خیبر پختونخوا کے ضلع مانسہرہ میں 110 سالہ بزرگ شخص نے چوتھی بار 55 سالہ خاتون سے شادی کرلی۔مقامی میڈیا کے مطابق 110 سالہ بابا عبد الحنان سواتی مانسہرہ کے گراتھلی جیوری کے رہائشی ہیں جنہوں نے 55 سالہ دلدار بی بی سے چوتھی مرتبہ نکاح کیا ہے۔عبدالحنان کے سب سے بڑے بیٹے کی عمر 70 سال ہے جب کہ عبدالحنان کے خاندان میں مجموعی طور پر 84 افراد شامل ہیں، عبد الحنان کے نکاح کی تقریب مقامی مسجد میں ہوئی جس میں حق مہر 5 ہزار روپے طے پایا، عبد الحنان کی شادی اور ولیمے میں بچوں اوررشتہ داروں نے بھرپور شرکت کی۔سوشل میڈیا پر عبد الحنان اور دلدار بی بی کے نکاح کی ویڈیو بھی سامنے آئی ہے جس میں انہیں کافی خوش دیکھا جا سکتا ہے،واضح رہے کہ چند روز قبل مانسہرہ میں ہی 95 سالہ بزرگ محمد زکریا نے بچوں کی رضامندی سے دوسری شادی کر لی تھی۔
Category: ایبٹ آباد
-
ابیٹ آباد خاتون کے ساتھ ناروا سلوک کرنے والا شوہر گرفتار
ا بیٹ آباد کے علاقے دیسال میں خاتون کے ساتھ غیر انسانی سلوک کےمقدمہ میں مزید پیشرفت، پولیس کے مطابق تھانہ بگنوتر پولیس نے خاتون کے شوہراوردیور کو بھی گرفتا کر لیا ہے جس کے بعد مقدمہ میں درج چاروں ملزمان پولیس کے ہاتھ لگ گئے۔
پولیس کے مطابق 32 سالہ خاتون کو اس کے سسرال والے چند ماہ سے بکریوں کے باڑے میں بند کرنے کے ساتھ ساتھ، اسے تشدد کا نشانہ بناتے رہے ہیں جبکہ خاتون کو مسلسل غیر معیاری کھانا دینے سے خاتون کی حالت انتہائی لاغر ہو چکی تھی۔ خاتون کی درخواست پر ضلعی پولیس سربراہ ایبٹ آباد عمر طفیل نے واقعے کا فوری نوٹس لیا اور بگنوتر پولیس کو ملزمان کی گرفتاری کی ہدایات جاری کیں جس پر ڈی ایس پی گلیات سراج خان کی نگرانی میں ایس ایچ او بگنوتر زبیر شاہ نے بروقت کارروائی عمل میں لاتے ہوئے واقعے میں ملوث خاتون کی ساس یاسمین بی بی اور دیور فہمید کو فوری گرفتار کر لیا تھا جبکہ مقدمہ میں مطلوب ملزمان خاتون کے شوہر حمید اور دیور شانی کو بھی گرفتار کر لیا گیا۔ پولیس نے ملزمان کیخلاف تھانہ بگنوتر میں مقدمہ درج کر دیا گیا ہے۔ -
ایبٹ آباد میں سسرالیوں کے ہاتھوں خاتون کے ساتھ ناروا سلوک
خیبر پختونخوا کے ضلع ابیٹ آباد میں مویشیوں کے ساتھ ایک باڑے میں رکھنے والی ثوبیہ نامی خاتون کو پولیس نے بازیاب کر لیا۔ ثوبیہ بی بی کے اہل خانہ کے لوگ دیسال، درمڑھیا گاوں میں ایک شادی پر بطور مہمان گئے تھے جہاں دیسال کے کچھ باسیوں نے ثوبیہ کے والد اور بھائی کو بتایا کہ کہ ثوبیہ کو اپنے شوہر حمید، دیوروں سعید اور شافی اور اپنی ساس یاسمین نے بکریوں کے ایک باڑے میں رکھا ہوا ہے اور روزانہ کی بنیاد پر ساس یاسمین ان پر تشدد بھی کرتی رہتی ہے۔
