Baaghi TV

Category: پنجاب

  • ٹریفک خلاف ورزیوں پر547 پولیس اہلکاروں کی گاڑیاں بند

    ٹریفک خلاف ورزیوں پر547 پولیس اہلکاروں کی گاڑیاں بند

    ٹریفک خلاف ورزیوں پر547 پولیس اہلکاروں کی گاڑیاں بند کی گئیں-

    ترجمان ٹریفک پولیس پنجاب کے مطابق ڈی آئی جی ٹریفک پنجاب محمد وقاص نذیر کے احکامات پر’’قانون سب کے لیے برابر‘‘ مہم جاری ہے، گزشتہ20 روز میں2800 پولیس اہلکاروں کو چالان ٹکٹ جاری کئے گئے جبکہ ٹریفک خلاف ورزیوں پر547 پولیس اہلکاروں کی گاڑیاں بند کی گئیں،اسی طرح سنگین ٹریفک خلاف ورزیوں پر21 پولیس اہلکاروں کے خلاف مقدمات بھی درج کئے گئے ہیں۔

    انہوں نے بتایا کہ1 ہزار سے زائد دیگر سرکاری گاڑیوں پر بھاری جرمانے عائدکئے گئے،540 سرکاری گاڑیاں زیرِو ٹالرنس پالیسی کے تحت بند اور11 سرکاری ڈرائیوروں کے خلاف ایف آئی آر کا اندراج کیا گیا ہے،صوبے پنجاب میں ڈرائیونگ کرنے والا کوئی بھی شخص قانون سے بالاتر نہیں ہے-

  • سرکاری محکموں میں ہونے والی کرپشن کیخلاف سخت کارروائی کا فیصلہ

    سرکاری محکموں میں ہونے والی کرپشن کیخلاف سخت کارروائی کا فیصلہ

    وزیراعلیٰ پنجاب مریم نوازنے ہیڈ ٹیچرز کیلئے الاؤنس پانچ ہزار سے بڑھا کر 10ہزار کردیا-

    وزیراعلیٰ مریم نواز کی زیر صدارت پنجاب کابینہ کا اجلاس ہوا، صوبائی حکومت نے سرکاری محکموں میں ہونے والی کرپشن کیخلاف سخت کارروائی کا فیصلہ کیا،پنجاب میں 3ماہ میں ہر محکمے کی مکمل انکوائری مکمل ہوگی ، کرپشن صفر اور جوابدہی یقینی ہوگی،صوبائی حکومت نے راولپنڈی میں پنجاب کا دوسرا آئی ٹی سٹی بنانے کا فیصلہ بھی کیا،نوجوانوں کے روزگار کیلئے ایک سال میں 2300 نوجوانوں کو اسکل پروفیشنلز بنانے کا ہدف مقرر کیا گیا۔

    اجلاس میں جدید ٹریفک لائٹس سے لاہور میں ٹریفک کا نظام بدلنے کی منظوری دی گئی ،پنجاب میں زیبرا کراسنگ کے ذریعے سڑکیں محفوظ بنائی جائیں گی،غیر قانونی لائٹس سے روکنے والے وارڈن کیلئے ایک لاکھ روپے کا انعام مقرر کیا گیا،لائیو اسٹاک کو کمپنی بنا کر مویشی ایکسپورٹ کرنے کا ہدف دے دیا گیا،گندم کا شت کا ہدف بروقت اور باقی صوبوں سے جلد پورا کرنے پر وزیر زراعت کو مبارکباد پیش کی گئی ،پی ایچ اے لاہور کو شاندار کارکردگی پر شاباش دی گئی۔

    پنجاب کے مذہبی رہنماؤں اور امام مسجد صاحبان کو اعزازیہ دینے کی پالیسی منظور کرلی گئی ،اس کے علاوہ محکمہ اسکل ڈویلپمنٹ کے اسٹرکچرپلاننگ یونٹ میں 24خالی آسامیوں پر بھرتی،پنجاب ایجوکیشن،کریکولم،ٹریننگ اتھارٹی کے اسٹاف کی بھرتی کیلئے پابندی میں نرمی کی منظوری دے دی گئی ۔

