Baaghi TV

Category: کاروبار

  • پاکستان کا غیر ملکی مصنوعات پر انحصار بڑھنے لگا

    پاکستان کا غیر ملکی مصنوعات پر انحصار بڑھنے لگا

    پاکستان کا غیر ملکی مصنوعات پر انحصار بڑھنے لگا، گاڑیوں اور اسمارٹ موبائل فونز سمیت متعدد غیر ملکی لگژری اشیاء کی درآمدات میں نمایاں اضافہ ہوگیا، موجودہ مالی سال کے پہلے آٹھ ماہ کے دوران مجموعی درآمدات 45 ارب ڈالر سے تجاوز کرگئیں۔

    آئی ایم ایف کی ایک قسط سے زیادہ مالیت کے تو صرف اسمارٹ موبائل فونز اور گاڑیاں امپورٹ کی گئیں، زرعی ملک ہونے کے باوجود پاکستان میں کھانے پینے کی اشیاء کی درآمد بھی بڑھ گئیں۔رپورٹ کے مطابق غیرملکی درآمدات میں 8.21 فیصد اضافہ ہوا، حجم 45 ارب ڈالر سے تجاوز کرگیا، جولائی تا فروری امپورٹس میں 3 ارب 45 کروڑ ڈالر کا اضافہ ریکارڈ کیا گیا۔زرعی ملک ہونے کے باوجود پاکستان کا امپورٹڈ خوراک پر انحصار بڑھنے لگا، غذائی اشیا کی درآمدات میں 18.42 فیصد اضافہ ہوا اور حجم 6.41 ارب ڈالر ہوگیا، گزشتہ سال کے مقابلے ایک ارب ڈالر کی اضافی غذائی اشیاء امپورٹ ہوئیں۔دستاویز کے مطابق مہنگی کاروں کی امپورٹ 126 فیصد اضافے سے 1.53 ارب ڈالر سے زائد رہی، چینی، خشک میوے، چائے، مصالحے، سویا بین اور پام آئل کی امپورٹ بھی بڑھی۔

  • سونے کی قیمت میں آج پھر اضافہ

    سونے کی قیمت میں آج پھر اضافہ

    پاکستان اور عالمی مارکیٹ میں سونے کی قیمت میں آج پھر اضافہ دیکھنے میں آ رہا ہے۔

    پاکستان میں فی تولہ سونے کی قیمت میں 3700 روپے کا اضافہ ہوگیا ملک میں فی تولہ سونا 3700 روپے اضافے کے بعد 543,262 روپے کا ہوگیا جب کہ 10 گرام سونا 3172 روپے اضافے کے بعد 465,759 روپے کا ہو گیاہے اس کے علاوہ 10 گرام 22 قیراط سونے کی قیمت 426,961 روپے ہوگئی، جبکہ عالمی بازار میں سونا 37 ڈالر اضافے کے بعد 5205 ڈالر فی اونس کا ہوگیاہے۔

    فی تولہ چاندی کی قیمت بغیر کسی تبدیلی کے 9ہزار 354 روپے کی سطح پر مستحکم رہیں، فی دس گرام چاندی کی قیمت بھی بغیر کسی تبدیلی کے 8ہزار 019روپے کی سطح پر مستحکم رہیں۔

  • پاکستان بھر میں سونے کی قیمت میں کمی

    پاکستان بھر میں سونے کی قیمت میں کمی

    پاکستان میں سونے کی قیمت میں 6500 روپے کی کمی ہوئی ہے۔

    آل پاکستان جیمز اینڈ جیولرز کے مطابق ملک بھر میں سونے کی قیمت 6500 سو روپے کم ہوکر 5 لاکھ 33ہزار 362 روپے ہوگئی ہے اس کے علاوہ 10 گرام سونے کا بھاؤ 5573 روپے کم ہوا ہے جس کے بعد اب 10 گرام سونے کی قیمت 4لاکھ 57ہزار 271 روپے ہے جبکہ عالمی بازار میں سونے کا بھاؤ 65 ڈالر کم ہوکر 5106 ڈالر فی اونس ہے،جبکہ فی تولہ چاندی کی قیمت 37 روپے کی کمی سے 8ہزار 894 روپے اور فی دس گرام چاندی کی قیمت بھی 31روپے کی کمی سے 7ہزار 625روپے کی سطح پر آگئی۔

