Baaghi TV

Blog

  • کشمیر و فلسطین کا مسئلہ اوآئی سی حل کروائے،دہشتگردی کا اسلام سے تعلق نہیں، عمران خان

    کشمیر و فلسطین کا مسئلہ اوآئی سی حل کروائے،دہشتگردی کا اسلام سے تعلق نہیں، عمران خان

    وزیراعظم عمران خان نے کہا ہے کہ او آئی سی مسئلہ کشمیر اقوام متحدہ کی قراردادوں کے مطابق حل کرائے۔ اسلام کو دہشت گردی سے نہ جوڑا جائے، مغربی دنیا مسلمانوں کے احساسات کا احترام کرے اور اسلامو فوبیا سے باہر نکلے۔ او آئی سی بین الاقوامی سطح پر اسلام کا مثبت تشخص اجاگر کرنے اور دہشتگردی کو اسلام سے جوڑنے کی سازش کو ناکام بنانے کیلئے اپنا کردار ادا کرے ۔ دنیا کا کوئی بھی مذہب کسی معصوم کے قتل کی اجازت نہیں دیتا ۔ نائن الیوان سے قبل 80فیصد خودکش حملے غیر مسلم انتہا پسند کرتے تھے ۔ او آئی سی کے فورم سے ہمیں دنیا کو بھرپور پیغام دینا چاہتے کہ دہشتگردی کا اسلام سے کوئی تعلق نہیں ہے ۔

    باغی ٹی وی کی رپورٹ کے مطابق مکہ میں ہونے والے او آئی سی کے سربراہی اجلاس سے خطاب کرتے ہوئے وزیراعظم نے کہا کہ کوئی مذہب معصوم انسانوں کے قتل کی اجازت نہیں دیتا، نیوزی لینڈ واقعے نے ثابت کیا دہشت گردی کا کوئی مذہب نہیں۔ اقوام متحدہ کی قراردادوں کے مطابق مسئلہ کشمیر کا حل ناگزیر ہے، کشمیریوں کو حق خودارادیت ملنا چاہیے، او آئی سی مسلمانوں پر جاری مظالم کے خلاف اٹھائے. وزیراعظم عمران خان نے مسلمانوں کے عالمی فورم پر زوردیا کہ وہ مسلمانوں کے حقوق اور ان کے مذہبی جذبات کے تحفظ کے لئے موثرکردار ادا کرے، مغرب میں اسلام مخالف سرگرمیوں اورگستاخانہ مواد کواوآئی سی کی ناکامی قرار دیتے ہوئے انہوں نے کہا کہ تنظیم کے غیرموثرکردارکے باعث مسلمانوں کی سیاسی جدوجہد آزادی کو غیرقانونی اور اسلامی انتہا پسندی قرار دیا گیا۔ وزیراعظم عمران خان نے مزید کہا کہ مقبوضہ کشمیرمیں کشمیری عوام آزادی کے حصول کی سیاسی جدوجہد کر رہے ہیں اور نائن الیون کے حملوں کے بعد کشمیریوں کی اس منصفانہ جدوجہد کو بھی اسلامی انتہاپسندی اور دہشتگردی کا نام دے دیا گیا۔ اسی طرح اسرائیل نے بھی فلسطینیوں پرمظالم ڈھاتے ہوئے ان کی تحریک آزادی کو اسلامی دہشت گردی قرار دیا ہے۔ دو ریاستی حل کے سوا مسئلہ فلسطین کاکوئی حل ممکن نہیں اورفلسطین کادارالحکومت مشرقی بیت المقدس ہونا چاہیے۔ وزیراعظم عمران خان نے مزید کہا کہ امت مسلمہ سائنس اینڈ ٹیکنالوجی کے شعبے خصوصی توجہ دے ، اسی طرح دیگر صنعتوں کی طرح مصنوعی ذہانت کی صنعت بھی توجہ چاہتی ہے اور اس پر زیادہ سے زیادہ توجہ دینی چاہئے ۔ ہمیں نہ صرف تعلیم بلکہ معیاری تعلیم، یونیورسٹیوں کے قیام اور وسائل سے بھرپور استفادہ کیلئے مل کر کام کرنا چاہئے۔ وزیراعظم عمران خان نے مزید کہا کہ گولان کی پہاڑیاں فلسطین کی ملکیت میں واپس دی جائیں اور بیت المقدس کو فلسطین کا دارالحکومت ہونا چاہئے۔

