Blog

افغان طالبان رجیم کانیافوجداری ضابطہ منظم جبراورآمریت کی علامت بن گئی

قابض طالبان رجیم کانیاعدالتی نظام خواتین،اقلیتوں اوراختلافِ رائےرکھنےوالوں کیلئےخطرےکی گھنٹی بن گیا، افغانستان میں طالبان رجیم کےنافذکردہ نئےعدالتی ضوابط سےعالمی سطح پرتشویش کی لہردوڑگئی،افغان میڈیاآموٹی وی اورکابل ناؤکےمطابق؛اقوام متحدہ کےانسانی حقوق کےماہرین کاطالبان رجیم کےنئےحکم نامہ پرتشویش کااظہار،فوری واپس لینےکامطالبہ کردیا،انسانی حقوق کےماہرین نےطالبان کےنئےعدالتی ضابطہ فوجداری کوبین الاقوامی قوانین کےمنافی قراردےدیا ہے،ماہرین انسانی حقوق کا کہنا ہے کہ فوجداری ضابطہ میں جرائم کی مبہم تشریح اورججزکےلامحدوداختیارات سےبےگناہ افراداورکمزورطبقات کونشانہ بنایاجاسکتاہے ،سرعام کوڑےمارنے کو غیر قانونی اور انسانی وقارکی تذلیل قراردیتےہوئےخاتمےپر زوردیاگیا ، عالمی ماہرین کےمطابق افغان طالبان رجیم کانام نہادفوجداری ضابطہ اصلاحات کےنام پرمعاشرےکوخاموش کرنےکاایک ظالمانہ حربہ ہے، طالبان رجیم فوجداری ضابطہ کےتحت شفاف حکمرانی یاعوامی رائےکےبجائےجبراًفیصلےمسلط کرنےکی روایت کو مضبوط کررہی ہے

امریکی صدر ڈونلڈ ٹرمپ نے کہا ہے کہ ایران کے ساتھ ڈیل کا عمل اچھی طرح سے جاری ہے، مذاکرات ویک اینڈ کے دوران بھی جاری رہیں گے۔

امریکی صدر نے ایریزونا میں تقریب سے خطاب میں ایران سے ایٹمی زرات واپس لانےکا اعلان کیا اور کہاکہ امریکا ایران کی نیوکلیئر ڈسٹ حاصل کرےگا،ایران کے پاس کبھی جوہری ہتھیار نہیں ہوں گے، ایران سے ڈیل کے تحت رقم کا تبادلہ بھی نہیں کیا جائےگا،امریکی صدر نے ایک بار پھر پاکستانی وزیراعظم شہباز شریف اور فیلڈ مارشل عاصم سے اظہار تشکر کیا، امریکی صدر نےکہاکہ پاکستان کے وزیراعظم او ر فیلڈ مارشل زبر دست شخصیات ہیں، انہوں نے مدد کی، میں دونوں پاکستانی شخصیات کا بہت شکر گزار ہوں،امریکی صدر نے سعودی عرب، یواے ای، قطر،کویت اور بحرین کا بھی شکریہ ادا کیا اور کہا کہ سعودی عرب، یواے ای، قطر،کویت اور بحرین ، یہ تمام ممالک شاندار ہیں، سب نے بہت مدد کی، ان ممالک میں بہت ہمت ہے،نیٹو کی جانب سےکال موصول ہوئی، مدد کے لیے پوچھا جا رہا تھا، لیکن ہمیں 2 ماہ پہلے ان کی مددکی ضرورت تھی، اب بالکل نیٹوکی مدد درکارنہیں، دراصل ہمیں نیٹو کی مدد کی کبھی ضرورت تھی ہی نہیں، نیٹو کو ہماری ضرورت ہے۔

