لاہور: پنجاب میں سیاسی بحران کے پیش نظر وزیراعظم عمران خان آج لاہورکا دورہ کریں گے ،وزیراعظم عمرا ن خان پنجاب کی سیاسی صورتحال کا جائزہ لیں گے اہم امور پر مشاورت کی جائےگی۔
باغی ٹی وی : تفصیلات کے مطابق اپنے دورہ کے دوران وزیراعظم اہم ملاقاتیں کریں گے وزیراعظم سے وزیراعلی عثمان بزدار، چوہدری پرویزالہی کی ملاقاتیں ہوں گی اس کے علاوہ وزیراعظم اتحادی جماعت کے ارکان اسمبلی سے بھی ملاقاتیں کریں گے۔
لاہور کے دورہ کے دوران وزیراعظم سے ناراض ارکان اسمبلی کی ملاقاتیں کروائے جانے کا بھی امکان ہے وزیر اعظم عمران خان لاہور میں کارکنان کے ساتھ افطاربھی کریں گے افطار کی تقریب گورنر ہاؤس میں ہوگی۔
حکومت پنجاب کے ترجمان حسان خاور ہونے والی تبدیلی کے حوالے سے کہا ہے کہ پنجاب میں جو ہونے جا رہا ہے وہ ٹیسٹ ہے-
باغی ٹی وی : حکومت پنجاب کے ترجمان حسان خاور نے کہا کہ آئندہ کچھ دنوں میں تمام معاملات بہت حد تک ٹھیک ہو جائیں گے، وفاق میں بھی معاملات بہتر ہوں گے اورجو لوگ ادھر ادھر ہو رہے تھے وہ ہمارے فیصلے کی حمایت کریں گے۔
پنجاب حکومت کے ترجمان حسان خاور نے کہا کہ چودھری پرویز الٰہی بھی بندے واپس لانے کی کوشش کریں گے۔
دوسری جانب پاکستان پیپلزپارٹی کے مرکزی سیکریٹری جنرل نیر حسین بخاری نے کہا ہے کہ بندے واپس لانا آسان کام نہیں ہے، پرویز الہٰی پہلے اپنے نمبرز پورے کریں پھر پی ٹی آئی کے بندے واپس لائیں۔
سابق چیئرمین سینیٹ نیر حسین بخاری نے کہا کہ طارق بشیر چیمہ نے واضح طور پر اپوزیشن کا ساتھ دینے کا اعلان کیا ہے، ہر بندے کی صوابدید ہے کہ وہ کس کا ساتھ دیتا ہے نمبرپورے ہونے کے باوجود ہم حکومتی اتحادیوں سے بھی رابطے میں تھے، انہوں نے کہا کہ عثمان بزدار مستعفی ہوتے تو استعفیٰ گورنر پنجاب کو پیش کرتے پرویز الہٰی عمران خان کے حمایتی ہوں اور ہم اس کو ووٹ دیں؟
ادھر صوبہ پنجاب کے وزیر برائے پاپولیشن ویلفیئر لیفٹیننٹ کرنل (ریٹائرڈ) ہاشم ڈوگر نے وزیراعظم عمران خان کی جانب سے چودھری پرویز الہٰی کو وزیراعلیٰ نامزد کیے جانے کے فیصلے کو خراج تحسین پیش کیا کہا کہ وزیراعظم کے فیصلے سے ن لیگ کی صوبہ پنجاب میں تمام امیدیں دم توڑ گئی ہیں صوبے میں پی ٹی آئی کی مستحکم حکومت وجود میں آئے گی۔
جبکہ جہانگیر ترین گروپ نے بھی چودھری پرویز الٰہی کو وزارت اعلیٰ کے لیے مناسب امیدوار قرار دے دیا مستعفی وزیراعلیٰ پنجاب عثمان بزدار کے مشیر برائے لائیو اسٹاک کی حیثیت سے کام کرنے والے فیصل حیات جبوانہ نے کہا کہ چودھری پرویز الٰہی کے ساتھ کام کیا جا سکتا ہے لیکن حتمی فیصلہ جہانگیر ترین ہی کریں گے۔
انہوں نے چودھری پرویز الٰہی کو مناسب امیدوار قرار دیتے ہوئے کہا کہ وہ وزیراعلیٰ کی حیثیت سے کام کر چکے ہیں اور جہانگیر ترین گروپ کے اراکین کی ان سے ملاقات بھی ہو چکی ہے۔
رشوت لینے والے سرعام گھوم رہے ہیں اور بے گناہ کو سازش کر کے گرفتار کروا دیا گیا
رپورٹ (بیوروچیف کاشف تنویر) تفصیلات کے مطابق گزشتہ روز زاہد گوندل ایک فرض شناس اور ایماندار محرر ہیں اور ان کی گواہی علاقے کے سب لوگ دیتے ہیں. ان کو سازش کر کے اینٹی کرپشن کے ہاتھوں گرفتار کر لیا گیا.
