ہانگ کانگ (اے پی پی) ایشین سٹاک مارکیٹس میں مندی کا رحجان رہا.
تفصیلات کے مطابق ایشین سٹاک مارکیٹس میں مندی رہی جس کی وجہ امریکا چین تجارتی اور ہانگ کانگ میں سیاسی کشیدگی ہے۔ ٹوکیو کا نکی 225 انڈیکس پیر کو 84.18 پوائنٹ (0.41 فیصد) گر کر 20620.19 پوائنٹ پر بند ہوا۔ انڈیکس 6.65 پوائنٹ (0.44 فیصد) کمی کے ساتھ 1505.21 پوائنٹ پر بند ہوا۔ہانگ کانگ کا ہینگ سینگ انڈیکس وقفے پر 122.16 پوائنٹ (0.47 فیصد)کمی کے ساتھ 25602.57 پوائنٹ رہا۔
لاہور: سونے کی قیمت مزید کم ہونے سے فی تولہ سونا 700 روپے سستا ہو گیا۔
تفصیلات کے مطابق سونے کی فی تولہ قیمت میں 700 روپے کی کمی کر دی گئی جس کے بعد فی تولہ سونے کی قیمت 88 ہزار روپے ہوگئی جبکہ 10 گرام سونے کی قیمت میں 600 روپے کی کمی ہوئی ہے جس کے بعد 10 گرام سونے کی قیمت 76 ہزار 132 روپے آ گئی۔
یاد ر ہے کہ گزشتہ کچھ روز سے سونے کی قیمت میں کمی دیکھنے کو مل رہی ہے.
اسلام آباد: کاروباری ہفتے کے پہلے روز پاکستان اسٹاک مارکیٹ کا آغاز تکنیکی مسئلے کے باعث تاخیر سے ہوا اور اس میں مثبت رجحان موجود ہے۔
پیر کے روز مارکیٹ کا آغاز 29 ہزار 672 کی سطح پر ہوا اور 100 انڈیکس 421 پوائنٹس کے اضافے کے بعد 30 ہزار 94 پر دیکھا گیا ہے۔
گزشتہ ہفتے پاکستان اسٹاک ایکسچینج میں شدید مندی کا رجحان رہا۔ ماہرین نے کاروبار میں مندی کی وجہ پاک بھارت کشیدگی کو قرار دیا۔
پاکستان اسٹاک مارکیٹ رواں ہفتہ مجموعی طور پر مندی کی لپیٹ میں رہی۔ ایک ہفتہ کے دوران کے ایس ای 100 انڈیکس میں ایک ہزار 678 پوائنٹس کی کمی ریکارڈ کی گئی جبکہ بازار میں 30 اور 31 ہزار کی نفسیاتی حدیں برقرار نہ رہ سکیں۔
رواں ہفتہ کے دوران کے ایس ای 100 انڈیکس 31 ہزار 350 پوائنٹس سے گر کر 29 ہزار 672 پوائنٹس کی سطح پر آ گیا۔
کراچی: کاروباری ہفتے کے پہلے روز ڈالر کی قیمت میں 50 پیسے کمی ہوئی ہے۔
ایکسچینج کمپنیز ایسوسی ایشن کے مطابق اوپن مارکیٹ میں ڈالر 157.20 سے کم ہوکر 156.70 روپے کا ہوگیا ہے۔
فاریکس ڈیلرز کے مطابق انٹربینک میں 25 پیسے کمی کے بعد ڈالر 156.60 روپے پر فروخت ہورہا ہے۔
یاد رہے کہ اگست 2018 میں پاکستان تحریک انصاف (پی ٹی آئی) کی حکومت برسراقتدار آئی تو ڈالر 122 روپے کا تھا اور گزشتہ ایک سال سے ڈالر کی قیمت میں مسلسل اضافہ دیکھا گیا تاہم اب ڈالر کی قیمت میں اضافہ رک گیا ہے۔
سرگودھا(نمائندہ باغی ٹی وی)زچہ و بچہ مولا بخش ہسپتال میں نومولود بچہ مبینہ طور پر تبدیل کر لیا گیا، لواحقین کا الزام، ورثاءکااحتجاج، پولیس نے کاروائی شروع کر دی، تفصیلات کے مطابق 37جنوبی کا رہائشی محنت کش مدثر اپنی بیوی عزیز فاطمہ کو ہفتہ اور اتوار کی درمیانی شب مولا بخش ہسپتال لایا
