Category: کاروبار

کراچی: انٹر بینک میں ڈالر کی قیمت پھرآؤٹ آف کنٹرول ہو گئی، آج کاروبار کے دوران ڈالر 189روپے سے بھی تجاوز کر گیا۔

باغی ٹی وی : ملک میں موجودہ سیاسی حالات کے پیش نظرکرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے۔ کاروباری ہفتے کے چوتھے روز بھی ڈالر کی قدر میں اضافہ ہوا۔

ٹریڈنگ کے دوران ڈالر کی قدر میں 3.39 روپے کا اضافہ ہوا، جس کے بعد ڈالر 189.51 روپے کی نئی بلند ترین سطح پر آگیا۔

ڈالر کی قدر میں یکم مارچ سے اب تک 12.10 روپے کا اضافہ ہوچکا ہے جبکہ رواں مالی سال کے دوران ڈالر کے مقابلے میں روپے کی قدر اب تک 20.50 فیصد گھٹ چکی ہے۔

گزشتہ روز انٹر بینک مارکیٹ میں ڈالر کی قدر میں 1.07 روپے کا مزید اضافہ ہوا تھا اور روپے کے مقابلے میں امریکی ڈالر ملک کی تاریخ کی بلند ترین سطح 186.30 روپے کی نئی بلند ترین سطح پر بند پر ہوا تھا۔

اسٹیٹ بینک نے ڈالر کی خریداری پر پابندی لگاتے ہوئے کہا کہ ایک دن میں ایک شخص 10 ہزار ڈالر خرید سکتا ہے اور سفری سہولت کے لیے ایک سال میں 60 ہزار تک ڈالر خریدا جا سکتا ہے۔

پاکستان اسٹاک ایکسچینج میں آج کاروبار کا منفی دن رہا اور 100 انڈیکس میں ساڑھے 1200 پوائنٹس کی کمی ہوئی۔

باغی ٹی وی : پی ایس ایکس میں مندی کے ساتھ آغاز کے بعد دباو کی کیفیت جاری رہی اور بینچ مارک ٹریڈنگ کے دوران 100 انڈیکس 1250 پوائنٹس کم ہوکر 43 ہزار 902 پربند ہوا-

کاروباری دن میں 17 کروڑ شیئرز کے سودے ہوئے شیئرز بازارکےکاروبار کی مالیت 5.49 ارب روپے رہی، مارکیٹ کیپٹلائزیشن 184 ارب روپےکم ہوکر 7415 ارب روپے ہے-

نجی خبررساں ادارے ڈان سے باتے کرتے ہوئے انٹر سیکوریٹیز مارکیٹ کے ہیڈ آف ریسرچ رضا جعفری کا کہنا تھا کہ فیصلہ ایسا تھا جس کی توقع نہیں کی جارہی تھی اور معاملہ آگے چلا گیا ہے جس کی وجہ سے بازار نے زیادہ ردعمل دیا ہے انہوں نے کہا کہ یہ دباؤ آگے بھی جاری رہ سکتا ہے۔

اسٹاک بروکر ظفر موتی نے کہا کہ ہفتہ وار چھٹیوں پر جو سیاسی حالات پیدا ہوئے وہ سرپرائز تھے اور اسٹاک مارکیٹ نے بھی اس پر توقعات کے برعکس ردعمل دیا اب سپریم کورٹ کے فیصلے تک اسٹاک مارکیٹ دباؤ میں ہی رہے گی۔

قوم راشن پرست یا آپ شہرت پرست ؟؟ ازقلم:غنی محمود قصوری

واضح رہے کہ اتوار کو قومی اسمبلی میں وزیراعظم کے خلاف اپوزیشن کی تحریک عدم اعتماد کو ڈپٹی اسپیکر قاسم سوری نے مسترد کر دیا تھا، جس کے بعد صدر مملکت ڈاکٹر عارف علوی نے وزیراعظم کی تجویز پر قومی اسمبلی تحلیل کرنے کی منظوری دے دی تھی جس کے بعد معاملہ سپریم کورٹ میں چلا گیا ہےسپریم کورٹ میں چیف جسٹس عمر عطا بندیال کی سربراہی میں 5 رکنی لارجر بینچ معاملے پر سماعت کر رہا ہے۔

دوسری جانب صدر مملکت نے نگراں حکومت کی تشکیل کے لیے وزیراعظم اور قائد حزب اختلاف کو خطوط بھی ارسال کر دیئے ہیں و ز یراعظم عمران خان نے نگراں وزیراعظم کے لیے سابق چیف جسٹس گلزار احمد کا نام تجویز کیا ہے جبکہ قائد حزب اختلاف شہباز شریف نے اس عمل میں حصہ لینے سے انکارکردیا۔

