Blog

خلیج ہرمز کے حساس علاقے میں کشیدگی میں مزید اضافہ ہو گیا ہے جہاں امریکی فوج نے ایرانی میزائل تنصیبات کو نشانہ بناتے ہوئے طاقتور فضائی حملہ کیا ہے۔ امریکی حکام کے مطابق اس کارروائی میں جدید اور انتہائی تباہ کن ’بنکر بسٹر‘ بم استعمال کیے گئے۔

امریکی سینٹرل کمانڈ (CENTCOM) کی جانب سے جاری بیان میں کہا گیا ہے کہ حملے میں تقریباً 5000 پاؤنڈ (2,268 کلوگرام) وزنی گہرائی تک تباہی پھیلانے والے بم استعمال کیے گئے، جن کا ہدف ساحلی علاقوں میں قائم مضبوط ایرانی میزائل اڈے تھے۔عرب میڈیا رپورٹس کے مطابق امریکی حکام کا کہنا ہے کہ ان مقامات پر نصب ایرانی اینٹی شپ کروز میزائل بین الاقوامی بحری جہاز رانی کے لیے سنگین خطرہ بن چکے تھے، جس کے باعث یہ کارروائی ناگزیر ہو گئی۔ذرائع کے مطابق یہ حملہ خلیج ہرمز میں بحری آمد و رفت کو بحال کرنے کی جانب پہلی بڑی فوجی کوشش قرار دیا جا رہا ہے، جہاں حالیہ کشیدگی کے باعث عالمی تیل کی ترسیل بھی متاثر ہونے کا خدشہ پیدا ہو گیا تھا۔دفاعی ماہرین کا کہنا ہے کہ اس کارروائی کے بعد خطے میں مزید کشیدگی بڑھنے کا امکان ہے، جبکہ ایران کی جانب سے ممکنہ ردعمل بھی صورتحال کو مزید پیچیدہ بنا سکتا ہے۔

اسرائیل نے ایرانی انٹیلی جنس منسٹر اسماعیل خطیب کو نشانہ بنانے کا دعویٰ کردیا۔

میڈیا رپورٹس کے مطابق اسرائیل نے ایرانی انٹیل جنس منسٹر اسماعیل خطیب کو نشانہ بنانے کا دعویٰ کیا ہے، حکام کارروائی کے نتائج کا جائزہ لے رہے ہیں۔الجزیرہ کا کہنا ہے کہ ایران سے ابھی تک اس پیشرفت پر کوئی باضابطہ ردِعمل سامنے نہیں آیا۔

دوسری جانب امریکی نیوی نے طیارہ بردار بحری جہاز یو ایس ایس جیرالڈ فورڈ کو میدان جنگ سے ہٹانے کا فیصلہ کرلیا۔حکام کے مطابق طیارہ بردار جہاز مرمت کیلئے یونانی بندرگاہ پر لنگر انداز رہے گا، 12 مارچ کو یو ایس ایس جیرالڈ فورڈ میں آگ بھڑک اٹھی تھی۔ایرانی پاسداران انقلاب نے جہاز پر میزائل حملوں کا دعویٰ کیا تاہم امریکی سینٹرل کمانڈ کا دعویٰ ہے کہ جہاز میں آگ خود بخود بھڑک اٹھی تھی۔نیویارک ٹائمز کے مطابق آگ پر قابو پانے میں 30 گھنٹے لگے تھے، 600 میرینز کے بستر جل گئے، جس کی وجہ سے وہ ایک ہفتے سے فرش پر سورہے ہیں۔رپورٹ کے مطابق یو ایس ایس جارج ایچ ڈبلیو بش کو جلد مشرق وسطیٰ میں تعینات کیا جائے گا۔

خلیجی جنگ کے دوران مودی کی بدترین سفارتکاری نے بھارت کے نام نہاد عالمی تعلقات کا پردہ چاک کر دیا

عالمی جریدہ بلومبرگ کے مطابق مفاد پرست مودی کی عالمی دوستیاں محض دعوؤں تک محدود، دنیا بھر میں بھارت بطور ریاست اثر و رسوخ سے محروم ہو گیا ،خلیجی بحران میں روسی تیل کی خریداری کیلئے ٹرمپ کی اجازت اور ایران سے مدد کی التجا نے مودی کی سیاسی ساکھ کمزور کر دی،بھارتی عوام نے مودی کی من گھڑت طاقت کی کہانیوں کے برعکس بحران کے دوران کمزور مذاکرات پر سوال اٹھا دیے،خلیجی ممالک میں 9 ملین بھارتیوں میں سے 50 ہزار کی وطن واپسی سے زرمبادلہ اور فلاحی اخراجات متاثر ہونے کا خدشہ بڑھ چکا ہے، گذشتہ تین سالوں میں بھارت کی اسرائیل کیساتھ اسٹریٹجک شراکت داری کے بعد ایران کیلئے بھارت محض بُرا دوست یا نادان ثابت ہوا ہے،

عالمی ماہرین کے مطابق مودی کا خطہ میں دھونس جمانے کیلئے عالمی اثرو رسوخ کا مضحکہ خیز بیانیہ سنگین بحران کے دوران دم توڑ چکا ہے،مودی کی دوغلی پالیسیاں، بلند و بانگ دعوؤں اور دکھاوے پر مبنی ناقص سفارتکاری کی عالمی بازگشت بھارت کی رسوائی کا سبب بن چکی ہے