Baaghi TV

Category: پنجاب

  • پارکوں اور سڑکوں پر خواتین کیساتھ پرینک ویڈیو کے نام پر بدتمیزی کرنے والا شخص گرفتار

    پارکوں اور سڑکوں پر خواتین کیساتھ پرینک ویڈیو کے نام پر بدتمیزی کرنے والا شخص گرفتار

    طالبعلموں اور پارکس میں موجود نوجوان لڑکیوں کے ساتھ بدتمیزی کی پرینک ویڈیو بنانے والے شخص کو پولیس نے گرفتار کر لیا-

    باغی ٹی وی : آج کل سوشل میڈیا پر سستی شہرت حاصل کرنے کے لئے اخلاقیات کو بھی بھول جاتے ہیں یہاں تک کہ خواتین کے تقدس کا بھی خیال نہیں کرتے ہیں لیکن اب ان میں سے ایک شخص کے خلاف صحافی نے آواز اٹھائی تو پولیس کے ساتھ حکومت بھی حرکت میں آ گئی ہے اور اسے سلاخوں کے پیچھے پہنچا دیا ۔

    تفصیلات کے مطابق علی خان نامی شخص فیس بک پیج ” ویلے لوگ “ پر اس طرح کی پرینک ویڈیو بنا کر شیئر کرتا تھا جس میں وہ طالبعلموں اور پارکس میں موجود نوجوان لڑکیوں کے ساتھ طوفان بدتمیزی برپا کرتا تھا۔

    اس نوجوان کی حرکتیں اتنی زیادہ بڑھ گئیں تھیں کہ اسے روکنا ناگزیر ہو چکا تھا، صحافی ثاقب راجہ نے اس کے خلاف آواز اٹھائی اور کہا کہ میں اس وقت تک نہیں رکوں گا جب تک اس شخص کو سلاخوں کے پیچھے نہ پہنچا دوں ۔


    صحافی ثاقب راجہ نے ٹویٹر پر پیغام جاری کرتے ہوئے اس کے خلاف قانون نافذ کرنے والے اداروں کو ایکشن لینے کی درخواست کی اور کہا کہ ” یہ شخص کھلے عام شہر میں کس طرح گھوم رہاہے ، کبھی یہ سکول کی بچیوں کے بازو پکڑ لیتا ہے ، کبھی بچیوں کے سر سے دوپٹہ کھینچ لیتا ہے ، اس ویڈیو میں کسی کی بیوی کو کندھے سے پکڑ کر حراساں کر رہاہے ، کوئی قانون ہے پاکستان میں ؟ یہ مذاق ہے ؟ ۔

    پولیس نے سوشل میڈیا پر علی خان کی حرکتوں کی ویڈیوز وائرل ہونے اور تنقید کا سلسلہ شرو ع ہونے کے بعد ایکشن لیا اور اسے گوجرانوالہ سے گرفتار کر تے ہوئے سلاخوں کے پیچھے ڈال دیاہے ۔


    اس حوالے سے وزیراعلیٰ پنجاب عثمان بزدار کے فوکل پرسن برائے ڈیجیٹل میڈیا اظہر مشوانی نے پیغام جاری کرتے ہوئے کہا کہ اسے گرفتار کر لیا گیاہے-


    مذکورہ شخص کی گرفتاری پر ایک صارف نے کہا کہ وہ لڑکیوں کے سر سے دوپٹے کھینچتا نہیں بلکہ دوپٹہ اوڑنے کا کہتا تھا کچھ لوگوں کے نزدیک اسکی حرکات غلط ہو سکتی ہیں لیکن وہ اکثر معاشرے کی ایسی بُرائیوں کو ہائی لائٹ کرتا تھا جن کو آجکل غلط نہیں سمجھا جا رہا۔

  • ٹک ٹاک پر پنجاب پولیس کے نوجوان اہلکار کے چرچے

    ٹک ٹاک پر پنجاب پولیس کے نوجوان اہلکار کے چرچے

    پنجاب پولیس کے نوجوان اہلکار فیصل کے چینی ویڈیو شیئرنگ ایپ ٹک ٹاک پر چرچے ہیں-

    باغی ٹی وی :گزشتہ کچھ دنوں سے ٹک ٹاک پر پنجاب پولیس اہلکار کے نوجوان اور پُرکشش اہلکار فیصل کے خوب چرچے ہورہے ہیں جنہوں نے اپنی ٹک ٹاک ویڈیوز سے لاکھوں صارفین کو اپنا گرویدہ بنا لیا ہے-