کل کا واقع جو ہوا سرا سر جھوٹا اور سوچاسمجھا پلان تھا سازش کے تحت زاہدگوندل کوپھنسایاگیا۔۔
یوسف نامی شخص تھانہ سول لاٸن محرر کے کمرہ میں تین گھنٹے زاہد گوندل کے انتظارمیں بیٹھا رہا قیصر چھوٹے نشی نے دو بار چاۓ بھی پلائی. ایک تو زاہد کا مہمان سمجھ کر اس کی خدمت کی لیکن اسے کیا پتہ کہ یہ جناب کسی کے بچوں کا دشمن کسی کی روٹی روزی کا دشمن بدنامی کا دشمن اپنے پاس بٹھا رکھا ہے ایس ایچ او اور زاہدگوندل جب باہرسے تھانہ واپس آۓ ایس ایچ او اپنے کمرہ میں چلے گے اور زاہد محرر کےکمرہ میں جاکر بیٹھا ہی تھاکہ پیچھے سے مجسٹریٹ اور انکی ٹیم بھی داخل ہوگئی اور کرسی پربیٹھے شخص نے چارسےپانچ ہزار روپے زاہدگوندل کی کرسی کے نیچے پھینک دئیے جو اسکا جرم بن گیا ۔
کیا یہ سب جو ہوا یہ ایک سچی حقیقت ہے اور موصول اطلاعات کے مطابق اس کے پیچھے گیمر جو ان دونوں پارٹيوں کا راضی نامہ کروا رہا تھا یہ سب اس نے کیا اب ایک بات سوچنے والی یہ ہے کہ ایسے مجسٹریٹ اور ایسی ٹیم اور اس انسان کے ساتھ کیا کیا جاۓ
زاہدگوندل اس کیس میں بلکل بیگناہ ہے اس کیس کی تحقیق کروائی جانی چاہئے.
#haqeeqikhabar #mandinews #phalia #malakwal #PunjabPolitics #dcmbdin #DCMBDin
لاہور: سی ٹی ڈی کی بڑی کاوائی ، انٹیلی جنس بنیاد پر آپریشن سے 5 دہشت گرد گرفتار کرکے دھماکا خیز مواد برآمد کرلیا۔
باغی ٹی وی : تفصیلات کے مطابق سی ٹی ڈی نے پنجاب بھر میں 19 انٹیلی جنس بیسڈ آپریشن کے دوران 5 دہشت گرد گرفتار کرلئے، جبکہ گرفتار دہشت گردوں کے قبضے سے ڈیٹونیٹر، دھماکا خیز مواد، ہینڈ گرنیڈ، سیفٹی فیوز،کیش، آئی ای ڈی اور دیگر مواد بھی برآمد ہوا ہے۔
ترجمان سی ٹی ڈی کے مطابق ددہشت گردوں میں وقاص، امیراللہ، عابد الرحمن، محمد جہانگیر اورمحمد رحمت اللہ شامل ہیں، تمام دہشت گردوں کا تعلق کالعدم تنظیم سے ہے، دہشت گردوں نے پنجاب میں تخریب کاری کا منصوبہ بنا رکھا تھا-
ترجمان کے مطابق دہشت گرد اہم تنصیبات،دہشتگردانہ کاروائی اور مذہبی مقامات کو ٹارگٹ کرنا چاہتے تھے گرفتار دہشت گردوں کو مزید تفتیش کے لئے نامعلوم مقام پر منتقل کردیا گیا ہے۔
ترجمان نے بتایا کہ کاؤنٹر ٹیراریزم ڈیپارٹمنٹ نے 7 روز میں 5 سو 35 کومبنگ آپریشنز کئے، اور دوران 26 ہزار 5 سو 33 افراد کی چھان بین کی گئی، 85 مشکوک افراد کو گرفتار کیا گیا اور 7 دن میں مشکوک افراد کے خلاف 71 مقدمات درج کئے گئے۔
اسلام آباد: تحریک انصاف کی سینئر قیادت نے عثمان بزدار کو ہٹانے کی حمایت کردی،پنجاب میں عثمان بزدار کی جگہ علیم خان کو وزیر اعلیٰ بنائے جانے کا امکان ہے-
