لاہور،آندھی اور بارش سے لیسکو کے ٹرپ ہونے والے فیڈرز بحال
باغی ٹی وی : لیسکو حکام کے مطابق لاہور،تیز ہواؤں کے باعث چند مقامات پر بجلی کی تاریں ٹوٹ گئی تھیں،لیسکو ترجمان کا کہنا ہے کہ لاہور،رات بھر لیسکو کا عملہ بجلی بحالی کے کاموں میں مصروف رہا-
ترجمان کے مطابق لاہور،لیسکو کے 150 فیڈرز پر بجلی بحال کردی گئی ہے جبکہ لاہور،اعوان ٹاؤن، سبزہ زار،امام یہ کالونی اور شاہدرہ میں بجلی بحالی کا کام جاری ہے-
ترجمان نے کہا کہ لاہور،متاثرہ علاقوں میں جلد فیڈرز پر بجلی بحال کردی جائے گی-
وزیر اعلی پنجاب سردار عثمان احمد خان بزدار کی ہدایت پر ڈیرہ غازی خان میں "خدمت مہم”میں تیزی آگئی۔عوامی آمدورفت رکاوٹ بننے والی تجاوزات کے خلاف آپریشن کرتے ہوئےوہوا میں تنگ روڈ کو 66 فٹ تک چوڑا کردیا گیادکانیں سمیت تمام پختہ تعمیرات مسمار کردی گئیں-
باغی ٹی وی : رپورٹ کے مطابق تجاوزات کے خلاف آپریشن میں بھاری مشینری استعمال کی گئی۔اسسٹنٹ کمشنر تونسہ رابعہ سیال اور اے ایس پی میر روحیل نے آپریشن کی نگرانی کی۔ریونیو ریکارڈ دیکھ پر غیر قانونی تعمیرات گرادی گئیں ۔
ڈپٹی کمشنر کیپٹن ریٹائرڈ محمد علی اعجاز نے کہا کہ خدمت مہم کے تحت ہر قسم کی تجاوزات کا خاتمہ کیا جائیگا انہوں نے کہا کہ خدمت آپ کی دہلیز پر،پورے ضلع میں سرگرمیاں جاری ہیں۔
ضلع ڈیرہ غازی خان "خدمت آپ کی دہلیز پر”مہم پر سرگرمیوں کی تعداد کے حوالے سے ڈویژن بھر میں بازی لے گیاڈیش بورڈ کی رینکنگ کے مطابق ضلع ڈیرہ غازی کی راجن پور،مظفر گڑھ اور لیہ اضلاع سے زیادہ سرگرمیاں خدمت آپ کی دہلیز کی ڈیش بورڈ پر ریکارڈ ہوئیں۔
ضلع ڈیرہ غازی خان میں 1445،راجن پور 1247،مظفر گڑھ 1225 اور لیہ ڈسٹرکٹ میں 922 سرگرمیاں ظاہر کی گئیں۔
ڈپٹی کمشنر۔ ڈیرہ غازی خان کیپٹن ریٹائرڈ محمد علی اعجاز نے کہا کہ مسابقت کی فضا ڈویژن سے بڑھا کر صوبہ میں لائی جائے۔
ڈپٹی کمشنر نے کہا کہ خدمت مہم کے تحت متعلقہ محکمہ کی ہفتہ وار چھٹیاں منسوخ ہیں،اتوار کے روز بھی سرگرمیاں جاری رکھی جائیں ڈپٹی کمشنر نے متعلقہ افسران کی حوصلہ افزائی کرتے ہوئے شاباش دی۔
راولپنڈی،مندرہ چکوال روڈ پر پولیس وین حادثہ 10 اہلکار زخمی، رورل ہیلتھ سینٹر منتقل
باغی ٹی وی : تفصیلات کے مطابق راولپنڈی،مندرہ چکوال روڈ پر پولیس وین کو حادثہ پیش آیا جس میں 10 اہلکار زخمی ہوئے زخمی اہلکاروں کو رورل ہیلتھ سینٹر منتقل کر دیا گیا-
پولیس ذرائع کا کہنا ہے کہ راولپنڈی،حادثہ وین کا ٹائر بلاسٹ ہونے کے باعث پیش آیا تاہم کوئی جانی نقصان نہیں ہوا-
