Category: مظفر گڑھ

مظفرگڑکے علاقے موضع شادی خان منڈا میں اراضی کے تنازع میں ٹانگ اڑانا جمشید دستی کو مہنگا پڑگیا، تھانہ کوٹ ادو میں جمشید دستی کیخلاف مقدمہ درج کر لیا گیا ، مقدمے میں 12 دیگر افراد بھی نامزد کیے گئے ہیں.وزیر مملکت میاں شبیر علی قریشی کے بھائی احسن قریشی اور اعوان برادری میں اراضی کا تنازع تھا

وزیر مملکت میاں شبیر علی قریشی کے بھائی احسن قریشی اور اعوان برادری میں اراضی کا تنازع تھا, سابق ممبر قومی اسمبلی جمشید دستی اعوان برادری کی حمایت کے لیے گزشتہ روز موقع پر پہنچے تھے#Pakistan #BaaghiTv #Muzaffargarh #JamsahidDasti @Jamsheddasti786 @UsmanAKBuzdar @OfficialDPRPP pic.twitter.com/N1O0garVzC

— Baaghi TV باغی ٹی وی (@BaaghiTV) April 1, 2021

سابق ممبر قومی اسمبلی جمشید دستی اعوان برادری کی حمایت کے لیے گزشتہ روز موقع پر پہنچے تھے مقدمہ وزیر مملکت شبیر علی قریشی کے بھائی احسن قریشی کے منیجر کی مدعیت میں درج کیا گیا ہے.جمشید دستی ودیگر افراد کیخلاف زمین پر مبینہ قبضے کی کوشش کا مقدمہ درج کیا گیا ہے.

مظفرگڑھ: موضع شادی خان منڈا میں اراضی کے تنازع میں ٹانگ اڑانا جمشید دستی کو مہنگا پڑگیا,تھانہ کوٹ ادو میں جمشید دستی کیخلاف مقدمہ درج.#Pakistan #BaaghiTv #Muzaffargarh #JamsahidDasti @Jamsheddasti786 @UsmanAKBuzdar @OfficialDPRPP pic.twitter.com/FcSkO33QLW

— Baaghi TV باغی ٹی وی (@BaaghiTV) April 1, 2021

مظفرگڑھ اسسٹنٹ کمشنر جتوئی محمد ارشد ورک نے کرونا ایس او اپیز کی خلاف ورزی کرنے پر ہوٹل سمیت کئی دکانیں سیل کردی تفصیل کے مطابق گزشتہ دنوں اسسٹنٹ کمشنر جتوئی محمد ارشد ورک اور انجمن تاجران کی طرف سے پورے شہر میں منادی کرائی گئی تھی کہ پنجاب حکومت کی ہدایت کے مطابق دکانوں کو بند کرنے کا کہا گیا تھا جس پر اسسٹنٹ کمشنر جتوئی محمد ارشد ورک نے گزشتہ روز کرونا وائرس ایس او پیز کی خلاف ورزی کرنے پر ہوٹل سمیت کئی دکانوں کو سیل کیا گیا اور انکو جرمانے کیے گئے

اس موقع پر اسسٹنٹ کمشنر جتوئی محمد ارشد ورک نے صحافیوں سے گفتگو کرتے ہوئے کہا ہے کہ حکومت پنجاب کے ہدایت پر عمل نہ کرنے والوں کے خلاف کاروائی ہوگی انہوں نے مزید کہا کہ ہم سب کو چاہیے کہ ہم پنجاب حکومت کی ہدایت کے مطابق کرونا وائرس سے بچاؤ کے لیے ایس او پیز پر عمل کرکے خود کو محفوظ کریں اور دوسروں کو بھی محفوظ کیا جا سکتا ہے ماسک استمعال یقینی بنایا جائے اور سائنٹزر کا استمعال کیا جائے ہاتھ ملانے سے گریز کیا جائے اسطرح خود بھی محفوظ رہیں گے اور دوسرے لوگ کو بھی محفوظ رکھیں

