Category: بلاگ

کروڑوں افراد روزانہ اس دنیا کے سب سے بڑے سرچ انجن گوگل کا استعمال کرتے ہیں مگر اس کے اندر کچھ چھپی چیزوں کو جان نہیں پاتے –

باغی ٹی وی : جاری اعدادوشمار کے مطابق صرف ہر سیکنڈ میں اوسطاً 63 ہزار، ہر منٹ 28 لاکھ، ہر گھنٹے 22 کروڑ 80 لاکھ، ہر دن 5 ارب 60 کروڑ سے زائد بار اور سال بھر میں 2 ہزار ارب بار گوگل پر کچھ نہ کچھ سرچ کیا جاتا ہے (یہ اوسط تعداد ہے جس میں کمی بیشی کا امکان ہے)، جس میں سے بھی 16 سے 20 فیصد سرچز ایسی ہوتی ہیں، جنہیں پہلے کبھی سرچ نہیں کیا گیا ہوتا۔

تاہم گوگل کی جانب سے اپنے صارفین کو آسانی میسر کرنے اور سرچ انجن کو بہتر بنانے پر مسلسل کام کیا جاتا ہے۔

لہذا گوگل نے اب بھی اپنے صارفین کی سہولت کے لئے اپنے سرچ انجن کے لیے ایک نئے شارٹ کٹ کا اضافہ کیا ہے جو فوری طور پر سرچ رزلٹس کو بہتر بنانے میں مدد فراہم کرتا ہے اور اس کا مقصد صارفین کو ماؤس یا ٹریک پیڈ کو استعمال کیے بغیر اپنی پسند کی سرچز کی سہولت فراہم کرنا ہے۔

جب آپ اپنی کسی پسندیدہ چیز یا موضوع کو سرچ کر رہے ہوں اور رزلٹ پیج میں کچھ اضافہ کرنا چاہتے ہیں تو ماؤس استعمال کرکے سرچ ٹیب پر جانے کی بجائے کی بورڈ پر اس سلیش ‘/’ کو کلک کریں گے تو آپ براہ راست سرچ فیلڈ پر پہنچ جائیں گے جہاں آپ ٹائپ کرکے اپنے سرچ موضوع کو بہتر بناسکتے ہیں یا کسی اور چیز کو تلاش کرسکتے ہیں۔

درحقیقت آپ سرچ پیج پر کسی بھی بٹن کو کلک کریں گے تو گوگل کی جانب سے ایک پوپ اپ ونڈو میں بتایا جائے گا کہ / کو کلک کرکے سرچ باکس پر پہنچا جاسکتا ہے جب آپ / کو کلک کریں گے تو اوریجنل سرچ انکوائری کے مزید آپشن آپ کے سامنے آجائیں گے اور سرچ فیلڈ میں عام سرچز سے متعلق تجاویز بھی نظر آئیں گی۔

گوگل سرچ کا یہ فیچر اب تمام صارفین کو دستیاب ہے-

چین کی ٹیلیویژن بنانے والی کمپنی ٹی سی ایل نے دنیا کا پہلا فولڈ اینڈ رول ایبل اسمارٹ فون پیش کردیا۔

باغی ٹی وی : فولڈ این رول نامی یہ اسمارٹ فون ایسی منفرد ڈیزائن ہے جس میں ڈسپلے کے طریقے کو2 مختلف انداز میں پھیلایا گیا ہے۔

فوٹو بشکریہ ٹی سی ایل
غیر ملکی میڈیا رپورٹ کے مطابق فی الحال یہ اسمارٹ فون ایک پروٹوٹائپ یا کانسیپٹ ڈیزائن ہے جسے مارکیٹ میں لانے کے لیے کمپنی کو کچھ وقت درکار ہے مگر کمپنی کی جانب سے 2021 میں کسی وقت ایک لچکدار اسکرین والا فون ضرور متعارف کرایا جائے گا۔

فولڈ این رول میں آؤٹ ورڈ فولڈر اور ایک رول ایبل میکنزم موجود ہے جو فون کی اسکرین کو پھیلاتا ہے۔

فوٹو بشکریہ ٹی سی ایل
ہی فون دکھنے میں 6.87 انچ اسکرین کا ہے تاہم فون کی اسکرین فولڈ کرنے پر 8.85 انچ تک ہوسکتی ہے اور اس طرح اب تک سب سے بڑی اسکرین والا فولڈ ایبل فون بھی ہے مگر رول ایبل میکنزم سے یہ اسکرین 10 انچ کی ہوجاتی ہے، یعنی یہ فون اپنی شکل بدل کر 10 انچ کے ٹیبلیٹ کی شکل اختیار کرلیتا ہے۔

