سرگودہا(نمائندہ باغی ٹی وی )محکمی اینٹی کرپشن کی کاروائی
عرصہ دراز سے انتہائی مطلوب، اشتہاری ملزم احمد حسن ولد پرویز حسن گرفتار تفصیلات کے مطابق ساجد محمود شیخ، مجسٹریٹ دفعہ30سرگودھا نے ڈائریکٹر اینٹی کرپشن سرگودھا کو تحریرکیا کہ مقدمہ نمبر224/2014تھانہ سٹی سرگودھا کی جوڈیشل فائل میں چیک نمبری11348278مورخہ24.12.2015سرکاری ملزمان کی ملی بھگت اور جعل سازی سے گم کر دیا گیا ہے ذمہ داروں کے خلاف قانونی کاروائی کی جائے۔ جس پر ڈائریکٹر اینٹی کرپشن سرگودھا نے انکوائری کے احکامات دیتے ہوئے انکوائری عصمت اللہ بندیال، سرکل آفیسر، اینٹی کرپشن سرگودھا کے سپرد کی۔ انکوائری کے دوران انکوائری آفیسر نے ریکارڈ قبضہ میں لیا اور فریقین کے بیانات قلمبند کیے۔ انکوائری کے دوران ملزمان اپنی بے گناہی ثابت نہ کر سکے۔جس پرڈائریکٹرا ینٹی کرپشن سرگودھا نے مقدمہ درج کرنے کے احکامات دئیے۔مقدمہ کی تفتیش کے لیے ڈپٹی ڈائریکٹر(تفتیش) کی نگرانی میں ایک خصوصی ٹیم تشکیل دی گئی تفتیش کے دوران یہ ثابت ہوا کہ احمد حسن نے پرائیویٹ ملزمان کے ساتھ مل کر اصل چیک مالیتی ساڑھے چار کروڑ روپے کا ایک جعلی چیک تیار کرکے ذیشان ADRKکے ساتھ ملی بھگت کر کے جوڈیشل فائل میں اصل چیک کی جگہ جعلی چیک لگا دیا۔جس سے جوڈیشل فائل میں کاغذات گم اور ٹمپر ہوئے۔ جس پر ڈائریکٹر اینٹی کرپشن سرگودھا نے ملزمان کے خلاف جوڈیشل ایکشن منظور کرتے ہوئے ملزمان کو گرفتار کرنے کا حکم دیاتھا۔چار ملزمان کو گرفتار کر کے حوالات بند کیا گیا تھا، ڈائریکٹر اینٹی کرپشن سرگودھا محمد شہباز حسین شاہ کی خصوصی ہدایت پر اشتہاری ملزم احمد حسن کو اینٹی کرپشن سرگودھا کی خصوصی ریڈنگ ٹیم نے بروقت کارؤائی کرتے ہوئے گرفتار کر لیا۔،ملزم محکمہ اینٹی کرپشن کو مقدمہ نمبر 17/2016تھانہ اینٹی کرپشن ریجن سرگودھا میں بعداز گنہگاری، عرصہ تین سال سے اشتہاری مطلوب تھا۔ ریجن بھر میں کرپٹ عناصر کے خلاف محکمہ اینٹی کرپشن سرگودھا کی کارؤائیاں تیز کر دی گئی ہیں۔ اشتہاری و مفرورملزمان کو جلد گرفتار کرکے لوٹی ہوئی دولت خزانہ سرکار میں جمع کرواکر کیفر کردار تک پہنچایا جائے گا۔
Blog
-
محکمہ اینٹی کرپشن سرگودھا کا ریجن بھر میں روپوش اشتہاری و مفرورملزمان کے خلاف کریک ڈاؤن زوروشور سے جاری
-
جی 20 سرابراہی اجلاس میں ٹرمپ اردوان ملاقات متوقع
جی۔20 سربراہی اجلاس کے دوران ایردوان ۔ ٹرمپ ملاقات متوقع، ملاقات میں ایس۔400 ائیر ڈیفنس سسٹم کے ساتھ ساتھ دونوں ملکوں کے درمیان بنیادی موضوعات میز پر ہوں گے
ترکی کے صدر رجب طیب ایردوان 28 سے 29 جون کو جاپان میں متوقع جی۔20 سربراہی اجلاس کے دوران امریکہ کے صدر ڈونلڈ ٹرمپ کے ساتھ دو طرفہ ملاقات کریں گے۔
وائٹ ہاوس سے ایک سرکاری شخصیت نے صدر ٹرمپ کے دورہ جاپان کے بارے میں ٹیلی کانفرنس کا انعقاد کیا۔
