Category: ادب و مزاح

جون 1994 گرمیوں کی چھٹیاں یکم جون کو کر دی گئی اور ہمیں آٹھویں کلاس کا ہوم ورک بہت زیادہ ملا، جسے دیکھ کر سر ہی چکرا گیا، گھر سے پیسے لئے اور سندھیلیانوالی میں اس وقت دو مشہور جنرل سٹور تھے، سرور کتاب گھر اور نسیم کتاب گھر وہاں سے ہوم ورک لکھنے کے لئے دستے خریدے، ونگ سینگ پین، مارکر اور دیگر سامان خرید کر گھر کی راہ لی، دوسرے دن صبح ہوم ورک لکھنے کے لئے ناشتے کے فوراً بعد ہی گھر میں موجود پیپل کے درخت کے نیچے زبردست پانی کا چھڑکاؤ کیا، میز کرسی لگا کر ہوم ورک لکھنا شروع کر دیا، اور دو ہفتوں کے اندر سارا ہوم ورک لکھ کر سائیڈ پر مارا، اسی دوران ایک دوست جسنے آفر دی میرا کام بھی لکھ دو اور معقول پیسوں کی آفر دی، جسکو آدھا کام لکھ دیا، دیکھا دیکھی میں دو دوست اور بھی آ پہنچے، انکو بھی تھوڑا بہت لکھ دیا، 

اس دن جون کی پچیس تاریخ گرم دوپہر تھی، پیپل کے نیچے بیٹھ کر دوست کا ہوم ورک لکھ رہا تھا، اس دن لو کافی زیادہ تھی، پیپل کے گھنے درخت کے نیچے بہت سکون تھا، میرا ہاتھ ہوم ورک لکھنے کے لئے بجلی کی تیزی سے چل رہا تھا، اور اپنے آپ کو کوس رہا تھا، اپنا کام لکھ کر کیوں کسی دوسرے کی حامی بھری، یہی خیالات آتے ٹیوب ویل پر نہانا نمک مرچ لگا کر کچے آم کھانا، شام کو کرکٹ کھیلنا لیکن دوستوں کی پھٹیک نکال رہا تھا، 

اسی دوران ایک چھوٹا بچہ معصوم سا چہرہ لئے میرے پاس آیا، میری طرف دیکھا اور کاغذ کا ٹکرا پھنک کر بھاگ کھڑا ہوا، رول کئے ہوئے کاغذ کو کھول کر پڑھا تو آنکھوں پر یقین ہی نہ آیا سمجھا شاید کسی دوست نے مذاق کروایا ہے، لکھا تھا دوپہر دو بجے لمبے کھالے پر انتظار کروں گی لازمی آنا، دل کی بے ترتیب ہوتی دھڑکنوں کیساتھ ہم نے جانے کا فیصلہ کیا، لیکن ابھی دو گھنٹے رہتے تھے، اور ایک ایک لمحہ گِن کر گزار رہا تھا، لش پش بھی کر لی، دو تین بار آئینہ دیکھا مسکرا دیا، پہلی دفعہ کسی کو ملنے جانا تھا، اور وہ بھی خط بھیج کر بلایا گیا، جسکے بارے میں سوچ کر ہی من میں خوشی کے نگارے بج رہے تھے، سیکو فائیو کی ٹو ٹو والی گھڑی ہاتھ میں باندھ کر وقت دیکھ رہا تھا، ایسے لگتا تھا جیسے آج وقت کی نبض ہی روک گئی ہو، 

جون کی تپتی دوپہر اور جھلسا دینے والی لُو میں ہم گھر سے نکلے باہر گرمی کی وجہ سے ہو کا عالم تھا، گلی میں دو دوست ملے جنکو دور جانے کا بہانہ بنا کر چلتا کیا، گاؤں سے باہر نکل کر کھیتوں میں آ چکا تھا، کسانوں نے کھیتوں میں دھان کی پنیری کاشت کر لی تھی، اور ابھی سارے کھیت خالی تھے جن میں مہینہ بعد دھان کی پنیری کاشت ہونی تھی، کھیتوں کے کنارے لگے درختوں کے نیچے چرند پرند گرمی کی وجہ سے منہ کھولے سستا رہے تھے، دور دیکھنے سے ایسے لگتا تھا جیسے زمین سے بھاپ نکل رہی ہو، 

لمبے کھالے پر ہم پہنچنے والے ہی تھے، ایسے لگتا تھا جیسے دل بیٹھ رہا ہو، لیکن خوشی بھی محسوس ہو رہی تھی، 

