Category: بلوچستان

ایبٹ آباد تحریک انصاف کی صوبائی حکومت نے معذور افراد کو بھی نہ بخشا کھبی غریب مکاؤ کھبی ملازمین مکاؤ پالیساں تو کھبی معذوری کے بجائے معذور افراد مکاؤ پالیسی۔ چند ماہ قبل وزیر اعلی کے پی کے کے احکامات کی روشنی میں تمام محکمہ جات نے دو سال سے زائد ایک اسٹیشن پر ڈیوٹی کرنے والے ملازمین کو ٹرانسفر کیا۔

جس میں معذور ملازمین کو بھی نہ بخشا گیا اور ان کو اپنے اضلاع سے میلوں دور اضلاع میں تبدیل کیا گیا معذور افراد پہلے ہی معاشرے میں مشکلات کی زندگی بسر کرتے ہیں۔تحریک انصاف کی صوبائی حکومت عوام کو ریلیف فراہم کرنے کے بجائے ان کی مشکلات بڑھانے پر عمل پیرا ہے پہلے ہی اس حکومت نے معذور افراد کے لئے کوئی اقدامات نہیں کیے مگر جو معذوری کے باوجود نوکری کر کے اپنے خاندان کی کفالت کر رہے تھے

اور لوگوں کے آگے ہاتھ پھیلنے کے بجائے نوکری کر کے اپنے بچوں کا پیٹ پال رہے تھے حکومت کی معذور مکاؤ پالیسی نے ان کی مشکلات میں مزید اضافہ کر دیا اور معذور ملازمین کے لئے روزانہ دوسرے اضلاع میں سینکڑوں میل سفر کرنا مشکل ہی نہیں بلکہ نا ممکن ہے پیر کے روز وزیر اعلیٰ خیبر پختونخوا محمود خان کی زیر صدارت صوبائی کابینہ کے اجلاس کے میں وزیر اعلیٰ خیبر پختونخوا نے دوبارہ وزراءکو ایک ہفتے کے اندر اندر ای۔

ٹرانسفر پالیسی تیار کرنے کی ہدایت کی جس پر معذور ملازمین نے صوبائی حکومت سے مطالبہ کیا ہے کہ خدا را اگر ہماری مشکلات ختم نہیں کر سکتے تو بڑھائیں بھی نہ۔اور ٹرانسفر پالیسی کو تیار کرتے وقت معذور ملازمین کا خیال رکھا جائے اور ان کے لیے ایسی پالیسی بنائی جائے کہ ان کو ضلع بدر نہ کیا جائے اور اپنے ضلع میں ہی نوکری کرنے کی پالیسی بنائی جائے تاکہ وہ اپنے فرائض منصبی احسن طریقے سے جاری رکھ سکیں

وزیراعلی بلوچستان کی گوادر آمد ہوئی۔ وزیراعلیٰ بلوچستان جام کمال خان دو روزہ دورے پر گوادر پہنچ گئے ہیں۔ وزیراعلیٰ بلوچستان کا گوادر پہنچنے پر کمشنر مکران اور دیگر اعلیٰ حکام نے استقبال کیا۔ صوبائی وزیر نور محمد دمڑ، رکن قومی اسمبلی نوابزادہ عامر مگسی، چیف سیکرٹری بلوچستان و دیگر اعلی حکام بھی موجود تھے۔ وزیراعلیٰ نے پاک چائنہ بزنس سینٹر کا دورہ بھی کیا۔ وزیراعلیٰ کو گوادر کی ترقی کے لئے اٹھائے گئے اقدامات اور ماسٹر پلان پر بریفنگ دی جائے گی۔ وزیراعلیٰ بلوچستان مختلف پراجیکٹس کا افتتاح بھی کریں گے۔

پاک چائنہ دوستی کی کی نئی روداد سامنے آگئی ، چائنہ نے بلوچستان کے علاقے حب میں‌پاکستانی کاروباری شخصیت کے ساتھ مل کے الکوحل تیار کرنے والی فیکٹری کا یونٹ لگا لیا ، جسے فنکشنل کر دیا گیا ہے ، چائنہ نے ہنگ چی کے نام سے برینڈ متعارف کروا دیا ، جو تازہ الکوحل والی بئیر تیار کرے گا ، چائنہ نے اس بئیر کو سٹور کرنے والا یونٹ بھی بلوچستان کے علاقے میں‌لگایا ہے ، بئیر سٹور کرنے کیلئے خصوصی ٹینک بنائے گئے ہیں جو شدید درجہ حرارت پر بئیر کو سٹور کرنے کی صلاحیت رکھتے ہیں‌

