Category: بلاگ

جاگ اٹھے ہیں دیوانے

بقلم:- عبدالرحمن ثاقب سکھر

حب صحابہ کرام رضی اللہ عنہم ہمارے ایمان کا جزو لاینفک ہے کیونکہ صحابہ کرام معیار ایمان اور معیار حق ہیں۔ اللہ تعالی نے اس پاک باز جماعت اور نفوس قدسیہ کے لئے آسمان سے جنت کے سرٹیفیکیٹ عطا کئے۔ اور ان کے لیے اپنی رضا کا اعلان فرمایا اور انہیں مختلف اعلی القابات سے بھی نوازا۔ حضرات صحابہ کرام، خاتم النبیین رحمۃ اللعالمین صلی اللہ علیہ وسلم وہ جاں نثار ساتھی ہیں جنہوں نے اپنے ہاتھ رسول اکرم صلی وسلم کے مقدس ہاتھوں میں دے کر اسلام کی بیعت کی۔ اور پھر تازیست اسلام کی ترویج و اشاعت میں مصروف رہے اور دین اسلام کو بعد میں آنے والے لوگوں تک پہنچانے کا فریضہ سرانجام دیا۔ صحابہ کرام جناب رسول کریم صلی اللہ علیہ وسلم کے اشارے کے منتظر رہا کرتے تھے اور آپ کے ادنی سے اشارے پر ہر چیز قربان کر دیا کرتے تھے۔ اللہ تعالی نے کر ان کی اداؤں اور وفاؤں کو کو دیکھ کر انہیں نہ صرف معاف فرمادیا بلکہ کلمہ تقوی کا انہیں حقدار ٹھہرا کر بہشت کے وارث بنا دیا۔ ہر مسلمان جس طرح سے عقیدہ ختم نبوت کے بارے کسی قسم کا سمجھوتہ نہیں کر سکتا بعینہ ناموس صحابہ پر کوئی کمپرومائز نہیں کر سکتا۔ جس طرح سے ہم ناموس رسالت صلی اللہ علیہ وسلم پر اپنی ہر چیز قربان کرنا سعادت سمجھتے ہیں بعینہ اسی طرح ناموس صحابہ پر کٹ مرنا بھی باعث فخر سمجھتے ہیں۔ مسلمان صحابہ کرام کو ختم نبوت کے روشن ستارے سمجھتے ہیں اور ان ستاروں پر دل و جان سے فدا ہونے کا جذبہ رکھتے ہیں۔ اور ان سے محبت اپنا ایمان اور نجات کا ذریعہ سمجھتے ہیں۔ کیونکہ فرمان رسول صلی اللہ علیہ وسلم ہے جو ان صحابہ کرام رضی اللہ عنہم سے محبت کرے گا وہ مجھ( محمد صلی اللہ علیہ وسلم ) سے محبت کرے گا اور جو مجھ سے محبت کرے گا وہ درحقیقت اللہ تعالی سے محبت کرے گا۔ اور جو ان سے بغض رکھے گا وہ مجھ ( محمد صلی اللہ علیہ وسلم) سے بغض رکھے گا۔ گا۔ وہ اللہ تعالی سے بغض رکھے گا۔ اس لئے ہم صحابہ کرام سے محبت اللہ تعالی اور رسول اکرم صلی وسلم سے محبت کا ذریعہ سمجھتے ہیں۔اور اس محبت پر کسی قسم کا کوئی سمجھوتا نہیں ہوسکتا۔
اس ماہ محرم میں اسلام آباد میں ایک ملعون ذاکر نے خلیفہ اول، یار غار، افضل الناس بعد الانبیاء سید نا ابوبکر صدیق رضی اللہ عنہ کی نہ صرف تکفیر کی بلکہ بات بدزبانی سے آگے بڑھا دی۔ اور 10 محرم عاشورہ کے دن کراچی کی سب سے بڑی شاہراہ بند روڈ پر کاتب وحی وحی خال المسلمین سیدنا امیر معاویہ رضی اللہ عنہ اور خسر رسول سیدنا ابو سفیان رضی اللہ عنہ پر لعن طعن کیا گیا۔ جسے کچھ ٹی وی چینلز نے لائیو بھی دکھایا۔ جو کہ ملک کی سنی اکثریت کے جذبات کو ابھارنے اور وطن عزیز میں فرقہ واریت کو ہوا دینے کی سوچی سمجھی سازش تھی۔ جس کے پیچھے حکومت میں بیٹھے ہوئے وہ وزراء ہیں۔ جن کی طرف شیعہ علماء بھی اشارہ کر رہے ہیں اور کہہ رہے ہیں کہ جس ذاکر پر اسلام آباد داخلے پر پابندی عائد تھی اس پر سے پابندی کس نے اور کیوں ہٹائی؟
