پتوکی:
روسہ ٹبہ کے قریب ایک شخص نہر میں ڈوب گیا. جس کی اطلاع ملتے ہی ریسکیو ٹیموں نے موقع پر پہنچ کر سرچ آپریشن شروع کردیا۔ ڈوبنے والے شخص کا نام سردار بتایا جا رہا ہے عمر ستر سال کوٹ گاما تحصیل پتوکی کا رہائشی ہے۔تاحال نعش برآمد نہیں ہو سکی۔
Blog
-
پتوکی نہر میں ایک شخص ڈوب گیا
-
بھارتی فوج کے کرنل نے کی سیاچین میں خودکشی
سیاچین گلیشیر میں بھارتی فوج کے کرنل نے اپنی ہی بندوق سے اپنے آپ کو گولی مار کر خودکشی کر لی
باغی ٹی وی کی رپورٹ کے مطابق سیاچن گلیشیئر پر نوبرا سب ڈویژن کے پرتاب پور علاقے مٰیں کرنل روہت سنگھ سولانکی نے خود کشی کی ہے جس کی وجوہات سامنے نہیں آ سکیں،بھارتی فوج کے کرنل نے خود کو گولی ماری جسے مقامی ہسپتال منتقل کیا گیا تا ہم وہ راستے میں ہلاک ہوگیا. کرنل روہت سنگھ سولانکی 6 ایم اے ایچ اے آر سے وابستہ تھا.
بھارت کشمیر میں ہار گیا، اب کشمیری سنگبازوں کا مقابلہ کریں گے روبوٹ
واضح رہے کہ سال 2018 کے دوران 80 بھارتی فوجی اہلکاروں نے خود کشی کی جبکہ بھارتی فضائیہ میں 16 اہلکاروں اور نیوی میں 8 اہلکاروں نے خود کشی کی۔ جنوری 2007 سے اب تک مقبوضہ کشمیر میں خود کشی کرنے والے بھارتی اہلکاروں کی تعداد 426 ہوگئی ہے.
-
اگر کھلاڑی ورلڈ کپ میں یہ کام کریں تو تاحیات مفت بجلی دیں گے، اعلان ہو گیا
پنجاب کے صوبائی وزیر نے اعلان کیا ہے کہ اگر پاکستان ورلڈ کپ 2019 جیت گیا تو تمام کھلاڑیوں کو تاحیات مفت بجلی فراہم کی جائے گی
باغی ٹی وی کی رپورٹ کے مطابق پنجاب کے وزیر توانائی ڈاکٹر اختر ملک نے کہا ہے کہ قومی کرکٹ ٹیم کے کھلاڑی ورلڈ کپ میں جم کر کھیلیں. اورپاکستان کا نام روشن کریں. ان کے گھروں کو ہم روشن کر دیں گے. وزیر توانائی کا مزید کہنا تھا کہ اگر پاکستان ورلڈ کپ جیت جاتا ہے تو میچ کھیلنے والے تمام کھلاڑیوں کومفت بجلی فراہم کی جائے گی .محکمہ توانائی پنجاب کھلاڑیوں کے گھروں کی چھتوں پر سولر پینلز لگا کر کلین انرجی مہیا کریگا .
واضح رہے کہ پاکستان ورلڈ کپ کا پہلا میچ ویسٹ انڈیز سے ہار چکا ہے، پاکستان نے پہلے بیٹنگ کرتے ہوئے 105 رنز بنائے اور 105 پر ساری ٹیم آوٹ ہو گئی. ویسٹ انڈیز کی ٹیم نے تین وکٹوں کے نقصان پر اپنا ہدف پورا کیا اور میچ جیت گئے .