    ایران کے میزائلوں کی بارش،اسرائیل کی تنصیبات تباہ

    مجتبیٰ خامنہ ای کا بطور سپریم لیڈر انتخاب ایران کا داخلی معاملہ ہے، چین

    افغان طالبان کا ٹی ٹی پی کے اہم کمانڈروں کو کابل کے ڈپلومیٹک انکلیو میں پناہ دینے کا انکشاف

  • امریکا میں پیٹرول اور ڈیزل کی قیمتوں میں اضافہ

    امریکا میں پیٹرول اور ڈیزل کی قیمتوں میں اضافہ

    امریکا اور اسرائیل کی ایران کے ساتھ جنگ کے باعث امریکا میں پیٹرول اور ڈیزل کی قیمتوں میں نمایاں اضافہ ریکارڈ کیا گیا ہے۔

    ماہرین کے مطابق عالمی منڈی میں تیل کی قیمت 90 ڈالر فی بیرل سے تجاوز کرنے کے بعد امریکی صارفین کو ایندھن کی قیمتوں میں 10 فیصد سے زائد اضافے کا سامنا ہے جبکہ آنے والے دنوں میں مزید اضافہ بھی متوقع ہے۔

    رائٹرز کے مطابق امریکا میں پیٹرول اور ڈیزل کی قیمتوں میں اس ہفتے نمایاں اضافہ دیکھا گیا ہے کیونکہ ایران کے ساتھ جاری جنگ کے باعث تیل اور ایندھن کی عالمی سپلائی متاثر ہو رہی ہےتجزیہ کاروں کا کہنا ہے کہ یہ صورتحال نومبر میں ہونے والے وسط مدتی انتخابات سے قبل صدر ڈونلڈ ٹرمپ اور ان کی جماعت کے لیے ایک سیاسی امتحان بھی بن سکتی ہے۔

    ایوان صدر میں یتیم بچوں کے اعزاز میں افطار ڈنر

    اعداد و شمار کے مطابق پیٹرول کی اوسط قومی قیمت 3.32 ڈالر فی گیلن تک پہنچ گئی ہے جو ایک ہفتے کے مقابلے میں تقریباً 11 فیصد زیادہ ہے اور ستمبر 2024 کے بعد بلند ترین سطح ہے، اسی طرح ڈیزل کی قیمت بڑھ کر 4.33 ڈالر فی گیلن ہو گئی ہے جو ایک ہفتے میں تقریباً 15 فیصد اضافے کے بعد نومبر 2023 کے بعد کی بلند ترین سطح ہے۔

    امریکا کے مڈویسٹ اور جنوبی ریاستوں میں ایندھن کی قیمتوں میں سب سے زیادہ اضافہ دیکھا گیا ہے۔ ریاست جارجیا میں گزشتہ ایک ہفتے کے دوران پیٹرول کی قیمت میں تقریباً 40 سینٹ فی گیلن اضافہ ریکارڈ کیا گیا جبکہ انڈیانا اور ویسٹ ورجینیا میں بھی قیمتوں میں 40 سینٹ سے زائد اضافہ ہوا۔

    سعودی عرب:سیکیورٹی اہلکاروں کے لیے قرآنِ کریم حفظ مقابلے کا اعلان

    ماہرین کے مطابق اگر عالمی منڈی میں تیل کی قیمتیں اسی طرح بڑھتی رہیں اور سپلائی میں رکاوٹ برقرار رہی تو آنے والے دنوں میں امریکا میں پیٹرول کی اوسط قیمت 3.50 سے 3.70 ڈالر فی گیلن تک پہنچ سکتی ہے جمعہ کو امریکی تیل کے سودے 90.90 ڈالر فی بیرل پر بند ہوئے جو کئی برسوں میں سب سے بڑا یومیہ اضافہ قرار دیا جا رہا ہے۔

    تجزیہ کاروں کا کہنا ہے کہ مشرق وسطیٰ میں کشیدگی اور آبنائے ہرمز میں جہاز رانی متاثر ہونے کے باعث امریکی تیل کی عالمی طلب میں اضافہ ہوا ہے جس سے مقامی سطح پر بھی قیمتیں بڑھ رہی ہیں،ماہرین کے مطابق ڈیزل کی قیمتوں میں اضافے کے اثرات خوراک، اشیائے ضروریہ اور عالمی تجارت سمیت مختلف شعبوں پر پڑتے ہیں کیونکہ ڈیزل بنیادی طور پر مال برداری، صنعت اور زرعی شعبے میں استعمال ہوتا ہے۔