سرکاری شخصیت کے مطابق ٹرمپ اپنے دورہ جاپان کے دوران 8 ممالک کے سربراہان کے ساتھ ملاقات کریں گے۔ صدر ٹرمپ کے پروگرام میں صدر ایردوان کے ساتھ ملاقات بھی شامل ہے۔علاوہ ازیں صدر ٹرمپ چین کے صدر شی جن پنگ، روس کے صدر ولادی میر پوتن، سعودی عرب کے ولی عہد پرنس محمد بن سلمان، جاپان کے وزیر اعظم شینزو آبے، بھارت کے وزیر اعظم نریندر مودی، جرمن چانسلر اینگیلا مرکل اور آسٹریلیا کے وزیر اعظم سکاٹ موریسن کے ساتھ بھی دو طرفہ ملاقاتیں کریں گے۔
ایردوان ۔ ٹرمپ ملاقات میں ایس۔400 ائیر ڈیفنس سسٹم کے ساتھ ساتھ دونوں ملکوں کے درمیان بنیادی موضوعات پر تفصیلی بات چیت کی توقع کی جا رہی ہے۔
واضح رہے کہ جی۔20 سربراہی اجلاس 28 سے 29 جون کی تاریخوں میں جاپان کے شہر اوساکا میں متوقع ہے۔
-
وینا ملک کے خلاف مسلم لیگ ن کہاں پہنچ گئی؟ بڑی خبر
مسلم لیگ ن اداکارہ وینا ملک کے خلاف ایف آئی اے میں پہنچ گئی، قانونی کاروائی کے لئے درخواست دے دی
اسپیکرصاحب!زرداری کوپروڈکشن آرڈرکیوں؟ ویناملک ناراض،ملک میں امیراورغریب کے لیےالگ الگ قانون کیوں؟
باغی ٹی وی کی رپورٹ کے مطابق مسلم لیگ ن کی رہنما مریم نواز کے خلاف سوشل میڈیا پر مہم چلانے کی وجہ سے مسلم لیگ ن نے ایف آئی اے میں درخواست دے دی ہے، مسلم لیگ ن جاپان کے صدر ملک نور نے ایف آئی اے سائبر کرائم سیل کو درخواست دی ہے جس میں وینا ملک کے خلاف کاروائی کا مطالبہ کیا گیا ہے، درخواست میں مطالبہ کیا گیا ہے کہ نوازشریف اور مریم نواز کیخلاف الزامات ٹوئٹر سے ہٹائے جائیں .
سابق وزیراعظم نواز شریف اور ان کی صاحبزادی مریم نواز کے خلاف سوشل میڈیا پر نازیبا مہم،
وینا ملک کے خلاف مسلم لیگ نون جاپان کے صدر ملک نور کی ایف آئی اے سائبر کرائم میں درخواستوفاقی تحقیقاتی ادارے کے سائبر کرائم ونگ منظور کرکے تحقیقات شروع کر دی،
مقدمہ نمبر1234/19 pic.twitter.com/lNXV9aL6ER— Malik Noor Awan (@MalikNoorAwan5) June 25, 2019
سائبرکرائم اسلام آباد ونگ نےدرخواست وصول کرکےقانونی کارروائی شروع کردی ،ایف آئی اے نے وینا ملک کے خلاف مقدمہ درج کر لیا ہے، مقدمہ نمبر 1234/19 ہے.
ٹویٹر پر ثانیہ مرزا اور وینا ملک کا دلچسپ مکالمہ
-
قتل کی دشمنی پر ماموں بھانجا قتل
سرگودھا(نمائندہ باغی ٹی وی) قتل کی دشمنی پر ماموں بھانجا قتل
تفصیلات کے مطابق گھر سے تاریخ پیشی پر سیشن کورٹ کی عدالت میں جاتے ہوئے ماموں بھانجا کو مخالفین نے فائرنگ کر کے قتل کردیا۔ایس ایچ او تھانہ صدر ظفر شاہ
مقتولین موٹر سائیکل پر سوار ہوکر سلانوالی روڈ سے سیشن کورٹ سرگودھا میں پیشی کے لیے آ رہے تھے
راستے میں 85جھال کے قریب مخالفین نے حملہ کرکے دونوں کو فائرنگ کرکے قتل کردیا -
آرمی چیف اور برطانوی نیشنل سیکورٹی ایڈوائزر کی ملاقات
آرمی چیف سے برطانوی نیشنل سیکیورٹی ایڈوائزر نے ملاقات کی ہے
جنوبی ایشیا میں امن کیسے قائم ہو گا، آرمی چیف جنرل قمرجاوید باجوہ نے بتا دیا
باغی ٹی وی کی رپورٹ کے مطابق پاکستان کے آرمی چیف جنرل قمر جاوید باجوہ نے برطانوی نیشنل سیکیورٹی ایڈوائزر اوربرطانوی وزیردفاع سے ملاقات کی ہے. ڈی جی آئی ایس پی آر کے مطابق آرمی چیف جنرل قمر جاوید باجوہ اور برطانوی نیشنل سیکیورٹی ایڈوائزر کی ملاقات کے دوران خطے کی سیکیورٹی اورافغان امن عمل پرگفتگو کی گئی.