    او آئی سی کے 14ویں سربراہی اجلاس کے موقع پر وزیراعظم عمران خان اور سعودی ولی عہد شہزادہ محمد بن سلمان کی ملاقات ہوئی ہے ،ملاقات میں دونوں رہنماؤں نے دو طرفہ سیاسی، معاشی اور تجارتی تعلقات پر تبادلہ خیال کیا جب کہ سعودی ولی عہد شہزادہ محمد بن سلمان نے اجلاس میں شرکت پر وزیراعظم عمران خان کا خیر مقدم کیا۔ملاقات میں سعودی ولی عہد کے دورہ پاکستان کے دوران فیصلوں پر تیزی سےعمل درآمد اور سپریم کوارڈینیشن کونسل کے پہلے اجلاس کے فیصلوں پر بھی جلد عمل درآمد پر اتفاق کیا گیا۔ وزیراعظم عمران خان نے مؤخر ادائیگیوں پر پاکستان کو تیل کی فراہمی پر سعودی حکومت سے اظہار تشکر کرتے ہوئے کہا کہ سعودی عرب کے بروقت بردارانہ اقدام سے مشکل وقت میں پاکستان کی معیشت کو مدد ملی۔

    وزیراعظم عمران خان سے مصر کے صدر عبدالفتح السیسی نے ملاقات کی ہے، ملاقات کے دوران مسلم امہ کو درپیش مسائل باہمی دلچسپی کے علاقائی اور عالمی امور سمیت دوطرفہ تعلقات پر تبادلہ خیال کیا گیا۔ وزیراعظم عمران خان اور افغان صدر اشرف غنی کی بھی ملاقات ہوئی ہے ۔ملاقات کے دوران پاک افغان دوطرفہ تعلقات، افغان مفاہمتی عمل اور خطہ کی صورتحال پر تبادلہ خیال کیا گیا۔

    واضح رہے کہ او آئی سی اجلاس میں شرکت کے لئے وزیراعظم عمران خان سعودی عرب کے دورے پر گئے تھے.

  • عید کے موقع پر نواز شریف کی سزا کتنی کم ہوئی؟ بڑی خبر آ گئی

    عید کے موقع پر نواز شریف کی سزا کتنی کم ہوئی؟ بڑی خبر آ گئی

    عیدالفطر کے موقع پر پنجاب بھر کی جیلوں میں قید قیدیوں کی سزائوں میں کمی کا اعلان ہوا ہے تا ہم سابق وزیراعظم رہنے والے قیدی کی سزا کم نہ ہو سکی

    باغی ٹی وی کی رپورٹ کے مطابق جیل حکام کا کہنا ہے کہ قتل، اغوابرائےتاوان، نیب، دہشت گردی اورغداری کیسزمیں کسی بھی قیدی کی سزاکم نہیں ہوسکتی،سابق وزیراعظم نواز شریف نیب قانون کےتحت سزاپانےکی وجہ سےاس سہولت سےمحروم ہیں.

    واضح رہے کہ صدر مملکت ڈاکٹر عارف علوی نے عید الفطر کےموقع پر قیدیوں کی سزاؤں میں 45 سے 90 روز کی کمی کر دی ہے۔ قیدیوں کی سزاؤں میں کمی آئین پاکستان کے آرٹیکل 45 کے تحت وزیراعظم کی ایڈوائس پر کی گئی۔

    سابق وزیر اعظم نواز شریف کو العزیزیہ سٹیل ملز ریفرنس میں احتساب عدالت نے سات سال قید کی سزا سنائی تھی ، سپریم کورٹ نے طبی بنیادوں پر نواز شریف کو چھ ہفتوں کے لئے رہا کیا تھا بعد میں ضمانت میں توسیع کی درخواست مسترد کر دی تھی. نواز شریف نے دوبارہ اسلام آباد ہائیکورٹ میں ضمانت کے لئے رجوع کر رکھا ہے .