    فیصل نامی پنجاب پولیس اہلکار نے ٹک ٹاک پر حنان چیمپئین کے نام سے اپنا آفیشل اکاؤنٹ بنایا ہوا ہے جس پر نہ صرف وہ اپنی ویڈیوز شیئر کرتے ہیں بلکہ وہ اکثر مستحق افراد کی مدد کرتے ہوئے ویڈیوز بھی اپنے اکاؤنٹ پر اپلوڈ کرتے ہیں اور اُن کی یہ نیک نیتی دیکھ کر ٹک ٹاک صارفین اُن کی خوب تعریف بھی کرتے ہیں۔

    پنجاب پولیس کے نوجوان اہلکار نے اب تک اپنے ٹک ٹاک اکاؤنٹ پر کئی ویڈیوز اپ لوڈ کی ہیں جن پر لاکھوں میں لائکس آتے ہیں جبکہ صارفین کی جانب سے اُنہیں محبت بھرے پیغامات بھی موصول ہوتے ہیں اور اب تک کی تمام ٹک ٹاک ویڈیوز پر اب تک 6 اعشاریہ 3 ملین لائکس آچکے ہیں۔

    نوجوان نے رواں سال کی شروعات میں ہی ٹک ٹاک پر اپنا اکاؤنٹ بنایا ہے اور انتہائی کم عرصے میں اُنہیں ٹک ٹاک پر 5 لاکھ 29 ہزار سے زائد صارفین نے فالو کرلیا ہے اور ہر گزرتے دن کے بعد پنجاب پولیس کے نوجوان اہلکار کی مقبولیت میں اضافہ دیکھنے کو مل رہا ہے۔

    دوسری جانب حنان نے ٹک ٹاک پر خود محض 18 لوگوں کو ہی فالو کیا ہوا ہے-

    ٹک ٹاک ہم جنس پرستی کوپروموٹ کررہا ہے حکومت اس شیطانی ایپ پر پابندی لگائے ،…

    ٹک ٹاک ماڈل بنانے کاجھانسہ دے کر نوجوان لڑکیوں کو اسمگل کر کے جسم فروشی کرانے والا…

  • پاکستان نے کرتار پور راہداری کھول دی ہے بھارت بھی اپنا کردار ادا کرے امیر سنگھ

    پاکستان نے کرتار پور راہداری کھول دی ہے بھارت بھی اپنا کردار ادا کرے امیر سنگھ

    شکر گڑھ: جنرل سیکرٹری،پاکستان گورو دوارہ پربندھک کمیٹی،سردار امیر سنگھ نے بھارت سے کرتار پور راہداری کھولنے کا مطالبہ کیا ہے-

    باغی ٹی وی : امیر سنگھ نےکہا ہے کہ پاکستان نے کرتار پور راہداری کھول دی ہے، بھارت بھی 16 ماہ سے بند کرتار پور راہداری کھول دے۔

    بھارت سے کرتار پور راہداری کھولنے کی اپیل کرتے ہوئے امیر سنگھ کا کہنا تھا کہ بھارتی یاتری دربار بابا گورو نانک اگر درشن دیدارے اور عبادات کرنا چاہتے ہیں بھارتی شرومنی پربندھک کمیٹی سے راہداری کھولنے میں کردار ادا کرنے کا کہا ہے –

    امیر سنگھ نے کہا کہ بھارتی یاتری16 ماہ سے کرتار پور آنے کے منتظر ہیں، انہوں نے یقین دیانی کرائی ہے کہ یاتریوں کی آمد پر کورو ناایس اوپیز پر عمل درآمد کیا جائے گا کرتار پور میں ویکسینیشن سنٹر قائم کر دیا گیا ہے –

