Category: ادب و مزاح

    
                      
دنیا میں اب تک ٹوٹل 212 سلطنتیں گزر چکی ہیں ان میں سب سے بڑی اور طویل ترین سلطنت سلطنت برطانیہ ہے اور سلطنت برطانیہ ہی وہ ایسی سلطنت ہے جو لمبے عرصے تک عالمی طاقت رہی ایک اندازے کے مطابق 1921 میں یہ عروج کے دور میں 33 ملین مربع کلومیٹر کے رقبے پر پھیلی ہوئی تھی یاد رہے پاکستان کا رقبہ 796096 مربع میل ہے سلطنت برطانیہ میں اس وقت 45 کروڑ اسی لاکھ لوگ آباد تھے یہ اس وقت کی عالمی آبادی کا چالیس فیصد بنتے تھے یہ اتنی وسیع و عریض تھی کہ ایک اندازے کے مطابق سو سال یا اس سے بھی زیادہ وقت سلطنت برطانیہ میں سورج غروب نہیں ہوا تھا کیونکہ یہ اس وقت دنیا کے پانچوں آباد براعظموں میں پھیلی ہوئی تھی سلطنت برطانیہ کا آغاز 1591 میں آئرلینڈ سے ہوا اس سلطنت برطانیہ کے تیزی سے پھیلنے کی ایک وجہ ایسٹ انڈیا کمپنی بھی تھی ایسٹ انڈیا کمپنی کی ابتدا 16 ویں صدی میں ملکہ ایلزبتھ  ون کے دور میں باحیثیت تجارتی کمپنی ہوئی اس کا مقصد بر صغیر کے ساتھ تجارت کرنا تھی  مغل سلطنت کے بعد برصغیر میں میں جو خلا پیدا ہوا اسے ایسٹ انڈیا کمپنی نے پورا کیا اور اس کے بعد 1857 میں برصغیر مکمل طور پر سلطنت برطانیہ کا حصہ بن چکا تھا اس کے بعد اٹھارہ سو اٹھاون میں میں ملکہ وکٹوریہ نے  ایسٹ انڈیا کمپنی کو ایک سو بیس سال بعد ختم کر دیا اور ہندوستان کو باضابطہ طور پر پر سلطنت برطانیہ کی کالونی بنا دیا  اور ملکہ وکٹوریہ قیصر ہند بن گئی ملکہ وکٹوریہ نےبرطانیہ پر 64 سال حکومت کی اور ان کے دور حکومت میں  سلطنت برطانیہ اپنے عروج پر تھی سلطنت برطانیہ کے اثرورسوخ کا اندازہ اس بات سے لگایا جاسکتا ہے کہ جنوبی افریقہ آسٹریلیا امریکہ وغیرہ میں ان کے مقامی لوگوں سے گورو کی تعداد کئی گنا زیادہ ہے جبکہ اس سلطنت سے پہلے ان جگہوں پر گوروں کی تعداد نہ ہونے کے برابر تھی ملکہ وکٹوریہ 22 جنوری 1901 کو انتقال کر گئیں اس کے بعد ایڈورڈ ہفتم  تخت نشین ہوگیا ملکہ وکٹوریا 22 جنوری 1901 سے نو ستمبر 2015 تک سلطنت برطانیہ کی طویل ترین عہد حکومت وقت کے لحاظ سے سرفہرست رہی بعد ازاں 9 ستمبر 2015 کو یہ ریکارڈ ملکہ ایلزبتھ دوم کو حاصل ہوگیا ابتدا کی طرح سلطنت برطانیہ کا زوال بھی آئرلینڈ سے ہی 1922 میں شروع ہوا اس کے بعد 1947 میں برصغیر کا علاقہ پاک و ہند بھی علیحدہ ہو گیا کیونکہ برصغیر پاک و ہند میں بہت زیادہ دہ ظلم و ستم شروع ہوگئے تھے یو آہستہ آہستہ کر کے سلطنت برطانیہ کم ہوتی گئی اس کے بعد ذکر کرتے ہیں مسلمانوں کی مشہور ترین سلطنت سلطنت عثمانیہ جس کو خلافت عثمانیہ بھی کہتے ہیں اس فہرست میں اس کا 24 وا نمبر ہے یہ سلطنت بھی تین براعظموں پر پھیلی ہوئی تھی ان کے علاوہ عظیم سلطنتوں میں خلافت عباسیہ خلافت راشدہ مغلیہ سلطنت سلجوقی سلطنت بیزنٹائن سلطنت ایوبی امیر تیمور کی تیموری سلطنت جس نے پندرہویں صدی میں سلطنت عثمانیہ کو  جب وہ اپنے عروج پر تھی شکست دی اور سلطنت عثمانیہ  کے سلطان کو اپنے قید میں کردیا بعد ازاں ا میر تیمور نے نے عثمانی سلطان کو قتل کر دیا  لیکن اس کے  بعد امیر تیمور سلطنت عثمانیہ کے اوپر حکمرانی نہیں کرنا چاہتا تھا اور وہ واپس اپنی تیموری سلطنت میں لوٹ گیا اس کے تین سال بعد امیر تیمور کا بھی انتقال ہو گیا اس کے علاوہ لاطینی اور قرطبہ خاندان مشہور سلطنتیں شمار ہوتی ہیں جو کہ اپنے رقبے اور حکمرانی کی وجہ سے دنیا میں اپنا ایک خاص مقام رکھتی تھی
Twitter: Ali_AJKPTI

