Blog

مگر اب کی بار کٹہرے میں کوئی ایک فرد کھڑا نہیں ہے۔ آج ہم سب مجرم کی حیثیت سے آمنے سامنے کھڑے ہیں

یہ سوالات نئے نہیں، مگر ان کی گونج اب پہلے سے زیادہ ہولناک ہے۔جب بھی کوئی حادثہ یا واقعہ ہوتا ہے، ہم بیدار ہو جاتے ہیں۔
قانون اور اخلاقیات پر بحث شروع ہو جاتی ہے۔ پھر ہم کچھ دنوں میں سب کچھ بھول کر سو جاتے ہیں۔
کیا ہم واقعی ایک زندہ اور سوچنے والا معاشرہ ہیں؟
یا صرف ایسے واقعات پر ماتم کرنا ہماری عادت بن چکا ہے؟
مگر اب کی بار کٹہرے میں کوئی ایک فرد کھڑا نہیں ہے۔آج ہم سب مجرم کی حیثیت سے آمنے سامنے کھڑے ہیں۔
ہم ہر المیے کو ایک سیاسی یا سماجی تماشا بنا دیتے ہیں۔
یہ تحریر اسی آئینے کو صاف کرنے کی ایک کوشش ہے۔
لیکن اب کی بار ان سوالوں کا بوجھ سرگودھا کی اس معصوم بچی کے جنازے سے بھی بھاری ہے۔
وہ معصوم، جو اپنے ننھے ہاتھوں میں کچھ پیسے لیے کسی دکان پر سودا لینے گئی تھی۔اسے کیا معلوم تھا کہ گلی کا وہی راستہ اس کی زندگی کا آخری سفر بن جائے گا۔
ہم کیسے معاشرے میں رہتے ہیں جہاں بچے چیز لینے نکلیں تو لاشیں بن کر لوٹتے ہیں؟
زینب سے لے کر منتہا تک یہ خونی سلسلہ آخر کب تھمے گا؟
میرا یہ یہ کالم صرف ایک حادثے کا ماتم نہیں بلکہ ہماری اجتماعی بے حسی کا ماتم ہے
سرگودھا کے بلاک نمبر 8 میں جو ہوا، وہ کسی ایک درندے کی وحشت نہیں ہے وہ اس گلے سڑے نظام اور بیمار ذہنیت کا کڑوا پھل ہے جسے ہم روز پالتے ہیں۔
ںسرگودھا میں 8 سالہ معصوم بچی منتہا کے ساتھ پیش آنے والا دل دہلا دینے والا واقعہ نہ صرف ایک جرم بلکہ پورے معاشرے کی ناکامی ہے۔
ایک معصوم بچی گھر کے قریب دکان پر گئی اور واپس نہیں آئی
CCTV
کی مدد سے
اور پولیس بروقت ایکشن سے دو ملزمان گرفتار ہوئے اگر پولیس نے بروقت رسپانس نہیں کیا ہوتا تو ملزم منتہا کی لاش ٹھکانے لگا چکے ہوتے۔۔
یہ کوئی پہلا واقعہ نہیں۔ زینب، نور اور اب منتہا ۔۔۔
ہر بار ہم احتجاج کرتے ہیں، مگر نظام میں کوئی بنیادی تبدیلی نہیں آتی۔
ایک معصوم بچی کا اس طرح کا انجام پورے معاشرے کے ضمیر کو جھنجھوڑتا ہے۔
معصوم منتہا جیسے بچے ہمارے مستقبل ہیں
ہم اپنے بچوں کو محفوظ ماحول بھی نہیں دے پا رہے
یہ واقعہ صرف ایک مجرم کا جرم نہیں، بلکہ ہماری اجتماعی ناکامی ہے
جہاں قانون سست، معاشرہ بے حس اور نظام جواب دہ نہیں۔

کیا ہمارا قانون ایسے درندوں کو سرے عام سزا دے سکتا ہے؟
کیا ہماری بچیاں گھر کے قریب بھی محفوظ ہیں؟

