Category: ادب و مزاح

یہ بات حقیقت ہے کہ سگریٹ نوشی صحت کیلئے مضر ہے اس لئے بہت سے افراد نے اس سے پھٹکارا پانے کی کوشش تو کی ہوگی لیکن خاطر خواہ کامیابی حاصل نہیں کر سکے ہوں گے کیونکہ سگریٹ میں نکوٹین ہوتی ہے اور اسکا عادی بڑی مشکل ہی اس سے جان چھڑا سکتا ہے بہر حال اس لعنت سے چھٹکارا پانے کیلئے چند ہدایات درج ذیل ہیں جن پر عمل کر کہ ہم اس لعنت سے چھٹکارا حاصل کر سکتے ہیں۔

اہم ترین اور سب سے آسان طریقہ یہ ہے کہ پہلے آپ مضبوط ارادہ کریں کہ میں نے سگریٹ نوشی کو ترک کرنا ہے پھر جب بھی سگریٹ کی طلب ہوا ٹھ کر صاف اور تروتازہ ماحول میں لمبے لمبے سانس لینا شروع کردیں زیادہ نہ ہو سکے تو دن میں تین بار تو ضرور یہ عمل سرانجام دیں اس سے بہت حد تک آ پکوسکون محسوس ہوگا اور دوبارہ یہی طریقہ دو ہرانے کو جی چاہے گا۔

ابتدائی دنوں میں ایسا کرنے سے آ پکو قدرے مشکل پیش آئے گی لیکن آہستہ آہسہ مثبت نتائج برآمد ہوں گے لہذا شروع میں پانی کا استعال زیادہ کردیں اس سے ایک تو سگریٹ کی طلب سے دھیان بٹ جاۓ گا اور دوسراجسم سے نکوٹین کے زہریلے مادے بھی خارج ہونے میں آسانی ہوگی۔

بعض لوگ سگریٹ سے پیچھا چٹروانے کیلئے پان ،نسوار یا کافی وغیرہ کی عادت ڈالتے ہیں لیکن یبھی نقصان دہ اثرات مرتب کرتی ہیں اس لئے مثبت عادات اور قدرتی طریقوں سے اس عادت کو ترک کرنے کی کوشش کی جاۓ۔

کھانا کھانے کے بعد سگریٹ کے عادی حضرات سگریٹ ضرور پیتے ہیں ان کو چاہیے کہ بجاۓ سگریٹ کے وہ ایک کپ پودینہ چاۓ کا پئیں جس سے ہاضمہ بجائے بھی متاثر نہیں ہوگا اور سگریٹ سے بھی چھٹکارا حاصل ہو جاۓ گا۔

سگریٹ پینے والے دوستوں کی محفل سے دور ہیں۔ اپنے گھر سے تمام سگریٹ، ایش ٹرے اور حتی کہ اپنے سب کپڑے وغیر ہ دھوڈالیں تا کہ سگریٹ کے دھوئیں وغیر ہ سے دو بار سگریٹ پینے کو جی نہ چا ہے۔

صبح سویرے اٹھنے کا معمول بنالیں اور تازہ ہوا میں لمبی لمبی سانس لیں۔ اور کی پھلکی ورزش کریں تا کہ مجموعی طور پرصحت بحال رہے اس کے علاوہ دن کے کسی بھی حصے میں تفریح کیلئے کوئی انڈور گیم یادلچسپ مووی دیکھیں اس طرح بتدریج کی نفسیاتی خواہش سگریٹ سے دور ہوتی جاۓ گی۔ اپنے دوستوں، گھر والوں اور آفس میں سب کو بتادیں کہ میں سگریٹ چھوڑ چکا ہوں لہذ وہ کی مزید حوصلہ افزائی سے مد دکر میں گے۔

اس کے علاوہ کسی پریشانی کی صورت میں اپنے ڈاکٹر سے رجوع ضرور کریں۔ بعض ہسپتالوں میں سگریٹ نوش حضرات کا علاج بذریعہ ادویات بھی کیا جا تا ہے جہاں نکوٹین کے متبادل کئی ادویات استعمال کرواتے ہیں لیکن یہ بھی مضر صحت ثابت ہوتی ہیں۔ اس لئے کوشش کریں کہ خود قدرتی اور سادہ طریقے سے اس لعنت سے چھٹکارا پائیں ورنہ کسی ماہرنفسیات سے رابطہ کر میں جو کہ آپ کو بغیر ادویات کے مندرجہ بالا ہدایات کے پیش نظر اپنی نگرانی میں علاج کر یگا۔ اللّه پاک سے دعا ہے کہ اللّه پاک ہمیں اس لعنت سے محفوظ فرمائے اور جو لوگ سگرٹ نوشی کرتے ہیں انکو اس سے جان چھڑانے کی توفیق عطا کرے۔ آمین