اور پھر لاہور سے ماتمی سنگت لا کر مجلس اور فرقہ وارانہ تقریر کروانی گی۔ اور جب ملک میں شور اٹھا تو اس ملعون ذاکر کو ملک سے فرار کروا دیا گیا۔ حالانکہ اس سے پہلے بھی اس پر درجن بھر ایف آئی آر مختلف مقامات پر درج تھیں۔ اور اس واقعہ کی ایف آئی آر بھی کٹ چکی تھی۔ اس طرح سے عاشورہ کے دن کراچی میں ہونے والے واقعہ کی ایف آئی آر درج ہونے کے باوجود تاحال جعفر تقی نامی ذاکر کو گرفتار نہیں کیا گیا۔ اسی طرح سے مختلف مقامات پر حضرات صحابہ کرام رضوان اللہ علیہم اجمعین کے بارے تسلسل سے گستاخیاں کی جارہی ہیں۔ اور سوشل میڈیا ان گندی حرکات سے بھرا پڑا ہے۔
سنی مسلمان جو کہ اس ملک کی بڑی اکثریت ہیں وہ ان گستاخیوں کو روکنے کے لئے گھروں سے باہر نکلے پر مجبور ہوگئے۔ تینوں مکاتب فکر کے سنجیدہ علماء اور قیادت نے ایک حکمت عملی کے تحت فیصلہ کیا کہ جمعہ کے روز 11ستمبر کو علمائے دیوبند عوام کو لے کر پرامن عظمت صحابہ ریلی نکالیں گے۔ اگلے دن 12ستمبر کو بریلوی علماء عظمت صحابہ ریلی نکالیں گے اور اس سے اگلے روز 13 ستمبر کو علمائے اہلحدیث عظمت صحابہ ریلی نکالیں گے۔ پھر اہل کراچی نے علماء و مشائخ کی آواز پر لبیک کہتے ہوئے تاریخ رقم کردی۔
عظمت صحابہ ریلی کے سلسلہ میں اہلحدیث علماء و قائدین نے کوششیں شروع کیں اس سلسلے میں اہل حدیث ایکشن کمیٹی تشکیل دی گئی۔ جس میں سرکردہ اہلحدیث تنظیموں مرکزی جمعیت اہل حدیث پاکستان، جمعیت اہل حدیث سندھ۔تحریک اہلحدیث پاکستان، جماعت غرباء اہلحدیث پاکستان۔ اہل حدیث مدارس وجامعات جامعہ ابی بکر الاسلامیہ، جامعہ ستاریہ اسلامیہ، جامعہ الاحسان الاسلامیہ۔ المعہد القرآن الکریم،المعھد السلفی، مرکز المدینہ و دیگر اداروں نے شرکت کی۔ ایک اجلاس المعھد السلفی میں علامہ عبداللہ ناصر رحمانی حفظہ اللہ امیر جمعیت اہل حدیث سندھ کی میزبانی میں ہوا۔ 10 ستمبر بروز جمعرات کو عظمت صحابہ ریلی کے سلسلہ میں اہل حدیث علماء کنونشن الشیخ ضیاء الرحمن مدنی صاحب حفظہ اللہ کی میزبانی میں جامعہ ابی بکر الاسلامیہ میں ہوا جس میں چار سو سے زائد علمائے اہل حدیث شریک ہوئے۔جہاں ریلی کے بارے مشاورت ہوئی۔ خطبات جمعہ میں عوام کو عظمت صحابہ ریلی میں شرکت کی ترغیب دلائی گئی۔ علماء کرام مشائخ عظام اور قائدین کرام نے اپنی اپنی سطح پر رابطے کیے اور لوگوں کو ریلی میں شرکت کے لئے دعوت دی اور حالات کی نزاکت سے آگاہ کیا کہ ناموس رسالت اور ناموس صحاب اس وقت نکلنا اور آواز بلند کرنا بہت ضروری ہے۔ علماء کرام و مشائخ عظام نے ریلی کی کامیابی کے لیے رب کے حضور گڑگڑا کر دعائیں کیں۔ 13 ستمبر کو عوام جذبہ حب اصحاب رسول صلی اللہ علیہ وسلم سے سرشار ہوکر گھروں سے نکلے اور عظمت صحابہ کے ترانے بلند کرتے ہوئے جامع مسجد اہلحدیث کورٹ روڈ کراچی پہنچے۔ جہاں سے شرکاء ریلی کی شکل میں پریس کلب کی طرف نکلے ریلی میں ہزاروں کی تعداد میں لوگ تھے اور عظمت صحابہ کے فلک شگاف نعرے بلند کر رہے تھے اور ناموس صحابہ کے لئے مرمٹنے کا عزم اپنے دلوں میں لیے ہوئے تھے۔
سوشل میڈیا کے ذریعے ریلی کی لائیو کوریج کی جا رہی تھی پرنٹ اور الیکٹرانک میڈیا بھی ساتھ ساتھ چل رہا تھا راستے میں ریلی کے ساتھ مزید قافلے بھی شامل ہوتے رہے۔ ریلی میں میں جماعتوں کے بجائے صرف وطن عزیز پاکستان کے ہی پرچم تھے کیوں کہ ہم محب وطن پاکستانی ہیں۔ جب ریلی پریس کلب پہنچی تو عوام کا جم غفیر اور ٹھاٹھیں مارتا ہوا سمندر نظر آرہا تھا۔ پریس کلب پر علمائے کرام و قائدین مولانا مفتی محمد یوسف قصوری صاحب امیر مرکزی جمعیت اہل حدیث سندھ، ڈاکٹر مفتی خلیل الرحمن لکھوی مدیر المعھد القرآن الکریم، مولانا شیخ ضیاء الرحمن مدنی مدیر جامعہ ابی بکر الاسلامیہ، حکیم ناصر منجا کوٹی، مفتی عبدالحنان سامرودی، مولانا داؤد شاکر، مولانا محمد ابراہیم طارق، خلیل الرحمن جاوید، مولانا ضیاء الحق بھٹی، محمد اشرف قریشی, مولانا محمد ابراہیم جونا گڑھی، مولانا محمد شریف حصاروی، مولانا انس مدنی، مولانا حافظ محمد سلفی نائب امیر جماعت غرباء اہلحدیث پاکستان، مولانا عبدالوکیل ناصر، ڈاکٹر فیض الابرار صدیقی، شیخ ارشد علی، مولانا نصیب شاہ سلفی، مولانا محب اللہ، ایم مزمل صدیقی, پروفیسر محمد یونس صدیقی، ڈاکٹر عامر محمدی، جے یو آئی کے قاری محمد عثمان اور دیگر نے خطاب کیا۔
مقررین نے کہا کہ شان، عظمت اور رفعت بیان کرتے ہوئے صحابہ کرام کو روشنی کا مینار اور امت کے محسن قرار دیا۔ انہوں نے کہا کہ کہ کسی بھی صحابی پر انگلی اٹھانا اللہ اور اس کے رسول صلی اللہ علیہ وسلم کے فرامین پر انگلی اٹھانا ہے۔ اہل سنت والجماعت کا متفقہ عقیدہ ہے کہ تمام صحابہ معیار ایمان اور عادل ہیں۔ مقررین نے کہا کہ کسی بھی فرقہ کو قانون سے بالاتر ہو کر عوام پر مسلط ہونے کا موقع دینا فرقہ واریت اور انتہا پسندی کو فروغ دینا ہے دفاع صحابہ حدیث جماعتوں کا مستقل ایجنڈا ہے۔ اس ضمن میں مجرموں کو گرفتار کرکے کے قرار واقعی سزا دلوانے میں میں ریاست نے کردار ادا نہ کیا تو ہم بھی اپنے مطالبات سے پیچھے نہیں ہٹیں گے۔
بحمداللہ ملک بھر کے مسلمان نہ صرف بیدار ہوچکے ہیں بلکہ میدان عمل میں بھی نکل چکے ہیں اور دفاع ناموس رسالت اور دفاع ناموس صحابہ کا فریضہ سر انجام دیتے رہیں گے۔ ان شاءاللہ

