Baaghi TV

Blog

  • بھارت، سونیا گاندھی کانگریس پارلیمانی بورڈ کی لیڈر منتخب

    بھارت، سونیا گاندھی کانگریس پارلیمانی بورڈ کی لیڈر منتخب

    بھارت میں‌ ترقی پسند اتحاد (یو پی اے) کی سربراہ سونیا گاندھی کو کانگریس پارلیمانی بورڈ کا لیڈر منتخب کر لیا گیا ہے۔

    باغی ٹی وی کی رپورٹ کے مطابق ہفتہ کے دن کانگریس کے نومنتخب اراکین پارلیمنٹ کی میٹنگ ہوئی جس میں‌ سونیا گاندھی کو اتفاق رائے سے لیڈر منتخب کیاگیا ہے. کانگریس کے میڈیا انچارج رندیپ سنگھ سورجے والانے کہا ہے کہ سونا گاندھی 16ویں لوک سبھا میں بھی پارلیمانی بورڈ کی لیڈر تھیں۔

    کانگریس میڈیا انچارج نے کہاکہ سونیا گاندھی نے بھارت کے 12.25 کروڑ رائے دہندگان کا شکریہ ادا کیا جنہوں نے کانگریس پر اعتماد کیا۔
    یاد رہے کہ بی جے پی حالیہ الیکشن بھاری اکثریت سے جیتی ہے اور نریندر مودی اور ان کی کابینہ نے دوبارہ حلف اٹھا لیا ہے.
    Read more at https://www.uniurdu.com/news/national/story/1617660.html#OxfSdLDZSMrwETgF.99

  • نئے پاکستان کا پوسٹ ماسٹر جلاد بن گیا تازہ خبر

    نئے پاکستان کا پوسٹ ماسٹر جلاد بن گیا تازہ خبر

    سرگودہا،خوشاب(نمائندہ باغی ٹی وی)نئے پاکستان میں پوسٹ ماسٹر جلاد بن گیا بزرگ پنشنرز کے مسائل اجاگر کرنے پر ڈسٹرکٹ الیکٹرانک میڈیا کلب خوشاب کے صدر اور نجی ٹی وی چینل کے نمائندے رانا ظہیر ساجد پر ڈاکخانہ خوشاب کے افسران اور ملازمین نے حملہ کر دیا کیمرے توڑ ڈالے.حملے میں رانا ظہیر اور اس کی ٹیم کو شدید زخمی کر دیا۔اس کے علاوہ نجی چینلز کے نمائندگان ستار مرزااور وقاص شاید زخمی ہیں ۔زخمیوں کو ریسیکو1122

    نے DHQ ھسپتال شفٹ کر دیا۔صحافی تنظیموں کی شدید مذمت سامنے آگئی حکومتی عہدیداروں سے کاروائی کا مطالبہ کر دیا

  • سری لنکا کا نیوزی لینڈ کو جیت کے لئے 137 رنز کا ہدف

    سری لنکا کا نیوزی لینڈ کو جیت کے لئے 137 رنز کا ہدف

    کرکٹ ورلڈ کپ میں سری لنکا نے نیوزی لینڈ کو جیت کے لئے 137 رنز کا ہدف دے دیا

    باغی ٹی وی کی رپورٹ کے مطابق سری لنکا کی ٹیم نے پہلے بیٹنگ کرتے ہوئے 29.2 اوور میں 10 وکٹوں کے نقصان پر 136 رنز بنائے. سری لنکا کے اوپپنگ بلے بازوں نے محتاط اندز میں اننگز کا آغاز کیا مگر وہ بڑی پارٹنرشپ بنانے میں ناکام رہے اور صرف 4 کے مجموعی سکور پر اپنی پہلی وکٹ گنوا بیٹھے۔تھری مانے کیوی باؤلر ہنری کی گیند کا شکار بنے جو صرف ایک چوکے کی مدد سے 4 رنز ہی بنا کر ہمت ہار بیٹھے۔ سری لنکا کی ٹیم پاکستان کی ٹیم ک طرح مشکلات کا شکار ہے، پچاس رنز پر سری لنکا کے تین کھلاڑی آوٹ ہو ئے ،سری لنکا کی مکمل ٹیم 136 رنز پر آوٹ ہو گئی ،کپتان دمیوتھ کرونارتنےنےبیٹ کیری کیا ،کرونارتنےاوپنرجاکر52رنزپرناٹ آؤٹ رہے ،نیوزی لینڈ کےمیٹ ہینری اورلوکی فرگوسن نے تین تین کھلاڑی آوٹ کئے .