@MeryamWaheed

اے دشمن دیں تو نے کس قوم کو ہے للکارا
ہم بھی ہیں صف آرا ‘ہم بھی ہیں صف آرا
ریڈیو پاکستان پر اس نغمے کی ریکارڈنگ جاری تھی کہ ایسے میں پاک ٹی وی چینل پر نیوز کاسٹر قراۃالعین کی جذبات سے بھرپور تیز آواز ابھری ۔؛
بھارت نے پاکستان پر لاہور کی جانب سے حملہ کر دیا ہے ۔اب تک دشمن کے آٹھ سو فوجی ہلاک ہو چکے ہیں ۔
یہ 6 ستمبر 1965 کی صبح کاذب کا وقت تھا جب انڈیا کی ناپاک فوج نے رات کے اندھیرے میں پاکستان پر بزدلانہ وار کیا ۔وہ تو لاہور کے احاطے میں ناشتہ کرنے کے متمنی تھے لیکن ہمارے شیردل نوجوانوں نے انہیں بی آر بی نہر کے پار ہی روک لیا اور ان کے آگے سیسہ پلائی ہوئی دیوار بن کر کھڑے ہو گئے ۔اس جنگ میں فتح کا سہرا لاہوریوں کے سر بھی جاتا ہے اس کے ساتھ عوام بالخصوص گلی محلے کے لڑکے والے بھی شامل ہوگئے ہر کوئی اپنے مذہب اور وطن سے محبت کے جذبے سے سرشار تھا ۔ماؤں نے اپنے بیٹوں کے سر پر خود کفن باندھے لوگوں کو گرمانے کے لیے یہ نغمہ بھی ملک بھر میں رقص کر رہا تھا ۔
اے پتر ہٹاں تے نئیں وکدے
تو لبدی پھریں بازار کڑے
اے شیر بہادر غازی نیں
اے کسے کولوں وی ہر دے نہیں
ایہنا ں دشمناں کولوں کی ڈرنا
اے موت کولوں وی ڈردے نہیں
اے اپنے دیس دی عزت توں
جان اپنی دیندے وار کڑے
محب وطن اپنی جان ہتھیلی پر رکھ کر دشمن کو ناکوں چنے چبوانے سرحدوں پہ پہنچ چکے تھے مائیں بہنیں کھانے بنا کر جانباز فوجیوں اور جوانوں کے پاس پہنچا رہی تھی بہت سی دختران پاکستان ہسپتالوں میں زخمیوں کے لیے نرسنگ کا فریضہ انجام دے رہی تھیی ۔جوش و جذبے کا یہ عالم تھا کہ کوئی بھی فوجی یا سویلین نوجوان زخمی ہسپتال میں لایا جاتا تو وہ دوبارہ میدان جنگ میں جانے کی خواہش کرتا ۔شدید بیہوشی میں بھی وہ کافروں سے جنگ لڑنے کے لیے ہاتھ پاؤں مار رہے تھے اور ہندوؤں کو للکار رہے تھے ۔
6 ستمبر 1965 کی جنگ کے پیچھے بھارت کی وہ جارحانہ کارروائیاں تھی جو وہ پچھلے کئی ماہ سے کر رہا تھا ۔مسلمان ریاستوں سے چھیڑ چھاڑ اس کی د یرینہ روایت ہے اس روایت نے ہی تو سلطان محمود غزنوی کو ہندوستان پر سترہ حملے کرنے پر مجبور کیا تھا ۔ہمیشہ یہ ناپاک دشمن پہل کرتا ہے اور پھر منہ کی کھا تا ہے
جنگ شروع ہو چکی تھی ایسے میں صدر پاکستان محمد ایوب کے خطاب نے مسلمانوں کے جوش و جذبے کو مزید ابھا را۔ 6 ستمبر 1965 کو ریڈیو !پاکستان پر ایوب خان نے خطاب کرتے ہوئے کہا ۔میرے عزیز ہم وطنو!
دس کروڑ پاکستانیوں کے امتحان کا وقت آگیا ہے ۔ہندوستان نے پاکستان پر لاہور کی جانب سے حملہ کر دیا ہے مئی 1965 میں ہندوستان نے جنگ بندی کی لائن کو توڑتے ہوئے جان بوجھ کر کارگل کی تین چوٹیوں پر قبضہ کرلیا ۔اقوام متحدہ کی مداخلت پر انہیں خالی تو کردیا لیکن انہوں نے اگست میں ان پردوبارہ قبضہ جما لیا بعد ازاں اس نے چکوال کی چوکیوں پر بھی قبضہ کرلیا اور مختلف سرحدوں کی جانب سے بھی پاکستانی عوام پر گولا باری کی ۔اس قدر اشتعال انگیزی کے باوجود پاکستانیوں نے بڑے صبر سے کام لیا لیکن ہندوستانیوں نے اس بات کو ہماری کمزوری سمجھا ۔ان کی بڑھتی ہوئی کارروائیوں کے سبب آزاد کشمیر کو اپنی اپنی فوجیں بھی بھمبھر کے مقام پر لا کر کھڑا کرنا پڑیں ۔ہندوستان نے تو اپنے ہوائی بیڑے کو بھی بے دریغ جنگ میں دھکیل دیا اس طرح حالات کو مزید خطرناک بنا دیا اس وقت تمام دنیا پر ظاہر ہوگیا تھا کہ کشمیر میں ہندو جارحیت کا اصل مقصد پاکستان پر حملہ کرنا ہے ۔پچھلے اٹھارہ سال سے وہ پاکستان کے خلاف جنگی تیاریاں کرتے رہے ہیں ہم شروع سے ہی اس بات کو جانتے تھے کہ یہ جنگی تیاریاں ہمارے لئے ہیں وقت نے اسے سچ کر دکھایا ۔اب جب کہ ہندوستان نے اپنی روایتی منافقت اور بزدلی سے کام لیتے ہوئے باقاعدہ اعلان جنگ کیے بغیر اپنی فوجوں کو پاکستان پر حملہ کرنے کا حکم دے دیا ہے تو ہمارے پاس بس ایک ہی راستہ رہ گیا ہے اور وہ یہ کہ ہم ان کے ناپاک حملے کا ایسا منہ توڑ جواب دیں گے کہ ہندوستانی حکمرانوں کے ناپاک سامراجی منصوبوں کا خاتمہ ہوجائے ۔
انہوں نے لاہور کے دلیر اور بہادر لوگوں کو سب سے پہلے للکاراہے تاریخ میں لاہور کے دلیروں کا نام ہمیشہ زندہ رہے گا ۔
پاکستان کے 10 کروڑ عوام جن کے دلوں میں لا الہ الا اللہ محمد k الرسول اللہ کی صدا گونج رہی ہے اس وقت تک چین سے نہیں بیٹھیں گے جب تک دشمن کی توپیں ہمیشہ کے لیے خاموش نہ ہو جائیں ۔ہندوستانی حکمران شایدابھی نہیں جانتے کے انہوں نے کس قوم کو للکارا ہے ہمارے اندر ایمان اور یقین کی طاقت ہے ۔ہم پورے اتحاد اور عزم کے ساتھ دشمن کا مقابلہ کریں گے اللہ تعالی کا واضح ارشاد ہے کہ’ فتح ہمیشہ سچ کی ہوگی” ۔جنگ شروع ہو چکی ہے اللہ تعالی نے ہماری مسلح افواج کو اپنے جوہر دکھانے کا موقع دیا ہے ہماری فوجیں انشاءاللہ کامیاب ہوگیں ۔
میرے عزیز ہم وطنو اس آزمائش کی گھڑی میں آپ مکمل طور پر پرسکون اور متحد رہیں
میرے ہم وطنوں آگے بڑھو اور دشمن کا مقابلہ کرو اللہ تمہارا حامی و ناصر ہو
اس جنگ نے بہت سے شہداء کے کارنامے رقم کیے ۔