جسکے بعد بھائی اور والد دیسال کے چند رہائشیوں کو ساتھ لیکر حمید کے گھر چلے گئے اسی موقع ہی پر تھانہ بگنوتر پولیس کو بھی مطلع کیا گیا۔ ثوبیہ بی بی کو بکریوں کے باڑے میں باندھے ہوئے پایا گیا ،پولیس کے مطابق ثوبیہ کے جسم پر زخم و تشدد کے نشانات بھی ہے اور ثوبیہ کی حالت بھی تشویش ناک ہے،۔
تھانہ بگنوتر پولیس کے مطابق اطلاع ملتے ہی انہوں نے حمید کے گھر پر چھاپہ مارا۔ ثوبیہ کو بحفاظت بازیاب کر کے انکو علاج کیلئے ہسپتال منتقل کر دیا گیا جہاں سب سے پہلے انکا میڈیکل چیک اپ کرایا گیا۔ ثوبیہ کو 3 سے 4 ماہ تک بکریوں کے ایک باڑے میں رکھا گیا تھا۔ پولیس نے کارروائی کے دوران ثوبیہ کی ساس اور ایک دیور کو گرفتار کر دیا ہے جبکہ ابیٹ آباد کی پولیس جلد ہی حمید کو بھی گرفتار کرکے قانون کے کٹہرے میں لائیں گے۔ انہوں نے کہا کہ ثوبیہ کو انصاف دلایا جائے گا۔ -
کے پی کے خالی نشستوں پر ضمنی بلدیاتی انتخابات کے لئے کاغذات نامزدگی کی فہرست جاری کردی گئ،
الیکشن کمیشن کے مطابق چئیرمین تحصیل کونسل حویلیاں، ایبٹ ٓباد اور تحصیل کونسل متھرا، پشاور کی خالی نشستوں پر ضمنی بلدیاتی انتخابات کے لئے کاغذات نامزدگی جمع کرانیوالے امیدواروں کی فہرست جاری کردی گئ،
الیکشن کمیشن کے مطابق پشاور متھرا تحصیل چئیرمین کی نشست کے لئے 15 اور حویلیاں کی چئیرمین کی نشست کے لئے 10 امیدواروں نے کاغذات جمع کرائے۔
کاغذات نامزدگیوں کی جانچ پڑتال 14جولائی سے 16جولائی 2023 کو ہوگی۔کاغذات کی منظوری اور مسترد ہونے کے خلاف اپیلیں 17جولائی سے 18جولائی 2023 تک داخل کی جاسکیں گی۔ ان اپیلوں پر فیصلہ 20جولائی 2023 تک کیا جائیگا
الیکشن کمیشن نے کہا کہ امیدواروں کی نظرثانی شدہ فہرست 21جولائی 2023کو جاری کی جائیگی، اور امیدوار اپنے کاغذات نامزدگی 22جولائی 2023 تک واپس لے سکیں گے۔ اسکے علاوہ 23جولائی 2023 کو امیدواروں کی حتمی فہرست جاری کرکے ان کو انتخابی نشانات الاٹ کئے جائیں گے۔
جبکہ پولنگ 6 اگست کو ہوگی۔ جسکے بعد 8اگست 2023 کو ریٹرننگ افسران کی جانب سے ختمی نتیجے کا اعلان کیا جائے الیکشن کمیشن آف پاکستان کی جانب سے جاری ضابطہ اخلاق کے مطابق ان اضلاع میں سرکاری ملازمین کی ترقیوں اور تبادلوں پر پابندی عائدکی گئی ہے۔
وزیراعظم، سپیکر/ڈپٹی سپیکر قومی و صوبائی اسمبلی، وفاقی اور صوبائی وزراء سمیت عوامی نمائیندوں کا ان کونسلوں میں انتخابات تک جانے اور وہاں ترقیاتی منصوبوں کے اعلانات پر پابندی ہوگی۔ -
عید الاضحی کے موقع پرنگران وزیر اعلیٰ محمد اعظم خان کا پیغام
