Category: بلوچستان

جھل مگسی میں جیپ ریلی کے دوران افسوس ناک واقع پیش آیا ، ریسر گاڑی کی ٹکر سے سات سالہ بچہ جاں بحق ہوگیا۔ سات سالہ گل حسن ولد سبزل مجیدانی ٹریک پر موجود تھا کہ اس دوران تیز رفتار بے قابو گاڑی نے اسے ٹکر ماری۔بچے کو فوری اسپتال منتقل کیا گیا، تاہم وہ جانبر نہ ہوسکا۔

دوسری جانب فیصل شادی خیل نے جھل مگسی جیپ ریلی میں میدان مار لیا۔ فیصل نے جیپ ریلی اے پری پیڈ کٹیگری میں پہلی پوزیشن حاصل کی۔فیصل شادی خیل نے ایک گھنٹہ 21 منٹ 14 سیکنڈ میں 135 کلومیٹرز کا فاصلہ طے کیا۔دوسری پوزیشن نوابزادہ جعفرخان مگسی نے حاصل کی، جنہوں نے ایک گھنٹہ 21 منٹ 31 سیکنڈ میں 135 کلومیٹرز کا فاصلہ طے کیا۔نادر خان مگسی نے تیسری پوزیشن حاصل کی اور ایک گھنٹہ 22 منٹ 11 سیکنڈ میں 135 کلومیٹرز کا فاصلہ طے کیا۔

نوابزادہ جمال رئیسانی اور عمیر محمد حسنی پاکستان پیپلز پارٹی کے ٹکٹ پر آئندہ عام انتخابات میں حصہ لینے کے لئے اپنی اپنی وزراتوں سے استعفیٰ دے دیا۔بلوچستان کے نگراں صوبائی وزیر کھیل و ثقافت نوابزادہ جمال رئیسانی اور عمیر محمد حسنی نگراں مشیر معدنیات تھے،نگراں صوبائی وزیر نوابزادہ جمال رئیسانی نے بتایا کہ انہوں نے بطور نگراں وزیر کھیل و ثقافت کے عہدے سے استعفیٰ دے دیا ہے۔نگراں وزیر اعلیٰ بلوچستان علی مردان ڈومکی نے ان کا استعفیٰ قبول کرلیا۔ نوابزادہ جمال رئیسانی آئندہ عام انتخابات میں حصہ لیں گے۔ذرائع کے مطابق بلوچستان کے نگراں مشیر معدنیات عمیر محمد حسنی نے بھی اپنے عہدے سے استعفیٰ دے دیا ہے، ان کا استعفیٰ بھی نگراں وزیر اعلی علی مردان ڈومکی نے قبول کرلیا۔
نوابزادہ جمال رئیسانی اور عمیر محمد حسنی پاکستان پیپلز پارٹی آئندہ عام انتخابات میں حصہ لیں گے۔

سلطان ابراہیم خان روڈ پر دھماکا ہوا ، جس کی زد میں آکر ایس ایچ او سی ٹی ڈی شہید اور 2 افراد زخمی ہوگئے۔ایس ایچ او سی ٹی ڈی کی گاڑی کو نشانہ بنایا گیا۔ جس کے نتیجہ میں ایس ایچ اومحمد مراد شہید ہوگئے۔پولیس حکام کے مطابق بلوچستان کے ضلع خضدار کے علاقے سلطان ابراہیم خان روڈ پر دھماکا ہوا، جس میں ایس ایچ او سی ٹی ڈی شہید،اور 2 راہگیر زخمی ہوگئے۔پولیس حکام کے مطابق واقعے کی اطلاع ملتے ہی پولیس اور ریسکیو کی ٹیمیں وقوعہ پر پہنچ گئیں اور لاش اور زخمیوں کو اسپتال منتقل کردیا۔ جب کہ علاقے کو گھیرے میں لے کر سرچ آپریشن شروع کردیا گیا ہے۔