بیوروکریسی اور حالات حاضرہ، ابھرتے ہوئے نوجوان کالم نگار کی ایک اور شاندار کاوش

کراچی: انٹربینک اور اوپن مارکیٹ میں ڈالر ایک بار پھر ملکی تاریخ کی بلند ترین سطح پر پہنچ گیا-

باغی ٹی وی : ایک بار پھر ڈالر ملکی تاریخ کی بلند ترین سطح پر آگیا، کاروباری ہفتے کے دوسرے روز انٹربینک میں ڈالر کی قیمت 15 پیسے اضافے سے 182 روپے 33 پیسے تک پہنچ گئی جبکہ اوپن مارکیٹ میں 20 پیسے اضافے سے ڈالر کی قیمت 183 روپے 50 پیسے تک پہنچ گئی۔

گندم کی نئی قیمت 2200 روپے فی من مقرر

ماہرین کا کہنا ہے کہ خام تیل کی عالمی قیمت میں دوبارہ اضافے کے رجحان سے ڈالر کی ڈیمانڈ بڑھانے کا باعث بن گیا ہے جبکہ بیرونی ادائیگیوں کے دباؤ اور زرمبادلہ کے ذخائر میں مسلسل کمی طلب و رسد کو غیر متوازن کررہا ہے جس سے انٹربینک مارکیٹ میں پیر کو ڈالر کی قدر مزید 40 پیسے کے اضافے سے 182.18 روپے کے ساتھ تاریخ کی بلند ترین سطح پر بند ہوئی۔

رواں مالی سال کے پہلے8 ماہ کےدوران مالیاتی خسارہ 553 ارب سےبڑھ کر1862 ارب روپے ہو گیا

اسی طرح اوپن کرنسی مارکیٹ میں ڈالر کی قدر مزید 30 پیسے کے اضافے سے 183.30 روپے کی نئی بلند ترین سطح پر بند ہوئی۔

ماہرین کا کہنا ہے کہ معیشت کو درپیش عالمی چیلینجز اور ملک میں غیر یقینی سیاسی صورتحال نے زرمبادلہ کی دونوں مارکیٹوں میں اضطرابی کیفیت بڑھانے کا باعث بن گئی ہے جو ڈالر کی قدر میں بتدریج اضافے کا بھی سبب ہیں-

اسلام آباد: رواں مالی سال 22-2021 کے پہلے 8 ماہ کے دوران مہنگائی کی شرح ساڑھے 10 فیصد رہی ہے –

باغی ٹی وی : وزارت خزانہ کی جانب سے گذشتہ روز(پیر)ملکی معیشت پرجاری کردہ ماہانہ اپ ڈیٹ آؤٹ لک رپورٹ کے مطابق رواں مالی سال 22-2021 کے پہلے 8 ماہ کے دوران ملک کا مالیاتی خسارہ 553 ارب روپے سے زائد اضافے کے ساتھ بڑھ کر 1862 ارب روپے جبکہ تجارتی خسارہ 13 ارب 60 کروڑ ڈالر اضافے کے ساتھ بڑھ کر 27.3 ارب ڈالرہوگیا ہے۔

جبکہ رپورٹ کے مطابق مہنگائی کی شرح ساڑھے 10 فیصد رہی ہے جو کہ گزشتہ مالی سال 21-2020 کے اسی عرصے میں8.3 فیصد تھی علاوہ ازیں گزشتہ ماہ (فروری2022) کی مہنگائی کی شرح 12.2 فیصد رہی ہے جو کہ گزشتہ برس فروری 2021 میں 8.7 فیصد تھی۔

رپورٹ کے مطابق رواں مالی سال 21-2020 کے پہلے 8 ماہ کے دوران ترسیلات زر 7.6 فیصد اضافے سے 20.1 ارب ڈالر ریکارڈ کی گئی ہیں براہ راست غیر ملکی سرمایہ کاری 6.1 فیصد اضافے سے 1.26 ارب ڈالر رہی، پورٹ فولیو سرمایہ کاری مثبت رجحان کے ساتھ 90 کروڑ49 لاکھ ڈالر ہو گئی مجموعی غیر ملکی سرمایہ کاری مثبت رجحان کے ساتھ ایک ارب84 کروڑ77 لاکھ ڈالر تک پہنچ گئی ہے۔