پاکستان کے شہداء میں ایک ایسا ہی اہم کردار میجر عزیز بھٹی شہید کا ہے ۔میجر میجر عزیز بھٹی 6 اگست1928 کو ہانگ کانگ کے خوبصورت جزیرے میں پیدا ہوئے ان کے والد مقامی سکول میں معلم تھے ۔1941 میں جاپان نے ہانگ کانگ پر حملہ کردیا ان کے والدین ہجرت کر کے پاکستان کے شہر گجرات کے ایک علاقے کھاریاں میں رہائش پذیر ہو گئے ۔میجر میجر عزیز بھٹی شروع سے ہی بڑے بہادر اور بڑے زیرک انسان تھے پڑھ لکھ کر وہ فوج میں بھرتی ہو گۓ انہوں نے پاک فوج میں کمیشن حاصل کیا اور پنجاب رجمنٹ کا حصہ بن گئے یہ۔
29 اگست 1965 کی بات ہے جب میجر عزیز بھٹی اپنے اہل وعیال کے ساتھ چھٹیاں گزار رہے تھے تو انہیں یونٹ واپس بلا لیا گیا جنگی حالات سر پر منڈلا رہے تھے وہ یونٹ آنے کی تیاری کرنے لگے جب کھانے کی میز پر ان کی بیوی نے آ فسردہ لہجے میں پوچھا کہ جنگ ختم ہو گئی تو وہ واپس آ جائیں گے جواب میں عزیز بھٹی نےمسکرا کر جواب دیا ؛پریشان کیوں ہوتی ہو تمہیں معلوم تو ہے ایک فوجی کی زندگی میں اتارچڑھاؤ آتے رہتے ہیں ۔ان کا چھوٹا بیٹا ذوالفقار معصومیت سے بولا ابا جان کیا جنگ ہونے لگی ہے ؟عزیز بھٹی نے جواب دیا ہاں ۔شاید حالات کچھ زیادہ اچھے نہیں رہے تو وہ معصومیت سے مکا ہو ا میں لہراتے ہوۓ بولا پھر کبھی دشمن کو پیٹھ نہ دکھانا۔ میجر نے اس کا ماتھا چومااور اس سے کہا کہ پھر یہ بھی وعدہ کرو کہ میں شہید ہوجاؤں تو میری لاش پر نہیں رونا اور پھر اپنی بیوی اور بیٹے سے کیا گیا وعدہ وفا کرنے میدان جنگ میں پہنچ گئے ۔
میجر عزیز بھٹی کو لاہور سیکٹر میں برکی کی جانب سے ایک کمپنی کی کمان سونپی گئی جہاں انہوں نے اپنے جانبازوں کے ساتھ مسلسل چھ دن اور چھ راتیں دشمن کا مقابلہ کرتے گزاریں۔ نئ وردی نہ ملنے پر ایک افسر نے اپنی وردی پہننے کو کہا تو میجر عزیز نے جواب دیا نہیں وردی اور کفن اپنا ہی اچھا لگتا ہے ۔
نویں اور دسویں کی درمیانی شب کو دشمن نے اس سیکٹر پر بھرپور حملے کے لیے اپنی پوری بٹالین جھونک دی لیکن میجر عزیز بھٹی اور اس کے جوانوں نے ان کے سامنے اپنے جسموں کی فصیل کھڑی کردی اور دیوانہ وار ان کا مقابلہ کیا۔میجر عزیز بھٹی مسلسل دشمن کی چوکیوں پر بی آر بی نہر کے اوپر کھڑے ہو کر نظریں جمائے کھڑے تھے کہ مخالف ٹینک کا ایک گولہ آپ کو أ لگا اور آپ موقع پر ہی شہید ہوگئےلیکن دشمن کو سرحد پار کرنے میں ناکام کر دیا جب دشمن یہاں سے ہٹ رہا تھا تو اس سیکٹر کے 150نوجوان شہید جبکہ اس کے سینکڑوں فوجی مارے جا چکے تھے ۔
ایک دوسرا نام پاک فضائیہ کے کمانڈر ایم ایم عالم کا ہے جنہوں نے چالیس سیکنڈ میں پانچ ہنٹر طیارے مار گرائے جو آج بھی گینز بک آف ورلڈ ریکارڈ میں درج ہے ان کی اس جرات و مہارت پر انہیں نشان حیدر سے نوازا گیا دین کا یہ سپاہی میدان جہاد میں تو شہید نہ ہوسکا لیکن طویل علالت کے بعد وفات پا گیا۔ اس طرح میجر طفیل شہید اور شبیر شریف کو بھی نشان حیدر سے نوازا گیا کیونکہ انہوں نے بھی میدان کارزار میں جرات و بہادری کے بہت جوہر دکھائے تھے ۔پاکستان کے جس جس علاقے سے دشمن نے حملہ کیا جب وطن باسیوں نے اس کا منہ توڑ جواب دیا ۔
ہڈیارہ سے لے کر کھیم کرن تک
چونڈہ سے لے کر ہلواڑے تک
واہگہ سے لے کر جام نگر تک
قصور سے لے کر اکھنور تک
ہر طرف پاک فوج کی سرخروئی کے پرچم لہرا رہے تھے
20ستمبر کو سلامتی کونسل کے کہنے پر جنگ بندی کا اعلان کر دیا گیا
یہ جنگ 17 روز جاری رہی اس کے خاتمے تک ہندوستان اپنا بھاری جانی اور مالی نقصان کروا چکا تھا ۔
یہ جنگ بھارتی ٹینکوں کا قبرستان ثابت ہوئی ۔120 ٹینک تو لاہور سیکٹر میں ہی تباہ ہو چکے تھے ۔
بھارت کے پانچ سو سولہ ٹینک جب کہ ہمارے 35 ٹینک تباہ ہوئے تھے ۔
بھارت کے سات ہزار فوجی جہنم واصل ہوئے جبکہ پاکستانی 830 جوان شہید ہوئے
بھارت کے 1000فوجیوں کو قیدی بنایا گیا جبکہ پاکستان کے 17 فوجی ہندوستان کے قیدی بنے ۔
بھارت کے 1617 مربع میل کے رقبے پر پاکستان کا قبضہ ہوگیا جبکہ پاکستان کے 447 رقبے پر ہندوستان نے قبضہ کیا اور درجنوں جنگی انڈین جہاز ہمارے ماہر ہوا بازوں نے تباہ کر دیئے اور یوں ہندوستان کے وزیراعظم لال بہادر شاستری کا لاہور میں ناشتہ کرنے کے بعد جم خانوں میں بیٹھ کر جام سے جام ٹکرا نے کا خواب منوں مٹی تلے ملیامیٹ ہو گیا ۔
اس وطن کا ایک ایک ذرا ان شہیدوں کے ایک ایک قطرے کا مقروض ہے۔ جن آزاد فضاؤں میں ہم سانس لے رہے ہیں اس کے ایک ایک جھونکے میں ان کے مقدس لہو کی خوشبو شامل ہے ۔
جنہوں نے اپنا خون دل دے کر گلاب کی طرح اپنے وطن کو سنو ارا اور اپنے تازہ لہو سے اس کی آبیاری کی ہے اور انھوں نے یہ واضح کر دیا ۔
جب بھی گھیرا تجھے ظلمتوں نے کبھی
مشعل جام بنے ہم مقابل رہے
ہم نے مر کر تجھے سرخرو کردیا
ہم بھی تیرے شہیدوں میں شامل رہے
آئیں یوم دفاع کو یاد رکھتے ہوئے ہم اپنے وطن کی پاک مٹی سے وعدہ کریں کہ جب بھی ضرورت پڑے گی ہم بھی اپنے وطن اور اسلام کی خاطر اپنا تن من دھن اس پر نچھاور کر دیں گے ۔اللہ تعالی اس اسلام کے قلعے کو محفوظ اور مستحکم بنا ۓ ۔ہمیں کفار پر فتح و نصرت عطا کرے ۔اسلامی ریاست کا وجود قائم رہے اور ہر طرف اسلام کا بول بالا ہو جائے (آمین)
**********************