-
وزیراعظم عمران خان اور سعودی ولی عہد کی ملاقات
وزیراعظم عمران خان اور سعودی ولی عہد شہزادہ محمد بن سلمان کی سعودی عرب میں ملاقات ہوئی ہے ، وزیراعظم سے افغانستان اور مصر کے صدر نے بھی ملاقات کی ہے
باغی ٹی وی کی رپورٹ کے مطابق او آئی سی کے 14ویں سربراہی اجلاس کے موقع پر وزیراعظم عمران خان اور سعودی ولی عہد شہزادہ محمد بن سلمان کی ملاقات ہوئی ہے ،ملاقات میں دونوں رہنماؤں نے دو طرفہ سیاسی، معاشی اور تجارتی تعلقات پر تبادلہ خیال کیا جب کہ سعودی ولی عہد شہزادہ محمد بن سلمان نے اجلاس میں شرکت پر وزیراعظم عمران خان کا خیر مقدم کیا۔ملاقات میں سعودی ولی عہد کے دورہ پاکستان کے دوران فیصلوں پر تیزی سےعمل درآمد اور سپریم کوارڈینیشن کونسل کے پہلے اجلاس کے فیصلوں پر بھی جلد عمل درآمد پر اتفاق کیا گیا۔ وزیراعظم عمران خان نے مؤخر ادائیگیوں پر پاکستان کو تیل کی فراہمی پر سعودی حکومت سے اظہار تشکر کرتے ہوئے کہا کہ سعودی عرب کے بروقت بردارانہ اقدام سے مشکل وقت میں پاکستان کی معیشت کو مدد ملی۔
وزیراعظم عمران خان سے مصر کے صدر عبدالفتح السیسی نے ملاقات کی ہے، ملاقات کے دوران مسلم امہ کو درپیش مسائل باہمی دلچسپی کے علاقائی اور عالمی امور سمیت دوطرفہ تعلقات پر تبادلہ خیال کیا گیا۔ وزیراعظم عمران خان اور افغان صدر اشرف غنی کی بھی ملاقات ہوئی ہے ۔ملاقات کے دوران پاک افغان دوطرفہ تعلقات، افغان مفاہمتی عمل اور خطہ کی صورتحال پر تبادلہ خیال کیا گیا۔
واضح رہے کہ او آئی سی اجلاس میں شرکت کے لئے وزیراعظم عمران خان سعودی عرب کے دورے پر گئے تھے.
-
شہباز شریف فیملی کو 10 کمپنیوں سے کتنے پیسے بھیجے گئے؟ نیب نے رپورٹ جمع کروا دی
نیب نے شہباز شریف فیملی کے مبینہ فرنٹ مین قاسم سے کی جانے والی تفتیش کی رپورٹ عدالت میں جمع کروا دی ہے
باغی ٹی وی کی رپورٹ کے مطابق نیب نے احتساب عدالت میں رپورٹ جمع کروائی ہے جس میں کہا گیا ہے کہ شہبازشریف فیملی نے اپنے مختلف ملازموں کے ناموں پرکمپنیاں بنا رکھی ہیں،منی لانڈرنگ کی رقوم بے نامی کمپنیوں میں منتقل کی جاتی رہیں ،اور ان بے نامی کمپنیوں سے شریف فیملی کے اکاؤنٹس میں رقم منتقل ہوتی رہی. نیب رپورٹ میں مزید کہا گیا کہ نیب کو 10 غیرملکی منی ایکس چینجرزکا ریکارڈمل چکاہے، شہبازشریف، حمزہ،سلمان کوبرطانیہ کی 4 منی ایکس چینج سے رقوم منتقل ہوئیں، دبئی کی 6 منی ایکس چینج سے بھی رقوم منتقل کی گئیں۔ نیب رپورٹ کے مطابق شہبازشریف فیملی کو 10 کمپنیوں سے 37 کروڑبھیجے گئے.
ایک رپورٹ کے مطابق شریف فیملی کا پیسہ غیر قانونی منی ایکسچینج کے ذریعے منتقل ہوا جس کا مالک قاسم قیوم تھا، قاسم قیوم شریف فیملی کا ملازم بھی ہے اور فضل داد عباسی اسکو نقد رقم لاکر دیتا۔ قاسم قیوم نے صادق پلازہ مال روڈ اور علی ٹاورایم ایم عالم روڈ پر آفس بنا رکھا ہے جب کہ قاسم قیوم ماڈل ٹاون K 55 حمزہ اور سلیمان کے آفس سے رقم لے کر بیرون ملک منتقل کرتا تھا۔قاسم قیوم اب تک لاکھوں ڈالرز اور کویتی دینار بیرون ملک منتقل کرچکا ہے۔ قاسم قیوم نے اپنے اکاؤنٹ اور ملازمین کے شناختی کارڈ نمبر کے ذریعے غیر قانونی طور پر رقم کی بیرون ملک ترسیلات کیں
واضح رہے کہ نیب نے شریف فیملی کے مبینہ فرنٹ مین قاسم کو گرفتار کیا ہوا ہے جس سے تفتیش کے بعد نیب نے رپورٹ عدالت میں جمع کروائی ہے .