نگران وزیر اعلی اعظم خان خیبر پختونخوا نے عید کے موقعے پر پورے پاکستانی قوم خصوصا خیبر پختونخوا کے عوام کو عیدالاضحی کی مبارک باد دی ہے،انہوں نے کہا کہ عید الاضحی عالم اسلام کے لئے خوشی کا سب سے بڑا تہوار ہے، عید الاضحی ہمیں ایثار ، قربانی، اتفاق اور ایک دوسرے کے لئے جینے کا احساس دلاتا ہے، وزیر اعلی خیبر پختونخوا نے کہا کہ اس دن سنت ابراہیمی کی ادائیگی ہمیں اللہ تعالی کی رضا اور دوسروں کے دکھ درد کو بانٹنے کے لئے اپنا سب کچھ قربان کرنے کا درس دیتی ہے، ًمعاشرے کے صاحب ثروت لوگ عیدکے اس پر مسرت موقع پر اپنے ارد گرد نادار اور مستحق لوگوں کو اپنی خوشیوں میں شریک کریں، محمد اعظم خان نے کہا کہ دوسروں کو اپنی خوشیوں میں شریک کرنا اس عظیم اسلامی تہوار کی اصل روح ہے، اور عیدالاضحی کا یہ اہم دن ہمیں اللہ تعالی کی رضا اور خوشنودی حاصل کرنے کے ساتھ ساتھ اتحاد، اتفاق ، یگانگت، امن اور بھائی چارے کا درس دیتا ہے، وزیر اعلی خیبر پختونخوا نے عوام سے اپیل کرتے ہوئے کہا کہ سنت ابراہیمی کی ادائیگی کے بعد صفائی ستھرائی کا خاص خیال رکھیں اور اس سلسلے میں صفائی عملے کے ساتھ بھر پور تعاون کریں،انہوں نے ملکی سرحدوں کی حفاظت پر مامور سیکیورٹی فورسز کے جوانوں کوبھی عید کی خصوصی مبارکباد دی،
-
سوات:مقامی کوہ پیماؤں نےعالمی ریکارڈ قائم کردیا
سوات :مقامی کوہ پیماؤں نے 11 ہزار فٹ کی بلندی پر فٹ بال کھیل کر عالمی ریکارڈ قائم کردیا۔اطلاعات کے مطبق سوات کی بلند ترین چوٹی پرکوہ پیما محمد رحیم نے 11 ہزار فٹ کی بلندی پر فٹ بال کا میدان سجاکر مثال قائم کردی۔
برفیلی چوٹی کو 7 گھنٹوں میں سر کرکے ریاست قطر کا ساٹ فٹ لمبا اور دس فٹ چوڑا پرچم بھی لہرایا۔ نوجوانوں نے پاک قطردوستی کا شاہکار بھی پیش کیا اور دونوں ممالک کے پرچم لہرائے۔نوجوانوں نے پاک فوج اور پاکستان نیوی کو فیفاورلڈ کپ میں بہترین انتظامات پر خراج تحسین بھی پیش کیا۔
ادھر آج وزیراعلیٰ پنجاب چودھری پرویز الٰہی سے وزیراعلیٰ آفس میں معروف کوہ پیما ساجد علی سد پارہ نے ملاقات کی۔ وزیراعلیٰ نے ساجد علی سدپارہ کی کوہ پیمائی میں پیشہ ورانہ صلاحیتوں کو سراہا اور ”کے ٹو کلین اپ“ مہم کے لئے 15 لاکھ روپے کی گرانٹ کا اعلان کیا۔ وزیراعلیٰ اس موقع پر گفتگو کرتے ہوئے کہا کہ ساجد علی سدپارہ نے بغیر آکسیجن کے ٹو سر کر کے پاکستان کا نام روشن کیا ہے۔ ساجد علی سدپارہ جیسے باہمت نوجوان قوم کا اثاثہ ہیں۔ کوہ پیمائی بلند ہمت نوجوانوں کاکھیل ہے اور میں آپ کی مزید کامیابیوں کے لئے دعا گو ہوں۔