  • پی ٹی ایم تحریک طالبان پاکستان کے طرز عمل پر… غنی محمود

    پی ٹی ایم تحریک طالبان پاکستان کے طرز عمل پر… غنی محمود

    پشتون تحفظ موومنٹ PTM کی بنیاد 2014 میں تحریک طالبان پاکستان TTP کی ناکامی کے بعد رکھی گئی جو کہ درحقیقت TTP کا سیاسی ونگ ہے اس تنظیم کا لیڈر منظور محسود جو کہ اب منظور پشتین کے نام سے مشہور ہے TTP کے ٹاپ کمانڈر قاری محسن محسود کا سگا بھائی ہے اور خود بھی TTP کا سر گرم کارکن رہ چکا ہے اس تنظیم کی مشہوری جنوری 2018 میں بدنام زمانہ سندھ پولیس کے ایس ایس پی راءو انوار کے ہاتھوں بیگناہ نقیب اللہ معسود کی ماورائے آئین و عدالت شہادت سے ہوئی اس سے پہلے لوگ اس تنظیم سے اتنے زیادہ واقف نا تھے یوں تو اس ٹولے کا ایجنڈہ لاپتہ افراد کی بازیابی شمالی وزیرستان سے فوجی چیک پوسٹوں کا خاتمہ ہے مگر آہستہ آہستہ ان کے منشور میں شامل پاکستان مخالف ایجنڈہ بھی سامنے آنے لگا جس میں کئی بار ان کے کارکنان ناجائز اسلحہ،منشیات اسمگلنگ اور افغانی خود کش بمباروں کی معاونت میں پکڑے گئے اور یوں ان پر ریاست پاکستان کے ساتھ غداری کے جرم میں مقدمات بھی بنتے رہے ان کا پاک فوج کے خلاف نعرہ ،یہ میجر ،کرنل ،جنرل سب بیغیرت بھی شدت اختیار کرتا چلا گیا جسے پاک فوج کے جوان اور افسران برداشت کرتے چلے گئے ایسے ہی مقدمات میں ملوث کارکنان کو چھروانے کی خاطر اور لوگوں میں پاک فوج کے خلاف نفرت پیدا کرنے کیلئے 26 مئی 2019 صبح تقریبا 10 سے گیارہ بجے کے درمیان پشتون تحفظ موومنٹ کے شدت پسند جھتے جس کی قیادت محسن داور ایم این اے NA 48 اور علی وزیر ایم این اے NA 50 لیڈران تنظیم ہذہ کر رہے تھے اور اس جتھے میں بیسیوں کارکنان ساتھ تھے ان لوگوں نے خر کام چیک پوسٹ بویا شمالی وزیرستان میں پاک فوج کے خلاف نفرت انگیز نعرے بازی کی اور پوسٹ پر موجود اہلکاروں سے بدتمیزی بھی کی تاہم سیکیورٹی فورسز کی جانب سے صبر کا مظاہرہ کیا گیا ان کے کارکنان نے فوج کے جوانوں کو ویڈیو بنانے سے روکا اور مذید اشتعال انگیز نعرے بازی کی اور خار دار تار پار کرکے جوانوں سے ہاتھا پائی بھی کی ہاتھا پائی کے دوران علی وزیر اور محسن داور کے گارڈز نے چیک پوسٹ کی جانب سیدھی فائرنگ کی جس سے 5 فوجی جوان زخمی ہو گئے بعد میں فوج نے دفاعی فائرنگ کی جس کے نتیجے میں 3 کارکن جانبحق جبکہ 8 زخمی ہوئے جنہیں علی وزیر اور محسن داور چھوڑ کر بھاگ نکلے تاہم فوری پیچھا کرتے ہوئے فوج نے 8 کارکنان سمیت علی وزیر کو گرفتار کر لیا اور انہی کے زخمی کارکنان کو فوری سی ایم ایچ پشاور علاج کیلئے پہچایا گیا جہاں 2 فوجی جوان شہید ہو گئے اسی فوج کہ جن کو یہ ناپاک اور مرتد فوج کہتے ہیں نے انہی دہشتگردوں کا علاج معالجہ شروع کیا اب سوچنے کی بات ہے ہے کارکنان اور فوج کے درمیان فساد برپا کروا کر یہ دونوں لیڈر کیوں بھاگے ؟ صرف اس لئے کہ فوج اور کارکنان کے تصادم کو بنیاد بنا کر دنیا میں فوج کا امیج خراب کیا جائے مگر یہ لوگ بھول گئے کہ ناں تو یہ بنگال ہے اور ناں ہی 1971 ان شاءاللہ پوری قوم بشمول غیور پشتونوں کے اپنی فوج کے شانہ بشانہ کھڑی ہے اور کھڑی رہے گی ان شاءاللہ انڈین لے پالک TTP کی طرح یہ ناکام ہوچکے ہیں اور ان کے ارادے مذید خاک آلود ہونگے ان شاءاللہ

  • اندرون سندھ میں ایڈز کے بعد کراچی میں جان لیوا بیماری سامنے آ گئی

    اندرون سندھ میں ایڈز کے بعد کراچی میں جان لیوا بیماری سامنے آ گئی

    پاکستان کے سب سے بڑے شہر کراچی کے مختلف علاقوں میں پولیو وائرس کی نشاندہی ہوئی ہے.