    موجودہ عالمی صورتحال کے باعث تیل کی قیمتیں بڑھانا پڑی، عطا تارڑ

  • سونے اور چاندی کی قیمتوں میں اضافہ

    سونے اور چاندی کی قیمتوں میں اضافہ

    عالمی اور مقامی مارکیٹوں میں سونے اور چاندی کی قیمتوں میں اضافہ ریکارڈ کیا گیا ہے-

    عالمی مارکیٹ میں سونے کی قیمت 61 ڈالر کے اضافے سے 5 ہزار 171 ڈالر فی اونس تک پہنچ گئی بین الاقوامی مارکیٹ میں اضافے کے باعث مقامی سطح پر بھی سونے کی قیمت میں اضافہ ہوا، جس کے نتیجے میں فی تولہ سونا 6 ہزار 100 روپے اضافے کے بعد 5 لاکھ 39 ہزار 862 روپے پر پہنچ گیا اسی طرح 10 گرام سونے کی قیمت میں 5 ہزار 230 روپے کا اضافہ ہوا اور یہ 4 لاکھ 62 ہزار 844 روپے ہوگئی جبکہ چاندی کی فی تولہ قیمت میں بھی 17 روپے کا اضافہ ہوا اور یہ 8 ہزار 931 روپے ہوگئی۔

    واضح رہے کہ جمعہ کو سونے کی فی تولہ قیمت میں 3 ہزار 400 روپے کی کمی ریکارڈ کی گئی تھی اور یہ 5 لاکھ 33 ہزار 762 روپے تھی۔

    پیٹرول مہنگا :جامعہ کراچی میں صبح کی کلاسز آن لائن کرانے کا فیصلہ

    اسحاق ڈار کا سیکریٹری جنرل دولت مشترکہ اور یو اے ای ہم منصب سے رابطہ

    ٹرمپ کے قتل کی سازش :امریکا میں پاکستانی شہری کو قصوروار قرار دیا گیا

  • سونے اور چاندی کی قیمتوں میں کمی

    سونے اور چاندی کی قیمتوں میں کمی

    ملک میں سونے کی فی تولہ قیمت میں تیزی سے کمی کا سلسلہ جاری ہے۔

    آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2800 روپے کم ہوئی ہے جس کے بعد ملک میں ایک تولہ سونا 5لاکھ 37ہزار 162روپے کا ہوگیا ہے 10 گرام سونے کی قدر2 ہزار 401روپے گھٹ کر 4لاکھ 60ہزار 529روپے ہوگئی ہے،بین الاقوامی بلین مارکیٹ میں آج جمعرات کے روز فی اونس سونے کی قیمت 28ڈالر کی کمی سے 5ہزار 144ڈالر کی سطح پر آگئی ۔

    مقامی مارکیٹ میں آج فی تولہ چاندی کی قیمت 194 روپے کی کمی سے 8ہزار 810 روپے کی سطح پر آگئی جب کہ فی 10 گرام چاندی کی قیمت بھی 166روپے کی کمی سے 7ہزار 553روپے کی سطح پر آگئی۔

    بی ایل اے کا اہم کمانڈرافغانستان میں ہلاک

    بھارت اور کینیڈا کے درمیان یورینیم فراہمی اور جوہری ٹیکنالوجی تعاون پر پاکستان کا تشویش کا اظہار

    ایران کےخلاف جنگ :اسرائیلی معیشت کو ایک ہفتے میں 9 ارب شیکل سے زائد نقصان

  • سونے کی قیمت میں بڑی کمی

    سونے کی قیمت میں بڑی کمی

    پاکستان میں سونے کی قیمت میں ریکارڈ اضافے کے بعد بڑی کمی ہوئی ہے، جہاں فی تولہ سونے کی قیمت میں 13900 روپے اور 10 گرام سونے کی قیمت میں 11917 روپے کمی ہوئی ہے۔

    کاروباری ہفتے کے دوسرے روز عالمی اور مقامی مارکیٹوں میں سونے کی قیمت میں کمی ہوئی ہے، جہاں 3 روزہ وقفے کے بعد سونے اور چاندی کی قیمتوں میں بڑی کمی ریکارڈ کی گئی ہے۔