باغی ٹی وی : نجی خبررساں ادارے نے ذرائع کے حوالے سے بتایا کہ وفاق کے کئی اہم وزراءعثمان بزدار کی تبدیلی کے حامی ہیں اور کئی اہم سینئر وزرا نے وزیراعلیٰ پنجاب کو تبدیل کرنے کا مشورہ دیا ہے وزیر اطلاعات فواد چوہدری وزارت اعلی کی تبدیلی کے سب سے بڑے حامی ہیں، پارٹی کے سیکریٹری جنرل، اسد عمر، گورنر پنجاب چوہدری محمد سرور بھی صوبے میں تبدیلی کے خواہش مند ہیں۔
جبکہ وفاقی وزیر پرویز خٹک بھی گورننس کے معاملات اور پارٹی امیج بہتر بنانے کے لیے عثمان بزدار کی تبدیلی کے حامی ہیں جب کہ گورنر سندھ عمران اسماعیل بھی پنجاب میں پارٹی کی متحرک شخصیت کو وزیر اعلی دیکھنا چاہتے ہیں۔
سینئر قیادت کی تجویز ہے کہ علیم خان اور ترین گروپ کے ساتھ مل کر کام کرنے سے مقتدر حلقے بھی راضی ہیں اس لیے وزیر اعلیٰ پنجاب کو تبدیل کرنا ہی بہتر ہوگا –
ذرائع کا کہنا ہے کہ وزیر اعظم تمام سیاسی صورتحال کا جائزہ لینے کے بعد آئندہ کے لائحہ عمل کے بارے میں فیصلہ کریں گےتاہم پنجاب میں عثمان بزدار کی جگہ پی ٹی آئی کا ہی وزیر اعلیٰ لایا جائے گا جبکہ اس حوالے سے مسلم لیگ ق بروقت فیصلہ نہیں کرسکی اس لیے تحریک انصاف کی جانب سے اپنی حکمت عملی طے کر لی گئی پنجاب میں حکومت خود تبدیلی لائے گی-
ادھروفاق میں اپوزیشن کی تحریک عدم اعتماد ناکام بنانے میں جہانگیر ترین اور علیم گروپ نے بھی بھرپور حمایت کا عندیہ دیا ہے، ترین اور علیم گروپ کی جانب سے اپوزیشن کو کوئی یقین دہانی نہیں کرائی گئی۔
دوسری طرف اپوزیشن جماعتوں کی جانب سے تحریک عدم اعتماد آج جمع کرانے کا فیصلہ کچھ دیر میں ہوگا جبکہ اس متعلق مولانا فضل الرحمان اور میاں شہباز شریف نے الگ الگ پارٹی اجلاس طلب کیے ہیں-
اپوزیشن کی لیگل ٹیم نے تحریک عدم اعتماد کا مسودہ تیار کر لیا۔ مسودہ آصف زرداری،مولانا فضل الرحمان اور شہباز شریف کو ارسال بھی کردیاگیارکن لیگل ٹیم کا کہنا ہےکہ تحریک عدم اعتماد سےمتعلق لیگل ٹیم نے3 تحاریک کےمسودے تیار کیےہیں تحریک وزیراعظم،اسپیکر اورڈپٹی اسپیکر کے خلاف تیار کی گئیں۔
وزیر اعظم ، اسپیکر اور ڈپٹی اسپیکر میں سے کس کے خلاف تحریک عدم اعتماد پہلے پیش کی جائے گی، یہ فیصلہ اپوزیشن کی قیادت مشاورت سےکرے گی۔
وزیراعظم عمران خان نے میاں چنوں میں پیش آنے والے واقعے کا نوٹس لیتے ہوئے آئی جی پنجاب پولیس سے رپورٹ طلب کر لی۔
باغی ٹی وی : وزیراعظم عمران خان نے سوشل میڈیا پر جاری بیان میں کہا کہ کسی فرد یا گروہ کی جانب سے قانون کو ہاتھ میں لینے کی کوشش قطعاً برداشت نہیں کی جائے گی ہجوم کے تشدد کو نہایت سختی سےکچلیں گے، آئی جی پنجاب سے میاں چنوں واقعے کے ذمہ داروں کی تفصیلات طلب کر لی ہیں۔
کسی فرد/گروہ کیجانب سے قانون ہاتھ میں لینے کی کوشش قطعاً گوارا نہیں کی جائے گی چنانچہ انبوہی تشدد (Mob lynchings) کو نہایت سختی سےکچلیں گے۔میں نےIG پنجاب سےمیاں چنوں واقعےکےذمہ داروں اور فرائض کی انجام دہی میں ناکام رہنےوالےپولیس اہلکاروں کیخلاف کارروائی کی تفصیلات طلب کی ہیں۔