لیکن کسی اور کے آ جانے کا ڈر بھی ستائے جا رہا تھا، ہم لمبے کھالے کی پگڈنڈی پر چڑھ چکے تھے، مطلوبہ جگہ پہنچنے کا سفر شروع ہو چکا تھا، طائرانہ نگاہ ہر طرف دیکھ رہا تھا، اور اپنی خوش قسمتی پر شاداں بھی تھا، مگر مجھے حیرانگی یہ ہوئی ماہ جیبیں میرے سے پہلے وہاں پہنچ چکی تھی، اور مجھے آتا دیکھ رہی تھی، اسکی تیز نگاہوں سے ایسا لگا جیسے ہم پگڈنڈی سے گرنے لگے ہوں، اپنا سفر جاری رکھا اسکے پاس پہنچ گئے، ماہ جبیں جو سر تا پا حسن کا شاہکار تھی ہمیں دیکھ کر مسکرا دی، ہم نے سوالیہ نظروں سے اسے دیکھا تو بولی آپکو زحمت دی مجھے افسوس ہے، لیکن کیا کروں آپکی شہریت سنی کہ آپ گرمیوں کی چھٹیوں کا کام لکھ کر دے رہے ہو، تو پلیز میرا کام بھی لکھ دیں بھائی، ہماری آنکھوں کے آگے اندھیرا چھا گیا بُت بنا اسے دیکھ رہا تھا، کوئی چار کلو وزنی کاغذات کا پلندہ میرے ہاتھوں میں رکھ کر بولی میرا کام خوش خط لکھنا آپکو شکریہ کا خط بھی لکھوں گی اور چلتی بنی

پھر کیا ہم تھے چار کلو وزن تھا، تیز لُو اور گرم دوپہر میں واپسی کا سفر، اور گرمیوں کی چھٹیوں کا کام.

@joinwharif

2 سال کی بچی گود می لیے شوہر کے بے دریغ ظلم کے بعد سسکیاں لیتے ہوئے آج بھی اماں ابا کی رخصتی کے وقت کی گئ نصیحتیں یاد کرتے ہوۓ درد کو دبانے کی نا کام کوشش کر رہی ہے. اماں نے کہاں تھا بیٹی تمہیں ہر حال میں شوہر کا حکم بجا لانا ہے کچھ بھی ہو برداشت کرنا ہے اور ابا کا کہنا تھا اس گھر سے ڈولی اٹھ رہی ہے شوہر کے گھر سے میت ہی اٹھے گی.
انہیں لفظوں کی مالا کو سینے سے لگائے پچھلے 10 سالوں سے وہ شوہر کی ہر ناانصافی کو برداشت کر رہی ہے. اور ہر بار کی طرح ذہن میں اٹھنے والے سوالوں کو صبر کی تھپکی سے سلا دیتی ہے. کیونکہ جانتی ہے طلاق کے دھبے کے ساتھ معاشرہ اس کو کبھی قبول نہیں کرے گا.
مردوں کے اس معاشرے میں سارے قصور اور سزائیں عورت کے لیے ہی تو ہیں.
شوہر بیوی کی عزت نہ کرے تو قصور اسکا
بیٹیاں پیدا ہو تو بھی قصوروار عورت
کسی سے نکاح کی خواہش ظاہر کرنے پر سزا اسکا مقدر
عورت کو بلیک میل کرکے اسے بداخلاقی پر مجبور کیا جائے تو بھی قصور اسکا
شوہر پسند کی شادی نہ ہونے پر طلاق دے دے تو بھی قصور اسکا
عورت کی عصمت دری کی جائے تو بھی قصوروار وہی
وہ بھائی جو کسی لڑکی کے ساتھ محض وقت گزاری کے لیے ہوٹلوں اور پارکوں کی زینت بنا رہتا ہے بہن کی پسند کی شادی کی ضد پر اسے غیرت کے نام پر قتل کرنے پر ذرا عار محسوس نہیں کرتا. ستم ظریفی یہ کہ اسکا قتل کرنا بھی کسی کو قابل سزا نہیں لگتا.
