کا تصور ختم کر دیا اور اب کسی کیلئے بھی ٹیکس کے دائرہ کار سے باہر رہنا ناممکن ہو جائیگا۔

    بچوں کا مستقبل سنوارنا چاہتے ہیں تو یہ کام لازمی کریں، وزیراعظم کا قوم کو پیغام

    ایمنسٹی سکیم کی منظوری وفاقی کابینہ نے دی تھی، صدر مملکت کے دستخط کے بعد اس سکیم کو ملک بھر میں اطلاق ہو گا. ایمنسٹی سکیم کے تحت بیرون ملک رہائش پذیر افراد بھی 6 فیصد ٹیکس ادا کرکے اپنے اثاثے ظاہرکرسکتے ہیں،پاکستان میں رہنے والے 4 فیصد ٹیکس ادا کر کے اثاثے ظاہر کر سکتے ہیں، ایمنسٹی اسکیم 30 جون 2019 کو ختم ہونی تھی لیکن اس میں تین دن کی توسیع کر دی گئی تھی، ایمنسٹی سکیم آج ختم ہو رہی ہے

    ایمنسٹی سکیم کی منظوری پر پیپلز پارٹی اور ن لیگ نے شدید رد عمل ظاہر کرتے ہوئے کہا تھا کہ وزیر اعظم اپنے رشتے داروں کی دولت کے لئے یہ سکیم لے کر آئے ہیں.

  • مقبوضہ کشمیر میں چار برسوں میں کتنے عسکریت پسند شہید ہوئے؟

    مقبوضہ کشمیر میں چار برسوں میں کتنے عسکریت پسند شہید ہوئے؟

    بھارتی وزارت دفاع نے کہا ہے کہ چار برسوں میں مقبوضہ کشمیر میں 800 عسکریت پسندوں کو شہید کیا گیا. سرحد کی نگرانی کے لئے مختلف ممالک سے ڈرون خریدے جاتے ہیں

    باغی ٹی وی کی رپورٹ کے مطابق بھارتی وزارت دفاع نے بھارتی لوک سبھا میں ایک سوال کے جواب میں بتایا کہ مقبوضہ کشمیر میں 2014 سے لے کر 2018 تک 800 عسکریت پسندوں کو شہید کیا گیا، بھارت کے وزیر مملکت برائے دفاع شری پڈنائیک نے بتایا کہ چار برسوں میں آٹھ سو عسکریت پسند شہید کئے گئ.

    وزیر کا کہنا تھا کہ 2018 میں 249 ، 2014 میں 104 ،2015 میں 97 اور 2016 میں 140 ،2017 میں 210 عسکریت پسندوں کو شہید کیا گیا،وزیر کا کہنا تھا کہ عسکریت پسندوں کے خلاف بھارتی فوج کا آپریشن جاری ہے،

    بھارتی وزیر مملکت برائے دفاع نے پاکستان کے خلاف لوک سبھا میں ہرزہ سرائی کرتے ہوئے کہا کہ لائن آف کنٹرول کی خلاف ورزی جاری ہے جس کا منہ توڑ جواب دیا جاتا ہے، ایل او سی پر بھارتی فوج الرٹ ہے ، سرحد کی نگرانی کے لئے ڈرون بھارت مختلف ممالک سے خریدتا ہے. ہماری ترجیح یہ ہے کہ فورسز کو جدید ٹیکنالوجی اور آلات سے لیس کیا جائے .