Baaghi TV

Category: بلاگ

  • قومی ہاکی چیمپئن کا آغاز ، پہلے روز پانچ میچز کھیلے گئے

    قومی ہاکی چیمپئن کا آغاز ، پہلے روز پانچ میچز کھیلے گئے

    قومی ہاکی چمپين شپ شروع ہوگی۔ آرمی نيوی واپڈا نيشنل بنک اور ماڑی پٹروليم کي ٹیموں نے اپنی اپنی حريف ٹيموں کو شکست دے دی
    روالپنڈ ی ميں جاری چمپين شپ کے پہلے روز پانچ ميچيز کھيلے گئے۔ مہمان خصوصی جنرل ريٹائرڈ اصغر نواز اور صدر پی ايچ ايف برگيڈئير ريٹائرڈ خالد سجاد کھوکھر نے چمپين شپ کا افتتاح کيا۔ پہلے ميچ ميں آرمی نے باآسانی پوليس کی ٹيم کو ايک کے مقابلے نو گول سے شکست دی ۔ دوسرے ميچ ميں نيوی نے پورٹ قاسم کو دو کے مقابلے ميں چھ گول سے واپڈ نے پنجاب کو دو کے مقابلے ميں آٹھ گول سے نيشنل بنک نے پی اے ايف کو دو کے مقابلے ميں چار گول سے ماڑی پٹروليم نے سوئی سدرن گيس کو تين کے مقابلے ميں چار گول سے شکست ديکر کاميابی حاصل کی۔

  • زمبابوے پاکستان کے خلاف کتنے ٹی 20 میچز جیتا

    زمبابوے پاکستان کے خلاف کتنے ٹی 20 میچز جیتا

    زمبابوے پاکستان کے خلاف کتنے ٹی 20 میچز جیتا

    باغی ٹی وی رپورٹ کے مطابق : ایک روزہ میچ کی سیریز کے بعد اب پاکستان زمبابوے کے خلاف ٹی 20 میچ کھیلنے جا رہی ہے . زمبابوے کرکٹ ٹیم پاکستان کے خلاف تاحال سنگل ٹی 20 میچ بھی نہیں جیت سکی ہے،اب تک کھیلے گئے تمام 11میچز پاکستان نے جیتے ہیں،اس طرح مہمان ٹیم راولپنڈی میں ایک بڑی ٹیم کے خلاف ٹی 20 ڈیبیو فتح کی منتظر ہے۔کمال بات یہ بھی ہے کہ ٹی 20 میں پاکستان زمبابوے کے خلاف ناقابل شکست رہنے کے باوجود کبھی بھی اپنے مجموعہ کو ڈبل سنچری میں تبدیل نہیں کرسکا ہے اور اس کا بڑے سے بڑا مجموعہ 198رنزکا رہا ہے۔ان میچز میں سے2مقابلے 22سے 24مئی 2015کو لاہور میں ہوئے جو پاکستان نے جیت لئے۔8میچز ہرارے میں کھیلے گئے جن میں میزبان ٹیم ناکام رہی،12 اکتوبر 2008کومقابلوں کی تاریخ شروع ہوئی اور آخری میچ4جولائی 2018کو ہرارے میں ہوا،ہر بار پاکستان کامیاب رہا۔

    زمبابوے ٹیم ٹی 20 انٹر نیشنل میں آسٹریلیا،بھارت،ویسٹ انڈیز اور بنگلہ دیش جیسی ٹیموں کو ہراچکی ہے ،اگر چہ وہ پاکستان کے ساتھ انگلینڈ،جنوبی افریقا،نیوزی لینڈ اور سری لنکا سے بھی جیت ہیں سکی لیکن یہ بھی یاد رہے کہ ان ٹیموں کے خلاف پاکستان کے 11میچز کے مقابلے میں اس نے کہیں کم میچز کھیل رکھے ہیں اس لئے پاکستان کا ریکارڈ تو شاندار ہے لیکن خطرہ اپنی جگہ موجود رہےگا۔
    پاکستان اور زمبابوے کے درمیان 3 ٹی20 میچز کی سیریز کا پہلا میچ 7نومبر کوراولپنڈی میں کھیلا جائے گا،راولپنڈی میں زمبابوے کے آخری ون ڈے میچ جیتنے کے باعث کرکٹ تیزی بڑھ گئی ہے اور ریکارڈ اتھل پتھل ہونے کا خطرہ موجود ہے