اب وقت آ گیا ہے کہ ہم جذبات کے ساتھ ساتھ اس کا حل بھی تلاش کریں۔
بچوں کے تحفظ کے لیے سخت قوانین، فوری انصاف اور والدین کی ذمہ داری ۔۔۔
یہ سب مل کر ہی کام کر سکتے ہیں۔
اللہ ہم سب کے بچوں کو اس طرح کے سانحات سے محفوظ رکھے۔ آمین۔

معاشرہ افراد کے مجموعے کا نام ہے اور اس کی ترقی یا زوال کا دارومدار لوگوں کے رویوں پر ہے۔ رویہ انسان کی تربیت، اخلاق اور سوچ کا عکس ہوتا ہے۔ مثبت رویے معاشرے کو جوڑتے ہیں جبکہ منفی رویے اسے توڑ دیتے ہیں۔

ہمارے معاشرے میں آج دو طرح کے رویے عام ہیں۔ ایک وہ لوگ جو محبت، برداشت، تعاون اور عزت کو اپناتے ہیں۔ وہ دوسروں کی بات سنتے ہیں، کمزور کا سہارا بنتے ہیں اور چھوٹی بات پر جھگڑا نہیں کرتے۔ یہی لوگ معاشرے کی اصل بنیاد ہیں۔ دوسری طرف وہ رویے ہیں جو عدم برداشت، حسد، بدتمیزی اور خود غرضی پر مبنی ہیں۔ ٹریفک میں گالی گلوچ، قطار توڑنا، سوشل میڈیا پر کسی کی تضحیک کرنا اور اختلاف رائے کو دشمنی سمجھنا اب عام ہو چکا ہے۔ ایسے رویے معاشرے کے امن کو نقصان پہنچا رہے ہیں۔

انسان کا رویہ یکدم نہیں بنتا۔ اس کی تشکیل میں گھر، اسکول اور میڈیا تینوں کا کردار ہے۔ بچہ سب سے پہلے گھر سے سیکھتا ہے۔ اگر والدین ایک دوسرے سے عزت سے پیش آئیں، سچ بولیں اور مہمان نوازی کریں تو بچہ بھی وہی اپنائے گا۔ اسکول میں استاد کا کام صرف کتاب پڑھانا نہیں بلکہ کردار بنانا بھی ہے۔ افسوس کہ آج تعلیم صرف ڈگری تک محدود رہ گئی ہے۔ اخلاق اور تہذیب پیچھے رہ گئے ہیں۔ تیسرا استاد میڈیا ہے۔ جو مواد ہم روز دیکھتے ہیں وہی ہمارے لاشعور میں بیٹھ جاتا ہے۔ نفرت، طنز اور فیک نیوز نے ہمارے صبر کو کم کر دیا ہے۔

رویوں کی خرابی کی بڑی وجہ "میں” کا بڑھ جانا ہے۔ ہم دوسروں کو نیچا دکھا کر خود کو اونچا سمجھتے ہیں۔ برداشت ختم ہو گئی ہے۔ تھوڑی سی مخالفت پر ہم لڑنے مرنے پر آ جاتے ہیں۔ مہنگائی، بے روزگاری اور ناانصافی نے لوگوں کو چڑچڑا کر دیا ہے، مگر یاد رکھیں کہ رویہ حالات سے زیادہ ہمارے انتخاب سے بنتا ہے۔

اصلاح کی شروعات خود سے کرنی ہوگی۔ مسکرا کر بات کرنا، شکریہ اور معذرت کہنا، بزرگوں کا احترام کرنا، چھوٹوں سے شفقت کرنا اور دوسرے کے احساس کو سمجھنا – یہ چھوٹے عمل ہی بڑی تبدیلی لاتے ہیں۔ جب ہر شخص دوسروں کے لیے آسانی پیدا کرے گا تو معاشرہ خود بخود بہتر ہو جائے گا۔

قومیں اینٹ پتھر سے نہیں بنتیں، رویوں سے بنتی ہیں۔ اگر ہم چاہتے ہیں کہ پاکستان پرامن، ترقی یافتہ اور عزت دار ملک بنے تو ہمیں اپنا رویہ بدلنا ہوگا۔ کیونکہ دنیا ہمیشہ ویسی ہی بنتی ہے جیسے ہم ہوتے ہیں۔