Blog
-
نواز شریف قید تنہائی کا شکار ہیں، ڈاکٹر عدنان
سابق وزیراعظم نواز شریف کے ذاتی معالج ڈاکٹر عدنان کو آج بھی نواز شریف سے ملاقات کی اجازت نہیں ملی
باغی ٹی وی کی رپورٹ کے مطابق سابق وزیراعظم نواز شریف سے آج ملاقات کا دن تھا، کوٹ لکھپت جیل میں آج بھی نواز شریف کے ذاتی معالج کو ملاقات کی اجازت نہیں دی گئی، نواز شریف کے ذاتی معالج ڈاکٹر عدنان کا کہنا ہے کہ کوٹ لکھپت جیل میں ملاقات کا وقت ختم ہو گیا ہے،میں نے باہرگھنٹوں انتظار کیا، مجھے سابق وزیراعظم نوازشریف سے ملاقات کی اجازت نہیں دی گئی .
ڈاکٹر عدنان کا مزید کہنا تھا کہ نوازشریف قید تنہائی میں ہیں،میری بار بار کی درخواستیں مسترد کردی گئیں،یہ وقت بھی گزر جائے گا.
واضح رہےنواز شریف کے مستقبل کا فیصلہ سنا دیا گیا
تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا
ڈاکٹرعدنان نواز شریف کا ذاتی معالج نہیں بلکہ…..شہباز گل نے کر دیا انکشاف
واضح رہے کہ نواز شریف کوٹ لکھپت جیل میں العزیزیہ ریفرنس میں سات سال قید کی سزا کاٹ رہے ہیں، سپریم کورٹ نے طبی بنیادووں پر نواز شریف کو چھ ہفتوں کی ضمانت دی تھی لیکن اس کے بعد ضمانت میں توسیع نہیں ہوئی، نواز شریف نے طبی بنیادوں پر اسلام آباد ہائیکورٹ میں بھی درخواست دائر کی تھی لیکن عدالت نے نواز شریف کی ضمانت کی درخواست مسترد کر دی تھی
نواز شریف کی بیماری کا علاج جیل میں نہیں ہو سکتا، ڈاکٹر کا انکشاف
میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا
-
کار ڈیلرزو تاجران کی کراچی اور لاہور میں ٹیکسوں کے خلاف ہڑتال
کراچی اور لاہور میں کارڈیلرزاورشوروم مالکان کی ہڑتال ہوئی،تاجران و ڈیلرز حضرات نےکہا کہ ہم کار امپورٹ پالیسی اورایکسائزڈیوٹی بڑھانےکے خلاف ہیں اور اس کی شدید مزمت کرتے ہیں. حکومت نے کار تاجران کے معاشی قتل کے یہ اقدام واپس نہ لیےتو ہم ایک دوروزبعد غیر معینہ مدت کی ہڑتال کی کال دیں گے
باغی ٹی وی رپورٹ کے مطابق ،صدر کارڈیلرزشہزادہ سلیم نے کہا کہ بجٹ کے بعد ٹیکسز کی بھرمار نے کار ڈیلرز کو بھی پریشان کردیا، حکومت نے گاڑی امپورٹ کرنے کے علاوہ اپنے ملک کی گاڑیوں پر بھی ٹیکسز لگادیئے ۔اس سلسلے میں لاہور اور کراچی میں کار ڈیلرز اور شور روم مالکان نے ہڑتال کی،
ڈیلرز کے مطابق بیرون ملک سے جو گاڑی منگواتے تھے اس پر چار سے پانچ لاکھ دینا پڑیں گے وہ تو کاروبار ختم ہوگیاہے جبکہ جو میڈ ان پاکستان گاڑیاں ہیں ان پر ان وائس کی صورت میں بیس فیصد ٹیکس لگادیے۔
تین قسم کےمختلف ٹیکس کے بم گرادیے گئے ہیں، گاڑی رجسٹرڈ کرانے کیلئے تو ٹیکسز کا پہاڑ عبور کرنا پڑے گا جس کے باعث ڈیلرز نے ٹیکسز نہ دینے اور ہڑتال کی دھمکی دیدی تھی اور آج وہ سڑکوں پر صدائے احتجاج بلند کررہے ہیں.