معاشرے میں بڑھتے ہوئے انسانیت سوز واقعات
بقلم :: ندا خان
پاکستان میں آئے روز معصوم بچوں اور بچیوں سے زیادتی کے بڑھتے ہوئے واقعات یہاں نا دو سال کی بچی محفوظ ہے
اور نہ 14 سال کا لڑکا اور نہ شادی شدہ عورت سوال یہ پیدا ہوتا ہے کہ معاشرہ ایسا کیوں بنتا جارہا ہے
حديثِ نبوی صلی اللہ علیہ وآلہ وسلم ہے جس کا مفہوم ہے
” اپنی اولاد کی جلدی شادی کرو” والله اعلم
اور جب اولاد زنا کی مرتکب ہوتی ہے تو اس کا گناہ والدین پر ہوتا ہے والدین انتظار کرتے ہیں کہ بیٹا نوکری کرے گا تو شادی کرے گے، بیٹا بیشک تب تک گناہ کی دلدل میں دھنس
چکا ہو، اور ہمارے پاکستانی چینلوں پر جب واہیات ڈرامے
چلائےجائے اور ہمارے بعض ناول نگار بولڈ اور واہیات ناول
لکھے جنہیں پڑھ کر کوئی بھی شخص نفسانی خواہشات کو پورا کرنے کے لیے غلط راستہ اختیار کرتا ہے
پہلے صرف ایک چینل پی ٹی وی تھا جس میں سبق آموز ڈرامے ہوتے اب جتنے زیادہ چینلوں کی بھرمار ہے اتنی
بےغیرتی پروان چڑھ رہی ہے ناول نگاروں میں ، بانو قدسیہ
مستنصر حسین تارڑ، اشفاق احمد، قدرت اللہ شہاب، جیسے نامور لوگ تھے جو ایسے ناول لکھتے تھے کہ انسان کو پڑھ
کر اچھا محسوس ہوتا تھا اس میں مثبت تبدیلی آتی تھی
میرا ماننا ہے واہیات ناول لکھنے اور ڈرامہ بنانے والوں پر پابندی لگائی جائے ایسے ڈرامے بنانے والوں کے لیئے سزا
مختص کی جائے تاکہ کوئی جرات نہ کرے بے غیرتی پر مبنی ڈارمہ بنانے کی
اور اگر اسلامی جمہوریہ پاکستان میں پہلے زیادتی کے کیس
میں مجرم کو سرعام سزائے موت دی جاتی تو میرا نہیں خیال کہ دوبارہ کسی کی جرأت ہوتی کہ کوئی معصوم بچوں کو گندی نگاہ سے نہ دیکھتا
آجکل ٹیکنالوجی کا اگر فائدہ ہے تو نقصان زیادہ ہے موبائل فون
بڑے، چھوٹے ہر ایک کہ ہاتھ میں دے دیئے گئے ہیں جو چاہے
مرضی دیکھے، جنسی ہوس کے بچاریوں سے اپنے ہی ہمسائے
کے بچے محفوظ نہیں ہمارے والدین ہمیں بتاتے ہیں کہ پہلے
سب کی بیٹیاں سانجھی سمجھی جاتی تھیں ایک دوسرے کی ماں، بیٹی کو عزت کی نگاہ سے دیکھا جاتا تھا اگر ٹیکنالوجی نے
زندگی آسان کی ہے تو ایک دوسرے کی عزت و احترام ختم کردیا ہے ہر کوئی اپنے اپنے موبائل کی دنیا میں مگن ہے
ایک دوسرے سے بات کرنے کا وقت نہیں والدین کے لیے اولاد کے لیے وقت اور اولاد کے لیے اپنے ماں باپ کے لیے وقت نہیں
والدین سے گزارش ہے کہ بچوں کی تربیت یہ نہیں کہ کھلایا
پلایا اور اچھے سکول میں داخلہ کروایا یہاں والدین کی ذمہ داری ختم نہیں ہوتی والدین اپنے بچوں پر نظر رکھے دیکھے وہ بند کمرے میں کمپیوٹر کے سامنے بیٹھ کر یا موبائل ہاتھ میں پکڑ کر کونسی ویب سائٹ کھول کر بیٹھے ہیں ان کے دوستوں سے ملیں کے آپ کے بچے کے کیسے دوست ہیں؟
والدین اپنے بچوں کو اپنا دوست بنائیں تاکہ وہ غلط دوستوں سے بچ سکیں والدین کو چاہیے کہ اپنے بچوں کو دنیوی تعلیم کے ساتھ دینی تعلیم لازمی دے تاکہ وہ بہترین انسان بن سکے پاکستان میں اب اسلامی نظام کے نفاذ کی ضرورت ہے
ریاست مدینہ صرف کہنے سے نہیں بنتی محنت کرنی پڑتی ہے بہترین معاشرہ تشکیل دینے کے لیے ہر فرد کو اپنا کردار ادا کرنا چاہیے
"زمین الله کی نظام بھی الله کا ”
جب الله کی زمین پر وہ انسان جس کو اشرف المخلوقات کہا گیا فرشتوں سے سجدہ کروایا وہ انسانیت کے درجے سے اتنا گر جاتا ہے کہ کسی کی بیٹی کو ہوس کا نشانہ بنا لیتا ہے۔
جب اللّٰه کی زمین پر فسادات بڑھ جاتے ہیں پھر زمین ہلا دی جاتی ہے پھر انسان کو بتایا جاتا ہے کوئی ہے جو نظام ہستی چلا رہا ہے اسے نہ اونگھ آتی ہے نہ نیند
قرآن پاک میں ارشاد باری تعالیٰ آیت کا مفہوم ہے
"اور تیرا رب بھولنے والا نہیں ”

