Category: پنجاب

اٹک: 78 سالہ ارب پتی بزرگ حاجی گلاب خان کے خلاف ایک سنگین الزام سامنے آیا ہے، جس میں کہا گیا ہے کہ انہوں نے اپنے گھر میں کام کرنے والی شادی شدہ خاتون کے ساتھ زبردستی زیادتی کی۔ متاثرہ خاتون صائمہ وقار، جو کہ محنت کش ہیں اور لوگوں کے گھروں میں کام کر کے اپنے خاندان کا گزر بسر کرتی ہیں، نے ماڈل پولیس اسٹیشن اٹک سٹی میں ایف آئی آر درج کرائی ہے۔ صائمہ وقار دختر وقار حسین زوجہ شیر افضل، جو ڈھوک فتح اٹک کی رہائشی ہیں، نے پولیس کو بتایا کہ وہ حسب معمول حاجی گلاب خان کے ڈیرے پر صفائی کر رہی تھیں، جو کہ آستانہ عالیہ باغدرہ شریف حسن ابدال کے قریب واقع ہے۔ صائمہ نے بیان دیا کہ کام کے دوران حاجی گلاب خان نے انہیں زبردستی کمرے میں پکڑ لیا اور ان کے ساتھ زنا بالجبر کیا۔
پولیس نے فوراً کارروائی کرتے ہوئے خاتون کی درخواست پر مقدمہ درج کر لیا۔ ملزم حاجی گلاب خان، جو کہ دکھنیر کے رہائشی ہیں اور گورا قبرستان کے قریب اپنے ڈیرے پر مقیم ہیں، کو گرفتار کر لیا گیا ہے۔ پولیس نے ملزم کو جسمانی ریمانڈ پر لے کر تفتیش کا آغاز کر دیا ہے۔ملزم حاجی گلاب خان کے خلاف یہ الزام اس وقت سامنے آیا ہے جب مذہبی پیشوائی کا لبادہ اوڑھ کر ایسے سنگین جرائم میں ملوث ہونے کی خبر نے علاقے میں تشویش پیدا کر دی ہے۔ اس واقعے نے نہ صرف مقامی لوگوں بلکہ سوشل میڈیا پر بھی ہلچل مچادی ہے، جہاں پر لوگوں نے انصاف کی فوری فراہمی کا مطالبہ کیا ہے۔پولیس حکام نے بتایا کہ اس معاملے کی تفتیش جاری ہے اور ملزم کے خلاف سخت کارروائی کی جائے گی۔ متاثرہ خاتون صائمہ وقار اور ان کے خاندان کو انصاف فراہم کرنے کے لیے تمام ممکنہ اقدامات کیے جائیں گے۔ پولیس کا کہنا ہے کہ ملزم کی گرفتاری اور تفتیش کے دوران حاصل کردہ شواہد کی روشنی میں عدالت میں مقدمہ چلایا جائے گا۔ یہ واقعہ مذہبی پیشواؤں کے کردار پر سوالیہ نشان اٹھاتا ہے اور اس بات کی ضرورت کو اجاگر کرتا ہے کہ ایسے معاملات میں شفاف تحقیقات اور انصاف کی فراہمی کو یقینی بنایا جائے۔