کار ڈیلرز کا کہنا تھا کہ جو گاڑی پہلے چھیانوے ہزار میں رجسٹرڈ ہوتی تھی وہ اب چارلاکھ چھ ہزار کی ایکسائز ایںڈ ٹیکسیشن میں رجسٹرڈ ہوگی۔
ادھرتاجرایکشن کمیٹی نے ٹیکسز کی بھرمارواپس لینے کیلیے 72گھنٹے کاالٹی میٹم دے رکھا ہے۔
-
تعلیمی نصاب سے اسلامی مضامین کا خاتمہ، چودھری شجاعت نے بڑا اعلان کر دیا
تعلیمی نصاب میں سے اسلامی مضامین ختم کئے جانے پر حکومت کی اتحادی جماعت میدان میں آئی، چوھدری شجاعت نے بڑا اعلان کر دیا
باغی ٹی وی کی رپورٹ کے مطابق تعلیمی نصب میں اسلامی مضامین ختم کرنے پر حکومت کی اتحادی جماعت کے سربراہ چوہدری شجاعت حسین میدان میں آگئے ،چوہدری شجاعت نے اسلامی اورتحریک پاکستان کےمضامین ختم کرنے کیخلاف آوازبلند کردی.
حکومتی اتحادی جماعت کے سربراہ چودھری شجاعت نے تعلیمی نصاب بنانے کا اختیار صوبوں کو دینے کی بھی مخالفت کر دی، اور کہا کہ اختیارصوبوں کوملنےسےاسلام،پاکستان دشمن نتائج سامنے آناشروع ہوگئے
چودھری شجاعت حسین کا کہنا ہے کہ اٹھارویں ترمیم کےوقت تعلیمی نصاب کی ترمیم پرشدیدتحفظات کااظہارکیاتھا، آٹھویں جماعت کی کتاب سےاسلامی اورتحریک پاکستان کےباب ختم کر دیئے گئے،کتاب میں اہم تہوار،خون کا بدلہ،موسم،ادب کی اہمیت جیسےباب شامل کئے گئے ہیں.
چودھری شجاعت حسین کا مزید کہنا تھا کہ ہرحکومت اپنےنظریئے کےمطابق نصاب تبدیل کرتی رہے گی،وزیراعلیٰ قائداعظم کی جگہ اپنی تصویرلگاسکتاہے،قانون روک نہیں سکتا، ملک دشمن سنہری شخصیات نصاب سےنکال کرنظریہ پاکستان کو کمزورکرناچاہتے ہیں، علامہ اقبال کی دعائیہ نظم‘‘یارب دل مسلم کووہ زندہ تمنادے’’غائب کردی گئی،پاکستان کےموسم،تفریح کی اہمیت جیسےمضامین کتاب میں ڈال دئیےگئے.
-
بنگلہ دیشی وزیراعظم پر حملہ کے ملزمان کوکیا سزا ملی؟
بنگلا دیش کی ایک عدالت نے بنگلہ دیشی وزیراعظم پر حملے کے الزام میں 9 افراد کو سزائے موت اور 25 کو عمر قید دے دی.
باغی ٹی وی کی رپورٹ کے مطابق بنگلہ دیش کی وزیراعظم حسینہ واجد پر 1992 کے ٹرین حملے کے الزام میں عدالت نے سزا سنائی
ڈھاکہ کی عدالت کے ایڈیشنل سیشن جج ستم علی نے کیس کی سماعت کے بعد حکومت مخالف جماعت کے 25 افراد کو عمر قید اور 13 ملزمان کو دس دس سال قید کی سزا سنائی ہے. حسینہ واجد پر قاتلانہ حملے کا مقدمہ 1992 میں باون افراد کے خلاف درج کیا گیا تھا ،عدالت نے تمام ملزمان کو رہا کر دیا تھا .