آپ اپنی زندگی کے ہیرو ہیں؟ ہیں یا نہیں؟ رکیں، سوچیں، اپنی زندگی کو اپنی آنکھوں میں کسی فلم کی طرح چلائیں۔ اب اس فلم میں خود کو دیکھیں کہ آپ کون سا کردار ادا کر رہے ہیں۔ اپنے ساتھ ایک ہیرو کی طرح ہیں یا زیرو ہیں۔ آپ کا کردار کیا ہے، مثبت یا منفی آپ کی شخصیت و حیثیت کیا ہے۔ آپ کی زندگی کیسی ہے۔ آپ کا کردار آپ کی زندگی میں قابل ذکر یا طاقتور ہے یا نہیں۔ آپ واقعی ہیرو ہیں یا اپنی زندگی کے ولن ہیں۔ آپ فالتو کردار یا منفی کردار تو نہیں جو ہر چیز ہر بات کا منفی پہلو دیکھتا ہے۔ نا خود خوش رہتا ہے، نہ دوسروں کو خوش رہنے دیتا ہے۔ خود پریشان رہتا ہے یا دوسروں کو پریشان کرتا رہتا ہے۔ بالکل ناکام ہے۔ جو اپنی زندگی کے مقصد کو یکسر بھلا ضائع کر رہا ہے۔ بس کھانے پینے اور سونے میں مشغول ہے۔ جس میں کوئی قابل ذکر خصوصیت نہیں ہے۔ ایک کمزور انسان، جو زندگی میں آنے والی مشکلات کے سامنے ہار مان لیتا ہے اور مشکلات سے لڑنے اور ان کو حل کرنے کی بجائے ہمت ہار کر بیٹھ جاتا ہے۔ گھبرا جاتا ہے۔ آپ سوچیں آپ کو نظر آنے والی اپنی زندگی کی فلم وہی ہے، جیسا آپ اپنی زندگی کو دیکھنا چاہتے ہیں۔ آپ کی زندگی آپ کی توقعات اور خواہشات کے مطابق ہے۔ آپ کی زندگی میں آپ کا کردار وہی ہے جو آپ چاہتے ہیں۔ کیا آپ واقعی اپنی زندگی کے ہیرو ہیں۔؟
اپنی زندگی کی فلم دیکھنے کے بعد بہت سے جوابات میں آپ کو ناکامی کا اور مایوسی کا سامنا کرنا پڑا ہو گا۔ میں آپ، اپنی زندگی کی فلم اپنی آنکھوں کے سامنے چلا کر دیکھیں تو ہمیں مایوسی ہوتی ہے کہ ہم اپنی زندگی کے ہیرو بالکل نہیں ہیں ، بلکہ ہمارا کردار کوئی قابل ذکر نہیں ہے۔ بعض اوقات تو لگتا ہے کہ ہم اپنے سے منسلک دوسرے لوگوں کی زندگیوں میں بھی ولن کے کردار کے طور پر شامل ہیں۔ اپنی زندگی کی فلم دیکھنے کے بعد شاید آپ سوچ رہے ہوں کہ آپ اپنی زندگی کے ہیرو ہیں، یا کو سکتا ہے آپ کو لگ رہا ہو کہ آپ تو بلکل بھی ہیرو نہیں ہیں۔ ہیرو نہیں ہیں تو ہیرو بننا ہوگا۔ خود کو بدلنا ہو گا۔ آپ اپنی زندگی کے ہیرو ہیں، آپ کو ثابت کرنا ہو گا۔ آپ کو ہیرو بننے کے لیے تگ و دو کرنی ہوگی۔ اپنی زندگی کی فلم   میں خود کو ہیرو کی طرح فٹ کرنا ہو گا۔ آپ کے یقیناً اپنی زندگی سے متعلقہ بہت سے خواب ہوں گے۔ زندگی سے وابستہ امیدیں ہوں گی۔ بہت کچھ بننا چاہتے ہوں گے۔ اس سب کے لیے، ہیرو بننے کے لیے آپ کو اپنا کردار از سر نو تعمیر کرنا ہو گا۔ کمر کس کر میدان میں اترنا ہو گا۔ محنت، عزم اور ہمت سے اپنے مقصد کی تکمیل کے لئے جدو جہد کرنی ہوگی۔بلند مقاصد کو پایہ تکمیل تک پہنچانے کے لیے بلند شخصیت کا حامل ہونا ضروری ہے۔
ہیرو بننے کے لیے آپ کو اپنے ساتھ اپنا سلوک بدلنا ہوگا۔ اپنے اندر سے بہتر انسان تلاش کرنا اور اپنے اندر سے ہیرو کو باہر نکالنا ہو گا۔ دنیا داری کے منفی جال سے نکلنا ہو گا۔ اپنی شخصیت کو اچھائی کے سراپے میں ڈھالنا ہو گا۔ اپنی تعمیر بہتر اور مثبت خطوط پر کرنا ہوگی۔ اس شخصیت کی تعمیر اچھی عادات اور اچھے کاموں کی بنیاد پر کرنا ہو گی۔ بری عادتوں سے چھٹکارا پانا ہوگا۔ ولن یا منفی کردار کو مقابلہ کر کے پچھاڑنا ہوگا۔ ہیرو دراصل ایک ایسا لفظ ہے، جو اچھائی کا ہر رخ ہے۔ ایک طاقت کا نام ہے، وہ طاقت جو جو برائی کا مقابلہ کرکے اس کو پٹخ کے رکھ دیتی ہے۔ آپ کو بھی ایسے ہی ہر منفی چیز کا نام مٹانا ہو گا۔
خود کو بیکار کی باتوں اور بے مقصد کاموں میں ضائع مت کریں۔ آپ کی عادات و اطوار، اعلیٰ شخصیت، عمدہ انسان اور بہتر کردار کے حامل انسان کی ہونی چاہیے۔ زندگی کے ہیرو بن کر زبردست طریقے سے گزاریں۔ اپنی طاقت خود بنیں، بلاشبہ آپ ہی اپنی زندگی کے ہیرو ہیں۔