    آل پاکستان جیمز اینڈ جیولرز کے مطابق پاکستان میں سونے کی فی تولہ قیمت 13 ہزار 900 روپے کمی کے بعد 5 لاکھ 49 ہزار962 روپے ہوگئی ہے اس کے علاوہ 10 گرام سونے کی قیمت 11 ہزار 917 روپےکم ہو کر 4 لاکھ 71 ہزار 503 روپے کی سطح پر آگئی جب کہ 10 گرام 22 قیراط سونے کی قیمت 5 لاکھ 32 ہزار 226 روپے ہو گئی،اسی طرح بین الاقوامی بلین مارکیٹ میں سونے کی قیمت 139 ڈالر کمی کے بعد 5 ہزار 272 ڈالر فی اونس ریکارڈ کی گئی ہے۔

    پاکستان ہاکی ٹیم کی انٹرنیشنل رینکنگ میں بہتری ہوگئی

    دوسری جانب پاکستان میں چاندی کی فی تولہ قیمت 1146 روپے کی کمی سے 8 ہزار 904 روپے کی سطح پر آگئی جب کہ فی 10 گرام چاندی کی قیمت بھی 986 روپے کی کمی سے 7 ہزار 633 روپے کی سطح پر آگئی۔

    ابھی واضح نہیں قونصل خانے پر احتجاج کے دوران کس نے فائرنگ کی تھی،شرجیل میمن

  • خام تیل کی عالمی قیمتوں میں اضافہ،پاکستان میں بھی پیٹرول مہنگا ہونے کا امکان

    خام تیل کی عالمی قیمتوں میں اضافہ،پاکستان میں بھی پیٹرول مہنگا ہونے کا امکان

    ماہرین توانائی کا کہنا ہے کہ خام تیل کی عالمی قیمتوں میں اس اضافے کے نتیجے میں پاکستان میں آئندہ 15 روزہ میں پیٹرول کی قیمت میں اضافے کا امکان ہے-

    ماہرین توانائی کا کہنا ہے کہ خام تیل کی عالمی قیمتوں میں اس اضافے کے نتیجے میں پاکستان میں آئندہ 15 روزہ نظرثانی کے دوران پیٹرول کی قیمت میں 10 سے 15 روپے فی لیٹر تک اضافے کا امکان ہے، جبکہ ڈیزل 20 روپے فی لیٹر تک مہنگا ہو سکتا ہے، اور اگر خام تیل کی قیمت 80 ڈالر فی بیرل کو کراس کرتی ہے تو قیمتوں میں 25 روپے فی لیٹر تک کا اضافہ ہو سکتا ہے-

    واضح رہے کہ یکم مارچ کو جب حکومت نے پیٹرول کی فی لیٹر قیمت میں 8 روپے کا اضافہ کیا تھا اس وقت خام تیل کی قیمت 73 ڈالر فی بیرل تھی جو کہ اب بڑھ کر 77.09 فی بیرل ہو گئی ہے، اس قیمت میں مزید بھی اضافے کا امکان ہے۔

    امریکا کی اپنے شہریوں کو سعودی عرب سمیت مشرقِ وسطیٰ کے 14ممالک فوری طور پر چھوڑنے کی ہدایت

    مشرقِ وسطیٰ میں بڑھتی ہوئی جنگی کشیدگی کے باعث عالمی منڈی میں خام تیل کی قیمتوں میں نمایاں اضافہ دیکھنے میں آ رہا ہے، بین الاقوامی مارکیٹ میں برینٹ خام تیل کی قیمت ایک ہی دن میں 5.79 فیصد اضافے کے بعد 77.09 ڈالر فی بیرل تک جا پہنچی، جبکہ ایران پر امریکی اور اسرائیلی حملوں کے بعد تیل کی قیمتوں میں مجموعی طور پر 10 فیصد اضافہ ریکارڈ کیا گیا اور قیمت 80 ڈالر فی بیرل تک پہنچ گئی، اگر بحران طویل ہوا اور آبنائے ہرمز میں تیل کی ترسیل متاثر رہی تو خام تیل 100 ڈالر فی بیرل تک بھی جا سکتا ہے-