مجیب الرحمان شامی باغی ٹی وی مظفرگڑھ

مظفرگڑھ شہر میں رات کے وقت ایک لاوارث پھرتی ہوئی دو سالہ معصوم بچی علینا پر مظفرگڑھ پولیس کے سب انسپکٹر وقاص احمر کی نظر پڑی،،، حیرانگی میں بچی کیطرف پہنچا پریشانی سے سہمی ہوئی بچی اپنوں کی تلاش میں ہیجانی کیفیت میں مبتلا تھی، وقاص نے بچی کو پیار دیا سلانٹی لیکر دی تھانے کی بجائے اپنے ہی گھر لے آیا بچی کا ایسا لباس 👗 کہ جیسے کسی شادی کے فنکشن پر والدین لائے ہوں،،،،

وقاص نے ضلع کے شادی ہالز چھان مارے اعلانات کروائے مگر بے بسی پر گھر واپس آ گیا سوشل میڈیا کا سہارا لیا رات گہری ہوتی جا رہی تھی پریشانی بڑھتی جا رہی ہے بچی تو سو گئی مگر ان اور ان کے گھر والوں کی نیند اڑ سی گئی تھی، رات کے پچھلے پہر سوشل میڈیا کی مدد سے بچی کے والدین نے رابطہ کیا اور گھر آ گئے وقاص نے تصدیق کی اور پھر بچی کو جگایا اور اس کے والد کے حوالے کیا

بچی اپنے ابو سے چمٹ سی گئی باپ بھی جذباتی کیفیت میں تھا وہ اس لاپرواہی پر شرمندہ شرمندہ سا دکھائی دے رہا تھا بہر حال یہ وہ کیفیت تھی جس سے بچی اور اس کا والد اس وقت گز رہے تھے جو ہر پولیس والا اپنی نوکری میں کئی بار دیکھتا ہے جو یقیناً کوئی عام آدمی ایسا عمل نہیں کر سکتا مگر ہاں جس سے اللہ راضی ہو اور جس پر اپنی رحمت عطا کرے اس سے اللہ تعالیٰ ایسے کام لیتا ہے,، آج پوری قوم کو وقاص احمر جیسے پولیس والوں پر فخر ہے،،،
مجیب الرحمان شامی باغی ٹی وی مظفرگڑھ

مظفرگڑھ ایس ایچ او تھانہ روحیلانوالی چوہدری جاوید اختر کی طرف سے کاروائیوں کا سلسلہ جاری۔ جرائم پیشہ افراد کے خلاف گھیرا تنگ کردیا ، تفصیلات کے مطابق SHO تھانہ روھیلانوالی کا اپنی ٹیم کے ہمراہ منشیات فروشوں کے خلاف کریک ڈاؤن جاری ہیں جس کے مطابق منشیات فروش محمد اقبال ولد برکت علی قوم شیخ سے 1450 گرام چرس برآمد کر کے 9C کا مقدمہ نمبر 187/21 درج کر کے حوالات بند کر دیا۔ دوسری کاروائی میں ناجائز اسلحہ رکھنے والے 4 اوباشوں کو گرفتار کر لیا۔

محمد نواز ولد علی نواز قوم بھٹی سکنہ شیخوپورہ مظفرگڑھ سے پسٹل برآمد کر کے مقدمہ نمبر 186/21 درج کر دیا صفدر حسین ولد محمد علی قوم ڈوگر سکنہ مظفرگڑھ سے پسٹل برآمد کار کے مقدمہ نمبر 185/21 درج کر دیا محمد اشفاق ولد عبد الرزاق قوم بھٹہ سکنہ مانکا بھٹہ سے پسٹل برآمد کر کے مقدمہ نمبر 188/21 درج کر دیا-محمد عابد ولد محمد اسماعیل قوم ملانہ سکنہ پتی درگھ سے پسٹل برآمد کر کے مقدمہ نمبر184/21درج کر کے حوالات میں بند کر دیا گیا۔