فوٹو بشکریہ ٹی سی ایل
واضح رہے کہ ٹی سی ایل کی ملکیت رکھنے والی کمپنی سی ایس او ٹی چین میں ڈسپلے تیار کرنے والی بڑی کمپنی ہے، جس نے 2019 کی آخری سہ ماہی میں لچکدار او ایل ای ڈی پینل بنانے شروع کیے تھے۔

اس نئے کانسیپٹ فون کے حوالے سے کمپنی کا کہنا ہے کہ فولڈ این رول جیسی تھری ان ون ڈیوائسز کو کمرشل بنیادوں پر تیار کرنے کے لیے کچھ وقت درکار ہوگا۔

فیس بک کی ویڈیو اور فوٹو شئیرنگ ایپ انسٹا گرام نے ’لائیک کاؤنٹ‘ چھپانے والے فیچر کی آزمائش شروع کردی ہے انسٹاگرام لائیک فیچر جلد متعارف کرایا جائے گا-

باغی ٹی وی : ٹیکنالوجی کی ویب سائٹ ’ری پبلک ورلڈ‘ کے مطابق انسٹاگرام کے سی ای او ایڈم موسری نے صارفین کو ٹویٹر پر ایک نئی خصوصیت کے بارے میں آگاہ کیا جو جلد ہی انسٹاگرام پر منظر عام پر آنے والا ہےاس نئے فیچر میں استعمال کنددہ اس بات کا انتخاب بھی کر سکتے ہیں کہ آیا وہ کسی دوسر کے صارف کی پوسٹ پر موجود لائیک کاؤنٹ کو دیکھنا چاہتے ہیں یا نہیں۔

رپورٹ کے مطابق گزشتہ برس مارچ کے7 شروع میں صارفین کی ایک مختصر تعداد پر اس فیچر کی آزمائش کی گئی جو کہ کامیاب رہی تاہم اب کمپنی اسے اپنے تمام صارفین کے لئے متعارف کرائے گی ویب سائٹ رپورٹ کے مطابق فیس بک بھی اپنے سوشل میڈیا پلیٹ فارم پر اسی نوعیت کے فیچر کی آزمائش کر رہا ہے۔

رپورٹ کے مطابق انسٹاگرام کے سی ای او ایڈم موسری نے ٹویٹ میں لکھا ، ‘گذشتہ سال ہم لوگوں کے ایک چھوٹے سے گروہ کے لئے ہائیڈ کاؤنٹ کا تجربہ کیا تھا تاکہ یہ دیکھنے کے لئے انسٹاگرام پر پوسٹ کرتے وقت اس میں کچھ دباؤ کم ہوتا ہے یا نہیں۔ کچھ کو یہ مددگار ثابت ہوا اور کچھ نے خاص طور پر ، یہ معلوم کرنا چاہا کہ کیا مقبول ہے لہذا ہم ایک نیا آپشن آزما رہے ہیں جس سے آپ اپنے تجربے کا فیصلہ کرسکتے ہو ‘چاہے وہ کسی اور کی پوسٹوں کو نہ دیکھنا چاہتا ہو اور نہ ہی کسی کو اپنی پوسٹس پر لائیک کی تعداد دکھانا چاہتاہو، یا اصل تجربہ کو برقرار رکھنا ہو۔’

علاوہ ازیں انسٹا گرام کے مطابق اس فیچر کا مقصد استعمال کنندہ کی تشویش اور شرمندگی کو کم کرنا ہے کیونکہ اکثر اور بیشتر استعمال کنندہ اپنی پوسٹ پر لائیک کی تعداد دیکھ کر ذہنی دباؤو کا شکار ہوجاتے ہیں۔ اور اس طرح کے مسائل زیادہ تر نوجوان صارفین میں پائے جاتے ہیں۔

یاد رہے کہ 2019 میں بھی انسٹا گرام نے اپنے اس فیچر کی آزمائش شروع کی تھی، تاہم یہ تجربہ محدود صارفین اور منتخب خطوں میں کیا گیا تھا ، لیکن کورونا کے بعد کی بدلتی ہوئی صورتحال کی وجہ سے کمپنی نے اپنی توجہ دیگر اہم فیچرز پر مرکوز کر دی تھی۔

ابتدا میں ہائیڈ لائیک صارف کو صرف اتنی اجازت دیتا تھا کہ وہ دوسرے صارف کے لائیک کاؤنٹ کو دیکھنا چاہتا ہے یا نہیں۔ لیکن اب کمپنی استعمال کنندہ کو یہ آپشن دے رہی ہے کہ وہ اپنے لائیک کاؤنٹ کو دیکھنا اور ظاہر کرنا چاہتا ہے یا نہیں ۔