Category: سیاست

ابھی ایک بڑے پاکستانی ٹی وی چینل سے کال آئی. پروڈیوسر نے کہا کہ کل پارلیمنٹ میں بجٹ پیش ہونے پر ہم ماراتھون ٹرانسمشن کر رہے ہیں. آپکا وقت چاہئے ایک گھنٹہ کیلئے. میں نے کہا کہ آپکے چینل پر بیٹھنے پر مجھے بہت خوشی ہوگی لیکن ایک مسئلہ ہے، اور وہ یہ ہے کہ میں بجٹ اور معاشیات کا خبیر اور ماہر نہیں ہوں. بہت حد تک میں ایک پاکستانی شہری کے طور پر بات کر سکتا ہوں لیکن اس سے زیادہ نہیں. آگے سے آواز آئی، کوئی بات نہیں ایک دو آرٹیکل پڑھ کر آ جائیں کچھ نہیں ہوتا. میں نے مسکرا کر کہا کہ میرا یہ سبجیکٹ ہی نہیں ہے، میرا فیلڈ نہیں ہے.

فون رکھنے کے بعد مجھے یاد آیا جب 2015 میں پاکستانی چینلز پر یمن جنگ پر مباحثے ہو رہے تھے. ایسے ایسے لوگ آ کر تجزیے دے رہے تھے جنھیں یمن کے بارے میں کچھ نہیں پتہ تھا. ایسے ماہا پاکستانی سٹریٹجست اینکر صحافی سیاستدان عسکری ماہر اور مولوی بیٹھے ہوئے تھے یمن پر ایکسپرٹ رائے دینے جنھیں سلطنت ‘عمان’ اور اردن کا دارالحکومت ‘عمان’ میں فرق نہیں پتہ، بلکہ وہ قطر 🇶🇦 اور بحرین 🇧🇭 کے پرچم میں فرق نہیں بتا سکتے تھے لیکن ما شاء اللہ… بس شکر ہے کہ مشرق وسطی اور انٹرنیشنل میڈیا پاکستانی میڈیا کو فالو نہیں کرتا. (ویسے دو سال قبل پاکستان کی وزارت خارجہ نے بحرین کے أمیر یا وزیر اعظم کی پاکستان آمد پر پورے اسلام آباد میں قطر کے پرچم لگا دیئے، یہ حال ہے ان لوگوں کا جو ایک ایٹمی پاور کی خارجہ پالیسی کے نگہبان ہیں.)

خیر، اصل بات کی طرف واپس، سوچیں کہ سالانہ بجٹ کتنا اہم موضوع ہے، اور پھر سوچیں کہ ہمارے میڈیا میں ٹی وی جرنلزم کا سٹینڈرڈ کتنا گرا ہوا ہے کہ یہ چینلز کچھ پیسے دے کر اچھے معاشیات کے ماہرین کو ایک دن کے لئیے مدعو نہیں کر سکتے، بلکہ مفتے میں کوئی بھی آ جائے ایک دو اخباری آرٹیکل پڑھ کر. الٹے سیدھے لوگ جب قومی معاملات پر بات کرتے ہیں تو پھر عوام کا بھی ریاست پر اعتماد ختم ہوتا ہے. یہ ہے پاکستانی دو نمبری. اچھا کام نہیں کرنا، بس گزارا کرنا ہے.

میں آپکو یہ اس لئے بتا رہا ہوں کہ کل بجٹ پر سارے پاکستانی چینلز لمبی نشریات کر رہے ہوں گے. بہت سی مہمان شخصیات گفتگو کر رہی ہوں گی. باقی آپ خود سمجھدار ہیں.