  • شدت پسندی کے سدباب میں منبر و محراب ،ریاست اور عوام کا کردار از طہ منیب

    شدت پسندی کے سدباب میں منبر و محراب ،ریاست اور عوام کا کردار از طہ منیب

    شدت پسندی سب سے بڑا مسئلہ ہے، شدت پسندی کا سبب جہالت ہے۔ جہالت کا خاتمہ علم سے ممکن ہے۔ علم کا منبع قرآن و حدیث ہیں۔ ڈیجیٹل میڈیا کے اس دور میں بھی مسجد کا منبر و محراب سب سے موثر پلیٹ فارم ہے ۔ اس پلیٹ فارم کے درست استعمال سے معاشرے میں تعمیر و ترقی اور امن و امان کا قیام ممکن ہے ۔ شدت پسندی کے خاتمہ کیلئے سب سے پہلے علماء آگے بڑھیں اور اپنے اپنے مسالک میں موجود شدت پسندی پر مبنی کفر وتکفیر کے فتوے بانٹنے والے علماء کا بائکاٹ کرکے انہیں تنہا کریں اسکے بعد ریاست منبر و محراب کے تعاون سے ایسے شدت پسندوں کے خلاف ریاستی رٹ کو بحال کرے اور آخر میں عامتہ الناس اجتماعی شعور کا ثبوت دیتے ہوئے شدت پسندوں کی حوصلہ شکنی کرے۔

    یاد رہے ذاتی رنجشوں کی بنیاد پر گستاخی کے فتوے اور اسکی بنیاد پر ایک مسلمان کا خون جو کعبتہ اللہ کی حرمت سے بڑا ہے کسی صورت خیر کا باعث نہیں ہوگا۔ خوشاب واقعہ ابتدا ہے ، اگر سب نے اپنا کردار ادا نا کیا تو فتنہ و فساد اور فرقہ واریت کا خوفناک باب کھلنے کا خدشہ ہے۔اللہ تعالیٰ ہمیں قرآن و حدیث کا درست فہم اور اور معمولی فروعی معاملات کو پس پشت ڈال کر اتحاد و اتفاق کی فضا قائم کرنے کی توفیق عطا فرمائے۔ آمین

  • پی سی بی نے اہم کھلاڑی کو ٹیم سے ہٹانے کا فیصلہ کر لیا

    پی سی بی نے اہم کھلاڑی کو ٹیم سے ہٹانے کا فیصلہ کر لیا

    لاہور: ٹیسٹ کپتان اظہر علی آئندہ ہفتے بورڈ حکام سے ملاقات کریں گے،پی سی بی نے اظہر علی کو قیادت سے ہٹانے کا حتمی فیصلہ کرلیا،اظہرعلی کی جگہ بابر اعظم ٹیسٹ ٹیم کی قیادت کے مضبوط امیدوارہیں۔

    بورڈکے اعلی عہدیدار کی راولپنڈی میں بابر اعظم سے ملاقات ۔بورڈ آفیشلز نے بابر اعظم کو ٹیسٹ ٹیم کی قیادت کی پیش کش کردی ۔بابر اعظم نے ٹیسٹ ٹیم کی قیادت کے معاملے پر سوچنے کا وقت مانگ لیا،بابر اعظم آئندہ دو تین روزمیں بورڈ حکام کو جواب دیں گے ۔

    کرکٹ ذرائع کے مطابق بابر اعظم کی اپنے قریبی رفقا سے مشاورت جاری ہے،بابر اعظم کے ٹیسٹ قیادت سنبھالنے پر محمد رضوان تینوں فارمیٹ میں نائب کپتان ہوں گے۔

  • قائداعظم ٹرافی سیکنڈ الیون ٹورنامنٹ کا چوتھا راؤنڈ مکمل

    قائداعظم ٹرافی سیکنڈ الیون ٹورنامنٹ کا چوتھا راؤنڈ مکمل

    تفصیلات کے مطابق کے سی سی اے اسٹیڈیم کراچی میں کھیلے گئے میچ میں سنٹرل پنجاب نے خیبرپختونخوا کو 35 رنز سے شکست دے دی۔ 5 رنز کی سبقت سے اپنی دوسری اننگز کا آغاز کرنے والی سنٹرل پنجاب کی پوری ٹیم میچ کے آخری روز 231 رنز بناکر آؤٹ ہوگئی۔عمران ڈوگر74 اور بلاول اقبال نے ناٹ آؤٹ 55 رنز کی اننگز کھیلیں۔ 237 رنز کے تعاقب میں کے پی کی پوری ٹیم 56.2 اوورز میں 201 رنز بناکر آؤٹ ہوگئی۔ پہلی اننگز میں 5 وکٹیں حاصل کرنے والے کامران افضل نے دوسری اننگز میں 4 کھلاڑیوں کو آؤٹ کیا۔ اوپنر مصدق احمد 70 اور مہران ابراہیم 43 رنز بناکر آؤٹ ہوئے۔ اس سے قبل سنٹرل پنجاب کے 138 رنز کے جواب میں کے پی کی پوری ٹیم 133 رنز پر ڈھیر ہوگئی تھی۔