    کرکٹ کے گذشتہ 11 عالمی مقابلوں میں دونوں ٹیمیں 10 بار آمنے سامنے آ چکی ہیں جن میں چھ مرتبہ فتح سری لنکا کے نام جبکہ چار مرتبہ نیوزی لینڈ کے نام رہی ہے۔

  • فواد چودھری حکومتی پالیسیوں کے خلاف پھٹ پڑے کہا فیصلے ہوجاتے ہیں پتہ نہیں چلتا

    فواد چودھری حکومتی پالیسیوں کے خلاف پھٹ پڑے کہا فیصلے ہوجاتے ہیں پتہ نہیں چلتا

    وفاقی وزیر سائنس و ٹیکنالوجی اپنی ہی حکومت کی پالیسیوں کے خلاف بول پڑے کہا ایک وقت میں 5لوگ کام کریں تو وہی ہوگاجو ہوتاہے ،میری سابقہ وزارت میں غیر منتخب افراد نے مداخلت کی ،اہم فیصلے ہوجاتے ہیں پتا ہی نہیں چلتا.کیا پارٹی ان لوگوں کے حوالے کردیں جو کونسلر نہیں رہے .

    باغی ٹی وی کی رپورٹ کے مطابق فواد چودھری نے کہا کہ ہمارے فیصلوں میں بڑی سیاسی کمزوریاں ہیں ،فیصلہ سازی میں بہتری لانے کی ضرورت ہے،فیصلے منتخب لوگ کرتے ہیں غیر منتخب نہیں ،فیصلے منتخب افراد کو کرنے چا ہییں ،فود چوھدری نے مزید کہا کہ وزارتیں غیر منتخب لوگوں کی وجہ سےتبدیل ہوئیں ،ہمارے درمیان غیر منتخب اور منتخب لوگوں کی سرد جنگ ہے ،غیر منتخب افراد پر کافی اعتراضات ہیں کیا پارٹی ان لوگوں کے حوالے کردیں جو کونسلر نہیں رہے ، فواد چوھدری نے مزید کہا کہ میں نے کہا شہباز شریف کو پی اے سی کا چیئرمین نہ بنائیں انہیں بنادیا،میں نے کہا شہباز شریف کو باہر نہیں جانے دینا چاہیے ہم پر الزام آئےگا،ان ساری چیزوں کا ہم پر اثر ہوتاہے ،انہوں نے مزید کہاکہ اس وقت سول ملٹری تعلقات بہترین ہیں