-
پٹرولیم مصنوعات کی قیمتوں میں اضافہ
چنیوٹ
نئے پاکستان کی حکومت کا عیدالفطر سے پہلے پٹرولیم مصنوعات کی قیمتوں میں اضافہ بم گرانے سے عوام میں شدید غم و غصہ عوام کی حکومت پر کڑی تنقید
تبدیلی کی دعویدار حکومت کی جانب سے گزشتہ روز پٹرولیم مصنوعات کی قیمتوں میں مزید اضافہ کے باعث عوام میں شدید غم و غصہ پایا جاتا ہے ضلع چنیوٹ کی عوام کا کہنا ہے کہ نئے پاکستان کا دعویٰ کرنے والے حکمرانوں نے عوام پر مہنگائی کے بم گرانے کا سلسلہ شروع کر رکھا گیا اور عیدالفطر کی آمد سے قبل ہی پٹرولیم مصنوعات کی قیمتوں میں اضافہ کرکے عوام سے عید کی خوشیاں منانے کا حق بھی چھین لیا گیا ہے عوام نے حالیہ پٹرولیم مصنوعات کی قیمتوں میں اضافہ کے فیصلہ کو عوام دشمن پالیسی قرار دیتے ہوئے کہا ہے کہ موجودہ حکومت نے مہنگائی بیروزگاری کی انتہا کردی ہے اور اب عوام سے عید کی خوشیوں سے محروم کرکے مدینے کی ریاست کے دعوے داروں نے ثابت کردیا ہے کہ اب عوام کو زندہ درگور کیا جائے گا -
مودی کے وزیراعظم بننے کے بعد ٹرمپ نے ایسا فیصلہ کیا کہ بھارت میںصف ماتم بچھ جائے
نریندر مودی کا وزیر اعظم کے حلف اٹھانے کے بعد امریکہ نے ایسا اعلان کر دیا کہ پورے بھارت میں صف ماتم بچھ گیا
باغی ٹی وی کی رپورٹ کے مطابق وائٹ ہاوس کا کہنا ہے کہ امریکا نے بھارت کو دیا گیا ترجیحی تجارتی ملک کا درجہ ختم کردیا، کیونکہ بھارت امریکا کو اپنی منڈیوں تک مناسب رسائی فراہم کرنے کایقین دلانے میں ناکام ہوا،ترجمان کے مطابق بھارت کے جی ایس پی درجے ختم کرنے کا اعلان امریکی صدرڈونلڈ ٹرمپ نے کیا ،وائٹ ہاوس کے ترجمان کے مطابق اس فیصلے کا اطلاق 5 جون سےہوگا.
انڈیا امریکہ کے جی ایس پی پروگرام سے سہولت اٹھانے والا سب سے بڑا ملک تھا جس کے تحت وہ اپنی مصنوعات امریکہ کو بغیر محصولات یا ٹیکس ادا کیے برآمد کرسکتا تھا۔ اس معیار پر پورا اترنے کے لیے ایک ملک کو جملہ حقوق کا تحفظ فراہم کرنا اور امریکہ کو اپنی منڈیوں تک مناسب اور منصفانہ رسائی دینا شامل ہے۔ تین ماہ قبل مارچ میں امریکی صدر ٹرمپ نے اس فیصلے کے بارے میں انڈیا کو آگاہ کر دیا تھا کہ وہ انڈیا کو دیا گیا ترجیحی تجارتی ملک کا درجہ واپس لینے کا ارادہ رکھتا ہے .
واضح رہے کہ بھارت میں عام انتخابات مین مودی ایک بار پھر وزیراعظم بنے ہیں اور دو دن قبل انہون نے حلف ٹھایا ہے، مودی کے حلف اٹھانے کے دور روز بعد امریکی صدر ٹرمپ نے اعلان کر دیا جس پر بھارت کی نئی کابینہ میں شدید مایوسی پھیلی ہوئی ہے.