أحمد قریشی

معززقارئین کرام کہتے ہیں‌کہ ایک بادشاہ کی عدالت میں کسی ملزم کو پیش کیا گیا ،بادشاہ نے مقدمہ سننے کے بعد اشارہ کیا کہ اسے قتل کردیاجائے،بادشاہ کے حکم پرجلاد اسے قتل گاہ کی طرف لے کرچلے تو اس نے بادشاہ کوبُرا بھلا کہنا شروع کردیا ،کسی شخص کے لیے بڑی سے بڑی سزایہی ہوسکتی ہےکہ اسے قتل کردیا جائے ،اورچونکہ اس شخص کویہ سزاسنائی جاچکی تھی اس لیئے اس کے دل سے یہ خوف ختم ہوگیا کہ بادشاہ ناراض ہوکردرپے آزارہوگا

بادشاہ نے یہ دیکھا کہ قیدی کچھ کہہ رہا ہے تو اس نے اپنے وزیرسے پوچھا یہ کیا کہہ رہا ہے،؟بادشاہ کا یہ وزیربہت نیک دل تھا اس نے سوچا اگرٹھیک بات بتادی جائے تو بادشاہ غصے سے دیوانہ ہوجائے گا اور ہوسکتا ہے کہ قتل کرنے سے پہلے قیدی کو سخت سے سخت عذاب میں مبتلا کردے ،

وزیرنے جواب دیا جناب یہ کہہ رہا ہے کہ اللہ پاک ان لوگوں کو پسند کرتا ہے جوغصے کو پی جانے والے ہیں ، لوگوں کے ساتھ بھلائی کرتے ہیں‌،

وزیرکی بات سن کربادشاہ مسکرا اوراس نے حکم دیا کہ اس شخص کو آزاد کردیا جائے ، بادشاہ کا ایک اوروزیرپہلے وزیرکا مخالف اورتنگ دل ،تنگ نظراورسنگ دل بھی تھا وہ خیرخواہی جتانے کے اندازمیں بولا”یہ بات ہرگزمناسب نہیں ہے کہ کسی بادشاہ کے وزیراسے دھوکے میں رکھیں اورسچ کے سوا کچھ اورزبان پرلائیں ،

یہ وزیرکچھ اس انداز سے کہانی سناتا ہے کہ قیدی حضورکی شان میں گستاخی کررہا تھا ، غصہ ضبط کرنے اوربھلائی سے پیش آنے کی اس نے کوئی بات نہیں کی ،

وزیرکی یہ بات سن کرنیک دل بادشاہ نے کہا "اے وزیرتیرے اس سچ سے جس کی بنیاد بغض اورکینے پرہے، تیرے بھائی کی غلط بیانی سے بہترہے کہ اس سے ایک شخص کی جان بچ گئی

بادشاہ نے کہا کہ یادرکھ !اس سچ سے جس سے کوئی فساد پھیلتا ہو، ایسا جھوٹ بہتر ہے جس کوئی برائی دورہونے کی امید ہو،

وہ سچ جوفساد کا سبب ہو بہتر ہے نہ وہ زبان پرآئے اچھا ہے وہ کذب ایسے سچ سے جوآگ فساد کی بجائے

حاسد وزیربادشاہ کی یہ بات سن کربہت شرمندہ ہوا ، بادشاہ نے قیدی کوآزاد کردینے کا فیصلہ بحال رکھا اوراپنے وزیروں کونصیحت کی کہ بادشاہ ہمیشہ اپنے وزیروں کے مشورے پرعمل کرتے ہیں‌،
وزیرروں کا فرض ہے کہ وہ ایسی کوئی بات زبان سے نہ نکالیں جس میں کوئی بھلائی نہ ہو.اس نے مزید کہا کہ "یہ دنیاوی زندگی بہرحال ختم ہونے والی ہے ، کوئی بادشاہ ہو یا فقیرسب کا انجام موت ہے،

اس بات سے کوئی فرق نہیں پڑتا کہ کسی شخص کی روح تخت پرقبض کی جاتی ہے فرش خاک پر

حکایت کی اصل روح یہ ہےکہ خلق خدا کی بھلائی کا جزبہ انسان کے تمام جزبوں پرغالب رہنا چاہیے ،اورجب یہ اعلیٰ وارفعٰ مقصد سامنے ہوتو مصلحت کے مطابق رویہ اختیارکرنے میں مضائقہ نہیں