پاکستان میں پہلا روزہ اتوار 3 اپریل جبکہ عیدالفطر 3 مئی 2022 کو ہوگی،رویت ہلال ریسرچ کونسل

دوسری جانب گزشتہ روز سروس لانگ مارچ تقریب سے خطاب کرتے ہوئے گورنر اسٹیٹ بینک رضا باقر نے کہا ہے کہ پاکستانی برآمدات بڑھانے کی صلاحیت بیش بہا ہے ماضی میں کئی وجوہات کے سبب ہم اپنی صلاحیت سے بھرپور استفادہ نہ کرسکے، بینک دولت پاکستان کا قیمت و مالی استحکام اور نمو کا ویژن ہے کووڈ وبا کے دوران کاروباری طبقے میں خوف تھا بینک دولت پاکستان نے اس وقت سرمایہ کاری کے لیے ’’ٹف‘‘ اسکیم فراہم کی۔ ’’ٹف‘‘اسکیم سے 435 ارب روپے قرض کی منظوری دی جاچکی ہے۔

رضا باقر نے کہا کہ سروس لانگ مارچ نے بھی ’’ٹف‘‘ اسکیم سے قرض لے کر ایکسپورٹس کا منصوبہ لگایا ہے۔ سروس لانگ مارچ ہماری ایکسپورٹس کو تنوع فراہم کرے گا۔ انھوں نے کہاکہ پاکستان عالمی ویلیوچین کا حصہ کیسے بنے سروس لانگ مارچ اس کی اچھی مثال ہے۔

مہنگائی کا عذاب نازل کرنے والوں کو آخری دھکا دیں،شہباز شریف

اسلام آباد: کابینہ کی اقتصادی رابطہ کمیٹی نے گندم کی نئی فصل کیلئے کم سے کم امدادی قیمت 1950 روپے سے بڑھا کر2200 روپے من مقررکردی-

باغی ٹی وی : تفصیلات کے مطابق وزیرخزانہ شوکت ترین کی زیرصدارت اجلاس ہوا جس میں ای سی سی نے گندم کی نئی فصل کیلئے کم سے کم امدادی قیمت 2200 روپے من مقررکرنے اورخریف فصل کیلیے کسانوں کوڈی اے پی، کاٹن سیڈاورسفیدمکھی کے تدارک کیلئے کیڑے مارادویات پرسبسڈی کی تاریخ میں توسیع کی منظوری دیدی۔

سندھ میں امن وامان کی بگڑتی ہوئی صورت حال اورگورنر راج کاامکان:زرداری کی زیرصدارت اہم اجلاس جاری

کمیٹی نے پنجاب میں 4 ملین میٹرک ٹن،سندھ میں 1.40 ملین میٹرک ٹن اوربلوچستان میں 0.10 ملین میٹرک ٹن گندم کی خریداری کے اہداف مقررکرنے کی منظوری بھی دی۔

اجلاس میں سندھ کیلئے کیش کریڈٹ کی حد77 ارب اوربلوچستان کیلئے 6.20 ارب روپے مقررکرنے کی منظوری دی۔ اجلاس میں توانائی ڈویژن کیلئے 50 ارب اوروزارت تجارت کیلئے 4.5 ارب کی ضمنی تکنیکی گرانٹس کی منظوری بھی دی گئی۔

وزیر خزانہ شوکت ترین نے پاکستان پیٹروکیمیکل سمپوزیم سے خطاب میں کہا تھا کہ پاکستان کو طویل مدت کے لیے سرمایہ کاری کی ضرورت ہے 60 کی دہائی میں پاکستان ایشیاکی چھٹی بڑی معیشت تھا افغان جنگ نے پاکستان کی معیشت کو نقصان پہنچایا جبکہ 2008 سے 2018 تک معیشت مضبوط بنانے پر کام ہی نہیں کیا گیا اور 2008 سے 2018 تک معیشت میں ٹیکسز کا حصہ نہ بڑھ سکا۔

وزیراعظم کے سیکرٹری اعظم خان بھی بیگانے ہوگئے

وزیراعظم عمران خانشوکت ترین نے کہا کہ حکومت کو مجبوری میں عالمی مالیاتی ادارے (آئی ایم ایف) کے پاس جانا پڑا جبکہ عمران خان کی کورونا کے دوران پالیسی کو دنیا نے سراہا پاکستان کو مستحکم معاشی ترقی کی ضرورت ہے اور غریب طبقے کو براہ راست فنڈز دے رہے ہیں جبکہ زرعی ترقی کے بغیر معیشت ترقی نہیں کر سکتی۔

