قصور
کرکٹ جوا عروج پر
تفصیلات کے مطابق قصور اور آس پاس کے گاؤں دیہات میں یوں تو کرکٹ پر جوا 12 مہینے ہی چلتا ہے مگر ورلڈ کپ کے شروع ہونے سے یہ دھندہ اب انتہا کو پہنچ چکا ہے باراں چودہ سال کے بچے بھی اس کام میں مصروف ہیں جو کہ ہماری نسلوں کیلئے تباہ کن ثابت ہو رہا ہے دوسری جانب پولیس بھی ان جوے بازوں کے پیچھے پیچھے ہے مگر یہ جوے باز چونکہ موبائل فونز پر جوے کا دھندہ کرتے ہیں اور بطور ثبوت کال ریکارڈنگ کرتے ہیں تاکہ دونوں فریقوں کے مابین یاد داشت رہے اسی بدولت پولیس کو ایسے لوگوں کے پکڑنے میں کافی مشکلات کا سامنا ہے تاہم اتنی مشکلات کے باوجود پولیس نے اب تک درجنوں ملزم دھر لئے ہیں
Blog
-
کرکٹ جوا عروج پر
-
15 کلو چرس برآمد
قصور
قصور کی تحصیل پتوکی کے موضع تلونڈی میں ملزم سے 15 کلو چرس برآمد
تفصیلات کے مطابق SI تھانہ صدر پتوکی محمد کامران شہزاد سندھو نے مخبر کی اطلاع پر ملزم محمد امین مہر کے گھر چھاپہ مار کر چرس برآمد کر لی وزن کرنے پر 15 کلوگرام وزن ہوا
سب انسپیکٹر نے ملزم کے خلاف ایف آئی آر کاٹ کر کاروائی شروع کر دی میڈیا سے گفتگو کرتے ہوئے سب انسپیکٹر کامران شہزاد سندھو نے کہا کہ منشیات فروش کسی رعایت کے مستحق نہیں یہ معاشرے کا ناسور ہیں اور ہماری نسلوں کیلئے بدترین خطرہ ہیں
ڈی پی او قصور عبدالغفار قیصرانی نے تھانہ پتوکی صدر کی شاندار کارکردگی پر خراج تحسین پیش کیا -
صادق آباد میںلگی آگ
صادق آباد پنجاب سینما روڈ پر درزی کی دکان میں آگ لگ گئی ریسکیو ون ون ٹو ٹو نے موقع پر پہنچ کر آگ پر قابو پایا.تفصیلات کے مطابق واقعہ شارٹ سرکٹ کی وجہ سے پیش آیا. ہزاروں روپے کا سامان جل کر خاکستر ہو گیا.کسی جانی نقصان کی اطلاع نہیں ملی.
-
ملتان میں غیرت کے نام پر 8افراد قتل ،2زخمی ہوگئے،مرکزی ملزم سمیت دوملزمان گرفتار ،ایک فرار
ملتان میں غیرت کے نام پر 8افراد کوقتل کردیا گیاجبکہ 2زخمی ہیں ۔ جاں بحق ہونیوالوں میں خواتین اور بچے بھی شامل ہیں ، 6 افرادجلا کرقتل کیا گیا جبکہ 4 افراد پر فائر نگ کی گئی ان 4افراد میں سے ایک موقع پر جاں بحق ہوگیا جبکہ باقی تین کو نشتر ہسپتال منتقل کیا گیا جہاں مزید ایک شخص زندگی کی بازی ہار گیا۔سی پی او ملتان عمران محمود کے مطابق ملزم نے 6افراد کو کمرے میں بند کرکے آگ لگاکر قتل کیا جبکہ 4افراد پرفائرنگ کی۔ ملزم اجمل چند روز قبل سعودی عرب سے واپس آیا تھا ۔ اس کو اپنی بیوی پر شک تھا کہ اس کے کسی اورکے ساتھ ناجائز تعلقات ہیں۔ اس نے اپنے سسرال جاکر اپنی بیوی ، سالیوں اور ساس سمیت گھر میں موجود افراد پرفائرنگ کی اور پھر گھر کو آگ لگا دی۔واقعہ میں ملزم اجمل کی بیوی کرن،ساس تسنیم بی بی،بیٹی مریم، بیٹہ عادل ،سالیاں آصفہ،روما اور صائمہ ،صائمہ کی بیٹی نائمہ جاں بحق ہوگئیں جبکہ صائم اور علی رضا تاحال نشتر ہسپتال میں زیر علاج ہیں۔ سی سی پی او نے کہا کہ ملزم نے اپنے باپ کے ساتھ ملکر گھر والوں کوقتل کیا۔پولیس نےمرکزی ملزم اجمل اوراس کے باپ ظفر کوگرفتار کرلیاہے جبکہ اس کا ایک ملزم بھائی فرار ہونے میں کامیاب ہوگیاہے ۔قتل کی اس اندوہناک واردات سے علاقے میں خوف وہراس پھیل گیا ہے ۔واضح رہے کہ عید کے موقع پرملتان ہی علاقے جلال پر پیر والا میں دیرینہ دشمنی پر ایک ہی خاندان کے 10افراد کوقتل کردیا گیا تھا۔