    ٹی ایم سی گراؤنڈ کراچی میں کھیلے گئے میچ میں جلات خان کی عمدہ باؤلنگ کی بدولت بلوچستان نے ناردرن کوایک اننگز اور 63 رنز سے ہرادیا۔ دوسری اننگز میں 67 رنز کے عوض 7 کھلاڑیوں کو پویلین کی راہ دکھانے والے اسپنر جلات خان نے میچ میں کُل 10 وکٹیں حاصل کیں۔ 206 رنز کے خسارے سے اپنی دوسری اننگز کا آغاز کرنے والی ناردرن کی پوری ٹیم میچ کے آخری روز 143 رنز پر ڈھیر ہوگئی۔ناردرن کے صرف تین بلے باز ڈبل فگرز میں داخل ہوسکے، ضیاد خان نے 81 رنز بنائے۔حیات اللہ نے میچ میں 5 وکٹیں حاصل کیں۔اس سے قبل ناردرن کے 169 رنز کے جواب میں بلوچستان نے مقررہ 83 اوورز میں 8 وکٹوں کے نقصان پر 375 رنز بنائےتھے۔ اویس ضیاء نے سب سے زیادہ 108 اور اکبر الرحمٰن نے 79 رنز بنائے۔ شہباز خان 62 رنز بناکر ناٹ آؤٹ رہےتھے۔ ناردرن کے فرحان شفیق نے 4 جبکہ راجہ فرزان نے 3 وکٹیں حاصل کی تھیں۔

    اسٹیٹ بنک اسٹیڈیم کراچی میں کھیلے گئے میچ میں سندھ نے سدرن پنجاب کو 8 وکٹوں سے ہرادیا۔ سندھ نے میچ کے آخری روز 145 رنز کا مطلوبہ ہدف 38.1 اوورز میں 2 وکٹوں کے نقصان پر حاصل کرلیا۔ جاہد علی 55 اور دانش عزیز 36 رنز بناکر ناٹ آؤٹ رہے۔ سعد خان نے 42 گیندوں پر 41 رنز بنائے۔اس سے قبل سدرن پنجاب نے 7 وکٹوں کے نقصان پر 149 رنز سے میچ کے آخری روز اپنی دوسری اننگز کا دوبارہ آغاز کیا تو اس کی پوری ٹیم 167 رنز پر آؤٹ ہوگئی۔ پہلی اننگز میں 23 رنز کی سبقت کی بنیاد پر سدرن پنجاب نے سندھ کو جیت کے لیے 145 رنز کا ہدف دیا تھا۔ابرار احمد نے 53 رنز کے عوض 5 کھلاڑیوں کو پویلین کی راہ دکھائی۔انہوں نے میچ میں مجموعی طور پر 8 وکٹیں اپنے نام کیں۔پہلی اننگز میں سدرن پنجاب کے 126 رنز کے جواب سندھ کی پوری ٹیم اپنی پہلی اننگز میں 149 رنز بناکر آؤٹ ہوگئی تھی۔سدرن پنجاب کے علی عثمان نے 34 رنز کے عوض 6 کھلاڑیوں کو پویلین کی راہ دکھائی تھی۔

  • اچھی بیوی سے متعلق بیان پر صارفین کی موٹیویشنل اسپیکر اور رائٹر قاسم علی شاہ پر تنقید

    اچھی بیوی سے متعلق بیان پر صارفین کی موٹیویشنل اسپیکر اور رائٹر قاسم علی شاہ پر تنقید

    پاکستان کے معروف و مقبول موٹیویشنل اسپیکر اور لکھاری قاسم علی شاہ پرگزشتہ چند روز سے ان کے ایک ویڈیو کلپ پر تنقید کی جارہی ہے جس میں انہوں نے کہا تھا کہ کہیں نہیں پڑھایا جاتا کہ خاتون کو اچھی بیوی کیسے بننا ہے۔

    باغی ٹی وی :36 سیکنڈ کا ویڈیو کلپ وائرل ہونے کے بعد سے قاسم علی شاہ کا بیان سوشل میڈیا پر زیرِ بحث ہے جس میں قاسم علی شاہ نے ایک اچھی بیوی اور ماں سے متعلق بات کی ہے۔

    مذکورہ سوال پر مشتمل 36 سیکنڈ کا ویڈیو کلپ قاسم علی شاہ کی تقریباً 15 منٹ کے دورانیے پر مشتمل اس ویڈیو کا ہے جسے انہوں نے اپنے یوٹیوب چینل پر رواں برس مئی میں اپلوڈ کیا تھا یہ قاسم علی شاہ کے سوال و جواب کے اس سیشن کا ایک حصہ ہے جس میں انہوں نے حور فاطمہ نامی خاتون کے سوال کا جواب کا دیا تھا۔

    حور فاطمہ نے اپنے سوال میں پوچھا تھا کہ کیا ملازمت کرنے والی خواتین بچوں کی اچھی مائیں ثابت نہیں ہوپاتیں؟

    تاہم اس ویڈیو کے وائرل ہونے والے ویڈیو کلپ میں قاسم علی شاہ نے خاتون کے سوال کا جواب دیتے ہوئے کہا کہ اچھی بیوی کیسے بننا ہے یہ کہیں نہیں پڑھایا جاتا۔