    اجلاس میں پنجاب فنانشل ایڈوائزری سروسز میں بھرتیوں پر پابندی میں نرمی کی بھی منظوری دی گئی ،بورڈ آف انٹرمیڈیٹ اینڈ سکینڈری ایجوکیشن کے چیئرپرسن، سیکرٹریز اور کنٹرولر کی تعیناتی کی منظوری دے دی گئی ۔

    چیچہ وطنی،کمالیہ، پیر محل اور شور کوٹ روڈ 46کلومیٹر طویل سڑک کی تعمیر و توسیع،ہولی فیملی اسپتال فیصل آباد کیلئے درکار ضروری آلات کی خریداری،100بیڈز مدر اینڈ چائلڈ ہسپتال مری کو جنرل اسپتال میں تبدیل کرنے کی منظوری بھی دی گئی ،گوجرانوالہ میں مریم نوازانسٹی ٹیوٹ آف کارڈیالوجی کے قیام،وزیراعلیٰ پنجاب لائیواسٹاک ای کریڈٹ اسکیم،ضلع قصور کی 66ڈویلپمنٹ سکیمیں اے ڈی پی میں شامل کرنے کی منظوری دی گئی ۔

    اس موقع پر وزیراعلیٰ پنجاب مریم نواز کا کہنا تھا کہ ایک پائی کی کرپشن برداشت نہیں کی جائے گی،سرکاری خزانہ عوام کی امانت ہے، کسی کرپشن کا بوجھ نہیں اٹھایا جائے گا۔

  • وزیراعلیٰ مریم نوازکی ٹیم پنجاب کو ایک اوراعزاز حاصل

    وزیراعلیٰ مریم نوازکی ٹیم پنجاب کو ایک اوراعزاز حاصل

    وزیراعلیٰ مریم نوازکی ٹیم پنجاب نے ایک اوراعزاز حاصل کرلیا،پنجاب سہولت بازار اتھارٹی کو سوئٹزرلینڈ سےاعلیٰ معیار پرانٹرنیشنل سرٹیفکیٹس مل گئے۔

    پنجاب سہولت بازار اتھارٹی کو آئی ایس او 901اورآئی ایس او27001سرٹیفکیٹ کا اجرا کیا گیا، پنجاب سہولت بازار اتھارٹی سرٹیفکیٹ حاصل کرنے والی اپنی نوعیت کی پہلی اتھارٹی بن گئی،سہولت بازار اتھارٹی کا مجموعی طورپر 17ہزار سے زائد اسٹالز قائم کرنے کا منفرد ریکارڈ بھی قائم ہے،پنجاب کے 36اضلاع میں 6ہزارا سٹالز اورنئے بننے والے 10سہولت بازاروں میں ایک ہزارا سٹالز قائم ہیں۔

    پنجاب بھر میں ویک اینڈ پر لگنے والے 10ہزار سے زائد عارضی سٹال عوام کی سہولت کیلئے موجود ہیں،صوبے کے مزید3 اضلاع میں سہولت بازار کا آغاز جنوری 2026تک کرنے کا ہدف مقرر ہےاس موقع پر وزیراعلیٰ مریم نوازنے پنجاب سہولت بازار اتھارٹی کے عالمی سرٹیفکیشن پر اظہار مسرت اورمبارکباد پیش کی ۔

    انہوں نے کہا کہ عوام کو سستی اورمعیاری اشیا صرف کی فراہمی کیلئے سہولت بازار اتھارٹی کا کردار ناقابل فراموش ہے،سستی اورمعیاری اشیاء کا حصول پنجاب کے عوام کا حق ہے،پنجاب کے سرکاری ادارو ں کو صحیح معنوں میں خدمت مرکز بنا رہے ہیں،سستی روٹی اورسستا آٹا عوام کیلئے احساس کا ناقابل تردید ثبوت ہے۔

  • عمران خان کی بہنوں نے عمران خان کی کمزوری بتا دی ہے،فیصل واوڈا

    عمران خان کی بہنوں نے عمران خان کی کمزوری بتا دی ہے،فیصل واوڈا

    سینیٹر فیصل واوڈا نے کہا ہے کہ اگر پی ٹی آئی مائنس ون پر نہیں آئے گی تو پوری پارٹی کو مائنس کردیا جائےگا،یہ سارا جھگڑا سیاستدانوں کے آپس کا ہے، اب ایک انچ بھی برداشت نہیں کیا جائےگا، رگڑ دیں گے –