دنیا  بھر میں سب زیادہ تعداد میں فروخت ہونے والی اشیاء میں سے ایک سگریٹ بھی ہے۔تمباکو نوشی کی عادت بعد میں دیگر منشّیات مثلاً چرس ، ہیروئن ، شیشہ وغیرہ کے استعمال کا سبب بن جاتی ہے۔ یعنی سگریٹ نوشی باقی منشیات کی جانب پہلا قدم کہلائی جا سکتی ہے۔

روزانہ سینکڑوں لوگ تمباکو نوشی کی لت میں مبتلا ہوتے ہیں اور سب سے زیادہ تکلیف دہ بات یہ ہے کہ یہ وبا ہماری نوجوان نسل کو اپنی لپیٹ میں لے رہی ہے۔

نوجوان کسی بھی ملک اور قوم کا سرمایہ ہوتے ہیں، ان کی صلاحیتوں کو اجاگر کرنے کے لیے شروع سے ہی ان پر خصوصی توجہ دی جاتی ہے۔ مغربی ممالک میں سکول سے ہی نوجوانوں کو تمباکو نوشی کے مضر اثرات کے بارے میں آگاہی دی جاتی ہے یہی وجہ ہے کہ وہ ممالک کافی حد تک تمباکو نوشی پر قابو پانے میں کامیاب ہو گئے ہیں۔

تمباکو نوشی پھیپھڑوں کے انتہائی مضر ہے, تمباکو نوشی سے سانس لینے میں دشواری، کھانسی اور دمہ جیسی بیماریاں پیدا ہوتی ہیں جو کہ آگے جا کر انسانی زندگی کے خاتمے کا سبب بھی بنتی ہیں۔ تمباکو نوشی کی وجہ سے دل کا دورہ پڑنے کا خطرہ بھی رہتا ہے عام لوگوں کے مقابلے میں تمباکو نوشی لوگوں کو دل کا دورہ پڑنے کے امکانات زیادہ ہوتے ہیں۔

تمباکو نوشی کی وجہ سے تمباکو نوش تو متاثر ہوتے ہی ہیں لیکن اس کے ساتھ ساتھ اس کے ساتھ رہنے والے لوگ بھی اس سے متاثر ہوتے ہیں۔ خاص طور پر تمباکو کے دھوئیں سے بچے بہت متاثر ہوتے ہیں ان میں دمہ اور دوسری متعدی بیماریوں کے پھیلنے کا خدشہ رہتا ہے۔

تمباکو نوشی کرنے والے افراد کو سوچنا چاہیے انکی اس بری عادت کا ان کی صحت پر تو برا اثر ہوتا ہی ہے اس کے ساتھ اس کے عزیز بھی اس سے متاثر ہوتے ہیں۔ تمباکو نوش افراد کو چاہیے جتنا جلدی ممکن ہو اس بری عادت سے چھٹکارا حاصل کریں۔

حکومتی سطح پر تمباکو نوشی کے مضر اثرات کی جانب سے کوئی خاص آگہی مہم نہیں شروع کی گئی جس سے اس وبا کو کم کرنے میں کوئی مدد مل سکے۔ اس لیے انسداد تمباکو نوشی کی مہم چلانی چاہیے جس میں معاشرے کے سب طبقات، می ڈیا وغیرہ کو بھی بھر پور حصہ لینا چاہیے۔ سکول اور کالج کے نصاب میں انسداد تمباکو نوشی کے متعلق مضمون ہونا چاہیے جس میں تمباکو نوشی کے مضر اثرات کے بارے میں مکمل آگاہی ہو تاکہ انہیں شروع سے ہی تمباکو نوشی جیسی بری عادت سے دور رکھا جا سکے۔ 

بسوں، مارکیٹس، دفاتر اور عوامی جگہوں پر تمباکو نوشی کی سختی سے ممانعت ہو تاکہ اردگرد کے لوگوں کو تمباکو کے دھوئیں سے محفوظ بنایا جا سکے اور جو کوئی اس پر عمل نہ کرے تو اس کو جرمانہ اور قید کی سزا ہونی چاہیے۔ 

سماجی رابطوں کی مختلف ایپس ٹویٹر، فیس بک اور انسٹاگرام وغیرہ پر بھی تمباکو نوشی کے خلاف بہترین مہم چلائی جا سکتی ہے اس لیے آئیے ہم سب مل کر عہد کریں کہ ہم اپنے ملک سے تمباکو نوشی کی وبا کو کم کرنے میں اپنی پوری کوشش کریں گے۔

زندگی میں کوئ نا کوئ واقع ایسا رونماں ہوتا ہے جس سے انسان ڈپریشن کا مریض بن جاتا ہے اس کو نفسیاتی بیماری کہا جاتا ہے کیونکہ اس بیماری کا زیادہ اثر دماغ پہ پڑتا ہے اور وقت گزرنے کے ساتھ ساتھ  جسمانی کمزوری بھی ہونے لگتی ہےنفسیات ۔۔۔