پاکستانی خاتون شہری نے اپنے واٹس ایپ اسٹیٹس پر بئیر تیار کرنے کی ویڈیو اپلوڈ کردی جس میں حب کے علاقے میں فیکٹری یونٹ دکھایا گیا ہے ، اور الکوحل تیار کرنے کا پورا طریقہ واضح طور پر دکھایا گیا ہے ، خاتون نے بئیر کی سٹوریج اور پیکنگ کا بھی مکمل طریقہ کار دکھایا ہے جس میں چینی اہلکار الکوحل کی تیاری اور پیکنگ میں مصروف نظر آرہے ہیں

پاک چائنہ دستی کی نئی روداد ، چائنہ نے بلوچستان میں الکوحل بناے والی فیکٹری بنا لی #Pakistan #BaaghiTv #CPEC #CPAC2021 @GovtofPakistan @PakPMO @ImranKhanPTI pic.twitter.com/uAJwjLZ7dI

— Baaghi TV باغی ٹی وی (@BaaghiTV) March 30, 2021

چائنہ کا پاکستان میں‌سرمایہ کاری کامقصد واضح ہو گیا ہے ، چائنہ پاکستان کی سر زمین کو استعمال کر کے اپنی اشیاء کو عالمی منڈی میں‌فروخت کرنا چاہتا ہے ، سی پیک پاکستانیوں کو دیا جانے والا انوکھا لالی پاپ ہے ، چائنہ کے سی پیک سے پاکستان کو صرف 5 فیصد تک ہی آمدنی ہو گی باقی سارا منافع چائنہ خود کمائے گا ، لہزا مسلم لیگ ن کے دور حکومت میں عوام کو سی پیک کے نام پر بہت بڑا دھوکہ دیا گیا ہے ، موجودہ حکومت کو چا ہئے کہ چائنہ کو غیر قانونی اقدام سے روکے اور پالیسیوں میں تبدیلی اورنظر ثانی کرے

وزیراعلی بلوچستان جام کمال خان نے صوبائی وزراء کے ہمراہ میاں غنڈی تفریحی پارک اور نیشنل پارک ہزار گنجی کا اچانک دورہ کیا۔ دورے میں صوبائی وزراء سردار عبد الرحمان کھیتران، میر سلیم احمد کھوسہ، میر ضیاء اللہ لانگو اور مشیر حاجی محمد خان لہڑی وزیراعلیٰ کے ہمراہ تھے۔ وزیراعلی نے پارکس میں جاری ترقیاتی کاموں کا جائزہ بھی لیا۔ وزیراعلی کو کمشنر کوئٹہ نے پارکس سے متعلق کاموں کی بریفنگ بھی دی۔ اس موقع پر وزیراعلی بلوچستان کا کہنا تھا کے میاں غنڈی آچھا تفریحی پارک ہے اور یہاں ایک نیا چڑیا گھر بنایا جائے اور پارک میں تفریحی کے لیے آنے والوں کو زیادہ سے زیادہ سہولیات مہیا کی جائیں۔ وزیراعلی نے ہدایت دی کے پارک میں لائٹنگ کے لیے شمسی توانائی پروگرام بھی ترتیب دیا جائے۔ بریفنگ میں وزیراعلیٰ کو بتایا گیا کے نیشنل پارک میں مرمت کا کام مکمل کر دیا گیا ہے۔ جس پر وزیراعلی نے ہدایت کی کہ نیشنل پارک میں ریسٹ ایریاز بھی تعمیر کیے جائیں اور نیشنل پارک میں بنیادی انفراسٹرکچر اور 5گیسٹ ہاؤس بھی تعمیر کریں اور تفریحی مقامات کی ڈویلپمنٹ کے لیے ٹھوس اقدامات کیے جائیں۔ وزیراعلی نے جونیپر ہٹ آبزرویٹری کا بھی معائنہ کیا۔