"انسان بڑھتے جا رہے ہیں……..
اور انسانیت ختم ہوتی جارہی ہے”
گزشتہ روز لاہور کی حدود میں گاڑی سے عورت کو نکال کر زیادتی کا نشانہ بنایا گیا جب عورت نے موٹروے والوں کو فون کرکے مدد کے لیے بلایا تو انہوں نے یہ کہہ کر آنے سے انکار کردیا کہ یہ علاقہ ان کی انڈر نہیں میرا سوال ہے
موٹروے والوں سے کیا ان کی اپنی بہن مدد کے لیے پکارتی تو وہ انکار کرتے؟ محمد بن قاسم کیوں چلا گیا ایک عورت کی پکار پر اس نے کیوں نہیں کہا کہ یہ میرا علاقہ نہیں
اس کا جواب بھی موجود ہے کیونکہ اس اندر غیرت تھی
محمد بن قاسم نے اس عورت کی عزت کو اپنی عزت سمجھ کر حفاظت کی
ہم انسانیت کے درجے سے اس قدر گر چکے ہیں کہ کسی کی
مدد کے لیے ہمیں حدود متعین کرنے پڑتے ہیں ہمیں زرا رحم نہیں آتا کہ کوئی مدد کے لیے پکارے تو اس کی مدد کے لیئے
موجود ہوں
حديثِ کا مفہوم ہے
آپ صلی اللہ علیہ وآلہ وسلم نے فرمایا
"تم زمین والوں پر رحم کرو آسمان والا تم پر رحم کرے گا
الله رب العزت سے دعا ہے کہ
الله سب کو ہدایت عطا فرمائے اور سب کی حفاظت فرمائے
آمین یا ارحم الراحمين۔