  • مظفرگڑھ میں ضلع کچہری سے خاتون کے اغواء کی کوشش،باغی ٹی وی نے ویڈ یو حاصل کرلی

    مظفرگڑھ کے جوڈیشل کمپلیکس میں شوہر اور اہلخانہ کی جانب سے خاتون کے اغواء کی کوشش کو پولیس نے ناکام بنادیا،خاتون کے جوڈیشل کمپلیکس سے اغواء کی کوشش کی ویڈیو باغی ٹی وی نے حاصل کرلی.مظفرگڑھ کے علاقے روہیلانوالی کی رہائشی خاتون مقصود مائی کو جوڈیشل کمپلیکس میں اسکے شوہر عبدالطیف اور دیگر رشتہ داروں نے اغواء کرنے کی کوشش کی.جوڈیشل کمپلیکس میں تعینات پولیس اہلکاروں نے خاتون کے اغواء کی کوشش کو ناکام بناکر خاتون کو تھانہ سٹی منتقل کیا،جوڈیشل کمپلیکس کی حدود سے خاتون کے اغواء کی کوشش کی فوٹیج باغی ٹی وی نے حاصل کرلی،فوٹیج میں مقصود مائی کے اغواء کی کوشش کو دیکھا جاسکتا ہے.پولیس کیمطابق مقصود مائی کے شوہر نے اپنی بیوی کے اغواء اور اس سے زیادتی کا مقدمہ تھانہ روہیلانوالی میں درج کرارکھا تھا جبکہ مقصود مائی آج ملزمان کے حق میں بیان دینے عدالت پہنچی تھی.پولیس کیطابق مقصود مائی نے اپنے شوہر کے خلاف تنسیخ نکاح کا دعویٰ بھی دائر کررکھا ہے.

  • محکمہ پولیس میں سستی، کاہلی کے مرتکب اہلکاروں کے لئے کوئی جگہ نہیں ہےایس پی انویسٹی گیشن سرگودہا نے بتا دیا

    محکمہ پولیس میں سستی، کاہلی کے مرتکب اہلکاروں کے لئے کوئی جگہ نہیں ہےایس پی انویسٹی گیشن سرگودہا نے بتا دیا

    سرگودھا(نمائندہ باغی ٹی وی) ایس پی انویسٹی گیشن سرگودھا امتیاز محمود نے کہا ہے کہ پولیس محدود وسائل کے باوجود عوام کی حفاظت اور جرائم کی بیخ کنی کےلئے رات دن کوشاں ہے، محکمہ پولیس میں سستی، کاہلی کے مرتکب اہلکاروں کے لئے کوئی جگہ نہیں ہے، کارکردگی دکھانے والے اہلکاروں و افسران کو شاباش دی جاتی ہے اور غفلت کے مرتکب اہلکاروں کے خلاف سخت محکمانہ قانونی کارروائی عمل میں لائی جاتی ہے تا کہ پولیس کا مورال بلند رہے۔ اشتہاری، مفروروں، اور جرائم پیشہ عناصر کے خلاف عید الفطر کے موقع پر کریک ڈاﺅن کے لئے ٹیمیں تشکیل دے دی گئی ہیں اور ضلع بھر کے تمام ایس ایچ اوز کو ہدایت کی گئی ہے کہ وہ جرائم پیشہ افراد کو منطقی انجام تک پہنچانے کےلئے دیا گیا ٹارگٹ پورا کریں، اس ضمن میں کوئی سستی، کوتاہی برداشت نہیں کی جائے گی، ایس پی انویسٹی گیشن نے بتایا کہ آج سے ضلع بھر میں عید کے ایام تک سکیورٹی کے فول پروف انتظامات کیے گئے، اندرون شہر تمام بازاروں میں پولیس ٹیموں نے اپنی ڈیوٹیاں سنبھال لی ہیں۔ سفید کپڑوں میں ملبوس اہلکاروں کی بڑی تعداد بھی شہر کے بازاروں میں تعینات کی گئی ہے تا کہ عید کی خریداروں کےلئے آنے والے حضرات بالخصوص خواتین اور بچوں کو کوئی پریشانی لاحق نہ ہو۔ پارکوں میں بھی سکیورٹی بڑھا دی گئی ہے۔ قبل ازیں ایس پی انویسٹی گیشن امتیاز محمود نے اعلیٰ کارکردگی پر ڈی ایس پی سٹی سرکل خالد حسین تارڑ، ایس ایچ او سیٹلائٹ ٹاﺅن شہزاد فیض، انسپکٹر عبدالرزاق، سب انسپکٹراعجاز الحق قریشی، اے ایس آئی نواز اور دیگر کو شیلڈیں دیں۔ اس موقعہ پر الیکٹرانک میڈیا کلب کے سرپرست اکرم عامر، صدر سیف خان، جنرل سیکرٹری جنید خان، عمیرضیاء،سفیان وحید، گلزار علی سید، صدر یونین آف جرنلسٹس ذوالفقار ہاشمی، ملک کامران، میاں ریاض،عدیل چوہدری، سجاد اکرم، نعیم فیصل، اشرف ندیم سمیت صحافیوں، معززین شہر کی کثیر تعداد موجود تھی۔