بلوچستان کے ضلع خضدار میں زلزلےکے جھٹکے محسوس کیےگئے، زلزلےکی شدت 5.5 اور گہرائی 60 کلومیٹر زیر زمین تھی۔زلزلہ پیما مرکز کے مطابق ضلع خضدار کے علاقے گڑھی جو میں پیر کی شام پانچ بج کر 19 منٹ پر زلزلےکے جھٹکے محسوس کیےگئے۔زلزلےکی شدت 5.5 اور گہرائی 60 کلومیٹر تھی، جب کہ زلزلےکا مرکز خضدار سے 160 کلومیٹر جنوب مغرب میں تھا۔ضلعی انتظامیہ کے مطابق زلزلے سے خضدار کے علاقے گڑھی جو کےکچے مکانات اور زمین میں دراڑ یں پڑگئیں، خضدار کی تحصیل وڈھ کے گاؤں باڑی میں زلزلے سے متعدد کچے مکانات گرگئے۔
ضلعی انتظامیہ کا کہنا ہےکہ زلزلے سےکسی قسم کے جانی نقصانات کی اطلاع نہیں ملی۔دوسری جانب چیف میٹرولوجسٹ سردار سرفراز نے خبردار کیا ہے کہ مکران کے جنوب میں 50 کلومیٹر دور زیرسمندر ٹیکٹونک پلیٹس جنکشن سے اطراف کے علاقوں میں زلزلہ اور سونامی کسی بھی وقت آسکتا ہے۔چیف میٹرولوجسٹ سردار سرفراز جانب سے بیان میں کہا گیا ہے کہ بحیرہ عرب میں زلزلے کے ممکنہ خطرات موجود ہیں تاہم ممکنہ خطرات کے پیش نظر زلزلے کی حتمی پیشگوئی ممکن نہیں۔ چیف میٹرولوجسٹ کا کہنا تھا کہ ماضی میں بھی اس علاقے میں 8 شدت کازلزلہ آچکا ہے، ایسا زلزلہ دوبارہ آنے پر کراچی بھی سونامی سے متاثر ہوسکتا ہے۔
1

چمن میں پشتون تحفظ مومنٹ (پی ٹی ایم) کے سربراہ منظور پشتین کو گرفتار کرلیا گیا۔ ڈپٹی کمشنر کا کہنا ہے کہ پولیس، لیویز اور ایف سی باب چمن کے قریب معمول کی چیکنگ کر رہے تھے، منظور پشتین کے ساتھ مسلح افراد نے گاڑی روکنے کے بجائے اہلکاروں پر چڑھائی اور فائرنگ کی۔ ڈی سی کے مطابق اہلکاروں نے جوابی کارروائی میں منظور پشتین کی گاڑی کے ٹائر پر فائرنگ کی، منظور پشتین اور ان کے ہمراہ مسلح افراد گاڑیاں بھگا کر فرار ہوئے۔ڈپٹی کمشنر کا کہنا ہے کہ سرچ آپریشن کے بعد ایک گودام سے منظور پشتین کو گرفتار کیا گیا، فائرنگ کے واقعے کا مقدمہ منظور پشتین کے خلاف درج کر لیا گیا۔
دوسری طرف ترجمان پی ٹی ایم کا کہنا ہے کہ منظور پشتین نے آل پارٹیز تاجر محنت کش دھرنے سے آج خطاب کیا، دھرنے سے کوئٹہ جاتے ہوئے اہلکاروں نے منظور پشتین کی گاڑی پر چمن پریس کلب کے قریب فائرنگ کی، گاڑی پر 8 گولیاں لگیں، ایک خاتون زخمی ہوگئی جو کہ اسپتال میں زیر علاج ہے۔پی ٹی ایم کا کہنا ہے کہ منظور پشتین ساتھیوں کو لے کر واپس چمن شہر آئے اور خود کو گرفتاری کے لیے پیش کیا۔

حکومت ملی تو بلوچستان کے دور افتادہ علاقوں میں بجلی کے مسائل کو حل کریں گے، بجلی کے مسائل کے حل کے لیے قابل تجدید توانائی ذرائع کی طرف جانا ہوگا،کوئٹہ میں لوکل کونسل ایسوسی ایشن آف بلوچستان کے سالانہ جنرل اجلاس سے خطاب کرتے ہوئے سابق وزیر خارجہ بلاول بھٹو زرداری نے کہا کہ اگر ہم مل کر کام کریں گے تو عوام کے مسائل حل کرسکتے ہیں، موسمیاتی تبدیلی کی وجہ سے پاکستان کو نقصان ہورہا ہے، موسمیاتی تبدیلی ایک بہت بڑا چیلنج ہے۔ ہم نفرت، تقسیم اور انا کی سیاست ختم کر کے آگے بڑھیں گے، انشاءاللہ پیپلز پارٹی کی حکومت بنے گی، ہم سب سے پہلے بلوچستان کے عوام کو انکا حق دلوائیں گے۔ ان کا مزید کہنا تھا کہ وقت آگیا کہ ہم پاکستان کے مستقبل کے فیصلے عوام کو کرنے دیں، عوام فیصلہ کرلیتے ہیں تو دنیا میں کوئی بھی راستہ نہیں روک سکتا۔

لائیو: چیئرمین پاکستان پیپلز پارٹی بلاول بھٹو زرداری کوئٹہ میں لوکل کونسل ایسوسی ایشن آف بلوچستان کے سالانہ جنرل اجلاس میں بلوچستان کے تمام اضلاع کی ڈسٹرکٹ کونسلز، میونسپل کارپوریشنز اور میونسپل کمیٹیز کے چیئرمین اور میئرز سے خطاب کررہے ہیں۔ https://t.co/su1QR1YHHo