    انہوں نے کہا کہ آپ کسی اسکول میں چلے جائیں جہاں بیٹیاں ہماری پڑھتی ہیں10 سال میٹرک کی ڈگری تک،اچھی بیوی کیسے بننا ہے یہ کہیں نہیں پڑھایا جاتا۔

    ویڈیو میں قاسم علی شاہ نے اپنی بات کو جاری رکھتے ہوئے کہا کہ حالانکہ عورت کی زندگی میں دو کرداروں کی بہت اہمیت ہے جن میں سے ایک کردار ہے اچھی بیوی کا اور دوسرا اچھی ماں کا۔

    انہوں نے مزید کہا کہ اسکول میں کہیں نہیں پڑھایا جاتا کالج میں نہیں پڑھایا جاتا اور یونیورسٹی میں بھی بالکل بھی نہیں پڑھایا جاتا اور جو ذریعہ باقی رہ گیا کہ اچھی ماں اور اچھی بیوی کیا ہوتی ہے تربیت کا وہ ذریعہ گھر ہےیعنی بچی اپنی ماں کو دیکھے۔

    یہ ویڈیو وائرل ہونے کے بعد قاسم علی شاہ پر کئی ٹوئٹر صارفین کی جانب سے تنقید کی جارہی ہے۔

    اسی حوالے سے پاکستانی کامیڈین اور تھیٹر ایکٹر شہزاد غیاث شیخ نے ویڈیو کلپ شیئر کرتے ہوئے تنقیدی انداز میں لکھا کہ گرلز اسکولز کیوں ہیں اگر وہ انہیں شوہروں کی غلامی کیسی کرنی ہے نہیں سکھا سکتے؟’
    https://twitter.com/Shehzad89/status/1323299001177878530?s=20
    انہوں نے مزید کہا کہ’لاہور گرامر اسکول (ایل جی ایس) کو اپنا نام لاہور گروم سلیوز رکھ لینا چاہیے، سائنس کی ساری کتابوں کو آگ لگائیں اور لڑکیوں کو بتائیں کہ بہتر وِگس کیسے بناتے ہیں، تاکہ قاسم علی شاہ دوبارہ کبھی بھی کیمرا پر ایسے دکھائی نہ دیں۔


    ایک اور صارف نے کہا کہ دیکھیں یہ کس نے کہا ہے انہیں بہت سراہا جاتا ہے۔

    اس صارف نے ایک اور ٹوئٹ میں لکھا کہ میری قبر میں بچھو اس کی وجہ سے آئیں ہم سب کو سکھیا جائے کہ ایک اچھی بیوی میسے بننا ہے وہ بھی دسویں گریڈ تک ؟پیدا ہوتے ہی شادی کر دیا کریں بس نہیں چلتا نا جاہلوں کا –

    اس نے مزید لکھا کہ تو اس شخص نے یہ کہا ہے کہ خواتین کو میٹرک تک آخر کار اچھی بیوی کیسے بناتے نہیں سکھایا جاتا جو اُن کا آگے ایک سب سے ضروری کردار ہے ایک وائف کیسے بننا ہے اور اچھا کیسے کرنا یہ نہیں سکھایا جاتا-

    صارف نے ایک اور ٹوئٹ میں مزید کہا کہ کیا عمران خان ‘پرفیکٹ وائف 101‘ کے نام سے ایک نیا مضمون متعارف کروا سکتے ہیں اور جب ہم لڑکیاں یہ مضمون پڑھیں گی تو اس وقت لڑکے کھیلوں کی کلاس میں جا سکتے ہیں کیونکہ وہ تو پرفیکٹ ہیں۔

    ساتھ ہی لکھا کہ میں نے بھی اس کے بعد اس ویڈ یو کو سننا چھوڑ دیا ، اس لئے اس نے نتیجہ اخذ کیا لیکن قاسم علی شاہ ہم آپ کی کتابیں باہر پھینک رہے ہیں

    https://twitter.com/SundusSaleemi/status/1323321553875017730?s=20
    ایک اور ٹوئٹر صارف نے اسی صارف کی ٹوئٹ پر رد عمل دیتے ہوئے لکھا کہ اگر اچھی بیوی بننے کا مطلب ہے کہ بیوی، شوہر کی فرمانبردار ہو، اس کی ضروریات، خواہشات، پسند اور ناپسند کی تابع ہو، شوہر کے گرد گھومتی زندگی بنائے تو تعلیم کا کوئی فائدہ نہیں ہے۔


    قاسم علی شاہ کے بیان پر تنقید کرتے ہوئے ایک اور صارف نے سوال کیا کہ مردوں کو بہتر انسان بننا کیوں نہیں پڑھاتے جبکہ پاکستان کو ریپ، غیرت کے نام پر قتل، ایسڈ حملے، گھریلو تشدد، جبری شادیوں جیسے سنگین مسائل کا سامنا ہے تو کیوں نہ مردوں کو بہتر شوہر، باپ، انسان اور شہری بننا سکھایا جائے؟