بحیثیت مسلمان اور روز آخرت پر ایمان رکھنے کے باوجود یہ زمینی خدا شاید اس گمان میں ہیں کہ روز محشر حساب صرف عورتوں کا ہی ہوگا مرد کو اس کے مرد ہونے کے جواز پر بے حساب بحش دیا جائے گا. وہ بھول چکے ہیں کہ روز محشر ہر ذی روح کا حساب ہوگا جس نے جو بھی بویا ہے وہ کاٹنا پڑے گا وہاں محض جنس کی بنیاد پر رہائی نہیں ہوگی.
کب قفل اتارے جائیں گے اور درد سناۓ جائیں گے
جو مر جاتے ہیں ذہنوں میں وہ خواب بچاۓ جائیں گے
کب تک دنیا کی رسموں پہ یونہی جذبے وارے جائیں گے
آخر کب تک بنتِ حواں کے کرداد داغے جائیں گے
مرتی ہیں غیرت کے نام پہ بیٹیاں ہی ہمیشہ کب بیٹے مارے جائیں گے
مانا مرد کو عورت سے بلند رتبہ دیا گیا ہے لیکن فضیلت تو صرف تقوی کی بنیاد پر ہے. افضل وہ ہیں جو دوسروں کے حق میں بہتر ہیں جو دوسروں کے حق ادا کرنے والے ہیں نہ کہ صرف اپنے حقوق پر زور دینے والے.
میری تمام ماؤں بہنوں سے درخواست ہے خدارا بیٹی کی تربیت کے ساتھ ساتھ بیٹے کی تربیت پر بھی زور دیں اور انہیں بتاۓ گناہ کرنے والا چاہے مرد ہو یا عورت سزا دونوں کے لیے یکساں ہے.بحیثیت مسلمان اور روز آخرت پر ایمان رکھنے کے باوجود یہ زمینی خدا شاید اس گمان میں ہیں کہ روز محشر حساب صرف عورتوں کا ہی ہوگا مرد کو اس کے مرد ہونے کے جواز پر بے حساب بحش دیا جائے گا. وہ بھول چکے ہیں کہ روز محشر ہر ذی روح کا حساب ہوگا جس نے جو بھی بویا ہے وہ کاٹنا پڑے گا وہاں محض جنس کی بنیاد پر رہائی نہیں ہوگی.
کب قفل اتارے جائیں گے اور درد سناۓ جائیں گے
جو مر جاتے ہیں ذہنوں میں وہ خواب بچاۓ جائیں گے
کب تک دنیا کی رسموں پہ یونہی جذبے وارے جائیں گے
آخر کب تک بنتِ حواں کے کرداد داغے جائیں گے
مرتی ہیں غیرت کے نام پہ بیٹیاں ہی ہمیشہ کب بیٹے مارے جائیں گے
مطالبہ تو یہ ہے کہ گناہ کی سزا اگر عورت کے لیے ہے تو مرد کیوں بری الذمہ ہے. دنیا میں کہی بھی سزا اور جزا کے قانون میں کیا مرد اور عورت کی تفریق ہے.
مانا دین اسلام میں مرد کو عورت سے بلند رتبہ دیا گیا ہے لیکن فضیلت تو صرف تقوی کی بنیاد پر ہے. افضل وہ ہیں جو دوسروں کے حق میں بہتر ہیں جو دوسروں کے حق ادا کرنے والے ہیں نہ کہ صرف اپنے حقوق پر زور دینے والے.
میری تمام ماؤں بہنوں سے درخواست ہے خدارا بیٹی کی تربیت کے ساتھ ساتھ بیٹے کی تربیت پر بھی زور دیں اور انہیں بتاۓ گناہ کرنے والا چاہے مرد ہو یا عورت سزا دونوں کے لیے یکساں ہے. انہیں ایسا مرد بناۓ تو معاشرے میں بگاڑ کا سبب نہیں بلکہ بہتری کا امین ہو.
@MudasraMobeen