جنرل قمر باجوہ کی پاکستانی ٹیم کی تعریف، شائقین کے آرمی چیف کی موجودگی میں پاکستان زندہ باد کے نعرے
ڈی جی آئی ایس پی آر کے مطابق ملاقات میں پاکستان کی خطے میں امن کی کوششوں کوتسلیم کیا گیا .
-
بی جے پی دور میں بھارتی فوجی افسروں کے عہدے کیوں خالی رہے؟ کانگریس نے پول کھول دیا
بھارت میں اپوزیشن جماعت کانگریس نے ملک سلامتی اور سٹریٹجک صورتحال پر سخت تشویش کا اظہا رکیا ہے.
باغی ٹی وی کی رپورٹ کے مطابق کانگریس کے میڈیا انچارج رندیپ سنگھ سرجے والا نے کہا کہ بی جے پی حکومت نے پارلیمنٹ میں اعتراف کیا ہے کہ پیسوں کی وجہ سے وہ ہندوستانی فوج کے خالی عہدوں کو بھرنے میں ناکام رہی ہے۔ یہ صورتحال اسٹریٹجک اور قومی سلامتی کے نظریہ سے تشویش کا موضوع ہے۔
انہوں نے سوشل میڈیا سائٹ ٹویٹر پر اپنے ایک پیغام میں کہا ہے کہ بھارت میں فوج کے خالی عہہدوں کو جلد پر کیا جانا چاہئے۔
واضح رہے کہ ہندوستانی فوج میں افسروں اور اہلکاروں کی بڑی تعداد میں بھرتی ہونے والی ہے تاہم ابھی تک یہ خالی ویکینسیاں پر نہیں کی جاسکی ہیں.
-
ضلع سرگودھا کے 100 سے زائد دیہات نچلے درجے کے سیلاب سے متاثر حکام بے خبر متاثرین کی دھائی
سرگودہا(نمائندہ باغی ٹی وی )ضلع سرگودھا کے 100 سے زائد دیہات نچلے درجے کے سیلاب سے متاثر حکام بے خبر متاثرین کی دھائی
تفصیلات کے مطابق حالیہ بارشوں سے دریائے جہلم میں پانی کی سطح بلند ہو رہی ہے جس سے سرگودہا کی تحصیل بھیرہ تحصیل شاہ پور تحصیل سلانوالی کے 100 سے زائد دیہات زیر آب آ گئے ہیں یہ پانی جھاوریاں کے علاقے سے تین دن سے داخل ہو چکا ہے جس سے سینکڑوں ایکڑ پر کھڑی فصلیں تباہ ہو چکی ہیں مکانات گر رہے ہیں علاقہ مکین نقل مکانی کرنے پر مجبور ہیں مگر حکام بالا اس سے بے خبر ہیں علاقہ مکینوں کی اپیل ہے کہ یہاں جلد سے جلد امدادی کاروائیاں کی جائیں اور وزیر اعظم پاکستا ن فوری نوٹس لیتے ہوئے ہونے والے نقصان کا ازالہ کریں -
یورپی یونین پاکستان کا روایتی حلیف اور معاشی شراکت دار رہا ہے: قریشی
پاکستان کے وزیر خارجہ شاہ محمود قریشی نے کہا ہے کہ پاکستان یورپی یونین اور اس کے رکن ممالک کے ساتھ اپنے تعلقات کو نہایت اہمیت دیتا ہے۔
شاہ محمود قریشی نے ملتان میں ایسا کام کیا کہ جان کر ہوں حیران
شاہ محمود قریشی برسلز پہنچ کر کس سے ملاقات کریں گے؟ اہم خبر آ گئی