واضح رہے کہ شیخ حسینہ واجد ٹرین کے ذریعے سفر کررہی تھی کہ ان پر ریلوے اسٹیشن پر قاتلانہ حملہ ہوا جس میں حملہ آوروں نے ٹرین پر دستی بم بھی پھینکے تھے جس کے نتیجے میں درجنوں افراد ہلاک ہوگئے تاہم شیخ حسینہ واجد حملے میں بچ گئی تھیں۔
بنگلہ دیش نیشنل پارٹی کےترجمان رضوی احمد کا کہنا ہے کہ یہ کیس من گھڑت اور فیصلہ ایک ڈھونگ ہے یہ فیصلہ اپوزیشن کے ڈر کو ختم کرنے کے لیے حکومت کی طرف سے منظم کیا گیا۔
-
اقلیتی برداری نے ڈیم فنڈ کا چیک دیا وزیراعظم کو
پاکستان کی اقلیتی برادری نے وزیراعظم عمران کان ڈیم فنڈ کے لئے 56 لاکھ کا چیک پیش کر دیا
باغی ٹی وی کی رپورٹ کے مطابق وزیراعظم عمران خان سے رکن قومی اسمبلی جمشید تھامس کی قیادت میں بشپس کے وفد نے ملاقات کی، وزیراعظم ہاوس اسلام آباد میں ہونے والی ملاقات میں پاکستان کیتھولک بشپس کے صدر آرچ بشپ جوزف ارشد، لاہور کے آرچ بشپ آرچ بشپ سباسٹین فرانسس شا، ملتان کے بشپ بینی تراوس، فیصل آباد کے بشپ اینڈریاس رحمت اور جان فلپ موجود تھے.
وزیراعظم عمران خان نے اقلیتی برادری کے رہنماوں سے ملاقات کے دوران گفتگو کرتے ہوئے کہا کہ اقلیتی برادریوں کے مسائل کے حل کے لئے ہر ممکنہ کاوش بروئے کار لائی جائے گی. ملاقات کے دوران مسیحی برادری کے مسائل پر بھی بات چیت ہوئی.
اقلیتی برادری کے وفد نے وزیراعظم عمران کان کو دیامر بھاشا اور مہمند ڈیم فنڈ کے لئے 56 لاکھ 50 ہزار روپے کا چیک پیش کیا۔ یہ رقم اسلام آباد، راولپنڈی، کراچی، لاہور، فیصل آباد، حیدرآباد اور کوئٹہ کے 7 کیتھولک چرچز نے عطیہ کی ہے
-
نواز شریف سے ملاقات پر پابندی، مریم نواز نے بڑا قدم اٹھا لیا
سابق وزیراعظم نواز شریف کی بیٹی مریم نواز نے نواز شریف سے ملاات کے لئے عدالت کا دروازہ کھٹکھٹا لیا ،لاہور ہائیکورٹ میں ملاقات کے دو دن مقرر کرنے اور پابندی ختم کرنے کے لئے درخواست دائر کر دی.
نواز شریف کی ضمانت کی درخواست کیوں مسترد ہوئی؟ تفصیلی فیصلہ جاری
باغی ٹی وی کی رپورٹ کے مطابق مریم نواز نے عدالت میں درخواست دائر کی ہے جس میں کہا گیا ہے کہ نواز شریف سے ہفتے میں صرف ایک روز ملنے کی اجازت ہے،نواز شریف دل سمیت متعدد عارضوں میں مبتلا ہیں .
نواز شریف سے ملاقات کا دن، کتنے افراد کو ملی اجازت؟
نواز شریف کو اڈیالہ جیل میں ہوا تھا تیسرا ہارٹ اٹیک ،مریم نواز نے کیا پریس کانفرنس میں انکشاف
نواز شریف کی طبیعت خراب، جیل حکام نےایسا فیصلہ کیا کہ ن لیگی پریشان ہو گئے
شہباز شریف نے قومی اسمبلی میں کی نواز شریف کی مخالفت، اہم خبر
درخواست میں مزید کہا گیا ہے کہ حکومت نے نوازشریف سے کارکنوں اورپارلیمنٹرینزکی ملاقات پر بھی پابندی عائد کر دی ہے،نواز شریف پر جیل حکام کی جانب سے پابندیاں خلاف قانون اور غیر آئینی ہیں .
مریم نواز نے درخواست میں عدالت سے استدعا کی ہے کہ نواز شریف سے ملاقات کے لیے ہفتے میں 2روز مختص کرنے کا حکم دیا جائے .مریم نواز کی درخواست میں پنجاب حکومت کو بھی فریق بنایا گیا ہے.