نفسیات ایک ایسی بیماری ہے جو انسان کو ماضی سے نہیں نکلنے دیتی ایک نفسیاتی انسان تلخ ہونے کے ساتھ ساتھ الگ تھلک رہنے لگتا ہے اسکو یہی لگتا ہے میں الگ دنیا کا ہوں مجھے کوئ سمجھ نہیں سکتا اور ہوتا بھی ایسے ہی ہے ایسے انسان کو ہم سمجھنے کے بجائے اور تکلیف دیتے ہیں اور وہ مزید تلخ ہوتا جاتا ہے

ایسا انسان توجہ کے ساتھ پیار چاہتا ہے انسان کو نفسیاتی بنانے میں اس کے اردگرد کا ماحول اور وہ لوگ شامل ہوتے ہیں جن سے وہ جوڑا ہوا ہوتا ہے سوشل میڈیا کے تعلقات انسان کو  نفسیاتی بنانے میں سب سے پہلے ہے وقت گزاری سے کہیں لوگوں کی زندگیاں برباد ہوگئ عارضی تعلقات دکھ کا باعث بن کے انسان کو روحانی طور پہ ختم کررہے ہیں

دوسروں کو تکلیف دینا دل آزاری کرنا ہمارا مذہب اسلام نہیں سیکھاتا دوسروں کو محبتوں کے جال میں پھنسانا  اور کسی کا ناجائز فائدہ اٹھانا 

کیا یہ جائز ہے؟؟ جو ہر کوئ اس راہ پہ گامزن ہورہا ہے ہمارا مستقبل یہ تو نہیں تھا کہ اپنوں کی بربادی کا خود ہی سبب بنے خدارا ہوش کیجیے دوسروں کو عزت دیجیے استعمال نا کیجئے نفساتی بنانے اور کسی کو زندہ مار دینے میں کوئ فرق نہیں کسی کا دل دکھانے کی کوئ معافی نہیں

ایک نفسیاتی انسان یا تو خاموش ہوجاتا ہے یا پھر مختصر جواب دینے لگتا ہے وہ اپنی الگ دنیا میں رہنے لگتا ہے اسکو کسی سے لگاو نہیں رہتا نا وہ اپنا صیح خیال رکھ پاتاہے نا کھانے پینے کی اسکو خبر ہوتی ہے اور نا روز مرہ کے  کاموں پہ توجہ دے  پاتا ہے تنہا رہنے لگتا ہے اور کمتری کا شکار ہوجاتا ہے 

اور مایوسی میں جینے لگتا ہے 

ایسے انسان کو کسی دوسرے کی مدد کی ضرورت ہوتی ہے ڈپریشن کا علاج باتوں سے بھی کیا جاسکتا ہےوہ یہی چاہتا ہے  کوئ اسکے سنے اور سمجھے 

وقت سب سے زیادہ قیمتی ہے دوسروں کو اچھا وقت دے انکے کام ائے اور نفسیاتی انسان پاگل نہیں ہوتا لہذا اس کو سمجھنے کی کوشش کریں اور دوسروں کے لیے ذہنی سکون کا باعث بنے اور سوشل میڈیا کے تعلقات سے پرہیز کیا جائے کیونکہ ہر کوئ اپنی اصل شناخت سے موجود نہیں ہوتا ایک انسان کے سو نام اور پہچان بنی ہوتی ہے اور مختلف چہروں میں چھپا ہوا ہوتا ہے اور سوشل میڈیا پہ ویسے بھی ہر کوئ نیک پرہیزگار بنا ہوتا ہے لازمی نہیں حقیقت میں وہ ویسا ہی ہو جیسا وہ ثابت کر رہا ہو خوشیار رہے خود کو ایسے لوگوں سے بچا کے رکھے جو اپکو ذہنی طور پہ بیمار کر دے اپنا خیال رکھا جائے  اور خود کو کاموں میں مصروف رکھے تاکہ اکیلا پن ڈپریشن کی بیماری میں مبتلا نا کرے 

تلخ ہونا کوئ عداوت نہیں 

مٹھاس میں زہر پوشیدہ نا ہو
         

Official Twitter Account ‎@J_Tameer

‏

حُبُّ الْوَطَنِ مِنَ الْاِیْمَانِ "وطن سے محبت ایمان کا حصہ ہے”

بچپن سے پڑھتے سنتے جوان ہوئے اس مشہور مقولے کو صحت کے اعتبار سے نبی ﷺ سے منسوب نہ بھی کیا جائے تو آپ ﷺ کی وطن سے محبت بہت سے مقامات پر عیاں ہے حضور اکرم صلی اللہ علیہ و سلم نے مکہ مکرمہ کو چھوڑ کر ہجرت کی تو شہر مکہ کو مخاطب کرکے یہ الفاظ ارشاد فرمائے، جو ترمذی شریف میں موجود ہیں "اے مکہ! تو کتنا پیارا شہر ہے، تو مجھے کس قدر محبوب ہے، اگر میری قوم مجھے تجھ سے نہ نکالتی تو میں تیرے سوا کسی دوسرے مقام پر سکونت اختیار نہ کرتا” معلوم ہوا کہ اپنے شہر، صوبے اور مُلک سے محبت ایک فطری جذبہ ہے جو شرعاً بھی پسندیدہ ہے۔