آپریشن تھیٹر میں لے جایا گیا اور آپریشن کے بعد ہسپتال ڈاکٹرز اور عملہ نے بیٹا ہونے کی نوید سنا ئی لواحقین
عملے نے مبارک بادوں کی مد میں ورثاءسے چھ سو روپے وصول کر کے نومولود کو پیمپر لگا کر ان کے حوالے کر دیا گیا،
علی الصبح صفائی کےلئے بچے کا پیمپر اتار ا گیا تو وہ بیٹی تھی،انتظامیہ آئیں بائیں شائیں کرنے لگی تو ورثاءسراپا احتجاج بن گئے۔ لواحقین کا ہسپتال کے باہر انتظامیہ کے خلاف نعرے بازی۔ الٹرا ساﺅنڈ میں بھی بیٹے کی رپورٹ ہوئی تھی، ہسپتال عملے نے بچہ تبدیل کر لیا اور کوئی بھی اس کی ذمہ داری لینے کو تیار نہیں۔
پولیس موقع پر پہنچ گئی اور ورثاءکی درخواست پر کاروائی شروع کر دی گئی ہے ۔
اتوار بازاروں میں پھلوں اور سبزیوں کی قیمتوں میں کمی کردی گئی. ایک ہفتے میں 5سے 10 روپے تک کمی کی گئی.
گزشتہ ہفتے 52 روپے کلو فروخت کی جانے والی پیاز 48 روپے میں فروخت ہورہی ہے جبکہ ٹماٹر 45 روپے کمی کے بعد 35 روپے فی کلو ہوگیا۔
دیسی لہسن دو روپے اضافے کے بعد 147 روپے فی کلو میں فروخت ہورہا ہے۔ جبکہ گھیا کدو 36 روپے سے کم ہو کر 26 روپے فی کلو فروخت کیا جا رہا ہے۔
اسی طرح گزشتہ ہفتے پالک 19 روپے اور اب 15 روپے فی کلو میں فروخت ہورہا ہے۔
110 روپے فی کلو فروخت ہونے والا سیب اب 100 روپے فی کلو دستیاب ہے جبکہ 70 روپے کلو میں فرخت ہونے والا آم دس روپے کمی کے بعد 60 روپے فی کلو ہوگیا۔
مزید برآں 172 روپے میں فروخت ہونے والا انگور 20 روپے کمی کے بعد 152 روپے فی کلو ہوگیا ہے۔
قصور
الہ آباد تلونڈی کنگن پور میں عوام دوکاندار وں کے ہاتھوں لٹنے پر مجبور پرائیس کنٹرول مجسٹریٹس مٹھی گرم ہونے پر نید کی آغوش میں
تفصیلات کے مطابق الہ آباد اور گردونواح کے دیہاتیوں اور کنگن پور کے گردونواح میں دکانداروں کی لوٹ مار سے شہری لٹنے لگے میاں اکرم اور وقار یونس اور یوسف رضا وغیرہ نے صحافیوں کو بتایا کہ پرائیس کنٹرول مجسٹریٹس کی ملی بھگت سے مصنوعی مہنگائی نے غریب عوام کو فاقوں پر مجبور کر دیا ہے جب ہم نے جناب مہتاب صاحب پرائیس کنٹرول مجسٹریٹ سردار ظہیر اور سردار محمد طارق خاں اور ملک اعجاز سے نوٹس لینے کا مطالبہ کیا تو بجائے مہنگائی کرنے والوں کے خلاف کارروائی کرنے الٹا ہمیں کہا کہ یہ سب نیا پاکستان کی وجہ سے ہے ہیں ان افسران کو انکے فون 03006504304 مہتاب خاں اورسردار محمد طارق خاں 03034092123 اور سردار ظہیر 03004580146 اور جناب ملک اعجاز 03004367725 پر متعدد دفع فون کر کے شکایات کی گئیں مگر ماہانہ کمائی کی وجہ سے مجسٹریٹ صاحبان نے نوٹس لینے سے صاف انکار کر دیا
شہریوں نے اے سی چونیاں اور ڈی سی قصور سے نوٹس لینے کا مطالبہ کیا ہے