مجیب الرحمان شامی باغی ٹی وی مظفرگڑھ

مظفرگڑھ ڈپٹی کمشنر انجینئر امجد شعیب خان ترین نے ڈی پی او حسن اقبال کے ہمراہ پریس کانفرنس کرتے ہوئے کہا ہے کہ محکمہ پولیس اور محکمہ ریونیو کے تعاون سے مظفرگڑھ کی تحصیل کوٹ ادو میں دریائے سند ھ میں موجود قدری جزیرے لاشاری والے جنگل کو ناجائز قابضین سے مکمل واہ گزار کرا لیا ہے، جس کا کل رقبہ 2375ایکٹر یعنی 19ہزار کینال ہے۔ انہوں نے کہا کہ حکومت پنجاب کو اس جزیرے پر سفاری پارک بنانے کی سفارش بھی کی جارہی ہے۔

ڈپٹی کمشنر نے کہا کہ قابضین سے نہ صرف تاوان وصول کیا جائے گا بلکہ ان کے خلاف سرکاری زمین پر قبضہ کرنے پر مقدمات بھی قائم کئے جائیں گے۔ انہوں نے کہا کہ وزیر اعظم پاکستان عمران خان اور وزیر اعلیٰ پنجاب سردا عثمان بزادار کی ہدایت کی مطابق ضلع بھر میں ناجائز قابضین سے سرکاری اراضی واہ گزار کرانے کا سلسلہ جاری ہے اس سے قبل پنجند میں بھی رجب علی نامی شخص سے 3260کینا ل اراضی جو 16مربعے بنتی ہے واہ گزار کرائی جاچکی ہے اس سے بھی تاوان وصول کیا جائے گا۔

سرکاری اراضی پر شجر کاری کی جارہی ہے اب تک 375کینال اراضی پر شجرکاری کی جاچکی ہے۔ انہوں نے بتایا کہ ضلع بھر میں 7340ایکٹر اراضی پر قبضہ ہے جس میں سے 4024ایکڑ اراضی واہ گزار کرائی جاچکی ہے جس کی کل مالیت 4ارب روپے بنتی ہے۔ بقایا اراضی بھی چند دنوں تک واہ گزار کرالی جائے گی۔ ڈپٹی کمشنر نے مزید بتایا کہ مظفرگڑھ کے نواحی علاقے روہیلانوالی میں 4غیر قانونی ہاؤسنگ سکیموں پر نقشہ جات منظور نہ کرانے پر نوٹس جاری کردئیے گئے ہیں

اگر انہوں نے نقشہ منظوری کیلئے اپلائی نہ کیا تو ان کو سیل کردیا جائے گا۔ اس کے علاوہ تجاوزات قائم کر نے پر ضلع بھر میں 7ایف آئی آر بھی درج کی جاچکی ہیں۔ اس موقع پر ڈی پی او حسن اقبال نے بتایا کہ لاشاری والا جنگل کسی کی وراثت نہیں ہے یہ ریاست کی زمین ہے جو اب ریاست کو مل گئی ہے جس میں وزیر اعظم، وزیر اعلیٰ پنجاب، وزیر آبپاشی محسن لغاری اور متعلقہ اداروں کی معاونت شامل حال رہی ہے۔ انہوں نے کہا کہ اب لاشاری والا جنگل عام آدمی کیلئے کھلا ہے کو بھی فرد وہاں جاسکتا ہے۔