آج فیملی میں بیٹھے ایک انتہائی پیارے اور قریبی رشتے سے یہ بحث ہو گئی کہ "شادی کے شروع دنوں میں ہی بیوی کی بات مان کر کسی یورپی ملک میں سیٹل ہو جاتا تو آج پانچ سالہ جڑواں بچے بھی یورپ نیشنل ہوتے بروقت فیصلہ نہ کرنے اور اولاد کو پرسکون زندگی سے دور رکھ کر ان کا مستقبل داو پر لگا دیا” وطن اور جھنڈے کی حرمت پہ قربان مجھ جیسے آشفتہ سر کو بات دل سے رُلا گئی، میں نے کہا کہ حاجی صاحب اللہ کی دنیا کی سیر کرنے کی حد تک تو ٹھیک لیکن اپنے وطن جیسا تو کچھ بھی نہیں ہے، تم اچھی زندگی کا حق رکھتے ہو، لیکن اپنی جوانی کے 30-40 سال دشتِ غیر میں سکون سے گزارنے کے بعد آخر وہ کیا چیز ہے جو بیماری زدہ وجود کو وطن واپس آنے پہ مجبور کرتی ہے؟ وہ کونسی گیدڑ سنگی ہے جو لاشوں اور تہذیب سے عاری جوان اولاد کو وطن واپس کھینچ لاتی ہے؟ تو حاجی صاحب کہنے لگے وہ بے وقوف ہوتے ہیں جو ایسے فیصلے کرتے ہیں، لاش کا کیا ہے کہیں بھی دبا دو میں اولاد کا مستقبل کبھی داوء پر نہیں لگاوں گا۔ اور اس مسقتبل کو محفوظ کرنے کے لئے وہ حاجی صاحب جنہوں نے ساری جوانی باپ دادا کی وراثت شدہ مال پہ گزاری اب 41 سالہ عمر میں تن من سے انگریزی سیکھنے پہ لگے ہیں کہ زبان کا مسئلہ نہ ہو کہ بہرحال سال کے اندر اندر سویڈن یا کسی بھی دوسرے یورپی ملک کا ورک پرمٹ لے کر یہاں سے نکلنا ہے۔ اس ساری بحث میں آوازیں اونچی بھی ہوئیں اور رشتے کا احترام بھی پسِ پشت ڈالا گیا، دل بھی رویا کہ یہ ہیں وہ لوگ جن کی پرسکون نیندوں کے لئے ہزاروں جوان اپنی راتیں قربان کرتے ہیں، سینکڑوں خاندانوں کے اثاتے اپنی جان دے کر دن کا سکون قائم رکھتے ہیں۔ میرے بس میں ہو تو ان جیسوں کی لاشیں وصول کرنے سے بھی انکار کر دوں کہ یہ بھی غداری ہی ایک شکل ہے۔

یاد کریں لیبیا، شام، ایران، عراق کو۔۔۔ اور سوچیں دوسروں کی عطا کردہ زندگی کسی بھی سرزمین پر بھلا کیسے سکون دے سکتی ہے؟اسرائیل کی مثال سامنے ہے انسانیت دشمن ممالک کسیے کسی پرسکون زندگی کی ضمانت ہو سکتے ہیں؟ زیادہ پرانی بات نہیں افغانستان سے امریکہ کا حالیہ انخلاء ہم سب کے سامنے ہے کہ کس طرح لوگوں نے اچھی زندگی کے ڈھونگ( بروقت ضرورت امریکی مقاصد کے لئے استعمال) میں آ کر کیسے بزرگوں اور بڑوں اور بچوں نے کوششیں نہیں کی، کس طرح جہازوں سے لاشیں گریں اور ابھی ہفتہ بھی نہیں گزرا کہ افغان کیمپوں میں موجود لوگوں کو خوراک کی کمی اور بنیادی ضرورت کے مسائل کے انبار تلے دبا دیا، شکایت کرنے والوں کو یاد رکھنا چاہئے کہ یہ زندگی ان کا ذاتی انتخاب تھا۔

ہر بیرونِ ملک مقیم پاکستانی کا کردار بھی ایک جیسا نہیں، ان میں وہ لوگ بھی شامل ہیں جو خاندان اور وطن کی خاطر دیارِ غیر میں اپنی زندگی کاٹ دیتے ہیں کہ اولاد کو اسی ملک میں روشن مستقبل دے سکیں، قرضے میں ڈوبا ملک غیر ملکی معاشی تسلط سے باہر آ سکے یقین جانیں ان کی یہ زندگی جہاد سے کم نہیں ان کو ممتاز کرنے والی چیز بھی ان کی وطن سے محبت و وفاداری ہی ہے۔ جن کو یہ ملک پاکستان پسند نہیں وہ بصد شوق اپنے اثاثے اور خاندان سمیٹ کر کسی بھی دوسری جگہ جا کر اپنی زندگی گزارنے میں آزاد ہیں لیکن پھر ایسوں کی لاشیں بھی ہم لینے سے انکار کرتے ہیں یہ وطنِ عزیز قبرستان نہیں ہے کہ ایسی لاشوں کے لئے خون دے کر اس کی سالمیت کو تو قائم نہیں رکھا ہوا۔

صد شکر کہ اللہ نے وطن سے محبت و وفاداری کو دل میں ایمان کی طرح غیر مشروط ہی رکھا، پرودگارا دعا کرتی ہوں ان لوگوں میں سے اٹھانا جو وطن کی حرمت کے لئے دل، دماغ، قلم، جان و مال اپنے ذاتی مفاد و آرام کو پس پشت ڈال کر قربان کرتے ہیں کہ یہ عزت یہ مقام سب کے حصے میں نہیں آتا۔ آمین۔ اس دفاع کے دن آئیے عہد کریں خود سے کہ اپنی اولادوں کو مال اور دین کی طرح وفا و حب الوطنی بھی وراثت میں دیں گے۔