    باغی ٹی وی کی رپورٹ کے مطابق کراچی شہرکے دس سے زائد مقامات کے ماحولیاتی نمونوں میں پولیو وائرس سامنے آیا ہے، صدر ، گڈاپ، گلشن اقبال ،کورنگی ،لانڈھی ،بلدیہ ،لیاقت آباد ،سائٹ ،اورنگی اور دیگر علاقے شامل ہیں. تاریخ میں پہلی بار اتنے بڑے پیمانے پر ماحولیاتی نمونوں میں وائرس کی نشاندہی ہوئی ہے، کراچی شہر سے رواں سال 2 پولیو کے کیسز پہلے ہی سامنے آچکے ہیں ،دوماہ میں گڈاپ کے مختلف مقامات سے6،گلشن اقبال سے سیوریج کے4 ماحولیاتی نمونوں میں وائرس سامنے آیا ،تمام مقامات پر وائلڈ پولیو وائرس ٹائپ 1 سامنے آیا ہے، پاکستان میں وائلڈ پولیو وائرس ٹائپ 1 ہی بچوں کی زندگیوں کو متاثر کررہا ہے .وزیراعظم عمران خان کے مشیر برائے انسداد پولیو بابر بن عطا نے کہا ہے کہ خدارا والدین بچوں کومعذوری سے بچانے کیلیے قطرے ضرور پلائیں، انہوں نے یہ بھی بتایا کہ بنوں میں پولیووبا کی شکل اختیار کرگیا ہے بنوں ڈویژن پولیو وائرس کیلیے خطرناک ترین ہوگیا ہے،صرف بنوں ڈویژن سے 11 کیسوں کا سامنے آنا لمحہ فکر یہ ہے، بابر بن عطا نے مزید کہا کہ والدین من گھڑت پروپیگنڈے سے ہوشیاررہیں ،انسداد پولیوویکسین نے دنیا بھرسے پولیوکا خاتمہ کیا ہے، انہوں نے قوم سے اپیل کی عید کےبعد ہونے والی مہم کوکامیاب بنانے میں اپنا کردارادا کریں .

  • پی ٹی ایم کا بیانیہ نیا نہیں ،فواد چودھری

    پی ٹی ایم کا بیانیہ نیا نہیں ،فواد چودھری

    وفاقی وزیر سائنس و ٹیکنالوجی فواد چودھری نے کہا ہے کہ پی ٹی ایم کا بیانیہ نیا نہیں

    باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر فودا چودھری نے کہا کہ کشمیر اور پنجاب بارڈر ہیں پاک/انڈیا کا جس طرح افغان جنگ کے شعلوں کی حدت پہلے پختونخواہ کو جلاتی ہے، پی ٹی ایم کا بیانیہ نیا نہیں پاکستان بننے کے بعد پہلا سیکیورٹی چیلنج پختونستان کا شوشہ تھا، بھارت سے بعد میں معاملات خراب ہوئے۔ روس نے اس معاملے کو ہوا دی اب این ڈی ایس اور را کر رہے ہیں