پولیس ذرائع کے مطابق راولپنڈی،وین فیصل آباد سے زیر تربیت اہلکاروں کو لے کر ٹریننگ سینٹر روات جارہی تھی-
اسلام آباد،مولانا فضل الرحمان کی زیر صدارت پی ڈی ایم کا سربراہی اجلاس آج ہوگا-
باغی ٹی وی : تفصیلات کے مطابق پی ڈی ایم اجلاس میں حکومت کے خلاف احتجاجی تحریک پر مشاورت کی جائے گی پی ڈی ایم سربراہی اجلاس مسلم لیگ ن کے سیکریٹریٹ میں دوپہر 2 بجے ہو گا-
مولانا فضل الرحمن نے کہا کہ حکومت اداروں کو تباہ کررہی ہے،ایشو تھا کہ اداروں کی اصلاح کی جائے-
انہوں نے کہا کہ حکمرانوں کو سلیکٹ کرکے قوم پر مسلط کیا گیا، ہمار ا ہتھیار پاکستان کے عوام ہیں، ہم نے عوام کا اعتماد حاصل کرنا ہے-
اسلام آباد:ایس ایس پی انوسٹی گیشن عطاالرحمن کی ہدایت پر سی آئی اے پولیس کی کارروائی-
باغی ٹی وی : ضلع بھر میں موبائل فون چھیننے اور چوری کرنے والے تین ملزمان گرفتار، ترجمان اسلام آباد پولیس کت مطابق ملزمان کے قبضہ سے وارداتوں میں استعمال ہونے والا موٹر سائیکل، 30 بور پسٹل، چھینے و چوری کیے گئے موبائل فونز بھی برآمد،
گرفتار ملزمان میں ساجد علی، عمیر عباسی اور عمر فاروق شامل ہیں، کارروائی ڈی ایس پی سی آئی اے حاکم خان کی نگرانی میں سی آئی اے ٹیم نے کی –
ترجمان اسلام آباد پولیس کا کہنا ہے کہ ملزمان کے خلاف مقدمات درج کرکے مزید تفتیش شروع کر دی گئی-
وزیرجیل خانہ جات پنجاب فیاض الحسن چوہان کا کہنا ہے کہ جہانگیر ترین سے متعلق وزیراعظم کا موقف کلیئر ہے ۔
باغی ٹی وی : فیاض الحسن چوہان نے اپنے ایک بیان میں کہا کہ نئے گروپ بننے سے پنجاب اور وفاقی حکومت کو کوئی خطرہ نہیں ہے۔
صوبائی وزیر جیل خانہ جات نے کہا کہ جہانگیر ترین سے متعلق وزیراعظم کا موقف کلیئر ہے ۔
انہوں نے کہا کہ جہانگیر ترین منی لانڈرنگ میں ملوث قرار پائے تو انہیں مسائل کا سامنا کرنا پڑے گا۔
فیاض لحسن کا کہنا تھا کہ حکومت کے تین سال گزرچکے اگلے دو سال بھی گزر جائیں گے۔
لاہورسمیت پنجاب میں نجی و سرکاری میڈیکل کالجز کھول دئیے گئے-
باغی ٹی وی : تفصیلات کے مطابق لاہورسمیت پنجاب میں کورونا کیسز میں کمی آنے پر نجی و سرکاری میڈیکل کالجز کھول دئیے گئے ہیں-
پنجاب میں میڈیکل یونیورسٹیز، کالجز، ڈینٹل کالجز اور الائیڈ ہیلتھ سائنسز سکولز بھی کھل گئے ہیں –
محکمہ ہیلتھ کئیر کی جانب سے نوٹیفیکیشن کے مطابق پہلے مرحلے میں تھرڈ ایئر اور فورتھ ایئر ،بی ڈی ایس کے طلبہ کلاسز میں آسکیں گے-
محکمہ اسپیشلائزڈ ہیلتھ کئیر کا کہنا ہے کہ فائنل ایئر ایم بی بی ایس کے طلبہ بھی میڈیکل کالجز میں جا سکیں گے-