‏

تمباکو نوشی ہمیشہ اپنے دوست احبابو سے لگتی ہے۔ ایک لڑکا پیدا ہوتا ہے پڑتا ہے لکھتا ہے بڑا ہوتا ہے اور اپنے دوستوں کے ساتھ گھومتا پھرتا ہے اور زندگی میں اسکو کچھ ایسے دوست ملتے ہیں جو نشہ تو کرتے ہیں سب دوستوں کو بھی کہتے ہیں کہ آپ بھی کریں اور ان لوگوں کا اپنے دوستوں کو نشے پر لگانے کا بڑا ہی کوئی ایک میرا طریقہ ہوتا ہے یہ اپنے دوست کو ایسے سگریٹ نوشی اور دیگر نشو  میں پھنساتے ہیں جیسے یہ کوئی بہت ہی اچھا کام ہو شروع شروع میں وہ دوست اپنے نئے دوست کو سگریٹ بھی دیتے ہیں اور نشہ بھی دیتے ہیں آہستہ آہستہ جب اس کو اس چیز کی لت لگ جاتی ہے تو اس کو کہتے ہیں اپنے لیے بھی لے اور ہمارے لیے بھی لے آؤ کیونکہ ان کا کام صرف نشہ پینا ہوتا ہے بے شک وہ اپنے پیسوں سے پیا یا کسی اور کے پیسوں سے اب وہ لڑکا بھی مجبور ہوتا ہے کیونکہ اس کو نشے کی لت لگ چکی ہوتی ہے تو اپنے لیے بھی لے کر آتا ہے اور دوستوں کے لیے بھی لے کر آتا ہے آہستہ آہستہ یہ سلسلہ چلتا رہتا ہے ایک وقت ایسا آتا ہے کے گھر والوں کو پتہ چل جاتا ہے کہ یہ سگریٹ نوشی کرتا ہے لیکن اس وقت بہت دیر ہو چکی ہوتی ہے والدین بچے کو ہمارے بھی صحیح روکے بھی صحیح تو لیکن وہ بچہ نہیں روک سکتا کیونکہ اس کو اس چیز کی لت لگ چکی ہوتی ہے جب والدین سمجھاتے ہیں کہ بیٹا یہ سگریٹ نوشی نہیں کرتے تو اس وقت ان کو اس چیز کی سمجھ نہیں آتی کہ ہمارے لیے یہ بات صحیح ہے کیونکہ ان کو صرف اس لعت کو پورا کرنا ہوتا ہے کیونکہ اس کے دوستوں نے اس کو ایسا جال میں پھنسایا ہوتا ہے وہ سگریٹ نوشی کو ہی اپنا سب کچھ سمجھ بیٹھتا ہے کاش کہ ہم اپنے بچوں کو ایسے لوگوں سے دور رکھیں۔ کیونکہ سگریٹ نوشی ایک ایسی لعنت ہے جو آج کل بہت تیزی سے بڑھتی جا رہی ہے آج کل کے نوجوان کھانا کھائیں کیا نہ کھائیں سگریٹ ضرور پیتے ہیں کیونکہ وہ اس لت میں اس حد تک آگے بڑھ چکے ہوتے ہیں کہ اگر وہ سگریٹ نہ پینے ہیں تو وہ کھانا بھی نہیں کھاسکتے لیکن یہں سوال یہاں یہ پیدا ہوتا ہے کہ اپنے بچوں کو سگریٹ نوشی سے کیسے بچایا جا سکتا ہے اس کا ایک بہترین حل ہے والدین سیگریٹ نوشی سے خود دور رہیں جب بچے دیکھیں گے کہ ہمارے والدین سگریٹ نوشی سے دور رہتے ہیں تو وہ بھی اس چیز کے نزدیک نہیں جائیں گے کیونکہ ان کو بچپن سے ہی اس چیز کی عادت نہیں ہوگی لیکن پھر بھی ان پر نظر رکھیں کہ ان کے کوئی ایسے دوست نہ ہو جو سگریٹ نوشی کرتے ہیں اپنے بچوں کا خاص کر پندرہ سال سے لے کر بیس سال کی عمر تک خیال رکھیں اس کے بعد بچہ ہر بات کو سمجھنے لگ جاتا ہے اور اگر بیس سال تک وہ بچہ سگریٹ نوشی نہیں کرتا تو آگے بہت زیادہ چانسز ہوتے ہیں کہ سگریٹ نوشی نہیں کرے گا لیکن اس معاشرے میں بہت سے ایسے لوگ پائے جاتے ہیں جو بچوں کو ولگر آتے ہیں کہ پریشانی میں سگریٹ نوشی کرنی چاہیے اس سے پریشانی کم ہوتی ہے حالانکہ یہ سراسر جھوٹ ہے اس بات کو میں اس اس بات سے جھوٹ کہوں گا کیا ہمارے حضور پاک صلی اللہ علیہ وآلہ وسلم جن پر زندگی کی بہت سی مشکلات آئیں لیکن انہوں نے کبھی اللہ کے سوا کسی سے مدد نہیں مانگی پریشان ہونا تو دور کی بات ہے کیونکہ ان کو پتا تھا جو کرنا ہے میرے پیارے رب نے کرنا ہے اس کے حکم کے بغیر کچھ بھی نہیں ہو سکتا لیکن آج کا مسلمان پتہ نہیں کس بات پر یقین کرتا ہے اور سگریٹ نوشی پر اتر آتا ہے والدین سے گزارش ہے کہ وہ اپنے بچوں پر نظر رکھیں تاکہ بچے سگریٹ نوشی سے دور رہیں اور اللہ نہ کرے اگر آپ کی وجہ سے سگریٹ نوشی میں منسلک ہے تو براہ کرم اس کا علاج کریں اور سگریٹ نوشی سے اس کو دور کریں سگریٹ نوشی کی وجہ سے بہت سی بیماریاں جنم لے رہی ہیں جس میں سب سے بڑی بیماری کینسر ہے آج ہم اپنے بچوں کا خیال رکھیں گے تو کل ان کا مستقبل اچھا ہوگا اللہ پاک ہم سب کے بچوں کو اپنے حفظ و امان میں رکھے اور ہمارے بچوں کو سگریٹ نوشی سے بچائے رکھے
Twitter: ‎@usamajahnzaib

‏:

معاشرے میں عورت کو کس نگاہ سے دیکھا جاتا ہے کیا عورت کو ہمارے معاشرے کی لعنت سمجھا جاتا ہے کیوں؟ اس جدید دور میں احمقانہ سلوک کیا جا رہا ہے؟ کیوں ہم لوگوں نے اپنی آخرت کی فکر چھوڑ دی ہے؟ کیوں ہم لوگ جاہلوں سے بھی بد تر ہوتے جا رہے ہیں کیوں ایسا ہو رہا ہے؟ 