    واضح رہے کہ پی ٹی ایم کے اراکین اسمبلی نے وزیرستان میں پاک فوج کی چیک پوسٹ پر حملہ کیا جس کے بعد دو اراکین اسمبلی محسن داوڑ اور علی وزیر کو گرفتار کیا جا چکا ہے، محسبن داوڑ نے مطالبہ کیا تھا کہ وزیرستان سے فوج کو نکالا جایے، یہی مطالبہ پہلے ٹی ٹی پی کرتی تھی . پی ٹی ایم کی جانب سے وزیرستان میں پاک فوج پر حملے کی تحقیقاتی رپورٹ سامنے آئی ہے. ڈپٹی کمشنرشمالی وزیرستان نےرپورٹ تیارکرکے خیبرپختونخوا حکومت کو بھیج دی ہے. رپورٹ کے مطابق 25مئی کوعلاقہ بویہ میں 12 عمائدین کے ساتھ مذاکرات کیے گئے مذاکرات میں حکام دھرناختم کرنے کی شرط پر ایک مشتبہ شخص کو رہا کرنے پرآمادہ ہوئے ،ایم این اےعلی وزیر ،محسن داوڑ کے اکسانے پرمظاہرین دوبارہ چیک پوسٹ پرجمع ہوئے،26 مئی کو ایم این ایز 300 حمایتوں کو لے کر چیک پوسٹ پہنچے، سیکیورٹی فورسزنے احتجاجی کیمپ میں شامل ہونے کیلیے پارلیمنٹرنیزکو دوسراراستہ اختیار کرنےکا کہا، رپورٹ کے مطابق ایم این اے علی وزیر نے سیکیورٹی فورسز کے خلاف نازیبا زبان استعمال کی ،علی وزیرنے مظاہرین کو چیک پوسٹ پرحملے کےلیے اکسایا ،پی ٹی ایم کے دوپارلیمنٹرینز نےخاڑکمر چیک پوسٹ پر حملہ کرنے والوں کی قیادت کی ،مظاہرین نےچیک پوسٹ پرپتھراؤکیا ،پارلیمنٹیرین کیساتھ مسلح افرادنےچیک پوسٹ پرفائرنگ کی ،رپورٹ کے مطابق چیک پوسٹ پرمختلف اطراف سے فائرنگ کی گئی، ،مظاہرین نے سیکیورٹی اہلکاروں سے اسلحہ چھیننے کی کوشش کی ،شرپسندوں کی گولیاں مظاہرین اور پارلیمنٹرینز کی گاڑیوں کو لگیں .

    واضح رہے کہ پی ٹی ایم نے پاک فوج کی چیک پوسٹ پر حملہ کیا تھا جس میں ایک فوجی جوان شہید اور پانچ زخمی ہو گئے تھے. پی ٹی ایم کے دو اراکین اسمبلی کو گرفتار کیا جا چکا ہے جنہیں ریمانڈ پر سی ٹی ڈی کے حوالہ کر دیا گیا ہے.

  • ججز کے خلاف ریفرنس، وکلاٰ برادی 14 جون کو ججز سے یکجہتی کرے گی

    ججز کے خلاف ریفرنس، وکلاٰ برادی 14 جون کو ججز سے یکجہتی کرے گی

    حکومت کی جانب سے ججوں کے خلاف ریفرنس دائر کرنے پر جہاں اپوزیشن جماعتوں نے حکومت کے خلاف احتجاج کیا ہے وہیں وکلاء برادری بھی میدان میں آ گئی

    باغی ٹی وی کی رپورٹ کے مطابق حکومت کی جانب سے ججز کے خلاف دائر ریفرنس کی سماعت 14 جون کو ہو گی،سپریم کورٹ بار ایسو سی ایشن آف پاکستان نے 14جون کے دن کو جسٹس قاضی فائز عیسیٰ سے اظہار یکجہتی کے طور پر منانے کا فیصلہ کیا ہے ۔ سپریم کورٹ بار ایسوسی ایشن آف پاکستان کی ایگزیکٹو کمیٹی کا اجلاس وفاقی دارالحکومت اسلام آباد میں ہوا جس کی صدارت امان اللہ کنرانی نے کی ۔اس دوران فیصلہ کیا گیا کہ 14جون کو جسٹس قاضی فائز عیسیٰ سے یکجہتی کے طور پر منا یا جائے گا ۔ممبر پنجاب بار کونسل قوسین فیصل مفتی نے وکلاء سے اپیل کی ہے کہ وہ آزاد عدلیہ کی جدوجہد میں بھر پور ساتھ دیں ،وکلاء اتحاد زندہ باد حکومت کی جانب سے ججز کے خلاف ریفرنس کی مذمت کرتا ہے. یہ عدلیہ کی‌آزادی پر حملہ ہے.14 جون کو وکلاء برادری ملک بھر میں ججز کے ساتھ یکجہتی کرے گی .