    صحافی عافیہ سلام نے طنزیہ اندا میں لکھا کہ اچھا باپ اور شوہر بننے کی تعلیم تو کنڈرگارٹن میں شروع ہوتی ہے نا؟


    علی خان ترین نے لکھا کہ اگر معاشرے میں خواتین کے حصول کارنامے ’’ اچھی بیوی ‘‘ (جس کے ذریعہ میں مانتا ہوں کہ اس کا مطلب ایک نافرمان ہے) معاشرے کی ترقی کیسے ہوسکتی ہے۔واقعتا اس کا قصور بھی نہیں ہے۔ یہ جس معاشرے میں ہم بڑے ہو رہے ہیں۔جناب، اپنا دماغ کھولیں ، دوسری ثقافتوں کے بارے میں جانیں۔ کچھ مارگریٹ میڈ پڑھیں۔

    جہاں صارفین نے تنقید کا نشانہ بنایا وہیں کچھ صارفین نے قاسم علی شاہ کے مذکورہ بیان کی تائید بھی کی۔

    رانا عمران جاوید نے کہا کہ قاسم علی شاہ بالکل ٹھیک ہیں خاندان ایک بنیادی اکائی ہے جو ایک معاشرہ تشکیل دیتی ہےاگر لڑکیوں اور لڑکوں کو خاندان میں ان کے کردار سے متعلق تعلیم نہیں دی جاتی تو کوئی معاشرہ پنپ نہیں سکتا۔


    رانا عمران جاوید نے کہا کہ یہ خواتین کی محرومی کا معاملہ نہیں بلکہ اس کا تعلق معاشرتی ترقی سے ہے۔

    ایک اور صارف نے کہا کہ 36 سیکنڈ کے ویڈیو کلپ پر ہم سوالات اور اعتراضات اٹھارہے ہیں ہم نے جاننے کی کوشش نہیں کی کہ سوال کیا تھا؟ قاسم علی شاہ نے اس سے پہلے یا بعد میں کیا کہا؟


    علی بیگ نامی صارف نے لکھا کہ کیا آپ بھی جانتے ہیں کہ وہ کون ہے؟ 30 سیکنڈ کا یہ کلپ آپ کو تصویر کا مکل رُخ نہیں دکھا سکتا-


    محمد عمار راشد نے لکھا کہ اگر لڑکی نے اچھی بیوی نہیں بننا تو آپ اُسے کیا بنانا چاہتے ہیں قسم صاھب نے کیا غلط کہا ہے بلکہ قاسم صاحب نے ایسی بات کہی ہے آج سے پہلے کسی نے نہیں کہی-


    محمد شہزاد افضل نامی صارف نے لکھا کہ قاسم علی شاہ صاحب ہمارے athecs پہ بات کر کے سوسائٹی کے استحکام کی بات کر رہے ہیں جبکہ بہت سے لوگ اسے گھسیٹ گھساٹ کے یورپی کلچر کے ساتھ ملانے کی کوشش کر رہے ہیں

  • سندھ کی سیکنڈ الیون کرکٹ ٹیم میں رد و بدل

    سندھ کی سیکنڈ الیون کرکٹ ٹیم میں رد و بدل

    سندھ کی سیکنڈ الیون کرکٹ ٹیم میں رد و بدل
    ‏

    باغی ٹی وی : سندھ کی سیکنڈ الیون کرکٹ ٹیم نے غلام مدثر کی جگہ عدیل ملک کو بطور کن کشن متبادل اپنی ٹیم میں شامل کرلیا ہے۔ قائداعظم ٹرافی سیکنڈ الیون ٹورنامنٹ کے چوتھے راؤنڈ میں سندھ اور سدرن پنجاب کے درمیان تین روزہ میچ اسٹیٹ بنک اسٹیڈیم کراچی میں جاری ہے۔

    فیلڈنگ کے دوران غلام مدثر کے سر پر گیند لگی تھی، جس کے بعد مقررہ پروٹوکول کےتحت دونوں ٹیموں کے فزیوز نے ان کی انجری کا جائزہ لیا۔ آج کھیل مکمل ہونے پر غلام مدثر کی انجری کا دوبارہ جائزہ لیا جائے گا۔

    سندھ سیکنڈ الیون کے ہیڈ کوچ اور منیجر غلام علی کی درخواست پر میچ ریفری محمد اسلم نے عدیل ملک کو غلام مدثر کے کن کشن متبادل کی حیثیت سے ٹیم میں شامل کرنے کی اجازت دے دی۔

  • سپورٹس بورڈپنجاب کے زیراہتمام ہفتہ عید میلاد النبیﷺ کے سلسلہ میں ہینڈ بال کا نمائشی میچ