وزیراعلیٰ پنجاب مریم نواز نے لاہور کے دو بڑے ہسپتالوں میں اپ گریڈڈ سہولیات کا افتتاح کر دیا ہے۔ لیڈی ایچیسن ہسپتال میں اپ گریڈڈ او پی ڈی اور میو ہسپتال میں اپ گریڈڈ آئی وارڈ کا باقاعدہ افتتاح کیا گیا۔ وزیراعلیٰ مریم نواز نے لیڈی ایچیسن ہسپتال کی اپ گریڈڈ او پی ڈی بلاک کا دورہ کیا، جہاں انہوں نے کنسلٹنٹ او پی ڈی، او پی ڈی، اینٹی نینٹل کلینک، نرسنگ آفس، اور ٹرائیج روم کا معائنہ کیا۔ اس موقع پر انہوں نے وارڈ میں موجود زچہ و بچہ کی خیریت دریافت کی، ننھے بچوں کو پیار کیا اور درازی عمر کی دعائیں دیں۔ وزیراعلیٰ نے وارڈ میں موجود نومولود بچے کو گود میں اٹھا کر پیار کیا اور ایک مریضہ کے مسائل سنے۔ وزیراعلیٰ نے مریضہ کو تسلی دیتے ہوئے مسئلہ فوری حل کرنے کا حکم دیا۔ ڈاکٹروں اور نرسوں کی خواہش پر وزیراعلیٰ نے ان کے ساتھ تصاویر بھی بنوائیں۔
وزیراعلیٰ مریم نواز میو ہسپتال کے آپتھلما لوجی وارڈ پہنچ گئیں اور اپ گریڈیشن پراجیکٹ کا افتتاح کیا۔ انہوں نے آپتھلما لوجی بلاک کے مختلف فلورز کا دورہ کیا، تعمیراتی کام کا جائزہ لیا، اور او پی ڈی، آپریشن تھیٹر، سی ایس ایس ڈی سٹرلائزیشن روم کا معائنہ کیا۔ اس موقع پر سیکرٹری سی اینڈ ڈبلیو سہیل اشرف نے اپ گریڈیشن پراجیکٹ کے حوالے سے بریفنگ دی۔وزیراعلیٰ مریم نواز کے ان دوروں کا مقصد صحت کی سہولیات کو بہتر بنانا اور عوام کو معیاری طبی خدمات فراہم کرنا ہے۔ ان اقدامات سے مریضوں کو بہتر علاج معالجہ اور ہسپتال کی سہولیات میں بہتری ملے گی۔ وزیراعلیٰ نے اس موقع پر ہسپتال عملے کی محنت اور لگن کی تعریف کی اور انہیں مزید بہتر خدمات فراہم کرنے کی ہدایت کی۔

پنجاب اسمبلی میں ایم پی اے باسمہ چودھری نے امریکی جیل میں قید پاکستانی ڈاکٹر عافیہ صدیقی کی رہائی کے لیے ایک اہم قرارداد جمع کرادی ہے۔ قرارداد میں عافیہ صدیقی کی پاکستانی شہری ہونے کے ناطے حفاظت کا مطالبہ کیا گیا ہے، اور اس بات پر زور دیا گیا ہے کہ ہر پاکستانی شہری کو اس حق کا تحفظ حاصل ہے چاہے وہ دنیا کے کسی بھی کونے میں ہو۔قرارداد کے متن میں کہا گیا ہے کہ عافیہ صدیقی کے وکیل نے انکشاف کیا ہے کہ ان پر جسمانی اور جنسی تشدد کیا جا رہا ہے، اور ان کی عزت کی پامالی کی جا رہی ہے۔ اس کے علاوہ، ذہنی دباؤ ڈالا جا رہا ہے اور انہیں اپنے مذہب سے دور کرنے کی کوشش کی جا رہی ہے۔
قرارداد میں مزید کہا گیا ہے کہ عافیہ صدیقی کو امام سے ملنے نہیں دیا جا رہا اور انہیں قانونی دفاع کے حق سے بھی محروم کیا جا رہا ہے۔ دستاویزات پر دستخط کرنے کی اجازت نہ دینے کی شکایت بھی کی گئی ہے، اور کہا گیا ہے کہ پاکستان کی بیٹی پر یہ ظلم اور بربریت ہرگز قابل قبول نہیں۔قرارداد میں مطالبہ کیا گیا ہے کہ عافیہ صدیقی کو وطن واپس لانے کے لیے بھرپور اور مخلصانہ کوششیں کی جائیں، اور یہ کوششیں صرف زبانی نہیں بلکہ عملی طور پر کی جائیں۔ اسلام آباد ہائیکورٹ کے آرڈرز پر فوری عمل درآمد کا بھی کہا گیا ہے۔قرارداد میں عافیہ صدیقی کی گرتی ہوئی جسمانی اور ذہنی صحت کو مدنظر رکھتے ہوئے انسانی ہمدردی کی بنیاد پر رہائی کی درخواست کی گئی ہے۔ اس کے علاوہ، وزیراعظم پاکستان سے مطالبہ کیا گیا ہے کہ وہ امریکہ سے تحریری طور پر صدارتی معافی اور ہمدردی کی بنیاد پر رہائی کے لیے درخواست کریں۔
قرارداد میں حکومت پاکستان سے درخواست کی گئی ہے کہ امریکی سٹیٹ ڈیپارٹمنٹ سے فوری طور پر ڈاکٹر عافیہ صدیقی کی میڈیکل ٹیم کے معائنہ اور اپنی مرضی کے امام سے ملاقات کی اجازت طلب کی جائے۔یہ قرارداد عافیہ صدیقی کی رہائی کے معاملے پر مزید توجہ مبذول کروانے اور انسانی حقوق کی خلاف ورزیوں کے خلاف ایک مضبوط پیغام دینے کی کوشش ہے۔