    ساتھ ہی امیر سنگھ نے حکومت پاکستان کا شکریہ ادا کرتے ہوئے کہا کہ کرتار پور راہداری کھولنے پر حکومت پاکستان، متروکہ وقف املاک بورڈ اور اداروں کے شکر گزار ہیں-

  • شیخوپورہ سے قیدیوں کو لاہور لانیوالی وین حادثے کا شکار

    شیخوپورہ سے قیدیوں کو لاہور لانیوالی وین حادثے کا شکار

    لاہور: شیخوپورہ سے قیدیوں کو لاہور لانے والی وین شہری کی گاڑی پر چڑھ گئی، ملزمان کو اے ٹی سی منتقل کر دیا گیا-

    باغی ٹی وی : پولیس ذرائع کے مطابق لاہور، قیدیوں کی وین ٹریفک لائٹ پول اورسگنل پرکھڑی گاڑسی سے بھی ٹکرا گئی-

    پولیس کے مطابق وین میں دہشت گردی میں ملوث ملزمان تھے جن کو اے ٹی سی منتقل کردیا گیا-

    واضح رہے کہ اس سے قبل مظفر گرھ سے لیہ میں قیدیوں کو لے جانے والی پولیس وین حادثے کا شکار ہوگئی تھی جس سے 2 پولیس اہلکار جاں بحق اور 5 پولیس اہلکار بلال، موسی، ندیم ، نعمان ، امان اللّٰہ زخمی ہوگئے تھے جبکہ وین میں موجود 23 قیدی بھی زخمی ہوئے تھے-

  • ایوان میں گالم گلوچ:عیسائی برادری بھی میدان میں آگئی،بڑا مطالبہ کر دیا

    ایوان میں گالم گلوچ:عیسائی برادری بھی میدان میں آگئی،بڑا مطالبہ کر دیا

    یہ بھی جہاں کی قیادت کریں گے. کچھ عیسائیوں نے اس ہلڑ بازی اور دھینگہ مشتی اور گالم گلوچ پر ایک بہت ہی اشتعال انگیز اور حقیقی پیغام جارہ کیا ہے-

    کچھ عیسائیوں نے بھی ایوان میں ہونے والی گالم گلوچ اور جاہلیت پر آواز اٹھاتے ہوئے سوال کیا کہ کیا ایک دوسرے پر بجٹ کی کتابیں پھینکنا جو اللہ تعالٰی کے نام سے شروع ہوتا ہے توہین رسالت نہیں ہے لیکن اگر عیسائی غیر دانستہ اور جہالت میں اللہ کے نام والے اخباری صفحات پھینک دیتے ہیں تو وہ توہین رسالت ہے-

    گذشتہ روز قومی اسمبلی میں اپوزیشن کی تقریر کے دوران ‘شہری پارلیمنٹیرینز’ نے ایک دوسرے پر بے ہودہ زبان کا استعمال کرتے ہوئے ایک دوسرے پر بجٹ کی کاپیاں پھینکیں ۔ بجٹ بک کا پہلا صفحہ ہمارے اللہ تعالٰی اور ہمارے پیارے نبی حضرت محمد صلی اللہ علیہ وآلہ وسلم کے نام کے ذکر سے شروع ہوتا ہے۔

    کتنی بے عزتی اور جان بوجھ کر وہ ایک دوسرے پر پھینک رہے تھے۔ اگر یہ اقلیتی پارلیمنٹیرین نے کیا ہوتا تو مسلم پارلیمنٹیرینز کے ساتھ ساتھ عوام میں بھی غم و غصہ ناقابل تصور ہوتا۔

    اگر ہم اللہ اور حضرت محمد صلی اللہ علیہ وآلہ وسلم کے نام کی بے عزتی کرتے ہوئے توہین رسالت کی زد میں آجاتے ہیں تو پھر ان پارلیمنٹیرینز کو اسی شق سے چارج کریں جس طرح اقلیتوں پر الزام عائد کیا جاتا۔

  • پنجاب میں کرونا ویکسین ختم

    پنجاب میں کرونا ویکسین ختم

    پنجاب میں کرونا ویکسین ختم
    باغی ٹی وی کی رپورٹ کے مطابق پاکستان میں کرونا کے مریضوں میں کمی ہو رہی ہے، حکومت کی جانب سے ویکسی نیشن کا سلسلہ بھی جاری ہے

