Blog

نئی دھلی:مسلمان بھارت میں غیر قانونی مساجد بنا رہے ہیں جو کہ قابل قبول نہیں بی جے پی رکن اسمبلی شری پرویش شرما کے مسلمانوں پر الزامات .مسلمان خوف زدہ حکومت نے جائزہ لینےکے لیے کمیٹی قائم کردی اطلاعات کے مطابق بی جے پی ممبر پارلیمنٹ شری پرویش ورما کے دعوے کی جانچ کے لیے ایک تحقیقاتی کمیٹی مقرر کردی ہے۔ شری ورما نے دعویٰ کیا تھا کہ مغربی دہلی میں سرکاری زمینوں پر مسجدیں بن رہی ہیں اور یہی صورت حال پورے بھارت میں ہے. بعد میں ایک دوسرے بی جے پی ایم پی شری منوج تیواری نے اس کی تائید کرتےہوئے کہا کہ دہلی کے دوسرے علاقوں میں بھی غیر قانونی مسجدیں بن رہی ہیں۔

کمیشن نے اس معاملہ میں ایک پانچ رکنی کمیٹی بنائی ہے جس کے صدر معروف حقوق انسانی کے ایکٹیو سٹ اویس سلطان خان ہیں اور ممبران شری گور میندر سنگھ مٹھارو، ڈاکٹر ڈنزیل فرنانڈیز ، انکور اوٹو اور رئیس احمد ہیں۔ کمیٹی کو دس دن میں دہلی کے مختلف علاقوں اور بالخصوص مغربی دہلی کے علاقوں کا جائزہ لے کر اپنی رپورٹ کمیشن کو دینی ہے۔ڈاکٹر ظفر الاسلام خان نے کہا کہ دہلی میں سرکاری زمینوں پر غیر قانونی تعمیرات کا مسئلہ پرانا ہے لیکن اسے کسی مذہب سے جوڑنا بالکل غلط ہے۔ کمیشن سرکاری زمینوں پر کسی غیر قانونی قبضے کی تایید نہیں کرتا لیکن مسئلے کو جس طرح سے اٹھایا گیا ہے اس سے ایک خاص سماج کے خلاف ماحول بنانے کی کوشش کی گئی ہے جو کہ قابل قبول نہیں ہے

ریاض :سعودی اور یمنی سپیشل فورسز نے مشترکہ آپریشن کر کے یمن میں شدت پسند تنظیم داعش کے سربراہ ابواسامہ المہاجر کو گرفتار کر لیا۔ کرنل الترکی المالکی نے یہ اطلاع دیتے ہوئے بتایا کہ یہ سعودی عرب اور یمنی سپیشل فورس کا مشترکہ سکیورٹی آپریشن تھا ۔ داعش کے مالیاتی امور کے سربراہ اور ان کے کئی رفقائے کار کوکامیاب سکیورٹی آپریشن کر کے گرفتار کر لیا گیا۔ یہ کارروائی اتوار تین جون کو یمن کے مقامی وقت کے مطابق صبح 9 بج کر 20 منٹ پر کی گئی۔
سعودی اور یمنی فورسز کی جانب سے ابواسامہ کا مسلسل تعاقب کیا جا رہا تھا اور اطلاع ملی تھی کہ وہ ایک گھر میں چھپا ہوا ہے جہاں اس کے ہمراہ تین خواتین اور تین بچے بھی تھے۔

کرنل الترکی المالکی نے بتایا کہ 10 منٹ تک جاری رہنے والے آپریشن میں گھر میں موجود کوئی بھی خاتون یا بچہ زخمی نہیں ہوئے ۔ جائے وقوعہ سے اسلحہ، گولہ بارود، لیپ ٹاپ، کمپیوٹر، مختلف ممالک کی کرنسیاں، رابطے کے آلات ، جی پی ایس اور الیکٹرانک آلات ضبط کر لئے گئے ہیں المالکی نے واضح کیا کہ سعودی عرب داعش کے خلاف عالمی اتحاد اور اپنے اتحادیوں کے تعاون سے دہشت گردی کی بیخ کنی کا مشن جاری رکھے گا۔ الترکی نے کہا کہ تحقیقات کا تقاضا ہے کہ فی الحال دیگر تفصیلات کو ابھی عام نہ کیا جائے، مناسب وقت پر تمام تفصیلات کا اعلان کیا جائے گا ۔ المالکی کا کہنا تھا کہ ابواسامہ المہاجر کی گرفتارشدت پسند تنظیم داعش کیلئے سخت دھچکہ ثابت ہو گی اور یمن میں اس کے خوشگوار اثرات مرتب ہوں گے۔

ہالینڈ:یورپ میں اسلام اور مسلمانوں کا اضافہ ،نئی مساجد اور مدارس کا قیام.مسلمانوں میں خوشی کی لہر دوڑ گئی.اطلاعات کے مطابق یورپی ملک ہالینڈ میں مسلمانوں کی بڑھتی ہوئی تعداد کے پیش نظر وینیلو شہر میں توحید مسجد کا افتتاح کردیا گیا .اس مسجد کی افتتاحی تقریب میں ترکش محکمہ مذہبی امور کے اہم رہنما علی ارباش بھی شامل ہوئے.اس مسجد کا افتتاح 21 جون کو ہوا .اس مسجد میں 2500 سے زائد نمازیوں کی گنجائش ہے.

ترک محکمہ مذہبی امور کے رہم رکن علی ارباش نے اس موقع پر گفتگو کرتے ہوئے کہا کہ یہ مسجد یورپ میں مسلمانوں اور اسلام کی تقویت کا سبب بنے گا. یہ مسجد 3ہزار میٹر رقبے پر پھیلی ہوئی ہے .تازہ ترین اعدادوشمارکےمطابق اس وقت ہالینڈ میں 9 لاکھ کے قریب مسلمان آباد ہیں.