@FarooqZPTI

انسان کے دنیا میں جتنے بھی رشتے ہیں اور جن جن رشتوں کے ساتھ انسان دنیا میں جڑا ہوا ہے ان تمام رشتوں اور ان تمام تعلقات میں  ہر ایک انسان کا جو بنیادی رشتہ اور بنیادی تعلق ہے بلکہ جس رشتے اور تعلق کی وجہ سے ایک انسان دنیا میں آیا ہے وہ  بنیادی رشتہ اور تعلق وہ انسان کے والدین کا رشتہ اور تعلق ہے ماں باپ دونوں ایک انسان کے لئے اس دنیا میں آنے کا وسیلہ ہیں اور انسان کا وہ زمانہ جس میں وہ سو فیصد مختاج ہوا کرتا ہے وہ زمانا جس میں وہ نہ کھا سکتا ہے نہ پی سکتا نہ چل سکتا ہے نہ پھر سکتا ہے نہ ہی اپنی مرضی سے گرمی اور سردی سے اپنے آپ کو بچا سکتا ہے یہ تمام نازک ترین اور حساس مراحل ایک انسان کے ساتھ اگر بخوبی عافیت کے ساتھ  طے ہوتے ہیں تو وہ ایک انسان کے والدین اور ماں باپ کی برکت کی وجہ سے ہوتے ہیں۔

قرآن کریم فرقان حمید میں اکثر مقامات پر جہاں اللہ تعالیٰ نے اپنی عبادت کا تذکرہ اور حکم فرمایا وہاں اپنی عبادت کے متصل والدین کے حقوق کا حکم کیا بیسیوں مقامات پر قرآن کریم میں والدین کے حقوق کی بات کی گئی مفسرین فرماتے ہیں کہ والدین کے حقوق کی اہمیت کو ظاہر کرنے کے لیے اور ان کے حثیت کو اہمیت دینے کے لئے اللہ نے اپنی عبادت کے متصل والدین کے حقوق ادا کرنے کے بات کی ہے اور ویسے بھی ایک انسان پر جتنے بھی حقوق العباد لازم کیے گئے ہیں یاد رکھیں آن تمام میں بنیادی حق والدین کے حقوق ہیں انسان پر اپنے بہن بھائیوں اور رشتےداروں کے کچھ نہ کچھ حقوق ہیں لیکن ان تمام میں بنیادی حق وہ والدین کا حق ہے 

اسی لئے  جگہ جگہ اللہ تبارک وتعالیٰ نے والدین کے حقوق کو یاد دلاتے ہوئے جو ان کے اپنے بچوں پہ احسانات ہیں اللہ نے قرآن میں ان کی بھی نشاہدہی فرمائیں اور پھر والدین کے حقوق کی مکمل تشریح اور مکمل بیان اور  تفصیل سرکارِ دوعالم ﷺ نے اپنے احادیثِ طیبہ میں ہمیں سکھائیں۔

