Blog

سپریم کورٹ میں شہباز شریف اور فواد حسن فواد کی ضمانت منسوخی ست متعلق سماعت کے دوران جج نے سماعت سے معذرت کر لی

باغی ٹی وی کی رپورٹ کے مطابق شہبازشریف اور فواد حسن فواد کی ضمانت منسوخی کے بارے میں دائر اپیلوں پر سپریم کورٹ میں سماعت ہوئی، سپریم کورٹ کے جسٹس عظمت سعید کی سربراہی میں تین رکنی بینچ نے سماعت کی، جسٹس یحییٰ آفریدی نے کیس کی سماعت سے معذرت کرتے ہوئے کہا کہ فواد حسن فواد میرے قریبی جاننے والے ہیں اس لئے کیس نہیں سن سکتا، جسٹس یحییٰ آفریدی کی معذرت کے بعد بینچ ٹوٹ گیا اور اب نیا بینچ تشکیل ہونے تک سماعت ملتو ی کر دی گئ.

واضح رہے کہ نیب نے شہباز شریف اور فواد حسن فواد کی ضمانت منسوخی کے لئے سپریم کورٹ میں رجوع کیا تھا، چودہ فروری کو قومی اسمبلی میں قائد حزب اختلاف شہباز شریف کو عدالت نے رہا کرنے کا حکم جاری کیا تھا۔

قومی اسمبلی میں قائد حزب اختلاف شہباز شریف آج احتساب عدالت میں پیش ہوں گے، اس موقع پر سیکورٹی کے سخت انتظامات کئے گئے ہیں

بابر اعوان نے ایسا مطالبہ کر دیا کہ شہباز شریف ہو سکتا ہے دوبارہ لندن چلا جائے

شہباز شریف کو لائف ٹائم ایوارڈ برائے کرپشن دیا جائے: شہباز گل

باغی ٹی وی کی رپورٹ کے مطابق شہباز شریف لندن سے واپسی کے بعد آج احتساب عدالت میں پیش ہوں گے، احتساب عدالت لاہور میں رمضان شوگر مل اور آشیانہ کیس کی سماعت ہو گی. شہباز شریف کی قانونی ٹیم بھی عدالت میں پیش ہو گی. اس مومقع پر سیکورٹی کے سخت انتظامات کئے گئے ہیں ،پولیس کی بھارتی نفری تعینات کی گئی ہے اور سڑکیں بھی بند کی گئی ہیں. مسلم لیگ ن کے عہدیدار اور کارکن عدالت کے باہر پہنچ گئے ہیں .

واضح رہے کہ گزشتہ سماعت پر شہباز شریف کی حاضری سے استثنیٰ کی درخواست منظور کرلی تھی ،آج عدالت نے شہباز شریف کو پیش ہونے کا حکم دے رکھا ہے ،گزشتہ سماعت پرشہباز شریف لندن میں تھے، ان کے وکیل نے کہا تھا کہ علاج کی غرض سے شہباز شریف لندن میں ہیں وہ اگلی سماعت پر پیش ہو جائیں گے

وزیراعظم عمران خان آج شنگھائی تعاون تنظیم کے دو روزہ اجلاس میں شریک ہوں گے ، اس موقع پر وزیراعظم عمران خان روسی صدر سے ملاقات کریں گے

باغی ٹی وی کی رپورٹ کے مطابق سنگھائی تعاون تنظیم کا دو روزہ سربراہی اجلاس بشکیک میں ہو گا، وزیراعظم عمران خان آج اجلاس میں شریک ہوں گے. دفتر خارجہ کے ترجمان کا کہنا ہے پاکستان کے وزیراعظم اجلاس کے دو سیشنز میں گفتگو کریں گے. اجلاس میں بھارتی وزیراعظم مودی بھی شریک ہوں گے، اجلاس کے بعد سائیڈ لائن پر وزیراعظم عمران خان کی روسی صدر سے ملاقات طے ہے، عمران خان اور مودی کے درمیان بھی غیر رسمی ملاقات کا امکان ہے تاہم ابھی تک ملاقات طے نہیں‌ہے. اجلاس میں افغانستان کے معاملے پر بھی گفتگو کی جائے گی، اجلاس میں رکن ممالک کے سربراہان مملکت ،آبزرور ریاستیں اور انٹرنیشنل تنظیمیں شریک ہونگی۔

واضح رہے کہ شنگھائی تعاون تنظیم کے 8 رکن ممالک، 4آبزرور ریاستیں اور 6 ڈائیلاگ پارٹنرز ہیں، رکن ممالک میں پاکستان ، چین، بھارت، قازقستان، کرغستان، روس، تاجکستان اور ازبکستان شامل ہیں۔شنگھائی تعاون تنظیم کو 2001 میں چین، قازقستان، کرغزستان، روس اور تاجکستان نے شنگھائی میں قائم کیا تھا۔ بعد ازاں اس میں ازبکستان کو بھی شامل کر لیا گیا۔ پاکستان 2005 میں اس تنظیم کا مبصر بنا۔