وزیراعلیٰ چودھری پرویز الٰہی نے کہا کہ ماحولیاتی تبدیلیوں سے پہاڑ بھی متاثر ہو رہے ہیں۔ قدرتی ماحول برقرار رکھنے کے لئے ”کے ٹو کلین اپ“ مہم کو پورا سپورٹ کرتے ہیں۔ ساجد علی سدپارہ نے کہا کہ کوہ پیمائی کے فروغ اور کے ٹو کلین اپ مہم کے لئے وزیراعلیٰ چودھری پرویز الٰہی کا تعاون قابل تحسین ہے۔ ”کے ٹو کلین اپ“ مہم کے تحت کیمپ 4 سے بیس کیمپ تک ویسٹ ختم کیا جائے گا۔ انہوں نے کہا کہ انٹرنیشنل کوہ پیمائی کے فروغ کے لئے کے ٹو کی صفائی کی مہم شروع کر رہے ہیں۔ مقامی اور انٹرنیشنل کوہ پیماؤں کے ساتھ مل کر کے ٹو کو کلین کیا جائے گا۔
24 سالہ کوہ پیما ساجد علی سدپارہ دو مرتبہ آکسیجن کے بغیر کے ٹو سر کر چکے ہیں اور نیپال میں مناسلو چوٹی سرکرنے والے پہلے پاکستانی ہیں۔ ساجد علی سد پارہ گشہبرون چوٹی ساڑھے تین دن میں سر کرنے کا اعزاز رکھتے ہیں۔ کوہ پیما سا جد علی سد پارہ نے کے ٹو کو کلین مہم کیلئے گرانٹ کے اعلان پر وزیراعلیٰ چودھری پرویز الٰہی کا شکریہ ادا کیا۔ سابق پرنسپل سیکرٹری وزیراعلیٰ جی ایم سکندر اور کوہ پیما محمد علی بھی اس موقع پر موجود تھے
کیا علی سدپارہ واقعی زندہ ہیں؟ ریسکیوٹیم نے ہار کیوں نہیںمانی ؟تہلکہ خیز انکشافات
محمد علی سدپارہ سے کہاں غلطی ہوئی؟ تاریخی سرچ آپریشن میں کیا چل رہا ہے؟ اہم معلومات
-
ایبٹ آباد ہاکی گراؤنڈ میں خامیوں کی نشاندہی:ذمہ دار کون:حقائق سامنے آگئے
ایبٹ آباد:ایبٹ آباد ہاکی سٹیڈیم میں ساڑھے گیارہ کروڑ روپے کی لاگت سے بچھائی جانے والی آسٹروٹرف اور دیگر کاموں میں ناقص میٹیریل کےاستعمال اور بے پناہ نقائص کی نشاندہی ہوئی پے اور ہاکی کے کھلاڑی اور منتظمین سراپا احتجاج نظر آرہے ہیں انہوں نے سپیکر صوبائی اسمبلی مشتاق احمد غنی سے متعلقہ ٹھیکیدار اور ذمہ داران کے خلاف سخت کاروائی کا مطالبہ کیا ہے ایبٹ آباد میں ریجنل اور ڈسٹرکٹ سپورٹس حکام اور انکے دفاتر کی ناک کے نیچے سرانجام پانے والے ایبٹ آباد ہاکی سٹیڈیم کے تعمیراتی کام میں ٹرف کے حوالے سے پائی جانے والی خامیوں کی کثیر تعداد میں نشاندہی سامنے آئی پے
فیصل آباد ڈویژن میں سپورٹس کے ترقیاتی منصوبوں کی رفتار کو تیز کیا جائے،احسان بھٹہ
بتایا جارہا ہے کہ حیران کن طور پر ٹرف بچھانے کے عمل کے دوران سلوٹیں نکالنے کے لیے لوہے کی کیلوں کا کثرت سے استعمال سامنے آیا ہے اور خصوصا گراونڈ پویلین کے پاس اس عمل کو زیادہ دہرایا گیا ہے ہاکی منتظمین اور کھلاڑیوں کے بقول یہ امر کسی صورت بھی قابل قبول نہیں ہے جبکہ گراونڈ کی پانی کی نکاسی کا انتظام بھی غیر معیاری ہے اور سابقہ نالوں کے حجم کو مزید