بادشاہ وقت کواپنے آس پاس بیٹھنے والے وزیروں میں ایسے وزیرکی بات پرہمیشہ توجہ دینی چاہیے جس کی سوچ جزبہ دیدنی اورمذکورہ وزیرجیسا ہو

حوالہ : حکایات گلستان سعدی ص نمبر12

ازقلم : علامہ علی شیرحیدری

ہر سُو بکھرا ہوا وبا کا خوف دِن بہ دن بڑھ رہا ہے اس مرض سے بچنے کے لیے لوگوں کو گھروں میں رہنے کا حکم دیا جا رہا ہے۔۔۔۔۔
یہ سب ہماری بھلائی کے لئے کیا جا رہا ہے۔۔۔۔۔۔۔۔۔۔
لیکن۔۔
اے وقت کے حکمران سنو۔۔۔
لاک ڈاؤن سے ہم بیماری سے تو بچ جائیں گے لیکن بھوک سے مر گئے تو اُس کا حساب کون دے گا؟؟
غریب عوام کی موت کا ذمدار کسے ٹھہرایا جائے گا؟
حکومت نے تو صاف صاف کہہ دیا کہ ہم بہت زیادہ مدد تو نہیں کر سکتے ہیں اتنا پیسہ تو ہے نہیں ۔۔۔
اور جو حزب اختلاف پارٹیاں ہیں جو کئی عربوں کھربوں ڈالر کی ملکیت ہیں انہوں نے اس مشکل وقت میں کتنا پیسہ داؤ پر لگایا؟؟
کس نے رات چھپ کے لوگوں کے گھروں تک راشن پہنچایا؟؟
اگر کچھ مدد کی بھی گئی تُو اُس کے لیے بھی پہلے کئی کئی اجلاس ہوئے سوشل میڈیا پر دھوم مچادی گئی ۔۔۔
اور پھر کہیں جا کر اپنے علاقوں کے کچھ لوگوں کو فوٹو گرافی کے ساتھ راشن دیا گیا۔۔۔
حکومت نے غریب عوام تک راشن پہنچانے کے لیے اب تک کئی اجلاس کر دیے اور اب بھی کہا گیا کہ یہ معاملات ریجسٹریشن وغیرہ کے مراحل میں ہے ۔۔
افسوس ہے اس وقت کے امیر طبقہ کی خاموشی پر ۔۔۔۔۔
اور اگر غریب عوام کی مدد کے لیے کچھ پیسہ دینے کا کہا بھی گیا تو صرف 2,3 ہزار کی مدد ۔۔۔۔
بھلا اتنے پیسوں میں ایک مہینے کا خرچ کیسے ممکن ہے ؟
چلو اتنا ہی سہی مگر دو گے کب ؟؟؟
جب بھوک سے نڈھال عوام سڑکوں پر آجائے گی
جب عوام چوری چکاری پر اُتر آئے گی
جب چھینا جھپٹی شروع ہو جائے گی
غریب عوام کا جو بھوک سے بُرا حال ہو رہا ہے تو یقینا اب سے کچھ دنوں بعد یہ حال بھی شروع ہو جائے گا ۔۔۔
ایسے حالات پیدا کیوں نہ ہوں یہاں زیادہ آبادی دیہاڑی دار طبقے کی تھی کوئی مزدوری کرتا تھا، کوئی رنگ کرنے والا،کوئی پہاڑیوں پر کام کرنے والا کسی کی چھوٹی موٹی دکان تھی ۔۔۔یہ وہ لوگ تھے جو روز کا روز کما کر لاتے تھے تو ہی شام کو کھانا کھاتے تھے ۔