    سپورٹس بورڈپنجاب کے زیراہتمام ہفتہ عید میلاد النبیﷺ کے سلسلہ میں ہینڈ بال کا نمائشی میچ

    سپورٹس بورڈ پنجاب وائٹ نے سپورٹس بورڈ پنجاب گرین کو ہرادیا،سیکرٹری یوتھ افیئرز اینڈ سپورٹس پنجاب احسان بھٹہ،ڈی جی سپورٹس پنجاب عدنان ارشداولکھ نے ٹرافیاں دیں
    محکمہ یوتھ افیئرز اینڈ سپورٹس پنجاب سیرت طیبہ ﷺپر سیمینار، محافل نعت منعقد کررہا ہے،کھیلوں کے میدان آباد ہورہے ہیں، سیکرٹری یوتھ افیئرز اینڈ سپورٹس پنجاب احسان بھٹہ
    کورونا کی دوسری لہر آنے پر ایس او پیز پر سختی پر عمل کرتے ہوئے سماجی فاصلے کو مدنظر رکھتے ہوئے سپورٹس کرائی جارہی ہے، ڈی جی سپورٹس پنجاب عدنان ارشد اولکھ

    سپورٹس بورڈ پنجاب کے زیراہتمام ہفتہ عید میلاد النبیﷺ کے سلسلہ میں نشترپارک سپورٹس کمپلیکس کے جمنیزیم ہال میں سپورٹس بورڈ پنجاب وائٹ اور سپورٹس بورڈ پنجاب گرین کے درمیان ہینڈ بال کا نمائشی میچ ہوا جو سپورٹس بورڈ وائٹ نے سپورٹس بورڈ پنجاب گرین کو 15-12سے ہرا کرجیت لیا، سیکرٹری یوتھ افیئرز اینڈ سپورٹس پنجاب احسان بھٹہ اور ڈائر یکٹر جنرل سپورٹس پنجاب عدنان ارشد اولکھ نے کامیاب ٹیموں میں ٹرافیاں تقسیم کیں، اس موقع پر میڈیا سے گفتگو کرتے ہوئے سیکرٹری یوتھ افیئرز اینڈ سپورٹس پنجاب احسان بھٹہ نے کہا ہے کہ ہفتہ عید میلادالنبیﷺ کے سلسلہ میں صوبہ بھر میں تقریبات جاری ہیں، محکمہ یوتھ افیئرز اینڈ سپورٹس پنجاب کے زیراہتمام نبی پاک ﷺ کی حیات طیبہ پر سیمینار، محافل نعت و تقاریر کے مقابلے منعقد کئے جارہے ہیں، کورونا کی وجہ سے کھیلوں کی سرگرمیاں مارچ سے ستمبر تک معطل رہیں، اب حکومتی ایس او پیز کے تحت کھیلوں کا آغاز کردیا ہے، کھیلوں کے میدان دوبارہ آباد ہورہے ہیں، سیکرٹری یوتھ افیئرز اینڈ سپورٹس پنجاب احسان بھٹہ نے مزید کہا کہ ای لائبریری لاہور میں مقابلہ قرات اور نعت منعقد کرایا ہے، کورونا وباء کی وجہ سے ملک سمیت دنیا بھر میں تمام سرگرمیاں ٹھپ ہوکر رہ گئی تھیں، حکومتی ایس او پیز کے تحت کھیلوں کی سرگرمیاں شروع کردی ہیں تاکہ کورونا کی وجہ سے گھروں تک محدود رہنے والے کھلاڑی دوبارہ سپورٹس کی سرگرمیاں شروع کرسکیں، فی الحال نان ٹچ ایونٹس کرارہے ہیں،ڈائر یکٹر جنرل سپورٹس پنجاب عدنان ارشد اولکھ نے کہا کہ کورونا کی دوسری لہر آنے پر ایس او پیز پر سختی پر عمل کرتے ہوئے سماجی فاصلے کو مدنظر رکھتے ہوئے سپورٹس کرائی جارہی ہے، مستقبل کے سپورٹس ایونٹس کا شیڈول بنا رہے ہیں، کورونا کے بعد سپورٹس کے ایونٹس بھرپور انداز میں کرائیں گے، انہوں نے مزید کہا کہ ہفتہ عید میلادالبنی ؐ کے تحت ڈویژن، ضلع اور تحصیل کی سطح پر تقریبات منعقد کی جارہی ہیں، اس کے ساتھ ساتھ سپورٹس کے ایونٹس بھی کرارہے ہیں، 7ماہ بعد احتیاطی تدابیر اختیار کرتے ہوئے سپورٹس شروع کردی ہے، اس کا مقصد کھلاڑیوں کو وارم اپ کرنا ہے تاکہ وہ آئندہ ہونیوالے قومی و بین الاقوامی ایونٹس کی تیاری کرسکیں، انہوں نے مزید کہا کہ مختلف شہروں میں سیرت نبیﷺ پر تقریبات منعقد ہورہی ہے، نعت کے مقابلے بھی ہورہے ہیں، ان تقریبات کو منعقد کرنے کا مقصد حضرت محمد ﷺ سے اظہار عقیدت اور محبت کرنا ہے، سپورٹس سرگرمیوں میں حکومت پنجاب کی جانب سے جاری کئے گئے ایس او پیز پر مکمل عملدآمد کیا جا رہا ہے۔