وزیراعظم کا کہنا تھا کہ فرائض کی انجام دہی میں ناکام رہنے والے پولیس اہلکاروں کے خلاف کارروائی کی تفصیلات بھی طلب کی ہیں۔
تلمبہ میں پیش آنیوالا افسوسناک واقعہ، ابتدائی رپورٹ وزیراعلی پنجاب کو پیش کردی گئی پنجاب پولیس کے مطابق تلمبہ میں پیش آنیوالے افسوسناک واقعہ کی ابتدائی رپورٹ وزیراعلی پنجاب کو پیش کردی گئی ہے وزیر اعلی کو رپورٹ میں بتایا گیا کہ پولیس نے رات گئےمختلف مقامات پر120 سے زائد چھاپے مارے اور 62 مشتبہ افراد کو زیر حراست لیا۔ 33 افراد کو نامزد جبکہ 300 نامعلوم افراد کے خلاف مقدمہ درج کیا گیا مقدمے میں سنگین جرائم اور دہشت گردی کی دفعات شامل کی گئیں-
تلمبہ میں پیش آنیوالا افسوسناک واقعہ. ابتدائی رپورٹ وزیراعلی پنجاب کو پیش۔پولیس نے رات گئےمختلف مقامات پر120 سے زائد چھاپے مارے اور 62 مشتبہ افراد کو زیر حراست لیا۔ 33 افراد کو نامزد جبکہ 300 نامعلوم افراد کے خلاف مقدمہ درج۔مقدمے میں سنگین جرائم اور دہشت گردی کی دفعات شامل۔1/2
پولیس حکام کا کہنا ہے کہ وزیراعلی پنجاب اور آئی جی پنجاب کی ہدایت پر پولیس نے رات بھر خفیہ آپریشن جاری رکھا۔زیر حراست مشبہ افراد میں قانون ہاتھ میں لینے والے مرکزی ملزمان بھی شامل ہیں۔مزید افراد کی گرفتاری کے لیے پولیس کی ٹیمیں چھاپے مار رہی ہیں۔کسی کو قانون ہاتھ میں لینے کی اجازت نہیں دی جائے گی دستیاب فوٹیجز کے فرانزک انیلیسز کی مدد سے ملزمان کی شناخت اور ان کے کردار کا تعین کیا جائے گا۔
وزیراعلی پنجاب اور آئی جی پنجاب کی ہدایت پر پولیس نے رات بھر خفیہ آپریشن جاری رکھا۔زیر حراست مشبہ افراد میں قانون ہاتھ میں لینے والے مرکزی ملزمان بھی شامل ہیں۔مزید افراد کی گرفتاری کے لیے پولیس کی ٹیمیں چھاپے مار رہی ہیں۔کسی کو قانون ہاتھ میں لینے کی اجازت نہیں دی جائے گی۔
وزیر اعلی عثمان بزدار کوانسپکٹر جنرل پولیس پنجاب راو سردار علی خان نے وزیر اعلی عثمان بزدار کو ابتدائی رپورٹ پیش کی وزیر اعلی عثمان بزدار کی انصاف کے تمام تقاضے پورے کرنے کی ہدایت کی کہا کہ کسی کو قانون ہاتھ میں لینے کی اجازت نہیں دی جا سکتی-
واضح رہے کہ ہ میاں چنوں کے نواحی علاقہ تلمبہ 17موڑ میں مبینہ طور قرآن پاک کی بے حرمتی کرنے والا شخص تشدد سے ہلاک ہوگیا میاں چنوں سے ذرائع کا کہنا تھا کہ یہ شخص دن بھر شہر میں بھیک مانگتا رہا ، یہ بھی کہا جارہا ہے کہ لوگ نماز پڑھنے مسجد آئے تو اوراق کے جلنے کی بو آ رہی تھی، عینی شاہدین کا کہنا تھا کہ انہوں نے خود قرآن مجید کے جلتے ہوئے اوراک دیکھے اور دیکھتے ہی پریشان ہوگئےلوگوں نے آگے بڑھ کر دیکھا تو مقتول 1قران پاک جلا چکا تھا-