اگر عورت پہ فحاشی کا دبہ لگا کر معاشرہ کو بدنام کیا جائے تو اس کا مطلب یہ ہوا کے عورت معاشرے کو خراب کر رہی ہے؟ صرف عورت ہی اس معاشرے کی زمہ دار نہیں ہے اس معاشرے میں مرد بھی رہتے ہیں جن کو با اخلاق ہونا لازمی ہے معاشرے کی زمہ داری کسی ایک فرد پہ نہیں ہے اس کے لیے مرد اور خواتین دونوں کو با کردار ،با اخلاق ہونا ضروری ہے، 

عورت کو کوئی ترجی نہیں دیتا کسی کی ماں، بہن، بیٹی ،بیوی کیا انکو معاشرے میں عزت سے زندگی گزارنے کا حق نہیں ہے؟ اگر ہم کسی کی عورت کے بارے میں الٹے خیالات سوچ سکتے ہیں تو یہ بات بھی سوچ لینی چاہیے کے کوئی ہمارے گھر کی عورتوں کے لیے بھی غلط خیالات تصور کر سکتا ہے

اس معاشرے میں عورت کے ساتھ کیا جا رہا ہے اور اس کے زمہ دار کون لوگ ہیں کن لوگوں کی وجہ سے معاشرہ خراب اور بد کردار ہوتا جا رہا ہے، 

آئیے اب آپ کو بتاتا ہوں کے اس معاشرے میں انسانیت کس حد تک گیر چکی ہے اور درندگی کس حد تک پھیل گئی ہے کے لوگوں میں خوف خدا بلکل ختم ہو چکہ ہے، 

 عورت کے لباس سے شروع کرتا ہوں کے عورت نے اگر ساڑھی پہنی ہے ,شلوار قمیض پہنی ہے,ٹراوذر پہنا ہے,چوڑی دار پاجامہ پہنا ہے,سر سے پاوں تک چادر میں لپٹی ہے دوپٹہ گلے میں ڈالا ہےدوپٹے کے بغیر ہےپوری آستینیں پہنی ہیں,آدھی آستینیں ہیں برقعہ پہنا ہے یا ٹانگیں ننگی ہے چاہے جس بھی طرح کے لباس میں ہو اس کا ریپ ہو جاتا ہے

عورت چاہے 3 سال کی بچی ہے,4 سال کی سکول جانے والی ,8 سال کی قرآن پاک پڑھنے جانے والی,14 سال کی بلوغت میں قدم رکھنے والی, 20 سال کی جوان,40 سال کی ,50 سال می بزرگ,70 سال کی برگزیدہ یا پھر قبر میں لیٹی ہو ریپ کر دی جاتی ہے

عورت کا مذہب اسلام ہو. سکھ ہو ,عیسائیت ہو,یہودیت ہو,جین مت ہو,بدھ ہو ,چاہے وہ کسی بھی مذہب سے ہو مسلک سے ہو فرقے سے ہو یا وہ ان سب سے نا تعلق رکھتی ہو اس کو ریپ کر دیاجاتا ہے

کالی ہو ,گوری ہو,سانولی ہو,موٹی ہو,پتلی ہو,چھوٹی ہو,یا لمبی ہو اپاہج ہو اس کا ریپ ہونے کی خبریں آتی ہیں

ہمارے مزہب نے عورت کو بہت عزت دی ہے عورت کو بہت بڑا مقام دیا ہے کہیں ماں کے قدموں تلے جنت کا رتبہ کہیں بیٹی جیسی نعمت عطاء کر کے اللہ رب العزت رحمتیں نازل فرماتا ہے اور اللہ رب العزت بیٹی عطاء کر کے فرماتا ہے اے میرے بندے میں خود تیرے ساتھ ہوں اتنا بڑا رتبہ عورت زات کو میں نے یا اپ نے نہیں دیا؟ نہیں یہ رتبہ عورت کو اللہ پاک نے دیا ہے پھر ہم لوگ کیوں بھول جاتے ہیں کے ہمیں بھی کسی عورت نے جنا ہے ہم بھی کیسی عورت سے پیدا ہوئے ہیں اگر اپ مرد پیدا کیے گئے ہو تو کیا اس کا مطلب اپ عورت کی عزت کرنا چھوڑ دوگے؟ اے انسان تیری کیا اوقات ہے تجھے اس بات کا اندازہ بھی ہے توں کس سے پیدا کیا گیا ہے یہ سوال ہم سب کے لیے ایک سوالیہ نشان ہے، 