محکمہ اسپیشلائزڈ ہیلتھ کئیرپنجاب نے مزید ہدایت کی کہ طلبہ کو ایس او پیز کے ساتھ کلاس میں بٹھایا جائے-
اسلام آباد،گاڑی سے نائن ایم ایم پستول ، 2 میگزین اور 20گولیاں برآمد ،اے ایس ایف
باغی ٹی وی : اے ایس ایف حکام کا کہنا ہے کہ ایئرپورٹ کی چیک پوسٹ پر گاڑی سے اسلحہ برآمد ہوا جس میں نائن ایم ایم پستول ، 2 میگزین اور 20گولیاں تھیں ڈرائیورکو حراست میں لے لیاگیا-
اے ایس ایف نے ڈرائیور کو پولیس کے حوالے کردیا ڈرائیور نے اپنے ابتدائی بیان میں کہا کہ مالک کے اہل خانہ کو ایئرپورٹ چھوڑنے آیا تھا-
لسّی پینے کی شوقین مسلم لیگ ن کی نائب صدر اور سابق وزیراعظم میاں نواز شریف کی صاحبزادی مریم نواز نے روزانہ لسّی نہ پینے کی وجہ سوشل میڈیا صارفین کو بتادی۔
باغی ٹی وی : حال ہی میں مائیکرو بلاگنگ ویب سائٹ ٹوئٹر پر ایک صارف نے مریم نواز کی تصویر شیئر کی جس میں اُن کے ہاتھ میں اُن کا خاص گلاس ہے جس میں وہ اکثر مختلف مشروبات پیتی ہیں۔
صارف نے تصویر شیئر کرتے ہوئے مریم نواز سے پوچھا کہ ’میم! کیا آپ لسّی پی رہی ہیں؟‘
I wish I could have it everyday but I have to watch my weight so coffee only 😣 https://t.co/oaXB2v1hKW
— Maryam Nawaz Sharif (@MaryamNSharif) May 25, 2021
ٹوئٹر صارف کے سوال کا جواب دیتے ہوئے مریم نواز نے کہا کہ ’کاش! میں بھی روزانہ لسّی پی سکتی۔‘
مریم نواز نے کہا کہ ’میں اپنے وزن کی وجہ سے روزانہ لسّی نہیں پی سکتی بلکہ صرف کافی ہی پیتی ہوں۔‘
مسلم لیگ ن کی نائب صدر کے اس ٹوئٹ پر اُن کے مداحوں کی بڑی تعداد کی جانب سے تبصروں کا سلسلہ جاری ہے۔
ہے نا ؟ 😣😣😣 https://t.co/cf7JfVIMvM
— Maryam Nawaz Sharif (@MaryamNSharif) May 25, 2021
ایک صارف نے کہا کہ لاہور ہو کر بھی لسی نہیں پی تو یہ زیادتی ہے صارف کی بات پر مریم نواز نے بھی اتفاق کیا اور غمگین ایموجی کا بھی استعمال کیا-
https://twitter.com/bavagujar/status/1397213750676033537?s=20
ایک صارف نے کہا کہ اسٹیل کے گلاس میں Coffee کون پیتا ہے ؟یہ وہی بنگالی عامل کا جادو والا گلاس نہیں ؟-
Jaahil ghareeb insan, heard about cold coffee?
— No-one (@The_Mujaahid) May 25, 2021
صارف کی اس بات کا جواب دیتے ہوئے ایک اور صارف نے کہا کہ جاہل غریب انسان ٹھنڈی کافی کے بارے میں سنا؟-
Logoo ka paissaa kha kha k lassi bhe naseeb na ho sakay ye hai Allah ki qudraat. loota hua paisaa bht but khaa nh saktay.