    تا ہم نجی ٹی وی کا کہنا ہے کہ پاکستان کے سب سے بڑے صوبے پنجاب میں کرونا ویکسین ختم ہو چکی ہے، صوبائی دارلحکومت لاہور سمیت پنجاب میں کرونا ویکسی نیشن کا عمل دو روز سے معطل ہے، ای پی آئی انتظامیہ کے مطابق ویکسین کی 20 ہزار ڈوزز آج آنے کا امکان ہے جس کے بعد دوبارہ ویکسی نیشن کا سلسلہ شروع کر دیا جائے گا

    دوسری جانب کورونا ویکسین ختم ہونے سے لاہور می‌ بنائے گئے ویکسی نیشن مرکز ایکسپو سینٹر کے باہر ویکسین لگوانے کے لئے جانے والے شہریوں کا رش ہے ،ایکسپو کے باہر تعینات سکیورٹی گارڈز دروازے سے ہی شہریوں کو واپس بھیج رہے ہیں ،شہریوں کو کہا جا رہا ہے کہ نادرا کا ڈیٹا اپ ڈیٹ ہونے والا ہے جس کی وجہ سے سسٹم بند ہے لہٰذا 2 روز بعد ایکسپو سینٹرمیں ویکسین لگائی جائے گی۔

    نجی ٹی وی کے مطابق ذرائع کا بتانا ہے کہ پنجاب کے دوسرے شہروں میں بھی ویکسین کا 3 روز کا اسٹاک رہ گیا ہے اور محکمہ صحت پنجاب نے مزید ویکسی نیشن کی ڈیمانڈ کردی ہے

    واضح رہے کہ حکومت کی جانب سے کرونا ویکسین لگوانا لازمی قرار دیا گیا ہے ، لیکن اب ویکسین ختم ہونے کی وجہ سے شہری پریشان ہیں ،پنجاب کی صوبائی وزیر صحت ڈاکٹر یاسمین راشدکا کہنا تھا کہ کورونا کے تشویشناک مریضوں کی تعداد میں کمی ہوئی ہے. مہلک بیماری میں مبتلا افراد کو ترجیحی بنیادوں پر کورونا ویکسین لگائی جائے گی،ویکسی نیشن سینٹرز پر عوام کیلئے سہولیات فراہم کی جارہی ہیں. پنجاب میں ویکسی نیشن کے عمل کو کامیاب بنایاجائے گا،

  • وزیراعلیٰ آفس نے عثمان بزدار اور شہباز شریف کے اخراجات کا موازنہ جاری کر دیا

    وزیراعلیٰ آفس نے عثمان بزدار اور شہباز شریف کے اخراجات کا موازنہ جاری کر دیا

    وزیراعلیٰ آفس نے مالی سال 2020-21 کے اعداد و شمار کا موازنہ جاری کر تے ہوئے وزیراعلیٰ پنجاب آفس کے اخراجات میں بچت اور کفایت شعاری کا دعویٰ کیا ہے-

    باغی ٹی وی : عثمان بزدار نے وزیراعلیٰ آفس کے اخراجات میں بچت کی مثال قائم کردی شہباز شریف دور میں آخری مالی سال میں قومی وسائل کا بے دریغ استعمال کیا گیا-

    شہبازشریف دور میں وزیراعلیٰ آفس کے اخراجات نان سیلری 23 کروڑ 86 لاکھ روپے تھے عثمان بزدار دور میں وزیراعلیٰ آفس کے اخراجات نان سیلری 14 کروڑ 41 لاکھ روپے وزیراعلیٰ عثمان بزدار دور میں وزیراعلیٰ آفس کے اخراجات نان سیلری میں 40 فیصد کمی کی گئی-

    شہبازشریف دور میں 2017-18 میں گاڑیوں کی مرمت پر 4 کروڑ 24 لاکھ روپے خرچ ہوئے عثمان بزدار دور میں 2020-21 میں گاڑیوں کی مرمت پرایک کروڑ50 لاکھ روپے خرچ ہوئے عثمان بزدار دور میں گاڑیوں کی مرمت کی مد میں شہبازشریف کے دور کے مقابلے میں 65 فیصد کمی ہوئی-