سورت آسرا پندرہ پارے میں اللہ تبارک وتعالیٰ نے ارشاد فرمایا ٫٫ تمہارے رب نے یہ حکم دیا ہے کہ تم اس کے سوا کسی کی عبادت نہ کرو اور ساتھ میں اللہ تعالیٰ نے فرمایا، اور اپنے والدین کے ساتھ حسن سلوک کرو ان کے ساتھ احسان والا معاملہ کرو اگر تمہاری زندگی میں سے دونوں یا کوئی ایک بڑھاپے کو پہنچ جائے یا کمزور ہو جائے تو اللہ تعالیٰ نے فرمایا کہ تم نے انہیں آف تک ہی نہیں کہنا اور ان کو جھڑکنا بھی نہیں ہے ان کے سات خندہ پیشانی کے ساتھ بات کرنی ہے اور جب بھی اپنے والدین کے سامنے بات کیا کرو تو ان کے ساتھ نرمی اور احسن طریقے سے بات کیا کرو اور ہمیشہ جو تمہارے رحمت اور شفقت اور رحم کے جو تمہارے پر ہیں وہ اپنے والدین پہ ڈالے رکھنا اور پھر اللہ تعالیٰ نے فرمایا کہا اپنے عمال اور قردار کے زریعے جہاں والدین کے ساتھ حسن سلوک کروگے نہ زبانی اپنے باتوں کے زریعے ان کو تکلیف پہنچاؤ گے نہ عمال کے زریعے اور پھر ساتھ ساتھ اللہ سے یہ دعا بھی کرو گے ک اے اللہ میرے والدین پہ اسی طرح رحم فرما جس طرح انہوں نے مجھے بچپن میں پالہ تھا جس طرح میرے والدین نے میری تربیت کی تھی میری ضروریات کو پورا کیا تھا، اے میرے رب تو میرے والدین پہ رحم فرما،  اس کا مطلب یہ ہے٫٫ اے اللہ جس وقت میں کمزور تھا اے اللہ میری کمزوری کا انہوں نے خیال رکھا تھا، اے اللہ اب میرے والدین کمزور ہیں اب مجھے توفیق دے کہ میں ان کا خیال رکھوں،، اور اللہ سے دعا کرنے کا معنیٰ بھی یہ ٫٫ اے اللہ تو میرے والدین پر رحم فرما؛؛ اے اللہ تو انہیں مختاج ہونے سے دور فرما۔

اسی لئے یاد رکھیں والدین کے حقوق کو حقوق العباد میں بنیادی حیثیت حاصل ہے، سرکارِ دوعالم ﷺ کے بارگاہ میں ایک صحابی آئے عرض کیا یارسول اللہ ﷺ میرے والدین کا مجھ پر کیا حق ہے تو آپ نے فرمایا تمہارے والدین تمہارے لئے جنت بھی ہیں اور جہنم بھی ہیں ، صحابہ نے پوچھا یارسول اللہ ﷺ ہمارے والدین ہمارے لئے جنت بھی ہیں اور جہنم بھی اس بات کی ہمیں سمجھ نہیں آئی، تو آپ نے ارشاد فرمایا٫ اگر تمہارے والدین تم سے خوش ہونگے ان کو راضی رکھو گے ان کے حقوق ادا کروگے تو یہ تمہارے لئے جنت میں جانے کا سبب ہو گا، اور اگر تم اپنے والدین کو ناراض رکھوگے اور آپ کے والدین ناراضگی کی حالت میں تم سے جدا ہو گئے تو یہی ان کی ناراضگی تمہارے لئے جہنم کا سبب ہوگا،، اسی لئے یاد رکھیں سرکارِ دوعالم ﷺ نے والدین کی رضامندی کو جنت کا سبب اور والدین کی ناراضگی کو جہنم کا سبب فرمایا، اگر والدین تم سے راضی ہیں تو اللہ تم سے راضی ہے اور اللہ کی رضا یہ تمام نعمتوں سے بڑھ کر یہاں تک کہ جنت سے بھی بڑھ کے نعمت ہے۔