‎@BetaGirl__

 
یومِ دفاع ہر سال 6 ستمبر کو  پاک بھارت جنگ 1965ء میں افواج پاکستان کی فتح   ، دفاعی کارکردگی اور قربانیوں کی یاد میں منایا جاتا ہے۔
اس کا مقصد پاکستان کے دفاع اور عسکری طاقت کو مضبوط کرنے کی یاددہانی ہے تا کہ ہر آنے والے دن میں کسی بھی حملے سے بطریق ءاحسن نمٹا جا سکے
اس دن سکول کالجز اور جامعات کے علاوہ سرکاری دفاتر میں6ستمبر 1965کی پاک بھارت جنگ کے شہداء اور غازیوں کو خراج تحسین پیش کیا جاتا ہے اور بھارت کے اس حملے کی پسپائی کا تذکرہ کیا جاتا ہے جس میں اسے شکست کا سامنا کرنا پڑا تھا،
ہر پاکستانی اپنی فوج کے دفاع پر فخر کرتا ہے اور یقین رکھتا ہے کہ پاک فوج ہر محاذ پر سرخرو ہے،
6ستمبر 1965ء کا دن عسکری اعتبار سے تاریخ عالم میں کبھی نہ بھولنے والا قابلِ فخردن ہے جب کئی گنا بڑے ملک نے افرادی تعداد میں کئی گنا زیادہ لشکر اور دفاعی وسائل کے ساتھ اپنے چھوٹے سے پڑوسی ملک پر کسی اعلان کے بغیر رات کے اندھیرے میں فوجی حملہ کر دیا۔ اس چھوٹے مگر غیور اور متحد ملک نے اپنے دشمن کے جنگی حملہ کا اس پامردی اور جانثاری سے مقابلہ کیا کہ دشمن کے سارے عزائم خاک میں مل گئے۔ بین الاقوامی سطح پر بھی اسے شرمندگی اٹھانا پڑی۔ جارحیت کرنے والا وہ بڑا ملک ہندوستان اور غیور و متحد چھوٹا ملک پاکستان ہے
1965ء کی ہندوستان اور پاکستان کے درمیان ہونے والی اس جنگ میں ثابت ہوا کہ جنگیں ریاستی عوام اور فوج متحد ہو کر ہی لڑتی اور جیت سکتی ہیں۔ پاکستانی قوم نے اپنے ملک سے محبت اور مسلح افواج کی پیشہ وارانہ مہارت اورجانثاری کے جرأت مندانہ جذبے نے ملکر نا ممکن کو ممکن بنا کر دکھایا،
پاکستان پر1965ء میں ہندوستان کی طرف سے جنگ کا تھوپا جانا پاکستانی قوم کے ریاستی نصب العین دوقومی نظریہ،قومی اتحاد اور حب الوطنی کو بہت بڑا چیلنج تھا۔ جسے جری قوم نے کمال و قار اور بے مثال جذبہ حریت سے قبول کیا اور لازوال قربانیوں کی مثال پیش کر کے زندہ قوم ہونے کاثبوت دیا۔ دوران جنگ ہر پاکستانی کو ایک ہی فکر تھی کہ اُسے دشمن کا سامنا کرنا اور کامیابی پانا ہے۔جنگ کے دوران نہ تو جوانوں کی نظریں دشمن کی نفری اور عسکریت طاقت پر تھی اور نہ پاکستانی عوام کا دشمن کو شکت دینے کے سوا کوئی اورمقصد تھا۔ تمام پاکستانی میدان جنگ میں کود پڑے تھے۔اساتذہ، طلبہ، شاعر، ادیب، فنکار، گلوکار ، ڈاکٹرز، سول ڈیفنس کے رضا کار ،مزدور،کسان اور ذرائع ابلاغ سب کی ایک ہی دھن اور آواز تھی کہ” اے مرد مجاہد جاگ ذرا اب وقت شہادت ہے آیا”ستمبر 1965ء کی جنگ کا ہمہ پہلو جائز لینے سے ایک حقیقی اور گہری خوشی محسوس ہوتی ہے کہ وسائل نہ ہونے کے باوجود اتنے بڑے اور ہر لحاظ سے مضبوط ہندوستان کے مقابلے میں چھوٹے سے پاکستان نے وہ کون سا عنصر اورجذبہ تھا، جس نے پوری قوم کو ایک سیسہ پلائی ہوئی نا قابل عبور دیوار میں بدل دیا تھا۔ مثلاً ہندوستان اور پاکستان کی مشترکہ سرحد”رن آف کچھ” پر طے شدہ قضیہ کو ہندوستان نے بلا جواز زندہ کیا فوجی تصادم کے نتیجہ میں ہزیمت اٹھائی تو یہ اعلان کر دیا کہ آئندہ ہندوستان پاکستان کے ساتھ جنگ کے لیے اپنی پسند کا محاذ منتخب کرے گا اس کے باوجود پاکستان نے ہندوستان سے ملحقہ سرحدوں پر کوئی جارحانہ اقدام نہ کیے تھے۔ صرف اپنی مسلح افواج کومعمول سے زیادہ الرٹ کررکھا تھا۔ یہی وجہ ہے کہ چھ ستمبر کی صبح جب ہندوستان نے حملہ کیا تو آناً فاناً ساری قوم، فوجی جوان اور افسر سارے سرکاری ملازمین جاگ کر اپنے اپنے فرائض کی ادائیگی میں مصروف گئے۔ صدر مملکت فیلڈ مارشل محمد ایوب خان کے ایمان فروز اور جذبۂ مرد حجاہد سے لبریزقوم سے خطاب کی وجہ سے ملک اللہ اکبر پاکستان زندہ باد کے نعروں سے گونج اُٹھا۔فیلڈ مارشل ایوب خان کے اس جملے”پاکستانیو! اٹھو لا الہ الا اللہ کا ورد کرتے ہوئے آگے بڑھو اوردشمن کو بتا دو کہ اس نے کس قوم کو للکارا”ان کے اس خطاب نے قوم کے اندر گویا بجلیاں بھردی تھیں۔ پاکستان آرمی نے ہر محاذ پر دشمن کی جارحیت اور پیش قدمی کو حب الوطنی کے جذبے اورپیشہ وارانہ مہارتوں سے روکا ہی نہیں، انہیں پسپا ہونے پر بھی مجبور کر دیا تھا۔ ہندوستانی فوج کے کمانڈر انچیف نے اپنے ساتھیوں سے کہا تھا کہ وہ لاہور کے جم خانہ میں شام کو شراب کی محفل سجائیں گے۔ ہماری مسلح افواج نے جواب میں کمانڈر انچیف کے منہ پر وہ طمانچے جڑے کہ وہ مرتے دم تک منہ چھپاتا پھرا۔ لاہور کے سیکٹر کو میجر عزیز بھٹی جیسے سپوتوں نے سنبھالا، جان دے دی مگر وطن کی زمین پر دشمن کا ناپاک قدم قبول نہ کیا۔