    نجی ٹی وی سے گفتگو کرتے ہوئے سابق وفاقی وزیر فیصل واوڈا نے کہاکہ پی ٹی آئی کی مقبولیت ختم ہو چکی ہے، یہ اقتدار اور پیسے کی جنگ کررہے ہیں، انہیں ملک سے محبت نہیں،یہ سارا جھگڑا سیاستدانوں کے آپس کا ہے، اب ایک انچ بھی برداشت نہیں کیا جائےگا، رگڑ دیں گے آج تک برداشت کرکے ہی یہاں تک آئے ہیں،ایک نیا سیسی لفظ آیا ہے ’ایسی کی تیسی‘، عمران خان کی بہنوں نے عمران خان کی کمزوری بتا دی ہے کہ اگر بانی پی ٹی آئی سے کسی کی ملاقات نہ ہو تو وہ پریشان ہو جاتے ہیں۔

    واضح رہے کہ عمران خان سے سیاسی رہنماؤں اور فیملی کی ملاقاتوں پر پابندی عائد کردی ہے، اور کہا گیا ہے کہ کسی بھی قیدی کو جیل میں بیٹھ کر سیاست کرنے کی اجازت نہیں دی جا سکتی،دوسری جانب آج پی ٹی آئی نے پشاور میں جلسہ عام منعقد کیا، جس سے خطاب کرتے ہوئے وزیراعلیٰ سہیل آفریدی نے کہاکہ میں بہت جلد ڈی چوک جانے کی کال دوں گا۔

  • پی ٹی آئی کی موجودہ سیاسی صورتحال اس کی اپنی طرزِ سیاست کا نتیجہ ہے،احسن اقبال

    پی ٹی آئی کی موجودہ سیاسی صورتحال اس کی اپنی طرزِ سیاست کا نتیجہ ہے،احسن اقبال

    نارووال :وفاقی وزیر منصوبہ بندی احسن اقبال نے کہا ہے کہ کہ ڈی جی آئی ایس پی آر نے قوم کے جذبات کی ترجمانی کی ہے،سیاسی مفاد کے لیے ریاست اور افواج پر تنقید کرنا ملک دشمنی کے مترادف ہے-

    نارووال میں میڈیا سے گفتگو کرتے ہوئے احسن اقبال کا کہنا تھا کہ افواجِ پاکستان ملک کی محافظ ہیں اور دہشت گردی کے خلاف جنگ میں مسلح افواج نے تاریخی کامیابیاں حاصل کیں، جنہیں پوری قوم قدر کی نگاہ سے دیکھتی ہےسیاسی مفاد کے لیے ریاست اور افواج پر تنقید کرنا ملک دشمنی کے مترادف ہے پی ٹی آئی کو فیصلہ کرنا ہوگا کہ وہ ریاست کے ساتھ کھڑی ہے یا اپنی متنازع قیادت کے ساتھ ہے۔

    وفاقی وزیر نے 190 ملین پاؤنڈ اسکینڈل پر شدید تنقید کرتے ہوئے الزام لگایا کہ عوام کے پیسے کا غلط استعمال کیا گیا عسکری قیادت پر تنقید ناقابلِ قبول ہے اور پوری قوم افواجِ پاکستان کے ساتھ کھڑی ہےپی ٹی آئی کی موجودہ سیاسی صورتحال اس کی اپنی طرزِ سیاست کا نتیجہ ہے، اور اگلے انتخابات میں عوام ایسے رویے کو مسترد کردیں گےموجودہ عالمی حالات میں پاکستان کسی انتشار کا متحمل نہیں ہوسکتا گزشتہ دو برس میں ملک کو معاشی تباہی کے دہانے سے نکالا گیا ہے اور آنے والے تین سال پاکستان کے لیے فیصلہ کن ہوں گے۔