    جمنیزیم ہال آمد پر سیکرٹری یوتھ افیئرز اینڈ سپورٹس پنجاب احسان بھٹہ اور ڈائر یکٹر جنرل سپورٹس پنجاب عدنان ارشد اولکھ کا پرتپاک استقبال کیا گیا، ان کو گلدستے پیش کئے گئے، کھلاڑیوں نے تالیاں بجا کر خوش آمدید کہا، کھلاڑیوں کا مہمانان خصوصی سے تعارف کرایا گیا، کھلاڑیوں نے ان کے ساتھ گروپ فوٹوز بھی بنوائے، اس موقع پر ڈائریکٹر سپورٹس محمد حفیظ بھٹی، ڈپٹی ٖڈائریکٹر سپورٹس چاند پروین، ڈپٹی ڈائریکٹر پلاننگ رؤف علی باجوہ ودیگر بھی موجود تھے۔

  • قائداعظم ٹرافی سیکنڈ الیون ٹورنامنٹ کے چوتھے راؤنڈ کا دوسرا روز مکمل

    قائداعظم ٹرافی سیکنڈ الیون ٹورنامنٹ کے چوتھے راؤنڈ کا دوسرا روز مکمل

    کراچی (باغی ٹی وی) کے سی سی اے اسٹیڈیم کراچی میں جاری میچ میں سنٹرل پنجاب نے اپنی دوسری اننگز میں خیبرپختونخوا کے خلاف 207 رنز کی سبقت حاصل کرلی ہے جبکہ اس کی دو وکٹیں ابھی باقی ہیں۔ 5 رنز کی سبقت سے اپنی دوسری اننگز کا آغاز کرنے والی سنٹرل پنجاب کی ٹیم نےمیچ کے دوسرے روز کھیل کے اختتام پر 8 وکٹوں کے نقصان پر 202 رنز بنالیے ہیں۔عمران ڈوگر 74 اور فرحان خان 45 رنز بناکر آؤٹ ہوئے۔ اسپنر آصف آفریدی 4 وکٹیں حاصل کرچکے ہیں۔ اس سے قبل سنٹرل پنجاب کے 138 رنز کے جواب میں کے پی کی پوری ٹیم 133 رنز پر ڈھیر ہوگئی۔ کامران افضل نے 49 رنز کے عوض 5 وکٹیں حاصل کیں۔ محمد علی اور اعتزاز حبیب خان نے 2،2 کھلاڑیوں کو آؤٹ کیا۔

    ٹی ایم سی گراؤنڈ کراچی میں جاری میچ میں ناردرن کی ٹیم اپنی دوسری اننگز میں 94 رنز کے خسارے کا شکار ہے۔ 206 رنز کے خسارے سے اپنی دوسری اننگز کا آغاز کرنے والی ناردرن کی ٹیم نےمیچ کے دوسرے روزکھیل کے اختتام پانچ وکٹوں کے نقصان پر 112 رنز بنالیے ہیں۔ ضیاد خان 59 اور جمال انور بغیر کوئی رنز بنائے کریز پر موجود ہیں۔پہلی اننگز میں 3 وکٹیں حاصل کرنے والے جلات خان دوسری اننگز میں اب تک 5 وکٹیں حاصل کرچکے ہیں۔اس سے قبل ناردرن کے 169 رنز کے جواب میں بلوچستان نے مقررہ 83 اوورز میں 8 وکٹوں کے نقصان پر 375 رنز بنائے۔ اویس ضیاء نے سب سے زیادہ 108 اور اکبر الرحمٰن نے 79 رنز بنائے۔ شہباز خان 62 رنز بناکر ناٹ آؤٹ رہے۔ ناردرن کے فرحان شفیق نے 4 جبکہ راجہ فرزان نے 3 وکٹیں حاصل کیں۔

    اسٹیٹ بنک اسٹیڈیم کراچی میں جاری میچ میں سدرن پنجاب کو دوسری اننگز میں سندھ کے خلاف 126 رنز کی سبقت حاصل ہوچکی ہے جبکہ اس کی ابھی 3 وکٹیں باقی ہیں۔ 23 رنز کے خسارے سے اپنی دوسری اننگز کا آغاز کرنے والی سدرن پنجاب کی ٹیم نے میچ کے دوسرے روز کھیل کے اختتام پر 7 وکٹوں کے نقصان پر 149 رنز بنالیے ہیں۔ رمیز عالم 26 اور ضیاء الحق 18 رنز بناکر کریز پر موجود ہیں۔ پہلی اننگز میں تین وکٹیں حاصل کرنے والے سندھ کے ابرار احمد دوسری اننگز میں بھی تین کھلاڑیوں کو آؤٹ کرچکے ہیں۔ اس سے قبل سدرن پنجاب کے 129 رنز کے جواب سندھ کی پوری ٹیم اپنی پہلی اننگز میں 149 رنز بناکر آؤٹ ہوئی۔ علی عثمان نے 34 رنز کے عوض 6 کھلاڑیوں کو پویلین کی راہ دکھائی۔ شہزر محمد 47 رنز بناکر آؤٹ ہوئے۔