اب یہ سب بند ہے گھر سے کوئی نکل نہیں سکتا کام پر کوئی جا نہیں سکتا تو پھر کھائیں گے کہاں سے
اور راشن پہنچانے کے لیے اجلاس پر اجلاس ہوئے جا رہے ہیں لیکن ملے گا تب شاید جب عوام بھوک سے مرنے لگے گی ۔۔۔
اور پھر رہی بات حق،حق دار تک۔۔۔۔
تو یہ بات تو میں نے اپنی زندگی میں پوری ہوتی دیکھی ہی نہیں
پہلی بات تو یہ کہ غریب تک مدد پہنچتی ہی نہیں اگر پہنچ بھی جائے تو مثال کے طور پر اگر 100 ہے تو غریب آدمی تک پہنچتے پہنچتے 30 رھ جائیں گے۔۔
سنو لوگو۔۔۔۔
اگر یہ ہی حال رہا تو آنے والا دور اس سے زیادہ خطرناک ہو سکتا ہے اس بیماری سے بھی زیادہ خطرناک ۔۔۔
ہم صرف حکومت کو ہی بلیم نہیں کر سکتے جو پیسے والے ہیں عام لوگ اُن کو بھی اس مشکل وقت میں حکومت اور غریب عوام کا ساتھ دینا ہو گا
یاد رکھنا۔۔۔
زندگی نا رہی تو پیسہ کس کام کا؟؟
جو دے سکتے ہیں مدد کر سکتے ہیں تو اب کریں کیوں کہ یہ وقت ہے کھلے دل سے مدد کریں غریب لوگوں کی دعائیں سمیٹ لیں۔۔
اس سے اللہ تعالیٰ بھی خوش اور اللہ تعالیٰ کی مخلوق بھی خوش ہو گی ۔۔
زیادہ نا صحیح اپنے گھر کے آس پاس غریب لوگوں کا پتہ کریں اُن کی مدد کریں پھر محلے کے لئے پھر اسی طرح اپنے گاؤں اور قصبے کے لئے آگے بڑھیں ۔۔۔
گھبرانا نہیں جتنا لوگوں پر لگاؤ گے اللہ تعالیٰ اتنا مال عطا کریں گے اتنی برکتیں اور نیکیاں سمیٹتے چلے جائیں گے۔۔۔۔
اس ساری صورتحال کے باوجود کُچھ ایسے فلاحی ادارے بھی ہیں جنہوں نے اب تک غریب عوام کی مدد کے لیے کافی حد تک راشن کا انتظام کیا اور کچھ نے رات کے اندھیرے میں چھپ کے لوگوں کی مدد کی اللہ تعالیٰ اُن کو اس کا بہت اجر عظیم عطا فرمائے گا۔۔۔
لیکن پھر بھی جتنی ملک کی آبادی ہے اُس کے لیے حکومت،عوام سب کو نیک نیتی کے ساتھ آگے بڑھنا ہو گا پھر ان شاء اللہ ۔
اللہ نے چاہا تو اس بیماری اور غربت سے ضرور نجات حاصل ہو گی ۔۔
اللہ تعالیٰ ہمیں عمل کی توفیق عطا فرمائے آمین ثم آمین یا رب العالمین