    شہبازشریف دور میں انٹرٹینمنٹ اور تحائف کی مد میں 8 کروڑ 99 لاکھ 91 ہزار روپے خرچ ہوئے وزیراعلیٰ عثمان بزدار دور میں 4 کروڑ 40 لاکھ روپے انٹرٹینمنٹ اور تحائف کی مد میں خرچ ہوئے عثمان بزدار دور میں انٹرٹینمنٹ اور تحائف اخراجات شہبازشریف دور کے مقابلے میں 51 فیصد کم ہوئے-

    شہبازشریف دور میں گاڑیوں کے ایندھن کی مد میں 3 لاکھ 72 ہزار لیٹر پیٹرول،ڈیزل،موبل آئل استعمال عثمان بزدار دور میں گاڑیوں کے ایندھن کی مد میں 2 لاکھ 25 ہزار لیٹر پیٹرول،ڈیزل،موبل آئل استعمال وزیراعلیٰ عثمان بزدار کے دور میں گاڑیوں کے ایندھن کی مد میں 40 فیصد بچت کی گئی –

    عثمان بزدار نے کہا کہ وزیراعلیٰ آفس سمیت پنجاب بھر میں شوبازوں کی شاہ خرچیوں کا کلچرختم کردیا ، ماضی کی حکومت نے سرکاری خزانے کو مال مفت کی طرح اڑایا-

    وزیر اعلٰی پنجاب عثمان بزدار نے کہا کہ ہم قومی وسائل کی پائی پائی کے امین ہیں سیکیورٹی کے نام پر ذاتی رہائش گاہوں کی تعمیر و مرمت کا سلسلہ بھی ختم کر دیا گیا-

  • لاہور:ایوان کی نئی عمارت 15 سال میں مکمل ، پنجاب اسمبلی کا نیا ہال، ایشیا کا سب سے بڑا ایوان ہے

    لاہور:ایوان کی نئی عمارت 15 سال میں مکمل ، پنجاب اسمبلی کا نیا ہال، ایشیا کا سب سے بڑا ایوان ہے

    لاہور : ایوان کی نئی عمارت 15 سال میں مکمل ، پنجاب اسمبلی کا نیا ہال، ایشیا کا سب سے بڑا ایوان ہے پنجاب کا بجٹ اجلاس آج نئی عمارت میں ہو گا-

    باغی ٹی وی : نئی عمارت کا افتتاح 2006 میں سا بق وزیراعلیٰ پرویز الہیٰ نے کیا تھا ایوان کی نئی عمارت 15 سال میں مکمل ہوئی پنجاب اسمبلی کا نیا ہال، ایشیا کا سب سے بڑا ایوان ہے-

    عمارت کے 3 فلور اور ایک بیسمنٹ ہے بیسمنٹ اور گراؤنڈ فلور پر وزرا کیلئے 40 کمرے مختص کئے گئے ہیں جبکہ عمارت کے پہلے فلور پر وزیراعلیٰ، سیکریٹری کے دفاتر اور کمیٹی رومز بنائے گئے ہیں-

    دوسرے فلور پر اسپیکر، ڈپٹی سپیکر اور اپوزیشن لیڈر کے دفاتر اور کیفے ٹیریا بنائے گئے ہیں جبکہ نئی عمارت میں پریس کانفرنس ہال، ڈسپنسری اور لائبریری بھی بنائی گئی ہے-

    عمارت کے مرکزی گنبد پر نیشنل کالج آف آرٹس کے تعاون سے اسلامی فن خطاطی کے نقوش بنائے گئے ہیں ،در و دیوار پر لکڑی کے کام کیلئے برما سے ساگوان کی لکڑی برآمد کی گئی-

    ایوان میں 422 اراکین کے بیٹھنے کی گنجائش ہے اراکین کے علاوہ مہمان گیلری میں بیٹھنے کی گنجائش 800 افراد کی ہے جبکہ پریس گیلری میں 3 سو افراد کے بیٹھنے کی گنجاش ہے-