تکرار لاحاصل
تحریر :سفیر اقبال
رنگِ سفیر
(ریاست پاکستان کا موجودہ قانون، مجرمان کے لیے پناہ گاہ)

عوام :یار یہ کب تک ہوتا رہے گا اس طرح ہمارے ساتھ؟ کیا ہم ساری زندگی ایسی ہی خبریں سنتے رہیں گے؟

حکومتی نمائندہ : دیکھو یار کوئی گھڑی قبولیت کی بھی ہوتی ہے اللہ سے اچھی امید رکھو ایسے نہیں کہتے.

عوام :تو اس کا مطلب بس اللہ پر ہی امید چھوڑ دیں اور اگلے ہفتے پھر نئی خبر کے لیے تیار ہو جائیں؟

حکومتی نمائندہ :نہیں یار جذباتی مت بنو. تفتیش شروع ہو گئی ہے. دیکھنا جلد گرفتاریاں ہو جائیں گی

عوام :یار گرفتاری کر کے کیا ہونا ہے؟ کیا جرم رک جائے گا؟ کیا مجرم کو سزا نہیں ملے گی؟

حکومتی نمائندہ : یار یہ سزا والی باتیں پرانی ہیں ‏دینا کی تاریخ میں یہ سب ہو چکا ہے، اس طرح کی سزائیں قبائلی معاشروں میں ہوتی ہیں جہاں انسان اور جانور ایک برابر ہیں، مہذب معاشرے مجرموں کو سزا سے پہلے جرم روکنے کی تدبیر کرتے ہیں.

عوام :دو سال تو ہو گئے آپ کی مہذب حکومت کو. کب کرو گے ایسی تدبیر. کب بناو گے ایسا ماحول، اور ایسا قانون؟

حکومتی نمائندہ :دیکھو یار اس وقت خزانہ خالی ہے. قرضے کا بوجھ ہے. مافیا اپوزیشن کے ساتھ ملکر حکومت ناکام کرنے پر تلی ہے. ایف اے ٹی ایف کی الگ پریشانی ہے. ایسی صورت میں اتنا سخت قانون نہیں بن سکتا اتنی جلدی.

عوام :تو پھر حل کیا ہے یار اس کا؟

حکومتی نمائندہ :حل تو اور بھی بہت ہیں. ساری غلطی حکومت کی بھی نہیں. اصل میں عوام بھی کچھ اچھی نہیں. اگر مساجد کے مولوی بچوں کے ساتھ بدفعلی کرنے سے باز آ جائیں، خود احتسابی کر لیں اور. لوگوں کو نصیحت کریں تو آدھے سے زیادہ جرائم ویسے ہی ختم ہو جائیں. زیادہ غلطی مولویوں کی ہے جو لوگوں کو گندے کاموں سے بچنے کی نصیحت نہیں کرتے.

عوام: یار مولوی کیسے مجرم کو نصیحت کر سکتا ہے؟ آج کل مجرم پولیس اور حکومت سے نہیں ڈرتے تو مولوی کی بات کہاں سنیں گے. مجرم تو قانون سے ڈرتا ہے بس اور وہ مولوی نے نہیں عمران خان نے بنانا ہے

حکومتی نمائندہ :یار قانون عمران خان نے نہیں عدالتوں نے بنانا ہے. عمران خان تو خود چاہتا ہے مجرم کو سزا ملے لیکن قانون بنانے والے قانون نہیں بناتے.

عوام :یار عمران خان چاہتا ہے تو اس نے اپنی کرسی کی توہین کرنے والی کو کیوں نہیں سزا دی یا انہیں جو اسے کرسی پر لے گئے تھے ٹک ٹاک وڈیو بنانے کے لیے؟ کیا عمران خان کے کمرے اور اس کی کرسی پر بیٹھنے والی طوائف کا فیصلہ بھی عدالتوں نے کرنا تھا؟

حکومتی نمائندہ :یار کیا فضول بات کرتے ہو. تم نے سنی نہیں یہ خبر کہ وزیر اعظم نے اس واقعہ کا سختی سے نوٹس لیا اور متعلقہ حکام کو ڈانٹ بھی پلائی تھی؟

عوام :یار وہ متعلقہ حکام کون تھے وہ پتا نہیں چل سکا؟

حکومتی نمائندہ :یار پتا چلا ہو گا لیکن ہر بات عوام کو بتانا ضروری تو نہیں. گھر کے مسائل گھر میں حل کیے جاتے ہیں چوکوں چوراہوں میں تو نہیں.