قرآن مجید میں اللہ پاک فرماتا ہے کے”اے انسان ہم نے تمہیں ایک گندے پانی کی بوند س پیدا کیا ہے” اس کے بعد اب انسان کی کیا اوقات رہ جاتی ہے کے پلیت پانی سے انسان کی پیدائش ہوئی انسان کی اوقات کچھ بھی نہیں رہتی مگر یہی انسان بڑا ہو کر خود کو بہت خوبصورت سمجھنے لگ جاتا پیسہ کیا پاس اجاتا ہے وہ انسانیت ہی بھولا دیتا ہے اس کے ساتھ ساتھ انسان کی سوچ مفلوج ہو جاتی ہے اور حیوانیت سر چڑھ کر بولنے لگتی ہے مسئلہ اگر لباس,عمر مذہب,رنگ,سائز کا نہیں تو پھر مسئلہ ہے کیا مسئلہ ہے ہوس ,ہوس زدہ ذہنوں کا مسئلہ ہے درندگی کا مسئلہ ہے بھوک کا اور مسئلہ ہے "انسانیت” سے گرنے کا، جب انسان کے اندر سے انسانیت ختم ہو جاتی ہے تو پیچھے صرف ایک چیز حیوانیت بچتی ہے جس کا انسانیت سے کوئی تعلق نہی کیوں کے اگر انسانیت ہے تو انسان اشرف المخلوق ہے ورنہ انسانیت کے بغیر انسان باقی نہیں رہتا اللہ پاک سے دعا کرتا ہوں کے مجھے اور آپ سب کو با کردار اور بااخلاق ہونے کے ساتھ ساتھ اچھا انسان بنائے اور ہمیں اپنے معاشرے میں انسانیت اور اخلاقیات کو سئ معنوں میں سمجھنے اور اس پر عمل کرنے کی توفیق عطا فرمائے آمین یارب العالمین 🙏

اپ مجھے ٹویٹر پہ بھی فالو کر سکتے ہیں

 "فیضان علی”

‎@Faizan_Ali92

‏

کسی عاقل و بالغ شخص کا جان بوجھ کر کسی بھی قانون کی خلاف ورزی کرنا جرم کہلاتا ھے۔موجودہ دور میں جرائم کسی بھی معاشرے کا ایک لازمی جزو بن چکے ہیں۔جرم تو جرم ہی ہوتا ھے خواہ وہ اخلاقی جرم ہو یا جنسی طور۔جرم ہمارے معاشروں میں اس قدر سرایت کرچکا ھے کہ اس نے نہ کسی شخص انفرادی زندگی محفوظ ھے اور نہ ہی اجتماعی، ہر خاص و عام اس کی زد میں آچکا ھے۔ہمارے معاشرے میں اب جو جرائم کے حالات ہیں یہ کسی وضاحت کا محتاج نہیں ھے ایسے لگتا ھے جیسے پورا معاشرہ ہی جرائم کی لپیٹ میں آچکا ھے۔آج بڑے بڑے دانشور اور مہذب تعلیم یافتہ افراد بھی اپنے زاویے کے مطابق اس کے اصل محرکات اور اسباب پر اپنا نکتہ نظر پیش کرتے نظر آتے ہیں۔کوئی ان جرائم کو بیروزگاری قرار دیتا ھے تو کوئی حکومت کی ناقص پالیسیوں کو مورد الزام ٹھہراتا ھے۔
ترقی یافتہ ممالک بھی جرائم سے محفوظ نظر نہیں آتے،بلکہ ترقی پذیر ممالک کی نسبت ان ممالک میں مجرمان نت نئے طریقوں سے جرائم کرتے نظر آتے ہیں۔ہر معاشرے کے کچھ اصول ہوتے ہیں جس کے مطابق وہاں کے لوگ اپنی زندگیاں بسر کرتے ہیں،اور اپنے روز مرہ زندگی کے معاملات ان ہی اصولوں کے تحت سرانجام دیتے ہیں۔ اگر کسی بھی معاشرے میں قانون کی بالا دستی قائم نہ ہوسکے تو وہ معاشرے کی تباہی کا باعث بنتا ھے اور جرائم کے پھیلاؤ میں اضافہ ہوتا ھے۔اس سے عوام بدحالی اور ناانصافی کا شکار ہوجاتی ھے، جس کی وجہ سے معاشرہ زلت و رسوائی کا شکار ہوجاتا ھے۔
پاکستان میں اخلاقی جرائم میں کثرت سے اضافہ ہوا ھے اس وقت پاکستان کے تقریباً تمام بڑے شہروں میں بداخلاقی اور بےحیائی کے اڈے قائم ہیں سب سے ذیادہ تشویشناک اور تکلیف دہ بات یہ ھے کہ ان اڈوں کو اسلامی جمہوریہ پاکستان میں مکمل قانونی تفظ دیا جاتا ھے اور ان اڈوں پر کام کرنے والی طوائفوں کو کھلے عام چھٹی دے دی گئ ھے ملک پاکستان کی اعلیٰ عدالتوں نے کبھی بھی قحبہ گری کو روکنے کے لئے کبھی ازخود نوٹس لینے کی جسارت نہیں کی، اگر پنجاب کی بات کی جائے تو لاہور کی سب سے بڑی اور تاریخی بادشاہی مسجد کے سائے تلے موجود برائے کے ان اڈوں کے تدارک کے لئے پاکستان بننے کے بعد سے اب تک پولیس اعلیٰ حکام کے حکم نامے کی منتظر ھے۔اگر ہم ماضی پر نگاہ ڈالیں تو لال مسجد کے خطیب اور طالب علموں پر یہ الزام عائد کیا گیا کہ وہ اسلام میں موجود مساج سنٹر کو بند کروانے کے لئے قانون ہاتھ میں لینے کی کوشش کررہے تھے جبکہ میڈم شمیم نامی خاتون ہے کاروبار میں بے جا مداخلت کررہے تھے، لال مسجد کی انتظامیہ کا یہ اقدام انتہائی قابل ستائش ھے کہ انہوں نے برائی کو ازخود ختم کرنے کی بھرپور کوشش کی لیکن یہاں سوال یہ پیدا ہوتا ھے کہ ہمارے قانون نافذ کرنے والے اداروں کو یہ سب نظر کیوں نہیں آتا؟ مولانا عبد العزیز کا یہ اقدام اگر خلاف قانون تھا تو ملک میں موجود بے حیائی کے یہ اڈے اور مساج سنٹرز کس قانون کے تحت چلائے جارہے ہیں؟ کوئی پوچھنے والا کیوں نہیں ھے یہاں؟
پاکستان کے دنیا میں نقشے پر ابھرنے کے ساتھ ہی یہ ملک مختلف جرائم میں دھنستا چلا گیا، اسلامی ملک ہونے کے باوجود بھی شراب کی درآمد میں اضافہ دیکھنے میں آیا ھے بڑے بڑے ہوٹلوں میں کھلے عام شراب دستیاب ہے، اس کے علاوہ بے شمار ایسے جرائم میں اضافہ ہوا ھے۔