مفسرین کہتے ہیں کہ اگر ایک شخص سے  والدین راضی ہیں اور اس کو سو فیصد پتہ ہو کہ ہاں میرے والدین مجھ سے راضی ہیں اور والدین بھی یہ اقرار کرے کہ ہاں ہم اپنے بیٹے سے بہت خوش ہیں اور راضی ہیں، تو مفسرین فرماتے ہیں یہ شخص قسم سے کہہ سکتا ہے کہ ہاں میرا رب بھی مجھ سے راضی ہیں، اگر ایک شخص جو روزے، حج حقوق العباد، میدان جہاد کا غازی بھی ہے لیکن والدین اس سے راضی نہیں تو پھر یاد رکھیں اس کا رب بھی اس سے راضی نہیں ہے، لیکن ایک شخص جو تہجد بھی نہیں پڑتا حقوق العباد بھی نہیں کرتا میدان جنگ کا غازی بھی نہیں کچھہ بھی نہیں کرتا لیکن اس کا باپ اس سے راضی ہے باپ اس نے راضی رکھا ہوا ہے تو وہ کہہ سکتا ہے کہ ہاں میرا رب مجھ سے راضی ہے والدین ایک انسان کے لئے بہت بڑی نعمت ہے، والدین کو راضث رکھنا بہت ہی آسان ہے اگر ایک انسان نے ساری عمر والدین کی نافرمانی کی ہو اور شرمندہ ہو کر وہ والدین کے سامنے ہو جائے تو والدین کے دل میں اللہ نے اولاد کے لئے جو محبت رکھی ہے تو وہ آخر کار اپنے اولاد کو معاف کر دیتے ہیں، اس لئے اپنے یہ یاد رکھیں اللہ نے جن کو والدین عطاء کیے ہیں اور وہ زندہ ہیں تو انکو راضی رکھیں ان کے حقوق کو پورا کریں، اسی لئے سرکارِ دوعالم ﷺ نے فرمایا کہ تمہاری ماں جنت کا سبب قریب تر اس لئے ہے باپ سے کہ جنت تمہاری ماں کے قدموں کے نیچے ہے ایک صحابی آئے یارسول اللہ ﷺ میں جہاد کے لئے جانا چاہتا ہوں ، آپ نے فرمایا کیا تمہارے والدین زندہ ہیں تو صحابی نے فرمایا باب نہیں البتہ والدہ زندہ ہے تو آپ نے فرمایا جا، جا کر اپنے والدہ کی خدمت کر یہ تیرے لئے سب سے افضل جہاد ہے یادِ رکھیں جہاد کرنا ایک نیکی ہے لیکن سرکارِ دوعالم ﷺ نے فرمایا اگر آپ کے والدین زندہ ہیں تو اپنے والدین کی خدمت کریں یہ تمہارے لئے سب سے افضل نیکی ہے، جو انسان اپنے والدین کا فرمانبردار ہے اس کی اولاد کل اس کی فرمانبردار ہو گی۔ تو والدین یہ اللہ کی بہت بڑی نعمت ہے اپنے والدین کو وقت دیں ان کو راضی کیجئے ان کی راضا تلاش کیجئے کہ ان کی راضا کس چیز میں ہے اور ان کی حقوق ادا کرنے کی کوشش کیجئے اپنے بچوں کو بھی سکھائے تاک اللہ ہم سے راضی ہو، اللہ تبارک و تعالٰی ہم سب کو سمجھنے کی توفیق ادا فرمائے اور اپنے والدین کا فرمانبردار بنائے۔ آمین

@ImTaimurKhan

مفتی محمد تقی عثمانی صاحب ء۱۹۴۳ میں دیوبند کی اس سرزمین میں پیدا ہوئے جس سے پھوٹنے والے علم کے فواروں نے ایک دنیا کو سیراب کیا ،دس سال کی عمر میں اپ نے درسی نظامی کا آغاز کیا اور سترہ سال کی عمر میں اس کی تکمیل کرکے فارغ ہوئے ،تاہم انہوں نے درسی نظامی کی چند کلیوں پر قناعت نہیں کی ،بلکہ اس نصاب کےپڑھنے سے حاصل ہونے والی صلاحیت واستعداد کو علم کے مقفل دروازوں کی چابی سمجھ کر اسلام کے وسیع کتب خانے کی طرف بڑھے اور علوم کے بند دروازے وا کرتے رہے۰۰۰۰۰تاریخ کا مطالعہ کیا ،فقہ کو تعمق سے دیکھا ،تفسیر واصول تفسیر پر بار بار نظر ڈالی ،حدیث سے متعلقہ علوم کو محنت سے پڑھا اور ادب کی چاشنیاں چکھنے کیلئے راتوں جاگے۰۰۰۰۰۰۰ساتھ ساتھ عصری علوم کی طرف توجہ دی ،۱۹۵۸ میں پنجاب یونیورسٹی سے فاضل عربی کا امتحان امتیازی نمبرات سے پاس کیا ،۱۹۶۴ میں کراچی یونیورسٹی سے بی،اے کا امتحان دیا ،۱۹۶۷ میں کراچی یونیورسٹی سے ایل ایل بی کا امتحان دوسری پوزیشن اور ۱۹۷۰ میں ایم اے عربی کا امتحان پنجاب یونیورسٹی سے پہلی پوزیشن لے کر پاس کیا ،جدید معاشیات کا مطالعہ کیا اور اس میں مہارت ہی نہیں مجتہدانہ بصیرت حاصل کی اور پاکستان کیطرح ہر مغرب زدہ ملک پر چھائی ہوئی انگریزوں کی وہ زبان سیکھی جس سے واقفیت ایک عالم دین کیلئے اس دور میں اسلام کےموثر تبلیغ کے نقطہ نظر سے ہن صرف استحسان بلکہ ضرورت کی حدود میں داخل ہے اور جس کو جنٹلمین طبقہ کسی انسان کی سعادت وقابلیت کی علامت ومعیار سمجھتا ہے اور یوں وہ قدیم وجدید ،دینی،دنیوی علوم کے ایسے سنگم بن گئے جس میں مختلف علوم کی حسین لہریں جمع ہیں.اردو ان کے اپنے گھر کی لونڈی ہے،عربی ان کے جیب کی گھڑی ہےاور انگریزی وہ ضرورت کے تحت لکھتے اور بولتے ہیں ،اللہ تعالی نے ان کے قلم کی غیر معمولی صلاحیتوں سے نوازا ہے،شیخ الاسلام مولانا شبیر احمد عثمانی کی لکھی ہوئی مسلم شریف کی شہرہ افاق لیکن نامکمل شرخ "فتح المہلم” کا”تکملہ”لکھا اور ایسا لکھا کہ اگراور کچھ بھی نہ لکھتے تو یہ ان کی زندگی کی قیمت وصول کرنے کیلئے کافی تھا،اگر کسے مصنف کے حصے میں صرف یہی کتاب آجائے تو اس کو زندہ وجاوید بنادے۰