غیر ملکی خبر ایجنسی کے مطابق صدر ٹرمپ نے کہا کہ معاہدہ نہیں ہوا تو امریکا کی ایرانی بندرگاہوں پر پابندی برقرار رہے گی، کل کچھ ہونے والا ہے،میرے خیال میں یہ بہت مثبت چیز ہوگی، کل کوئی سرپرائز ہو سکتا ہے، ایران سے متعلق ہمارے پاس اچھی خبر ہے، کل کوئی سرپرائز ہو سکتا ہے، ہم کل (ہفتے کی) صبح ایک غیرمعمولی نیوز کانفرنس کرنے جارہے ہیں، کل کا ایونٹ براہ راست اس سے متعلق نہیں، لیکن سوالات اسی پر ہوں گے۔کل ایک بہت اچھی اورذہین شخصیت وائٹ ہاؤس آرہی ہے، ایک ایسی شخصیت جسے اپنے ملک اور ملک سے باہر کی بہت فکر ہے، ہم کل صبح ایک غیرمعمولی نیوزکانفرنس کرنے جا رہے ہیں، آبنائے ہرمز میں ہماری ناکہ بندی کامیابی کے ساتھ جاری ہے۔ ایران کے ساتھ پہلے ہی بہت سے معاملات پر اتفاق ہوچکا ہے،ایرانی قیادت اپنے لوگوں کو مطمئن کرنے کے لیے کچھ مختلف کہہ رہی ہے۔ میں صرف درست اور سیدھی بات کررہا ہوں، ایران کو کسی صورت جوہری ہتھیار حاصل کرنے نہیں دیں گے۔ میرے نمائندے مذاکرات کررہے ہیں، حتمی فیصلہ میں کرتا ہوں۔

ایران میں سپریم لیڈر آیت اللہ مجتبیٰ خامنہ ای کے حق میں ہزاروں افراد سڑکوں پر نکل آئے اور دارالحکومت تہران میں بڑے پیمانے پر مظاہرہ کیا گیا۔ مظاہرین نے ملکی قیادت سے اظہارِ یکجہتی کرتے ہوئے مختلف مقامات پر اجتماعات میں شرکت کی۔

رپورٹس کے مطابق تہران کے انقلاب اسکوائر پر ہونے والے مرکزی مظاہرے میں خواتین، بچوں اور خاندانوں کی بڑی تعداد شریک ہوئی۔ شرکاء نے قومی پرچم اٹھا رکھے تھے اور ایران کی قیادت کے حق میں نعرے بازی کی۔ اس موقع پر سیکیورٹی کے سخت انتظامات بھی کیے گئے تھے۔اسی سلسلے میں ایک اور مارچ بھی منعقد کیا گیا جس میں ماؤں نے اپنے بچوں کے ہمراہ شرکت کی۔ مظاہرین کا کہنا تھا کہ وہ ملکی خودمختاری، استحکام اور قومی اتحاد کے لیے اپنی حمایت کا اظہار کر رہے ہیں۔

دوسری جانب یمن کے دارالحکومت صنعا میں بھی بڑی عوامی ریلی نکالی گئی جس میں لاکھوں افراد نے شرکت کی۔ ریلی کے شرکاء نے ایران، لبنان، عراق اور فلسطین کے حق میں نعرے لگائے اور خطے میں مزاحمتی تحریکوں سے اظہارِ یکجہتی کیا۔صنعا میں ہونے والی ریلی کے دوران لبنان کی مزاحمتی تنظیم حزب اللہ کے حق میں بھی نعرے بازی کی گئی۔ مبصرین کے مطابق یہ مظاہرے مشرقِ وسطیٰ کی موجودہ سیاسی صورتحال اور علاقائی اتحاد کے تناظر میں اہم قرار دیے جا رہے ہیں

پونے ایئرپورٹ پر بھارتی فضائیہ کا جدید لڑاکا طیارہ تباہ ہوگیا، بھارتی فضائیہ کی جانب سے واقعے کی مکمل حقیقت سامنے لانے کے بجائے اسے دبانے کی کوششیں کی جا رہی ہیں۔

حادثے کے فوراً بعد ایئرپورٹ پر فلائٹ آپریشن معطل کر دیا گیا اور رن وے بند کر کے بحالی کے کام شروع کر دیے گئے، تاہم اصل صورتحال کو عوام سے چھپایا جاتا رہا۔بھارتی فضائیہ نے روایتی طرزِ عمل اپناتے ہوئے سوشل میڈیا پر ایک مبہم بیان جاری کیا، جس میں صرف یہ کہا گیا کہ پونے کا رن وے عارضی طور پر دستیاب نہیں رہا۔ حیران کن طور پر اس بیان میں طیارے کی نوعیت، حادثے کی وجوہات یا تکنیکی خرابی کے بارے میں کوئی واضح معلومات فراہم نہیں کی گئیں ۔حکام کا دعویٰ ہے کہ طیارے میں موجود عملہ محفوظ رہا اور کسی شہری نقصان کی اطلاع نہیں جو محض توجہ ہٹانے کی کوشش ہے۔ حساس حادثات میں مکمل خاموشی یا ادھوری معلومات دینا اس بات کی نشاندہی کرتا ہے کہ اصل حقائق کو جان بوجھ کر چھپایا جا رہا ہے۔