    دوسری جانب وزیراعظم شہباز شریف نے عالمی منڈی میں تیل کی بڑھتی قیمتوں کے ممکنہ اثرات کے پیشِ نظر 18 رکنی اعلیٰ سطحی کمیٹی تشکیل دے دی ہے نوٹیفکیشن کے مطابق وزیر خزانہ محمد اورنگزیب کمیٹی کے کنوینر ہوں گے۔

    ایرانی حملوں سے متحدہ عرب امارات اور بحرین میں تین زونز کو نقصان پہنچا،ایمیزون کی تصدیق

    کمیٹی میں وزیر پیٹرولیم، وزیر توانائی، وزیر مملکت خزانہ، مختلف وزارتوں کے سیکریٹریز، گورنر اسٹیٹ بینک، چیئرمین ایف بی آر، چیئرمین اوگرا اور دیگر اعلیٰ حکام شامل ہیں، کمیٹی عالمی جنگی صورتحال کے باعث پاکستان کی معیشت پر پڑنے والے اثرات، تیل کی سپلائی اور قیمتوں پر مسلسل نظر رکھے گی، جبکہ پیٹرو لیم سپلائی متاثر نہ ہونے کے لیے حکمتِ عملی بھی تیار کرے گی۔

  • پیٹرولیم مصنوعات کی قیمتوں میں بڑا اضافہ

    پیٹرولیم مصنوعات کی قیمتوں میں بڑا اضافہ

    وزارت پیٹرولیم نے پیٹرول کی قیمت میں 8 روپے اور ہائی اسپیڈ ڈیزل میں 5 روپے 16 پیسے فی لیٹر اضافہ کر دیا۔

    وزارت پیٹرولیم کی جانب سے جاری نوٹیفکیشن کے مطابق پیٹرول اور ہائی اسپیڈ ڈیزل کی قیمتوں میں نمایاں اضافہ کیا گیا ہے پیٹرول کی فی لیٹر نئی قیمت 266 روپے 17 پیسے مقرر کی گئی ہے جب کہ ہائی اسپیڈ ڈیزل کی نئی قیمت 280 روپے 86 پیسے ہو گئی ہے یہ اقدام عالمی مارکیٹ میں تیل کی بڑھتی قیمتوں اور ملکی اقتصادی حالات کی وجہ سے ضروری قرار دیا گیا ہے۔

    واضح رہے کہ نئی قیمتیں آج رات 12 بجے سے نافذ العمل ہوگئیں ہیں-

    امریکی فضائی دفاع قطر میں العدید اڈے پر اپنے ہدف کو نشانہ بنانیوالے ایرانی میزائل کو روکنے میں ناکام

    ایرانی پاسداران انقلاب نے آبنائے ہرمز بند کر دی

    کویت انٹرنیشنل ایئرپورٹ پر ڈرون حملہ، متعدد ملازمین زخمی

  • سونے اور چاندی کی قیمتوں میں مزید اضافہ

    سونے اور چاندی کی قیمتوں میں مزید اضافہ

    امریکا اور اسرائیل کی ایران پر مشترکہ حملوں سے خطے میں انتہائی کشیدہ صورتحال نے سونے اور چاندی کی قیمتوں میں بھی اضافہ ہو گیا ہے،فی تولہ سونے کی قیمت میں 10 ہزار کا اضافہ ہوا ہے-

    آل پاکستان صرافہ جیمز اینڈ جیولرز ایسوس ایشن کے مطابق، فی تولہ سونے کی قیمت 10 ہزار روپے بڑھ کر 5 لاکھ 50 ہزار 562 روپے ہو گئی پاکستان میں 10 گرام سونے کی قیمت 8 ہزار 574 روپے کے اضافے کے بعد 4 لاکھ 47 ہزار 18 روپے ہو گئی عالمی مارکیٹ میں سونے کی قیمت 100 ڈالرز کے اضافے کے ساتھ 5278 ڈالرز فی اونس تک پہنچ گئی جبکہ 388 روپے کے اضافے سے چاندی کی ایک تولہ قیمت 9862 روپے ہو گئی ہے۔

    ماہرین کے مطابق عالمی معاشی صورتحال اور سرمایہ کاروں کی سونے میں بڑھتی دلچسپی کے باعث قیمتوں میں اتار چڑھاؤ جاری رہنے کا امکان ہے۔