  • 9 سال میں پی ایچ ڈی مکمل نہ کرنیوالی زرتاج گل کی ہمشیرہ کو بڑا عہدہ مل گیا

    9 سال میں پی ایچ ڈی مکمل نہ کرنیوالی زرتاج گل کی ہمشیرہ کو بڑا عہدہ مل گیا

    تحریک انصاف کی رہنما وزیر مملکت برائے موسمیاتی تبدیلی زرتاج گل کی ہمشیرہ شبنم گل کو نیکٹا میں بطور ڈائریکٹر تعینات کردیا گیا

    باغی ٹی وی کی رپورٹ کے مطابق زرتاج گل کی ہمشیرہ شبم گل کو نیکٹا میں تعینات کیا گیا ہے. اس حوالہ سے نوٹفکیشن بھی جاری کر دیا گیا ہے. شبنم گل اس تعیناتی سے قبل لاہور کالج برائے خواتین یونیورسٹی میں اسسٹنٹ پروفیسر تھیں۔مبینہ طورپر زرتاج گل کی سفارش پر انہیں اہم عہدے پر تعینات کیا گیا ہے. شبنم گل کی تعیناتی تین سال کے لئے ہے .شبنم گل لاہور کالج برائے خواتین یونیورسٹی میں گریڈ 18 کی اسسٹنٹ پروفیسر ہیں ،لاہور کالج برائے خواتین یونیورسٹی نے شبنم گل کو اعزازی گریڈ 19 دے رکھا ہے ،شبنم گل نے 2010 میں پولیٹکل سائنس میں پی ایچ ڈی میں داخلہ لیا تھا وہ 9 سال گزر جانے کے باوجود بھی پی ایچ ڈی مکمل نہیں کر سکیں .

  • سورج قہر برسانے لگا درجہ حرارت 48 ڈگری سینٹی گریڈ تک پہنچ گیا

    سورج قہر برسانے لگا درجہ حرارت 48 ڈگری سینٹی گریڈ تک پہنچ گیا

    سرگودہا(نمائندہ باغی ٹی وی)سرگودہا شہر اور اس کے گردونواح میں موسم شدت اختیار کر گیاسورج نے قہر برسانا شروع کر دیا درجہ حرارت 45 سے 48 ڈگری سینٹی گریڈ تک پہنچ گیا جس سے زندگی مفلوج ہو گئی شدید گرمی کی وجہ سے شہر کے بازار اور گلیاں سنسان نظر آنے لگے چرند،پرند،اور جانور بھی گرمی سے بد حواس نظر آنے لگے لوگ گھروں میں محصور ہو گئے شہریوں کا کہنا ہے کہ روزہ کی حالت میں باہر نکنا محال ہو گیا ہے
    شدید گرمی سے پیاس کی شدت میں اضافہ ہوتا ہے اور جسم کام کرنے کے قابل نہیں رہتا جبکہ بعض علاقوں میں لوڈ شیڈنگ کا سلسلہ بھی جاری ہے اور بعض علاقوں میں وولٹیج پوری نہ ہونے کے باعث شہری تبدیلی سرکار کو کوستے نظر آتے ہیں مساجد میں معمول کی نمازوں میں اور تراویح کی نمازوں میں خصوصی بارش کیلیے دعائیں کی جا رہی ہیں جبکہ محکمہ موسمیات کا کہنا ہے کہ عید کے روز تک بارش کا کوئی امکان نہیں اور عید کے روز بھی شدید گرمی ہو گی

  • نواز شریف کے ذاتی معالج نے پنجاب حکومت کو خط لکھ دیا

    نواز شریف کے ذاتی معالج نے پنجاب حکومت کو خط لکھ دیا

    سابق وزیراعظم نواز شریف کے ذاتی معالج نے پنجاب حکومت کو خط لکھا ہے جس میں انہوں نے نواز شریف کے طبی معائنہ کی اجازت طلب کی ہے.