کم کرتے ہوئے اس میں غیر معیاری سریے اور میٹیریل کا استعمال کیا گیا ہے اور آسٹروٹرف بچھانے کے دوران متعدد مقامات پر ٹرف کو پیسسز ڈال کر جوڑا گیا ہے جبکہ گراونڈ کے اطراف میں لگائی گئی حفاظتی جالیوں کو سنگل ٹانکوں کی مدد سے جوڑا گیا ہے جس بنا پر ایک دفعہ پہلے بھی سٹیڈیم کے کام کے دوران یہ جالیاں تار تار ہو کر گزرگاہ کا کام دیتی رہی ہیں لیکن اس کام کے دوران دوبارہ مرمت میں بھی جالیوں کو کلپوں کے ذریعے مضبوط جوڑ دینے کی بجائے صرف ایک ایک ٹانکے تک محدود رکھا گیا جس بنا پر ان کا کام مکمل ہونے کے باوجود بھی جالیوں کے ٹانکے اکھڑے نظر آتے ہیں اور انکی کلپنگ کے ذریعے مضبوط مرمت نہ کی گئی تو چند دنوں میں یہ دوبارہ گزرگاہ کا منظر پیش کرتا دکھائی دے گا
ملتان اسٹیڈیم میں بابراعظم کیخلاف نامناسب نعروں پر سوشل میڈیا صارفین برہم
اس طرح گراونڈ میں لگائی جانے والی ٹائلیں بھی ناقص کام کی وجہ سے اکثر مقامات پر اپنی جگہ چھوڑ چکی ہیں جس سے کام کا اندازہ لگایا جاسکتا ہے اسکے علاوہ گراونڈ کو پانی کی سپلائی پہنچانے کے لیے بنائی گئی ٹینکی جسکی گہرائی تقریبا 14 فٹ لے قریب ہے لیکن اس میں سے پانی کے سپلائی کے پائپ کو صرف سات فٹ کے قریب رکھا گیا ہے جس سے کھیل کے دوران گراونڈ کو پانی کی مکمل سپلائی قطعا ممکن نہیں
دوسرا ٹیسٹ؛355 رنز کے تعاقب میں پاکستان کے4 وکٹوں کے نقصان پر 190 رنز
اس لیے اس کی گہرائی کم از کم 12 فٹ ہونے کی صورت میں ہی گراونڈ کو مکمل پانی مل سکتا پے علاوہ گراونڈ میں لگائی گئی فلڈ لائٹس جو صرف 14 اگست کو چند گھنٹوں کے لیے آن ہوئی تھیں پہلے دن ہی ان میں سے بیشتر لائٹس آف ہو چکی ہیں جنکی تاحال تبدیلی یا مرمت نہیں ہوئی اسکے ساتھ ساتھ ماضی قریب میں بھی سابقہ ٹرف برسات کی بارش کے باعث برساتی نالے کا شکار ہونے کی وجہ سے اپنا وجود برقرار نہیں رکھ سکی تھی اب بھی وہ خطرات پہلے سے زیادہ موجود ہیں اور سٹیڈیم کے مرکزی گیٹ کے باہر قریب موجود عدالت کی بلڈنگ سے روزمرہ کے نکاسی کے پانی سے ڈی سی آفس اور سٹیڈیم کے گیٹ کے پاس پانی کا ایک جوہڑ بنا دکھائی دیتا ہے جسکا آج تک کوئی قابل عمل حل نہیں نکالا جاسکا اور یہ سلسلہ اسی طرح جاری رہا تو شدید بارشوں کی صورت میں اس ٹرف کو بھی جس پر کروڑوں کی لاگت آئی ہے کو تباہی سے کوئی نہیں روک سکتا اس جانب ابھی تک کسی کی کوئی توجہ مرکوز نہیں ایبٹ آباد کی کھیلوں کی مختلف تنظیموں اور ہاکی کے عہدیداروں آرگنائزر اور کھلاڑیوں نے وزیراعلی اور سپیکر صوبائی اسمبلی مشتاق احمد غنی اور ڈی جی سپورٹس کے پی سے مطالبہ کیا ہے کہ ایبٹ آباد ہاکی سٹیڈیم کے کاموں میں پائی جانے والی بے قاعدگیوں اور ناقص تعمیر اور کام کا فوری نوٹس لیتے ہوئے تمام خامیوں کو دور کرنے اور ذمہ داران کے خلاف کاروائی کے احکامات صادر کیے جائیں۔۔۔