    امیر جماعتِ اسلامی کا ملک بھر میں دھرنا دینے کا اعلان

    احسن اقبال نے کہا کہ انتشار اور فساد کی سیاست نے ملک کو نقصان پہنچایا ہے جبکہ مستقبل کی کامیابی کے لیے قومی اتحاد ضروری ہے مسلم لیگ (ن) اگلی نسل کو روشن اور خوشحال پاکستان دینا چاہتی ہے، عوام نے نفرت اور گالی گلوچ کی سیاست کو ہمیشہ کے لیے مسترد کر دیا ہے اور اب تعمیر و ترقی کی سیاست ہی ملک آگے بڑھا سکتی ہے۔

    محکمہ تعلیم کی عدم توجہی گرلز ہائی سکول گلیانہ بنیادی سہولیات سے محروم

  • علی امین گنڈا پور کی طرف سے ٹی وی اینکر آفتاب اقبال کو لیگل نوٹس جاری

    علی امین گنڈا پور کی طرف سے ٹی وی اینکر آفتاب اقبال کو لیگل نوٹس جاری

    سابق وزیراعلی خیبرپختونخوا علی امین خان گنڈا پور کی طرف سے معروف ٹی وی اینکر آفتاب اقبال کو لیگل نوٹس جاری کر دیا گیا

    جھوٹ اور مذہبی منافرت کے ذریعے عوام کو گمراہ کرنے پر یوٹیوبر آفتاب اقبال کو قانونی نوٹس بھجوایا گیا جس میں کہا گیا کہ آفتاب اقبال نے اپنی ویڈیو میں بےبنیاد اور گمراہ کن الزامات لگائے، جن میں انہوں نے "ابرہام اکارڈ” جیسے مذہبی اور حساس معاملے کو سابق وزیر اعلیٰ کے ساتھ منسلک کرنے کی کوشش کی۔ اس عمل کو عوامی سطح پر مذہبی جذبات بھڑکانے اور نفرت انگیزی کے مترادف قرار دیا گیا۔ نوٹس کے مطابق، اس پروپیگنڈے سے نہ صرف سابق وزیراعلیٰ علی امین خان گنڈاپور کی سیاسی اور سماجی ساکھ کو نقصان پہنچا بلکہ عوامی جذبات مجروح ہوئے۔ آفتاب اقبال کو ہدایت کی گئی ہے کہ وہ اپنے الزامات واپس لیں، عوامی طور پر معافی مانگیں، اور آئندہ اس نوعیت کے بیانات سے گریز کریں، بصورت دیگر قانونی کارروائی عمل میں لائی جائے گی۔

  • پیپلز پارٹی نہیں، ن لیگ کے لوگوں پر فارم 47 کے الزامات ہیں،سعید غنی

    پیپلز پارٹی نہیں، ن لیگ کے لوگوں پر فارم 47 کے الزامات ہیں،سعید غنی

    وزیر محنت سندھ سعید غنی نے کہا ہے کہ وزیراعظم شہباز شریف وزیر اطلاعات پنجاب عظمیٰ بخاری کی جانب سے بلاول بھٹو زرداری پر سازش کے الزامات کی وضاحت کریں اور بتائیں کے بلاول نے ان کے خلاف کیا سازش کی۔

    نجی ٹی وی کے پروگرام جیو پاکستان میں گفتگو کرتے ہوئے سعید غنی نے کہا کہ بلاول بھٹو نے پنجاب حکومت کی کارکردگی پر تنقید نہیں کی بلکہ پنجاب حکومت کی تعریف کی اور وزیراعظم سے سیلاب متاثرین کی مدد کی درخواست کی،کیا وجہ ہےکہ ایسی صورتحال پیدا کی جا رہی ہے کہ پیپلزپارٹی وفاق سے ناراض ہو جائے، وفاقی حکومت کو ہمارے ووٹوں کی ضرورت سینیٹ اور قومی اسمبلی میں ہے، ہم یہ نہیں چاہیں گے کہ حکومت سے نکلنے کے بعد معاشی بحران کی کیفیت پیدا ہو جائے،کل عظمیٰ بخاری نے کہا بلاول بھٹو جب وزیرخارجہ تھے تو وہ سازشیں کررہے تھے، میں مطالبہ کرتا ہوں کہ اس بات کی وضاحت شہبازشریف کریں اور بتائیں اگر بلاول نے ان کے خلاف سازش کی ہے تو کیاسازش کی، شہبازشریف تو بلاول کی تعریفیں کرتے نہیں تھکتے تھے کہ کتنے کامیاب وزیر خارجہ ہیں، کیا وزیراعظم پنجاب کی حکومت کو جھوٹا قرار دیں گے یا بلاول کی تعریف کریں گے؟ پاکستان جب تنہائی کا شکار تھا تو بلاول نے آئیسولیشن سے نکالا تھا۔