اخلاقی جرائم کے حوالے سے اس وقت عوامی رائے دو حصوں میں تقسیم ہوچکی ھے، ایک طرف جہاں یہ کہا جاتا ھے کہ جرم کا ارتکاب کرنے والے مجرمان کو قرار واقعی ہی سزا دینی چاہیے وہ ہم یہ بھی دیکھتے ہیں کہ کچھ لوگوں کی یہ رائے ہے کہ یہ ہر فرد کا انفرادی عمل ھے ہمیں کسی کی نجی زندگی میں مداخلت نہیں کرنی چاہیے میرے خیال سے زاتی عمل کا یہ مطلب ہرگز یہ نہیں ھے کہ آپ خلاف قانون ہر عمل کرتے پھریں۔یہاں یہ بات قابلِ غور ھے کہ اگر اسلام میں شخصی آزادی کا تصور ہوتا تو زانی، شرابی کبھی بھی سزا کے مرتکب قرار نہ پاتے۔ ایک اسلامی ریاست میں صرف مالی بدعنوانیوں کے خاتمے کے ساتھ ساتھ اخلاقی جرائم کی بھی بیخ کنی لازمی ھے جب تک حکومت مالی جرائم کے ساتھ اخلاقی جرائم کے خاتمے کے لئے ٹھوس اقدامات نہیں کرتی اس وقت یقیناً حکومت اپنی آئینی اور مذہبی ذمہ داریوں سے ہر گز عہدہ برآں نہیں ہوسکتی

۔۔Written by

 : Khalid
 Imran Khan
:‎@KhalidImranK۔

اس وقت اگر دیکھا جائے تو ہمارے چھوٹے سے چھوٹے بچے کے ذہن میں بھی یہ بات بٹھا کر رکھ دی گئی ہے کہ مغربی اقوام خصوصاً ان کے لیڈرز جو کہ خود کو دنیا پر مزید اوپر کرنے اور مسلمانوں کو دن بدن نیچا کرنے میں لگے ہوئے ہیں ہمارے سخت مخالف ہیں اور روز بروز سازشوں میں مصروف عمل ہیں۔ خدانخواستہ میں اس بات کا انکاری نہیں ہوں اور نہ ہی یہ سمجھتا ہوں کہ وہ لوگ ٹھیک کر رہے ہیں۔

اس وقت بات اس انداز سے بچوں کے آگے پیش کرنی چاہیے کہ دیکھو! جب تک ہمارے پاس طاقت و اقتدار، علم اور مستقبل کی بہترین پلاننگ رہی تب تک تو ہم نے بھی کھل کر ان لوگوں کی دھلائی کی۔ اس بات میں شک نہیں کہ حضور اکرم صلی اللہ علیہ وسلم اور صحابہ کرام کے ادوار کے علاوہ بھی چند ادوار میں بہترین انداز سے غیر مسلموں کے ساتھ اچھا برتاؤ کیا گیا مگر بات زیادہ تر بادشاہوں کے ادوار پر ہو رہی ہے۔ جس بادشاہ کا جتنا بس چلا اس نے اتنا ہی خود کا یعنی مسلمانوں کا اور غیر مسلموں کا نقصان کیا۔ خود خزانے سمیٹے اور غریبوں کو دن بدن قریب تر کر دیا گیا۔ تمام آسائشیں خود کے لیے حاصل کی اگر عوام کو دیا بھی تو ناتلافی نقصان۔ خیراس بات کا خلاصہ میں چند انہی جملوں میں کرنا چاہوں گا کہ جب حقیقی اسلام جو کہ خدا اور اس کے رسول کا تھا درباری اسلام میں تبدیل ہوا تب ہی ایسےمسائل نے جنم لیا جن کی وجہ سے ہم دن بدن بستی میں چلے گئے۔