قبل ازیں عالمی مالیاتی ادارے آئی ایم ایف نے روس یوکرین جنگ کے خطرناک اثرات کے بارے خبردار کرتے ہوئے کہا تھا کہ روس یوکرین کی جنگ دنیا کی معشیت اور سیاست کو ادھیڑ کر رکھ سکتی ہے روس اور یوکرین کا تصادم عالمی معشیت کے لیے ایک زوردار دھچکا ہے جس سے پیداواری شعبہ متاثر ہو گا اور نرخ بڑھیں گے۔

آئی ایم ایف کے بیان میں کہا گیا تھا کہ روس کے حملے کے اثرات دنیا کی معیشت پر ترقی کی رفتار میں کمی، مہنگائی میں اضافے کی شکل میں سامنے آئیں گے اس کے ساتھ ساتھ عالمی معیشت کو لمبے عرصے کے لیے ایک نئے سانچے میں ڈھال سکتی ہے پناہ گزینوں کی لہر اور دوسرے انسانی مسائل کے علاوہ اس جنگ سے افراط زر بڑھے گی۔ خوراک اور توانائی کی اشیا مہنگی جبکہ آمدنی کی قدر کم ہو گی۔

ووٹ فروخت کرنے سے پہلے اہلخانہ کو فروخت کروں گا: عمران خان ایماندارلیڈرہے:پی ٹی…

آئی ایم ایف کا کہنا تھا کہ علاقائی اقتصادی ترقی میں کمی کا خدشہ ہے۔سیاحت۔ تجارت سمیت مختلف میدانوں میں دباو کو محسوس کیا جائے گا موجودہ صورتحال سے افریقہ ، لاطینی امریکہ اور وسطی ایشیا متاثر ہوں گے صورت حال کے اثرات کاروبار میں خلل، سپلائی چینز کی بندش اور یوکرین کے ہمسایہ ممالک میں ترسیلات کی کمی کی صورت میں سامنے آ سکتے ہیں۔

آئی ایم کا مزید کہنا تھا کہ تجارت اور کاروبار بری طرح متاثر ہوں گے، سرمایہ کاروں میں غیریقینی بڑھے گی۔ جس سے اثاثوں کی قیمتیں گر جائیں گی مالی حالات تنگی کی طرف جائیں گے اور ابھرتی ہوئی مارکیٹس سے سرمائے کا اخراج ہو سکتا ہے۔

پاکستانی معیشت پر مالی سال22ء کی پہلی سہ ماہی رپورٹ:معیشت مضبوط ہونے کی تصدیق

اسلام آباد: یوٹیلیٹی اسٹورز کارپوریشن نے ملک بھر کے یوٹیلٹی اسٹورز پر مارچ کیلئے 2 ارب 43 کروڑ 37 لاکھ روپے کی سبسڈی مختص کردی۔

باغی ٹی وی : تفصیلات کے مطابق وزیراعظم پیکج کے تحت یوٹیلٹی اسٹورز پر پانچ اشیاء پر سبسڈی دی جارہی ہے یوٹیلیٹی اسٹورز کارپوریشن کا کہنا ہے کہ گھی، آٹے، چینی، چاول اور دالوں کیلئے سبسڈی مختص کی گئی ہے، جس کے تحت مارچ کے لئے گھی پر ایک ارب 62 کروڑ 40 لاکھ روپے کی سبسڈی مختص کی گئی ہے-

درآمدی گندم کے آٹے پر 54 کروڑ 30 لاکھ روپے، درآمدی چینی پر 22 کروڑ 50 لاکھ روپے، باسمتی چاول پر 50 لاکھ روپے، سیلا پر 30 لاکھ اور ٹوٹا چاول پر 72 لاکھ روپے کی سبسڈی مختص کی گئی ہے۔

مرغی کا گوشت من مانی قیمت پر فروخت ہونے لگا

ذرائع نے بتایا کہ دال چنا پر 75 لاکھ روپے، دال مسور پر 90 لاکھ روپے، سفید چنے پر ایک کروڑ روپے کی سبسڈی مختص کی گئی ہے۔ ذرائع کا کہنا ہے کہ یوٹیلیٹی اسٹورز پرآٹے کے 20 کلو تھیلے کی قیمت 950 روپے مقرر ہے، جب کہ چینی 85 روپے فی کلو اور گھی کی فی کلو قیمت 260 روپے مقرر ہے۔

عمران خان کے ساتھ جو بھی ہو رہا ہے وہ مکافات عمل کے سوا کچھ نہیں،مریم نواز