    باغی ٹی وی کی رپورٹ کے مطابق نواز شریف کے ذاتی معالج ڈاکٹر عدنان نے حکومت پنجاب کو خط لکھا ہے جس میں ڈاکٹرعدنان نے حکومت پنجاب سے نواز شریف کے طبی معائنے کی اجازت طلب کی ہے، ڈاکٹر عدنان نے خط میں لکھا ہے کہ نوازشریف کو دل کی سنگین بیماری کے پیش نظر مستقل میڈیکل کیئرکی ضرورت ہے،طبی معائنے کے لیے مستقل بنیادوں پر ملنے کی اجازت دی جائے،کئی بار حکومت سےنوازشریف کےمعائنے کی اجازت طلب کی مگرانکارکیا گیا، ڈاکٹر عدنان کا مزید کہنا تھا کہ مریض کو اسکے ذاتی معالج سے ملنے نہ دینا بنیادی انسانی حقوق کی خلاف ورزی ہے .

    واضح رہے کہ نواز شریف کوٹ لکھپت جیل میں سات سال کی سزا کاٹ رہے ہیں ،نواز شریف کو سپریم کورٹ نے طبی بنیادون پر رہا کیا تھا مگر ضمانت میں توسیع نہ ہونے پر نواز شریف پھر جیل گئے اب وہ عید الفطر بھی جیل میں کریں گے .

  • امپورٹ پالیسی 2016 سندھ ہائیکورٹ میں چیلنج،وفاق کو نوٹس جاری

    امپورٹ پالیسی 2016 سندھ ہائیکورٹ میں چیلنج،وفاق کو نوٹس جاری

    وزارت کامرس حکومت پاکستان کی جانب سے بنائی گئی امپورٹ پالیسی 2016 سندھ ہائیکورٹ میں چیلنج کر دی گئی

    باغی ٹی وی کی رپورٹ کے مطابق وزارت کامرس کی جانب سے بنائی گئی امپورٹ پالیسی 2016 کو ایک شہری نے عدالت میں چینلج کیا ہے. شہری کی استدعا پر سندھ ہائیکورٹ کے ایک رکنی بینچ نے وفاقی حکومت کونوٹس جاری کرتے ہوئے 17 جون تک جواب طلب کر لیا ہے. شہری نے سید شایان احمد کے توسط سے عدالت میں درخواست دائر کی تھی. درخواست میں عدالت سے استدعا کی گئی تھی کہ حکومت نے استعمال شدہ گاڑیوں کی امپورٹ بند کر دی ہے. جو کہ ہر شہری کے بنیادی حقوق کی خلاف ورزی ہے. وکیل نے سیکشن 5 سیریل نمبر 10 اپینڈک سی،2016 کو عدالت میں چیلنج کیا ہے. دائر درخواست میں مزید استدعا کی گئی ہے کہ یہ پالیسی مقامی آٹو موبائل مینو فیکچرر کو فائدہ پہنچانے کے لئے بنائی گئی .اس پالیسی سے مقامی کاروبار زیادہ ہوا ہے. اور عوام کی مشکلات میں اضافہ ہوا ہے.
    مقامی آٹو موبائل انڈسٹری ایک سال میں ایک لاکھ 84 ہزار گاڑیاں تیار کرتے ہیں. جبکہ پیسے وہ تین لاکھ گاڑیوں کے وصول کرتے ہیں