عوام :یار آج تک کسی نے اس بات پر اعتراض کیا کہ حکومتی ایوانوں میں چھپ کر کون کون زنا کرتا ہے. وہ وڈیو پبلک ہوئی تب بات گھر سے باہر نکلی ورنہ کس نے کچھ کہنا تھا.

حکومتی نمائندہ. یار جو کچھ ہوا حکومتی ایوانوں میں ہوا تمہیں کیا تکلیف ہے تمہارے گھر تو کوئی نہیں آیا. وہ ان کا ذاتی مسئلہ ہے اور اگر وڈیو پبلک ہوئی تو خود حکومت ہی بدنام ہوئی ہے تمہیں تو کسی نے کچھ نہیں کہا.

عوام :لیکن یار محلے میں آگ لگی ہو تو ساتھ والے گھر کو بھی جلا سکتی ہے. آج کسی کی ماں بیٹی کا ریپ ہوا اللہ نہ کرے کل میرے بچوں کے ساتھ بھی ایسا ہو سکتا ہے.

حکومتی نمائندہ :یار اپنی حفاظت خود کرنی چاہیے. کسی کا کوئی نقصان ہو جائے تو اس میں حکومت کی کیا غلطی بھلا؟ اگر کسی کے ذاتی کاروبار میں اسے نقصان ہو جائے تو وزیر اعظم کو گالیاں کس لیے بھلا…, ؟

عوام :تو پھر حکومت بنیادی سہولیات فراہم کرنے کا وعدہ کر کے الیکشن کے وقت ووٹ کیوں مانگتی ہے…. ؟اس وقت کہہ دیا کرے کہ میں عوام کے ساتھ انصاف کی گارنٹی نہیں دیتا کیوں کہ وہ عدلیہ کا کام ہے یا عوام خود اپنی حفاظت کرے. البتہ عوام کے لئے چیزیں سستی کروں گا… کشمیر آزاد کرا دوں گا.

حکومتی نمائندہ :یار تمہیں پتا تو ہے اس وقت یہ سب نہیں ہو سکتا اتنی جلدی. مافیا اپوزیشن کے ساتھ مل کر حکومت کو ناکام کرنے کی کوشش کر رہی ہے…… خزانہ خالی ہے…. ایف اے ٹی ایف…