-
پٹرول کی قیمت میں اضافہ معاشی دہشت گردی ہے، شہباز شریف
قومی اسمبلی میں قائد حزب اختلاف شہبا شریف نے پٹرولیم مصنوعات کی قیمتوں میں اضافے کی مذمت کرتے ہوئے کہا کہ دنیا بھر میں پٹرول سستا ہو رہا ہے پاکستان میں مہنگا ہو رہا ہے
باغی ٹی وی کی رپورٹ کے مطابق شہباز شریف نے کہا کہ عمران نیازی کا عید سے قبل پٹرول بم گرانا معاشی دہشتگردی ہے. اپوزیشن جماعتیں مل کر اس معاشی دہشت گردی کے خلاف بھر پور احتجاج کریں گی، شہباز شریف نے مزید کہا کہ تبدیلی سرکار مکمل طور پر ناکام ہو چکی ہے. حکومت نے پاکستا ن کی غریب عوام کو مہنگائی اور بے روزگاری کے عذاب میں ڈال دیا.
واضح رہے کہ حکومت نے عیدالفطر سے قبل پیٹرولیم مصنوعات کی قیمتوں میں ایک بار پھر اضافہ کر دیا ہے۔ پیٹرول کی قیمت میں 4 روپے 26 پیسے جبکہ ہائی سپیڈ ڈیزل کی قیمت میں 4 روپے 50 پیسے فی لٹر اضافہ کر دیا گیا ہے۔ قیمتوں میں اضافے کے بعد پیٹرول کی نئی قیمت 112 روپے 68 پیسہ فی لٹر مقرر کی گئی ہے۔ پٹرولیم مصنوعات کی قیمتوں میں 9 روپے فی لٹر تک اضافے کی سفارش کی گئی تھی۔
گزشتہ ماہ پٹرول کی قیمت میں آٹھ روپے کا اضافہ کیا گیا تھا جس پراپوزیشن جماعتوں نے شدید احتجاج کیا تھا.
-
لودھراں : ٹرین کے نیچے آ کر جاں بحق ہونے والے کی شناخت ہو گئی ہے
لودھراں (نمائندہ باغی ٹی وی) جلال پور موڑ ریلوے پھاٹک کے قریب ٹرین کے نیچے آکر ایک شخص گزشتہ رات جاں بحق ہو گیا ہے مرنے والے نوجوان کی شناخت محمد لقمان کے نام سے ہوئی ہے ان کی عمر 37 سال بتائی جا رہی ہے محمد لقمان لودھراں کا رہائشی تھا ریسکیو 1122 نے نعش کو ورثاء کے حوالے کر دیا ہے ۔
-
چنیوٹ: پیسے کی لالچ کہا جائے یا کچھ اور
چنیوٹ: پیسے کی لالچ کہا جائے یا کچھ اور سگے بھائی کا بھائی کے گھر پر مبینہ حملہ تھانہ صدر کے علاقہ ہرسہ شیخ میں شکیل نامی شخص کا ساتھیوں کے ہمراہ ظہور کے گھر مبینہ حملہ ملزمان اسلہ کے زور پر ظہور اور اس کے خاندان کو یرغمال بنا کر مبینہ تشدد کرتے رہے تشدد کے نتیجہ میں دو خواتین سمیت تین افراد زخمی۔ زخمی حالت میں دو خواتین ڈسٹرکٹ ہیڈ کوارٹر ہسپتال پہنچ گئیں۔
میرا بھائی شکیل زبردستی میرے زمین پر قبضہ کرنا چاہتا ہے۔ اور اب اپنے ساتھیوں کے ہمراہ ہمارے گھر پر حملہ کر دیا اور تشدد کیا۔ پولیس کو درخواست بھی دی تھی مگر کوئی کاروائی نہیں کی گئی۔پولیس اگر بروقت کارروائی کرتی تو یہ نوبت ہی نا آتی۔ ضغری بی بی، متاثرہ خاندان کا ڈی پی اؤ چنیوٹ سے نوٹس لینے کا مطالبہ