نامعلوم گستاخ شخص کو عوام نے تشدد کر کے ہلاک کرنے کے بعد مشتعل افراد نےنعش کو درخت سے لٹکا دیا ، حتی کہ مشتعل عوام نے نعش پولیس کے حوالے کرنے سے انکار کردیا ، ادھر پولیس کی بھاری نفری موقع پر پہنچ گئی علاقہ کے ہزاروں کی تعداد میں لوگ موقع پر پہنچ گئے، دوسری طرف ڈی ایس پی ناصر ثاقب کا کہنا تھا کہ قبل از وقت کچھ بھی کہنا مناسب نہیں، مرنے والا شخص تلمبہ کا رہائشی نہیں-
لاہور: پنجاب پولیس نے اہلکاروں پر دوان ڈیوٹی ٹک ٹاک کے استعمال پر پابندی عائد کردی –
باغی ٹی وی : تفصیلات کے مطابق وزیراعظم شکایت پورٹل پر دوران ڈیوٹی پولیس ملازمین کےٹک ٹاک استعمال کرنے کی شکایتیں سامنے آنے پر پنجاب پولیس نے دوران ڈیوٹی ملازمین کو ٹک ٹاک ایپلی کیشن کے استعمال پر پابندی عائد کر دی-
اے آئی جی آپریشنز پنجاب کی طرف سے پنجاب بھر کے تمام آر پی اوز کو مراسلہ جاری کردیا گیا جس میں کہا گیا ہے کہ یہ طرز عمل سوشل میڈیا پر محکمہ پولیس کی نرم شبیہ اور وقار کو مجروح کرتا ہے، عدم تعمیل کی صورت میں سخت کارروائی کی جا سکتی ہے۔
علاوہ ازیں پنجاب پولیس نے محکمہ داخلہ پنجاب کو پب جی گیم بین کرنے کے حوالے سے سفارشات پیش کر دیں۔ مراسلہ ایڈیشنل آئی جی آپریشن کی جانب سے محکمہ داخلہ کو بھجوا دیا گیا جس میں کہا گیا ہے کہ 19 تاریخ کو کاہنہ میں ایک ہی خاندان کے چار افراد کے قتل کی وجہ آن لائن گیم پب جی بنا، پب جی گیم کے باعث ماضی میں بھی کاہنہ قتل کیس جیسے واقعات رونما ہو چکے ہیں۔
مراسلے میں کہا گیا ہے کہ تھانہ شمالی چھاونی، تھانہ جنوبی چھائونی، تھانہ کاہنہ اور تھانہ نواں کوٹ میں بپ جی گیم کے باعث قتل و اقدام قتل سمیت دیگر دفعات کے مقدمات درج ہیں، پب جی کو پاکستان ٹیلی کمیونی کیشن اتھارٹی کی جانب سے بین کر دینا چاہیے-
واضح رہے کہ کاہنہ میں لیڈی ڈاکٹر اور اس کے تین بچوں کی ہلاکت پر محکمہ پنجاب پولیس نے وفاقی اور صوبائی حکومت کو ایسی خطرناک وڈیو گیمز پر پابندی عائد کرنے کی سفارش کرنے کا فیصلہ کیاتھا جو نوجوانوں میں تشدد کے رجحانات کو فروغ رہی ہیں اور ان پر پابندی سے نوجوان نسل کو ان کے نقصان دہ اثرات سے محفوظ رہا جاسکے گا جس کے لئے لاہور پولیس نے پب جی گیم پر پابندی کے لیے آئی جی پنجاب سے درخواست کی تھی-
پنجاب اور ملک کے بالائی علاقے زلزلے سے لرز اٹھے، پنجاب،خیبر پختونخوا، گلگت بلتستان، کشمیر کے مختلف شہروں میں زلزلے کے جھٹکے محسوس کیے گئے ہیں۔
باغی ٹی وی : تفصیلات کے مطابق اسلام آباد، راولپنڈی، پشاور، مانسہرہ، مظفرآبادو گرد و نواح، پنڈدادن خان، جمبر اور ساہیوال سمیت ملک کے مختلف علاقوں میں زلزلے کے شدید جھٹکے محسوس کیے گئے ہیں۔