-
ایبٹ آباد:پولیس کی پھرتیاں:پیٹی بھائی کوبچانےکےلیےشریف شہری کوجیل بھیج دیا
ایبٹ آباد :ایبٹ آبادپولیس کی پھرتیاں:پیٹی بھائی کوبچانے کےلیےشریف شہری کوجیل بھیج دیا،اطلاعات کےمطابق ایبٹ آباد میں پولیس نے اپنے ایک افسرا کے خلاف ہونے والی انکوائری کا بڑے عجیب انداز میں بدلہ لیا ہے ،
باغی ٹی وی کو ملنے والی اطلاعات میں بتایا گیا ہے کہ عمرفیاض نامی ایک نوجوان نے ڈی پی اوایبٹ آباد اور آئی جی کے پی کودرخواست ارسال کی ہے جس میں اپنے ساتھ ہونے والے واقعہ کی حقیقت آشکار کی ہے ، عمرفیاض نے اپنی گزارشات میں کہا ہے کہ وہ حویلیاں ٹوٹل پٹرول پمپ پرکھڑا تھاکہ ایک پولیس والے نے ایک عورت کو ساتھ لیا اورمیری گاڑی میں بیٹھ گیا
اس درخواست میں یہ بھی کہا گیا ہے کہ اس کے بعد اس پولیس والے نے جو کہ شراب کے نشے میں لت پت تھا مجھ سے کرایہ پوچھا تو میں نے عرض کیا کہ مجھے کرائے کا نہیں پتہ ،میں کبھی کرائے پر گاڑی لے کرنہیں گیا ،جس پرپولیس والے نے مجھے گالیاں دیں اور دھمکیاں بھی دیں ، اس موقع پر اس پولیس اہلکار جس کا نام آفتاب تنولی ہے نے جواپنے ساتھ گاڑی میں عورت بٹھائی تھی اس نے مجھے بڑے دھمکی آمیز انداز میں کہا یہ پولیس والا ہے ، جس طرح کہتا ہے اس کی بات مان لیں
یہ بھی معلوم ہوا ہے کہ عمرفیاض نے درخواست میں کہا ہے کہ اس کے بعد مجھے اس پولیس اہلکار نے دھمکیاں دیں ، اس موقع پر وہاں موجود کچھ لوگوں کا کہنا تھاکہ یہ پولیس اہلکار ایک گندے کردار کا مالک ہے
یاد رہے کہ اس درخواست کے خلاف پولیس اہلکاروں نے اپنے ساتھی کا دفاع کرنے اور اس کوبچانے کے لیے سائل کو موقع پاکرپریشان کرنے کی کوشش کی اور ،عمر فیاض کسی مریض کے علاج معالجے کے سلسلے میں ہسپتال پہنچے تو آفتاب تنولی کے ساتھیوں نے موقع پا کر عمرفیاض کی گاڑی لے گئے اورپھر اس پرایف آئی آر کاٹ کراسے جیل بھیج دیا ہے
اس موقع پر یہ بھی یاد رہے کہ دو دن گزرگئے ہیں ، ابھی تک پولیس حکام نے اس شریف شہری کی درخواست کی پرواہ نہیں کی اور یہ سائل جس کا نام عمرفیاض ہے ابھی جیل میں ہے ، حالانکہ اس کے خلاف کوئی اسی شکایت نہیں کہ اس سے پولیس اس قسم کا رویہ روا رکھے
دوسری طرف ایبٹ آباد کےشہریوں کا کہنا ہے کہ اگریہ حال رہا ہے کہ ڈی پی او اور آئی جی کے پی نے ابھی تک اس شہری کے ساتھ ہونے والی زیادتی کا نوٹس نہیں لیا تو پھرعوام الناس کا اللہ ہی حافظ ہے ، یہ پولیس اہلکار اس طرح لوگوں کو رسوا کرتے رہیں گے اورشہری اپنی بے بسی بیان کرتے رہ جائیں گے پھر معاشرے میں انصاف نام کی کوئی چیز نہیں رہے گی
