Category: بلاگ

ایک عہد…ایک وفا…!!!
(بقلم:جویریہ بتول).
مارچ کا مہینہ تاریخِ پاکستان میں انفرادی حیثیت رکھتا ہے… یہ وہ مہینہ ہے جب 1940ء میں لاہور کے خاص وقت کے منٹو پارک میں حامیانِ پاکستان کا ایک سیلابی ریلا جمع تھا…دو قومی نظریے کی وضاحت تھی…اور قرارداد لاہور کی منظوری تھی…یہ ساری حسین یادیں تاریخ کے اوراق سے ذہن کے دریچوں میں اُتر کر ایک فرحتِ جاں فزا کا نمونہ پیش کرتی ہیں…اور دل کی گہرائی سے بانیانِ پاکستان کو سلامِ عقیدت پیش کرنے کو جی چاہتا ہے…
لے کے رہیں گے پاکستان…
بن کے رہے پاکستان…
پاکستان کا مطلب کیا ؟
لا الہ الا اللّٰہ…
جیسے دور اندیشی پر مشتمل نعرے اس عظیم قوم کا عظیم مستقبل اپنی گونج کی لہروں میں سمیٹے ہوئے تھے…کتنی خوب صورت وضاحت تھی اس نظریہ کی…کہ…!
یہ دو الگ الگ قومیں ہیں…جن کا جینا مرنا،اُٹھنا بیٹھنا،رسم و رواج،اخلاق و عادات،مذہب و تاریخ،قوانین و ہیرو،خوشی،غمی،تہذیب و ثقافت،حلال حرام سب الگ الگ ہیں…اُدھر کروڑوں خداؤں کے پجاری اور اِدھر درِ واحد پر جھکنے والی جبینیں تھیں…یہ ہر حالت میں ایک دوسرے کی ضد ہیں…!!!
اور پھر راستے جدا ہو گئے…!!!
ایک عہد تھا جو وفا ہوا…ایک قرارداد تھی جو حقیقت بن گئی…
ایک خواب تھا جسے واضح اور روشن تعبیر مل گئی…!!!
اسی عہد پر لاکھوں مسلمانوں نے جانیں قربان کر دیں…عورتوں نے عزتوں کی قربانی دی اور ثابت کیا کہ ہمارا مقصد محض زمین کا ایک ٹکڑا حاصل کرنا نہیں ہے بلکہ یہ دیوار ہے لا الہ الا اللہ کے نظریہ کی دیوار…اسلام کے آفاقی اور فلاحی اصولوں کی دیوار…یہ حد فاصل اب قائم ہو کر رہے گی اور قلیل عرصہ کے بعد ہی ریاستِ مدینہ کے بعد دنیا کی پہلی نظریاتی مملکت وجود میں آ گئی…وہ صبح جو اپنے دامن میں صد ہزار نجوم کا خون لیے،اپنے وجود پر اپنی ماؤں اور بہنوں کی ردا اوڑھے…لُٹے پٹے مہاجر قافلوں کی داستاں سمیٹے…منزل کی آس میں آبلہ پا چلے آتے عظیم جواہر کی یاد لیے طلوع ہوئی…
ایک عہد تھا ناں جو وفا ہوا تھا…؟
مارچ 1940ء تشکیلِ پاکستان کی طرف اُٹھا ایک اہم قدم تھا…جو 1947ء میں قیامِ پاکستان کی منزل سے ہم آغوش ہوا…
وہی نظریہ جو کل اس وطنِ عزیز کی نظریاتی عمارت کی بنیاد بنا تھا،آج بھی وہی نظریہ اس کے استحکام اور بلند تعمیر اور فلاح کا راستہ ہے…جن رسوم و رواج اور جس تہذیب و ثقافت کا انکار کرتے ہوئے اس سفر کا آغاز کیا تھا…یہ دن اسی عہد پر مضبوطی سے کاربند رہنے کا اعادہ کرنے اور بزرگوں کی عظیم جدوجہد کو سلام پیش کرنے کی دستک دینے آتا ہے…جس کی بنیاد پر سرحدیں الگ ہوئیں…قومیں الگ ہوئیں…پرچم الگ ہوئے…پہچان الگ بنی…اُسی عہد کو اپنا راہ نما بنانا آج بھی ہماری ویسی ہی ضرورت ہے…کہ
پاکستان عقیدہ بھی،پاکستان یقین بھی ہے
پاکستان نظریہ بھی،پاکستان زمین بھی ہے…
رنگ برنگی دنیا میں اس کی یہ پہچان ہے…!!!
تبھی یہ قلم کہہ رہا ہے کہ
کٹھن مراحل سے گزر کر اپنا یہ مقام ہوا…
دیا خونِ جگر تو گلشن میں پھر نام ہوا…
فولادی عزم سے ڈٹے تو عمل میں اک رنگ اُبھرا…
اُسی عمل کی ضرب سے عدو پھر ناکام ہوا…!!!