پشاور میں 9 بج کر 18 منٹ پر زلزلے کے جھکٹے محسوس کیے گئے سرگودھا شہر اور نواحی علاقوں میں بھی زلزلے کے ہلکے جھٹکے محسوس کیے گئے۔ زلزلے کی وجہ سے شہریوں میں خوف و ہراس پھیل گیا۔ شہریوں کی بڑی تعداد کلمہ طیبہ کا ورد کرتی ہوئی گھروں سے باہر نکل آئی۔
آن لائن گیم "پب جی” پر پابندی کے لئے لاہور ہائی کوڑت یں درخواست جمع کرا دی گئی-
باغی ٹی وی : تفصیلات کے مطابق شہری تنویر احمد نے ندیم سرور کے ذریعے لاہور ہائی کورٹ ،یں درخواست جمع کرائی درخواست گذار نے موقف اپنایا کہ کہ پاکستان میں "پب جی” گیم کے منفی اثرات کی وجہ سے کئی ہلاکتیں ہو چکی ہیں لاہور میں پب جی کے استعمال سے 14 سالہ لڑکے نے ماں بہن اور بھائیوں کو قتل کر دیا ہے-
درخواست گزار کا یہ بھی کہنا ہے کہ پب جی کے استعمال سے نوجوان نسل کی ذہنی صحت اور زندگی کو شدید خطرات لاحق ہو چکے ہیں انڈیا میں آن لائین گیمز کو ریگولیٹ کیا گیا ہے جبکہ پاکستان میں آن لائن گیمز کو ریگولیٹ کرنے کے لئے کو قوانین وضع نہیں کئے گئے-
درخواست گزار نے لاہور ہائی کورٹ سے استدعا کی ہے کہ "پب جی ” گیم پر فوری پابندی عائد کی جائے اس درخواست پر پیر کے روز سماعت کا امکان ہے-
دوسری جانب محکمہ پنجاب پولیس نے وفاقی اور صوبائی حکومت کو ایسی خطرناک وڈیو گیمز پر پابندی عائد کرنے کی سفارش کرنے کا فیصلہ کیا ہے جو نوجوانوں میں تشدد کے رجحانات کو فروغ رہی ہیں اور ان پر پابندی سے نوجوان نسل کو ان کے نقصان دہ اثرات سے محفوظ رہا جاسکے گا۔
پب جی گیم سے فائرنگ کے بڑھتے ہوئے رجحان کے باعث لاہور کے علاقے کاہنہ میں بیٹے نے اپنی ماں، بھائی اور دو بہنوں کی جان لے لی ترجمان پنجاب پولیس کے مطابق والدہ اور تین بچوں کے قتل کا معمہ حل ہوچکا ہے، پب جی گیم کا عادی بیٹا ہی قاتل نکلا۔
لاہور تھانہ کاہنہ کے علاقہ میں والدہ سمیت تین بہن بھائیوں کے قتل کی تفتیش میں تہلکہ خیز انکشافات، بیٹا ہی قاتل نکلا۔ ملزم پب جی (PUBG) گیم کا عادی ہے، جس نے یہ جانتے ہوئے قتل کیا کہ سب گیم کی طرح دوبارہ زندہ ہو جائیں گے۔ 1/2 pic.twitter.com/UMJU3LclHj
محکمہ پولیس کے ترجمان نے کہا کہ حالیہ دنوں میں ’پب جی‘ جیسی گیموں کی وجہ سے فائرنگ کے کئی واقعات رپورٹ ہوچکے ہیں، اسی لیے محکمہ پولیس نے اس طرح کی گیمز پر پابندی کے لیے حکومت سے مدد لینے کا فیصلہ کیا ہے۔
ان کا مزید کہنا تھا کہ پابندی سے متعلق سفارشات دینے کا فیصلہ گزشتہ ہفتے لاہور کے علاقے کاہنہ میں ہونے والے واقعے کے تناظر میں کیا گیا ہے، افسوسناک واقعے میں 14 سالہ لڑکے نے گیم سے بُری طرح سے متاثر ہوکر اپنے خاندان کے چار افراد کو فائرنگ کرکے قتل کردیا تھا، مقتولین میں لڑکے کی ماں اور 3 بہن بھائی شامل تھے، لڑکے کی ماں ناہید مبارک لیڈی ہیلتھ ورکر تھیں۔
لاہور پولیس کا خطرناک گیم (PUBG)پر پابندی لگانے کیلئے صوبائی و وفاقی حکومت سے سفارش کا فیصلہ۔ 2/2 pic.twitter.com/t6qICbMIU0