گورنر سٹیٹ بینک رضا باقر نے کہا ہے کہ معیشت کیلئے ٹیکس ضروری ہے۔ پہلامقصد ہے پرائیویٹ سیکٹرکو سپورٹ کریں۔ ایکسچینج ریٹ حقیقی ہونے سے رواں کھاتوں کے خسارے میں کمی آنا شروع ہو گئی۔
اسلام آباد میں تقریب سے خطاب کرتے ہوئے ان کا کہنا تھا کہ بہت سے نجی شعبے ٹیکس دینے کو تیار نہیں۔ جو ادارے ٹیکس نہیں دے رہے معیشت کیلئے نقصان دہ ہیں۔ اہم عہدوں پر براجمان کچھ لوگ نئے لوگوں کوآنے نہیں دیتے۔
سونا سستا ہو گیا فی تولہ 200 روپے کمی ہو گئی
گولڈ مارکیٹ ، سونے کی قیمت میں فی تولہ 200 روپے کی کمی، تفصیلات کے مطابق جمعرات کوبین الاقوامی گولڈ مارکیٹ میں فی اونس سونے کی قیمت میں 8 ڈالرکی کمی ریکارڈ کی گئی،جس کے نتیجے میں فی اونس سونے کی قیمت 1545ڈالرسے گھٹ کر 1537ڈالرہوگئی ۔
سرگودہا،خوشاب (نمائندہ باغی ٹی وی )پنجاب اسمبلی کی رکن محترمہ ساجدہ آہیر صاحبہ ایم پی اے اور ڈپٹی کمشنر خوشاب مسرت جبین نے ڈسٹرکٹ پرائس کنٹرول کمیٹی کے اجلاس کی صدارت کرتے ہوئے تاجروں اور دوکانداروں کو متنبہ کیاہے کہ وہ بنیادی ضرورت کی اشیائے صر ف طے شدہ نرخوں کے مطابق فروخت کو یقینی بنائیں بصورت دیگر پرائس کنٹرول مجسٹریٹ ان کے خلاف سخت قانونی کاروائی کریں گے -انہوں نے کہا کہ حکومت پنجاب کی پالیسی پر عملدرآمد کروا کر ہی لوگوں کو ریلیف بہم پہنچا یاجا سکتا ہے -وہ اپنے آفس کے کانفرنس روم میں اجلاس کی صدارت کرتے ہوئے ان خیالات کا اظہار کر رہی تھیں اجلاس میں ایڈیشنل ڈپٹی کمشنر (جنرل) خوشاب نادیہ شفیق،ڈی او انڈسٹریز متین اصغر گوندل،ای اے ڈی اے مارکیٹ کمیٹی جاوید اقبال،دیگر افسران کے علاوہ ممبران کمیٹی تاجروں کے عہدیداروں،صارفین کے نمائیندوں،پی ٹی آئی کے عہدیداران ، اور دیگر ممبران کمیٹی نے شرکت کی -اجلاس میں اشیائے صرف کا ازسر نو جائیزہ لیاگیا -اجلاس کے فیصلے کے مطابق سپر کرنل چاول پرانا 130،نیا چاول 120 روپے،سیاہ چنا 100روپے،سفید چنا 100 روپے،دال چنا موٹی 110روپے،دال چنا باریک 100روپے،بیسن 108 روپے،چینی 75 روپے،سرخ مرچ مارشل 300 روپے،مسوردال موٹی 93روپے مسور دال باریک 105 روپے مسور ثابت 85 روپے دال ماش دھلی ہوئی 155 روپے،دال مونگ دھلی ہوئی 142 روپے،بیف 350روپے،مٹن 700 روپے،دودھ 70روپے،روٹی (100گرام)فی 6 روپے،نان (120گرام) فی 10 روپے اوردہی 75 روپے فی کلو گرام کے حساب سے فروخت کیا جا سکے گا -آٹا اورگھی حکومت پنجاب کی پالیسی اور نوٹیفکیشن کے مطابق فروخت ہوگا -ہوٹلز ایسوسی ایشن کے صدر عبدالشکور کی جانب سے روٹی کی فی قیمت اضافہ کے مطالبہ پر صدر اجلاس نے کہا کہ حکومت پنجاب کی پالیسی کے مطابق روٹی کی قیمت میں اضافہ نہیں کیا جاسکتا -لہذٰافی روٹی چھ روپے کے حساب سے ہی فروخت کی جائے –