پنجاب حکومت نے صوبے کے لئے پہلی ائیر ایمبولینس کا آغاز کر دیا ہے، جس نے پاکستان کی تاریخ میں ایک نیا باب رقم کیا ہے۔ یہ اقدام عوام کو فوری اور مؤثر طبی امداد فراہم کرنے کی کوششوں کا حصہ ہے۔میانوالی میں ایک چھت سے گر کر مفلوج ہونے والی مریضہ، حلیمہ بی بی، کو فوری طبی امداد کی ضرورت تھی۔ میانوالی کے ڈسٹرکٹ ہیڈ کوارٹر ہسپتال کے سرجن نے انہیں راولپنڈی کے ایک بڑے ہسپتال میں منتقل کرنے کی سفارش کی۔
وزیر اعلیٰ پنجاب مریم نوازشریف کی ہدایت پر، حلیمہ بی بی کو "گولڈن آور” کے دوران میانوالی سے راولپنڈی کامیابی کے ساتھ منتقل کر دیا گیا۔ اس آپریشن کی نگرانی ڈاکٹر رضوان نصیر نے کی۔ ریسکیو ایئر ایمبولینس کی آزمائشی سروس کے ذریعے حلیمہ بی بی کو فوری طور پر منتقل کر کے ان کی جان بچائی گئی۔وزیر اعلیٰ مریم نواز نے کہا کہ صوبے کی عوام کی خدمت اور ان کی زندگی میں آسانی لانے کے لئے حکومت متعدد منصوبے لا رہی ہے۔ انہوں نے مزید کہا کہ عوام کی زندگی میں ریلیف دینے کے لیے یہ اقدامات جاری رہیں گے۔یہ کامیاب آپریشن پنجاب حکومت کی عوامی خدمت کے عزم کا مظہر ہے اور مستقبل میں مزید ایسے اقدامات کی توقع کی جا رہی ہے جو عوام کو فوری طبی امداد فراہم کرنے میں معاون ثابت ہوں گے۔

ترجمان پی ڈ ی ایم اے کا کہنا ہے کہ 8اور9محرم کو پنجاب بھر میں طوفانی بارشوں کے امکانات ہیں۔ پنجاب کے مختلف اضلاع میں آج رات بھی شدید بارشوں کے امکانات ہیں، محرم کے جلوسوں کی انتظامیہ موسمی شدت کو مدنظر رکھتے ہوئے حفاظتی تدابیر اختیار کرے،بجلی کے کھمبوں اور تاروں سے فاصلہ اختیار کیا جائے۔
خستہ حال چھتوں کے اوپر محافل کے انعقاد سے گریز کیا جائے،دریاؤں اور ندی نالوں کی کراسنگ سے ممکنہ حد تک گریز کیا جائے،ڈیرہ غازی خان کے پہاڑی علاقوں میں طغیانی کا خدشہ ہے،ندی نالوں کے کنارے بستیوں کے مکین خاص طور پر احتیاطی تدابیر اختیار کریں۔ڈی جی پی ڈی ایم اے عرفان علی کاٹھیانے کہا کہ 8 اور 9 محرم کو ریسکیو ادارے خاص طور پر الرٹ رہیں،ایمرجنسی کی صورت میں پی ڈی ایم اے کی ہیلپ لائن 1129پر رابطہ کریں۔