انہوں نے بتایا کہ یہ جگہ 3دہائیوں سے نام نہاد شرفا ء کے قبضے میں تھا اب سرکاری کی کسی جگہ پر کوئی قبضہ نہیں کرسکے گا۔ انہوں نے کہا کہ پولیس بلا خوف خطر ضلعی انتظامیہ اور دیگر محکموں کے ساتھ کھڑی ہے۔ اس موقع پر ایڈیشنل ڈپٹی کمشنر ریونیو عمران شمس، ایڈیشنل ڈپٹی کمشنر جنرل احسان الحق، اسسٹنٹ کمشنر کوٹ ادو فیاض احمد اور ڈپٹی ڈائریکٹر انفارمشن محمد شہزاد بھی موجود تھے۔ ڈپٹی کمشنر انجینئر امجد شعیب خان ترین اور ڈی پی او حسن اقبال نے صحافیوں کے مختلف سوالات کے بھی جوابات دئیے۔ڈی سی او ڈی پی او نے صحافیوں کو کہا کہ جلد ہی صحافیوں کو لاشاری والا جنگل کا دورہ بھی کرایا جائے گا تاکہ اس کی خوبصورتی اور دلکشی کے بارے میں عوام کو بھی بتا سکیں۔

مظفرگڑھ، ایس ایچ او تھانہ شاہجمال ملک یونس کی پولیس ٹیم کے ہمراہ جرائم پیشہ عناصر کیخلاف کارروائیاں جاری، خاتون شراب فروش سے بھاری مقدار میں شراب برآمد ہونے پر گرفتار، دیگر کارروائیوں میں اے کیٹگری کا مجرم اشتہاری و ناجائز اسلحہ رکھنے والا ملزم بھی گرفتار کر لیا،

تفصیل کے مطابق ایس ایچ او تھانہ شاہ جمال ملک یونس نے سب انسپکٹر حمزہ غفور کے ہمراہ جرائم پیشہ عناصر کے خلاف کارروائی کرتے ہوئے خاتون شراب فروش خاتون کو گرفتار کر کے اس کے قبضہ سے شراب کی 67 بوتلیں برآمد کر لیں، دوسری کارروائی میں راہزنی کے مقدمہ کا اے کیٹگری کا مجرم اشتہاری گرفتار کر لیا جبکہ ایک اور کارروائی میں ناجائز اسلحہ پستول 30 بور برآمد ہونے پر ملزم کو گرفتار کر کے حوالات میں بند کردیا، ڈی پی او محمد حسن اقبال نے پولیس ٹیم کو شاباش دی ہے

مجیب الرحمان شامی باغی ٹی وی مظفرگڑھ،*

مظفرگڑھ کی تحصیل جتوئی میں تیز آندھی اور بارش سے جتوئی میں دو افراد جاں بحق ہو گئے

تفصیلات کے مطابق گزشتہ روز جتوئی شہر سرکاری ہسپتال کے عقب میں راو عبدالستار سکنہ موضع جہان پور کا نوجوان بیٹا راو ماجد اپنے بھانجے کے ساتھ اپنے بھینسوں کے بھانے میں سویا ہوا تھا تیز آندھی اور بارش کی وجہ سے بھانے کی چھت گر گئی صبع جب ہمسایوں نے چھت گری ہوئی دیکھی تو فورا ان کے گھر والوں کو اطلاع دی راو ماجد کے رشتہ داروں اور قریبی ہمسایوں نے چھت کا ملبہ اٹھایا تو نیچے سے دونعشیں برآمد ہوئی جن کی شناخت راو ماجد اور اس کے سگے بھانجے کے نام سے ہوئی مقامی پولیس نےدونوں کا پوسٹ مارٹم کرنے کے بعد لاشیں ورثہ کے حوالے کردی شام پانچ بجے راو ماجد اور اس کے بھانجے کا نماز جنازہ ان کے آبائی علاقے جہان پور میں ادا کیا گیا جس میں عوام کی کثیر تعداد میں لوگوں نے شرکت کی اور ہر آنکھ اشک بار تھی

مجیب الرحمان شامی باغی ٹی وی مظفرگڑھ