حکومت، لاک ڈاؤن،اور غریب عوام
تحریر: ساجدہ بٹ

صاحب صدر , گرامی قدر , قابل عزت, قابل احترام , صدر مملکت, ہمارے قومی ہیرو, جناب وزیر اعظم پاکستان …
اسلام علیکم….!!!
امہد کرتی ہوں آپ خیریت, ایمان اور صحت کی بہترین حالت میں ہونگے….
میں مملکت پاکستان اور ریاست اسلام کی ایک ادنی سی بندی ایک چھوٹی سی عرض لے کر آپکی خدمت میں حاضر ہوئی ہوں…..
اس امید کے ساتھ کہ آپ نظر ثانی کے بعد توجہ طلب نتائج سامنے لائیں گے…اور عوام کیلئیے اپنے اصلاحی فلاحی اور مثبت اقدامات ایک اور اضافہ کریں گے…

جناب عالی…!!!
عرض یہ کرنا چاہتی ہوں کہ جس طرح احسن طریقے سے آپ نے کورونا وائرس کو لیتے ہوئے احتیاطی اقدامات نافذ کروائے ہیں…اور عمل درآمد کروایا ہے…اسی سے منسلک ایک چھوٹی سی سوچ میں آپکے گوش گزارنا چاہتی ہوں… جسے پروان چڑھا کر آپ تناور درخت کی ماند کھڑا کریں گے…جس کے سائے میں یہ مملکت پاکستان اس عذاب خداوندی کی کڑی دھوپ سے آرام پائے گی…

جناب صدر ہر انسان کی فطرت میں یہ چیز پوشیدہ ہے کہ….اسکی ذہنی اور قلبی کیفیت کو جو شخصیت متاثر کرتہ ہو اسی کی بات اسکے ذہن و سوچ میں گھر کرتی ہے….اسی انسانی فطرت کو پیش نظر رکھتے ہوئے مختلف سیلبریٹیز کو ہائر کر کے ان سے کورونا سے متعلق حفاظتی اقدامات کہلوائے گئے….تا کہ عوام دلچسپی سے سنے اور عمل کرے…. سیلیبریٹیز کی طرح آپ سے بھی قوم بہت متاثر ہے…آپکو اپنا ہیرو مانتی اور جانتی ہے…آپکو سنتی ہے…
تو کیوں مہ اپنے سننے اور چاہنے والوں کی زندگیوں کی ضنمامت کے طور پر آپ کوتونا سے متعلق اقدامات میں ایک ایسی نئ اور متاثر کن حکمت عملی کا اضافہ کریں خو نہ صرف ان کی جان.کیلییے امان ثابت ہو بلکہ اس آفت کے مٹنے کے بعد بھی آئندہ اور بعد کی زندگی میں ان کیلئیے راحت کی موئجب بنی رہے…

جیسے کہ ان اقدامات کے تحت عوام.میں فاصلے تو پیدا ہو گئے ہیں لیکن اس کے بر عکس ایک گھر ایک چھت ایک یونٹ کے اند رہنے والے لوگ ایک دوسرے کے قریب آ گئے ہیں…
ایک کفالت کرنے والا باپ جو منہ اندھیرے خوابیدہ بچوں کو چھوڑ کر کمانے کی فکر میں دنیا کی ےیز رفتاری میں دھکے کھا کر … سارا دن معاشرے اور حالات کی سختی کے بعد …کمائی کے چند پیسوں کے ساتھ ….دہلیز کے اس پار آرام.اور سکون کی دنیا گھر میں داخل ہوتا تو اپنے پیارون کو خواب غفلت میں ڈوبا پا کر مایوس چہرے کے ساتھ ….کھا پی کر….بستر پر آرام کیلئے…اگلے دن کی تکیلف دہ سوچوں اور فکروں کے ساتھ سو جاتا تھا…

آج وہ باپ اپنی اولاد کو اپنے سامنے پاتا ہے انکو دیکھتا… ہے سنتا ہے…باتیں کرتا ہے…اور وعض و نصیحت کرتا ہے…ےو یہ اپکی اس حکمت عملی کے تحت ممکن ہوا ہے…
اسی حکمت عملی کو مزید بہتر طریقے سے استعمال کیا جا سکتا ہے…اگر باپ اس وقت کو اولاد کی تربیت اور اصلاح کیلئیے استعمال کرے…
ایک وہ تربیت ہے جو وہ بچپن سے اب تک اپنہ اولاد کی کرتا آرہا ہے…ایک یہ تربیت ہے…جو وہ اب کرے گا…قرآن اور اسکے ترجمے کی روشنی میں…