پاکستان کے شعراء کو شاعری کا عالمی دن مبارک! یاد رہے کہ عالمی سطح پر ہر شاعرکی شناخت اس کی قومی زبان ہے اغیار کی زبان ہرگز نہیں! حتی کہ پاکستان جیسے غلام ملک میں دو سو سال کی انگریزی غلامی کے باوجود جس کی تعلیم ‘ عدالت’ سرکار ‘ عسکری و سول امتحانات کی زبان انگریزی ہونے کے باوجود عالمی سطح پر ایک بھی انگریزی کا شیکسپئر یاورڈزورتھ پیدانہ ھوسکا !ا

اے پاکستانی شاعرو! تم بھی دنیا کے تمام شاعروں کی طرح سے اپنی زبان کی بقا و نفاذ کی بات کرو۔ زبان کی بقا پہلے ہے شاعری بعد میں ہے ! تمہاری تو زبانیں اس وقت اپنی بقاء کی جنگ لڑ رہی ہیں ۔

خاکم بدہن انگریزی غلامی سے اگر تمہاری زبان کا وجود ہی باقی نہ رہا’ تو تمہاری لکھی ہوئی شاعری کو ہڑھے گا کون؟ اس لیئے اپنی زبان کے نفاذ کی بات کرو۔ ہر مشاعرے اور ادبی تقاریب میں عدالت عظمیٰ کے نفاذ اردو فیصلے پر عملدرآمد کی قرارداد ضرور ہیش کرو! تمہاری شہرت’ عزت ‘ روزی روٹی صرف پاکستانی زبانوں کی عزت و توقیر سے وابستہ ہے۔

فاطمہ قمر پاکستان قومی زبان تحریک

سائنس و ٹیکنالوجی کےنام پر پاکستانی بچوں کو غیر ملکی زبان میں تعلیم دے کر گونگا بہرہ بنانے والے اداروں سے پوچھاجائے کہ انہوں نے کتنے سائنسدان پیدا کئے ہیں؟

بین الاقوامی زبان میں تعلیم دینے کا ڈھونگ رچا کر والدین کو دونوں ہاتھوں سے لوٹ کر کنگال کرنے والے مہنگے ترین تعلیمی اداروں کے مالکان کا احتساب کر کے پوچھا جائے کہ ان کے اداروں کے فارغ التحصیل کتنے بین الاقوامی اداروں میں اعلی ملازمت پر فائز ہیں؟ ہماری تحقیق کے مطابق لمز کے گریجویٹ امریکہ میں انگریزی کے ٹیسٹ میں ناکام ہوگئے ہیں ۔اردو تو خیر ان کو اتی ہی نہیں ۔انگریزوں کے ملک میں انگریزی کا ٹیسٹ بھی پاس نہ کرسکیں۔۔

ہم دعوی سے کہتے ہیں کہ پاکستان کے انتہائی اعلیٰ انگریزی تعلیمی اداروں کے فارغ التحصیل امریکہ و برطانیہ میں درجہ چہارم سے بھی کم تر کی ملازمت کر رہےہیں۔۔لیکن پاکستان آ کر یہی لوگ افسر بن کر ملک کے انتظامات سنبھال لیں گے۔ان انگریزی میڈیم اداروں ہی کی وجہ سے پاکستان بدانتظامی’ بدعنوانی’ رشوت ستانی ‘ دو نمبری ‘ جعلسازی میں صف اول پر ہے!