ترجمان پنجاب پولیس کے مطابق اشتہاری مجرم امداد حسین 2020 سے شیخوپورہ پولیس کو مطلوب تھا، اشتہاری مجرم تھانہ فیروز والہ پولیس کو قتل اور اقدام قتل کی دفعات کے تحت درج مقدمہ میں مطلوب تھا۔ پنجاب پولیس نے بڑی کارروائی کرتے ہوئے قتل کے مقدمے میں مطلوب خطرناک اشتہاری4 برس بعد سعودی عرب سے گرفتار کر لیے۔ پنجاب پولیس نے انٹرپول سے ملزم کا ریڈ نوٹس جاری کروایا ، مسلسل فالو اپ جاری رکھا، سعودی عرب پولیس نے ملزم کو گرفتار کرکے پاکستان کے حوالے کردیا ترجمان پنجاب پولیس کا کہنا ہے کہ پنجاب پولیس کی ٹیم نے ائیر پورٹ سے ملزم کو حراست میں لے لیا، رواں برس بیرون ممالک سے گرفتار اشتہاریوں کی مجموعی تعداد 50 ہو گئی ،آئی جی پنجاب ڈاکٹر عثمان انور نے خطرناک اشتہاری کی سعودی عرب سے گرفتاری پر پولیس ٹیم کو شاباش دی۔آئی جی پنجاب نے اے کیٹیگری کے دیگر خطرناک اشتہاری مجرمان کی گرفتاری کیلئے کریک ڈاؤن تیز کرنے کی ہدایات بھی جاری کیں، انٹرپول اور ایف آئی اے کے ساتھ تعاون سے مزید اشتہاری مجرمان کو گرفتار کرکے واپس پاکستان لایا جائے۔

وزیراعلیٰ مریم نواز نے اربن فلڈنگ کے خدشے کے پیش نظر حفاظتی اور ضروری انتظامی اقدامات یقینی بنانے کی ہدایت جاری کرتے ہوئے نکاسی آب کے لیے کمشنرز، ڈپٹی کمشنرز اور واسا کو متحرک رہنے کا حکم دے دیا۔اس حوالے سے وزیراعلیٰ پنجاب نے کہا کہ لاہور میں بارش کے پانی کے بروقت اخراج کے لیے کاوشیں قابل تحسین ہیں، بارشوں کے پانی کے نکاس تک متعلقہ افسران فیلڈ میں موجود رہیں، انتظامیہ اور واسا متحرک رہیں، نکاسی آب کے لیے وسائل بروئے کار لائے جائیں۔
انہوں نے ہدایت کی کہ کسی سڑک پر بارش کا پانی زیادہ دیر تک جمع نہیں ہونا چاہیئے، سیلابی صورتحال سے نمٹنے کے لیے پی ڈی ایم اے کے ایس او پیز پر عملدرآمد کو یقینی بنایا جائے، شہریوں کی جان و مال کی حفاظت حکومت کی ذمہ داری ہے، اسے ہر صورت یقینی بنایا جائے گا، نشیبی علاقوں کے عوام کی جان ومال کی حفاظت کو یقینی بنایا جائے گا، دیہی علاقوں میں پیشگی مال مویشیوں کی حفاظت کے لیے اقدامات بھی کیے جائیں۔
ان کا کہنا تھا کہ کسی سڑک پر بارش کا پانی زیادہ دیر تک جمع نہیں ہونا چاہیے، سیلابی صورتحال سے نمٹنے کےلئے پی ڈی ایم اے کے ایس او پیز پر عملدرآمد کو یقینی بنایا جائے، شہریوں کی جان و مال کی حفاظت حکومت کی ذمہ داری ہے، اسے ہر صورت یقینی بنایا جائے گا۔انہوں نے کہا کہ نشیبی علاقوں کے عوام کی جان ومال کی حفاظت کو یقینی بنایا جائے، دیہی علاقوں میں پیشگی مال مویشیوں کی حفاظت کے لیے اقدامات کیے جائیں، سیلابی صورتحال میں متاثرین کو بروقت امداد اور ریلیف کی فراہمی یقینی بنائی جائے، ارکان اسمبلی ممکنہ سیلابی صورتحال میں ریسکیو اور ریلیف کے کاموں کی مؤثر نگرانی کریں۔مریم نواز کا مزید کہنا تھا کہ کرنٹ لگنے کے حادثات سے بچاؤ کے لئے آگاہی پھیلائی جائے، شہریوں سے اپیل ہے چھوٹے بچوں کو ننگی تاروں اور کھمبوں کے قریب نہ جانے دیں، ایمرجنسی کی صورت میں ریسکیو اور ریلیف سرگرمیاں بروقت شروع کی جائیں۔