لوگوں سے دوری اگر انسانوں کو اللہ کے قریب کر دے تو کیا یہ زیادہ فائدہ مند نہیں ? اپنے رب کو راضی کر کے اس عذاب سے بچنے میں….?
کیا ہو اگر ہر والد نماز کے بعد اپنی اولاد کو ہمراہ لئیے چند قرآنی آیات کا ترجمہ سمجھائے…؟؟؟ جو اس نوجوان نسل میں سے برائی کی جڑ کو آہستہ آہستہ ختم کر سکتی ہیں…
کیا ہوا اگر ہینڈ سینیٹائز کے ساتھ ہر باپ اپنی اولاد کو 5 وقت وضو کے علاوہ باقی وقت بھی باوضو رہنے کی تاکید کرے….؟؟؟

قرآن جسھ کتاب الشفاء کہا گیا ہے ہر گھر میں موجود ہونے کے باوجود …باہر سے شفاء بخش ادویات خرید کر خود کا بچائو ممکن بنایا جا رہا ہے تو کیوں نہ تو کیوں نہ اس کتاب الشفاء کے استعمال کو معمولات زندگی اس طرح روز شامل کیا جائے کہ….صرف کورونا سے ہی نہیں…ہر طرح کی بیماری سے شفا یاب ہو جائیں…

حفاظتی تدابیر کے ساتھ والدین بچوں کو اس کتاب الشفاء کیاوہ آیات ورد کروائیں جو جو ان کو عمر بھر کیلئے ہر بیماری سے شفا یاب کر دیں..
وہ کتاب جو کردار کو تعمیر کر کے گوہر نایاب بنا سکتی ہے اس کتاب کا مطالعہ ترجمہ کے ساتھ ضروری قرار دے دیا جائے…تو ممکن نہیں بلکہ طے ہے کہ…
قوم کو…

ملک پاکستان کو…
فرامنبردار اور جانثار بیٹے ملیں گے جو …جو علم و ہنر میں اتنے وسیع و فصیح ہونگے….کہ قومی صنعت و معیشت نیز ملکی ترقی میں سرمایہ ثابت ہونگے….
گھر میں بیٹھے بچوں کو کمیوٹر اور انٹرنیٹ کے منفی استعمال سے ہٹ کر …انہیں مثبت اور تعمیری استعمال سکھایا جائے تا کہ وہ ملک و قوم کیلییے کچھ کر سکیں….
یہ وقت ہے ایک باپ کے عملی کردار میں اترنے کا…

تو….محترم عمران خان صاحب…آپ پوری قوم کے باپ ہیں…. یہ لائحہ عمل سروع ہوتا ہے,,,,,
آپ سے…..
آپ کے خطاب سے…
آپکی حکمت عملی سے….
آپ کے عملی کردار سے……
ہم پاکستانی آپکی نافذ کردہ اس مہم

Stay at Home
میں اپکے ساتھ ہیں…جس میں آپ اس نئے نقطے کا اضافہ کر کے ….. اسے قوم.کیلئے
مزید پر اثر…
فائدہ مند….
اور نفع بخش بنا سکتے ہیں…
براہ کرم میرے اس نقطہ نظر پر….

اپنے وجدان, اور زمانہ شناسی کی بے پناہ صلاحیت کو استعمال کرتے ہوئے…
اپنے بیش قیمتی امور میں سے وقت نکال کر….
تھوڑی توجہ فرما کر…
ایک خطاب کا وقت مقرر فرما کر…

وقت مقررہ پر پیغام بالعوام الناس کو لیکچر کے ذرئعیے ڈلیور کر کے…..
اس پیغام کو اپنے چاہنے اور سننے والوں کے ذرئعیے عام کیجئے …. اور اس پر عمل ممکن بنائیے…..
مجھ سمیت تمام عوام کی نگاہیں اپکے اس فیصلے پر ٹکی ہوئی ہیں… اس نقطہ پر عمل کروا کے ہم پاکستانیوں کو قلع اسلام کے اس سلطان عظیم,, جناب عمران خان پر فخر کا موقع فراہم کیجئیے….
شکریہ
عمران خان…..!!!
فخر پاکستان…!!!
پاکستان زندہ باد!!!!

✍🏻قلم نگار
ڈاکٹر ماریہ نقاش