    سعید غنی کا مزید کہنا تھا کہ وزیراعلیٰ پنجاب کہہ رہی ہیں میرا پانی میری مرضی، بھئی آپ کا پانی نہیں ہے، پانی ہمارا بھی ہے، جب نہریں بنانے کی بات ہو رہی تھی تب بھی پنجاب میں پانی کی کمی تھی، ہم نے اس وقت بھی پوچھا تھاکہ پنجاب میں 39 فیصد پانی کی کمی ہے، اگر آپ نئی نہریں بنائیں گے توپنجاب اپنا پانی کہاں سے نکالے گا، انتخابات سے بڑا کوئی پیمانہ نہیں ہوتا اور سندھ کی اکثریت پیپلزپارٹی سے مطمئن ہے، پیپلزپارٹی کےکامیاب ارکان پر فارم 47 کا الزام نہیں بلکہ مسلم لیگ ن کے لوگوں پر فارم 47 کے الزامات ہیں۔

  • عمران ریاض کے پیکا ایکٹ کے تحت وارنٹ گرفتاری جاری

    عمران ریاض کے پیکا ایکٹ کے تحت وارنٹ گرفتاری جاری

    عمران ریاض خان کے خلاف پیکا ایکٹ کے تحت وارنٹ گرفتاری جاری

    اسلام آباد کی مقامی عدالت نے معروف صحافی اور ولاگر عمران ریاض خان کے خلاف پیکا ایکٹ کے تحت درج مقدمے میں وارنٹ گرفتاری جاری کردیے ہیں۔ذرائع کے مطابق، جوڈیشل مجسٹریٹ عباس شاہ نے یہ احکامات اُس مقدمے میں جاری کیے ہیں جو عمران ریاض خان پر جج ہمایوں دلاور کے خلاف مبینہ سوشل میڈیا مہم چلانے کے الزام میں درج کیا گیا تھا۔اطلاعات کے مطابق، نیشنل سائبر کرائم انویسٹی گیشن ایجنسی نے عمران ریاض خان کے خلاف جمع شدہ شواہد اور شکایات کی بنیاد پر عدالت سے وارنٹ گرفتاری حاصل کیے۔ عدالت کے حکم کے بعد ایجنسی نے عمران ریاض خان کی گرفتاری کے لیے کارروائی تیز کردی ہے۔

  • دریائے سندھ اور کابل کے بالائی علاقوں میں بارش کا امکان

    دریائے سندھ اور کابل کے بالائی علاقوں میں بارش کا امکان

    دریائے سندھ اور کابل کے بالائی علاقوں سمیت راولپنڈی اور اسلام آباد میں اگلے 24گھنٹوں کے دوران بارش کا امکان ہے۔

    این ڈی ایم اے کے نیشنل ایمر جنسیز آپریشن سینٹر نے دریاؤں میں پانی کے بہاؤ اور مختلف علاقوں میں سیلابی صورتحال کے حوالے تفصیلات جاری کر دیں،کوٹری بیراج پر حالیہ تقریباً 4 لاکھ کیوسک بہاؤ کے ساتھ درمیانے درجے کا سیلاب ہے اور کوٹری پر ستمبر کے آخر تک صورتحال برقرار رہنے کی توقع ہے۔

    گڈو اور سکھر بیراج پر بہاؤ میں بتدریج کمی ہو رہی جبکہ معمول کے مطابق بہاؤ موجود رہے گا،دریائے راوی میں گنڈا سنگھ والا کے مقام پر بہاؤ میں کمی کا رجحان ہے جبکہ سلیمانکی اور اسلام بیراج پر نچلے درجے کا سیلاب ہے،دریاؤں میں موجودہ بہاؤ کے باعث بھی متعدد مقامات پر نشیبی علاقوں کے زیر آب آنے کا خطرہ ہے۔