وزیر اعلیٰ پنجاب مریم نواز نے 200 یونٹ بجلی استعمال کرنے والے صارفین کو سولر دینے کا اعلان کیا ہے۔ وزیر اعلیٰ پنجاب مریم نواز نے عوام کو ریلیف دینے سے متعلق بڑا فیصلہ کرتے ہوئے 200 یونٹ بجلی استعمال کرنے والے صارفین کو سولر دینے کا اعلان کیا ہے۔ ایک بیان میں مریم نواز نے منصوبوں سے پیسے منتقل کر کے عوام کو ریلیف دینے کا اعلان کیا۔ انہوں نے کہا کہ بجلی کے بڑھتے ہوئے بلز پر بہت تکلیف ہے، بجلی کے بڑھتے ہوئے بل دیکھ کر غریبوں کی پریشانیوں سے آگاہ ہوں، غریبوں کے ساتھ ہوں اور ہمیشہ ان کے حق کے لیے کھڑی رہوں گی۔حکومت پنجاب کا کہنا ہے کہ 200 یونٹ سے 500 یونٹس والے صارفین کو سولر کے لیے بغیر سود قرضہ دینے کا فیصلہ کیا گیا ہے۔ صوبائی حکومت 200 سے 500 یونٹس کے صارفین کو سولر لگانے کے لیے 75 فیصد تک رقم ادا کرے گی۔

اساتذہ کی قلت کا شکار سکولزکے طلبہ کے لیے اچھی خبر سامنے آگئی،پنجاب حکومت نے سرکاری سکولز کیلئے30 ہزار نئے اساتذہ بھرتی کرنے کا فیصلہ کیا ہے۔
پنجاب حکومت نےسرکاری سکولز میں کی قلت کو ختم کرنے کے لیے ورکنگ شروع کردی، وزیر اعلیٰ مریم نواز شریف نے صوبائی وزیر تعلیم کو اساتذہ کی بھرتی مکمل کرنے کا ٹاسک دے دیا ،سرکاری سکولز میں سبجیکٹ سپیشلسٹ اساتذہ کی بھرتی کو یقینی بنایا جائے گا ۔سکولز میں تمام سبجیکٹس کےلیے سبجیکٹ سپیشلسٹ اساتذہ کی بھرتی کی جائے گی، شہباز شریف کے دور میں 46 ہزار اساتذہ بھرتی کیے گئے ، سکولز میں اساتذہ کی قلت کے باعث سات سال کے بعد اساتذہ کی بھرتی کا عمل شروع کیا جارہاہے ۔صوبائی وزیر تعلیم سکندر حیات کا کہنا ہے کہ تمام اساتذہ کی بھرتی کا عمل پبلک سروس کمیشن کے زریعے مکمل کیا جائے گا، سرکاری سکولوں میں بھرتیاں مرحلہ وار کی جائیں گی ، کوشش ہے کہ بھرتیوں کا عمل گرمیوں کی چھٹیوں میں مکمل کرلیا جائے۔

وزیراعلیٰ پنجاب مریم نواز شریف کا پارلیمانی نظامِ حکومت کے عالمی دن پر پیغام میں کہنا تھا کہ آج پارلیمانی جمہوریت کے اصولوں کو برقرار رکھنے کے عزم کی تجدید کا دن ہے۔ وزیراعلیٰ مریم نوازنے کہا کہ قومی اور صوبائی ایوانوں کے ارکان کو خراج تحسین پیش کرتی ہوں، جمہوریت اور انصاف کی اقدار کو برقرار رکھنے کی کاوشیں کرنے والے پارلیمنٹیرینز قابل تحسین ہیں ، انسانی حقوق کے تحفظ کیلئے مضبوط پارلیمنٹ انتہائی ضروری ہے ۔ مریم نواز نے کہا کہ پارلیمنٹ ہماری جمہوریت کی بنیاد اور معاشرے میں انصاف اور مساوات کے اصولوں کی محافظ ہے، پارلیمانی نظام شفافیت، جوابدہی، اور حکمرانی میں عوام کی نمائندگی کو یقینی بناتا ہے، ہر شخص اور ادارہ پارلیمانی اداروں کو مضبوط بنانے کی کوشش میں اپنا کردار ادا کرے۔انہوں نے کہا کہ پارلیمانی جمہوریت شہریوں کی فعال شرکت سے فروغ پاتی ہے، جمہوریت کی قوت پارلیمانی اداروں کی مضبوطی میں ہے ،پنجاب اسمبلی میں پارلیمنٹری ڈویلپمنٹ یونٹ اور ریسرچ سنٹر قائم کیا گیا ہے،پارلیمانی ڈویلپمنٹ یونٹ جمہوری اصولوں کے مطابق ارکان اسمبلی کی معاونت کرے گا۔