  • قائداعظم ٹرافی فرسٹ الیون ٹورنامنٹ کا دوسرا راؤنڈ مکمل

    قائداعظم ٹرافی فرسٹ الیون ٹورنامنٹ کا دوسرا راؤنڈ مکمل

    قائداعظم ٹرافی فرسٹ الیون ٹورنامنٹ کا دوسرا راؤنڈ مکمل،سدرن پنجاب نے بلوچستان کو 4 وکٹوں سے ہرادیاسندھ اور خیبرپختونخوا کے درمیان میچ ڈرا ہوگیا

    تفصیلات کے مطابق نیشنل اسٹیڈیم کراچی میں کھیلے گئے میچ کےآخری روز آغا سلمان کی 42 ناٹ آؤٹ رنز کی اننگز نے سدرن پنجاب کو بلوچستان کے خلاف 4 وکٹوں سے کامیابی دلادی۔سدرن پنجاب کی یہ ایونٹ میں مسلسل دوسری کامیابی ہے۔ میچ کےآخری روز سدرن پنجاب نے 154 رنز کا ہدف 6 وکٹوں کے نقصان پر حاصل کرلیا۔ سیف بدر نے 37 اور عمر صدیق نے 22 رنز بنائے۔ بلوچستان کے یاسر شاہ نے میچ میں 8 وکٹیں حاصل کیں۔ اس سے قبل 41 رنز کے سبقت سے اپنی دوسری اننگز کا آغاز کرنے والی بلوچستان کی پوری ٹیم112 رنز بناکر آؤٹ ہوگئی تھی۔ اسپنرزاہد محمود نے میچ میں 7 کھلاڑیوں کو پویلین کی راہ دکھائی ۔میچ کی پہلی اننگز میں سدرن پنجاب کی ٹیم بلوچستان کے 372 رنز کے جواب میں 331 رنز بنا کر آؤٹ ہوگئی تھی۔

    یو بی ایل اسپورٹس کمپلیکس کراچی میں سندھ اور خیبرپختونخوا کے درمیان کھیلا گیا چار روزہ فرسٹ کلاس میچ بے نتیجہ ختم ہوگیا۔ رواں سیزن میں یہ پہلا فرسٹ کلاس میچ ہے جو ڈرا ہواہے۔میچ کے آخری روز سندھ نے کے پی کو جیت کے لیے 289 رنز کا ہدف دیاتھا کہ کے پی کی ٹیم کھیل کے اختتام پر7وکٹوں کے نقصان پر 96 رنز ہی بناسکی۔اسپنر عاشق علی نےدوسری اننگز چھ کھلاڑیوں کو پویلین کی راہ دکھائی۔ انہوں نے میچ میں کُل 11 وکٹیں حاصل کیں۔ اس سے قبل 54 رنز کی سبقت سے اپنی دوسری اننگز کا آغاز کرنے والی سندھ کی ٹیم نے میچ کے آخری روز 3 وکٹوں کے نقصان پر 74 رنز سے اپنی دوسری اننگز کا دوبارہ آغاز کیا تو کپتان سرفراز احمد نے 7 وکٹوں کے نقصان پر 234 رنز پر اننگز ڈکلیئر کردی۔ اسد شفیق 72 رنز بناکر ناٹ آؤٹ رہے۔خالد عثمان اور ساجد خان نے میچ میں 5،5 وکٹیں حاصل کیں۔پہلی اننگزمیں سندھ کے 361 رنز کے جواب میں کے پی کی پوری ٹیم 307 رنز بناکر آؤٹ ہوگئی تھی۔

    قائداعظم ٹرافی فرسٹ الیون ٹورنامنٹ کے دوسرے راؤنڈ کے اختتام پر سدرن پنجاب کی ٹیم 50 پوائنٹس کے ساتھ پہلی پوزیشن پر براجمان ہے۔ سندھ اور بلوچستان کی ٹیمیں 32، 32 پوائنٹس کے ساتھ بالترتیب دوسرے اور تیسرے نمبر پر موجود ہیں۔ ناردرن 28 اور کے پی 11 پوائنٹس کے ساتھ چوتھی اور پانچویں پوزیشن پر موجود ہیں۔ 6 پوائنٹس حاصل کرنے والی دفاعی چیمپئن سنٹرل پنجاب کی ٹیم کا فی الحال پوائنٹس ٹیبل پر آخری نمبر ہے۔