    غیر قانونی ٹریول ایجنسی چلانے والا ملزم گرفتار

    دریائے ستلج گنڈا سنگھ والا پر 56 ہزار اور سلیمانکی پر 81 ہزار کیوسک ہے۔‎دریائے چناب میں مرالہ کے مقام پر 37ہزار،خانکی ہیڈ ورکس پر پنتیس ہزار جبکہ قادر آباد کےمقام پر 17 ہزارکیوسک ہے ‎دریائےراوی جسڑ پر 6 ہزار، شاہدرہ پر 5 ہزار ،‎بلوکی ہیڈ ورکس پر 25 ہزار اور ہیڈسدھنائی کے مقام پر پانی کا بہاؤ 24 ہزار کیوسک ہے ‎ہیڈ تریموں کے مقام پر پانی کا بہاؤ 28ہزار اور ‎پنجند کےمقام پر 95ہزارکیوسک ہے،جبکہ ڈیرہ غازی خان کی رود کوہیوں میں پانی کا بہاؤ ختم ہو گیا ہے،متاثرہ علاقوں میں بحالی کے اقدامات جاری ہیں۔

    امریکا کے ساتھ کسی بھی قسم کی بات چیت ’بند گلی‘ ہے، خامنہ ای

    این ڈی ایم اے کا این ای او سی تمام صورتحال کی ہمہ وقت نگرانی کر رہا ہے، تمام متعلقہ اداروں کی ممکنہ صورتحال کے حوالے سے ضروری ہدایات باہم پہنچائی جا رہی ہے،عوام خطرے سے دوچار علاقوں میں سفر سے گریز کریں، سیلابی ریلوں کو کراس کرنے سے گریز کریں، امدادی کیمپوں میں موجود لوگ اپنے علاقوں میں واپسی کے لیے متعلقہ اداروں کی ہدایات کا انتظار کریں۔

  • ناتجربہ کاری کی وجہ سے پنجاب میں سیلاب سے تباہی کا دائرہ وسیع ہوا، شرجیل میمن

    ناتجربہ کاری کی وجہ سے پنجاب میں سیلاب سے تباہی کا دائرہ وسیع ہوا، شرجیل میمن

    سندھ کےسینیئر وزیر شرجیل میمن نے کہا ہے کہ پنجاب میں سیلاب سے ہونے والی تباہی کا دائرہ محدود کیا جاسکتا تھا مگر ناتجربہ کاری کی وجہ سے زیادہ تباہی ہوئی۔

    سینیئر صوبائی وزیر سندھ شرجیل میمن نے حکومت پنجاب کو ہدف تنقید بناتے ہوئے کہا کہ اگر پنجاب میں سیلاب پر کوئی فیکٹ فائنڈنگ رپورٹ بنے تو پتا چل جائے گا کہ پنجاب میں تباہی اس سے کم ہوسکتی تھی، ناتجربہ کاری کی وجہ سے پنجاب میں سیلاب سے تباہی کا دائرہ وسیع ہوا، اگر اچھی منصوبہ بندی کی جاتی تو اتنی تباہی سے بچا جاسکتا تھا۔

    https://x.com/sindhinfodepart/status/1970038275361665026

    شرجیل میمن کا کہنا تھا کہ سندھ میں محکمہ آبپاشی نے اچھی منصوبہ بندی کی، وزیراعلیٰ صاحب خود ہر چیز کو مانیٹر کررہے تھے، مانیٹرنگ سیلز بنائے گئے، ( ہر محکمے سے ) ایک ایک نمائندہ وہاں موجود ہے، اور آج بھی مانیٹرنگ سیلز قائم ہیں،میں یہ نہیں کہوں گاکہ سو فیصد ( تباہی سے ) بچ گئے، میں بھی کوئی غلط بات نہیں کروں گا، پنجاب میں پانی زیادہ آیا تھا، تاہم اگر بہتر منصوبہ کی جاتی اور محکمہ آبپاشی کی رہنمائی کی جاتی تو تباہی کو محدود کیا جاسکتا تھا۔

    کراچی میں قتل ہونیوالے3 خواجہ سرا مرد نکلے،پوسٹ مارٹم رپورٹ

    اسٹاک ایکسچینج میں تیزی، 100 انڈیکس بلند ترین سطح پر

    کراچی: 3 خواجہ سراؤں کے قتل کا مقدمہ گرو کی مدعیت میں درج