-
بہن کو چھیڑنے سے منع کرنے پر اوباشوں کادوبھائیوں پرچھریوں سے حملہ،ایک جاں بحق دوسرازخمی
مظفرگڑھ میں بہن کو چھیڑنے سے منع کرنے پر 2 بھائیوں پر چھریوں سے حملہ کردیاگیا،چھریوں کے حملے میں ایک بھائی جاں بحق اور دوسرا زخمی ہوگیا.مظفرگڑھ کے علاقے پرانی بستی تلکوٹ میں 2 بھائیوں پر چھریوں سے حملہ کیاگیا،پولیس کیمطابق حملے میں ایک بھائی زوار جاں بحق اور دوسرا بھائی فضل زخمی ہوگیا.تھانہ سٹی پولیس کیمطابق حملے میں ملوث ملزمان کرم شاہ اور قمر آپس میں باپ بیٹا ہیں.حملے میں قتل ہونے والے شخص زوار نے اپنی بہن کو چھیڑنے سے قمر نامی ملزم کو منع کیاتھا اور ان میں تکرار بھی ہوئی تھی،جھگڑے کے بعد طیش میں آکر ملزمان نے زوار اور اسکے بھائی فضل پر چھریوں سے حملہ کیا.تھانہ سٹی پولیس کے مطابق مقتول کے والد نثار کی مدعیت میں ملزمان کیخلاف مقدمہ درج کرلیاگیا ہے جبکہ ان کی گرفتاری کیلئے چھاپے مارے جارہے ہیں.
-
شجاع آباد : پولیس کیوں کاروائی نہیں کر رہی ؟
شجاع آباد (نمائندہ باغی ٹی وی)شوہر کی بیس سالہ قید اور تشدد سے بیوی ہلاک، پیسوں کی چمک کے باعث پولیس کی برائے نام کاروائی،ایوب رات کی تاریکی میں ہی رابعہ کو دفنانا چاہتا تھا،
بیٹی حمیرا ۔ہلاکت سے دو روز قبل ابو نے مکا مارکر امی کا جبڑا توڑدیا، شوگر کی مریضہ ہونے کے باوجوددو دن تک کوئی علاج نہ کرایا، حالت خراب ہونے پر ٹی ایچ کیو اور پھر نشتر ملتان لے گئے اور پھر امی کی لاش ہی گھر آئی
ا یوب اپنی بیوی اور بچوں کو تالا لگا کر قید رکھتا اور تشدد کرتا تھا،ایوب نے اپنے بچوں کو کبھی پولیو کے قطرے تک نہ پلوائے، نشتر لے جانے اور پھر لاش گھر واپس لانے تک بچوں کو گھر میں قید رکھا، ایس ایچ او تھانہ سٹی پیسوں کی چمک کے باعث ایوب کے خلاف کاروائی سے گریزاں ہے اور قتل کو طبعی موت میں تبدیل کررہا ہے،معاملہ ہیومن رائٹس فورم پر لے جائیں گے، پولیس کے اعلیٰ حکام سے نوٹس لینے کا مطالبہ، اہل محلہ
تفصیلات کے مطابق سندھی گیٹ سر کلر روڈ کے رہائشی ایوب کی 45 سالہ بیوی رابعہ کا جنازہ جب نشتر ہسپتال ملتان سے گھر پہنچا تو محلہ میں کہرام مچ گیا۔ ایوب رات کی تاریکی میں گیارہ بجے خاموشی سے جنازے کے بعد رابعہ کو دفنا دینا چاہتا تھا کہ اہل محلہ نے میڈیا کو اطلاع دی اور میڈیا کی نشاندہی پر ایس ایچ او تھانہ سٹی اشرف گل موقع پر پہنچ گئے۔ ایوب کی بیٹی حمیرا نے بتایا کہ ہلاکت سے دو روز قبل میرے ابو نے میری امی کو مکا مارا جس سے میری امی کا جبڑا ٹوٹ گیا۔ میری امی شوگر کی مریضہ ہیں اور دو دن تک شدید تکلیف کے باوجود ابو نے امی کا کوئی علاج نہیں کرایا۔ کل حالت زیادہ خراب ہونے پر امی کو ہسپتال لے کر گئے اور رات کو امی کی لاش گھر آئی۔ اس دوران بھی ہم لوگ گھر میں نظر بند تھے۔ میرے والد ہمیں گھر میں تالا لگا کر رکھتے ہیں۔ کسی کو ہمارے گھر اور ہمیں باہر جانے کی اجازت نہیں ہے۔ اہل محلہ اور قریبی رشتہ داروں نے پولیس اور میڈیا کو ایوب کے ظلم کی داستانیں سناتے ہوئے کہا کہ ایوب اپنی بیوی اور بچوں کو تالا لگا کر قید رکھتا اور تشدد کا نشانہ بناتا تھا۔خواتین سمیت کسی کو ایوب کے گھر آنے کی اجازت نہ تھی۔ ایوب نے اپنے بچوں کو کبھی پولیو کے قطرے تک نہیں پلوائے۔ اہل محلہ نے مزید بتایا کہ ایوب بہت ظالم انسان ہے اور اسی نے اپنی بیوی کو تشدد کرکے ہلاک کیا ہے۔اہل محلہ کے مشتعل ہونے پر ایس ایچ او تھانہ سٹی نے رابعہ کی لاش کا پوسٹ مارٹم کرانے کا کہہ کرلاش کو ٹی ایچ کیو ہسپتال منتقل کیا جہاں موقع پر موجود ڈاکٹر نے لاش کا سرسری معائنہ کرنے کے بعد لاش کو پولیس کے حوالے کردیا اور اہل محلہ کے اسرار پر ایس ایچ او تھانہ سٹی اشرف گل نے بتایا کہ کوئی اس کیس کا مدعی بننے کو تیار نہیں ہے لہٰذا کچھ نہیں کیا جاسکتا۔ ایس ایچ او نے مزید کہا کہ اس کیس میں مزید کاروائی کیلئے اگر کوئی عدالت سے رجوع کرے گا تو ہم عدالتی حکم کے پابند ہونگے۔ عوامی حلقوں اور سوسائٹی فار ہیومن رائٹس کے ممبر کا کہنا ہے کہ ایس ایچ او تھانہ سٹی پیسوں کی چمک کے باعث قتل کو طبعی موت میں تبدیل کررہا ہے اور اس وجہ سے ایوب کی بیٹیوں کی جان کو بھی خطرہ ہے۔ اہل محلہ نے وزیر اعلیٰ پنجاب، آر پی او اور سی پی او ملتان سے انصاف کی اپیل کرتے ہوئے ایوب کے خلاف کاروائی کا مطالبہ کیا ہے۔ رانا اظہر منیر باغی ٹی وی ملتان ۔شجاع آباد -
ملتان : ایک گھر کے دس افراد کا قاتل کون ہے ؟
ملتان (نمائندہ باغی ٹی وی) میں گھریلو تنازع پر ملزم نے باپ کے ساتھ مل کر فائرنگ اور گھر کو آگ لگا کر 10 افراد کو قتل کردیا جس پر دو ملزمان کو گرفتار کرلیا گیا۔
تفصیلات کے مطابق ملتان کے علاقے حسن آباد کے قریب داماد اور سسر کے درمیان جھگڑا ہوا جس میں داماد نے اپنے ساتھیوں کے ساتھ مل کر بیوی، ساس اور ان کے گھر کے دیگر افراد کو فائرنگ اور کمرے میں بند کرکے گھر کو آگ لگا کر 10 افراد کو جان سے مار دیا۔ امدادی ادارے کے مطابق لڑائی کے دوران تین افراد صائم حسن، علی رضا اور لعل محمد زخمی بھی ہوئے جنہیں نشتر اسپتال منتقل کردیا گیا رانا اظہر منیر باغی ٹی وی ملتان ۔شجاع آباد
-
ساہیوال:کڑا احتساب شروع ہوگیا
ساہیوال(نمائندہ باغی ٹی وی)سرکاری خزانے کو کروڑوں روپے نقصان پہنچانے کا الزام،میونسپل کارپوریشن کے ملازمین سمیت معروف شادی ہال کے مالک اور پروپرائٹر کے خلاف اینٹی کرپشن میں مقدمہ درج،
تفصیلات کے مطابق محکمہ اینٹی کرپشن نے ساہیوال کی مشہور کاروباری شخصیت رانا اکرام اور محمد اشرف سمیت میونسپل کارپوریشن کے تین ملازمین چیف آفیسر آغا ہمایوں،محمد رفیق سپرنٹنڈنٹ بلڈنگ(سابقہ) اور آصف جاوید بلڈنگ انسپکٹر کے خلاف سرکاری خزانے کو کروڑوں روپے نقصان پہنچانے اور اختیارات کےناجائز استعمال کے الزمات کے تحت مقدمہ درج کرلیا،ملزمان مذکورہ پر الزام ہے کہ انہوں نے دس کنال پر محیط معروف شادی ہال آر اے کے مارکی کا نقشہ مالک محمد اشرف اور پروپرائٹر رانا اکرام