ان کے علم ومطالعہ میں انہماک کو دیکھ کر کچھ ولمی حوصلہ ہونے لگتا ہے کہ کتابوں میں اہل علم کا جو وصف پڑھا ہے اس سے متصف کچھ لوگ ہماری اس فضا میں موجود ہیں جس میں ہم سانس لے رہے ہیں،وہ خود فرماتے ہیں:”روئے زمین پر لکھنا پڑھنا مجھے ہر چیز سے زیادہ محبوب وعزیز ہے اور ہر وقت کسی نہ کسی مسلہ میں میرا ذہن مشغول رہتا ہے۰”انہوں نے طلبہ سے اپنے ایک حالیہ خطاب میں فرمایا:

"طلب علم نام ہے ایک نامٹنے والی پیاس کا ،میرے والد ماجد رح فرماتے تھے کہ طالب علم کی تعریف یہ ہے کہ جس کے دماغ میں ہر وقت کوئی نہ کوئی مسلہ چکر کاٹ رہا ہو ،علم بڑی محنت اورطلب چاہتا ہے اور بڑی بے نیاز چیز ہے،محنت اور طلب کے بغیر ادمی کو وہ اپنا کوئی ذرہ بھی نہیں دیتا ،العلم لا یعطیک بعضہ حتی تعطیہ کلک طلب علم کا ذوق جب پیدا ہوجائے گا تو یقین رکھو اگر میں قسم کھاؤں تو حانث نہ ہوں گا کہ اس کائنات میں طلب علم سے زیادہ لذیذ چیز کوئی نہیں ،بشرطیکہ طلب علم کی حقیقت حاصل ہو،تمھہیں اپنا حال بتاتا ہوں ،عرصہ دراز سے ایسے حالات میں گرفتار ہوں کہ اس بات کو ترستا ہوں کہ مجھے مطالعہ کا وقت ملے ،پانچ منٹ بھی اگر نصیب ہوجاتے ہیں تو بڑی ہی حوشی ہوتی ہے۰۰۰۰جب میں نے دورہ پڑھا تھا تو پندرہ سال کی عمر تھی سولویں سال میں فراغت ہوئی تھی ،سبق کے علاوہ میرے اوقات کتب خانے میں گزرتے تھے،پڑھنے کے زمانے میں صحیح بخاری کیلئے عمدۃ القاری ،فتح الباری ،اور فیض الباری کا مطالعہ کیا کرتاتھا,مسلم شریف کیلئے فتح المہلم ،سنن ابی داؤد کیلئے بذل المجہود اور ترمذی شریف کیلئے کوکب الدری کامطالعہ کرتاتھا چونکہ اس کیلئے وقت چاہئے تھا اس لئے میں نے کسی طرح ناظم کتب خانہ کو اس بات پر راضی کرلیا تھا کہ دوپہر کے وقفہ میں وہ گھرچلے جایا کریں "اور باہر سے کنڈی لگا کر مجھے اندر بند کردیا کریں،چناچہ وہ باہر سے تالا لگا کر چلے جایا کرتے تھے اور میں اندر مطالعہ کرتا رہتا تھا ،دوران مطالعہ مذکورہ کتابیں تو پڑھتا ہی تھا،ساتھ ساتھ کتب خانہ کی ساری کتابوں کے متعلق یہ معلومات بھی ہوگئ تھیں کہ کونسی کتاب کس موضوع پر ہے اور کہاں ہے ،ناظم کتب خانہ کو جب کتاب نہیں ملتی تھی تو مجھے بلاتے اور میں انہیں بتادیتا۰۰۰۰۰۰۰۰۰۰مطالعہ کی وہ لذت مجھے آج بھی نہیں بھولتی۰۰۰۰۰۰۰تیس پینتیس سال سے ترمذی شریف پڑھارہا تھا اس لئے مطالعہ میں کوئی نہیں بات نہیں آتی تھی جب سے بخاری شریف کا سبق میرے پاس آیا تو مطالعہ کرنے کی ضرورت محسوس ہوئی اور اس کے لئے اپنے اپ کو دوسرے کاموں سے فارغ کیا،اب دوبارہ وہ لذت لوٹ آئی ،ایسا لگتا ہے کہ وہ لذت مطالعہ گمشدہ متاع تھی،اب مل گئی،مطالعہ میں سبق پڑھانے کیلئے نہیں کرتا،مطالعہ کا شروع سے میرا حساب کتاب یہ ہے کہ بیچ میں جب کوئی بات اگئی،کوئی بھی سوال پیدا ہوگیاتو پھر مجھ سے ممکن نہیں ہےکہ میں آگے بڑھوں،جب تک مختلف مراجع میں اس کی تحقیق نہ کرلوں،چاہے وہ بات سبق میں بیان کرنے کی کی ہو،یا نہ ہو،میں اپ سے سچ کہت ہوں کہ اس سے زیادہ لذیذ چیز دنیا میں کوئی نہیں ہے،اللہ نے بہت لذتوں سے نوازا،دنیا کی لذتوں سے بھی بہت نوازا،اتنی کہ شاہد ہی کسی کو نصیب ہوئی ہوں لیکن جو لذت اس میں پائی وہ کسی میں نہیں ہے۰”