وزیراعظم شہباز شریف سے چیئرمین جوائنٹ چیفس آف اسٹاف کمیٹی جنرل ندیم رضا کی الوداعی ملاقات
صدر مملکت ڈاکٹر عارف علوی نے آرمی چیف کی تعیناتی پر دستخط کر دئیے
-
وفاقی وزیر اعظم نذیر تارڑ نے استعفی دے دیا
اسلام آباد: وفاقی وزیر اعظم نذیر تارڑ نے استعفی دے دیا-
باغی ٹی وی : وفاقی وزیر قانون نذیر تارڑ نے استعفی دے دیا انہوں نے ذاتی وجوہات کی بنا پر استعفیٰ دیا وفاقی وزیرقانون اعظم نذیر تارڑ نے اپنا استعفی صدر مملکت کو بھجوا دیا ہے۔صدر مملکت ڈاکٹر عارف علوی کے نام لکھے گئے خط میں اعظم نذیر تارڑ نے کہا کہ بعض ذاتی وجوہات کی بنا پر وہ بطور وزیر مزید کام نہیں کر سکتے۔
عمران خان کی چوری ثابت ہوگئی، لانگ مارچ آسان کام نہیں ہے. وفاقی وزیرمیاں جاوید…
انہوں نے لکھا کہ میں آئین کے آرٹیکل 92 کے تحت بطور وفاقی وزیر اپنے عہدے سے مستعفی ہو رہا ہوں-واضح رہے کہ اعظم نذیر تارڑ نے ایک ایسے وقت میں استعفی دیا جب پاکستان کے وزیراعظم سعودی عرب کے دو روزہ دورے پر گئے ہوئے ہیں استعفی کی وجوہات معلوم نہیں ہو سکی تا ہم اعظم نذیر تارڑ نے ذاتی مصروفیات کا کہا ہے-
وزیر اعظم محمد شہباز شریف سعودی عرب کے دورے پر ریاض پہنچ گئے
-
عمران خان اور وزیراعلیٰ خیبرپختونخوا پر 50، 50 ہزار روپے جرمانہ
پشاور:پاکستان تحریک انصاف کے پشاور جلسے میں سرکاری وسائل کا استعمال اور ضابطہ اخلاق کی خلاف ورزی ثابت ہوگئی، الیکشن کمیشن نے پی ٹی آئی چیئرمین عمران خان اور وزیراعلیٰ خیبرپختونخوا محمود خان پر 50، 50 ہزار روپے جرمانہ عائد کردیا۔
پی ٹی آئی کے پشاور جلسے میں ضابطہ اخلاق کی خلاف ورزی پر الیکشن کمیشن آف پاکستان (ای سی پی) نے چیئرمین پاکستان تحریک انصاف (پی ٹی آئی) عمران خان، وزیراعلیٰ خیبر پختونخوا محمود خان 10 صوبائی وزراء اور مشیروں پر بھی 50، 50 ہزار روپے جرمانہ عائد کیا ہے۔
رپورٹ کے مطابق این اے 31 پشاور میں ہونیوالے پی ٹی آئی جلسے میں سرکاری وسائل کے استعمال پر ضابطہ اخلاق کی خلاف ورزی سامنے آئی تھی۔
خلاف ورزی ثابت ہونے پر الیکشن کمیشن آف پاکستان نے پی ٹی آئی چیئرمین سمیت دیگر رہنماؤں پر جرمانہ عائد کیا۔وکلاء کے دلائل مکمل ہونے پر الیکشن کمیشن آف پاکستان نے آج (جمعرات کو) فیصلہ محفوظ کیا تھا۔
الیکشن کمیشن آف پاکستان نے اپنے فیصلے میں عمران خان، محمود خان سمیت تمام افراد کو جرمانے کی رقم 18 ستمبر تک جمع کرانے کی ہدایت کی ہے۔