باغٰی ٹی وی کی رپورٹ کے مطابق یورپی یونین کی سیاسی و سلامتی کمیٹی کے اجلاس سے خطاب کرتے ہوئے شاہ محمود قریشی نے کہا کہ یورپی یونین نہ صرف پاکستان کا ایک روایتی حلیف ہے بلکہ ایک معاشی شراکت دار بھی ہے۔ شاہ محمو دقریشی کا مزید کہنا تھا کہ دنیااس وقت بڑی تبدیلیوں سےگزررہی ہے ،امن وسلامتی میں شراکت داری حکمت عملی کابنیادی ستون ہے، شاہ محمود قریشی کا مزید کہنا تھا کہ یورپی یونین پاکستان کا روایتی حلیف اور معاشی شراکت دار رہا ہے ،ماضی میں جولازم رہنے والی اقدار قدرومنزلت کھورہی ہیں،سچائی دم توڑ رہی ہے ہماراتعاون جمہوریت،کثیرالشراکتی،باہمی ہم آہنگی اوراحترام کی مشترک اقدارپرمبنی ہے،
-
راولپنڈی پارک کی از سر خود نو تعمیر شیخ رشید نے عوام کے دل جیت لیے
راولپنڈی(رپورٹ باغی سپیشل) راولپنڈی کے علاقے ڈھوک منگٹال میں جب شیخ رشید جیت کر قومی اسمبلی پہنچے تو انہیں لیڈیز پارک کا منصوبہ ملا لیکن فنڈز کی عدم فراہمی کی وجہ سے تاخیر کا شکار ہوگیا جب اگلی حکومت 2013 میں مسلم لیگ ن کی آئی تو ان کے ایم پی اے اور ذمہ داران کو جو رقم ملی انہوں نے صرف چاردیواری کرکے باقی رقم ہڑپ کرلی لیکن اب دوبارہ شیخ رشید وزیر ریلوے بنے تو انہوں نے اس پارک کی از سر خود نو کی تعمیر کا حکم دیا, اہل علاقہ نے باغی ٹی وی کو بتایا کے ہمارے علاقے میں کوئی پارک نہیں تھا ہمیں خوشی ہوئی کے پارک بن رہا ہے لیکن جب دیکھا یہ صرف نام کا ہی تھا اور یہاں دیواریں کھڑی کردی گئی اور یہ نشئ افراد کی آماجگاہ بن گیا اور اس کے اطراف میں کوڑا کا ڈھیر لگانا شروع کردیا گیا اب شیخ رشید صاحب کے شکر گزار ہیں وہ اس پارک کو اصلی حالت میں بحال کررہے ہیں اور ہم حکومت سے مطالبہ کرتے ہیں کہ اس پارک کے نام سے جو گزشتہ حکومتوں نے پیسے کھائے اس کا احتساب کیا جائے
-
حکومت پنجاب نے 12 جیلوں کے سپرٹنڈنٹ تبدیل کر دیئے
حکومت پنجاب نے 12 جیلوں کے سپرننٹنڈنٹ تبدیل کر دیے
باغی ٹی وی کی تفصیلات کے مطابق
شھرام توقیر خان کو سپرٹنڈنٹ ھائی سکیورٹی ساھیوال، ساجد بیگ کو سپرٹنڈنٹ سنٹر جیل بھاولپور، سپرٹنڈنٹ نوید اشرف کو آئی جی جیل خانہ جات آفس تعینات کر دیا گیا، منصور اکبر کو سپرٹنڈنٹ سنٹرل جیل میانوالی، احمد نوید گوندل کو سپرٹنڈنٹ سنٹرل جیل گوجرانوالہ، خالد بشیر کو آئی جی جیل خانہ جات رپورٹ کرنے کا حکم، میاں محمد انصر کو سپرٹنڈنٹ ڈسٹرکٹ جیل شاہ پور، عطاء اللہ ملک کو سپرٹنڈنٹ ڈسٹرکٹ جیل سیالکوٹ، خان وحید خان کو سپرٹنڈنٹ جیل منڈی بہاؤ الدین تعینات کر دیا گیا،
، علی اکبر کو سپرٹنڈنٹ ڈسٹرکٹ جیل فیصل آباد، چوہدری اسغر علی کو سپرٹنڈنٹ جیل شیخوپورہ، اور اصغر منیر کو سپرٹنڈنٹ جیل قصور تعینات کر دیا گیا