ترجمان پنجاب پولیس کے مطابق ابتدائی تحقیقات کے مطابق 18 سالہ علی زین پب جی گیم کا عادی تھا، ملزم نے گھر میں موجود والدہ کے پسٹل سے ماں، بہنوں اور بھائی کو قتل کیا، خونی کھیل کوانجام دینے کے بعد قاتل ٹاسک مکمل ہونے کے نشہ میں گھر کے نچلے حصہ میں آکر چین کی نیند سوگیا اور پولیس تحفظ کی یقین دہانی کے باوجود علی زین منظر سے غائب ہوگیا تھا، اسے مقتولین کی تدفین کے بعد سے حقیقی خالہ نے فیصل آباد کے قریب گاؤں میں چھپا کر رکھا ہوا تھا زین علی کو پب جی کی لت ہوسٹل میں رہنے والے طلبہ سے لگی۔
کاہنہ لاہور میں والدہ اور تین بچوں کے قتل کا معمہ حل, پب جی (PUBG) گیم کا عادی بیٹا ہی قاتل نکلا۔ ملزم نے گھر میں موجود والدہ کے پسٹل سے ماں، بہنوں اور بھائی کو قتل کیا. پنجاب پولیس کا خطرناک گیم (PUBG)پر پابندی لگانے کیلئے صوبائی و وفاقی حکومت سے سفارش کا فیصلہ۔ pic.twitter.com/akudvru59S
ترجمان پولیس نے بتایا کہ علی زین کو پولیس نے ماہمونوالی گاؤں سے تلاش کیا، دوران تفتیش ملزم نے اعتراف کیا کہ پب جی گیم میں بار بار شکست کی وجہ سے ذہنی دباؤ میں اضافہ ہوا، ملزم نے یہ سوچ کر گولیاں چلائیں کہ گیم کی طرح سب دوبارہ زندہ ہوجائیں گے۔
ترجمان کا مزید کہنا تھا کہ ’پب جی‘ نوجوانوں کی ذہنی صحت کے لیے بہت خطرناک گیم ہے کیونکہ اس گیم کو زیادہ کھیلنے والے اس میں دیے گئے اہداف اور ٹاسک کو مکمل کرتے کرتے بہت زیادہ جارح مزاج ہوجاتے ہیں انسپکٹر جنرل پولیس کی طرف سے والدین سے درخواست کرتے ہوئے ترجمان محکمہ پولیس پنجاب کا کہنا تھا والدین اپنے بچوں کی نگرانی کریں اور ان کو کسی بھی منفی سرگرمی میں مشغول ہونے سے روکیں۔
واقعے کی تفصیلات بتاتے ہوئے ترجمان پولیس کا کہنا تھا کہ وزیر اعلیٰ پنجاب عثمان بزدار اور آئی جی پنجاب پولیس راو سردار علی احمد خان نے خاندان کو قتل کرنے کے واقعے کا نوٹس لیا ہے اور لاہور پولیس کو کیس کو حل کرنے کی ہدایت کی ہے۔
واضح رہے کہ رواں برس 19 جنوری کو لاہور کے علاقے کاہنہ گجومتہ میں واقع ایک گھر سے خاتون اور اس کے تین بچوں کی لاشیں برآمد ہوئی تھی، جاں بحق ہونے والوں میں ماں، دو بیٹیاں اور ایک بیٹا شامل ہے، چاروں کو فائرنگ کر کے قتل کیا گیا۔
بعد ازاں انکشاف ہوا کہ واردات میں بچ جانے والا بیٹا ہی اپنے بہن بھائی اور ماں کا قاتل تھا، پولیس نے ملزم کو گرفتار کرکے اس سے آلہ قتل بھی برآمد کر لیا اور ملزم نے اعتراف جرم بھی کرلیا۔
واضح رہے کہ آن لائن گیمز سے متعلق یہ اس طرح کا چوتھا واقعہ ہے جب اس طرح کا پہلا واقعہ 2020 میں سامنے آیا تھا تو اس وقت کے کیپیٹل سٹی پولیس چیف ذوالفقار حمید نے لوگوں کی زندگیاں، وقت اور لاکھوں نوجوانوں کا مستقبل بچانے کے لیے اس طرح کی گیمز پر پابندی کی سفارش کی تھی۔