بحرانوں کی حکومت

بقلم:- #عبدالرحمن ثاقب سکھر

جب سے عمران نیازی پاکستان کے وزیر اعظم بنے ہیں قوم کو ایک کے بعد دوسرے بحران کا سامنا ہے۔ محسوس ہوتا ہے کہ نیازی صاحب کی کابینہ اپنے کام یا عوامی مسائل حل کرنے کے لیے نہیں بلکہ مخالفین کے خلاف دن رات ٹی وی چینلز پر ٹاک شوز اور پریس کانفرنسز کے ذریعے سے بیانات دینے کے لیے مراعات حاصل کررہی ہے۔
حکومت کے وزراء بشمول وزیراعظم صاحب کی کوشش یہی رہی ہے اصل ایشوز سے عوام کی توجہ ہٹاؤ اور جب مسئلہ زیادہ شدت اختیار کر جائے تو ایک کمیٹی یا کمیشن تشکیل دے کر مٹی پادو۔
آج تک کسی ایک بحران کے ذمہ دار کو سزا نہیں دی گئی حتی کہ جن پر دن رات کرپشن کے الزامات لگائے جاتے رہے نہ ان کی کرپشن ثابت کی گئی اور نہ ہی انہیں مجاز عدالت سے سزا دلوائی گئی۔
وزیراعظم صاحب نے اپنے دور اقتدار میں بحران پیدا کرنے والے اور عوام کو لوٹنے والوں کے خلاف احتساب تو دور کی بات رہی انہیں مکمل طور پر بچائے رکھنے کا مکمل انتظام کیے رکھا۔
ادویات کا بحران پیدا کیا گیا اور چار ارب روپئے عامر کیانی پر ادویات ساز کمپنیوں سے لینے کا الزام سامنے آیا تو عامر کیانی کو سزا دینے یا کرپشن کا پیسہ واپس لینے کی بجائے وزارت سے ہٹا کر جماعت کا سیکریٹری جنرل بنادیا گیا۔
جہانگیر ترین اور خسرو بختیار پر آٹا چینی بحران میں ملوث ہونے کی بات مشہور ہوئی تو وزیراعظم صاحب نے کمیشن بنانے کا اعلان کردیا جب وہ اس بحران میں ملوث پائے گئے تو فرانزک رپورٹ کا ڈول ڈال دیا گیا۔ اور حکومت کے حامیوں کی طرف سے داد و تحسین کے خوب ڈونگر برسائے گئے۔ جب فرانزک رپورٹ میں ملوث نکلے تو جہانگیر ترین کو رات کی تاریکی میں باعزت طریقے سے بیرون ملک بھیج دیا گیا۔ آٹا چینی کی قیمتیں کم ہونے کی بجائے بڑھتی ہی رہیں۔ کیونکہ جس نے حکومت اور وزیراعظم بنانے میں بےتحاشہ دولت خرچ کی تھی اس سے کئی گنا زیادہ کمانا بھی حق بنتے ہے۔ کیونکہ وزیراعظم صاحب یاروں کے یار ہیں۔ اگر زلفی بخاری کو نوازا جاسکتا ہے تو جہانگیر ترین کا حق زیادہ بنتا ہے کیونکہ وہ اس حکومتی ٹولے کا سب سے بڑا اسپانسر تھا۔
ندیم بابر پٹرول بحران میں ملوث تھا جو حکومت میں ہوتے ہوئے عوام کو پٹرول نہ دینے اور خوار کرنے میں مکمل کامیاب رہا۔ اور اس کے دباؤ پر پہلی تاریخ سے پہلے کی پٹرولیم مصنوعات کی قیمتیں بڑھا دی گئیں نتیجتاً پٹرول کا مصنوعی بحران ختم ہوگیا اور اربوں روپئے پٹرولیم مافیا نے راتوں رات کمالیے۔
ایک ڈاکٹر ظفر مرزا ہوتے تھے اس نے بھی کورونا وبا کے دنوں میں ماسک اسمگل کرکے اربوں کی دیہاڑی لگائے۔
اسی طرح سے عورت تانیہ بھی جدید ٹیکنالوجی کی بنائی گئی تھی اس نے بھی اپنا حصہ وصول کیا اور چلتی بنے۔
ماشاءاللہ ایسے ایمان دار وزیراعظم صاحب ہیں جو ہر مافیا کو لوٹ مار کرنے کا مکمل موقعہ اور حق دیتے ہیں۔ بحران سے پہلے خبردار کردیتے تاکہ عوام اپنا بندوبست کرلیں کیونکہ عوام کے لیے کام کرنے یا مسائل حل کرنے کی ان کی زمہ داری نہیں بلکہ مسائل میں الجھانا اور بتانا ان کی زمہ داری ہے۔
اب وزیراعظم صاحب قبل از وقت آگاھ فرما رہے ہیں کہ گیس کا بحران آنے والا ہے لہذا اس کے لیے تیار کرلو۔ گھروں میں لکڑیاں اور اوپلے جمع کرلو تاکہ سردی میں ٹھٹھرنے سے بچ جاؤ اور کھانا بھی پکا سکو۔ کیونکہ بحران کا حل ان کی زمہ داری نہیں ہے اور نہ ہی ان بحرانوں کے حل کے لیے انہوں نے آپ سے ووٹ لیے تھے۔
جناب وزیراعظم صاحب!!!!
آپ پاکستان کے وزیراعظم ہیں بحرانوں کے بارے آگاھ کرنا نہیں بلکہ ان کا حل کرنا آپ کی اور آپ کی کابینہ میں موجود فوج ظفر موج افراد کی زمہ داری ہے۔ قبل از وقت بحران سے آگاھ کردینے سے آپ کسی بھی صورت میں بری الزمہ نہیں ہوسکتے۔ لہذا اپنے وزراء کو چند روز کے لیے مخالفین کی پگڑیاں اچھالنے سے منع کرکے عوامی مسائل کی طرف لگائیے ورنہ نہ اللہ آپ کو معاف کرے گا اور نہ ہی عوام معاف کرے گی۔