اس سب کا حل یہی ہے کہ اس قوم کو ‘ قوم بنانے کے لئے یہاں ہر سطح زندگی پر اردو کو نافذ کردیا جائے۔ ورنہ آنے والے وقتوں میں پاکستان امریکہ و برطانیہ میں درجہ چہارم کی ملازمت بھی حاصل نہ کرسکییں گے۔! کیونکہ غیر ملکی زبان میں تعلیم بچے کی فطری صلاحیتوں کو کچل دیتی ہے ! جس ملک کی ابادی دس لاکھ ہے وہ بھی اپنا سارا نظام آپنی زبان میں چلا رہا ہے پاکستان توخیر دنیا کی ساتویں جوہری قوت ہے۔۔پھر پاکستانی’ قوم عالمی سطح پر گونگی بہری کیوں؟-

فا طمہ قمر پاکستان قومی زبان تحریک

پاکستانیوں کو ذلت کے عمیق گڑھے سے کون نکالے گا، کیسے نکالے گا؟
(پروفیسر محمد سلیم ہاشمی)

سوال کیا گیا، "جو لائق ہیں وہ انگریزی میں پڑھ کر بھی زندگی کی دوڑ میں آگے نکل جاتے ہیں جو نالائق ہیں وہ اردو میں پڑھ کر بھی نالائق ہی رہتے ہیں۔ زبان کا تعلیم سے کیا تعلق ہے؟”

میں تڑپ اٹھا۔ ہم کس قدر پستی میں ڈوب گئے، کس قدر ذلت میں اتر گئے کہ اب ہم بنیادی معاملات کو سمجھنے کی صلاحیت بھی کھو بیٹھے۔ ہمیں روشنی اور اندھیرے، عزت اور ذلت، زندگی اور موت میں فرق کرنا بھی نا ممکن نظر آنا شروع ہوگیا۔

لیاقت ثانوی بات ہے۔ پہلی بات یہ ہے کہ تعلیم کس زبان میں دی جائے۔
برطانیہ میں تعلیم انگریزی میں دی جاتی ہے۔
امریکہ میں تعلیم انگریزی میں دی جاتی ہے۔
روس میں تعلیم روسی میں
جرمنی میں جرمن
ترکی ترک
ایران فارسی
جاپان جاپانی
چین چینی
فرانس فرانسیسی
سپین ہسپانوی
پرتگال پرتگالی
فن لینڈ فنش
ہالینڈ ڈچ
ناروے نارویجن
ڈنمارک ڈینش
سویڈن سویڈش
برما برمی
تھائی لینڈ تھائی
بنگلہ دیش بنگلہ
افغانستان افغانی
بھلا ساری دنیا کے ملک اپنی اپنی زبان میں تعلیم کیوں دے رہے ہیں؟
اگر دوسری زبان میں تعلیم دینا کوئی مسئلہ ہی نہیں ہوتا تو
روس میں انگریزی
جرمنی میں فرانسیسی
چین میں روسی
جاپان میں جرمن
اور اس طرح باقی ملکوں میں بھی غیر ملکی زبانوں میں تعلیم دی جا رہی ہوتی۔
معاملہ یہ ہے کہ پاکستانیوں کا مقیاس ذہانت اس قدر کم ہو چکا ہے کہ ان کو زندگی اور موت کے درمیان فرق محسوس تک نہیں ہوتا۔ ان کے لئے غلامی اور ازادی، ذلت اور عزت اور روشنی اور اندھیرے کے درمیان تمیز کرنا ناممکن ہو چکا ہے۔ ہم بھلا ایسے ہی ذلتوں کے عمیق سمندر میں ڈوبے ہوئے ہیں۔
آؤ میں بتاؤں کیا فرق ہے

انگریزی اردو
غلامی آزادی
تاریکی روشنی
بدحالی خوشحالی
پسماندگی ترقی
ذلت عزت
جہالت علم
موت زندگی۔
ہے۔
بات سمجھ میں آ جائے تو سمجھ جاؤ کہ ابھی زندگی کی کوئی رمق تمہارے اندر موجود ہے ورنہ اپنے آپ کو مردہ سمجھنا شروع کر دو۔
پاکستانیو یاد رکھو جب تک اس ملک میں ہر شعبہ زندگی میں ہر سطح پر اردو نافذ نہیں ہو جاتی، تم ذلیل رہو گے، اندھیروں میں ڈوبے رہو گے، بد حال رہو گے، پسماندہ رہو گے، پستیوں میں گرتے رہو گے، مردہ رہو گے۔
کسی ملک پر کسی غیر ملکی زبان کا تسلط اتنا ہی سادہ مسئلہ ہوتا تو پاکستان جیسے تماشے جگہ جگہ ملک ملک لگے ہوتے۔
پاکستان پر انگریزی کا تسلط اس ملک کے خلاف سب سے بڑی سازش اور مجرمانہ حرکت ہے۔ یہ برصغیر پرانگریزوں کے قبضے سے بھی بھیانک اور سنگین معاملہ ہے۔

پروفیسر محمد سلیم ہاشمی

انتخاب و اشتراک
فا طمہ قمر پاکستان قومی زبان تحریک