     

    حکومت نے سپریم کورٹ‌ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا

    جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

    سینئر ججوں کے خلاف ریفرنس، ایڈیشنل اٹارنی جنرل زاہد ایف ابراہیم نے استعفیٰ دے دیا

    جسٹس قاضی فائزعیسیٰ کے خلاف ریفرنس،سماعت کب ہو گی؟ بڑی خبر آ گئی

    ججز کے خلاف ریفرنس،میڈیا کوکب تفصیلات بتائیںگے؟ فردوس عاشق اعوان بول پڑیں

    ججز کے خلاف ریفرنس، حکومت کر بڑا دھچکا، اتحادی الگ ہو گئے

    ججز کے خلاف ریفرنس ،اراکین سینیٹ نے ایسا کام کر دیا کہ حکومت پریشان ہو جائے

     

  • عید کے موقع پر کرایوں میں اضافہ، عوام پریشان، اسمبلی میں قرارداد جمع

    عید کے موقع پر کرایوں میں اضافہ، عوام پریشان، اسمبلی میں قرارداد جمع

    عید الفطر سے قبل کرایوں میں اضافے سے عوام پریشان، ترانسپورٹر نے غریب عوام سے عیدی لینا شروع کر دی، کرایوں میں اضافے کے خلاف پنجاب اسمبلی میں قرارداد جمع کروا دی گئی

    باغی ٹی وی کی رپورٹ کے مطابق عیدالفطر کے موقع پر صوبائی دارالحکومت لاہور سمیت پنجاب کے کئی شہروں سےعوام کی اپنے آبائی شہروں کو واپسی شروع ہو گئی ہے. جس کی وجہ سے لاری اڈوں پر مسافروں کا رش بڑھ گیا ہے اور بس مالکان نے فائدہ اٹھاتے ہوئے کرایوں میں اضافہ کر دیا ہے.جس کی وجہ سے لڑائی جھگڑے بھی ہوتے ہیں .عید منانے کے لئے اپنے آبائی علاقوں میں جانے والے ٹرانسپورٹروں کے اس ظالمانہ رویہ کی وجہ سے بس اڈوں پر بے یارومدد گار نظر آتے ہیں. عید قریب آتے ہی کرایوں میں اضافے کیخلاف پنجاب اسمبلی میں قرارداد جمع کروائی گئی ہے. قرارداد مسلم لیگ ن کی رکن عظمیٰ بخاری کی جانب سے جمع کرائی گئی ،جس میں کہا گیا کہ عید قریب آتے ہی ٹرانسپورٹرز نے کرایوں میں سو فیصد اضافہ کردیا ہے ،قرارداد کے ذریعے مطالبہ کیا گیا کہ مسافروں سے زائد کرائے لینے والے ٹرانسپورٹر کیخلاف ایکشن لیا جائے ،ٹرانسپورٹرز نے کرایوں میں اضافہ انتظامیہ کی ملی بھگت سے کیا ہے ، ٹرانسپورٹرزمسافروں کی مجبوری کا فائدہ اٹھاتے ہیں زیادہ کرائے لے رہے ہیں

  • پنجاب کا بجٹ کب پیش ہو گا، وزیراعلیٰ پنجاب نے بتا دیا

    پنجاب کا بجٹ کب پیش ہو گا، وزیراعلیٰ پنجاب نے بتا دیا

    پنجاب کا بجٹ 14 جون پیش کیا جائے گا، وزیر اعلیٰ پنجاب نے بجٹ پیش کرنے کی سمری منظور کر لی

    باغی ٹی وی کی رپورٹ کے مطابق وزیراعلیٰ پنجاب عثمان بزدار کو سمری میں تین تاریخیں دی گئی تھی، وزیراعلیٰ نے 14 جون کو بجٹ پیش کرنے کی سمری منظور کر لی ہے ،بجٹ میں صوبائی ٹیکس وصولی کا ہدف 283 ارب مقرر کرنے کا تخمینہ لگایا گیا ہے ، سیکرٹری خزانہ عبداللہ خان سنبل نے سمری منظوری کیلئے وزیر اعلیٰ پنجاب کو بھیجی تھی، وزیر اعلی پنجاب نے محکمہ خزانہ کو وزراء کے ان پٹ کو بھی بجٹ میں شامل کرنے کی ہدایت کی ہے۔ وزیر خزانہ پنجاب مخدوم ہاشم جواں بخت 14 جون کو بجٹ پیش کریں گے۔