— Pakistan Peoples Party – PPP (@PPP_Org) December 1, 2023

پی پی چیئرمین نے کہا کہ کچھ لوگ سمجھتے ہیں عوام کے لیے فیصلہ کرلیا ہے، 70 سال سے چلنے والے نظام نے کیا شہریوں کو انصاف دلایا؟، اسلام آباد کے بابوؤں کی سوچ اور ذہنیت آج تک وہی ہے۔بلاول بھٹو نے مزید کہا کہ موسمیاتی تبدیلی سے سندھ اور بلوچستان کو شدید نقصان اٹھانا پڑا، موسمیاتی تبدیلی کے چیلنج سے نمٹنے کے لیے مستقبل کی منصوبہ بندی اشد ضروری ہے، موسمیاتی تبدیلی کے چیلنجز سے نمٹنے کے لیے دنیا کے ساتھ مل کر کام کرنا ہوگا۔ چیئرمین پیپلز پارٹی کا کہنا تھا کہ آپ لوگ گراس روٹ کے مسائل جانتے ہیں، آپ کے پاس لوکل ایشوز کی نشاندہی کی صلاحیت ہے، صوبے کا بجٹ کیا ہونا چاہیئے لوکل باڈی نمائندگان سے بھی پوچھنا چاہیئے۔ بلاول بھٹو نے کہا کہ بلوچستان کے پاس معدنیات اور وسائل ہیں، اتنے وسائل پورے پاکستان میں نہیں جتنے بلوچستان میں ہیں، سی پیک کی بنیاد صدر آصف زرداری نے رکھی تھی، میں جانتا ہوں آصف زرداری کے ارادے اور سوچ کیا تھی۔ چیئرمین پی پی نے کہا ہے کہ وہ سیاستدان جنہوں نے ہمارا خون سستا کردیا انکو دوبارہ موقع نہ دیں، پاکستان کے مستقبل کے فیصلے عوام کو کرنے دیں، میں یہ بھی جانتا ہوں جب نوجوان فیصلہ کر لیتے ہیں تو دنیا کی کوئی طاقت اسکو رد نہیں کرسکتی، میری درخواست ہے ان سب کو 8 فروری کو سرپرائز دیں، آپ اپنے ووٹ کا اختیار استعمال کریں، بڑی تعداد میں نکلیں، اس ملک کی قسمت 2 لوگوں کے حوالے نہ کریں۔

پاکستان پیپلزپارٹی پارلیمنٹرینز کے صدر آصف علی زرداری کی جناح ٹاؤن میں ملک شاہ ہاؤس گئے ہیں، جہاں پاکستان پیپلزپارٹی پارلیمنٹرینز کے صدر آصف علی زرداری سے ملاقات کے بعد بلوچستان حکومت کے سابق وزیر سرفراز ڈومکی پی پی پی میں شامل ہو گئے،

کوئٹہ: پاکستان پیپلزپارٹی پارلیمنٹرینز کے صدر آصف علی زرداری کی جناح ٹاؤن میں ملک شاہ ہاؤس آمد

کوئٹہ: پاکستان پیپلزپارٹی پارلیمنٹرینز کے صدر آصف علی زرداری سے ملاقات کے بعد بلوچستان حکومت کے سابق وزیر سرفراز ڈومکی پی پی پی میں شامل@AAliZardari #PPPFoundationDayBalochistan pic.twitter.com/fwdUd3CPl9

— PPP (@MediaCellPPP) November 30, 2023

سابق صدر مملکت آصف علی زرداری سے ملاقات کے بعد سابق رکن بلوچستان اسمبلی سرفراز ڈومکی کے ہمراہ نصیب اللہ مری، میر حربیار ڈومکی، لیاقت لہڑی، ولی خان اچکزئی،علاؤالدین کاکڑ ودیگر بھی پی پی پی میں شامل ہونے کا اعلان کر دیا ہے، اسکے علاوہ سابق وزیر اعلیٰ بلوچستان میر عبدالقدوس بزنجو نے ساتھیوں سمیت پاکستان پیپلز پارٹی میں شمولیت کا اعلان کر دیا۔سابق وزیر اعلیٰ بلوچستان میر عبدالقدوس بزنجو نے کہا کہ پیپلز پارٹی کے کوئٹہ میں کامیاب جلسہ پر پوری قیادت کو مبارک باد دیتا ہوں، ایوب سٹیڈیم میں تاریخی جلسہ نے ثابت کر دیا کہ بلوچستان کے عوام کی امیدیں پیپلز پارٹی سے وابستہ ہیں۔
عبدالقدوس بزنجو نے کہا کہ پپیلز پارٹی میں ساتھیوں کے ساتھ شامل ہو رہا ہوں، بلوچستان میں پیپلز پارٹی اچھی پوزیشن کے ساتھ میدان میں اتری ہے۔
سابق وزیر اعلیٰ نے کہا کہ میرے ساتھ بلوچستان عوامی پارٹی کے دیگر سابق ارکان پارلیمنٹ میں پی پی پی میں شمولیت اختیار کریں گے۔