وقت قدر اور راہ علم میں محنت کا جذبہ ان کو اپنے عظیم والد سے ورثہءمیں ملا ہے،جب کسی محفل ومجلس میں جاتے ہیں اور ابھی ان کے خطاب میں کچھ وقت باقی ہو،اس عرصے میں وہ تسبیح لے کر ذکر شروع کردیتے ہیں تاکہ یہ مختصر سا وقت بھی رائیگاں نہ جائے،سفر کے دوران بھی لکھنے پڑھنے میں مشغول رہتے ہیں اور کوئی لمحہ ضائع جانے نہیں دیتے ،خود انہوں نے فرمایا______

آسی پہ غنیمت ہیں تیری عمر کے لمحے 

وہ کام کر اب،تجھ کو جو کرنا ہے یہاں آج

اللہ تعالی حضرت کی عمر میں برکت دے اور ہم سب کو عمر کے لمحوں کن غنیمت جاننے اور آج کا کام کرنے کی توفیق عطا فرمائے۰امین۰

‎@Tareef1234

جون 1994 گرمیوں کی چھٹیاں یکم جون کو کر دی گئی اور ہمیں آٹھویں کلاس کا ہوم ورک بہت زیادہ ملا، جسے دیکھ کر سر ہی چکرا گیا، گھر سے پیسے لئے اور سندھیلیانوالی میں اس وقت دو مشہور جنرل سٹور تھے، سرور کتاب گھر اور نسیم کتاب گھر وہاں سے ہوم ورک لکھنے کے لئے دستے خریدے، ونگ سینگ پین، مارکر اور دیگر سامان خرید کر گھر کی راہ لی، دوسرے دن صبح ہوم ورک لکھنے کے لئے ناشتے کے فوراً بعد ہی گھر میں موجود پیپل کے درخت کے نیچے زبردست پانی کا چھڑکاؤ کیا، میز کرسی لگا کر ہوم ورک لکھنا شروع کر دیا، اور دو ہفتوں کے اندر سارا ہوم ورک لکھ کر سائیڈ پر مارا، اسی دوران ایک دوست جسنے آفر دی میرا کام بھی لکھ دو اور معقول پیسوں کی آفر دی، جسکو آدھا کام لکھ دیا، دیکھا دیکھی میں دو دوست اور بھی آ پہنچے، انکو بھی تھوڑا بہت لکھ دیا، 