— Muhammad Haris Siddiqui (@iharrissiddiqui) May 25, 2021
لوگوں کا دولت نیازی اور اس کے سلیکٹرز کھا رہے ہیں
جن کی آپ جیسے ہوتھئے ترجمانی کرتے ہیں— Hatir Buledi (@MirHatir) May 25, 2021
اس سے قبل مریم نواز نے ماہِ رمضان میں افطار پر تیار کیے جانے والے روایتی مشروب کی ترکیب سوشل میڈیا پر شیئر کی تھی۔
واضح رہے کہ مریم نواز سوشل میڈیا پر کافی متحرک رہتی ہیں اور وہ صارفین کے ٹوئٹس کا جواب بھی دیتی رہتی ہیں۔
اپوزیشن جماعت پاکستان مسلم لیگ ن (پی ایم ایل این) کی ترجمان مریم اورنگزیب نے صحافی اور بلاگر اسد طور پر حملے کی شدید مذمت کی ہے-
باغی ٹی وی : مریم اورنگزیب نے اپنے ایک بیان میں کہا کہ حکومت صحافیوں کے تحفظ پر لیکچر دینے کے بجائے میڈیا کا تحفظ یقینی بنائے۔
دوسری جانب ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز نے بھی صحافی اور بلاگر اسد طور پر نامعلوم افراد کے تشدد کی مذمت کرتے ہوئے حکومت سے صحافیوں کے تحفظ کے لیے اقدامات کرنے اور حملہ آوروں کی گرفتاری کا مطالبہ کردیا۔
وفاقی وزیر اطلاعات فواد چودھری نے واقعے کا نوٹس لیتے ہوئے ایس پی اسلام آباد کو جلد تحقیقات کی ہدایت کردیں ہیں-
واضح رہے کہ گزشتہ شب اسلام آباد کے سیکٹر ایف الیون میں پیش آیا جب تین نامعلوم افراد اسد علی طور کے فلیٹ میں زبردستی داخل ہوئے اور ان کے ہاتھ پاؤں باندھ کر ان پر تشدد کیا۔
اسد علی طور نے پولیس کو اپنے بیان میں بتایا ہے کہ ان پر تشدد کر نے والے افراد پستول سے مسلح تھے اور انھوں نے اسد علی طور کو پستول کے بٹ اور پائپ سے مارا پیٹا۔
اسد علی طور کا کہنا ہے کہ ان پر حملہ کرنے والے افراد نے انھیں ٹھوکریں ماریں اور ان سے زبردستی ‘پاکستان زندہ باد کے نعرے لگوائے۔
اسد علی طور پر حملے کی خبر عام ہونے کے بعد سوشل میڈیا پر جہاں ٹوئٹر پر ٹاپ ٹرینڈ کر رہا ہے جس میں ان پر ہونے والے حملے کی مذمت کا سلسلہ شروع ہوا وہیں حال ہی میں صحافیوں کے تحفظ کے لیے منظور کیے جانے والے قانون کی اہمیت پر بھی سوال اٹھائے جانے لگے۔
صحافی برادری کے علاوہ حکومتی نمائندوں کی جانب سے بھی اسد علی طور پر کیے جانے والے حملے مذ مت کی گئی ہے-
واضح رہے کہ اسد علی طور اپنی عدالتی رپورٹنگ اور حکومت اور ریاستی اداروں پر تنقیدی یو ٹیوب پر ویڈیو بلاگز کی وجہ سے جانے جاتے ہیں۔
گذشتہ برس اسد طور پر راولپنڈی کی پولیس نے سوشل میڈیا پر پاکستانی اداروں بالخصوص فوج کے خلاف ہرزہ سرائی کرنے، پوسٹس اور تبصرہ کرنے کے الزام میں صحافی اسد طور کے خلاف مقدمہ بھی درج کیا تھا۔
خیال رہے کہ یہ اسلام آباد میں حکومت کے ناقدین صحافیوں پر حملے کا حال ہی میں دوسرا واقعہ ہے چند ہفتے قبل ایک اور صحافی ابصار عالم ایف الیون میں ہی اس وقت زخمی ہو گئے تھے اب ان پر گھر کے قریبی پارک میں چہل قدمی کرتے ہوئے فائرنگ کی گئی۔