گزشتہ دو سالوں کے دوران ’پب جی‘ گیم کھیلنے والے تین نوجوان خودکشیاں کر چکے ہیں اور پولیس نے اپنی رپورٹ میں اموات کی وجہ گیم کو قرار دیا تھا۔
لاہور: گورنر پنجاب چودھری سرور نے تصدیق کی ہے کہ صوبہ پنجاب میں بلدیاتی انتخابات کا پہلا مرحلہ 15 مئی سے شروع ہو گا۔
باغی ٹی وی : گورنر پنجاب چودھری سرورنےکہا ہےکہ پنجاب میں بلدیاتی انتخابات کا پہلا مرحلہ 15 مئی سے شروع ہورہا ہےان کا کہنا تھا کہ مضبوط بلدیاتی سسٹم جمہوریت کے لیے ناگزیر ہے مشکل حالات میں حکومت نے ڈیلیور کیا اور آنے والا وقت بھی پی ٹی آئی کا ہے۔ انہوں نے کہا کہ سابق وزیر اعظم کی واپسی کا فیصلہ ان کی جماعت نے کرنا ہے۔
چودھری سرور نے کہا کہ نوازشریف کب واپس آئیں گے؟ یہ ن لیگی قیادت ہی بتا سکتی ہے۔ انہوں نے کہا کہ دہشت گردی کی جنگ قوم اور فوج نے مل کر جیتی ہےشہریوں کو پینے کا صاف پانی مہیا کرنے کے لیے آب پاک اتھارٹی بنائی ہے۔ ان کا کہنا تھا کہ 31 مارچ تک صوبے کے ڈیڑھ کروڑ لوگوں کو پینے کا صاف پانی مہیا ہوگا صاف پانی کی فراہمی پر قومی خزانے سے ایک روپیہ خرچ نہیں کیا گیا ہے۔
واضح رہے کہ قبل ازیں گورنر پنجاب چودھری محمد سرور نے کہا تھا کہ پاکستان کے 3 وزیراعظم میں نے بنوائے، بینظیر بھٹو، نواز شریف اور عمران خان کو وزیر اعظم میں نے بنوایا ہے صحافیوں سے غیر رسمی گفتگو کرتے ہوئے گورنر پنجاب کا کہنا تھا کہ پاکستان میں نظام ناکام نہیں ہوا لوگ ناکام ہوئے ہیں، جی ایس پی پلس ناکام ہوجاتا تو ہماری مشکلات میں اضافہ ہوجاتا، اس کے لئے میں نےبہت محنت کی، ہمیں بین الاقوامی دنیا کو مطمئن کرنا بے انتہا ضروری ہے۔ میں پارٹی کو دو لاکھ پونڈ جمع کرکے دیتا تھا، انڈین لابی کا مقابلہ کرنا بے حد ضروری ہے۔
چودھری محمد سرور نے کہا تھا کہ ہمارے انوسٹی گیشن کے نظام ٹھیک ہوئے بغیر کچھ ٹھیک نہیں ہوسکتا، جب ریاست کمزور ہوجائے اور لوگ مضبوط ہو جائیں تو ملک کے ایسے حالات ہوتے ہیں کنٹونمنٹ الیکشن اور خانیوال کے ضمنی الیکشن کے حوالے سے پہلے سے پارٹی کو بتادیا تھا ہم ہاریں گے، پنجاب میں پیپلز پارٹی تحریک انصاف کے ووٹ کو نقصان پہنچا رہی ہے اور پہنچایا بھی ہے،
چودھری سرور کا کہنا تھا کہ شہباز شریف سے میری لڑائی صاف پانی کے معاملے پر ہوئی، اگر شہباز سے میری لڑائی نہ ہوتی تو شائد میں ن لیگ نہ توڑتا، 1999ء میں نواز شریف، شہباز شریف کو امریکا ، برطانیہ اورپرویز مشرف نہیں چاہتے تھے کہ وہ انگلینڈ جائیں، ان دونوں بھائیوں کے ویزے میں نے لگوائے اس ملک کے3 وزیراعظم میں نے بنوائے، بینظیر، نواز شریف اور عمران خان کو وزیر اعظم میں نے بنوایا، یورپ بھی میری سیاسی بصیرت کا قائل ہے، نظام کبھی ناکام نہیں ہوتا لوگ ناکام ہوتے ہیں۔