اس دن جون کی پچیس تاریخ گرم دوپہر تھی، پیپل کے نیچے بیٹھ کر دوست کا ہوم ورک لکھ رہا تھا، اس دن لو کافی زیادہ تھی، پیپل کے گھنے درخت کے نیچے بہت سکون تھا، میرا ہاتھ ہوم ورک لکھنے کے لئے بجلی کی تیزی سے چل رہا تھا، اور اپنے آپ کو کوس رہا تھا، اپنا کام لکھ کر کیوں کسی دوسرے کی حامی بھری، یہی خیالات آتے ٹیوب ویل پر نہانا نمک مرچ لگا کر کچے آم کھانا، شام کو کرکٹ کھیلنا لیکن دوستوں کی پھٹیک نکال رہا تھا، 

اسی دوران ایک چھوٹا بچہ معصوم سا چہرہ لئے میرے پاس آیا، میری طرف دیکھا اور کاغذ کا ٹکرا پھنک کر بھاگ کھڑا ہوا، رول کئے ہوئے کاغذ کو کھول کر پڑھا تو آنکھوں پر یقین ہی نہ آیا سمجھا شاید کسی دوست نے مذاق کروایا ہے، لکھا تھا دوپہر دو بجے لمبے کھالے پر انتظار کروں گی لازمی آنا، دل کی بے ترتیب ہوتی دھڑکنوں کیساتھ ہم نے جانے کا فیصلہ کیا، لیکن ابھی دو گھنٹے رہتے تھے، اور ایک ایک لمحہ گِن کر گزار رہا تھا، لش پش بھی کر لی، دو تین بار آئینہ دیکھا مسکرا دیا، پہلی دفعہ کسی کو ملنے جانا تھا، اور وہ بھی خط بھیج کر بلایا گیا، جسکے بارے میں سوچ کر ہی من میں خوشی کے نگارے بج رہے تھے، سیکو فائیو کی ٹو ٹو والی گھڑی ہاتھ میں باندھ کر وقت دیکھ رہا تھا، ایسے لگتا تھا جیسے آج وقت کی نبض ہی روک گئی ہو، 

جون کی تپتی دوپہر اور جھلسا دینے والی لُو میں ہم گھر سے نکلے باہر گرمی کی وجہ سے ہو کا عالم تھا، گلی میں دو دوست ملے جنکو دور جانے کا بہانہ بنا کر چلتا کیا، گاؤں سے باہر نکل کر کھیتوں میں آ چکا تھا، کسانوں نے کھیتوں میں دھان کی پنیری کاشت کر لی تھی، اور ابھی سارے کھیت خالی تھے جن میں مہینہ بعد دھان کی پنیری کاشت ہونی تھی، کھیتوں کے کنارے لگے درختوں کے نیچے چرند پرند گرمی کی وجہ سے منہ کھولے سستا رہے تھے، دور دیکھنے سے ایسے لگتا تھا جیسے زمین سے بھاپ نکل رہی ہو، 

لمبے کھالے پر ہم پہنچنے والے ہی تھے، ایسے لگتا تھا جیسے دل بیٹھ رہا ہو، لیکن خوشی بھی محسوس ہو رہی تھی، 

لیکن کسی اور کے آ جانے کا ڈر بھی ستائے جا رہا تھا، ہم لمبے کھالے کی پگڈنڈی پر چڑھ چکے تھے، مطلوبہ جگہ پہنچنے کا سفر شروع ہو چکا تھا، طائرانہ نگاہ ہر طرف دیکھ رہا تھا، اور اپنی خوش قسمتی پر شاداں بھی تھا، مگر مجھے حیرانگی یہ ہوئی ماہ جیبیں میرے سے پہلے وہاں پہنچ چکی تھی، اور مجھے آتا دیکھ رہی تھی، اسکی تیز نگاہوں سے ایسا لگا جیسے ہم پگڈنڈی سے گرنے لگے ہوں، اپنا سفر جاری رکھا اسکے پاس پہنچ گئے، ماہ جبیں جو سر تا پا حسن کا شاہکار تھی ہمیں دیکھ کر مسکرا دی، ہم نے سوالیہ نظروں سے اسے دیکھا تو بولی آپکو زحمت دی مجھے افسوس ہے، لیکن کیا کروں آپکی شہریت سنی کہ آپ گرمیوں کی چھٹیوں کا کام لکھ کر دے رہے ہو، تو پلیز میرا کام بھی لکھ دیں بھائی، ہماری آنکھوں کے آگے اندھیرا چھا گیا بُت بنا اسے دیکھ رہا تھا، کوئی چار کلو وزنی کاغذات کا پلندہ میرے ہاتھوں میں رکھ کر بولی میرا کام خوش خط لکھنا آپکو شکریہ کا خط بھی لکھوں گی اور چلتی بنی

پھر کیا ہم تھے چار کلو وزن تھا، تیز لُو اور گرم دوپہر میں واپسی کا سفر، اور گرمیوں کی چھٹیوں کا کام.

@joinwharif