واضح رہےنواز شریف کے مستقبل کا فیصلہ سنا دیا گیا
تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا
ڈاکٹرعدنان نواز شریف کا ذاتی معالج نہیں بلکہ…..شہباز گل نے کر دیا انکشاف
واضح رہے کہ نواز شریف کوٹ لکھپت جیل میں العزیزیہ ریفرنس میں سات سال قید کی سزا کاٹ رہے ہیں، سپریم کورٹ نے طبی بنیادووںپر نواز شریف کو چھ ہفتوں کی ضمانت دی تھی لیکن اس کے بعد ضمانت میں توسیع نہیں ہوئی، نواز شریف نے طبی بنیادوں پر اسلام آباد ہائیکورٹ میں بھی درخواست دائر کی تھی لیکن عدالت نے نواز شریف کی ضمانت کی درخواست مسترد کر دی تھی
-
محب وطن ہوں ؛ٹیکس ادا کرتا ہوں،قوم کا نقصان نہیں کروں گا
ٹھٹھہ صادق آباد(نمائندہ باغی ٹی وی) کے رہائشی معروف ڈاکٹر عاشق حسین زاہد نے اپنے متعلق نیب ایف بی آر، حساس سکیورٹی اداروں کی طرف سے گھر پر چھاپے،رقم برآمدگی گرفتاری کے متعلق وضاحتی پریس کانفرنس کرتے ہوئے کہاکہ میں ٹھٹھہ صادق آباد کا رہائشی ہوں گزشتہ تیس سال سے عوامی خدمت کررہا ہوں،تیس سال سے میں باقائدہ ٹیکس ہولڈر اور فائلر ہوں،میرا تمام ریکارڈ ایف بی آر کے پاس موجود ہے، ان کے متعلق افواہ تھی کہ ان کا تعلق 135 دس آر سے ہے جبکہ اس گاوں کے اکثر لوگ نان فائلر ہیں۔انہوں نے وضاحت کی کہ میرا تعلق چک نمبر 135 دس آر سے نہیں ٹھٹھہ صادق آباد شہر سے ہے،گزشتہ رات نیب ایف بی آر، حساس سکیورٹی اداروں کی طرف سے میرے گھر پر چھاپہ اور ایک ارب روپے کی رقم برآمدگی اور میری گرفتاری کے متعلق تمام افواہیں بےبنیاد،من گھر اور جھوٹ کا پلندہ ہیں ایسی افواہیں پھیلا کر مجھے اور میرے خاندان کی ساکھ،شہرت کو نقصان پہنچانے کی مذموم کوشش کی گئی ہے،جس کا حقیقت کیساتھ کوئی تعلق واسطہ نہ ہے، نان فائلر ہوں نہ ٹیکس چور،گرفتاری ہوئی نہ گھر سے ایک ارب کی رقم برآمد ہوئی، الحمداللہ اپنے کلینک پر عوامی خدمت میں مصروف ہوں،ایک ارب کی رقم برآمدگی سفید جھوٹ ہے، میں اس قسم کی تمام من گھڑت بے بیناد،حقائق کے برعکس پھیلائی گئی افواہوں الزامات کی شدید مذمت کرتے ہوئے تردید کرتا ہوں، ساکھ شہرت کو نقصان پہنچانے والوں کے خلاف مکمل قانونی چارہ جوئی کا حق بھی محفوظ رکھتا ہوں،
-
وہاڑی : ڈی پی او نے بڑے پیمانے پر افسران کے تبادلے کر دیئے
وہاڑی (نمائندہ باغی ٹی وی) ڈسٹرکٹ پولیس آفیسر نجیب الرحمن بگوی نے متعدد پولیس افسران کے تبادلہ کر دئیے.
تفصیلات کے مطابق انسپکٹر ذوالفقار علی کو ایس ایچ او صدر وہاڑی تعینات کر دیا گیا. سب انسپکٹر محمد یعقوب کو ایس ایچ او تھانہ سٹی میلسی تعینات کر دیا گیا. سب انسپکٹر شمعون جوئیہ کو ایس ایچ او تھانہ ٹبہ سلطانپور تعینات کر دیا گیا. سب انسپکٹر عدنان جمیل بطور ایس ایچ او ماچھیوال اپنی خدمات سر انجام دیں گے. سب انسپکٹر کرم الہی بطور ایس ایچ او میرانپور اپنی خدمات سر انجام دیں گے. انسپکٹر ریاض احمد کا تبادلہ پولیس لائنز وہاڑی کر دیا گیا. انسپکٹر عمران صدیقی بطور معاونین حج سعودی عرب میں حجاج کرام کے لئے اپنی خدمات پیش کریں گے. انسپکٹر محمد بخش ڈی آئی بی برانچ میں اپنی خدمات سرانجام دیں گے.