    پنجاب کے بجٹ میں جنوبی پنجاب سیکرٹریٹ کے لئے 3 ارب روپے کے فنڈز مختص کرنے کی تجویز دی گئی ہے. جنوبی پنجاب سیکرٹریٹ یکم جولائی سے فعال ہو گا، جس میں 18صوبائی محکموں کےدفاترقائم ہون گے ،ہرمحکمےکاسربراہ سپیشل سیکرٹری ھوگیاجبکہ سیکرٹریٹ کاسربراہ ایڈیشنل سیکرٹری ھوگا

  • سرگودھا تھانہ کڑانہ پولیس کی کاروائی،منشیات فروش گرفتار

    سرگودھا تھانہ کڑانہ پولیس کی کاروائی،منشیات فروش گرفتار

    سرگودھا(نمائندہ باغی ٹی وی)ایس ایچ او تھانہ کڑانہ کی ٹیم کے ہمراہ کاروائی، گرفتارملزم سے 1500گرام ہیروئن سمیت ہزاروں روپے رقم وٹک برآمد
    تفصیلات کے مطابق ڈسٹرکٹ پولیس آفیسر حسن مشتاق سکھیرا کی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ کڑانہ حافظ نوید اکرم نے سب انسپکٹر محمد اشرف اور اسسٹنٹ سب انسپکٹر محمد ممتاز پر مشتمل ٹیم کے ہمراہ چک نمبر92جنوبی ریڈ کرکے ملزم محمد یوسف ولد عطاء اللہ سکنہ گجرات کو ہیروئن فروخت کرتے ہوئے رنگے ہاتھوں گرفتارکرلیا۔ملزم کے قبضہ سے ہیروئن1500گرام اور رقم وٹک مبلغ25ہزار روپے برآمد ہوئی۔گرفتارملزم کے خلاف منشیات فروشی کی دفعات کے تحت تھانہ کڑانہ میں مقدمہ درج کرکے تفتیش کا آغاز کر دیا ہے

  • پٹرول کا مہنگا ہونا عوام کے لئے حکومت کی طرف سے عیدی ہے، مریم اورنگزیب

    پٹرول کا مہنگا ہونا عوام کے لئے حکومت کی طرف سے عیدی ہے، مریم اورنگزیب

    مسلم لیگ ن کی ترجمان مریم اورنگزیب نے کہا ہے کہ پیٹرول کا4 روپے26 پیسےمہنگا ہونا وزیراعظم کی ایڈوانس عیدی کی قسط ہے،جب بجٹ آئی ایم ایف بنائے گا توایڈوانس عیدی کی اقساط مرحلہ وارآئیں گی.

    باغی ٹی وی کی رپورٹ کے مطابق ترجمان مسلم لیگ ن مریم اورنگزیب نے پیٹرول مہنگا ہونے پررد عمل دیتے ہوئے کہا کہ جب سے نالائق اورووٹ چورحکومت عوام پرمسلط ہے ہرروزبُری خبرآرہی ہے ،عید سے پہلے پیٹرول کی قیمتوں میں اضافہ عوام کے ساتھی دشمنی کےمترادف ہے،ہرروزعوام کوآئی ایم ایف کی طرف سےتحفہ ملےگا، مریم اورنگزیب نے مزید کہا کہ گھبرانا نہیں،ابھی آئی ایم ایف کابجٹ آناہے ،پیٹرول،گیس اوربجلی کے نرخوں میں تاریخی اضافے نےعوام کی کمرتوڑدی،پیٹرول مہنگا ہونے سے پچھلے 9ماہ کے مہنگائی کے سونامی میں مزیداضافہ ہوگا.

    واضح رہے کہ حکومت نے عیدالفطر سے قبل پیٹرولیم مصنوعات کی قیمتوں میں ایک بار پھر اضافہ کر دیا ہے۔ پیٹرول کی قیمت میں 4 روپے 26 پیسے جبکہ ہائی سپیڈ ڈیزل کی قیمت میں 4 روپے 50 پیسے فی لٹر اضافہ کر دیا گیا ہے۔ قیمتوں میں اضافے کے بعد پیٹرول کی نئی قیمت 112 روپے 68 پیسہ فی لٹر مقرر کی گئی ہے۔ پٹرولیم مصنوعات کی قیمتوں میں 9 روپے فی لٹر تک اضافے کی سفارش کی گئی تھی۔

    گزشتہ ماہ پٹرول کی قیمت میں آٹھ روپے کا اضافہ کیا گیا تھا جس پراپوزیشن جماعتوں نے شدید احتجاج کیا تھا.