یہ بات تاریخ کے اوراق میں قلم بند ہے کہ جب یورپ میں سر درد کو بدروحوں کے چمٹے سے تشبیہ دی جاتی تھیں اور انہیں بدروحوں کو نکالنے کے لیے سر میں کیلیں ٹھونکیں جاتی تھی۔ اس وقت عراق میں مسلمان جدید کیمسٹری اور ادویات کی بنیاد رکھ رہے تھے۔ جہاں ابن سینا ایسی کتاب لکھ رہا تھا جسے اکیسویں صدی میں پڑھا جانا تھا۔ دوسری جانب جابر بن حیان وہ کتاب لکھ رہا تھا جسے آگے چل کر "بائبل” کا خطاب ملنا تھا۔ پھر آہستہ آہستہ ان درباری بادشاہوں کے اسلام کی وجہ سے جس میں صرف اور صرف ظلم و ستم کو آگے کر کے دکھایا گیا ساتھ ہی ان ادوار میں وہ بکے ہوئے مولوی جنہوں نے اسلام اور بادشاہت کے نظام کو باہم ملا کر رکھ دیا دن بدن مسلمانوں کے زوال کا باعث بنے۔ ایک بات میں اکثر سوچتا ہوں کہ حضور اکرم صلی اللہ علیہ وآلہ وسلم کی حیات مبارک جو کہ ظاہری طور پر صرف 63 برس تھی اس میں بھی صرف 23 سال کے عرصے میں اسلام بےحد پھیلا وہ بھی عمل اور اخلاق سے۔ مگر اس وقت سے اب تک اگر اسلام پھیلا بھی ہے تو کس ratio سے؟

​ خیر اگر ہم اپنے بچوں کو بغیر کسی کی پرواہ کیے یہی بتا دیں بیٹا جب تک ہمارے پاس قوت و طاقت علم کی بدولت تھی ہم نے ترقی کی اور دوسری اقوام کو اسلام کی جانب اخلاقی طور پر دعوت دینے کی بجائے ہم نے ڈنڈے کے زور پر کام کیا۔ یہاں میں بادشاہوں کے اسلام کے بات کر رہا ہوں نہ کہ اولیائے کرام کے پھیلائے گئے اسلام کی۔ مگر جب ہم سے یہی سب چیزیں ختم ہوئی جب ہم نے بھی بو علی سینا اور جابر بن حیان کے دور کے یورپی لوگوں کے جیسے کام شروع کر دیے یعنی مختلف بیماریوں کو ہم نے تعویذ و جادو اور دم و درود پر رکھ لیا بنا ان کا علاج کیے اور وہ ہمارے بزرگوں والا کام( یعنی سائنس کی مدد سے علاج) کرنے لگے تو انہوں نے مزید دریافتیں کی اور سائنس کو ترقی دی۔ تب انہوں نے نہ ہی دن دیکھا نہ رات، نہ ہی عراق و شام اور نہ ہی افغانستان و پاکستان انہوں نے ہمیں ہر لحاظ سے پستی کی جانب دھکیلنے کی بھرپور کوشش کی اور کیا کہنے ہم نے بھی جانب پستی ہی جانا پسند فرمایا۔ اس لیے ترقی یافتہ دور میں بھی ہمارا کوئی حال نہیں ہے ہم ظاہری طور پر بدلنا چاہتے ہیں مگر اندرونی طور پر پستی کو پسند کیے ہوئے ہیں اور اس سے نکلنا تو دور کی بات ہم نکلنے کا سوچتے تک نہیں ہیں۔ یہی وجہ ہے ہم مار کھا رہے ہیں اور کھاتے رہیں گے۔ ہماری دنیا میں کہیں عزت نہیں ہو گی چاہے وہ ہمیں اپنے مقاصد کی خاطر کھلائیں یا پھر دہشت گرد کہ کر مار دیں ان کی مرضی ہے۔ اس میں ہم بےبس ہیں۔ اس لیے جب تک ہم نہیں بدلیں گے جب تک تعلیمی میدان میں آگے نہیں چلے جاتے تب تک ہر ملک، شہر اور گلی میں مسلمان ذلیل و خوار ہوتے رہیں گے۔

@Haider_Arbaz_01