سے مبینہ طور پر لاکھوں روپے رشوت لیکر بغیر کمرشلائزیشن فیس وصول کیے منظور کیا،جبکہ مذکورہ جگہہ کی کمرشلائزیشن فیس چار کروڑ 35 لاکھ روپے بنتی ہے،یوں سرکاری خزانے کو کروڑوں روپے کا نقصان پہنچایا گیا اور ملازمین نے اپنی جیبیں گرم کیں،علاوہ ازیں پروپرائٹر پر الزام ہے کہ اس نے سیل شدہ مارکی کو بغیراجازت کے کھولا اور وہاں غیرقانونی تعمیر شروع کی،ان تمام معاملات کی انکوائری کے لیے شہری نے اینٹی کرپشن میں درخواست دی تھی،انکوائری میں تمام الزامات درست پائے گئے اور ملزمان کے خلاف مقدمہ درج کرلیا گیا،جبکہ واقعہ میں ملوث چار دیگر بلدیہ ملازمین جہانگیرانجم سپرنٹنڈنٹ میونسپل کارپوریشن،بلڈنگ انسپکٹرز قسور ریاض،حسنین حیدر اور ریکارڈ کیپر اصغر اقبال
کے خلاف مزید تفتیش کرتے ہوئے انکے کردار اور قصور کا تعین کرنے کا بھی حکم دیا گیا ہے،واضح رہے کہ میونسپل کارپوریشن ملازمین کے خلاف مبینہ طور پر کرپشن،غبن اور اختیارات کے ناجائز استعمال کے کئی الزامات اس سے پہلے بھی سامنے آچکے ہیں۔ -
گھر یلوں جھگڑا پر داماد نے 10سسرالی قتل کردیئے
ملتان کے علاقہ حسن آباد میں داماد اور سسر کے مابین جھگڑا، 10افراد قتل کردیئے گئے،3افراد زخمی نشتر ہسپتال منتقل کردیئے گئے۔پولیس کے مطابق ملزم اجمل چندروز قبل سعودی عرب سے آیاتھا سسرالیوں سے جھگڑا پر ملزم نے اپنے باپ اور ایک شخص کے ساتھ ملکر پانچ افراد کو فائرنگ کرکے جبکہ پانچ کو کمرے میں بند کرکے آگ لگاکر قتل کردیا۔جاں بحق افراد میں خواتین اور بچے بھی شامل ہیں۔سی پی او ملتان عمران محمود کے مطابق لڑائی کے دوران 3افراد زخمی بھی ہوئے جنہیں نشتر ہسپتال منتقل کیا گیاہے۔پولیس تھانہ نیو ملتان موقع پر پہنچ گئی پولیس نے ملزم اجمل اور اس کے باپ کو موقع سے گرفتار کرلیا جبکہ ایک ملزم فرار ہونے میں کامیاب ہوگیا ۔پولیس کے مطابق فرار ملزم کی تلاش جاری ہے۔
-
ملتان میں 10 افراد کے قتل کا خوفناک واقعہ، جاں بحق ہونے والوں میں بچے اور خواتین بھی شامل
ملتان میں پیش آنے والے ایک خوفناک واقعہ میں دس افراد کوقتل کردیا گیا ہے، حسن آباد میں یہ واقعہ گھریلو جھگڑے کے سبب پیش آیا ہے.
باغی ٹی وی کی رپورٹ کے مطابق ریسکیو انچارج کی جانب سے کہا گیا ہے کہ جاں بحق ہونیوالوں میں خواتین اور بچے بھی شامل ہیں ، چار افراد کو فائرنگ کے بعد جلا کرقتل کیا گیا ۔ سی پی او ملتان کے مطابق ملزم چار افراد کو گولیاں مار کرقتل کیا گیا جبکہ 6افراد کو کمرے میں بند کرکے آگ لگائی گئی ، ملزم اجمل سے متعلق بتایا گیا ہے کہ وہ چند روز قبل سعودی عرب سے واپس آیا تھا ،
رپورٹ کے مطابق ملزم نے اپنے باپ کے ساتھ ملکر گھر والوں کوقتل کیا ، پولیس نے موقع پر ملزم اجمل اوراس کے باپ کوگرفتار کرلیاہے ۔قتل کی اس اندوہناک واردات سے علاقے میں خوف وہراس پھیل گیا ہے ۔
واضح رہے کہ عید کے موقع پرملتان ہی علاقے جلال پر پیر والا میں دیرینہ دشمنی پر ایک ہی خاندان کے 10افراد کوقتل کردیا گیا تھا جبکہ اس سے قبل بھی جنوبی پنجاب کے مختلف علاقوں میں ایسے واقعات پیش آتے رہتے ہیں.