ترجمان حکومت بلوچستان لیاقت شاہوانی نے کوئٹہ میں میں میڈیا سے بات کرتے ہوئے بتایا کہ پورے دنیا کو اب کورونا کی تیسری لہر کا سامنا ہے۔ گزشتہ سال مارچ میں ہی بلوچستان میں کورونا کا پہلا کیس سامنے آیاتھا, لاک ڈاون سے بہت سے لوگوں کو مشکلات کا سامنا کرنا پڑا۔
اُن کا کہنا تھا کہ لاک ڈاون میں غریب مستحق افراد کی بھر پور مدد کی۔ آج کی تاریخ میں بلوچستان کے شہری ایس او پیز سے واقف ہے۔

سب سے پہلے کورنٹائن سینٹر بلوچستان حکومت نے قائم کیا۔ پنجاب کے بہت سےعلاقوں میں سمارٹ لاک ڈاون لگادیاگیا ہے۔

سندھ میں بھی کوروناکے سخت ایس او پیز جاری کیے گئے۔ افسوس کی بات ہے کہ عوام کی صحت پر سیاست ہورہی ہیں۔

لیاقت شاہوانی مریم نواز کی پریس کانفرنس پر تنقید کرتے ہوئے کہا کہ لاہور میں میڈیا سے جو باتیں کی اس پر افسوس ہوا۔ مریم نواز نے یہ تاثر دیا کہ پی ڈی ایم جلسوں کیخلاف کورونا کو استعمال کیا جارہا ہے۔ مریم نواز کو بتانا چاہتا ہوں کہ پی ڈی ایم جلسوں کی ناکامی کو کورونا سے نہ جوڑے۔

لیاقت شاہوانی کا کہنا تھا کہ بلوچستان میں اکتوبر میں کسیز ختم ہونے کے قریب تھے اپوزیشن کے جلسے کے بعد کسیز میں تین گناہ اضافہ ہوا۔

بلوچستان حکومت نے یہ فیصلہ کیا ہے کہ دیگر صوبوں سے آنے والوں کا کورونا ٹیسٹ کیا جائے گا۔دیگر صوبوں سے آنے والے تمام افراد کے ٹیسٹ پازیٹوں آنے پر کورنٹائن کیا جائے گا۔
کورونا تیسری لہر کا بتایا جارہا ہے کہ زیادہ خطرناک ہے بلوچستان میں اب تک 16000 ہیلتھ ورکرز کو ویکسین لگایا گیا ہے۔

وزیراعلیٰ بلوچستان جام کمال خان کا مادری زبانوں کے عالمی دن کے موقع پر پیغام ، بلوچستان پاکستان کا ایسا منفرد صوبہ ہے جہاں بیک وقت مختلف زبانیں بولی اور سمجھی جاتی ہیں۔

وزیر اعلیٰ جام کمال خان نے مزید کہا کہ مادری زبانیں قوموں کی شناخت کے ساتھ ساتھ ثقافت اور روایات کے اظہار کا بہترین ذریعہ بھی ہیں۔ آج کے ڈیجیٹل دور میں بھی مادری زبان کی اہمیت و افادیت سے انکار نہیں کیا جاسکتا۔

وزیر اعلیٰ جان کمال خان نے مزید کہا کہ زبان قوموں کو شناخت اور پہچان دیتی ہے۔ مادری زبان میں تعلیم کا حصول انسان کا بنیادی حق ہے مادری زبان میں تعلیم کی فراہمی کےلئے اقدامات کیے جا رہے ہیں۔اس سے بچوں کو سمجھنے، جانچنے اور پرکھنے میں آسانی ہوگی۔ بلوچستان میں مادری زبانوں کی ترقی اور ترویج کے لیے مختلف ادارے کام کر رہے ہیں۔

وزیر اعلیٰ جام کمال خان نے کہا کہ مادری زبان کا تحفظ ہم سب کی مشترکہ ذمہ داری ہے۔ لسانی اور ثقافتی تنوع کے شعور کو فروغ دینے کے لیے حکومت ہر ممکن اقدامات کرے گی۔ آج میں ان تمام لیجنڈز کو سلام پیش کرتا ہوں جنہوں نے قومی زبانوں کے تحفظ اور فروغ کے لیے اپنی پوری زندگی وقف کر رکھی ہے۔ وزیراعلی بلوچستان