  • پنجاب کے بجٹ میں جنوبی پنجاب کا الگ بجٹ بنایا گیا ہے صوبائی وزیر توانائی

    پنجاب کے بجٹ میں جنوبی پنجاب کا الگ بجٹ بنایا گیا ہے صوبائی وزیر توانائی

    صوبائی وزیر توانائی اختر ملک کا کہنا ہے کہ تعلیم ، صحت ، انرجی ، زراعت اور انڈسٹری کے لیے بجٹ میں خطیر رقم رکھی گئی-

    باغی ٹی وی کی رپورٹ کے مطابق صوبائی وزیر توانائی اختر ملک نے اپنے بیان میں کہا ہے کہ آج پنجاب حکومت کی جانب سے عوامی بجٹ پیش ہو گا- پنجاب کا بجٹ عوامی اُمنگوں کا ترجمان ہوگا-

    اختر ملک نے بتایا کہ پنجاب کے بجٹ میں جنوبی پنجاب کا الگ بجٹ بنایا گیا ہے یہاں تک کہ جنوبی پنجاب کے بجٹ کی کتاب ہی الگ شائع کی گئی ہے-

    واضح رہے آج پنجاب اور جنوبی پنجاب کا الگ الگ بجٹ صوبائی اسمبلی کے ایوان میں پیش کیا جائےگا لگ بھگ 2 ہزار 600 ارب روپے کا بحٹ پیش کیا جائے گا-

    جنوبی پنجاب کے لیے سالانہ ترقیاتی پروگرام کے تحت 196 ارب روپےرکھنے کی تجویز دی گئی جنوبی پنجاب کی ترقیاتی ا سکمیوں کے لیے مختص فنڈز کسی اور جگہ خرچ نہ ہو سکیں گے-

    علاوہ ازیں بجٹ میں ماحولیات ، اقلیتوں ، اوقاف اور سیاحت کے منصوبے کےلیے بھی بھاری رقم مختص کی جائے گی-

    بجٹ سے متعلق اپوزیشن کا پراپیگنڈا آج دم توڑ جائے گا وزیر جنگلات پنجاب

    پنجاب کا لگ بھگ 2 ہزار 600 ارب روپے کا بحٹ آج صوبائی اسمبلی کے ایوان میں پیش کیا جائےگا

  • بجٹ سے متعلق اپوزیشن کا پراپیگنڈا آج دم توڑ جائے گا وزیر جنگلات پنجاب

    بجٹ سے متعلق اپوزیشن کا پراپیگنڈا آج دم توڑ جائے گا وزیر جنگلات پنجاب

    وزیر جنگلات پنجاب سبطین خان کا کہنا ہے کہ بجٹ سے متعلق اپوزیشن کا پراپیگنڈا آج دم توڑ جائے گا-

    باغی ٹی وی کی رپورٹ کے مطابق صوبائی وزیرسبطین خان کا کہنا ہے کہ بجٹ ہر طبقے کیلئے ریلیف کو مدنظر رکھ کر بنایا گیا ہے-

    وزیر جنگلات پنجاب نے کہا کہ آج کے بجٹ سے حکومت کی عوام دوستی کا ثبوت ملے گا ،پنجاب بجٹ میں عوام کا ہر طرح سے خیال رکھا گیا ہے بجٹ سے متعلق اپوزیشن کا پراپیگنڈا آج دم توڑ جائے گا-

    واضح رہے کہ پنجاب اور جنوبی پنجاب کا الگ الگ بجٹ بنایا گیا ہے بجٹ لگ بھگ 2 ہزار 600 ارب روپے کا بنایا گیاہے جو آج صوبائی اسمبلی کے ایوان میں پیش کیا جائےگا-

    پنجاب کا لگ بھگ 2 ہزار 600 ارب روپے کا بحٹ آج صوبائی اسمبلی کے ایوان میں پیش کیا جائےگا

    فاقی وزیر اطلاعات و نشریات فواد چوہدری نے بے بس صحافیوں کوخوشخبری سنادی

    ن لیگ کا نیا بیانیہ کیا آرہا ہے؟اورکیوں؟فواد چوہدری نے اندرکی بات بتادی