جاری۔۔۔۔

ٹویٹر ہینڈل :@chalakiyan 

آپ نے اکثر دیکھا ہوگا جس گھر میں سگریٹ کے عادی لوگ رہتے ہیں ان کے گھر کے در و دیوار میں بھی سگریٹ کی ناخوش گوار سی مہک رچی بسی ہوگی کہ طبعیت پر خوشگوار سا اثر محسوس ہورہا ہوتا ہے لیکن ایک انسان کی اس عادت سے باقی پورا گھر بھی اس زہر کا شکار ہورہا ہوتا ہے۔۔
جو لوگ اپنے خاندان سے پیار کرتے ہیں وہ اس بری لت سے چھٹکارا پا لیتے ہیں وہ جانتے ہیں کہ سگریٹ کا دھواں نہ صرف سگریٹ کے عادی بندے کے متاثر کررہا ہوتا ہے بلکہ اپنے پیاروں میں بھی یہ زہر لاشعوری طور پر بانٹ رہا ہوتا ہے جس سے انسان کے پھیپھڑے سب سے پہلے متاثر ہوتے ہیں اس کے بعد اس کو گلے کا کینسر بھی ہوجاتا ہے اور یہ کینسر لا علاج بیماری ہے ۔تو سوچتی ہوں کہ یہ کیسا اپنی فیملی سے پیار ہے کہ اپنے چند منٹس کے سکون کی خاطر اپنے پیاروں میں کینسر جیسی خوفناک بیماری بانٹ رہا ہوتا ہے وہ انسان جیسے نہ اپنی جان کی پرواہ نہ اپنے خاندان کی ۔۔میں تو اسے پھر بے حسی ہی کہوں گی کہ ایک تو کینسر جیسی بیماری اوپر سے پیسے کا ضیاع ۔
میں نے اکثر لوگوں کو مہنگے ترین سگریٹ لیکر پیتے دیکھا ہے اورسوچتی ہوں اس بندے کی سوچ پر کہ کیا وہ یہ سمجھتا ہے اس سے وہ پھیپھڑوں کے کینسر سے بچ جائے گا نہیں ۔۔بےشک آپ مہنگے سگریٹ لے کر پئیں یا سستے اس نے آپکو اندر سے مکمل کھوکھلا کردینا ہے ۔اس سے ہڈیاں کمزور ہونی شروع ہوجاتی ہیں کہ ایک وقت آتا ہے کہ آپ کو تھوڑی سی بھی کہیں سے ٹھوکر لگ جائے تو ہڈی ٹوٹنے کا خطرہ بڑھ جاتا ہے کیونکہ انسانی جسم کی ہڈی اندر سے کھوکھلی ہوچکی ہوتی ہے اسی طرح دل کے مریضوں کے لیے سگریٹ نوشی بہت نقصان دہ ہوتی ہے۔اس سے خون گاڑھا ہو جاتا ہے اور آہستہ آہستہ انسان اس سٹیج پر پہنچ جاتا ہے جہاں سے واپسی ناممکن ہوجاتی ہے ہارٹ اٹیک ہونے کے خطرناک خطرات حد سے ذیادہ بڑھ جاتے ہیں کہ انسان خدانخواستہ موت کی وادی میں پہنچ جاتا ہے سوچیں آپکی ذندگی آپکی فیملی کے لیے کتنی ایم ہے کیا آپ اپنی فیملی کو آنسوووں کا تحفہ دینا پسند کریں گے جن سے آپ خود بےحد پیار کرتے ہیں ۔۔
سگریٹ پینے والے کے دماغ کی حسیں آہستہ آہستہ کام کرنی چھوڑنے لگ جاتی ہیں کیونکہ سگریٹ کے تمباکو میں موجود نکوٹین ہمارے دماغ کے اس حصے کو کنٹرول کر لیتا ہے جس کے ذریعہ ہم سوچ بچار کرتے ہیں اور ذندگی کےفیصلے کرتے ہیں۔ جب نکوٹین دماغ تک پہنچتی ہے تو پھر لاشعوری طور پر انسان بار بار سگریٹ پینے لگ جاتا ہے

اگر اسے بروقت سگریٹ نہ ملے تو وہ عادی نشئی جیسی حالت میں چلا جاتا ہے انتہائی چڑچڑاپن ۔روکھا پن اس کی طبعیت میں میں شامل ہوجاتا ہے جس سے اکثر گھریلو مسائل جنم لیتے ہیں گھر میں لڑائی جھگڑے بےسکونی جیسی کیفیت پیدا ہوجاتی ہے ۔۔!!
میں نے آج تک کسی سگریٹ پینے والے کے دانت سفید نہیں دیکھے۔عجب سے بد نما پیلے سے دانت ۔۔
ایسے دانت نہ صرف دیکھنے میں برےلگتے ہیں بلکہ جبڑوں اور دانتوں کی جڑوں میں پیلا سا پتھر نما ٹارسا جم جاتا ہے جو ان کو بہت کمزور بنا دیتا ہے۔ کہ آہستہ آہستہ انسان کے دانت بھی ختم ہوجاتے ہیں اور وہ وقت سے پہلے بوڑھا نظر آنے لگ جاتا ہے ۔
پاکستان بلکہ پوری دنیا میں سگریٹ کی ڈبی پر کینسر ذدہ ہونٹ کی تصویر چھاپ کر وزارت صحت اپنا فرض ادا کردیتے ہیں بس جسے لوگ ڈر ہی تو جائیں گے ۔یہ لوگ ایک قسم کے نشے کے عادی ہوچکے ہیں جی ہاں نشے کہ عادی وہ اسطرح کی انسان کو نشہ نہ ملے وہ تڑپنا شروع ہوجاتا ہے اس کی عزت نفس ختم ہوکر رہ جاتی ہے سیم اسی طرح عادی سگریٹ نوش کو بھی اس کا نشہ نہ ملے تو پھر وہ بھی آوٹ آف کنٹرول ہوجاتا ہے اسے کھانے کے لیے روٹی ملے یا نہ ملے لیکن سگریٹ ضرور ملے ایسی حالت ہوجاتی ہے سگریٹ نوش کی کہ بعض اوقات اسے اپنی عزت نفس کا بھی سودا کرنا پڑ جاتا ہے ۔۔
حکومت وقت کو اس کی روک تھام کے لیے کوئی عملی قدم اٹھانا چاہئیے صرف سگریٹ کی ڈبی پر کینسر کی تصویر لگا کر اپنا فرض پورا نہ کرے سگریٹ مہنگے کرے اور لوگوں کی عام کھانے پینے کی چیزیں سستی کرے کہ عام عوام بھی سکون سے جی سکیں ۔۔
سگریٹ نوشی اور تمباکو نوشی کی روک تھام کے لیے باغی ٹی وی نے ٹھوس اقدامات اٹھائے ہیں عوام کو اگہائی مہم شروع کرکے ۔۔ مبشر لقمان ۔جناب ممتاز حیدر اعوان اور ان کی ٹیم کو سرخ سلام جو معاشرے میں اس زہر کے خلاف دن رات اپنی کوششیں جاری رکھے ہوئے ہیں دوسرے ٹی وی چینلز کوبھی باغی ٹی وی کو فالو کرنا چاہئیے تاکہ معاشرے میں اس ناسور کی تقسیم سے روکا جاسکے اس کے لیے انفرادی طور پر ہر انسان کو بھی اپنا حصہ ڈالنا چاہئیے ۔۔
اللہ میرے وطن کو شاد آباد رکھے ہر قسم کی آفات سے بچا کررکھے اللہ میرے ملک کی عوام کو اتنا شعور عطا فرما دے اپنا اچھا برا سمجھنے کی صلاحیت عطا فرما دے کہ ہر وہ کام کرے جو اس کے لیے اس کی فیملی کے لیے اس کے ملک کے لیے سود مند ہو ۔۔آمین